သတင်းနှင့် လှုပ်ရှားမှုများ

   ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်၊ တိုးရွှေဝါခန်းမတွင် မအူပင်ခရိုင်အတွင်းရှိ ဒေသတွင်း အသေးစား၊ အငယ်စား၊ အလတ်စား စီးပွားရေးလုပ်ငန်းရှင်များ (MSMEs) ၏ထုတ်ကုန်ပြပွဲကို (၈-၆-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ဧရာဝတီတိုင်းဒေသကြီး၏ တိုင်းဒေသကြီးသယံဇာတဝန်ကြီး ဦးအုန်းမြင့်က ဖဲကြိုးဖြတ်ဖွင့်လှစ်ပေးခဲ့ပါသည်။

 အဆိုပါဖွင့်ပွဲအခမ်းအနားကျင်းပပြုလုပ်ပြီးနောက် ဧရာဝတီတိုင်းဒေသကြီး၏ သယံဇာတဝန်ကြီး ဦးအုန်းမြင့်နှင့်အတူ မအူပင်ခရိုင်၊ အထွေထွေအုပ်ချုပ်ရေးဦးစီးဌာနမှ ခရိုင်အုပ်ချုပ်ရေးမှူး ဦးညီညီထွေးနှင့်အဖွဲ့ဝင်များ၊ မအူပင်မြို့နယ်၊ အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး ဦးတိုးတိုးဝင်းနှင့် အဖွဲ့ဝင်များလိုက်ပါ၍ မအူပင်မြို့နယ်၊ တိုးရွှေဝါခန်းမအတွင်းရှိ အသေးစား၊ အငယ်စား၊ အလတ်စား စီးပွားရေးလုပ်ငန်းရှင်များ (MSMEs) ၏ ပြခန်းပေါင်း (၂၀ ) ခန့်ကို တက်ရောက်အားပေးခဲ့ပါသည်။

    မအူပင်ခရိုင်သည် မြစ်ဝကျွန်းပေါ်ဒေသဖြစ်သည့်အတွက် မအူပင်၊ ပန်းတနော်၊ ညောင်တုန်း၊ ဓနုဖြူမြို့နယ်များ၏ အသားတင်စိုက်ပျိုးမြေဧရိယာပေါင်း (၇၀၈၁၉၆) ခန့်ရှိပြီး အဓိကသီးနှံ (၁၀) မျိုးမှာ စပါး၊ မြေပဲ၊ နှမ်း၊ နေကြာ၊ မတ်ပဲ၊ ပဲတီစိမ်း၊ ပဲစင်းငုံ၊ ဝါ၊ ကြံနှင့် အစေ့ထုတ်ပြောင်းတို့ဖြစ်ကြောင်း လေ့လာသိရှိရပါသည်။ မအူပင်ခရိုင်အနေဖြင့် စိုက်ပျိုးရေးကို အဓိကထားဆောင်ရွက်သဖြင့် ထွက်ရှိပြီးသောစပါးများကို တန်ဖိုးမြှင့်ကြိတ်ခွဲ၍ ပြည်တွင်းစားဆန်နှင့် ပိုလျှံသည့်စပါးများကို နိုင်ငံခြားငွေရရှိစေရန် တန်ဖိုးမြှင့်ထုတ်ကုန်များထုတ်လုပ်ရန်အတွက် မအူပင်မြို့တွင် အဆင့်မြင့်ဆန်စက် (၁၉) စက်၊ ပန်းတနော်မြို့နယ်တွင် အဆင့်မြင့်ဆန်စက် (၁၈) စက်၊ ညောင်တုန်းမြို့နယ်တွင် အဆင့်မြင့်ဆန်စက် (၄၂) စက်နှင့်၊ ဓနုဖြူမြို့နယ်တွင် အဆင့်မြှင့်ဆန်စက် (၄၂) စက်ဖြင့် တန်ဖိုးမြှင့်ဆန်များထုတ်လုပ်ရုံသာမက ငါးမွေးမြူရေးကဏ္ဍနှင့် ဒေသတွင်း အသေးစား၊ အငယ်စား၊ အလတ်စား စီးပွားရေးလုပ်ငန်းများ (MSMEs) ဖွံ့ဖြိုးတိုးတက်ရေးအတွက်လည်း အားသွန်ခွန်စိုက်ဆောင်ရွက်လျက်ရှိသည်ကို လေ့လာတွေ့ရှိရပါသည်။

    ဒေသတွင်း အသေးစား၊ အငယ်စား၊ အလတ်စား စီးပွားရေးလုပ်ငန်းရှင်များ (MSMEs) ၏ ထုတ်ကုန်ကုန်ပြပွဲကို (၈-၆-၂၀၂၃) ရက်နေ့မှ (၁၀-၆-၂၀၂၃) ရက်နေ့ထိဖွင့်လှစ်ပြသခဲ့ပြီး မအူပင်မြို့နယ်၏ ဒေသထွက်ကုန်များဖြစ်သည့် ဆန်၊ စပါး၊ ပဲ၊ ပြောင်းများ၏ ထွက်ကုန်ကဏ္ဍ၊ အငယ်စားစီးပွားရေးလုပ်ငန်းများဖြစ်သော ကျား၊ ပဲမုန့်၊ ကျားသစ်ပဲမုန့်၊ MMK ပဲမုန့်၊ လင်းလင်းသနပ်ခါးနှင့် သမီးချောမြေပဲဆီများကို ပြသထားပြီး မအူပင်မြို့နယ်၊ စက်မှုလယ်ယာဦးစီးဌာနမှ Goodbrother ကုမ္ပဏီ၏ထွန်စက်၊ မျိုးစေ့ချထွန်စက်နှင့် အခြားစက်မှုလယ်ယာသုံးစက်ကိရိယာများ၊ မအူပင်တက္ကသိုလ်မှ ငှက်ပျောပင်စည်မှထုတ်လုပ်သည့် ထုတ်ကုန်ပစ္စည်းများ၊ ပန်းတနော်မြို့နယ်၏ မွေးမြူရေးကဏ္ဍတွင် အောင်မြင်နေသော Gobal Earth Argro & Aqua Industry Public Co.,Ltd ၏ မြစ်ငါးတန်ထုတ်လုပ်မှုမှရရှိသည့် အသားလွှာများ၊ ပန်းတနော်မြို့နယ်၊ ထူးထက်ဟန်ကုမ္ပဏီ၏ အသာတိုးဝက်မွေးမြူရေးပြခန်း၊ သင်ဖြူးဖျာထုတ်ကုန်ပစ္စည်းပြခန်းနှင့် ညောင်တုန်းမြို့နယ်၊ နို့စားနွားမွေးမြူရေးလုပ်ငန်းမှထုတ်လုပ်သည့် နို့နှင့် နို့ထွက်ပစ္စည်းပြခန်းများနှင့်၊ ဓနုဖြူမြို့နယ်၏ အသေးစား၊ အငယ်စား၊ အလတ်စားလုပ်ငန်းပြခန်းများကို စိတ်ဝင်စားသော စားသုံးသူပြည်သူများ၊ ကျောင်းသား/သူများ၊ နိုင်ငံ့ဝန်ထမ်းများနှင့် လုပ်ငန်းရှင်များလာရောက်ကြည့်ရှု၍ ဝယ်ယူအားပေးခဲ့ကြောင်း လေ့လာသိရှိရပါသည်။

    မအူပင်ခရိုင်သည် စိုက်ပျိုးရေးကဏ္ဍနှင့် မွေးမြူရေးကဏ္ဍတွင်သာမက ဒေသတွင်း အသေးစား၊ အငယ်စား၊ အလတ်စား စီးပွားရေးလုပ်ငန်းရှင်များ (MSMEs) ၏ ထုတ်ကုန်ကဏ္ဍများတွင်လည်း အောင်မြင်တိုးတက်ထုတ်လုပ်လာနိုင်မည့် အလားအလာကောင်းများကို ယခုပြခန်းဖွင့်လှစ်ပြသမှုမှ တွေ့မြင်သိရှိရပါသည်။

   (၁၀-၆-၂၀၂၃) ရက်နေ့၊ ညနေ (၁၈း၃၀) နာရီအချိန်တွင် မအူပင်ခရိုင်၊ အထွေထွေအုပ်ချုပ်ရေးဦးစီးဌာနမှ ခရိုင်အုပ်ချုပ်ရေးမှူး ဦးညီညီထွေးနှင့် အဖွဲ့ဝင်များသည် ပြခန်းများအတွင်းသို့ လာရောက်ကြည့်ရှု၍ အားပေးစကားပြောကြားပြီးနောက် မအူပင်ခရိုင်၊ မအူပင်မြို့နယ်၊ တိုးရွှေဝါခန်းမတွင်ပြသထားသော မအူပင်ခရိုင်၊ ဒေသတွင်း အသေးစား၊ အငယ်စား၊ အလတ်စား စီးပွားရေးလုပ်ငန်းရှင်များ (MSMEs) ၏ ထုတ်ကုန်ပြပွဲသည် အောင်မြင်စွာကျင်းပပြီးစီးခဲ့ကြောင်း သတင်းရရှိပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ ဖျာပုံခရိုင်၊ စားသုံးသူရေးရာဦးစီးဌာန၊ ဒုတိယခရိုင်ဦးစီးမှူးနှင့် မြို့နယ်တာဝန်ခံတို့သည် (၁၁-၆-၂၀၂၃) ရက်နေ့၊ နံနက် (၁၁:၀၀) နာရီအချိန်တွင် ဖျာပုံမြို့၊ အမှတ် (၁၄) ရပ်ကွက်ရှိ ပြည်သူ (၅၆) ဦးတို့အား စားသုံးသူကာကွယ်ရေးအသိပညာပေးဟောပြောခြင်းဆောင်ရွက်ခဲ့ပါသည်။

  အဆိုပါဟောပြောပွဲတွင် ဒုတိယခရိုင်ဦးစီးမှူး ဦးစိုးမင်းထိုက်က စားသုံးသူကာကွယ်ရေးဥပဒေ ၂၀၁၉၊  အခန်း(၉)၊ ပုဒ်မ (၁၉) ပါ စားသုံးသူအခွင့်အရေးနှင့်တာဝန်များ၊ ကုန်စည်နှင့်စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့်အခွင်အ‌ရေးများ၊ လုပ်ငန်းရှင်များက မိမိတို့ဖြန့်ဖြူးသောကုန်စည်များနှင့်ပတ်သက်၍ တာဝန်ယူမှု၊ အာမခံချက်များအကြောင်း၊ ဈေးကွက်တွင် ဖြန့်ဖြူးရောင်းချလျက်ရှိသောကုန်စည်၊ ဝန်ဆောင်မှုများကို မည်သို့ရွေးချယ်ဝယ်ယူရမည်ဖြစ်ကြောင်းတို့ကို ဟောပြောခဲ့ပြီးနောက် မြို့နယ်တာဝန်ခံ ဦးမင်းဇော်က စားသုံးသူကာကွယ်ရေးဥပဒေ ၂၀၁၉၊ အခန်း (၁၈) ပါ ပုဒ်မ (၄၁)၊ (၄၃)တို့အရ ကုန်အညွှန်းအမှတ်အသားဖော်ပြခြင်းဆိုင်ရာများကို ပြောကြားခြင်းနှင့် ကုန်အညွှန်းအမှတ်အသားဖော်ပြရာ တွင် စီးပွားရေးလုပ်ငန်းရှင်များလိုက်နာဆောင်ရွက်ရန်ညွှန်ကြားချက်များ၊ စားသုံးသူများနစ်နာမှုဖြစ်ပေါ်လာပါက တိုင်ကြားနိုင်သည့်စင်တာများဖွင့်လှစ်ထားကြောင်း၊  Consumer Call Center No. (1535) သို့လည်း တိုင်ကြားနိုင်ကြောင်း အသိပညာပေးဟောပြောခဲ့မှုအား သိရှိရပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ၊ တောင်ငူမြို့နယ်တာဝန်ခံ ဦးမြင့်သူ ဦးဆောင်၍ တောင်ငူခရိုင်ဦးစီးမှူးရုံးမှ ဝန်ထမ်းများ ပါဝင်သောအဖွဲ့သည် ခရိုင်မိုးလေဝသနှင့်ဇလဗေဒညွှန်ကြားမှုဦးစီးဌာန၊ ခရိုင်ဘေးအန္တရာယ်စီမံခန့်ခွဲရေးဦးစီးဌာနတို့နှင့် ပူးပေါင်း၍ ၂၀၂၃ခုနှစ်၊ဇွန်လ ၁၃ ရက်နေ့၊ နံနက်ပိုင်းက တောင်ငူမြို့၊ အမှတ်(၁)အခြေခံပညာအထက်တန်းကျောင်းခွဲ၌ ကျောင်းသားကျောင်းသူများအား စားသုံးသူကာကွယ်ရေးဆိုင်ရာများကို အသိပညာပေး ဟောပြောခဲ့ပါသည်။

  ဟောပြောပွဲတွင် မြို့နယ်တာဝန်ခံ ဦးမြင့်သူက စားသုံးသူရေးရာဦးစီးဌာန ပေါ်ပေါက်လာပုံ၊ စားသုံးသူ၏ အခွင့်အရေးများ၊ စားသုံးသူနစ်နာဆုံးရှုံးမှုရှိပါက တိုင်ကြားနိုင်ခြင်းများကို အကျယ်တဝင့် ဟောပြောဆွေးနွေးခဲ့ပါသည်။ မိုးလေဝသနှင့်ဇလဗေဒညွှန်ကြားမှုဦးစီးဌာန ခရိုင်ဦးစီးမှူး ဦးမျိုးမြင့်အောင်နှင့် ဘေးအန္တရာယ်စီမံခန့်ခွဲရေးဦးစီးဌာန၊ ခရိုင်ဦးစီးမှူး ဦးသန်းထွန်းအောင်တို့က လည်း မိမိတို့နှင့်သက်ဆိုင်သည့် ဌာနများအလိုက် သိသင့်သိထိုက်သည်များကို အသိပညာပေး ဟောပြောခဲ့ပါသည်။

  ဟောပြောပွဲသို့ ကျောင်းသားကျောင်းသူ ၂၀၀ ဦး တက်ရောက်ခဲ့ပါသည်။ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးအနေဖြင့် မိမိဌာနတစ်ခုတည်းအနေဖြင့်လည်းကောင်း၊ မိတ်ဖက်ဌာနများနှင့်ပူးပေါင်း၍လည်းကောင်း တောင်ငူခရိုင်အတွင်း စားသုံးသူကာကွယ်ရေးဆိုင်ရာ အသိပညာပေးဟောပြောခြင်းများကို အရှိန်အဟုန်မပျက် ဆောင်ရွက်လျက်ရှိကြောင်း သိရပါသည်။

DOCA(ပဲခူး)

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ကျိုက်လတ်မြို့နယ်တာဝန်ခံနှင့် ဝန်ထမ်းတို့ သည် (၁၃-၆-၂၀၂၃) ရက်နေ့၊ နံနက် (၁၁:၀၀) နာရီအချိန်တွင် အမှတ် (၁) ရပ်ကွက်ရှိ ဒေါ်ခင်ခင်၏နေအိမ်တွင် ပြည်သူ (၉) ဦးအား စားသုံးသူကာကွယ်ရေးအသိပညာပေးခြင်းကိုဆောင်ရွက်ခဲ့ပါသည်။

      အဆိုပါဟောပြောပွဲတွင် မြို့နယ်တာဝန်ခံက စားသုံးသူကာကွယ်ရေးဥပဒေနှင့်ပတ်သတ်၍ စားသုံးသူများလုံခြုံစိတ်ချမှုရှိစေရေးအတွက် စားသုံးသူအခွင့်အရေးနှင့်တာဝန်များ၊ ကုန်စည်နှင့်ဝန်ဆောင်မှုများကို ဝယ်ယူခြင်းမပြုမီ သတိပြုဆောင်ရွက်ရမည်အချက်များ၊ ကုန်စည်နှင့်စပ်လျဉ်း၍  အာမခံပေးထားမှုအပေါ် စားသုံးသူက တောင်းဆိုနိုင်သည့်အခွင့်အရေးများ၊ မည်သည့်လုပ်ငန်းရှင်မဆို  ကုန်အညွှန်းအမှတ်အသားနှင့်စပ်လျဉ်း၍ တာဝန်ယူမှု၊ တာဝန်ခံမှုအကြောင်းအရာများ၊ ဘေးအန္တရာယ် ကင်းရှင်း၍ လုံခြုံစိတ်ချမှုရှိသည့် အရည်အသွေးမီကုန်စည်များကိုသုံးစွဲနိုင်ရေးအတွက် ဈေးကွက်   စောင်ကြည့်စစ်ဆေးမှုများပြုလုပ်လျက်ရှိကြောင်း အသိပညာပေးဟောပြောခဲ့ပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပန်းတနော်မြို့နယ်ဦးစီးမှူး ဦးပိုးဖြူပိုင်မင်းသည် (၉-၆-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ပန်းတနော်မြို့နယ်၊ အနောက်ပိုင်းရပ်ကွက်ရှိ သင်ဖြူးဖျာလုပ်ငန်းသို့သွားရောက်ကွင်းဆင်း၍ လုပ်ငန်းရှင်အသိပညာပေးဆွေးနွေးခြင်းဆောင်ရွက်ခဲ့ပါသည်။

  အသိပညာပေးဆွေးနွေးမှုတွင် ပန်းတနော်မြို့နယ်ဦးစီးမှူး ဦးပိုးဖြူပိုင်မင်းနှင့် ဝန်ထမ်းများသည် သင်ဖြူးဖျာလုပ်ငန်းရှင်အားတွေ့ဆုံ၍ စားသုံးသူ ကာကွယ်ရေးဥပဒေ (၂၀၁၉)ပါ အကြောင်းကို အကျယ်တဝင့်ရှင်းလင်းဆွေးနွေးပြီးနောက် စားသုံးသူကာကွယ်ရေးလုပ်ငန်းစဉ်များအကြောင်း၊ စားသုံးသူအခွင့်အရေး (၈) ချက်၊ စားသုံးသူကာကွယ်ရေးဥပဒေ (၂၀၁၉)၊ အခန်း (၁)၊ အမည်နှင့်အဓိပ္ပါယ်ဖော်ပြချက်များအကြောင်းကို ရှင်းလင်းဆွေးနွေးခဲ့ပြီး စားသုံးသူအခွင့်အရေးနှင့် စားသုံးသူကာကွယ်ရေးလုပ်ငန်းစဉ်များအကြောင်းကို သိရှိလေ့လာလိုပါက www.doca.gov.mm website တွင် လှုပ်ရှားမှုများကို ဝင်ရောက်လေ့လာနိုင်ပါကြောင်း၊ Facebook Page တွင်လည်း ဝင်ရောက်လေ့လာနိုင်ကြောင်း၊ စားသုံးသူအခွင့်အရေးကို ကိုယ်တိုင်ရယူတတ်စေရန်အတွက် ပြည်သူတိုင်းသည် စားသုံးသူဖြစ်၍ စားသုံးသူတိုင်းတွင် စားသုံးသူအခွင့်အရေးရှိကြောင်း၊ စားသုံးသူအခွင့်အရေးနစ်နာဆုံးရှုံးမှုများရှိလာလျှင် တိုင်ကြားနိုင်ကြောင်း၊ တိုင်ကြားခြင်းနှင့်ပတ်သက်၍ အလွယ်တကူတိုင်ကြားနိုင်ရန် (CICC) ဖွင့်လှစ်ထားကြောင်း၊ DOCA Myanmar Mobile Application ဖြင့်လည်းကောင်း တိုင်ကြားနိုင်ကြောင်း၊ စားသုံးသူစစ်တမ်းကောက်ယူမှုအရ ဖုန်းဖြင့်ဆက်သွယ်တိုင်ကြားမှုနည်းလမ်းလိုအပ်သူများကြောင့် Consumer Call Center No. (1535) သို့လည်းကောင်း နစ်နာသူကိုယ်တိုင် (သို့မဟုတ်) မိသားစုဝင်များသည် အစိုးရဌာနအဖွဲ့အစည်းများ၊ စားသုံးသူကာကွယ်ရေးဆိုင်ရာ အသင်းအဖွဲ့များမှတစ်ဆင့် တိုင်ကြားနိုင်ကြောင်းကို ပြောကြားခဲ့ပြီး ပြည်သူများကလည်း သိရှိလိုသည်များကိုမေးမြန်းခဲ့ကြပြီး ဟောပြောပွဲအောင်မြင်စွာပြီးမြောက်ခဲ့ကြောင်း သိရပါသည်။

DOCA(ဧရာဝတီ)