သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ ကျိုက်လတ်မြို့နယ် စားသုံးသူရေးရာဦးစီးဌာနမှမြို့နယ်တာဝန်ခံနှင့်ဝန်ထမ်းတို့သည် ၂၀၂၃ခုနှစ်၊ ဇူလိုင်လ(၁၂)ရက်၊ နေ့လယ်(၁၂:၀၀)နာရီအချိန်တွင် ကျိုက်လတ်မြို့ အ.ထ.က(၃)ကျောင်းတွင်   ဆရာ / ဆရာမ(၃၃)ဦးနှင့် ကျောင်းသား / ကျောင်းသူ(၂၀၀)ဦးတို့ကို စားသုံးသူကာကွယ်ရေး  အသိညာပေးခြင်းကို ဆောင်ရွက်ခဲ့ပါသည်။

       အဆိုပါ ဟောပြောပွဲတွင် စားသုံးရန်မသင့်သော အစားအစာများအကြောင်း၊ ဆိုးဆေးကဲ့သို့သော ဓာတုဆေးများအကြောင်း၊ စားသုံးသူအခွင့်အရေးနှင့် တာဝန်များအကြောင်း၊ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့် ဖော်ပြထားသောကုန်စည်များကိုသာ ရွှေးချယ်ဝယ်ယူသင့်ကြောင်း၊ ကျန်းမာရေးနှင့်ညီညွှတ်သော အစားအစာများကို ရွေးချယ်ဝယ်သူစားသုံးကြရန်နှင့် ကုန်စည်၊ ဝန်ဆောင်မှုများကြောင့် စားသုံးသူများ နစ်နာဆုံးရှုံးမှုများရှိလာပါက တိုင်ကြားမှုစင်တာ    ဖွင့်ထားသဖြင့် လာရောက်တိုင်ကြားနိုင်ကြောင်းတို့ကို အသိအညာပေးဟောပြောခဲ့ကြောင်း သတင်း ရရှိပါသည်။

DOCA(ဧရာဝတီ)

   စားသုံးသူရေးရာဦးစီးဌာနသည် ကုန်စည်/ဝန်ဆောင်မှုများနှင့်ပတ်သက်၍ စားသုံးသူများလုံခြုံစိတ်ချရမှုရှိစေရေး၊ ဘေးအန္တရာယ်ကင်းရှင်းရေး၊ နစ်နာဆုံးရှုံးမှုမရှိစေရေးနှင့် နစ်နာဆုံးရှုံးမှုများရှိလာပါက ဖြေရှင်းဆောင်ရွက်ပေးနိုင်ရေးတို့ကို အစဉ်တစိုက်ကြိုးပမ်းဆောင်ရွက်လျက်ရှိပါသည်။

     စားသုံးဆီများသည် နေ့စဉ်ချက်ပြုတ်စားသောက်ရာတွင် မပါမဖြစ်ထည့်သွင်းအသုံးပြုရသည့်ကုန်စည်ဖြစ်သောကြောင့် သတ်မှတ်စံချိန်စံညွှန်းများနှင့်ကိုက်ညီမှုမရှိသည့်ဆီများနှင့် ပြန်လည်သန့်စင်ထားသည့်ဆီများကို ဈေးကွက်အတွင်းရောင်းချနေပါက စားသုံးသူများအား ဘေးအန္တရာယ်ဖြစ်ပွားစေခြင်း၊ ဘေးအန္တရာယ်ဖြစ်စေနိုင်သည့်ဆီများကို ရေရှည်စားသုံးမိပါက စားသုံးသူများအနေဖြင့် ကျန်းမာရေးဆိုင်ရာဆိုးကျိုးများဖြစ်ပွားလာနိုင်ခြင်း၊ ညွှန်ကြားချက်အမှတ် (၁/၂၀၂၂) ဖြင့် ပင်ရင်းပါဝင်ပစ္စည်းကိုအခြေခံသော ကုန်စည်၏အမျိုးအမည်အား မြန်မာဘာသာဖြင့် တိကျစွာဖော်ပြစေခြင်းကို လိုက်နာဆောင်ရွက်မှုရှိ/မရှိတို့စစ်ဆေးရန်အတွက် တိုင်း/ပြည်နယ်များအနေဖြင့် စားသုံးဆီအမျိုးမျိုးနှင့်ပတ်သက်၍ ဈေးကွက်စောင့်ကြည့်စစ်ဆေးခြင်းလုပ်ငန်းများဆောင်ရွက်ရန် စားသုံးသူရေးရာဦးစီးဌာန (ရုံးချုပ်) မှညွှန်ကြားထားရှိပါသည်။

          သို့ဖြစ်ပါ၍ မုံရွာခရိုင်ဦးစီးမှူးရုံးအနေဖြင့် (၁၀-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ခရိုင်ဦးစီးမှူးနှင့်ဝန်ထမ်း (၁) ဦး၊ တိုင်းဒေသကြီးဦးစီးမှူးရုံးမှ ဝန်ထမ်း (၂) ဦး၊ သက်ဆိုင်ရာမိတ်ဖက်ဌာနများဖြစ်သော တိုင်းဒေသကြီးအစားအသောက်နှင့်ဆေးဝါးကွပ်ကဲရေးဦးစီးဌာနမှ ဝန်ထမ်း (၁) ဦး၊ မြို့နယ်စည်ပင်သာယာရေးအဖွဲမှ ဝန်ထမ်း (၁) ဦး၊ စုစုပေါင်း (၆) ဦးတို့သည် မုံရွာမြို့ပေါ်ရှိ စားသုံးဆီတံဆိပ်အမျိုးမျိုးရောင်းချလျက်ရှိသော Ocean Center သို့လည်းကောင်း၊ ချင်းတွင်းရတနာဈေးနှင့် သီရိရတနာဈေးရှိ ကိုယ်ပိုင်ဆီစက်ဖြင့်ဆီကြိတ်၍ ကိုယ်ပိုင်တံဆိပ်ကပ်ရောင်းချလျက်ရှိသော ဆီဆိုင်များသို့လည်းကောင်း၊ စက်မှုဇုန်ရပ်ကွက်ရှိ ဆီစက်များသို့လည်းကောင်း သွားရောက်၍ ကုန်အညွှန်းအမှတ်အသားများပြည့်စုံမှုရှိ/မရှိ၊ ညွှန်ကြားချက်အမှတ် (၁/၂၀၂၁) ပါ ညွှန်ကြားချက်များနှင့်ကိုက်ညီမှုရှိ/မရှိတို့ကိုစစ်ဆေးခဲ့ကြကြောင်း၊ (၁၄-၇-၂၀၂၃) ရက်နေ့၊  နံနက် (၁၀:၀၀) နာရီအချိန်တွင် မုံရွာခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့်ဝန်ထမ်း (၁) ဦးတို့သည် နန္ဒဝန်ရပ်ကွက်ရှိ K-MART စတိုး၊ မြဝတီရပ်ကွက်ရှိ ဆင်မင်း-၄ စတိုးဆိုင်များသို့လည်း သွားရောက်စစ်ဆေးခြင်းများဆောင်ရွက်ခဲ့ကြကြောင်း သတင်းရရှိပါသည်။

DOCA(စစ်ကိုင်း)

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့နယ် တာဝန်ခံနှင့်အဖွဲ့သည်  ခရိုင်FDA အဖွဲ့ဦးဆောင်သော မြို့နယ်ရဲတပ်ဖွဲ့၊ မြို့နယ်စည်ပင်သာယာရေးအဖွဲ့၊ အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာနပူးပေါင်းအဖွဲ့သည် (၁၄.၇.၂၀၂၃) ရက်နေ့၊ နံနက်(၀၇:၀၀)နာရီအချိန်တွင် အောင်မင်္ဂလာဈေးအတွင်းရှိ ပဲပြား၊ မုန့်ဖတ်နှင့် မျှစ်အရောင်းဆိုင်များကို ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းခဲ့ရာတွင် ပူးပေါင်းအဖွဲ့သည် စားသုံးသူမိဘပြည်သူများ ဘေးအန္တရာယ် ကင်းရှင်းစေရန်အတွက် ဈေးကွက်အတွင်းရောင်းချနေသော စားသောက်ကုန်စည်များ ဖြစ်သည့် ပဲပြား၊ မုန့်ဖတ်နှင့် မျှစ်များတွင် တားမြစ်ဆေးဝါးများသုံးစွဲခြင်းရှိ/မရှိ နမူနာကောက်ယူစစ်ဆေးခဲ့ပြီးနောက် စားသုံးသူရေးရာဦးစီးဌာန၊ လေးမျက်နှာမြို့နယ် တာဝန်ခံက စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏တာဝန်များအကြောင်းနှင့် တားမြစ်ချက်များအကြောင်း၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်ဖြစ်ကြောင်း၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေး ပြည့်မီသော ကုန်စည်များကိုသာရောင်းချရန်ဖြစ်ကြောင်းစသည်တို့ကို အသိပညာပေးဆွေးနွေးခဲ့ကာ ကုန်မျိုးစုံအရောင်းဆိုင်(၅)ဆိုင်ကို ဈေးကွက်စောင့်ကြည့် စစ်ဆေးခြင်းများဆောင်ရွက်ခဲ့ကြကြောင်း သိရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ ပုသိမ်မြို့ ၊စားသုံးသူရေးရာဦးစီးဌာန အစည်းအဝေးခန်းမတွင် ၂၀၂၃ခုနှစ်၊ဇူလိုင်လ(၁၄)ရက်နေ့၊ နံနက်(၁၀:ဝဝ)နာရီ တွင် စက်မှုကြီးကြပ်ရေးနှင့်စစ်ဆေးရေးဦးစီးဌာနမှ ဦးဆောင် ကျင်းပသော ရေသန့်၊ ရေခဲစက်နှင့် အအေးခန်းစက်ရုံသုံး အမိုးနီးယားဓာတ်ငွေ့များ လုပ်ငန်းခွင်သုံး ဓာတုပစ္စည်းနှင့်ဆက်စပ်ပစ္စည်းများ အသုံးပြုမှုဆိုင်ရာ သိကောင်းစရာများ ဟောပြောဆွေးနွေးပွဲ အခမ်းအနားကျင်းပပြုလုပ်ခဲ့ပါသည်။

    စက်မှုကြီးကြပ်ရေးနှင့်စစ်ဆေးရေးဦးစီးဌာန ၊ စက်မှုဝန်ကြီးဌာန၊ (ရုံးချုပ်)နေပြည်တော် ညွှန်ကြားရေးမှူးဦးအောင်ကိုစန်းမှ အဖွင့်အမှာစကားပြောကြား၍ တိုင်းဒေသကြီးဦးစီးမှူး ဦးဝင်းဦးမှ ပုဂ္ဂလိကစက်မှု မှတ်ပုံတင်ခြင်းဆိုင်ရာကိစ္စများနှင့်ပတ်သက်၍ ရှင်းလင်းတင်ပြပြီး စက်မှုဝန်ကြီးဌာန(ရုံးချုပ်)မှ ဒုတိယညွှန်ကြားရေးမှူး ဒေါက်တာပပစိုးမှ လုပ်ငန်းခွင်သုံး ဓာတုပစ္စည်းနှင့် ဆက်စပ်ပစ္စည်းများအသုံးပြုမှုဆိုင်ရာ အလုပ်ရှင်သိကောင်းစရာများကို အသေးစိတ် အသိပညာပေး ဟောပြောဆွေးနွေးခဲ့ပါသည်၊၊

       ဟောပြောပွဲသို့ တိုင်းအဆင့်ဌာနဆိုင်ရာ(၁၀)ဦး ၊ ဖိတ်ကြားထားသော လုပ်ငန်းရှင်(၁၀)ဦး စုစုပေါင်း (၇၀) ဦး တက်ရောက်ခဲ့ပြီး ဟောပြောပွဲကို နေ့လယ် ၁၂:၃၀ နာရီ တွင် ရုပ်သိမ်းခဲ့ကြောင်း သိရသည်၊၊

DOCA(ဧရာဝတီ)

   ကျောက်ဆည်ခရိုင်၊ စားသုံးသူရေးရာဦးစီးဌာနသည် စားသုံးသူများဘေးအန္တရာယ်ကင်းရှင်းရေး ၊ထုတ်ကုန်များလုံခြုံစိတ်ချရမှုရှိစေရေးတို့အတွက် စားသုံးသူကာကွယ်ရေး အသိပညာပေးဟောပြောပွဲများ ကျင်းပခြင်းနှင့် ဈေးကွက်စောင့်ကြည့်စစ်ဆေးခြင်းလုပ်ငန်းများအား စဉ်ဆက်မပြတ် ဆောင်ရွက်လျက်ရှိရာ ကုန်စည်(၃)မျိုးဖြစ်သည့် စားသုံးဆီအမျိုးမျိုး၊ အသင့်သောက်အချိုရည်အမျိုးမျိုးနှင့် ထိခိုက်နစ်နာလွယ်သော စားသုံးသူအုပ်စု (ကလေးများ)အတွက် ရည်ရွယ်ထုတ်လုပ်သည့် ကလေးအာဟာရဖော်စပ်ဖြည့်စွက်စာအမျိုးမျိုးကို ဦးစားပေးရွေးချယ်ခဲ့ပြီး ဇူလိုင်လတွင် စားသုံးဆီအမျိုးမျိုးအား ဈေးကွက်စောင့်ကြည့်စစ်ဆေးရန် လမ်းညွှန်မှုအရ ကျောက်ဆည်ခရိုင် ၊ စားသုံးသူရေးရာဦးစီးဌာန လက်အောက်မြို့နယ်များရှိ စားသုံးဆီအရောင်းဆိုင်များအား ဈေးကွက်စောင့်ကြည့်စစ်ဆေးခဲ့ပါသည်။

  (၁၃-၇-၂၀၂၃) ရက်နေ့တွင် စားသုံးသူရေးရာဦးစီးဌာန ခရိုင်ဦးစီးမှူးဦးဆောင်သော စစ်ဆေးရေးအရာရှိများသည် မြို့နယ်စည်ပင်သာယာရေးအဖွဲ့တို့ဖြင့် ပူးပေါင်း၍ ကျောက်ဆည်၊ စဉ့်ကိုင်၊ မြစ်သားမြို့နယ်များတွင်လည်းကောင်း ၊ (၁၄-၇-၂၀၂၃) ရက်နေ့တွင် တံတားဦးမြို့နယ်နှင့် ပြင်ဦးလွင်မြို့နယ်များတွင်လည်းကောင်း စျေးကွက်အတွင်း ရောင်းချနေသော စားသုံးဆီဘူးများပေါ်၌ စားသုံးသူ ကာကွယ်ရေးဥပဒေပါ ကုန်အညွှန်းအမှတ်အသားများပြည့်စုံစွာပါရှိခြင်းရှိ/မရှိနှင့် စားသုံးဆီနှင့် ပတ်သက်သည့်ညွှန်ကြားချက်အမှတ်(၁/၂၀၂၁)အား လိုက်နာဆောင်ရွက်ခြင်းရှိ/မရှိ စျေးကွက်စောင့်ကြည့် စစ်ဆေးခဲ့ကြောင်း သတင်းရရှိခဲ့ပါသည်။

DOCA(မန္တလေး)