သတင်းနှင့် လှုပ်ရှားမှုများ

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်အနေဖြင့် ထုတ်ကုန်များလုံခြုံစိတ်ချရမှုရှိစေရေးနှင့် ကုန်အညွှန်းအမှတ်အသားများပြည့်စုံစွာထည့်သွင်းဖော်ပြစေရေးတို့အတွက် ဈေးကွက်စောင့်ကြည့်စစ်ဆေးခြင်းများကို လစဉ်ဆောင်ရွက်လျက်ရှိရာ (၁၂၀-၇၀-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ရွှေဘိုမြို့၊ အမှတ် (၈) ရပ်ကွက်၊ ဝန်တော်အိမ်ရပ်ရှိ ဆေးနှင့်ဆေးပစ္စည်းအရောင်းဆိုင်အား ရွှေဘိုခရိုင်ဦးစီးမှုးရုံးမှ ဒု-ခရိုင်ဦးစီးမှူးဦးဆောင်၍ ဝန်ထမ်း (၃) ဦး၊ ခရိုင်ပြည်သူ့ကျန်းမာရေးဦးစီးဌာနမှ ဝန်ထမ်း (၁) ဦးတို့ပူးပေါင်း၍ ဈေးကွက်စောင့်ကြည့်စစ်ဆေးခဲ့ပါသည်။

     အဆိုပါ ဆေးနှင့်ဆေးပစ္စည်းရောင်းဝယ်ရေးဆိုင်တွင် စံမညီဆေးဝါးများ၊ တရားမဝင်ဆေးဝါးများ၊ ကုန်အညွှန်းအမှတ်အသားပြည့်စုံစွာဖော်ပြထားခြင်းမရှိသည့် အိမ်သုံးဆေးဝါးများနှင့် သက်တမ်းလွန်ဆေးဝါးများရောင်းချခြင်းရှိ/မရှိတို့ကိုစစ်ဆေးခဲ့ရာ ရောင်းချခြင်းရှိကြောင်းစစ်ဆေးတွေ့ရှိရသဖြင့် စံမညီဆေးဝါး၊ တရားမဝင်ဆေးဝါးနှင့် သက်ဆိုင်သည့်အချက်အလက်များကို အသေးစိတ်ရှင်းလင်း ဆွေးနွေးခဲ့ပြီး စားသုံးသူကာကွယ်ရေးဥပဒေပါ ကုန်အညွန်းအမှတ်အသားဖော်ပြခြင်းတွင် ပါဝင်ရမည့်အချက်များ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) ပါ ဆရာဝန်ညွှန်ကြားချက်မလိုသော အိမ်သုံးဆေးဝါးသောက်ဆေး၊ လိမ်းဆေးနှင့် ကျန်းမာရေးအထာက်အကူပြု အသုံးအဆောင်ပစ္စည်းအမျိုးမျိုးတို့တွင် ပါဝင်ရမည့်ကုန်အညွန်းအမှတ်အသားများအကြောင်းကို ရှင်းလင်းဆွေးနွေးခဲ့ကာ စံမညီဆေးဝါးများနှင့် တရားမဝင်ဆေးဝါးများစာရင်းနှင့် စားသုံးသူကာကွယ်ရေးအသိပညာပေးလက်ကမ်းစာစောင်များဖြန့်ဝေခဲ့ကြကြောင်း သတင်းရရှိပါသည်။

DOCA(စစ်ကိုင်း)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကျွန်းလှမြို့နယ်တာဝန်ခံရုံးအနေဖြင့်  စားသုံးသူပြည်သူများဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေးတို့အတွက် ဈေးကွက်စောင့်ကြည့်စစ်ဆေးခြင်းလုပ်ငန်းများဆောင်ရွက်လျက်ရှိရာ ၂၀၂၃ခုနှစ်၊ ဇူလိုင်လ (၁၃) ရက်နေ့၊ နံနက် (၁၀:၀၀) နာရီအချိန်တွင် ကျွန်းလှမြို့နယ်၊ စီမံအုပ်ချုပ်ရေးအဖွဲ့ရုံးမှ ဒုတိယဦးစီးမှူး ဒေါ်ယွန်းမီမီထွန်း၊ ကျွန်းလှမြို့မရဲစခန်းမှ ရဲတပ်ကြပ် သိန်းဇော်ဌေး၊ မြို့နယ်မီးသတ်ဦးစီးဌာနမှ ဝန်ထမ်းတစ်ဦးနှင့် စားသုံးသူရေးရာဦးစီးဌာန၊  ကျွန်းလှမြို့နယ်တာဝန်ခံ (အကြီးတန်းစာရေး) ဒေါ်ဝေဝေအောင်တို့သည် ကျွန်းလှမြို့၊ သစ်ရာမြိုင်ရပ်ကွက်ဈေးအတွင်းရှိ အောင်ချမ်းမြေ့ကုန်မျိုးစုံရောင်းဝယ်ရေးဆိုင်ရှိ စားသုံးဆီများအား ဈေးကွက်စောင့်ကြည့်စစ်ဆေးခဲ့ကြပါသည်။

  အဆိုပါ ကုန်မျိုးစုံရောင်းဝယ်ရေးဆိုင်တွင် ရောင်းချသည့်စားသုံးဆီများသည် ထုတ်ကုန်လုံခြုံစိတ်ချရမှုရှိ/မရှိ၊ ကုန်အညွှန်းအမှတ်အသားများပြည့်စုံစွာဖော်ပြထားခြင်းရှိ/မရှိနှင့် သက်တမ်းလွန်ကုန်စည်များရောင်းချနေခြင်းရှိ/မရှိတို့ကို ဈေးကွက်စောင့်ကြည့်စစ်ဆေးခဲ့ရာ   Goody ဟင်းရွက်ဆီများတွင် ထုတ်ကုန်လုံခြုံစိတ်ချရမှုရှိသည့် ကုန်စည်များကိုသာတွေ့ရှိရကာ ကုန်အညွှန်းအမှတ်အသားဖော်ပြခြင်းနှင့်ကိုက်ညီမှုရှိကြောင်း၊ သက်တမ်းလွန်စားသောက်ကုန်များကိုရောင်းချမှုမရှိသော်လည်း ရောင်းချသည့် စီးပွားရေးလုပ်ငန်းရှင်များအနေဖြင့် မိမိရောင်းချသည့်ကုန်စည်အပေါ် တာဝန်ရှိမှုကိုနားလည်သိရှိစေရန်အတွက် စားသုံးသူကာကွယ်ရေးဥပဒေပါ စားသုံးသူနှင့် စီးပွားရေးလုပ်ငန်းရှင်တို့၏ အဓိပ္ပါယ်ဖွင့်ဆိုချက်များ၊  အခန်း (၁၈) ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) နှင့်အညီ ပြည့်စုံစွာထည့်သွင်းဖော်ပြ၍ ထုတ်လုပ်ဖြန့်ဖြူးသည့်ကုန်ပစ္စည်းများကိုသာရောင်းချကြရန်ဖြစ်ကြောင်းနှင့် မိမိတို့ထံ လက်ဝယ်လာရောက်ပို့ဆောင်သောကုန်ပစ္စည်းများတွင် ကုန်အညွှန်းအမှတ်အသားမပြည့်စုံပါက လာရောက်ပို့ဆောင်သူအား ကုန်အညွှန်းအမှတ်အသားပြည့်စုံစွာထည့်သွင်းပေးရန်နှင့်မပြည့်စုံပါက “မိမိတို့ကဝယ်ယူရောင်းချမည်မဟုတ်” ဟု လက်ဆင့်ကမ်းပြောကြားပေးရမည်ဖြစ်ကြောင်း၊ စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသားဖော်ပြခြင်းနှင့်ပတ်သက်၍ စားသုံးသူရေးရာဦးစီးဌာန၏ အတည်ပြုချက်ရယူနိုင်ရေး ဆောင်ရွက်ကြရန်ဖြစ်ကြောင်းနှင့် မိမိတို့စားသုံးသူရေးရာဦးစီးဌာနမှ ကုန်အညွှန်းအမှတ်အသားလျှောက်ထားရာတွင် အခမဲ့ကူညီဆောင်ရွက်ပေးပါကြောင်း၊ ဥပဒေပါ စီးပွားရေးလုပ်ငန်းရှင်၏တာဝန်များနှင့် လိုက်နာရမည့်အချက်များအကြောင်းကို သိရှိလိုက်နာရမည်ဖြစ်ကြောင်းတို့ကို အသိပညာပေးဆွေးနွေးခဲ့ပြီး လက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

       စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံး၊ ပန်းတနော်မြို့ နယ်ဦးစီးမှူးရုံးသည် (၁၃.၇.၂၀၂၃)ရက်နေ့ (၁၄:၃၀)အချိန်တွင် ထောက်ရှာကုန်းကျေးရွာရှိ ပြည်သူများအား စားသုံးသူကာကွယ်ရေးဥပဒေများအကြောင်း အသိပညာပေးဟောပြောဆွေးနွေးခဲ့ပါသည်။

       အဆိုပါဆွေးနွေပွဲတွင် ပန်းတနော်မြို့နယ်ဦးစီးမှူး ဦးပိုးဖြူပိုင်မင်းက စားသုံးသူကာကွယ်ရေးဥပဒေ ၂၀၁၉ တွင် စားသုံးသူကာကွယ်ရေး ဆိုသည်မှာ ကုန်စည် သို့မဟုတ် ဝန်ဆောင်မှုနှင့် စပ်လျဉ်း၍ စားသုံးသူအခွင့်အရေးနှင့် အကျိုးစီးပွားကို ကာကွယ်ပေးခြင်းနှင့် စားသုံးသူနှင့် စီးပွားရေးလုပ်ငန်းရှင်အကြား ကော်မရှင်နှင့် ကော်မတီ အဆင့်ဆင့်တို့က သတ်မှတ်ဆောင်ရွက်ပေးသည့် မျှတမှုရှိသော လုပ်ငန်းစဉ်ဖြစ်ကြောင်းကို အကျယ်တဝင့်ရှင်းလင်းဆွေးနွေး ဟောပြောပြီး၊  စားသုံးသူနှင့် စီးပွားရေးလုပ်ငန်းရှင်အကြား အငြင်းပွားမှုမဖြစ်ပေါ်စေရန် စားသုံးသူအခွင့်အရေးနှင့် တာဝန်များကို သိရှိလိုက်နာရမည်ဖြစ်ကြောင်း အသိပညာပေးဟောပြောခဲ့ကြောင်း သတင်းရရှိပါသည်။

DOCA(ဧရာဝတီ)

       စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ဓနုဖြူမြို့နယ်ဦးစီးမှူး ဦးဝင်းမင်းစိုးနှင့် ဝန်ထမ်းများသည် (၁၄.၇.၂၀၂၃) ရက်နေ့ နံနက် (၁၀:၀၀) အချိန်တွင် ဓနုဖြူမြို့ ခနောင်ရိုက်ကျေးရွာရှိ ငွေလမင်းဆန်စက်သို့ သွားရောက်၍ ထုတ်ကုန်လုံခြုံစိတ်ချရမှု ရှိစေရေး ကွင်းဆင်းဆောင်ရွက်ခဲ့ကြပါသည်။

       ဓနုဖြူမြို့နယ်ဦးစီးမှူးက ခနောင်ရိုက်ကျေးရွာရှိ ဦးကျော်စိုး၏ ငွေလမင်း ဆန်စက်သို့  သွားရောက်၍ ဆန်စက်ပိုင်ရှင်နှင့် တွေ့ဆုံကာ ဆန်စက်လည်ပတ်ထုတ်လုပ်မှု လုပ်ငန်းအဆင့်ဆင့် ကို စစ်ဆေးကြည့်ရှုခဲ့ပြီး စားသုံးသူကာကွယ်ရေးဥပဒေပါ အခန်း(၁၈) ကုန်အညွှန်အမှတ်အသားဖော်ပြခြင်း၊ ဆန်စက်မှကြိတ်ခွဲထွက်ရှိလာသော ဆန်များကို ထုပ်ပိုးရာတွင် ကုန်အညွှန်းအမှတ်အသားပြည့်စုံစွာပါဝင်စေရေးနှင့် စပ်လျဉ်း၍ အသိပညာပေးခြင်း၊ စပါး/ဆန်ကြိတ်ခွဲမှု လုပ်ငန်းအခြေအနေများ၊ ဘုရင့်နောင် ဆန်ဈေးကွက်သို့ တင်ပို့မှုအခြေအနေများ၊ ဒေသတွင်း ဆန်ရောင်းချမှု ဈေးကွက်အခြေအနေများ၊ ဆန်စက်မှထွက်ရှိလာသော ဆန်များကို အရည်အသွေးမြင့်ကုန်စည် ထွက်ရှိစေရေးနှင့် လုပ်ငန်းရှင်တို့၏ ကုန်စည်အပေါ် အာမခံချက်ပေးနိုင်ခြင်းနှင့် စပ်လျဉ်း၍ ဆွေးနွေးခြင်း၊ လုပ်ငန်းရှင်တို့လိုက်နာရမည့် တာဝန်များ၊ ဥပဒေပါ တားမြစ်ချက်များ၊ ပြစ်မှု၊ ပြစ်ဒဏ်များအကြောင်းကို ရှင်းလင်းဆွေးနွေးခြင်းများ ဆောင်ရွက်ခဲ့ကြောင်းသတင်းရရှိပါသည်။

DOCA(ဧရာဝတီ)

ရှမ်းပြည်နယ် (မြောက်ပိုင်း)၊ မိုးမိတ်ခရိုင်၊ မဘိမ်းမြို့နယ်တွင် (၂၀၂၃-၂၀၂၄) ခုနှစ်အတွက် မိုးစပါးရည်မှန်းချက်စိုက်ဧကမှာ (၂၃၉၉၆) ဧကဖြစ်ပြီး ယခုလက်ရှိအချိန်တွင် (၆၆၅၄) ဧကစိုက်ပျိုးပြီးဖြစ်ကြောင်း သိရှိရပါသည်။ မိုးစပါးကို လယ်စိုက်ဧက (၂၁၆၃၄) ဧက၊ ယာ (၂၂၉၂) ဧကနှင့် တောင်ယာ (၇၀) ဧကစိုက်ပျိုးမည်ဖြစ်ကြောင်း သိရှိရပါသည်။

မဘိမ်းမြို့နယ်တွင် မိုးစပါးကို ဆင်းဧကရီ-၃ (ဒေသအခေါ်ဆင်း-၃) မျိုးစပါးနှင့် ဝက်မမျိုးစပါးများကိုစိုက်ပျိုးကြကြောင်းနှင့် ဈေးကောင်းလည်းရ၊ ဒေသခံများက ပိုမိုစားသုံးသည့် ဆင်းဧကရီ-၃ (ဒေသအခေါ် ဆင်း-၃) စပါးမျိုးကိုပို၍စိုက်ပျိုးကြသည်။ အခြောက်ကြဲပက် စိုက်ပျိုးနည်းနှင့် Seeder (ခေါ်) မျိုးစေ့ချစက်ဖြင့် စိုက်ပျိုးသည့်နည်းကိုလည်း အသုံးပြုစိုက်ပျိုးကြကြောင်း သိရှိရပါသည်။ Seeder) (ခေါ်) မျိုးစေ့စက်ဖြင့် စိုက်ပျိုးသည့်နည်းလမ်းသည် စပါးအထွက်ပို၍ကောင်းကြောင်း သိရှိရပါသည်။

မိုးစပါးကို ဇွန်လ (၁၅) ရက်နေ့နောက်ပိုင်းမှစတင်၍ စိုက်ပျိုးကြကြောင်းနှင့် ဇူလိုင်လကုန်တွင် အပြီးစိုက်ပျိုးကြပါသည်။ ဆင်းဧကရီ-၃ (ဒေသအခေါ် ဆင်း-၃) စပါးမျိုးသည် စတင်စိုက်ပျိုးသည့်ရက်မှ ရက်ပေါင်း (၁၃၅) ရက် (လေးလခွဲ) ကြာလျှင် ရိတ်သိမ်း၍ရကြောင်း သိရှိရပါသည်။

DOCA(ရှမ်း)