သတင်းနှင့် လှုပ်ရှားမှုများ

            သာယာဝတီခရိုင် သာယာဝတီမြို့နယ်ရှိ စိုက်ပျိုးရေးသင်တန်းကျောင်းသို့  ၁၅.၁၁.၂၀၂၂ ရက်နေ့ ၊ နေ့လယ် ၁: ၀၀ နာရီ အချိန်တွင် သာယာဝတီမြို့နယ် စိုက်ပျိုးရေးသိပ္ပံ လုပ်ငန်းခွင်အကြိုလယ်ယာသုံး စက်ကိရိယာများ မောင်းနှင်ထိန်းသိမ်းနည်း သင်တန်းဆင်းပွဲအခမ်းအနားသို့  စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်အေးသန္တာထွန်း၊ စက်မှုလယ်ယာဦးစီးဌာနမှ ခရိုင်ဦးစီးမှူး၊ မြို့နယ်ဦးစီးမှူးနှင့် ဝန်ထမ်းများတက်ရောက်ခဲ့ကြပါသည်။

         သင်တန်းဆင်းပွဲတွင် စားသုံးသူရေးရာဦးစီးဌာန မြို့နယ်တာဝန်ခံ ဒေါ်အေးသန္တာထွန်းမှ စားသုံးသူရေးရာဦးစီးဌာနအကြောင်း၊ စားသုံးသူကာကွယ်ရေးဥပဒေ၊ ကုန်အညွှန်းအမှတ်အသားနှင့် ပတ်သက်၍ သိကောင်းစရာအချက်များကို အသိပညာပေးဆွေးနွေးခဲ့ရာ အခမ်းအနားသို့ စက်မှု လယ်ယာဌာနမှ ခရိုင်ဦးစီးမှူးနှင့် ဝန်ထမ်းများ၊ သင်တန်းဆင်းကျောင်းသား/ ကျောင်းသူများ၊ တက်ရောက်လာသူစုစုပေါင်း  ၁၅၀ ဦးအား ဟောပြောခဲ့ပြီး   လက်ကမ်းစာစောင်များ ဖြန့်ဝေပေးခဲ့ပါကြောင်း သိရှိရပါသည်။

DOCA(ပဲခူး)

         ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ ကွမ်းခြံကုန်းမြို့နယ်တာဝန်ခံသည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့်  ပူးပေါင်း၍ စားသုံးသူပြည်သူများအား စားသုံးသူကာကွယ်ရေး အသိပညာပေးလုပ်ငန်းနှင့် စာဖတ်ရှိန်မြှင့်တင်ရေး လုပ်ငန်းများကို စဉ်ဆက်မပြတ်တိုးတက်ရေးအတွက် နိုဝင်ဘာလ (၈)ရက် နံနက် (၀၉:၀၀) နာရီ အချိန်တွင် ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် Commanity Center ခန်းမ၌ အသိပညာပေးဟောပြောပွဲ ကျင်းပခဲ့ပါသည်။

          ဟောပြောပွဲတွင် ကွမ်းခြံကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးမှ စားသုံးသူများ ဘေးအန္တရယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိ စေရေးတို့အတွက် စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန် စည်တွင် ဖော်ပြထားရှိရမည့် ကုန်ညွှန်းအမှတ်အသားဖော်ပြရာတွင် မဖြစ်မနေ မြန်မာဘာသာဖြင့် ဖော်ပြပါရှိမည့် အချက်များ၊ စားသုံးသူများအမှန်တကယ် နစ်နာဆုံးရှုံးမှုများရှိလာပါက တိုင်ကြားနိုင် သည့်နည်းလမ်းများ၊ ဈေးကွက်အတွင်းတရားမဝင်ကုန်စည်များအား ဈေးကွက်စောင့်ကြည့်စစ်ဆေး ခြင်း လုပ်ငန်းများကို မိမိတို့၏ဌာနအနေဖြင့် စဉ်ဆက်မပြတ်ဆောင်ရွက်လျက်ရှိကြောင်း အသိပညာ ပေးဟောပြောဆွေးနွေးခဲ့ပြီး ကွမ်းခြံကုန်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦး စီးအရာရှိ ဒေါ်နန်းဆွေနွယ်ဦးမှ ပြည်သူများအနေဖြင့် အသိပညာဗဟုသုတတိုးပွားစေရန် ရည်ရွယ်၍ ပြည်သူ့စာကြည့်တိုက် Online Page မှတဆင့် စာအုပ်မိတ်ဆက်၊ ပုံပြင်ပြောခြင်း၊ ကဗျာရွတ်ခြင်းအ ပြင် စာအုပ်ဌားရမ်းပေးခြင်း၊ စာအုပ်ပြပွဲများ၊ ပြိုင်ပွဲများကျင်းပပြုလုပ်ခြင်းနှင့် စာပေများကိုလေ့လာဖတ်ရှုကြရန်နှင့် စာအုပ်စာစောင်များလေ့လာဖတ်ရှုခြင်းကြောင့်  ကိုယ်တိုင် စဉ်းစားတွေးခေါ်တတ်‌သော အတွေးအခေါ်အမြော်အမြင်များရရှိလာပြီး ဘေးကင်းလုံခြုံ စိတ်ချ ရသော အစားအသောက်များကို ရွေးချယ်ဝယ်ယူစားသောက်နိုင်မည်ဖြစ်ပါသောကြောင့် မိမိတို့ဌာနအနေဖြင့် စာဖတ်အရှိန်မြှင့် တင်ရေးအသိပညာပေးခြင်းနှင့်  TALK SHOW အစီအစဉ်များကိုလည်း စားသုံးသူရေးရာဦးစီးဌာနနှင့် ပူးပေါင်း၍ စဉ်ဆက်မပြတ်ဆောင်ရွက်သွားမည်ဟု ပြောကြားခဲ့ကြောင်း သိရသည်။

DOCA(ရန်ကုန်)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊  လပွတ္တာမြို့နယ် တာဝန်ခံဦးမြင့်ဌေးနှင့်ဝန်ထမ်းများသည် (၁၄.၁၁.၂၀၂၂) ရက်နေ့နံနက်(၁၀:၀၀)နာရီကလပွတ္တာမြို့၊ အမှတ်(၁)ရပ်ကွက်၊ ကုန်သည်လမ်းရှိ ကုန်မျိုးစုံဆိုင်များသို့ ဈေးကွက်စောင့်ကြည့် စစ်ဆေး ဆောင်ရွက်ခဲ့ပါသည်။

          ထိုသို့ကွင််းဆင်းဆောင်ရွက်ရာတွင် မြို့နယ်တာဝန်ခံ ဦးမြင့်ဌေးမှ လပွတ္တာမြို့၊ အမှတ်(၁) ရပ်ကွက်၊ ကုန်သည်လမ်းရှိ ကုန်မျိုးစုံရောင်းချနေသော ဆိုင်ပိုင်ရှင်များအား စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ ၂၀၁၉ ပါ ပြဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏ တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ ဥပဒေအခန်း(၁၈)ပါ ကုန်အညွှန်းအမှတ်အသား ဖော်ပြခြင်း နှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁)ပုဒ်မခွဲ(ခ)နှင့် (ဆ)တို့ပါ ကုန်အညွှန်း အမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြား ဘာသာတစ်ခု(သို့) တစ်ခုထက်ပို၍တွဲလျှက်ဖြစ်စေ ရေးသားဖော်ပြရမည်ဖြစ်ပြီး၊ စီးပွားရေးလုပ်ငန်း ရှင်များအနေဖြင့် ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များနှင့်အညီ လိုက်နာ ဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်အညွှန်းအမှတ် အသား ပြည့်စုံစွာဖော်ပြထားမှုရှိ/မရှိအား ဌာနမှဈေးကွက်စောင့်ကြည့်စစ်ဆေးမှုအား စဉ်ဆက်မပြတ် ဆောင်ရွက်သွားမည်ဖြစ်ကြောင်း အသိပေးစစ်ဆေးခဲ့ပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ မအူပင်မြို့နယ် အောင်ဟိတ် ကျေးရွာအုပ်စုရှိ တောင်သူဦးစိန်ကုလား၏ ၂၀၂၂/၂၀၂၃ မိုးစပါး ရိတ်သိမ်း ချွေလှေ့နေမှုကို (၁၃.၁၁.၂၀၂၂)နေ့ နံနက် (၀၉:၃၀) နာရီအချိန်တွင် မအူပင်ခရိုင် စားသုံးသူရေးရာ ဦးစီးဌာနမှ ခရိုင်ဦးစီးမှူး ဦးဇော်မင်း၊ ဒု-ခရိုင်ဦးစီးမှူး ဦးအောင်ဇော်ဦး နှင့် ဝန်ထမ်းများသည် ကွင်းဆင်းဆွေးနွေးဆောင်ရွက်ခဲ့ပါသည်။

      အဆိုပါကွင်းဆင်းဆွေးနွေးမှုတွင် တောင်သူဦးစိန်ကုလားမှ မိမိလယ် (၂)ဧကတွင် GW-11  စပါးစိုက်ပျိုးခဲ့ပြီး ယခုရိတ်သိမ်းချိန်တွင် တစ်ဧက တင်း(၁၀၀) ကျော် ထွက်ရှိနိုင်ကြောင်းနှင့် တစ်ဧက ကုန်ကျစရိတ်နှင့် စပါးထွက်ရှိမှုမှာ ဈေးကွက်တွက်ခြေကိုက်မှုရှိသော်လည်း သွင်းအားစု ဈေးနှုန်းများ ကြီးမြင့်မှုရှိကြောင်း တင်ပြဆွေးနွေးခဲ့ပါသည်။

      မအူပင်ခရိုင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့် ဒု-ခရိုင်ဦးဦးစီးမှူး ဦးအောင်ဇော်ဦးတို့မှ ဓါတ်မြေဩဇာလျှော့သုံး၍ သဘာဝမြေဩဇာဖြစ်သော မြေဆွေးနှင့် နွားချေး မြေဩဇာများ အစားထိုးအသုံးပြုနိုင်ရေးနှင့် စပါးအရည်အသွေးမြင့်မားရေးနှင့် ဈေးကွက်ရရှိနိုင်ရေး နည်းလမ်းကောင်းများကို အပြန်အလှန်ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး မှ ခရိုင်ဦးစီးမှူး ဦးဇော်မင်း၊ ညောင်တုန်းမြို့နယ်၊ မြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် (၁၃.၁၁.၂၂) ရက်နေ့ နံနက် (၁၁:၃၀) နာရီအချိန်တွင် ညောင်တုန်းမြို့နယ် ကုန်စည်ဒိုင်အသင်းရုံးသို့ သွားရောက်၍ ကုန်စည်ဒိုင်ဥက္ကဌနှင့် တွေဆုံပြီး ကုန်စည်ဒိုင်ဖွံ့ဖြိုးတိုးတက်စေရေးအတွက် ကွင်းဆင်းတွေ့ဆုံဆွေးနွေးခဲ့ကြပါသည်။

        အဆိုပါတွေ့ဆုံဆွေးနွေးပွဲတွင် မအူပင်ခရိုင်ဦးစီးမှူး ဦးဇော်မင်းမှ ညောင်တုန်း ကုန်စည်ဒိုင် ဥက္ကဌ ဦးအောင်ရွှေနှင့် ကုန်စည်ဒိုင်အဖွဲ့ဝင်များအား မဲဇလီကျေးရွာ၊ ဧရာဝတီဆန်စက်ဝန် ကုန်စည်ဒိုင်တွင် သွားရောက်တွေ့ဆုံ၍ ကုန်စည်ဒိုင်၏လုပ်ငန်းဆောင်ရွက်မှု များအကြောင်း၊ ကုန်စည်ဒိုင်၏ ကြိုရောင်းကြိုဝယ်ဈေးကွက်အကြောင်း၊ ကုန်စည်ဒိုင်တစ်ခု ဖြစ်ပေါ်ရန် အဓိကလိုအပ်ချက်များအကြောင်း၊ အောင်မြင်သောကုန်စည်ဒိုင်တစ်ခု၏ လည်ပတ်မှု လုပ်ငန်းစနစ်များအကြောင်း၊ လက်ငင်း ဈေးကွက်ကုန်စည်ဒိုင်စနစ်အကြောင်းတို့ကို မေးမြန်းဆွေးနွေးပြီး ကုန်စည်ဒိုင်၏ ဆန်၊ စပါးရောင်းဝယ်မှု၊ ဆန်ကြိတ်ခွဲတင်ပို့မှုအခြေအနေ၊ ကုန်စည်ဒိုင်အသီးသီး၏ လက်ရှိအရောင်းအဝယ်ဖြစ်နေသော ဈေးနှုန်းများနှင့် ဈေးကွက်အခြေအနေများ ဆွေးနွေးခဲ့ကြောင်း သတင်းရရှိ ပါသည်။

DOCA(ဧရာဝတီ)