သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ အစည်းအဝေးခန်းမ၌ ၂၀၂၃ခုနှစ်၊ ဩဂုတ်လ (၇) ရက်နေ့တွင် ဒု-တိုင်းဦးစီးမှူး ဦးထွန်းထွန်း၊ စားသုံးသူရေးရာဌာနခွဲတာဝန်ခံ ဦးကျော်စိုးရီ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံ ဒေါ်ဖြူဖြူလတ်တို့သည် ဖျာပုံမြို့နယ်နှင့် ဘိုကလေးမြို့နယ်များရှိ ကုန်မျိုးစုံရောင်းချလျက်ရှိသော လုပ်ငန်းရှင်များနှင့်တွေ့ဆုံခဲ့ကြပါသည်။

  ဖျာပုံမြို့နယ်၊ စားသုံးသူရေးရာဦးစီးဌာန၊ မြို့နယ်စစ်ဆေးရေးအရာရှိနှင့် ပူးပေါင်းအဖွဲ့များ သွားရောက်စစ်ဆေးစဉ် သက်ဆိုင်ရာဌာန၏ FDA ထောက်ခံချက်မပါသည့် စားသုံးဆီမျိုးစုံရောင်းချနေသော ဆိုင် (၉) ဆိုင်၊ ဘိုကလေးမြို့နယ်၊ စားသုံးသူရေးရာဦးစီးဌာန၊ မြို့နယ်စစ်ဆေးရေးအရာရှိနှင့် ပူးပေါင်းအဖွဲ့များသွားရောက်စစ်ဆေးစဉ် သက်ဆိုင်ရာဌာန၏ FDA ထောက်ခံချက်မပါသည့် စားသုံးဆီမျိုးစုံရောင်းချနေသော ဆိုင် (၄) ဆိုင်မှ ကုန်အညွှန်းအမှတ်အသားပြည့်စုံစွာ ဖော်ပြထားခြင်းမရှိသည့် လုပ်ငန်းရှင်များက လာရောက်တွေ့ဆုံခဲ့ကြပါသည်။

 ထိုသို့တွေ့ဆုံခဲ့ကြရာတွင် ဒု-တိုင်းဦးစီးမှူးက ကုန်အညွှန်းအမှတ်အသားပြည့်စုံစွာဖော်ပြ ထားခြင်းမရှိသည့်ကုန်စည်များကိုရောင်းချခြင်းမပြုရန် စားသုံးသူအကာအကွယ်ပေးရေးဥပဒေများအကြောင်းရှင်းလင်း၍ စားသုံးသူရေးရာဦးစီးဌာနခွဲတာဝန်ခံ ဦးကျော်စိုးရီက လုပ်ငန်းရှင်၏တာဝန်များကိုရှင်းလင်းခဲ့ပြီးနောက် ထုတ်ကုန်လုံခြုံစိတ်ချရမှုဌာနခွဲတာဝန်ခံ ဒေါ်ဖြူဖြူလတ်ကလည်း ကုန်ညွှန်းအမှတ်အသားဥပဒေပါ အကြောင်းအရာများကိုရှင်းလင်း၍ နောင်တွင် ကုန်အညွှန်းအမှတ်အသားများပြည့်စုံစွာဖော်ပြထားသည့် ကုန်စည်များသာရောင်းချရန် ပြောကြားခဲ့ကြောင်းသိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ၂၀၂၃ခုနှစ်၊ ဇူလိုင်လ ၄ရက်နေ့၊ နံနက်ပိုင်းအချိန်တွင် GACC လက်မှတ်ထုတ်ပေးရေးလျှောက်ထားသည့် So Shwe Orient Limited နှင့်စာချုပ်ချုပ်ဆိုထားသည့် တောင်ငူမြို့၊ အမှတ်(၂)ရပ်ကွက်၊ ရွှေဟင်္သာလမ်းရှိ အေးမေတ္တာဆန်စက်အား စားသုံးသူရေးရာဦးစီးဌာန၊ ကုန်ပစ္စည်းစမ်းသပ်စစ်ဆေးရေးနှင့်အရည်အသွေးစီမံခန့်ခွဲရေးဌာန (လှည်းကူး) မှ ဌာနမှူး၊ ဒုတိယညွှန်ကြားရေးမှူး ဦးသန့်စင်နှင့်အဖွဲ့က လာရောက်စစ်ဆေးရာတွင် လိုက်ပါဆောင်ရွက်ခဲ့ပါသည်။

  So Shwe Orient Limited သည် တရုတ်ပြည်သူ့သမ္မတနိုင်ငံသို့ ဆန်တင်ပို့နိုင်ရေးအတွက် တောင်ငူမြို့ရှိ အေးမေတ္တာတန်စက်နှင့်စာချုပ်ချုပ်ဆိုထားခဲ့ပြီး The General Administration of Customs of the People’s Republic of China (GACC) မှတ်ပုံတင်လက်မှတ်လျှောက်ထားရာ လိုအပ်သည်များကိုဆောင်ရွက်ပြီးစီးပြီးဖြစ်သဖြင့် စားသုံးသူရေးရာဦးစီးဌာနမှ ဒုတိယညွှန်ကြားရေးမှူး ဦးသန့်စင်နှင့် မြန်မာ့ကုန်ပစ္စည်းစစ်ဆေးရေးနှင့်စမ်းသပ်မှုလုပ်ငန်းလီမီတက် (MITS)မှ လက်ထောက်မန်နေဂျာ ဦးကျော်ဇင်တို့က Sanitary and Phytosanitary Protocol -  SPS Protocol ပါ သတ်မှတ်ချက်များနှင့်ကိုက်ညီမှုရှိ/မရှိတို့ကို လာရောက်စစ်ဆေးခြင်းဖြစ်ပါသည်။

  စစ်ဆေးရေးအဖွဲ့သည် Sanitary and Phytosanitary Protocol - SPS Protocol ပါသတ်မှတ်ချက်များနှင့်ကိုက်ညီမှုရှိ/မရှိကိုစစ်ဆေးရာတွင် ကုန်ကြမ်းနှင့်ကုန်ချောသိုလှောင်ရုံ၊ စက်ရုံအတွင်း ကုန်ကြမ်းနှင့်ကုန်ချောထားရှိမှုများကိုစစ်ဆေးခြင်း၊ လုပ်သားများကျန်းမာရေးနှင့် တစ်ကိုယ်ရေသန့်ရှင်းရေးအတွက် စစ်ဆေးခြင်းများဆောင်ရွက်ခဲ့ရာ စက်ရုံပိုင်ရှင် ဦးရဲလင်းက ဆောင်ရွက်နေသည့်အခြေအနေများကိုရှင်းလင်းတင်ပြပါသည်။ စစ်ဆေးတွေ့ရှိချက်အပေါ်အခြေခံ၍  (GACC) မှတ်ပုံတင်လက်မှတ်ထုတ်ပေးနိုင်ရေးကို ဆက်လက်ဆောင်ရွက်သွားမည်ဖြစ်ကြောင်း သိရှိရပါသည်။

DOCA(ပဲခူး)

    ပဲခူးတိုင်းဒေသကြီး၊ သာယာဝတီခရိုင်၊ အုတ်ဖိုမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်းများသည် (၈-၈-၂၀၂၃) ရက်နေ့၊ နံနက် (၁၀:၀၀) နာရီအချိန်တွင်  စားသုံးသူရေးရာဦးစီးဌာန၊ မြို့နယ်တာဝန်ခံရုံး၌ လုပ်ငန်းရှင်များနှင့်တွေ့ဆုံ၍ စားသုံးသူများနစ်နာဆုံးရှုံးမှုမရှိစေရေးနှင့် ထုတ်ကုန်များလုံခြုံစိတ်ချမှုရှိစေရန်အတွက် ကုန်အညွှန်းအမှတ်အသားများပြည့်စုံမှန်ကန်မှုရှိရန် လုပ်ငန်းရှင်နှင့်တွေ့ဆုံဆွေးနွေးခဲ့ပါသည်။

  ထိုသို့ဆောင်ရွက်ရာတွင် အုတ်ဖိုမြို့နယ်၊ အိုးသည်ကုန်းမြို့၊ အမှတ် (၃) လမ်းတွင် ထုတ်လုပ်ရောင်းချနေသော သောက်ရေသန့်လုပ်ငန်းရှင်အားတွေ့ဆုံကာ ထုတ်ကုန်လုံခြုံစိတ်ချရမှုရှိစေရေးအတွက် ကုန်အညွှန်းအမှတ်အသားပြည့်စုံမှုရှိရန်နှင့် စီးပွားရေးလုပ်ငန်းရှင်၏တာဝန်များ၊ ပြစ်မှုပြစ်ဒဏ်များကိုရှင်းလင်းဆွေးနွေးပြီးနောက် သက်ဆိုင်ရာဌာနများ၏ ခွင့်ပြုချက်ရှိမှသာရောင်းချကြရန် ဆွေးနွေးပြောကြားခဲ့ကြောင်း သိရှိရပါသည်။

DOCA(ပဲခူး)

       စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး၏လမ်းညွှန်မှုဖြင့် မလှိုင်မြို့နယ်တာဝန်ခံသည် ပြန်ကြားရေးနှင့် ပြည်သူ့ဆက်ခံရေးဦးစီးဌာနနှင့် ပူးပေါင်း၍ ၂၀၂၃ ခုနှစ်၊ ဇူလိုင်လ ၇ ရက်နေ့၌ မလှိုင်မြို့နယ် ပြန်ကြားရေးနှင့်ပြည်သူ့ဆက်ခံရေးဦးစီးဌာနရုံး၌ စားသုံးသူကာကွယ်ရေး အသိပညာပေး (Talk Show) ကျင်းပပြုလုပ်ခဲ့ကြောင်း သိရပါသည်။

      အဆိုပါ (Talk Show) တွင် မလှိုင်မြို့နယ်၊ ပြန်ကြားရေးနှင့်ပြည်သူ့ဆက်ခံရေးဦးစီးဌာမှ (Talk Show) ပြုလုပ်ရခြင်း၏ ရည်ရွယ်ချက်ကို ရှင်းလင်းဆွေးနွေးခဲ့ပြီးနောက် စားသုံးသူကာကွယ်ရေး ဦးစီးဌာန၊ ဦးရဲမြင့်ဆန်း၊   ဒု-ကြီးကြပ်ရေးမှူးမှ စားသုံးသူကာကွယ်ရေးဥပဒေအကြောင်း၊ ဥပဒေတွင် ပါဝင်သော စကားရပ်များ၏အဓိပ္ပါယ်များ၊ ဥပဒေ၏မျှော်မှန်းချက်နှင့် ရည်ရွယ်ချက်များ၊ စီးပွားရေး လုပ်ငန်းရှင်များအနေဖြင့် ကုန်စည်နှင့်စပ်လျဉ်း၍ ဖော်ပြရမည့်အာမခံချက်များ၊ ဝန်ဆောင်မှုနှင့် စပ်လျဉ်း၍ ဖော်ပြရမည့် အာမခံချက်များ၊ စားသုံးသူများမှ တောင်းဆိုနိုင်သည့် အခွင့်အရေးများကို သိရှိနားလည်စေရန် ရှင်းလင်းပြောကြားခဲ့ပါသည်။ စားသုံးသူအခွင့်အရေးနစ်နာဆုံးရှုံးမှုများရှိခဲ့လျှင် DOCA Myanmar Application နှင့် စားသုံးသူရေးရာဦးစီးဌာန၏ Websit www.doca.gov.mm တွင် ဝင်ရောက်လေ့လာတိုင်ကြားနိုင်ကြောင်း ရှင်းလင်းဆွေးနွေးခဲ့ပါသည်။

DOCA(မန္တလေး)

    မိတ္ထီလာခရိုင်၊ မလှိုင်မြို့နယ်တွင် ယခု ၂၀၂၃ ခုနှစ် မိုးသီးနှံစိုက်ပျိုးရာသီ၌ လုပ်သားခများ စျေးပိုလာကြောင်း သိရသည်။ နေ့စားလုပ်သားခမှာ ကျား၊မ မရွေးတစ်ဦးလျှင် ယခင်နှစ်က တစ်ရက်လျှင် (၅၀၀၀) ကျပ်၊ ပေးရသော်လည်း ယခုနှစ်တွင် (၅၅၀၀ ကျပ်မှ ၆၀၀၀ ကျပ်ထိ) ရှိကြောင်း သိရသည်။ လုပ်သားများအနေနှင့် ၎င်းတို့ဝယ်ယူစားသုံးရသော စားသောက်စရိတ်များ မြင့်တက်လာခြင်းကြောင့် နေ့စားခကို ပိုမိုတောင်းခံလာရာ မြေ၊ ယာပိုင်ရှင်များမှာလည်း လုပ်သားရှားပါးမှုနှင့် အချိန်မီစိုက်ပျိုးရန် လိုအပ်ခြင်းကြောင့်ဖြစ်သည်။ လုပ်သားခမြင့်တက်လာသကဲ့သို့ ထယ်၊ထွန်ခမှာလည်း ယခင်နှစ်က နွား တစ်ရှဉ်းလျှင် (၁၀၀၀၀) ကျပ် ရှိခဲ့ပြီး၊ ယခုနှစ်မှာတော့ (၁၅၀၀၀) ကျပ်သို့ မြင့်တက်လာပါသည်။ ဒေသတွင်း တောင်သူများအနေနှင့် မြေသြဇာကို ဓါတုမြေသြဇာအနည်းငယ်သာသုံးပြီး သဘာဝမြေသြ ဇာဖြစ်သည့် နွားချေးကို ပိုမိုသုံးစွဲရာ နွားချေားလှည်းတစ်စီးလျှင် (၂၀၀၀၀) ကျပ်၊ Faw ကားတစ်စီးလျှင် (၂၀၀၀၀၀) ကျပ်နှင့် ကြက်ချေးတစ်တင်းခွဲ တစ်အိတ်လျှင် (၅၅၀၀) ကျပ် ရှိကြောင်း သိရသည်။ မိုးသီးနှံအနေနှင့် နှမ်း၊မြေပဲ၊ ဝါ၊ နေကြာ၊ ပဲစဉ်းငုံ၊ နွာစားပြောင်း၊ ခရမ်းချဉ်၊ ငရုတ်တို့ကို စိုက်ပျိုးထားကြောင်း သိရသည်။

DOCA(မန္တလေး)