ပြည်တွင်းကုန်သွယ်မှုသတင်း

   ၂၀၂၂ခုနှစ် ဩဂုတ်လ နောက်ဆုံးပတ်အတွင်း ရွှေဘိုမြို့နယ်တွင် အခြေခံစားကုန်များ ဖြစ်သော ရွှေဘိုပေါ်ဆန်းဆန် တစ်ပြည် ၃၅၀၀ကျပ်၊ ဧရာမင်းဆန် တစ်ပြည် ၂၅၀၀ကျပ်ဖြင့် အရောင်းအဝယ် ဖြစ်လျက်ရှိသည်။ ကြက်သွန်နီ လက်လီဈေးမှာ (ကြီး)တစ်ပိဿာ ၃၀၀၀ကျပ်၊ (လတ်)တစ်ပိဿာ ၂၇၀၀ကျပ်၊ (သေး)တစ်ပိဿာ ၂၅၀၀ကျပ်နှုန်းဖြင့် အရောင်းအဝယ် ဖြစ်လျက်ရှိသည်။ ကြက်သွန်ဖြူလက်လီဈေးမှာ (ဗမာ)တစ်ပိဿာလျင် ၃၅၀၀ကျပ်မှ ၄၀၀၀ကျပ်ထိ၊ ရှမ်း ကြက်သွန်ဖြူ တစ်ပိဿာ ၃၀၀၀ကျပ်မှ ၃၅၀၀ကျပ်ထိ ၊ (ကြူကုပ်) တစ်ပိဿာ ၄၀၀၀ကျပ်မှ ၄၅၀၀ကျပ်ထိ၊ ချင်းတစ်ပိဿာ ၁၃၀၀ကျပ်မှ ၁၅၀၀ကျပ်ထိ ၊ ငရုတ်သီးခြောက် အမျိုးအစားအလိုက် ၁၈၀၀၀ကျပ်မှ ၂၀၀၀၀ကျပ်ထိ အာလူး တစ်ပိဿာ ၁၅၀၀ကျပ်မှ ၂၆၀၀ကျပ်ထိ ၊ ခရမ်းချဉ်သီး တစ်ပိဿာ ၂၀၀၀ကျပ်ဖြင့် အရောင်းအဝယ် ဖြစ်နေပါသည်။

   ကြက်ဥ လက်လီဈေးနှုန်းမှာ (ကြီး)တစ်လုံး ၂၀၀ကျပ်၊ (သေး) တစ်လုံး ၁၈၀ကျပ် ၊ ဘဲဥ (ကြီး) တစ်လုံး (၂၅၀)ကျပ်၊ (သေး)တစ်လုံး (၂၂၀)ကျပ်ရှိသည်။ ရွှေဘိုမြို့၏ အသား/ငါး ဈေးနှုန်း များမှာ ကြက်သား(CP)  တစ်ပိဿာ ၇၅၀၀ကျပ်မှ ၈၅၀၀ကျပ်ထိ၊ကြက်သား (ဗမာ)တစ်ပိဿာ ၁၀၀၀၀ ကျပ်မှ ၁၃၀၀၀ကျပ်ထိ၊  ဝက်သား တစ်ပိဿာ ၁၄၀၀၀ကျပ်မှ ၁၈၀၀၀ကျပ်ထိ၊ အမဲသား တစ်ပိဿာ ၁၄၀၀၀ကျပ်မှ ၁၆၀၀၀ကျပ်ထိ၊  ငါးမြစ်ချင်း တစ်ပိဿာ ၅၅၀၀ကျပ်၊ ငါးကြင်း တစ်ပိဿာ ၅၀၀၀ကျပ်ဖြင့် ရောင်းဝယ်နေကြောင်း သိရသည်။

     စားသုံးဆီ ဈေးနှုန်းများမှာ ပဲဆီသန့် တစ်ပိဿာလျင် ၁၃၀၀၀ကျပ်မှ ၁၅၀၀၀ကျပ်ထိ၊  စားအုန်းဆီ တစ်ပိဿာလျင် ၉၃၀၀ကျပ်နှင့် နှမ်းဆီ တစ်ပိဿာလျင် ၁၅၀၀၀ကျပ်ဖြင့် အရောင်း အဝယ် ဖြစ်နေကြောင်း သိရသည်။     

DOCA(စစ်ကိုင်း)

    စစ်ကိုင်းတိုင်းဒေသကြီးသည် ဩဂုတ်လ(နောက်ဆုံး)ပတ်၌ စပါး/ဆန်ဈေးနှုန်းများမှာ ဆန်ပိုဒေသများဖြစ်သော ကသာခရိုင်နှင့် ကန့်ဘလူခရိုင်တို့တွင် ဈေးအနည်းငယ်တက်နေပြီး၊ ကလေးခရိုင်နှင့် မုံရွာခရိုင်တို့တွင် စပါး/ ဆန်ဈေး အနည်းငယ်ကျနေပြီး၊ ကျန်ခရိုင်များတွင် ဈေးအေးနေပါသည်။

      စစ်ကိုင်းတိုင်းဒေသကြီးအတွင်း ဩဂုတ်လ(နောက်ဆုံး)ပတ်တွင် ဖြစ်ပေါ်နေသော စပါး/ဆန် ဈေး နှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) တင်း၁၀၀လျှင် ကျပ်(၂၃၀၀၀၀၀)၊ ပေါ်ဆန်း (ဆန်)၂၄ ပြည်ပါ တစ်အိတ်လျှင်ကျပ်  ၈၂၀၀၀၊ ဧရာမင်း(စပါး)တင်း ၁၀၀လျှင် ၁၃၀၀၀၀၀၊ ဧရာမင်း(ဆန်) ၂၄ ပြည်ပါ တစ်အိတ် ကျပ် ၅၈၀၀၀၊ ရေဦးမြို့မှ ပေါ်ဆန်း (စပါး) တင်း ၁၀၀လျှင် ကျပ် ၂၃၀၀၀၀၀၊ ပေါ်ဆန်း (ဆန်) တစ်အိတ်လျှင်ကျပ် ၈၀၀၀၀၊  ဧရာမင်း (စပါး) တင်း၁၀၀လျှင် ၁၃၀၀၀၀၀၊ ဧရာမင်း (ဆန်)၂၄ ပြည်ပါ တစ်အိတ်  ၅၈၀၀၀ ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

    ကလေးခရိုင်၊ ကလေးမြို့နယ်မှ ဧည့်မထ(စပါး) တင်း၁၀၀ လျှင် ၁၁၀၀၀၀၀၊ ဧည့်မထ(ဆန်)‌ ၂၄ ပြည်ပါ တစ်အိတ်မှာ ကျပ် ၄၅၀၀၀၊ ငစိန်(စပါး) တင်း ၁၀၀ လျှင် ၁၀၀၀၀၀၀ ၊ ငစိန်(ဆန်)၂၄ပြည်ပါ တစ် အိတ်မှာ ၄၀၀၀၀၊ ဧရာမင်း (စပါး)တင်း ၁၀၀ လျှင် ကျပ် ၁၄၀၀၀၀၀၊ ဧရာမင်း(ဆန်)၂၄ပြည်ပါ တစ်အိတ် မှာကျပ် ၅၇၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

     ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀လျှင် ကျပ်၁၀၀၀၀၀၀၊ မှော်ဘီ(၂) ဆန် ၂၄ပြည် တစ်အိတ် လျှင် ကျပ် ၄၈၀၀၀၊ ဆင်းဧကရီ(၃)(စပါး) တင်း၁၀၀ လျှင် ကျပ် ၉၀၀၀၀၀၊ ဆင်းဧကရီ-၃ဆန် ၂၄ပြည်တစ်အိတ်မှာကျပ် ၄၃၀၀၀၊ ဧရာမင်း (စပါး) တင်း ၁၀၀ လျှင် ကျပ် ၁၅၀၀၀၀၀၊ ဧရာမင်းဆန် ၂၄ ပြည်ဆန်တစ်အိတ်လျှင် ကျပ် ၆၂၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

    မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၆၀၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၇၀၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၂၂၀၀၀၀၀၊ ပေါ်ဆန်း(ဆန်) ၂၄ပြည် တစ်အိတ်လျှင် ကျပ် ၈၅၀၀၀၊ မနောသုခ (စပါး)တင်း ၁၀၀လျှင် ကျပ် ၁၀၀၀၀၀၀၊ မနောသုခ(ဆန်) ၂၄ ပြည် တစ်အိတ်လျှင် ကျပ်၄၀၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

    ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၄၀၀၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၆၅၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၂၃၀၀၀၀၀၊ ပေါ်ဆန်း (ဆန်) ၂၄ပြည် တစ်အိတ်လျှင် ကျပ် ၈၅၀၀၀၊ နွေ(စပါး) တင်း ၁၀၀လျှင် ကျပ် ၁၀၀၀၀၀၀၊ နွေ (ဆန်) ၂၄ ပြည် တစ်အိတ်လျှင် ကျပ် ၄၀၀၀၀ဖြင့် အရောင်းအဝယ် ဖြစ်နေကြောင်း သိရပါသည်။

   စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ဩဂုတ်လ(စတုတ္တ)ပတ် တွင် စစ်ကိုင်းတိုင်းဒေသကြီးမှ အခြား တိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၅၆၀၀၀၊ မန္တလေးသို့ အိတ်ရေ ၅၁၈၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၂၀၀၀၊ ရှမ်း (တောင်)သို့ အိတ်ရေ ၁၀၀၀၀၊ ရှမ်း (မြောက်)သို့အိတ်ရေ ၁၀၀၀၀၊ စုစုပေါင်းအိတ်ရေ (၁၄၀၈၀၀) အိတ်၊ တန်အားဖြင့်(၇၀၄၀) စီးထွက်ခဲ့ပြီး၊ ယခု ဩဂုတ်လ(နောက်ဆုံး)ပတ်တွင် စစ်ကိုင်းတိုင်းဒေသ ကြီးမှ အခြား တိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၄၇၅၀၀၊ မန္တလေးသို့ အိတ်ရေ ၆၆၂၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၃၀၀၀၊ ရှမ်း (တောင်)သို့ အိတ်ရေ ၁၁၀၀၀၊ ရှမ်း (မြောက်)သို့အိတ်ရေ ၁၀၅၀၀၊ စုစုပေါင်းအိတ်ရေ (၁၄၉၂၀၀)အိတ်၊ တန်အားဖြင့်(၇၄၆၀) စီးထွက်ခဲ့သည့်အတွက် ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၈၄၀၀) တန်အားဖြင့် (၄၂၀) ပိုမို စီးထွက်ခဲ့ ပါကြောင်း သိရှိရပါသည်။

DOCA(စစ်ကိုင်း)

         ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်ရှိ ကြက်/ဘဲဈေးဒိုင်မှ ကြက်/ဘဲများကို ဒေသတွင်းနေထိုင်လျက်ရှိသော စားသုံးသူပြည်သူများအနေဖြင့် လွယ်ကူစွာဝယ်ယူစားသုံးနိုင်ရန် အတွက် တိုင်း/ပြည်နယ်ဒေသများသို့ နေ့စဉ်လက်လီ/လက်ကား ဖြန့်ဖြူးတင်ပို့ရောင်းချလျက်ရှိပါ သည်။

        ထိုသို့ရောင်းချလျက်ရှိရာ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ကြီးကြပ်မှုအောက်တွင်ရှိသော ရန်ကုန်အရှေ့ပိုင်းခရိုင်ရုံးမှ ဝန်ထမ်းများသည် ၃၀.၈.၂၀၂၂ ရက်နေ့ တွင် မင်္ဂလာတောင်ညွန့်မြို့နယ်ရှိ ကြက်/ဘဲဈေးသို့သွားရောက်၍ ကြက်/ဘဲများ ရောင်းချနေသော ဈေး ကွက်ဈေးနှုန်းများအား စုံစမ်းခြင်းများပြုလုပ်ခဲ့ရာတွင် ရန်ကုန်တိုင်း‌ဒေသကြီးအတွင်းရှိ မြို့နယ်များမှ ခြံဖမ်းဈေးစနစ်ဖြင့်လည်းကောင်း၊ အခြားတိုင်းနှင့် ပြည်နယ်များမှလည်း ဈေးကွက်အတွင်း လိုအပ်ချက်ရှိလျှင် ကြက်/ဘဲများဝင်ရောက်ခြင်းနှင့် ပြန်လည်ပို့ဆောင်ရောင်းချခြင်းများလည်းရှိကြောင်း သိရှိရပါ သည်။

       သို့ဖြစ်ပါ၍ ပြန်လည်ရောင်းချရာ၌  ကြက်အရှင်‌ဈေးနှုန်းအိမ်မွေးကြက် ၁ ပိဿာလျှင် (၇၅၀၀/ ၈၀၀၀) ကျပ်၊ အသားတိုးကြက် ၁ ပိဿာလျှင် (၄၅၀၀/၄၆၀၀) ကျပ်၊ မွေးမြူရေးကြက် (ထီး/မ) ၁ ပိဿာလျှင် (၆၀၀၀/၆၈၀၀) ကျပ်၊ ဘဲ ၁ ပိဿာလျှင် (၄၀၀၀/၅၅၀၀) ကျပ်တို့ဖြင့် အသီးသီးလက်လီ/ လက်ကားရောင်းချလျက်ရှိ‌ကြောင်း သိရှိရပါသည်။

DOCA(ရန်ကုန်)

      ရန်ကုန်တိုင်းဒေသကြီး လှိုင်မြို့နယ် သီရိမင်္ဂလာဈေးတွင် ဩဂုတ်လ (၂၃) ရက်နေ့မှ ဩဂုတ် လ (၂၉) ရက်နေ့အထိဖြစ်ပေါ်ခဲ့သော သစ်သီးဝလံဈေးနှုန်းများမှာ မြင်းခြံ၊ ဝမ်းတွင်း မှ ဖရဲသီး (211) အလုံးကြီး ကျပ် ၁၅၀၀ ၊ အလုံးလတ် ကျပ် ၁၀၀၀ ၊ အလုံးသေး ကျပ် ၇၀၀ ၊ မှော်ဘီ၊ တိုက်ကြီး မှ မာလကာသီး အလုံးကြီး ကျပ် ၄၀၀၊ အလုံးလတ် ကျပ် ၃၀၀ ၊ အလုံးသေး ၂၀၀ မှ ၁၀၀၊ သီပေါ မှ နာနတ်သီး အလုံးကြီး ကျပ် ၇၀၀၊ အလုံးလတ် ကျပ် ၆၀၀ ၊ အလုံးသေး ကျပ် ၅၀၀ မှ ၄၀၀၊ တိုက်ကြီးမှ  ပီလောပီနံ တစ်ပိဿာ အလုံးကြီး ကျပ် ၇၀၀၊ အလုံးလတ် ကျပ် ၆၀၀၊ ရပ်စောက် မှ သရက်သီး (ရင်ကွဲ) အိတ်စွပ် အလုံးကြီး သေတ္တာ အလုံး ၅၀ လုံးပါ ကျပ် ၃၅၀၀၀၊ အလုံးလတ် သေတ္တာ အလုံး ၆၀ ပါကျပ် ၃၂၀၀၀၊ အလုံးသေး သေတ္တာ အလုံး ၇၅ ပါကျပ် ၂၇၀၀၀၊ ရပ်စောက် မှ သရက်သီး (ရင်ကွဲ) ရိုးရိုး အလုံးကြီး သေတ္တာ အလုံး ၆၀ လုံးပါ ကျပ် ၂၀၀၀၀၊ အလုံးလတ် သေတ္တာ အလုံး ၇၅ ပါကျပ် ၁၈၀၀၀၊ အလုံးသေး သေတ္တာ အလုံး ၉၀ ပါကျပ် ၁၅၀၀၀၊ မော်လမြိုင် မှ ကျွဲကောသီး အလုံးကြီး ကျပ် ၂၈၀၀ မှ ၂၅၀၀၊ အလုံးလတ် ကျပ် ၂၃၀၀ မှ ၂၀၀၀၊ အလုံးသေး ကျပ် ၁၈၀၀ မှ ၁၅၀၀၊ ၁၃၀၀ မှ ၁၀၀၀၊ ၈၀၀ မှ ၅၀၀၊ ပုပ္ပါး မှ ဩဇာသီး အလုံးသေး သေတ္တာ ကျပ် ၄၀၀၀၊ ပြည် မှ ဩဇာသီး အလုံးကြီး သေတ္တာ အလုံး ၆၀ လုံးပါ ကျပ် ၁၀၀၀၀ ဈေးတို့ရှိကြောင်း သီရိမင်္ဂလာ ဈေးရှိ မြန်မာနိုင်ငံသစ်သီးဝလံ၊ ပန်းမန်နှင့် ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်း (MFVP) မှသိရှိရပါသည်။

DOCA(ရန်ကုန်)

     မုံရွာမြို့တဖက်ကမ်း ဆားလင်းကြီးမြို့နယ်ရှိ လက်ပန်တောင်းအုပ်စု ၊ တုံအုပ်စုနှင့် ထန်းဇင် အုပ်စုရှိကျေးရွာမှာ နှစ်စဥ်ဆောင်ကြက်သွန်နီကို အဓိကထားစိုက်ပျိုးကြသည့်ဒေသများဖြစ်ကြောင်း လေ့လာသိရှိရပါသည်။ ယခုနှစ် ရာသီကုန်ခါနီးလက်ကျန် ကြက်သွန်နီများ ဈေးကောင်းရရှိနေပြီး ဒေသတွင်းဈေးကွက်လက်ကျန်မှလည်း တဖြေးဖြေးလျော့နည်းလာသည့်အတွက် လာမည့်မိုးကြက်သွန် ပေါ်ချိန်ဈေးကောင်းရနိုင်မည့်မျှော်လင့်ချက်ဖြင့် ယခင်နှစ်ကထက် ပိုမိုစိုက်ပျိုးလာကြောင်း ဒေသခံတောင်သူများထံမှသိရှိရပါသည်။

      မိုးကြက်သွန်နီ (ဥစိုက်)များကိုဒေသအခေါ် မိတ်ထောင်ကြက်သွန်နီဟုလည်း ခေါ်ဆိုကြောင်း သိရှိရပါသည်။ မိတ်ထောင်ကြက်သွန်နီသည် စိုက်ပျိုးရလွယ်ကူပြီး ကုန်ကျစရိတ်သက်သာခြင်း၊ အချိန်တိုအတွင်းထွက်ရှိသည့်အတွက် ငွေပေါ်လွယ်ခြင်း၊ ဈေးကွက်လက်ကျန်နည်းပါးချိန်တွင် ထွက်ပေါ်သည့်အတွက် ဈေးကောင်းရရှိခြင်း၊ ကြာရှည်စွာသိုလှောင်မထားရဘဲ တူးတူးဖော်ဖော် ရောင်းချရသည့်အတွက် အလေးချိန်တိုးကာ အထွက်နှုန်းပိုမိုရရှိသည့်အတွက် တွက်ချေကိုက်မှုရှိ ခြင်းများကြောင် တောင်သူများပိုမိုစိုက်ပျိုးလာခြင်းဖြစ်ကြောင်း မိုးကြက်သွန်စိုက်တောင်သူ ဦးညီ အောင်၏ သုံးသပ်ပြောပြချက်အရ သိရှိရပါသည်။

      မိုးကြက်သွန် မျိုးဥများကို ဒေသတွင်းမှထွက်ရှိသည့် ဆောင်းကြက်သွန်နီ လက်ကျန်များမှ ဥအသေးများကို ရွေးချယ်ကာ မျိုးဥအဖြစ်စိုက်ပျိုးကြကြောင်း၊ လက်ရှိမျိုးဥတစ်ပိဿာကို (၁၅၀၀ိ/-) ပေါက်ဈေးရှိပြီး ယခင်နှစ်ကထက် တစ်ပိဿာ(၇၀၀ိ/-)မြင့်တက်ခဲ့ကြောင်း၊ အချို့တောင်သူများမှ ပခုက္ကူဒေသမှ ဇော်မွှားမျိုး(ဥသေး)များကို တစ်တင်း(၃၀၀၀၀ိ/-)ဖြင့် ဝယ်ယူစိုက်ပျိုးကြကြောင်းလည်း သိရသည်။ မိုးကြက်သွန်တစ်ဧကလျှင် မျိုးဥပိဿာ(၂၅၀)မှ(၃၀၀)အထိ အသုံးပြုရကြောင်း၊ လက်ရှိတွင် သွင်းအားစုမြေသြဇာ ဈေးနှုန်းများမြင့်တက်နေသည့်အတွက် သဘာဝမြေသြဇာဖြင့် တွဲဖက်အသုံးပြု နေရကြောင်း၊ ပိုးသတ်ဆေး၊ မှိုဆေးများကိုလည်း ရာသီဥတုအခြေအနေပေါ် မူတည်ပြီးအသုံးပြု နေရကြောင်း၊ ဆောင်းစိုက်ကြက်သွန်နီထက် ရေသွင်းစရိတ်သက်သာကြောင်း၊ ယခုနှစ်မိုးကြက်သွန် တစ်ဧကကုန်ကျစရိတ်မှာ(၈)သိန်းဝန်းကျင်ခန့် ကုန်ကျမည်ဟုခန့်မှန်းထားကြောင်း၊ ရာသီဥတုညီညွှတ် မျှတပါက တစ်ဧကပိဿာ(၃၀၀၀)ဝန်ကျင်ခန့် ထွက်ရှိကြောင်း ဒေသခံတောင်သူများ၏ ဆွေးနွေး ပြောပြချက်အရသိရှိရပါသည်။

     ယခုလက်ရှိ ဈေးကွက်အတွင်း၌ လက်ကျန်ကြက်သွန်နီများ ဈေးကောင်းရရှိနေပြီးဒေသ တွင်း၌လည်း လက်ကျန်လျော့နည်းလာကြောင်း၊ ပြည်ပဈေးကွက်မှာလည်း တင်ပို့မှုအထိုက်အလျောက် ရှိနေသေးကြောင်း၊ လာမည့်ဆောင်းကြက်သွန်နီ မထွက်ပေါ်မီ ကြားကာလ၌ထွက်ရှိမည့် မိုးကြက် သွန်နီများ ဈေးကွက်ကောင်းရရှိနိုင်မည့်မျှော်လင့်ချက်ဖြင့် ပိုမိုစိုက်ပျိုးလာကြသည့်အတွက် ယခုနှစ် မိုးကြက်သွန်စိုက်ဧကမှာ ယခင်နှစ်ကထက် စိုက်ဧကများတိုးတက်လာဖွယ်ရှိကြောင်း ရေးသားတင်ပြလိုက်ပါသည်။

DOCA(စစ်ကိုင်း)