ပြည်တွင်းကုန်သွယ်မှုသတင်း

   ရှမ်းပြည်နယ်(မြောက်ပိုင်း)၊လားရှိုးမြို့တွင် ဩဂုတ်လ စတုတ္ထပတ်အတွင်း ဓါတ်မြေဩဇာဈေးနှုန်း မြင့်တက်လျက်ရှိပြီး လူသုံးများသည့်တံဆိပ်များနှင့် ဈေးနှုန်းများမှာ ရွှေတောင်ပုလဲ(၅၀)ကီလိုဂရမ်တစ်အိတ်လျှင် (၁၂၆၀၀၀)ကျပ်၊ အာမိုပုလဲ(ဓါတ်စာ)(၅၀)ကီလိုဂရမ် တစ်အိတ်လျှင် (၇၅၀၀၀)ကျပ်၊ CP(၄၆:၀:၀) (၅၀) ကီလိုဂရမ်တစ်အိတ်လျှင် (၁၃၀၀၀၀)ကျပ်၊ ဩဘာ(၁၀:၁၀:၅) (၅၀)ကီလိုဂရမ် တစ်အိတ်လျှင် (၉၀၀၀၀)ကျပ်ဖြင့် အသီးသီးမြှင့်တက်နေပြီး ပိုးသတ်ဆေးဈေးနှုန်းမှာလည်း အလားတူမြင့်တက်လျက်ရှိရာ ငှက်ကြီးတောင်(၁၀၀)စီစီ (၁)ဘူးလျှင် (၁၄၀၀၀)ကျပ်၊ အလန်း(၁၅) WP(၁၀၀)ဂရမ်  (၁)ဘူးလျှင် (၁၃၀၀၀) ကျပ်၊ ဖိုး(စ်)တင်းအီးစီ(၁၀၀)စီစီ (၁)ဘူးလျှင် (၅၀၀၀)ကျပ်၊ ကပ္ပတိန်(၁၀၀)ဂရမ် (၁)ဘူးလျှင် (၉၀၀၀)ကျပ် ဖြင့် အရောင်းအဝယ်ဖြစ်နေကြောင်း စုံစမ်းသိရှိရပါသည်။

       ဓါတ်မြေဩဇာနှင့် ပိုးသတ်ဆေးဈေးနှုန်းများမှာ ယခင်တစ်ပတ်နှင့် နှိုင်းယှဉ်လျှင် ဈေးနှုန်းမြင့်တက်လျက်ရှိသော်လည်း စိုက်ပျိုးရာသီဖြစ်သောကြောင့် အရောင်းသွက်လျက်ရှိကြောင်း သိရှိရပါသည်။

DOCA(ရှမ်း)

   ရှမ်းပြည်နယ်(မြောက်ပိုင်း)၊ လားရှိုးမြို့တွင် ဒေသခံအများစု အဓိကထားစားသုံးလျက်ရှိ သောဒေသထွက်ရှမ်းဆန်များသည် ယခင်နေ့များထက် ဈေးနှုန်းများမြင့်တက်လာကြောင်း သိရှိရ ပါသည်။ ယခင်နေ့များတွင် ရှမ်းဆန်(၄၅၆)အမျိုးစား တစ်အိတ်လျှင် ၄၈၀၀ဝိ/-ကျပ်၊ (၈၈၁) အမျိုးအစား တစ်အိတ်လျှင် ၄၄၀၀ဝိ/-ကျပ်နှင့် (၅၀၂)အမျိုးအစား တစ်အိတ်လျှင် ၃၉၀၀ဝိ/-ကျပ်ဖြင့်ရောင်းချကြပြီး ယခုစက်တင်ဘာလပထမအပတ်တွင် ရှမ်းဆန်(၄၅၆)အမျိုးစား တစ်အိတ်လျှင် ၈၅၀၀ဝိ/-ကျပ်၊ (၈၈၁)အမျိုးအစား တစ်အိတ်လျှင် ၆၅၀၀ဝိ/-ကျပ်နှင့် (၅၀၂)အမျိုးအစား တစ်အိတ်လျှင် ၅၈၀၀ဝိ/-ကျပ်အထိမြင့်တက်လာကြောင်းသိရှိရပါသည်။ ယခင်နေ့များမှာ မိုးများသည်းထန်စွာ ရွာသွန်းမှုများကြောင့် စပါးခင်းလယ်ကွင်းများထဲတွင် ရေဝင်ရေလျှံမှုများဖြစ်ပေါ်လာ၍ စပါးခင်းအချို့မှာ ပျက်စီးမှုများ ကြုံတွေ့ခဲ့ရကြောင်းသိရှိရပါသည်။

DOCA(ရှမ်း)

      ကသာခရိုင်၊ ကသာမြို့နယ်နှင့် ထီးချိုင့်မြို့နယ်များ၌ ဧရာဝတီမြစ်ကြောင်းတစ်လျှောက်တွင် ကြံစိုက်ပျိုးသူများ များပြားပြီး ၂၀၂၁-၂၀၂၂ ခုနှစ် ကြံစိုက်ဧကမှာ (၁၂၆၈၅၀)ဧက ရှိပါသည်။ ထီးချိုင့်မြို့နယ်တွင် သကြားစက်(၃)စက်ရှိပြီး ကြံကုန်ကြမ်း တန်ချိန် ၇ သိန်းနီးပါ ကြိတ်ခွဲနိုင်ခဲ့သည့်အတွက် သကြားတန်ချိန် ၇ သောင်းကျော်ထိ ထုတ်လုပ်နိုင်ခဲ့ကြောင်း သက်ဆိုင်ရာဌာနစာရင်းများအရ သိရှိရသည်။

     ထီးချိုင့်မြို့နယ်၊ မြတောင်သားကျေးရွာရှိ မြတောင်သားသကြားစက်လုပ်ငန်းရှင်မှ ထီးချိုင့်မြို့ နယ်တွင် ဂရိတ်ဝေါဝေမာသကြားစက်၊ မြတောင်သားသကြားစက်နှင့် UTP သကြားစက် စုစုပေါင်း (၃) စက်ရှိကြောင်း၊ ဂရိတ်ဝေါဝေမာသကြားစက်မှာ ကြံတစ်ရာသီကို တန်ချိန် ၆ သိန်းနီးပါးထိ ကြိတ်ခွဲနိုင် သည့်စက်ကြီးဖြစ်ပြီး မြတောင်းသားနှင့်UTPသကြားစက်မှာ ကြံတစ်ရာသီလျင် ကြံတန်ချိန် သုံးသောင်း မှ လေးသောင်းနီးပါးထိသာ ကြိတ်နိုင်ပါကြောင်း၊ သကြားအထွက်နှုန်းအနေဖြင့် ကုန်ကြမ်းကြံ(၁၀)တန် ကြိတ်ပါက သကြားကုန်ချော(၁)တန် (၆၁၂)ပိဿာထွက်ရှိပြီး ထွက်ရှိလာသော သကြားကုန်ချောများ ကို မန္တလေးသို့ တင်ပို့ရောင်းချကြောင်း၊ ယခင် ၂၀၂၁-၂၀၂၂ ခုနှစ် ကြံရာသီတွင် ကြံတစ်တန် ၆၄၀၀၀ ကျပ်နှင့် ရာသီပိတ်ခဲ့ပြီး သကြားဈေးမှာ မန္တလေးပေါက်ဈေး တစ်ပိဿာ ၁၈၀၀ ကျပ်မှ ၂၀၀၀ ကျပ်ရှိကြောင်း၊ ယခုနှစ်တွင် သကြားဈေးတက်လာသည့်အတွက် ၂၀၂၂-၂၀၂၃ ခုနှစ်တွင် ကြံတစ်တန် ၈၀၀၀၀ ကျပ်ထိ ကြိုပွိုင့်ပေးနေကြပြီး မိမိသည်လည်း ကြံတန်ချိန်တစ်သောင်းကျော်အား တစ်တန် ၈၀၀၀၀ ကျပ်ဖြင့် တောင်သူများသို့ ကြိုပွိုင့်ပေးထားကြောင်း၊ ယခုအချိန်တွင် ကြံရာသီမဟုတ်သည့်အတွက် စက်ရုံပိတ်ထားရပြီး အခက်အခဲအနေဖြင့် နယ်မြေမအေးချမ်းသည့်အတွက် ကြံရာသီပေါ်ချိန် တွင် စက်ရုံမလည်ပတ်နိုင်မည်ကိုစိုးရိမ်ကြောင်း မြတောင်သားသကြားစက်လုပ်ငန်းရှင် ဦးတင်ဝင်းထွန်း ၏ ဆွေးနွေးပြောကြားချက်အရ သိရှိရပါသည်။

DOCA(စစ်ကိုင်း)

နေပြည်တော် စက်တင်ဘာလ ၁၁

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေး ကော်မတီအနေဖြင့် စားအုန်းဆီ ကမ္ဘာ့ဈေးနှုန်းဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိက ထုတ်လုပ်တင်ပို့သည့် မလေးရှား နိုင်ငံနှင့် အင်ဒိုနီးရှားနိုင်ငံတို့တွင် ဖြစ်ပေါ်နေသည့် FOB ဈေးနှုန်းများကို နေ့စဉ် စောင့်ကြည့် ကာ သယ်ယူပို့ဆောင်ခ ကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်း တွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံ လက်ကား ရည်ညွှန်းဈေးနှုန်းကို ထုတ်ပြန်ပေးလျက်ရှိပါသည်။

   ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက် နှင့်ဈေးနှုန်းဖြစ်ပေါ်မှုများအရ ၂၀၂၂ ခုနှစ်၊ စက်တင်ဘာလ ၁၂ ရက်နေ့မှ စက်တင်ဘာလ ၁၈ ရက်နေ့အထိ ရန်ကုန်အထိုင်ဈေး အခြေခံလက်ကားရည်ညွှန်း ဈေးနှုန်းမှာ စားအုန်းဆီ တစ် ပိဿာလျှင် ၄၇၃၀ ကျပ် ဖြစ်ကြောင်း ထုတ်ပြန်ကြေညာထားပါသည်။

    ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူ ဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားသည်။

 အဆိုပါ အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန ၏ Website: www.doca.gov.mm၊  Facebook Page  နှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။                                                                               

     ကယားပြည်နယ်တွင် အခြေခံစားကုန် စားဖိုဆောင်သီးနှံ တစ်မျိုးဖြစ်သည့် ကြက်သွန်နီကို ပြည်နယ်အတွင်း စားသုံးမှုလိုအပ်ချက်အရ အခြားဒေသဖြစ်သည့် မိထ္ထီလာ၊ မန္တလေး၊ မြစ်သားတို့မှ အများဆုံး တင်သွင်းရပြီး ယခုလက်ရှိ စက်တင်ဘာလပိုင်းအစမှာ ဈေးကွက်တွင် ဖြစ်ပေါ်နေသော ကြက်သွန်နီဈေးနှုန်းသည် ယခင်လ ဈေးနှုန်းထက် ဆက်လက်မြင့်တက်လာ ကြောင်း၊ ဩဂုတ်လနောက်ဆုံးပတ်တွင် ကြက်သွန်နီဈေးနှုန်းမှာ အလုံးကြီး တစ်ပိဿာလျှင် (၃၅၀၀)ကျပ်၊ အလုံးလတ် တစ်ပိဿာလျှင် (၃၀၀၀)ကျပ်၊ အလုံးသေး တစ်ပိဿာလျှင် (၂၅၀၀) ကျပ်ဈေးနှုန်းဖြင့် အရောင်းအဝယ်ဖြစ်လျက်ရှိပြီး ယခုစက်တင်ဘာလ ပထမပတ်တွင် အလုံးကြီး တစ်ပိဿာလျှင်(၄၀၀၀) ကျပ်၊ အလုံးလတ် တစ်ပိဿာလျှင် (၃၅၀၀)ကျပ်၊ အလုံးသေး တစ်ပိ ဿာလျှင်(၃၀၀၀)ကျပ် ယခင်အပတ်နှင့် ယခုအပတ်နှိုင်းယှဉ်လျှင် ကြက်သွန်နီ အလုံးကြီး တစ် ပိဿာ (၅၀၀)ကျပ်၊ အလုံးလတ် တစ်ပိဿာ (၅၀၀)ကျပ်၊ အလုံးသေး တစ်ပိဿာ လျှင် (၅၀၀)ကျပ်ခန့် ဈေးနှုန်းဆက်လက်တက်လာကြောင်း၊ ဈေးနှုန်းမြင့်တက်ရခြင်းမှ စက်သုံးဆီဈေးနှုန်းများ မြင့်တက်လာ၍ သယ်ယူစရိတ်များမြင့်မားလာခြင်းကြောင့်ဖြစ်သည်ဟု နောင်ယားဈေးရှိ ကြက်သွန်နီရောင်းဝယ်ရေးလုပ်ငန်းရှင် တစ်ဦးထံမှ သိရပါတယ်။

DOCA(ကယား)