ပြည်တွင်းကုန်သွယ်မှုသတင်း

     အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ စက်တင်ဘာလ(၉)ရက်နေ့မှ စက်တင်ဘာလ(၁၅)ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စု ကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါတယ်။ ထိုသို့ဝင်ရောက် ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ် (ပိဿာ)ကျပ် ၁၂၀၀ မှ ၂၄၀၀ အတွင်း၊ ဂေါ်ဖီထုပ်(တစ်ထုပ်)ကျပ် ၁၃၀၀ မှ ၂၅၀၀ အတွင်း၊ ပန်းဂေါ်ဖီ(ထုပ်)ကျပ် ၅၀၀ မှ ၁၅၀၀ အတွင်း၊ အာလူး(ပိဿာ)ကျပ် ၁၇၀၀ မှ ၂၄၀၀ အတွင်း၊ မုန့်လာဉနီ(ပိဿာ) ကျပ် ၁၃၀၀ မှ ၁၇၀၀ အတွင်း ရွှေဖရုံသီး(လုံး)ကျပ် ၂၀၀၀ မှ ၃၀၀၀ အတွင်း၊ ဗူးသီး(လုံး) ကျပ် ၁၀၀၀ မှ ၁၅၀၀ အတွင်း၊ မုန်ညှင်း(ထုပ်)(ပိဿာ)ကျပ် ၁၃၀၀ မှ ၁၆၀၀ အတွင်း၊ ကြက်သွန်နီ(ဆိပ်ဖြူ)ကျပ် ၂၇၀၀ မှ ၃၈၅၀ အတွင်း၊ ကြက်သွန်ဖြူ(ရှမ်း)(ပိဿာ) ၃၀၀၀ မှ ၃၅၀၀ အတွင်း၊ ကြက်သွန်ဖြူ(ကြူကုတ်)(ပိဿာ) ကျပ် ၄၂၀၀ မှ ၅၀၀၀ အတွင်း၊ ချင်း(ပိဿာ)ကျပ် ၈၀၀ မှ ၁၂၀၀ အတွင်း၊ ဆလပ်ရွက် (စီး) ကျပ် ၁၀၀ မှ ၂၀၀ အတွင်း၊ ချဉ်ပေါင်ရွက်(စီး) ကျပ် ၅၀ မှ ၁၀၀ အတွင်း၊ ခရမ်းသီး(ရှည်)(ပိဿာ)ကျပ် ၁၃၀၀ မှ ၁၇၀၀ အတွင်း၊ သံပရာသီး(လုံး)ကျပ် ၂၀ မှ ၁၀၀ အတွင်း၊ ငရုတ်သီးစိမ်း (ကျောက်စိမ်း) (ပိဿာ) ၂၄၀၀ မှ ၂၈၀၀ အတွင်း၊ ဖရဲသီး (အကြီး၊ အလတ်၊ အသေး)ကျပ် ၅၀၀ မှ ၂၀၀၀ အတွင်း ဖြစ်ကြောင်း သိရှိရပါတယ်။ တညင်းကုန်းလက်ကားဈေးကြီးအတွင်းသို့ ယခုရက်သတ္တပတ်အတွင်း သံပုရာသီးအလုံးပေါင်း(၅၄၆၀၀)ကျော်၊ ခရမ်းသီး(ရှည်)(ပိဿာ)(၁၂၈၉၀)ကျော်၊ ဗူးသီးအလုံးပေါင်း (၁၇၄၅)ကျော်၊ ရွှေဖရုံသီးအလုံးပေါင်း (၂၁၆၉၀)ကျော်၊ ဂေါ်ဖီထုပ်ပေါင်း (၂၂၅၀၀)ကျော်၊ ပန်းဂေါ်ဖီ ထုပ်ပေါင်း(၈၄၀၀)ကျော်၊ မုန်ညှင်းထုပ်(ပိဿာ)ပေါင်း (၁၂၉၉၁)ကျော်၊ ဖရဲသီးလုံးပေါင်း (၄၀၈၀၀) ကျော်  အသီးသီးကုန်အဝင်ရှိကြောင်း သိရပါတယ်။

DOCA(ရန်ကုန်)

    မြန်မာနိုင်ငံဆန်စပါးအသင်းချုပ်၏ ဦးဆောင်လမ်းညွှန်မှုဖြင့် မြန်မာနိုင်ငံ ဆန်စပါး ကုန်သည်များအသင်း၊ မြန်မာနိုင်ငံဆန်စပါးစိုက်ပျိုးထုတ်လုပ်သူများအသင်းတို့နှင့် ဆန်စပါး ကုန်စည်ဒိုင်(ဝါးတန်း/ဘုရင့်နောင်)တို့မှ စားသုံးသူပြည်သူများ ဈေးနှုန်းသက်သာစွာဖြင့် ဝယ်ယူ စားသုံးနိုင်ရန်အတွက် ဆန်စပါးကုန်စည်ဒိုင်(ဝါးတန်း) အတွင်းတွင် (၃.၈.၂၀၂၂) ရက်နေ့မှ (၁၃.၉.၂၀၂၂)ရက်နေ့ထိ ရွှေဘိုပေါ်ဆန်း(ရှယ်) (၁၀၈)ပေါင် တစ်အိတ်လျှင် ၇၅၀၀၀/- မှ ၇၇၀၀၀/- ကျပ်နှုန်းဖြင့် (၄၃၃၀)အိတ်၊ ကြားပျံ(ရှယ်) (၁၀၈)ပေါင် တစ်အိတ်လျှင် ၅၅၀၀၀/- မှ ၆၀၀၀/- ကျပ်နှုန်းဖြင့် (၃၇၈၈)အိတ်၊ ဧရာဝတီ ပေါ်ဆန်း(ရှယ်) (၁၀၈)ပေါင် တစ်အိတ်လျှင် ၅၂၀၀၀/- မှ ၅၅၀၀၀/- ကျပ်နှုန်းဖြင့် (၂၆၉၇၈)အိတ်၊ ရက်-၉၀ (ရှယ်) (၁၀၈)ပေါင် တစ်အိတ် လျှင် ၃၅၀၀၀/- မှ ၃၇၀၀၀/- ကျပ်နှုန်းဖြင့် (၄၄၂၉)အိတ် ဆန်အမျိုးအစားအလိုက် အိတ်ရေစုစုပေါင်း (၁၅၂၄၄)အိတ် ရောင်းချပေးခဲ့ပြီး ဖြစ်ကြောင်း သတင်းရရှိပါသည်။

DOCA(ရန်ကုန်)

        ပြည်ကုန်စည်ဒိုင်တွင် ပဲမျိုးစုံအရောင်းအဝယ်ဖြစ်လျှက်ရှိပြီး ပြည်ပတင်ပို့သောပဲဈေးများမှာ အရောင်း အဝယ်များလျှက်ရှိပါသည်။ မြို့တွင်းအရောင်းအဝယ်ရှိသောပဲများမှာ ပုံမှန်အရောင်း အဝယ်ဖြစ်လျှက်ရှိပါသည်။

မတ်ပဲ

      ပြည်ကုန်စည်ဒိုင်တွင် ဇူလိုင်ပထမပတ်တွင် ပိဿာ(၂၀)ဝင် မတ်ပဲတစ်တင်းကို ၅၆၀၀၀-၅၆၅၀၀ကျပ်ဖြင့် အရောင်းအဝယ်ဖြစ်လျှက်ရှိပါသည်။ ဒုတိယပတ်တွင် မတ်ပဲဈေးကျလာပြီး ပဲတစ်တင်းကို ၅၂၀၀၀-၅၂၅၀၀ကျပ်၊ တတိယပတ်တွင်  မတ်ပဲတစ်တင်းကို ၅၃၀၀၀-၅၄၀၀၀ကျပ်ဖြင့် တစ်ရက် လျှင်အိတ် ၁၅၀/၂၀၀ခန့် ရန်ကုန်အဝယ်ရှိပါသည်။ စတုတ္ထပတ်တွင် မတ်ပဲတစ်တင်းကို ၅၄၀၀၀ကျပ်ဖြင့် တစ်ရက်ကိုအိတ် ၁၀၀/၁၅၀ခန့် ရန်ကုန်သို့တင်ပို့ပါသည်။ ဩဂုတ်လအစတွင် မတ်ပဲ တစ်တင်းကို ၅၄၅၀၀-၅၅၀၀၀ကျပ်ဖြင့် တစ်ရက်ကိုအိတ် ၁၅၀/၂၀၀ခန့် အရောင်းအဝယ်ဖြစ်ခဲ့ပါသည်။ ဒုတိယပတ်တွင် မတ်ပဲဈေးတက်လာခဲ့ပြီး တစ်တင်းကို ၅၈၅၀၀-၅၉၀၀၀-၅၉၅၀၀ကျပ်ဖြင့် အရောင်း အဝယ်ဖြစ်ခဲ့သည့်အတွက် တစ်ရက်ကိုအိတ် ၂၀၀/၂၅၀ခန့် ရန်ကုန်အဝယ်ရှိပါသည်။ ဩဂုတ်လ တတိယပတတွင် ပဲတစ်တင်းကို ၆၁၀၀၀-၆၁၅၀၀-၆၂၀၀၀ကျပ်၊ စတုတ္ထပတ်တွင် မတ်ပဲ တစ်တင်းကို ၆၄၀၀၀-၆၅၀၀၀ကျပ်ဖြင့် အရောင်းအဝယ်ဖြစ်ခဲ့ပါသည်။

ပဲစင်းငုံ

    ဇူလိုင်လပထမပတ်တွင် ပဲစင်းငုံတစ်တင်းကို ၄၆၅၀၀ကျပ်ဖြင့် အရောင်းအဝယ်ရှိပြီး ဒုတိယပတ်တွင် ပဲတစ်တင်းကို ၄၆၀၀၀ကျပ်ဖြင့် တစ်ရက်ကိုအိတ် ၂၀၀/၃၀၀ခန့် ရန်ကုန် အဝယ် ရှိပါသည်။ ဇူလိုင်တတိယပတ်တွင် ပဲစင်းငုံဈေးကျပြီး တစ်တင်းကို၄၅၀၀၀ကျပ်ဖြင့် အရောင်း အဝယ်ဖြစ်ခဲ့ပါသည်။ စတုတ္ထပတ်တွင် ပဲစင်းငုံဈေးပြန်တက်လာပြီး ပဲတစ်တင်းကို ၄၆၅၀၀ကျပ်ဖြင့် အဝယ်ရှိခဲ့ပါသည်။ ဩဂုတ်လပထမပတ်တွင် ပဲစင်းငုံဈေးထပ်တက်လာပြီး တစ်တင်းကို ၄၉၅၀၀-၅၀၀၀၀-၅၀၅၀၀ကျပ်ဖြင့် ရန်ကုန်ဝယ်လက်တစ်ရက်ကိုအိတ် ၂၅၀/၃၀၀ခန့် အဝယ်ရှိခဲ့ပါသည်။ ဒုတိယ ပတ်မှာတော့ ပဲစင်းငုံတစ်တင်းကို ၅၈၀၀၀-၅၈၅၀၀-၅၉၀၀၀ကျပ်ဖြစ်လာပြီး တတိယ ပတ်မှာတော့ ပဲစင်းငုံတစ်တင်းကို ၆၁၅၀၀-၆၂၀၀၀ ကျပ်ဖြင့် တစ်ရက်ကိုအိတ် ၃၀၀ခန့် အဝယ် ရှိခဲ့ပါသည်။ စတုတ္ထပတ်တွင် ပဲစင်းငုံတစ်တင်းကို ၆၁၀၀၀-၆၂၀၀၀-၆၃၀၀၀ဖြင့် အရောင်းအဝယ်ဖြစ်ခဲ့ပါသည်။

ကုလားပဲ

     ဇူလိုင်ပတမပတ်တွင် ကုလားပဲ(HL) တစ်တင်းကို ၅၀၅၀၀-၅၁၀၀၀ကျပ်၊ ကုလားပဲ (မြကြေးမှုံ)တစ်တင်းကို ၅၁၅၀၀ကျပ်ဖြင့် တစ်ရက်ကိုအိတ် ၂၀၀/၃၀၀ခန့် အဝယ်ရှိပါသည်။ ဒုတိယပတ်တွင် ကုလားပဲ(HL) တစ်တင်းကို ၅၁၀၀၀ကျပ်၊ ကုလားပဲ(မြကြေးမှုံ)တစ်တင်းကို ၅၁၅၀၀-၅၂၀၀၀ ကျပ်ဖြင့်အရောင်းအဝယ်ရှိခဲ့ပါသည်။ တတိယပတ်တွင် ကုလားပဲ(HL) တစ်တင်းကို ၅၁၀၀၀-၅၁၇၀၀ကျပ်၊ ကုလားပဲ(မြကြေးမှုံ)တစ်တင်းကို ၅၂၀၀၀ကျပ်ဖြင့် မြို့တွင်းခွဲစက်သမားနှင့် ရန်ကုန် အဝယ်ရှိပြီး တစ်ရက်လျှင် အိတ် ၃၀၀/၄၀၀ခန့် အရောင်းအဝယ်ဖြစ်ခဲ့ပါသည်။ ဇူလိုင်လ စတုတ္ထ ပတ်တွင် ကုလားပဲ(HL) တစ်တင်းကို ၅၂၀၀၀ကျပ်၊ ကုလားပဲ(မြကြေးမှုံ)တစ်တင်းကို ၅၂၅၀၀ကျပ်ဖြင့် အဝယ်ရှိခဲ့ပါသည်။ ဩဂုတ်လပထမပတ်တွင် ကုလားပဲ(HL) တစ်တင်းကို ၅၃၀၀၀ကျပ်၊ ကုလားပဲ(မြကြေးမှုံ)တစ်တင်းကို ၅၃၀၀၀ကျပ်၊ ဒုတိယပတ်တွင်လည်း ကုလားပဲ(HL) တစ်တင်းကို ၅၅၀၀၀-၅၅၅၀၀-၅၇၀၀၀ကျပ်ဖြင့် တစ်ရက်အိတ် ၃၀၀/၄၀၀ခန့် ခွဲစက်သမားနှင့် ရန်ကုန် အဝယ်ရှိခဲ့ပါသည်။ ဩဂုတ်လတတိယပတ်တွင် ကုလားပဲ(HL) တစ်တင်းကို ၆၄၀၀၀-၆၅၀၀၀ကျပ် ၊ကုလားပဲ(မြကြေးမှုံ)တစ်တင်းကို ၆၄၀၀၀-၆၅၀၀၀ကျပ်၊ စတုတ္ထပတ်တွင် ကုလားပဲ(HL) တစ်တင်းကို ၆၅၀၀၀ကျပ်၊ ကုလားပဲ(မြကြေးမှုံ)တစ်တင်းကို ၆၄၅၀၀-၆၅၀၀၀ ကျပ်ဖြင့် မြို့တွင်းခွဲစက်သမားနှင့် ရန်ကုန် အဝယ်တစ်ရက်ကိုအိတ် ၃၀၀/၄၀၀ခန့် အရောင်းအဝယ်ဖြစ်ခဲ့ပါသည်။

ဘိုကိတ်ပဲ

     ပြည်ကုန်စည်ဒိုင်၏ ဇူလိုင်လအစတွင် ဘိုကိတ်ပဲတစ်တင်းကို ၃၅၀၀၀ကျပ်ဖြင့် မြို့တွင်း အဝယ်နှင့် ရန်ကုန်အဝယ်ရှိပြီး တစ်ရက်ကိုအိတ် ၅၀/၁၀၀ခန့် အရောင်းအဝယ်ဖြစ်ပါသည်။ ဇူလိုင် ဒုတိယပတ်တွင် ဘိုကိတ်ပဲတစ်တင်းကို ၃၅၀၀၀ကျပ်ဖြင့် ဈေးအေးနေခဲ့ပါသည်။ တတိယပတ်တွင် ဘိုကိတ်ပဲတစ်တင်းကို ၃၅၀၀၀ကျပ်၊ စတုတ္ထပတ်တွင် ဘိုကိတ်ပဲတစ်တင်းကို ၃၆၅၀၀ကျပ်ဖြင့် မြို့တွင်းအဝယ်ရှိခဲ့ပါသည်။ ဩဂုတ်လအစတွင် ဘိုကိတ်ပဲတစ်တင်းကို ၃၆၅၀၀ကျပ်ဖြင့် အဝယ်ရှိခဲ့ ပါသည်။ ဒုတိယပတ်တွင် ဘိုကိတ်ပဲဈေးတက်လာပြီး ပဲတစ်တင်းကို ၃၇၀၀၀-၃၈၀၀၀ကျပ်ဖြင့် အဝယ်ရှိခဲ့ပါသည်။ ဩဂုတ်လတတိယပတ်တွင် ဘိုကိတ်ပဲဈေးပိုမြင့်လာပြီး ပဲတစ်တင်းကို ၄၀၀၀၀ကျပ်ဖြင့် ရန်ကုန်အဝယ်ရှိခဲ့ပါသည်။ စတုတ္ထပတ်တွင် ဘိုကိတ်ပဲတစ်တင်းကို ၄၀၀၀၀ကျပ်ဖြင့် အရောင်းအဝယ်ဖြစ်ခဲ့ပါသည်။

      ပြည်ကုန်စည်ဒိုင်တွင် ပဲအရောင်းအဝယ်ဖြစ်မှုမှာ ဇူလိုင်လအရောင်းအဝယ်ဖြစ်မှုထက် ဩဂုတ်လ အရောင်းအဝယ်ဖြစ်မှုက ပိုကောင်းခဲ့ပြီး ပဲဈေးမှာလည်း တက်နေကြောင်းသိရှိရပါသည်။

DOCA(ပဲခူး)

      ပြည်ကုန်စည်ဒိုင်တွင် ပဲဈေးနှုန်းများ မြင့်တက်လျှက်ရှိပြီး မတ်ပဲ၊ ပဲစင်းငုံ၊ ကုလားပဲ၊ ပဲကြီး၊ စားတော်ပဲ၊ ဘိုကိတ်ပဲများ အရောင်းအဝယ်ဖြစ်လျှက်ရှိပါသည်။

     စက်တင်ဘာပထမပတ်တွင် မတ်ပဲဈေးပိုတက်လာပြီး ပဲတစ်တင်းကို ၆၇၀၀၀-၆၇၅၀၀-၆၈၀၀၀ကျပ်ဖြင့် အရောင်းအဝယ်ဖြစ်လျှက်ရှိပါသည်။ တစ်ရက်ကိုအိတ် ၁၀၀/၂၀၀ခန့်သာ အရောင်း အဝယ်ဖြစ်ပြီး အရောင်းအဝယ်အနည်းငယ်အေးနေကြောင်း သိရှိရပါသည်။ ပဲတစ်တင်းဈေးမှာ ယခင် နှစ် စက်တင်ဘာလဈေးနှင့် နှိုင်းယှဉ်လျှင် ပိုမြင့်နေကြောင်း သိရှိရပါသည်။

       ပြည်ကုန်စည်ဒိုင်တွင် ဩဂုတ်လနောက်ဆုံးပတ်မှ စ၍ ပဲစင်းငုံဈေးတက်လာပြီး စက်တင်ဘာ လပထမပတ်မှာ ပဲတစ်တင်းကို ၆၆၀၀၀-၆၆၅၀၀ကျပ်ဖြင့် ရန်ကုန်အဝယ် တစ်ရက်ကို အိတ် ၃၀၀/၄၀၀ခန့် အရောင်းအဝယ်ဖြစ်ပါသည်။

      စက်တင်ဘာလ ပထမပတ်မှာ ကုလားပဲ(HL)တစ်တင်းကို ၆၆၀၀၀-၆၆၅၀၀ ကျပ်၊ ကုလားပဲ (မြကြေးမှုံ)တစ်တင်းကို ၆၅၅၀၀-၆၆၀၀၀ကျပ်ဖြင့် မြို့တွင်းခွဲစက်နှင့် ရန်ကုန်အဝယ် တစ်ရက်ကိုအိတ် ၃၀၀/၃၅၀ခန့် အဝယ်ရှိပါသည်။ တခါတရံ နယ်စုံအဝယ်ရှိပြီး တစ်ရက်ကို အိတ် ၂၀၀/၃၀၀ခန့် တင်ပို့မှုရှိပါသည်။

      စက်တင်ဘာလ ပထမပတ်မှာ ပဲကြီး(ရွှေကျွန်း) တစ်တင်းကို ၈၀၀၀၀ကျပ် ပဲကြီး(ကမ်းနား) တစ်တင်းကို ၇၃၀၀၀-၇၅၀၀၀ ကျပ်ဖြင့် အရောင်းအဝယ်ဖြစ်ပြီး မြို့တွင်း ပဲကြော်သမား များ အဝယ်ရှိ၍ တစ်ရက်ကိုအိတ် ၂၅၀/၃၀၀ခန့် အရောင်းအဝယ်ဖြစ်လျက်ရှိပါသည်။ တခါတရံ ရန်ကုန် အဝယ် ရှိပြီး တစ်ရက်ကိုအိတ် ၂၀၀ခန့် တင်ပို့မှုရှိပါသည်။

      စက်တင်ဘာလ ပထမပတ်မှာ စားတော်ပဲ(ကျွန်း) တစ်တင်းကို ၁၂၈၀၀၀-၁၂၉၀၀၀-၁၃၀၀၀၀ ကျပ်ဖြင့် မြို့တွင်းအဝယ်ရှိပါသည်။ တစ်ရက်ကိုအိတ် ၁၀၀/၂၀၀ခန့် အဝယ်ရှိပြီး ယခင်နှစ် ဈေးနှုန်းနှင့် နှိုင်းယှဉ်ပါက ယခုနှစ်ဈေးက ပိုကောင်းကြောင်း သိရှိရပါသည်။

       ပြည်ကုန်စည်ဒိုင်တွင် စက်တင်ဘာပထမပတ်တွင် ဘိုကိတ်ပဲတစ်တင်းကို ၄၃၀၀၀ကျပ်ဖြင့် မြို့တွင်းရောင်းဝယ်မှုရှိပြီး တစ်ရက်ကိုအိတ် ၅၀/၁၀၀ခန့် အဝယ်ရှိပါသည်။ တခါတရံ ရန်ကုန် အဝယ်ရှိ ပါသည်။

       ပြည်ကုန်စည်ဒိုင်တွင် နိုင်ငံခြားသို့တင်ပို့သော မတ်ပဲ၊ ပဲစင်းငုံ၊ ကုလားပဲမှာအရောင်းအဝယ် ပုံမှန်သာရှိပါသည်။ မြို့တွင်းရောင်းဝယ်မှုရှိသော ပဲကြီး၊ စားတော်ပဲ၊ ဘိုကိတ်ပဲများသာ အရောင်း သွက်နေကြောင်းသိရှိရပါသည်။

DOCA(ပဲခူး)

   ပြည်မြို့ရှိဓါတ်မြေဩဇာဈေးကွက်တွင် ပုံမှန်အရောင်းအဝယ်ဖြစ်လျှက်ရှိသော ယခုတစ်ပတ် ဓါတ်မြေဩဇာ ဈေးနှုန်းများမှာ မြင်းပျံဓါတ်မြေဩဇာ ICP ကုမ္ပဏီ (ပုလဲ) တစ်အိတ်လျှင် ၁၄၀၀၀၀ကျပ်၊ ရွှေနင်္ဂါး(ပုလဲ) တစ်အိတ်လျှင် ၁၅၃၀၀၀ကျပ်၊ ရွှေနင်္ဂါး(ပုလဲသာ)တစ်အိတ်လျှင် ၁၇၀၀၀၀ကျပ်၊ ဂျက်ဆင်ကျောက်မှုန့် (25 kg) တစ်အိတ်လျှင်၇၀၀၀ကျပ်၊ ရွှေပွားဆာဖာပုလဲ တစ်အိတ်လျှင် ၇၅၀၀၀ကျပ်၊ အောင်နှံဝေ (50kg) တစ်အိတ်လျှင် ၇၈၀၀၀ကျပ်၊ MC 15 ပတ်လည် တစ်အိတ်လျှင် ၁၅၀၀၀၀ကျပ် တို့ဖြစ်ကြောင်း သိရှိရပါသည်။ ပိုးသတ်ဆေးဈေးနှုန်းများမှာ အစက် ၁၀၀ ccကို ၆၀၀၀ကျပ်၊ သန်းဒါ ၁၀၀cc ကို ၅၀၀၀ကျပ်တို့ဖြစ်ကြောင်း သိရပါသည်။

DOCA(ပဲခူး)