ပြည်တွင်းကုန်သွယ်မှုသတင်း

       မော်လမြိုင်မြို့၌ ယခုဩဂုတ်လစတုတ္ထအပတ် ဘိလပ်မြေဈေးကွက်မှာ အရောင်းအဝယ် အေးနေပြီး ဈေးနှုန်းအနည်းငယ်တက်လာကြောင်းသိရှိရသည်။ ဈေးကွက်ထဲအရောင်းအဝယ်ပုံမှန် ဖြစ်နေတဲ့ ဈေးမှာ  ယခင်အပတ်တွင် ကြံ့နှစ်ကောင်(အနီ) ကျပ် ၈၅၀၀၊ ဆင်(ထိုင်း) ကျပ် ၁၁၅၀၀၊ ကြံ့တံဆိပ်(အပြာ) ကျပ် ၈၄၀၀ရှိခဲ့ပြီး ယခုအပတ်တွင် ကြံ့နှစ်ကောင်(အနီ) ကျပ် ၉၆၀၀၊ ဆင်(ထိုင်း) ကျပ် ၁၄၅၀၀၊ ကြံ့တံဆိပ်(အပြာ) ကျပ် ၉၃၀၀ ဖြင့် အရောင်းအဝယ်ဖြစ်နေပြီး မော်လမြိုင်မြို့၌ ဓါတ်မြေဩဇာမှာ ဈေးနှုန်းအနည်းငယ်တက်လာပြီး  အရောင်းအဝယ်ပုံမှန်ရှိနေကြောင်း သိရှိရသည်။

     အရောင်းအဝယ်ဖြစ်နေသောဈေးမှာ ယခင်အပတ်တွင် ကွန်ပေါင်း (မြန်မာ့ဩဘာ ရွှေကောမက်) ၁၅:၁၅:၁၅ မှာ ကျပ် ၁၂၅၀၀၀၊ကွန်ပေါင်း ၂၀:၁၂:၁၂ မှာ ကျပ် ၁၄၂၀၀၀၊ ကွန်ပေါင်း (Thai Grow How) မှာ ကျပ် ၁၃၀၀၀၀၊ ပုလဲ(အသေး) ၄၆%  မြန်မာ (MPE)  မှာ ကျပ်၇၀၀၀၀၊ ပုလဲ(အကြီး)Thai (မြင်းပျံ) မှာ ကျပ် ၉၈၀၀၀ ရှိခဲ့ပြီး ယခုအပတ်တွင် ကွန်ပေါင်း (မြန်မာ့ဩဘာ ရွှေကောမက်) ၁၅:၁၅:၁၅ မှာ ကျပ် ၁၂၉၃၀၀ ၊ကွန်ပေါင်း ၂၀:၁၂:၁၂ မှာ ကျပ် ၁၅၀၀၀၀၊ ကွန်ပေါင်း(Thai Grow How) မှာ ကျပ် ၁၃၅၀၀၀၊ ပုလဲ(အသေး) ၄၆%  မြန်မာ (MPE)  မှာ ကျပ် ၇၅၀၀၀၊ ပုလဲ(အကြီး) Thai(မြင်းပျံ) မှာ ကျပ် ၁၁၀၀၀၀ ဖြင့် အရောင်းအဝယ်ဖြစ်နေကြောင်း သိရသည်။  

DOCA(မွန်)

        ရွှေဘိုခရိုင်အတွင်းရှိ မြို့နယ်များ၌ ဩဂုတ်လ စတုတ္ထပတ်တွင် စပါး /ဆန်ဈေးနှုန်းမှာ တည်ငြိမ်နေပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ဩဂုတ်လ တတိယပတ်တွင် ရန်ကုန်သို့ အိတ်ရေ ၅၆၀၀၀ ၊ မန္တလေးသို့ အိတ်ရေ၄၆၀၀၀၊ နေပြည်တော်သို့ အိတ်ရေ ၁၂၀၀၀၊ ရှမ်း(တောင်)သို့ အိတ်ရေ ၁၀၀၀၀၊ ရှမ်း(မြောက်)သို့ အိတ်ရေ ၁၀၀၀၀၊ ပခုက္ကူသို့ အိတ်ရေ ၁၀၀၀၊ စုစုပေါင်းအိတ်ရေ ၁၃၅၀၀၀၊ တန်အားဖြင့် ၆၇၅၀တန် စီးထွက် ခဲ့ပါသည်။ယခုအပတ်တွင် ရွှေဘိုခရိုင်မှ အခြား တိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၄၇၅၀၀၊ မန္တလေးသို့ အိတ်ရေ ၆၀၄၀၀၊ နေပြည်တော်သို့ အိတ်ရေ၁၃၀၀၀ ၊ ရှမ်း(တောင်)သို့ အိတ်ရေ၁၁၀၀၀ ၊ ရှမ်း(မြောက်)သို့ အိတ်ရေ ၁၀၅၀၀၊ပခုက္ကူသို့ အိတ်ရေ ၁၀၀၀ ၊ စုစုပေါင်းအိတ်ရေ ၁၄၃၄၀၀ ၊ တန်အားဖြင့် ၇၁၇၀တန် စီးထွက်ခဲ့သည့် အတွက် ယခင်အပတ်နှင့် နှိုင်းယှဉ်လျှင် ယခုအပတ်အတွင်း အိတ်ရေ ၈၄၀၀၊ တန်အားဖြင့် ၄၂၀တန် ပို၍ စီးထွက်ခဲ့ပါသည်။

          ရွှေဘိုမြို့၏ ဩဂုတ်လ စတုတ္ထပတ်တွင် ဖြစ်ပေါ်နေသော စပါး/ဆန်  ဈေးနှုန်းများမှာ ရွှေဘိုပေါ်ဆန်းစပါး တင်း၁၀၀လျှင် ကျပ်၂၃၀၀၀၀၀၊ ရွှေဘိုပေါ်ဆန်း ဆန်၂၄ပြည်ပါ တစ်အိတ်လျှင် ကျပ်၈၂၀၀၀၊ ဧရာမင်းစပါး တင်း၁၀၀လျှင် ကျပ်၁၃၀၀၀၀၀၊ ဧရာမင်းဆန် ၂၄ပြည်ပါတစ်အိတ်လျှင် ကျပ် ၅၈၀၀၀၊ ၂၀၂၁-၂၀၂၂ခုနှစ်ထွက် နွေစပါး ရွှေဝါထွန်းစပါး တင်း၁၀၀လျှင် ကျပ် ၁၁၀၀၀၀၀၊ ‌ရွှေဝါထွန်းဆန် ၂၄ပြည်ပါ တစ်အိတ်လျှင် ကျပ် ၃၈၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ ဝါးခယ်မမြို့နယ်၊ မြို့နယ်တာဝန်ခံဦးအောင်မိုးသည် မြို့နယ်စည်ပင်သာယာရေးအဖွဲ့နှင့်ပူးပေါင်း၍ (၂၂.၈.၂၀၂၂) ရက်နေ့ နံနက်(၁၁:၃၀)နာရီအချိန်က ဝါးခယ်မမြို့နယ် မြို့မဈေးရှိတာဝန်ခံရုံးတွင် ကုန်မျိုးစုံ ရောင်းချနေသော လုပ်ငန်းရှင်များအား စားသုံးသူကာကွယ်ရေး အသိပညာပေးဟောပြောဆွေးနွေးခဲ့ပါသည်။

       ထိုသို့ဟောပြောဆွေးနွေးရာတွင် ဝါးခယ်မ မြို့နယ်တာဝန်ခံ ဦးအောင်မိုးမှ စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံးသူ၏အခွင့်အရေးနှင့်တာဝန်များ၊ လုပ်ငန်းရှင်၏တာဝန်များ၊တားမြစ်ချက်များ၊ ပြစ်မှုပြစ်ဒဏ်များ ရှင်းလင်းဆွေးနွေးခဲ့ပြီး၊စားသုံးသူကာကွယ်ရေး ဥပဒေ ၂၀၁၉ ပါပြဌာန်းချက်များမှ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ပုဒ်မ(၄၁) ပုဒ်မခွဲ(ခ)နှင့်(ဂ)(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာ ဖြင့်ဖြစ်စေ၊ အခြားဘာသာတစ်ခု(သို့)တစ်ခုထက်ပို၍တွဲလျှက်ဖြစ်စေ ရေးသားဖော်ပြရမည်ဖြစ်ပြီး မိမိတို့ရောင်းချနေသော ကုန်စည်အမျိုးအစားအလိုက် သတ်မှတ်ထားသည့် ဥပဒေများနှင့်အညီ လိုက်နာဆောင်ရွက်ကြရန် ဌာနအနေဖြင့် အပတ်စဉ်စစ်ဆေးဆောင်ရွက်သွားမည်ဖြစ်ကြောင်း စားသုံးသူကာကွယ်ရေး အသိပညာပေးဟောပြောပွဲသို့ ဆိုင်ပိုင်ရှင်(၁၀)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

      စားဖိုဆောင်သီးနှံတစ်မျိုးဖြစ်သည့် ခရမ်းချဉ်သီးကို မိုင်းလုံးရပ်ကွက်၊  မှုံပြာ၊ လင်ဖုံလေး ကျေးရွာများမှ အများဆုံးစိုက်ပျိုးကြသော်လည်း ယခုနှစ်တွင် စိုက်ပျိုးနိုင်မှုလျော့နည်းသဖြင့် ဈေးကွက် လိုအပ်ချက်ကို ရှမ်းပြည်နယ် တောင်ပိုင်း အင်းလေးဒေသဘက်မှ တင်သွင်းရောင်းချ လျက်ရှိကြောင်း၊ ယခု ဩဂုတ်လ စတုတ္ထပတ်တွင် ဈေးကွက်အတွင်း ခရမ်းချဉ်သီး ဈေးနှုန်းမှာ တစ်ပိဿာလျှင် (၁၅၀၀) ကျပ်ဈေးဖြင့် အရောင်း အဝယ်ဖြစ်လျှက်ရှိပြီး ယခင် ဇူလိုင်လ စတုတ္ထ ပတ်တွင် တစ်ပိဿာလျှင် (၅၀၀) ကျပ် ဈေးရှိခဲ့ပြီး ယခင် ဇူလိုင်လ စတုတ္ထပတ်နှင့် ယခု ဩဂုတ်လ စတုတ္ထပတ် နှိုင်းယှဉ်လျှင် တစ်ပိဿာ (၁၀၀၀) ကျပ်ခန့် ဈေးနှုန်းမြှင့်တက်လာကြောင်း၊ ဈေးနှုန်း မြှင့်တက်လာရခြင်းမှာ စက်သုံးဆီ‌ဈေးနှုန်းများ မြှင့်တက်လာ၍ သယ်ယူစရိတ်မြှင့်မားလာခြင်း ကြောင့်ဖြစ်သည်ဟု ခရမ်းချဉ်သီး ရောင်းချသူတစ်ဦးတစ်ဦးထံမှ သိရပါသည်။

DOCA(ကယား)

          ကယားပြည်နယ်တွင် ဆီထွက်သီးနှံတစ်မျိုးဖြစ်သည့် မြေပဲကိုလည်း မိုး၊ဆောင်း အဓိကထား စိုက်ပျိုးလျှက်ရှိပြီး မြေပဲကို လွိုင်ကော်မြို့နယ်၊ ဒီမောဆိုမြို့နယ်၊ ဖရူဆိုမြို့နယ်များတွင် အများ ဆုံးစိုက်ပျိုးကြပြီး ဒေသထွက်မြေပဲကို ဒေသတွင်း ကြိတ်ခွဲ၍ စားသုံးမှုများပြီး အခြားဒေသဖြစ်သည့် တောင်ငူနှင့် ပင်လောင်းသို့ အနည်းငယ်သာ တင်ပို့မှုရှိကြောင်း ၊ လက်ရှိ ဩဂုတ်လ စတုတ္ထပတ်တွင် ဈေးကွက်အတွင်း ဖြစ်ပေါ်နေသော ဒေသထွက်မြေပဲဆံ နှင့် မြေပဲဆီ ဈေးနှုန်းမှာ မြေပဲဆံ တစ်ပိဿ လျှင်(၆၀၀၀) ကျပ်၊ မြေပဲဆီသန့် တစ်ပိဿာလျှင် (၁၃၅၀၀) ကျပ်ဖြင့် အရောင်းအဝယ်ဖြစ်လျှက်ရှိပြီး ယခင် ဇူလိုင်လ စတုတ္တပတ်တွင် မြေပဲဆံ ဈေးနှုန်းမှာ တစ်ပိဿာလျှင် (၅၀၀၀) ကျပ်နှင့် မြေပဲဆီ တစ်ပိဿာလျှင် (၁၂၀၀၀) ကျပ်ရှိခဲ့ပြီး ယခင် ဇူလိုင်လ စတုတ္တပတ်နှင့် ယခု ဩဂုတ်လ စတုတ္တပတ် နှိုင်းယှဉ်လျှင် မြေပဲဆံ တစ်ပိဿာလျှင် (၁၀၀၀) ကျပ် ၊ မြေပဲဆီ တစ်ပိဿာလျှင် (၁၅၀၀) ကျပ်ခန့် မြှင့်တက်လာကြောင်း၊ ဈေးနှုန်းမြှင့်တက်ရခြင်းမှာ ကုန်လက်ကျန်နည်းပါးလာခြင်း၊ လုပ်သားခ စရိတ်မြင့်မားလာခြင်း၊ ကုန်ကြမ်းရရှိရန် အခက်အခဲများရှိကြောင်း ဆီစက်လုပ်ငန်းရှင် တစ်ဦးထံမှ သိရပါသည်။

DOCA(ကယား)