ပြည်တွင်းကုန်သွယ်မှုသတင်း

               ပိန်းဥသည် မြန်မာနိုင်ငံတွင်သာမက ကမ္ဘာအနှံအပြားတွင် စိုက်ပျိုးစားသုံးကြသော ဟင်းသီး ဟင်းရွက် တစ်မျိုးဖြစ်ကြောင်း၊ မြန်မာလူမျိုးအများစုမှာ ပိန်းဥနှင့် ပိန်းဥရွက်ကို ဟင်းချိုချက်စားခြင်း၊ ကြော်ချက်စားခြင်းနှင့် ပြုတ်စားခြင်းစသည်ဖြင့် အမျိုးမျိုးစားသုံးကြကြောင်း၊ ပိန်းဥမှာပါဝင်သော ပိုတက်စီယမ်ဓာတ်သည် နှလုံးသွေးကြောများအား သွေးဖိအား ကိုလျော့ကျစေပြီး အာရုံကြောစနစ်၏ လုပ်ဆောင်ချက်ကိုလည်း မြှင့်တင်ပေးခြင်းကြောင့် ဦးနှောက်၏ လုပ်ဆောင်ချက်ကိုလည်း ပိုကောင်းစေ ကြောင်း၊   ပိန်းဥမှာပါရှိသည့် Cryptoxanthin ကအဆုတ်ကင်ဆာနှင့် ခံတွင်းကင်ဆာဖြစ်နိုင်ခြေကို လျော့ချပေးကြောင်း၊ အမျှင်ဓာတ် ပါဝင်မှုမြင့်မားသောကြောင့် အစာအိမ်နှင့် အူလမ်းကြောင်း ကျန်းမာရေးအတွက် အကျိုးပြုသောကြောင့် အစာချေဖျက်နိုင်အား ပိုကောင်းစေကြောင်း၊ အမျှင်ဓာတ်က အူတွင်းအစာချေ လှုပ်ရှားမှုကိုကောင်းမွန်စေပြီး ဝမ်းမှန်စေ၍ ဝမ်းချုပ်ခြင်းနှင့် ဝမ်းပျက်ဝမ်းလျှောခြင်းကိုလည်း ကာကွယ်ပေးပြီး၊ အမျှင်ဓာတ်က ခန္ဓာကိုယ်အတွင်း အင်ဆူလင်နှင့် ဂလူးကို့စ်ဓာတ်ထွက်ရှိမှုကို ထိန်းညှိပေးခြင်းကြောင့် ဆီးချို သွေးချိုဖြစ်နိုင်ခြေကိုလျော့ချပေးကြောင်း၊ ဗီတာမင်အီးနှင့် ဗီတာမင်အေ ပါဝင်သောကြောင့် အသားအရေကြည်လင်ဝင်းပစေပြီး ဆဲလ်ကျန်းမာပြီး အနာကျက်မြန်စေ၍ အမည်းစက်တွေကင်းစေပြီး အရေအကြောင်းများကို လျော့နည်းစေ၍ အသားအရေဝင်း လက်လှပစေကြောင်း၊  ပိန်းဥကိုစားသုံးခြင်းဖြင့် နှလုံးကျန်းမာရေးနှင့် သွေးပေါင် ချိန်ထိန်းညှိရာတွင် အထောက်အကူပြုကြောင်း၊ အခွံမာပြီး အညိုရောင်သန်းကာ အတွင်းသာမှာ အဖြူရောင်၊ ပန်းရောင်(သို့) ခရမ်းရောင်ရှိသော ပိန်းဥများမှာ နှလုံးကျန်းမာစေကြောင်း စာပေများမှ လေ့လာဖတ်ရှု့ရသည်။

DOCA(မန္တလေး)       

      မန္တလေးစျေးကွက်အတွင်း နတ်တော်လဆန်းပိုင်းတွင် ကိုက်လံဟင်းရွက်ကုန်စိမ်းများ ဝင်ရောက်မှုများလျက်ရှိပြီး၊အရောင်းသွက်လျက်ကြောင်း သိရှိရပါသည်။ ၂၀၂၅ ခုနှစ် နိုဝင်ဘာ လစတုတ္ထပတ်အတွင်း ကိုက်လံဟင်းရွက်စျေးအနေဖြင့် လက္ကားစျေး (၁၀စီးပါ) တစ်စည်း လျှင် ၅၅၀၀ကျပ်နှင့် ၆၅၀၀ကျပ်၊ လက်လီစျေးတစ်စည်းလျှင် ၇၀၀ကျပ် နှင့် ၉၀၀ကျပ်အသီးသီးဖြင့် ရောင်းချလျက်ရှိကြောင်း သိရှိရပါသည်။ မန္တလေးမြို့၊သီရိမာလာစျေးအတွင်း နေ့စဉ်ကုန်စိမ်းသီးနှံ ဝင်ရောက်မှုမှာ ကုန်စည်အမျိုးအစားအလိုက် Canter ၁၂ဘီးနှင့် ၆ ဘီး) ယာဉ်(၄၀)စီး နှင့်(၆၀)စီးအကြား ဝင်ရောက်လျက်ရှိကြောင်း သိရှိရပါသည်။

DOCA(မန္တလေး)

        မန္တလေးစျေးကွက်ရှိ  ကြက်ဥ၊ ဘဲဥနှင့်ငုံးဥများ နတ်တော်လဆန်းကာလတွင် ဝယ်ယူမှုများပြားခြင်းနှင့် ဝင်ရောက်မှုအနည်းငယ်လျော့ကျသွားခြင်းတို့ကြောင့်  စျေးအနည်းငယ်မြင့်တက်သွားကြောင်း သိရှိရပါသည်။ မန္တလေးစျေးကွက်အတွင်းပြင်ဦးလွင်မြို့နယ်၊ ပြင်စာကျေးရွာ မွေးမြူ ရေးခြံထွက်ကြက်ဥများ ဝင်ရောက်မှုအများဆုံးဖြစ်ကြောင်း သိရှိရပါသည်။ ဘဲဥနှင့်ငုံးဥမှာ အမရပူရ၊ ပုသိမ်ကြီး၊ မတ္တရာ၊ စဉ့်ကိုင်၊ ကျောက်ဆည်မြို့နယ်များရှိ မွေးမြူရေးခြံတို့မှ ဝင်ရောက်ကြောင်း သိရှိရပါသည်။ ၂၀၂၅ ခုနှစ်နိုဝင်ဘာလစတုတ္ထပတ်အတွင်း ဖြစ်ပေါ်ခဲ့သောလက္ကားစျေးမှာ ကြက်ဥ (၃၀လုံး ပါ ၁၀ကဒ်) တစ်ဆွဲလျှင်၁၃၅၀၀ဝိ/- နှင့်၁၃၈၀၀ဝိ/-၊လက်လီစျေးအနေဖြင့် ကြက်ဥတစ်လုံးလျှင် ၄၅ဝိ/-နှင့်၅၀ဝိ/- ၊  ဘဲဥတစ်လုံးလျှင် ၅၈ဝိ/-နှင့် ၆၀ဝိ/- ၊ငုံးဥ(၁၀)လုံးလျှင် ၂၃၀ဝိ/- နှင့် ၂၅၀ဝိ/-  စျေးဖြင့် ရောင်းချလျက်ရှိပြီး၊ အရောင်းသွက်လျက်ရှိကြောင်း စျေးသည်တစ်ဦး၏ပြောပြချက်အရ သိရှိရပါသည်။

DOCA(မန္တလေး)

            မြင်းခြံမြို့သည် ဧရာဝတီမြစ်၏ အရှေ့ဘက်ကမ်းတွင်တည်ရှိ၍  ဥယျဥ်ခြံမြေလုပ်ငန်း များလုပ် ကိုင် လျက်ရှိပြီး ဓါးကျွန်းကျေးရွာ၊ တလုပ်ကျေးရွာနှင့် ဆင်ချောင်းကျေးရွာတို့တွင် မိသားစု တစ်နိုင်တစ်ပိုင် စားဝတ်နေရေးအတွက် ဟင်းခက်အမွှေးအကြိုင်အဖြစ်အသုံးပြုသော တရုတ်နံနံများ စိုက်ပျိုးထားကြောင်းသိရှိရသည်။  စိုက်ခင်းများမှထွက်ရှိသော တရုတ်နံနံများကို အေးမြသီတာ ဈေးသို့ တောင်သူများကိုယ်တိုင် လာရောက်ရောင်းချကြောင်း၊ ၂၀၂၅ခုနှစ် နိုဝင်ဘာလ၌ ရောင်းချနေသော တရုတ်နံနံအစည်းသေးတစ်စည်းလျှင် (၃၀၀)ကျပ်၊ (၁၀)စည်းလျှင် (၂၅၀၀) ကျပ်ခန့် ပေါက်ဈေးများ ဖြင့်ရောင်းချလျက်ရှိကြောင်း စားသုံးမှုများပြားပြီး အရောင်းအဝယ်ကောင်း ကြောင်း၊ ဟင်းခက် အမွှေးအကြိုင် ဖြစ်သောကြောင့် စားသောက်ဆိုင်များမှ ဝယ်ယူမှုများပြားပြီး၊ စီးပွားဖြစ်အဆင် ပြေကြောင်း  နံနံစိုက်တောင်သူ၏ပြောပြချက် အရသိရှိရသည်။ ကျန်းမာရေးအကျိုး အကျေးဇူးအနေ ဖြင့် တရုတ်နံနံကိုစားသုံးခြင်းဖြင့် သွေးတိုးကျခြင်း၊ ခေါင်းကိုက်သက်သာခြင်း၊ စိတ်လှုပ်ရှားမှုကို လျော့ချပေးခြင်း၊ အစာအိမ်နှင့် အူလမ်းကြောင်း ကျန်းမာရေးကိုအထောက်အကူ ပြုသောကြောင်း သိရှိရသည်။

DOCA(မန္တလေး)

       နေကြာသီးနှံမှာ ပြည်တွင်းစားဆီကြိတ်ခွဲခြင်းနှင့် ဆီစက်လုပ်များအတွက် အရေးပါသည့် စျေးကောင်းရသည့်အမယ်ဖြစ်ပြီး၊ ကျန်းမာရေးနှင့်ညီညွှတ်သည့် မပြည့်ဝဆီတစ်မျိုးဖြစ်ကြောင်း သိရပါသည်။ မန္တလေးတိုင်းဒေသကြီးတွင် နေကြာသီးနှံကို မိုးနေကြာနှင့် ဆောင်းနေကြာ အဖြစ် စိုက်ပျိုးလျက်ရှိပြီး၊ ၂၀၂၄-၂၀၂၅ ခုနှစ်နေကြာစိုက်ပျိုးမှု ၁၈၆၁၉၅ ဧက၊ ရိတ်သိမ်းမှု ၁၈၄၂၂၇ ဧက၊ အထွက် ၂၄.၂၆တင်းနှုန်းနှင့် အထွက် ၄၄၆၉၃၅၁ တင်းဖြစ်ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်နိုဝင်ဘာလစတုတ္ထပတ်အတွင်း ဖြစ်ပေါ်လျက်ရှိသည့် ဆီနေကြာသီးနှံပေါက်စျေးမှာ၃တင်းဝင်(၂၇ပိဿာပါ) တစ်အိတ်လျှင် ၂၀၀၀၀၀ ကျပ်၊ တစ်ပိဿာလျှင် ၇၄၀၇ ကျပ်၊ နေကြာဖတ် တစ်ပိဿာလျှင် ၃၄၀ဝကျပ်နှင့် ၃၅၀၀ကျပ်ဖြစ်ပြီး၊ ယခင်နှစ်ကာလတူပေါက်စျေးမှာ ၃တင်းတစ်အိတ်လျှင် ၂၃၀၀၀၀ ကျပ်၊ တစ်ပိဿာလျှင် ၈၅၁၈ကျပ် တို့ဖြစ်ကြောင်းသိရပါသည်။ ယခုနှစ်နှင့်ယခင်နှစ် ပေါက်စျေးနှိုင်းယှဉ်ပါက ဆီနေကြာစျေး အနည်းငယ်လျော့နည်းသွားပြီး၊ နေကြာကြိတ်ဖတ်စျေးမှာ စျေးကောင်းရရှိကြောင်း သိရှိရပါသည်။

DOCA(မန္တလေး)