ပြည်တွင်းကုန်သွယ်မှုသတင်း

           ကံ့ကော်ပန်းသည် လူကြိုက်များသောပန်းပင်တစ်မျိုးပင်ဖြစ်ပါသည်။ ပန်းရနံ့မှာ အလွန်မွှေးကြိုင်ပြီး အမြဲစိမ်းလန်းစိုပြေနေသည့် သစ်မာပင်တစ်မျိုးဖြစ်ပါသည်။ သဘာဝကံ့ကော်ပင်မှာ တစ်နှစ်လျှင်တစ်ကြိမ်သာဖူးပွင့်ပြီး အမြင့်ပေရှစ်ဆယ်၊ လုံးပတ် ဆယ်ပေအထိရှိသော အရိပ်အာဝါသကောင်းသော အပင်မျိုးဖြစ်ပါသည်။ ကိုင်းဆက်ကိုင်းကူးဖြင့် ပြုလုပ်ထားသော စိုက်ပျိုးရေး ကံ့ကော်ပန်းပင်သည် တစ်နှစ်ပတ်လုံးပွင့်ပါသည်။ စိုက်ပျိုးရေးကံ့ကော်ပန်းပင်မှာ အပင်ပုလေး များဖြစ်ပြီး လုံးပတ်မှာလည်းသေးပါသည်။ ကံ့ကော်ကိုင်းဆက်စိုက်ပျိုးရာတွင် ထိုင်ဝမ်မျိုး၊ စစ်ကိုင်း မျိုးစသည်ဖြင့် မျိုးများရှိပါသည်။ ယခုလက်ရှိစိုက်ပျိုးရေးသမားများသည် စစ်ကိုင်းမျိုးကို စိုက်ပျိုး ကြပါသည်။ ရွှေတောင်မြို့နယ်အတွင်းရှိ တောင်လုံးညိုရွာတွင် ကိုင်းဆက်မျိုးဖြစ်သည့် စစ်ကိုင်းမျိုး ကို စိုက်ပျိုးထားကြောင်း သိရပါသည်။ ကံ့ကော်ပင်စတင်စိုက်ပျိုးပြီး တစ်နှစ်အကြာတွင် ပန်းပွင့်များ ပွင့်လာပါသည်။ စတင်ပွင့်လာသည့် ပန်းများသည် အပွင့်ရေ(၂၀)မှ (၂၅)အထိသာပွင့်သေး၍ အပွင့် ရေနည်းပါးပါသည်။ ထို့နောက်သက်တမ်းကြာလာသည့်အခါ ရာသီဥတုပေါ်မူတည်ပြီး ပန်းပွင့်များ လှိုင်လှိုင်ပွင့်လာပါသည်။ ကံ့ကော်ပန်းပင်အား ပန်းပွင့်ခူးရာတွင်နံနက်အချိန်တွင်ခူးယူရပါသည်။ သို့မှသာအပွင့်များမှာချောမောပြီး ရောင်းပန်းလှမှာဖြစ်ကြောင်းသိရှိရပါသည်။

DOCA(ပဲခူး)

၂၀.၂.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ သထုံခရိုင်၊ ပေါင်မြို့နယ်တာဝန်ခံ ဦးအောင်မျိုးဦးသည် ပေါင်မြို့နယ်၊ ရပ်ကွက်ကျေးရွာများရှိ ဆန်၊ စပါး သိုလှောင်ရုံများ၌ ဆန်၊ စပါးများအား ဈေးနှုန်းမြှင့်တင်ရောင်းချခြင်း အလို့ငှာ သိုလှောင်ထားခြင်း ရှိ/ မရှိ ကွင်းဆင်းစစ်ဆေးခဲ့ကြောင်း သိရှိရသည်။

          ထိုသို့ ကွင်းဆင်းစစ်ဆေးရာတွင် ပေါင်မြို့နယ်ရှိ ဆန်၊ စပါး သိုလှောင်ရုံးများ၌ ဆန်၊ စပါးများအား ဈေးနူန်းမြှင့်တင်ရောင်းချခြင်း အလို့ငှာ သိုလှောင်ခြင်း၊ ဖြန့်ဖြူးရောင်းချခြင်းများ မပြုလုပ်ရန်နှင့် သက်ဆိုင်ရာဌာနတို့၏ လမ်းညွှန်ချက် များကိုလိုက်နာဆောင်ရွက်ရန် ဆွေးနွေးခဲ့ပါသည်။ ဈေးနှုန်းအနေဖြင့် ပေါ်ဆန်း(ဒေသထွက်) တစ်အိတ်လျှင် ၁၁၀၀၀၀ ကျပ်၊ ဧည့်မထ(ဂျပန်) တစ်အိတ်လျှင် ၆၉၀၀၀ ကျပ်ဖြင့် အရောင်း အဝယ်ဖြစ်လျှက်ရှိကြောင်း သိရသည်။

DOCA(မွန်)

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင် ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှုတင်း/တန်စာရင်း တို့ကို အပတ်စဉ်၊ လစဉ်တင်ပြလျက်ရာ ဖေဖော်ဝါရီလ၊ တတိယအပတ်တွင်  အရောင်းအဝယ်ဖြစ်သည့် သီးနှံနှင့် ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ အလုပ်အမှုဆောင်အဖွဲ့ဝင်များနှင့် ဆက်သွယ်မေးမြန်းခဲ့ပါသည်။ ဇန်နဝါရီလ၊ ဒုတိယအပတ်မှစတင်၍ ရွှေဘိုဈေးကွက်သို့ ပဲစဉ်းငုံ(နီ)များ စတင်ဝင်ရောက်ခဲ့ပြီး ဖေဖော်ဝါရီလ၊ တတိယအပတ်တွင်အရောင်းအဝယ်ဖြစ်သည့် ဈေးနှုန်းမှာ ပဲစဉ်းငုံ(နီ) တစ်တင်းလျှင်(၉၃၅၀ဝိ/-)ကျပ် ပေါက်ဈေးရှိပြီး တစ်ပတ်အတွင်းအရောင်းအဝယ်ဖြစ်မှုမှာ(၄၅၀၀၀)တင်း /(၁၄၇၀)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲစဉ်းငုံ(နီ)တစ်တင်းလျှင် (၈၉၅၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်တွင် ယခင်အပတ်ထက် ပဲစဉ်းငုံ(နီ)တစ်တင်းလျှင်(၄၀၀ဝိ/-)ကျပ် ဈေးပိုမိုရရှိခဲ့ကြောင်း၊ ယခင်နှစ်ကာလတူနှင့် အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်နှစ်ကာလတူ၌ ပဲစဉ်းငုံ(နီ) တစ်တင်းလျှင် (၁၂၂၆၀ဝိ/-)ကျပ်ပေါက်ဈေးရှိခဲ့သဖြင့် ယခုနှစ်တွင် ယခင်နှစ်ကာလတူအောက် ပဲစဉ်းငုံ(နီ) တစ်တင်းလျှင် (၂၉၁၀ဝိ/-)ကျပ် ဈေးလျော့နည်းခဲ့ကြောင်း၊ ဝင်ရောက်မှုများသော်လည်း ဝင်ရောက်သမျှ အရောင်းအဝယ် ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ မုံရွာမြို့ ဈေးကွက်အတွင်းသို့ မုံရွာမြို့နယ် အတွင်းရှိ ကျေးရွာများ၊ မြို့ပေါ်ရပ်ကွက်များနှင့် ဒေသအသီးသီးမှ သံပုရာသီးများ လာရောက် ရောင်းချ သည့်အတွက် ဈေးကွက်အတွင်း လှိုင်လှိုင်ပေါများ၍ အရောင်းအဝယ်ဖြစ်နေကြောင်း သိရှိရပါသည်။

          မုံရွာမြို့ပေါ်၌ သံပုရာသီးအရွယ်အစားအပေါ်မူတည်၍ တစ်လုံးလျှင်(၁၀ဝိ/-) မှ (၁၅ဝိ/-) ကျပ် အထိ ဈေးရရှိနေကြောင်း၊ သံပုရာသီးသည် ကျန်းမာရေးအတွက် ကောင်းမွန်ပြီး သံပုရာ ဖျော်ရည်၊ သံပုရာယိုနှင့် အခြားစားသောက်ဖွယ်ရာများတွင်လည်း ထည့်သွင်း စားသုံး ရသည့် အသီးဖြစ်ပြီး စိုက်ပျိုးသည့် တောင်သူများအတွက်သာမက စားသုံးသူများအတွက် လည်း အကျိုးပြုသည့်အသီးပင်ဖြစ်ကြောင်း သိရသည်။ 

DOCA(စစ်ကိုင်း)

ကော့သောင်းမြို့နယ်ချန်ဖန်းကျေးရွာ၊ ဆယ်မိုင်ကျေးရွာများအတွင်းတွင် မလေးရှားမျိုး နွယ် (ပသျှူး) လူမျိုးများသည် အများဆုံးနေထိုင်ကြပြီး ပသျှူးလူမျိုးများသည် မျောက်ငိုသီး (ခေါ်) သစ်လိမ်ပင်များကိုစီးပွားဖြစ်စိုက်ပျိုးကြသည်။နှစ်ရှည် အပင်အမျိုးအစား ဖြစ်ပြီး အပင်သက် တမ်း (၇)နှစ်မှ စတင်အသီးစသီးပြီး တစ်နှစ်လျှင်(၂)ကြိမ်အသီးသီးပါသည်။ ဒညင်းသီး သည် အဆိပ်အတောက်ဖြစ်စေပြီး မျောက်ငိုသီး(ခေါ်)သစ်လိမ်သီးကို အစားထိုးစားပေးခြင်းဖြင့် ဒညင်းသီး အရသာနဲ့ တူသလိုဖြစ်ပြီး ဆေးဖက်ဝင်သည့် အသီးတစ်မျိုးဖြစ်ပါသည်။ ဒညင်းသီး သည်လူတွေကိုဥပဒ်ဖြစ်စေပြီး မျောက်ငိုသီး(ခေါ်)သစ်လိမ်သီးသည် ကောင်းကျိုးပေးပြီးဥပဒ်မ ရောက်အစေ့တစ်မျိုးဖြစ်ပါသည်။

မျောက်ငိုသီး‌(ခေါ်)သစ်လိမ်သီး ကို ဝက်သား၊အမဲသား၊ကြက်သား၊ပုဇွန်တို့နဲ့တွဲဖက်ချက် ပြုတ်ကြပါသည်။တစ်ချို့ကလည်းချဉ်ဖတ်အဖြစ်စားသုံးကြပါသည်။ထိုင်းနိုင်ငံ၊မလေးရှားနိုင်ငံမှလည်းလူများသည်ကြိုက်သည့်အတွက် တင်ပို့‌ရောင်းချရာ စျေးကောင်းရလျက်ရှိပါသည်။

ကော့သောင်းမြို့စျေးကွက်အတွင်းတစ်‌ဒေါက်လျှင် ၈၀၀-၁၀၀၀ထိ၊ အခွံချွတ်အစေ့တစ်ဗူး လျှင် (၂၀၀၀-၂၅၀၀) ထိစျေးကောင်းလျက်ရှိပါသည်။

DOCA(တနင်္သာရီ)