“ပဲပုပ်ဈေးနှုန်းဈေးကွက်”
ကျောက်ဆည်ခရိုင်အတွင်းရှိ ကုန်စုံဆိုင်များတွင် လူသုံးကုန်ပစ္စည်းများ၊ စားသောက်ကုန် ပစ္စည်းများနှင့် မီးဖိုချောင်သုံးပစ္စည်းဖြစ်သည့် ငပိ၊ ဆား၊ ဟင်းချိုမှုန့် တို့အပြင်၊ ပဲပုပ် (ကုန်ကြမ်း) အနေဖြင့် တောင်ပေါ်ဒေသများမှအများဆုံး ဝယ်ယူရောင်းချလျက်ရှိကြောင်း၊ MSME လုပ်ငန်း ဖြစ်သော ပဲပုပ်စို၊ ပဲပုပ်ခြောက်လုပ်ငန်းများကို ကျောက်ဆည်ခရိုင်အတွင်းရှိ ရပ်ကွက်များနှင့် ကျေးရွာများတွင် မိသားစုစားဝတ်နေရေးအတွက် တစ်နိုင်တပိုင်လုပ်ကိုင်ကြကြောင်း၊ ပဲပုတ်သည် ပြည်တွင်းစားသုံးမှု ရှိသည့် သီးနှံဖြစ်သည့်အပြင် ပြည်ပသို့လည်းတင်ပို့လျက်ရှိကြောင်း၊ ပဲပုပ်အစို တစ်ဆယ်သားလျှင် (၁၀၀၀/-)ကျပ်၊ တစ်ပိဿာလျှင်(၁၀၀၀၀/-)ကျပ်၊ပဲ ပုပ်အခြောက်တစ်ဆယ် သားလျှင် (၁၅၀၀/-) ကျပ်၊ တစ်ပိဿာလျှင် (၁၅၀၀၀၀/-)ကျပ်ဖြင့် ရောင်းဝယ်လျက်ရှိကြောင်း၊ ပဲပုပ်ဟင်းလျာကို မြန်မာလူမျိုးများသည် နှစ်သက်စွာစားသုံးကြကြောင်း၊စားသုံးမှုများသော ကြောင့် အရောင်းအဝယ် လည်းကောင်းကြောင်း၊ ပဲပုပ်သည် အာဟာရပြည့်ဝသည့် သီးနှံတစ်မျိုးဖြစ်ပြီး အသားဓာတ်ခေါ်ပရိုတင်း ၄၀-၄၅ ရာခိုင်နှုန်း နှင့် ဟင်းသီးဟင်းရွက်ဆီ ၁၉-၂၀ ရာခိုင်နှုန်းပါဝင်ပြီး လူ၊ တိရစ္ဆာန်တို့အတွက် လိုအပ်သည့် အမိုင်နိုအက်စစ်ကို ပဲပုပ်အသားဓာတ်တွင် တွေ့ရှိရကြောင်း၊ ပဲပုပ်တွင် သက်စောင့်ဓာတ် ဗိုက်တာမင်အေ၊ ဒီနှင့် ဘီတို့ ပါဝင်သည့်အပြင် ကယ်စီယမ်၊ ဖောလစ်အက်စစ်နှင့် သံဓာတ်လည်း ပါဝင်ကြောင်း၊ ပဲပုပ်သည် သွေးတိုးကျစေ၍ နှလုံးရောဂါကို ကာကွယ်ပေးနိုင်သည့်အပြင် ပဲပုပ်မှ ထုတ်လုပ်သည့် စားသောက်ကုန်များသည် ကာဗွန်ဟိုက်ဒရိတ် ပါဝင်မှုနည်း၍ ဆီးချိုရောဂါရှိသူများ လည်း စားသုံးရန်သင့်တော်ကြောင်း၊ ပဲပုပ်ကို ပြည်တွင်း၌ ပဲပင်ပေါက်၊ ပဲဟင်း၊ ပရာကြော်၊ တို့ဟူး၊ ပဲနို့၊ ပဲပုပ်ဆော့၊ ပဲပုပ်ပြား၊ ပဲပုပ်ထောင်း၊ ဆီတို့ဟူးတို့ပြုလုပ်၍ စားသုံးကြကြောင်း၊ ဖယောင်းတိုင်၊ ဇီဝလောင်စာဆီ၊နှင့် သုတ်ဆေးများအဖြစ် ထုတ်လုပ်ခြင်းနှင့် တိရိစ္ဆာန်အစာအဖြစ်လည်း အသုံးပြု၍ အများအားဖြင့်ပြည်ပဈေးကွက်သို့ တင်ပို့ရောင်းချမှုအတွက် စိုက်ပျိုးထုတ်လုပ်ကြကြောင်း၊ ပဲပုပ်အထွက်တိုးအောင် စိုက်ပျိုးလာနိုင်သည်နှင့်အမျှ တောင်သူများဝင်ငွေတိုးတက်၍ လူနေမှုအဆင့်မြင့်မား လာနိုင်မည် ဖြစ်ကြောင်း သတင်းရရှိပါသည်။
DOCA (မန္တလေး)
