ပြည်တွင်းကုန်သွယ်မှုသတင်း

      မန္တလေးစျေးကွက်သို့  ဖေဖော်ဝါရီလတတိယပတ်အတွင်း အစေ့ထုတ်ပြောင်းသီးနှံအများ အပြားဝင်ရောက်လျက်ရှိပါတယ်။မန္တလေးတိုင်းဒေသကြီးအတွင်းစိုက်ပျိုးသည့်အစေ့ထုတ်ပြောင်း (ထိုင်ဝမ်)မျိုးနှင့် ရှမ်းပြောင်းမျိုးတို့အပြင်   စစ်ကိုင်းတိုင်းဒေသကြီးနှင့် ရှမ်းပြည်နယ်တို့မှလည်း ဝင်ရောက်ကြောင်း သိရပါတယ်။ မန္တလေးတိုင်းဒေသကြီးအတွင်း ၂၀၂၄ - ၂၀၂၅ ခုနှစ်တွင် အစေ့ ထုတ်ပြောင်းစိုက်ပျိုးမှု  ၃၆၆၂၂ ဧက၊ရိတ်သိမ်းမှု ၁၃၃၃၁ ဧက၊ အထွက်နှုန်း ၄၉.၅၅ တင်း၊အထွက် တင်း စုစုပေါင်း ၆၆၀၅၉၁တင်းဖြစ်ကြောင်း သိရပါတယ်။ မန္တလေး ပွဲစား၊ ကုန်သည် စက်ပိုင်များ မဟာကထိန် တော်အသင်းတွင် ၂၀၂၅ ခုနှစ်ဖေဖော်ဝါရီလတတိယပတ်အတွင်းဖြစ်ပေါ်သည့်အစေ့ ထုတ်ပြောင်းစျေးမှာ ၃တင်းဝင်တစ်အိတ်လျင်ပြောင်းဖူးစေ့(ဗမာ)၈၂၀၀၀ကျပ်၊ပြောင်းဖူးစေ့(ရှမ်း)  ၈၅၀၀၀ ကျပ်၊ပြောင်းဖူးစေ့(စီပီ) ၈၄၀၀၀ကျပ်၊အထွက်တိုးပြောင်း အနီ ၇၆၀၀၀ ကျပ်နှင့် ၇၇၀၀၀ ကျပ်၊ပြောင်းဖူးစေ့တစ်ပိဿာစျေးအနေဖြင့် (ဗမာ) ၁၅၁၉ကျပ်၊(ရှမ်း)၁၅၇၄ကျပ်၊(စီပီ)၁၅၅၆ကျပ်၊ အထွက်တိုးပြောင်းနီ ၁၄၃၄ ကျပ်နှင့် ၁၄၅၃ကျပ်စျေးဖြစ်ပေါ်လျက်ရှိကြောင်း သိရပါတယ်။ ယခင် နှစ်ကာလတူ ပြောင်းဖူးစေ့တစ်ပိဿာပေါက်စျေးမှာ (ဗမာ) ၉၄၄ ကျပ်နှင့် ၉၆၃ ကျပ်၊(ရှမ်း) ၉၈၁ ကျပ်နှင့်၁၀၀၀ ကျပ်၊(စီပီ) ၉၈၁ ကျပ်နှင့်၁၀၀၀ကျပ်၊အထွက်တိုးပြောင်းနီ ၁၄၇၂ကျပ်ဖြစ်ပေါ်ခဲ့ပြီး၊ ယခုနှစ်စေျးနှင့် ယခင်နှစ်စျေးနှိုင်းယှဉ်ပါက  တစ်ပိဿာလျှင်  ၅၅၆ ကျပ်ခန့် စျေးပိုမိုရရှိကြောင်း သိရပါတယ်။ ပြောင်းသီးနှံမှာမွေးမြူရေးအစားစပ်လုပ်ငန်းတွင် သုံးစွဲမှုများပြားခြင်း၊ ပြည်ပတင်ပို့ ခြင်းတို့ကြောင့် မန္တလေးစျေးကွက်တွင် အရောင်းသွက်သည့် ကုန်စည်ဖြစ်ကြောင်း သိရပါတယ်။ မန္တလေးစျေးကွက်အတွင်းသို့ ၂၀၂၅ခုနှစ် ဇန်နဝါရီလ ၂၆ ရက်မှ ဖေဖော်ဝါရီလ ၁၉ ရက်နေ့အထိ ပြောင်းကား( ၂၂ဘီး/ ၁၂ဘီး/ ၆ဘီး) ဝင်ရောက်မှုမှာ  ၂၂၂၅ စီး၊ ပြောင်း  ၄၇၁၀၉တန်ဖြစ်ကြောင်း (၁၆)မိုင်၊ထုံးဘိုဂိတ်ဖြတ်စာရင်းများအရ  သိရပါတယ်။

DOCA(မန္တလေး)

 ဖေဖော်ဝါရီလတတိယပတ်အတွင်း  မန္တလေးစျေးကွက်သို့ ရှမ်းပြည်နယ်မှ ပဲပုပ်(ရှမ်း)သီးနှံ များဝင်ရောက်လာကြောင်း သိရပါတယ်။ ပဲမျိုးစုံအနက်ပဲပုပ်မှာ ပြည်တွင်း စားသုံးမှုများ ပြားခြင်း နှင့်ပြည်ပတင်ပို့ရောင်းချသည့် စျေးကွက်ဝင်ပဲအမျိုးအစားဖြစ်ပါတယ်။ မန္တလေးတိုင်းဒေသကြီး သည် ပဲသီးနှံမျိုးစုံစိုက်ပျိုးမှုများပြားသည့်တိုင်းတစ်ခုဖြစ်ပြီး၊ ၂၀၂၄-၂၀၂၅ ခုနှစ်တွင် ပဲပုပ်သီးနှံ အပါအဝင် ပဲမျိုးစုံစိုက်ပျိုးမှု(၁၀၁၉၄၇၇)ဧကဖြစ်ကြောင်း သိရပါတယ်။ မန္တလေးစျေးကွက် အတွင်းသို့ ရှမ်းပြည်နယ်မှ ထွက်သည့်ပဲပုတ်များဝင်ရောက်မှုများပြီး၊ မန္တလေး၊ စစ်ကိုင်း၊ ဧရာဝတီ၊ ပဲခူးတိုင်းဒေသကြီးနှင့် ကချင်ပြည်နယ်တို့မှလည်း ဝင်ရောက်ကြောင်း သိရပါတယ်။ ပဲပုပ်ကို ပြည်တွင်း၌ ပဲပင်ပေါက်၊ ပဲဟင်း၊ ပဲကြော်၊ တို့ဟူး၊ ပဲနို့၊ ပဲပုပ်ဆော့၊ ပဲပုပ်ပြား၊ ပဲပြား၊ ဒိန်ချဉ်၊ ပဲပြားပူတင်း၊ ပဲပုပ်ထောင်း၊ပဲပုပ်စေ့လှော်၊ ပဲငါးပိ၊ ဆီတို့ဟူး၊ ကြာညို့၊ပဲငံပြာရည်၊ ပဲမုန့်တို့ ပြုလုပ် ၍စားသုံးခြင်းနှင့်တိရိစ္ဆာန်အစာအဖြစ်လည်း အသုံးပြုကြောင်း သိရပါတယ်။ မန္တလေးပွဲစား၊ ကုန်သည်၊ စက်ပိုင်များမဟာကထိန်တော်အသင်းတွင် ၂၀၂၅ ခုနှစ် ဖေဖော်ဝါရီလတတိယပတ် အတွင်းဖြစ်ပေါ်လျက်ရှိသောပေါက်စျေးမှာ ၃တင်းဝင်တစ်အိတ်လျှင်ပဲပုပ်(ကာဘိုး)၃၂၀၀၀၀ ကျပ် နှင့်၃၅၀၀၀၀ကျပ်၊ ပဲပုပ်(ဗမာ) ၂၈၅၀၀၀ ကျပ်နှင့်၂၈၈၀၀၀ကျပ်၊ပဲပုပ်(ရှမ်း) ၃၃၀၀၀၀ကျပ်၊တစ် ပိဿာပေါက်စျေးမှာ ပဲပုပ်(ကာဘိုး) ၆၀၀၉ကျပ်နှင့် ၆၁၀၃ကျပ်၊ ပဲပုပ်(ဗမာ) ၅၃၅၂ ကျပ် နှင့် ၅၄၀၈ ကျပ်၊ ပဲပုပ်(ရှမ်း) ၆၁၉၇ ကျပ်အသီးသီးတို့ဖြစ်ကြောင်း သိရပါတယ်။ ယခင်နှစ်ကာလတူ ပေါက်စျေးမှာ ၃တင်းဝင်တစ်အိတ်လျှင် ပဲပုပ်(ကာဘိုး)၁၆၅၀၀၀ ကျပ်နှင့် ၁၆၉၀၀၀ကျပ်၊ ပဲပုပ် (ဗမာ) ၁၅၃၀၀ ကျပ်နှင့် ၁၅၅၀၀၀ကျပ်၊ပဲပုပ်(ရှမ်း)၁၆၀၀၀၀ကျပ်နှင့် ၁၇၀၀၀၀ကျပ်၊ တစ်ပိဿာ ပေါက်စျေးမှာ ပဲပုပ်(ကာဘိုး) ၃၀၉၉ကျပ်နှင့် ၃၁၇၄ကျပ်၊ ပဲပုပ်(ဗမာ) ၂၈၇၃ ကျပ် နှင့်၂၉၁၁ ကျပ်၊ ပဲပုပ်(ရှမ်း) ၃၀၀၅ကျပ်နှင့် ၃၁၉၃ ကျပ်တို့ဖြစ်ပြီး ယခုနှစ်နှင့်ယခင်နှစ်ပေါက်စျေး နှိုင်းယှဉ်ပါက တစ်ပိဿာလျှင် ပဲပုတ်(ရှမ်း) ၃၀၀၄ ကျပ်နှင့်ပဲပုတ်(ဗမာ) ၂၄၉၇ကျပ်စျေးပိုမိုရရှိကြောင်း သိရပါ တယ်။ပဲပုပ်ဝင်ရောက်မှုပမာဏပေါ် မူတည်၍ရက်အလိုက် ပေါက်စျေးအနည်းငယ်ပြောင်းလဲမှု ရှိပြီး၊ ယခုနှစ် ပဲပုပ်သီးနှံမှာစျေးကောင်းရသည့်ပဲတစ်မျိုးဖြစ်ကြောင်း သိရပါတယ်။

DOCA(မန္တလေး)

ဖေဖော်ဝါရီလတတိယပတ်အတွင်း မန္တလေးပဲမျိုးစုံစျေးကွက်သို့ မန္တလေးတိုင်း ဒေသကြီး၊ စစ်ကိုင်းတိုင်းဒေသကြီး၊မကွေးတိုင်းဒေသကြီးနှင့် ရှမ်းပြည်နယ်တို့မှ ထွက်သည့်ပဲယဉ်းသီးနှံများ စတင်ဝင်ရောက်လာကြောင်း သိရပါတယ်။ ပဲမျိုးစုံအနက် ပဲယဉ်း သီးနှံမှာ ပြည်တွင်းစားသုံးမှုနှင့် ပြည်ပသို့တင်ပို့ရောင်းချသည့်စျေးကွက်ဝင် ပဲအမျိုးအစားဖြစ်ပါတယ်။ မန္တလေးတိုင်းဒေသကြီး သည်ပဲသီးနှံမျိုးစုံစိုက်ပျိုးမှု များပြားသည့်တိုင်းတစ်ခုဖြစ်ပြီး၊ ၂၀၂၄-၂၀၂၅ ခုနှစ် ပဲသီးနှံမျိုးစုံ စိုက်ပျိုးမှုမှာ (၁၀၁၉၄၇၇)ဧက ဖြစ်ကြောင်း သိရပါတယ်။ ပဲယဉ်းကို ပြည်တွင်း၌ ပဲဟင်း၊ ပဲနှပ်၊ ပဲကြော်၊ပဲပြုတ်၊ပဲယဉ်းနှင့်ပြုလုပ်သည့်မုန့်များအဖြစ်စားသုံးကြပြီး၊ပဲစားသုံးခြင်းဖြင့် ကျန်းမာရေး အတွက် အရေးပါသည့်အသားဓာတ်၊ အမျှင်ဓာတ်၊ဗီတာမင်၊ ပရိုတင်းနှင့် သတ္ထုဓာတ်များ ရရှိ ကြောင်း သိရပါတယ်။  မန္တလေးပွဲစား၊ကုန်သည်၊စက်ပိုင်များမဟာကထိန်တော်အသင်းတွင် ၂၀၂၅ ခုနှစ် ဖေဖော်ဝါရီလတတိယပတ်အတွင်း ဖြစ်ပေါ်လျက်ရှိသော ပေါက်စျေးမှာ ပဲယဉ်း ၃တင်းဝင် တစ်အိတ်လျှင်  ၁၉၇၀၀၀ ကျပ်နှင့် ၂၀၀၀၀၀ ကျပ်၊ပဲယင်း(သေး) ၁၉၅၀၀၀ ကျပ်၊ပဲယင်း(နီ) ၂၂၅၀၀၀ကျပ်နှင့် ၂၂၈၀၀၀ကျပ်၊ တစ်ပိဿာစျေးမှာ ပဲယင်း(ကြီး) ၃၂၈၃ ကျပ်နှင့် ၃၃၃၃ ကျပ်၊ ပဲယင်း(သေး) ၃၂၅၀ ကျပ်၊ ပဲယင်း(နီ) ၃၇၅၀ ကျပ်နှင့် ၃၈၀၀ ကျပ်တို့ဖြစ်ကြောင်းသိရပါတယ်။  ယခင်နှစ်ကာလတူစျေးမှာ ၃တင်းဝင်တစ်အိတ်လျှင် ပဲယင်း(ကြီး) ၁၆၀၀၀၀ ကျပ်နှင့် ၁၆၅၀၀၀ ကျပ်၊ပဲယင်း(လတ်) ၁၅၅၀၀၀ကျပ်၊ ပဲယင်း(နီ) ၂၀၀၀၀၀ ကျပ်နှင့် ၂၁၀၀၀၀ ကျပ်၊ တစ်ပိဿာ စျေးမှာ ပဲယင်း(ကြီး)၂၆၆၇ ကျပ်နှင့် ၂၇၅၀ကျပ်၊ပဲယင်း(လတ်) ၂၅၈၃ကျပ်၊ ပဲယင်း(နီ) ၃၃၃၃ကျပ် နှင့် ၃၅၀၀ကျပ် ဖြစ်ပေါ်ခဲ့ကြောင်းသိရပါတယ်။ယခုနှစ်စျေးနှင့်ယခင်နှစ်စျေးနှိုင်းယှဉ်ပါက ပဲယင်း တစ်ပိဿာလျှင် ၅၈၃ ကျပ် စျေးနှုန်းမြင့်သွားကြောင်း သိရပါတယ်။ စျေးကွက်အတွင်း ပဲယင်း ဝင်ရောက်မှုပမာဏပေါ်မူတည်၍ ရက်အလိုက်ပေါက်စျေးအနည်းငယ်ပြောင်းလဲမှုရှိကြောင်း သိရ ပါတယ်။

DOCA(မန္တလေး)                                    

             ယခုဖေဖော်ဝါရီ လလယ်ခန့်တွင် ပြည်ဈေးကွက်၌ ရေသွင်းစိုက်ပျိုးလျက်ရှိသော သံပရာသီး များဈေးကောင်းရလျက်ရှိနေပြီး အရောင်းအဝယ်မှာ အဝင်ရှိသလောက် ရောင်းဝယ်မှု ဖြစ်လျက် ရှိနေသည်။ ပြည်မြို့ပေါ်ဈေးကွက်များသို့ မှော်ဇာ၊ ဇီးအုပ်၊ နတ်တလင်းနှင့် ရွှေတောင်မြို့နယ်ရှိ ရွာဘက်များမှ အဝင်ရှိနေပြီး တစ်ရက်ခြားလျှင် အလုံး ၁၀၀၀၊ ၁၂၀၀ခန့် ဝင်ကာ မိုးတွင်း စိုက်သံပရာသီးများကဲ့သို့ အလုံးမချောပေမယ့် အရည်ရလျက်ရှိပြီး ပစ္စည်းလက်ကျန်မရှိ အရောင်း အဝယ်ဖြစ်နေသည်။ ယခုမြို့ပေါ်ဈေးကွက်များအတွင်း သံပရာသီးတစ်လုံးလျှင် ၁၅၀-၂၀၀ခန့်ရှိပြီး ယခင်ပေါများချိန်တွင် ကျပ် ၅၀သာရှိ၍ ယခုကာလတွင် သံပရာသီးများ ဈေးကောင်းရလျက်ရှိနေကြောင်း သိရှိရပါသည်။

DOCA(ပဲခူး)

၁၉.၂.၂၀၂၅

မန္တလေးမြို့နေပြည်သူများသည် ရာသီစာသီးနှံများကို နှစ်သက်စွာစားသုံးကြပါသည်။ ယခုလတ်တလော ရာသီစာအနေနှင့်မြေနုကျွန်းများတွင် စိုက်ပျိုးသည့် ပဲစိမ်း(ခေါ်)ထောပတ်ပဲ အရောများကို အပင်အောက်ချေသီးညှပ်များကို ခူးဆွတ်ကာရောင်းချကြပါသည်။ ထိုကဲ့သို့ သီးထပ်များခူးဆွတ်ရခြင်းမှာ ပင်ခြေရှိအသီးနှင့်ပင်ဖျားရှိအသီးများ ရင့်မှည့်ချိန်ကိုက်ညီစေရန် အတွက်ခူးဆွတ်ရောင်းချခြင်းဖြစ်ပါသည်။ တောင်သူများအနေနှင့်ပဲသီးတောင့်များကို ရောင်းဝယ် မှုပြုရာတွင် ၄ပြည်ဝင် ခံတောင်းတတောင်းလျှင် ၄၅၀၀ကျပ်မှ၅၀၀၀ကျပ်နှုန်းဖြင့် ရောင်းဝယ်ပြီး လက္ကားရောင်းသူများအနေနှင့် အသီးတောင့်မှအစေ့ခြွေ၍ ပြည်ချိန်(သို့မဟုတ်)နို့ဆီဘူးချိန် များနှင့်ချိန်တွယ်၍ရောင်းချကြပါသည်။ ဈေးနှုန်းဈေးကွက်အနေနှင့် ၁ပြည်လျှင်    ၃၀၀၀ကျပ်မှ ၃၃၀၀ကျပ်၊ နို့ဆီ၁ဘူးလျှင်၅၀၀ကျပ်တို့နှင့်ရောင်းဝယ်မှုရှိကြောင်း အတောင့်၄ပြည်ဝင် ၁တောင်း အစေ့ခြွေပါက ၂ပြည်ကျော် ရရှိပါသည်။ ကုန်စည်ဝင်ရောက်မှုအနေနှင့် အမရပူရ၊ မတ္တရာ၊ ပုသိမ်ကြီးမြို့နယ်များမှ ဝင်ရောက်မှုရှိကြောင်း လေ့လာသိရှိရပါသည်။

DOCA(မန္တလေး)