ပြည်တွင်းကုန်သွယ်မှုသတင်း

   ဧရာဝတီတိုင်းဒေသကြီး၊ မအူပင်ခရိုင်အနေဖြင့် မြို့နယ်များအပါအဝင် ၁၅တန်နှင့်အထက် ဆန်စက်အလုံးရေ (၁၁၀)လုံး ရှိပြီး စပါးကြိတ်ခွဲထွက်ရှိမှုမှ ဆန်များကို ရန်ကုန်တိုင်းဒေသကြီးသို့ အဓိကထား၍ တင်ပိုနေပြီး ရန်ကုန်မှတဆင့် အခြားဒေသများသို့ နေ့စဉ် ပုံမှန် (စီးထွက်) လျက်ရှိကြောင်း သိရသည်။

   ၂၀၂၅ ခုနှစ် ဩဂုတ်လ ၁လအတွင်း မအူပင် ဆန်တင်ပို့မှု အိတ် ၁၀၁၃၅ ၊ ပန်းတနော် ဆန်တင်ပို့မှု ၁၆၁၅၈၊ ညောင်တုန်းဆန်တင်ပို့မှု ၁၁၃၂၅၀၊ ဓနုဖြူမြို့ဆန်တင်ပို့မှု ၂၀၃၅၂ အိတ်နှင့် စုစုပေါင်း (၁၅၉၈၉၅) တင်ပို့ပြီး တန်အားဖြင့် ၇၉၉၄ တန်တင်ပို့နိုင်ခဲ့ကြောင်း၊ အခြားမြို့နယ်များမှ တင်ပို့မှုနိုင်မှု အနေဖြင့် ၁၀၉၄၉၀ အိတ် နှင့် တန်အားဖြင့် ၅၄၇၄ တန်ကိုလည်းကောင်း တင်ပို့နိုင်ခဲ့ကြောင်း သိရသည်။ ဇူလိုင်လနှင့် ဩဂုတ်လ တင်ပို့မှုနှင့် နှိုင်းယှဉ်ပါက ဩဂုတ်လ မအူပင်ခရိုင် ၄မြို့နယ်မှ ဆန်မြို့နယ်တင်ပို့မှု (၁၅၉၈၉၅) တင်ပို့ပြီး  (၃၇၅၂)အိတ် လျော့နည်းတင်ပို့ကြောင်း ၊ အခြားမြို့နယ်တင်ပို့မှုမှာ ဇူလိုင်လ ဆန် ၃၀၆၂၉၁ အိတ် တင်ပို့သောကြောင့် ယခုလ (၁၉၆၈၀၁) အိတ်  လျော့နည်းတင်ပို့ကြောင်း တွေ့ရှိရသည်။ ဧရာဝတီတိုင်း ဒေသကြီးထွက် ဆန်များကို သီလဝါဆိပ်ကမ်း၊သံလျင်မြို့၊ ဆူးလေဆိပ်ကမ်း ပန်းပဲတန်းမြို့၊ Asiaworld ဆိပ်ကမ်းအလုံမြို့၊ ဇုန်-၂ ရွှေပြည်သာမြို့၊ ကျိုက်ဝိုင်းဈေး မရမ်းကုန်းမြို့၊ ကားကြီးဝန်း ဘုရင့်နောင်မြို့၊ ဇုန်-၃ လှိုင်သာယာမြို့၊ ယုဇန ၂လမ်း၊ ဘုရင့်နောင်မြို့၊ ၁ရပ်ကွက်မရမ်းကုန်းမြို့၊ ကျိုက်ဝိုင်းဈေး၊ မရမ်းကုန်းမြို့၊ ပဲခူးဈေးကြီး၊ ပဲခူးမြို့၊ သုဇနလမ်း၊ ထောက့်မြို့၊ ရွှေလင်ပန်း စက်မှုဇုန်လှိုင်သာယာမြို့၊ ပိတောက်လမ်း ဘုရင့်နောင်၊ AWPT ဆိတ်ကမ်းအလုံမြို့ တို့သို့ တင့်လျက်ရှိကြောင်း သိရှိရပါသည်။

DOCA(ဧရာဝတီ)

ပုသိမ်ခရိုင်၊ သာပေါင်းမြို့နယ်၊ (၃.၉.၂၅) ရက်နေ့တွင် နိုင်ငံစီးပွားမြှင့်တင်ရေးရန်ပုံငွေနှင့် အကျုံးမဝင်သည့် တောင်သူများအား ဓါတ်မြေဩဇာများ သက်သာသောဈေးနှုန်းဖြင့် ဖြန့်ဖြူးပေးခြင်း လုပ်ငန်းကို အဖွဲ့အမှတ် (၂) ၊ ရပ်ကွက် (၂) ရှိ စိုက်ပျိုးရေးဂိုထောင်၌ စတင်ဆောင်ရွက်ခဲ့ရာ အုပ်ကုန်း ကျေးရွာအုပ်စု၊ ခတ္တိယကျေးရွာအုပ်စု၊ ရှင်ကြီးပျောက်ကျေးရွာအုပ်စု၊ ကွင်းကောက်ကျေးရွာအုပ်စုရှိ တောင်သူ (၇၇၂) ဦးအား ကွန်ပေါင်း ၁၅ ပတ်လည် (၁) အိတ်နှင့် ယူရီးယား (၁) အိတ်၊ တစ်ဧက (၂) အိတ်နှုန်းဖြင့် ဧက (၇၇၂) ဧကအတွက် (၁၅၄၄) အိတ်အား စားသုံးသူရေးရာဦးစီးဌာနနှင့် သက်ဆိုင်ရာ ကော်မတီတို့ ပူးပေါင်း၍ ဆောင်ရွက်ပေးလျက်ရှိရာ ကွန်ပေါင်း (၁၅) ပတ်လည် (၁) အိတ် (၁၂၀၀၀၀) ကျပ်ဖြင့် ယူရီးယား (၁) အိတ် (၈၉၅၀၀) ကျပ်ဖြင့် ထုတ်ပေးခဲ့ကြောင်း သိရှိရပါသည်။

DOCA(ဧရာဝတီ)

             ပြောင်းသီးနှံမှာမွေးမြူရေး အစားစပ်လုပ်ငန်း တွင်သုံးစွဲမှု များပြားခြင်း၊ ပြည်ပတင်ပို့ ခြင်း တို့ကြောင့်အရောင်းသွက်လျက်ရှိကြောင်း သိရပါသည်။  မန္တလေးတိုင်းဒေသကြီးအတွင်း ၂၀၂၄ - ၂၀၂၅ ခုနှစ်တွင် အစေ့ ထုတ်ပြောင်းစိုက်ပျိုးမှု  ၃၆၆၂၂  ဧက၊  ရိတ်သိမ်းမှု ၁၃၃၃၁ ဧက၊ အထွက် နှုန်း  ၄၉.၅၅  တင်း၊ အထွက်တင်းစုစုပေါင်း   ၆၆၀၅၉၁  တင်းဖြစ်ကြောင်းသိရပါသည်။  မန္တလေး ပွဲစား၊ကုန်သည်စက်ပိုင်များမဟာကထိန်တော်အသင်းတွင် ၂၀၂၅ခုနှစ်စက်တင်ဘာလပထမပတ် အတွင်း ဖြစ်ပေါ်သည့်အစေ့ထုတ်ပြောင်းစျေးမှာပြောင်းဖူးစေ့(ရှမ်း)နှင့်ပြောင်းဖူးစေ့ (စီပီ)၈၄၀၀၀ ကျပ်၊တစ်ပိဿာစျေးအနေဖြင့် ပြောင်းဖူးစေ့(ရှမ်း) နှင့်ပြောင်းဖူးစေ့(စီပီ)  ၁၅၅၆ ကျပ်စျေးတို့ဖြစ် ကြောင်း သိရပါသည်။ ယခင်နှစ်ကာလတူ တစ်ပိဿာစျေးမှာပြောင်းဖူးစေ့ (ဗမာ) ၁၅၁၉ ကျပ်နှင့် ၁၅၃၇ကျပ်၊ ပြောင်းဖူး စေ့(ရှမ်း)နှင့်ပြောင်းဖူးစေ့ (စီပီ) ၁၅၉၃ကျပ်နှင့်၁၆၁၁ကျပ်တို့ ဖြစ်ကြောင်း သိရပါသည်။ ယခုနှစ် စျေးနှင့်ယခင်နှစ်ကာလတူ စျေး နှိုင်းယှဉ်ပါက  အစေ့ထုတ်ပြောင်းစျေးမှာ လျော့နည်းသွားကြောင်း သိရှိရပါသည်။

DOCA (မန္တလေး)

          မြေပဲမှာ စားသုံး ဆီကြိတ်ခွဲခြင်းလုပ်ငန်းများနှင့် စားသောက်ကုန်တို့တွင် အသုံးပြုခြင်း တို့ကြောင့် ပြည်တွင်းစျေးကွက်နှင့်ပြည်ပသို့ တင်ပို့သည့်သီးနှံဖြစ်ပြီး အရောင်းသွက်လျက်ရှိ ကြောင်းသိရပါသည်။ မန္တလေးတိုင်းဒေသကြီးအတွင်း ဆီထွက်သီးနှံမြေပဲအား မိုးနှင့် ဆောင်း ရာသီများတွင် စိုက်ပျိုးပြီး၊ ၂၀၂၄-၂၀၂၅ ခုနှစ်မြေပဲစိုက်ပျိုးမှု ၆၃၈၆၂၆ ဧက၊ရိတ်သိမ်းမှု ၆၃၇၄၄၇ ဧက၊ အထွက် နှုန်း ၄၆.၇၇ တင်း၊ အထွက်စုစုပေါင်း ၂၉၈၁၅၉၉၆ တင်းဖြစ်ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ်စက်တင်ဘာလ ပထမပတ်အတွင်းဖြစ်ပေါ်လျက်ရှိသည့်ပေါက်စျေးများမှာ မြေပဲတစ်ပိဿာလျှင် S1 လုံးဆံ ၇၅၅၀ ကျပ်နှင့်၇၆၅၀ကျပ်၊S1 ဆီဆံ  ၆၈၀၀ကျပ်၊ အနီလုံးဆံ ၇၂၀၀ ကျပ်နှင့် ၇၅၀၀ကျပ်တို့ဖြစ်ကြောင်း သိရပါသည်။ ယခင်နှစ်ကာလတူ တစ်ပိဿာစျေးမှာS1 လုံးဆံ ၉၃၀၀ ကျပ်၊ S1 ဆီဆံ ၈၁၀၀ ကျပ်နှင့်၈၈၀၀ကျပ်၊အနီလုံးဆံ ၈၇၀၀ကျပ်၊အနီဆီဆံ၇၈၀၀ ကျပ်နှင့် ၈၁၅၀ ကျပ်တို့ဖြစ်ကြောင်း သိရပါသည်။ယခင်နှစ်နှင့်ယခုနှစ်ကာလတူ မြေပဲဆံပေါက်စျေးနှိုင်းယှဉ်ပါက စျေးလျော့နည်းသွား ကြောင်း သိရပါသည်။

DOCA (မန္တလေး)

    မအူပင်ခရိုင်၊ မအူပင်မြို့နယ်တွင် တိုးမြစ်ရှိ၍ မြစ်ငါးများ သုံးရာသီလုံးဖမ်းယူရရှိနေပြီး မြစ်ငါး၊ ပုဇွန် ရောင်းချသူ အခွန်လွန် ဈေးတွင် ၅ဦးခန့် ရှိကြောင်း ဈေးကွက်အတွင်း သိရသည်။

   မြစ်ငါး၊ မြစ်ပုစွန်များကို ပိုက်များဖြင့်လည်းကောင်း၊ မြုန်းများဖြင့်လည်း ကောင်းဖမ်းစီးပြီး မအူပင်အခွန်လွတ်ဈေးတွင် ရောင်းချကြသည်။ အခြားသော ဈေးများတွင်လည်း ကျေးရွာများမှ မြစ်ချောင်းများမှ ဖမ်းစီးရရှိသော ငါးများကို ရောင်းချနေကြောင်း သိရသည်။ အခွန်လွတ်ဈေးတွင် ရောင်းချနေသော ကပ်သပိုး ငါး ၁ပိဿာ ၂၅၀၀၀ကျပ်၊ ငါးမွေထိုး(အကျား) ၁ပိဿာ ၃၀၀၀၀ကျပ်၊ ပုစွန်ထုတ်အကြီး ၁ပိဿာ ၆၀၀၀၀ကျပ်၊ အလတ် ၅၅၀၀၀ကျပ်၊ ပုစွန်အသေး ၁ပိဿာ ၄၀၀၀၀ကျပ်ဖြင့်လည်းကောင်း၊ အရောင်းအဝယ်ဖြစ်လျက်ရှိသည်။ ငါး၊ ပုစွန် တစ်နေ့ရောင်းချပါက ၅ပိဿာ၊ ၇ပိဿာ ခန့်ရောင်းချရပါကြောင်း ငါးရောင်းချသူထံမှ သိရသည်။ ငါးများကို မအူပင်ဈေးအတွင်းသာ ရောင်းချခြင်းဖြစ်ပြီး မြစ်ချောင်းမှ ထွက်ရှိနေ၍ မိသားစု အပိုဝင်ငွေရသော လုပ်ငန်းတစ်ခုဖြစ်ကြောင်း သိရသည်။

DOCA(ဧရာဝတီ)