ပြည်တွင်းကုန်သွယ်မှုသတင်း

   ငါးခူငါးမှာ အကြေးခွံမပါသော အကြေးခွံမဲ့ငါးဖြစ်ပြီး ငါးခ္ဓာကိုယ်တွင် အချွဲအကျိများဖြင့် ဖုံးလွှမ်းထားသော ငါးတစ်မျိုးဖြစ်ပါသည်။ ငါးခူးငါးမှာ လူ့အကျိုးပြု အမိုင်နို၊ ဖက်တီးအက်ဆစ်၊ ပရိုတင်း၊ ဗီတာမင်၊ သံဓါတ်စသည့် ဓါတ်များပါဝင်ပြီး ဈေးသင့်ကာ အရသာကောင်းမွန်သော ငါးဖြစ်ပါသည်။ ငါးခူ ငါးမှာ လူ့အကျိုးပြု အမိုင်နို၊ ဖက်တီးအက်ဆစ်၊ ပရိုတင်း ၊ဗီတာမင်၊ သံဓါတ် စသည့်ဓါတ်များပါဝင်ပြီး စျေးသင့်ကာ အရသာကောင်းမွန်သော ငါးဖြစ်ပါသည်။ ငါးအရသာအလွန်ချိုသောကြောင့် နေမကောင်း သူများ ငါးဆန်ပြုတ်လုပ်စားပါက ငါးရဲ့အဓိကအာဟာရချဉ်ဆီရည်ကို အများဆုံးထုတ်ပေးရရှိနိုင်သော ငါးဖြစ်၍ ကျန်းမာရေးနှင့် ကိုယ်ခံအားကို အမြန်ဆုံးနလံထူနိုင်ကြောင်း သိရပါသည်။ ငါးခူသက်တမ်းမှာ (၂၀-၂၅)နှစ်ထိ အသက်ရှည်ပြီး အသက်ပြင်းသောငါးဖြစ်သည်။ နေရာမရွေးအသက်ရှင်နေထိုင်နိုင်ပြီး ငါးခူအမမှာ ဥပေါင်း(၇၀၀၀-၈၀၀၀)ခန့် ဥဥနိုင်ကြပါသည်။ငါးခူနှုတ်ခမ်းမွှေးမှာ အာရုံထိတွေ့မှု ကောင်းမွန်လှပြီး ငါးခူငါးကို လယ်ကွင်း၊ အိုင်၊ ရွှံ့နွံ စသည်တို့တွင် တွေ့ရတတ်သလို အင်းအိုင်၊ ချောင်းမြောင်းမှသည် မြစ်ထိလည်းတွေ့ရတတ်ပါသည်။ ရေချိုပိုင်းတွင်အများဆုံးကျက်စားကြပြီး ရေချိုရေငန်စပ်၊ ရေငန်ပိုင်းတွင်လည်းနေထိုင်ကြသည်။ ငါးခူငါးကို ငါးခူစဉ်းကော၊ ငါးခူမွကြော်၊ ငါးခူ ခြောက်စပ်၊ ငါးခူငါး၊ ငါးပိရည်အပြင် မုန့်ဟင်ခါးလုပ်ရာ၌ ငါးခူငါးကို အသုံးပြုကြပါသည်။ ငါးခူးငါးကို ပြည်မြို့ မြို့မစည်ပင် သာယာဈေးကြီးနှင့် အခြားဈေးများတွင် ငါးခူငါးအကြီးတစ်ပိဿာလျှင် ကျပ် (၃၇၀၀၀)၊ လက်လီတစ်ဆယ်သားလျှင် ကျပ် (၄၀၀၀) ထိ ဈေးပေါက်နေပြီး အရောင်းအဝယ်ကောင်း ကြောင်းလည်း သိရှိရပါသည်။

DOCA(ပဲခူး)

     ပဲကြီးသီးနှံမှာ ပြည်တွင်း ၌စားသုံးမှုပမာဏများပြားပြီး၊ စျေးကွက်အတွင်း အရောင်းသွက် လျက်ရှိကြောင်း သိရပါသည်။  မန္တလေးတိုင်းဒေသကြီးအတွင်း  ၂၀၂၄-၂၀၂၅ခုနှစ်တွင်ပဲကြီး သီးနှံ အပါအဝင်  ပဲမျိုးစုံစိုက်ပျိုးမှု(၁၀၁၉၄၇၇)ဧကဖြစ်ကြောင်းသိရပါသည်။မန္တလေးပွဲစား၊ကုန်သည်၊စက်ပိုင်များမဟာကထိန်တော်အသင်းတွင်၂၀၂၅ခုနှစ်စက်တင်ဘာလပထမပတ်အတွင်းဖြစ်ပေါ်လျက်ရှိသောစျမှာ၃တင်းဝင်တစ်အိတ်လျှင်ပဲကြီး(ကြီး)၄၀၀၀၀၀ကျပ်နှင့်၄၁၀၀၀၀ကျပ်၊ပဲကြီး(လတ်)၃၇၀၀၀၀ကျပ်နှင့် ၃၈၀၀၀၀ကျပ်၊ပဲကြီး(သေး)၃၀၀၀၀၀ကျပ်နှင့်၃၄၀၀၀၀ကျပ်၊တစ်ပိဿာစျေးမှပဲကြီး(ကြီး)၇၂၄၀ကျပ်နှင့် ၇၄၂၁ကျပ်၊ ပဲကြီး(လတ်)၆၆၉၇ကျပ်နှင့်၆၈၇၈ကျပ်၊ပဲကြီး(သေး) ၅၄၃၀ ကျပ်နှင့်၆၁၅၄ကျပ် ဖြစ်ပြီး၊ယခင်နှစ်ကာလတူ တစ်ပိဿာစျေးမှာ ပဲကြီး(ကြီး) ၅၂၄၉ကျပ် နှင့် ၅၆၁၁ ကျပ် ၊ပဲကြီး(လတ်) ၄၅၂၅ကျပ်နှင့်၄၇၀၆ ကျပ်၊ပဲကြီး(သေး)၃၆၂၀ ကျပ်နှင့် ၃၉၈၂ ကျပ် တို့ဖြစ်ကြောင်းသိရပါသည်။ ယခုနှစ်နှင့်ယခင်နှစ်ကာလ တူပေါက်စျေးနှိုင်းယှဉ်ပါက ပဲကြီးစျေးမှာ ပိုမိုရရှိကြောင်း သိရပါသည်။

DOCA (မန္တလေး)  

    ပဲခူးတိုင်းဒေသကြီး၊ ပြည်ခရိုင်၊ ပြည်မြို့ရှိ ကျေးရွာများတွင် စိုက်ပျိုးရေးနှင့် မွေးမြူရေး လုပ်ငန်းများကို လုပ်ကိုင်လျက်ရှိရာ နွားများကို စိုက်ပျိုးရေးလုပ်ငန်းအတွက် မွေးမြူကြသလို စားဝတ်နေရေးအတွက်လည်း မွေးမြူကြပါသည်။ ဗမာနွားများနှင့် နို့စားနွားများကို တစ်နိုင်တစ်ပိုင် မွေးမြူကြပြီး နွားနို့များကို ဈေးကွက်အတွင်းသို့ ရောင်းချကြကြောင်းလည်းသိရပါသည်။

          ၂၀၂၅  ခုနှစ်၊ စက်တင်ဘာလ၊ ပထမပတ်အတွင်း ရောင်းချနေသော နွားနို့ဈေးနှုန်းများမှာ နွားနို့(၁)လီတာ တစ်ဘူးလျှင် (၅၀၀၀)ကျပ်၊ နို့ခဲ (၁၀)ကျပ်သားလျှင် (၁၈၀၀)ကျပ်နှင့် ဒိန်ချဉ် (၁) လီတာ၊ တစ်ဘူးလျှင် (၆၀၀၀)ကျပ်ဖြစ်နေကြောင်း သိရှိရပါသည်။

DOCA(ပဲခူး)

         ကုလားပဲသီးနှံမှာ ပြည်တွင်း စားသုံးမှုများခြင်းနှင့် ပြည်ပတင်ပို့သည့် ပဲတစ်မျိုးဖြစ်ပြီး၊  မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ်တွင် ကုလားပဲစိုက်ပျိုးမှု (၂၃၇၇၄၇)ဧက ဖြစ် ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ်စက်တင်ဘာလပထမပတ်အတွင်း ဖြစ်ပေါ်လျက်ရှိသည့်အမျိုးအစားအလိုက် ပေါက်စျေးများ မှာ၃တင်းဝင်တစ်အိတ်လျှင် ကုလားပဲ(V-2) ၂၅၅၀၀၀ကျပ်နှင့် ၂၅၈၀၀၀ကျပ်၊ ကုလားပဲ(V-7) ၂၄၅၀၀၀ ကျပ်နှင့် ၂၄၈၀၀၀ကျပ်၊ ကုလားပဲ (ထိုင်ဝမ်) ၂၃၅၀၀၀ကျပ်နှင့် ၂၃၈၀၀၀ကျပ်၊ ကုလားပဲ (929) ၂၄၃၀၀၀ကျပ်နှင့်၂၄၅၀၀၀ကျပ်၊ တစ်ပိဿာပေါက် စျေး မှာကုလားပဲ(V-2) ၄၄၅၄ကျပ်နှင့် ၄၅၀၇ကျပ်၊ကုလားပဲ(V-7)၄၂၇၉ကျပ်နှင့်၄၃၃၂ကျပ်၊ကုလားပဲ(ထိုင်ဝမ်)၄၁၇၈ကျပ်နှင့် ၄၂၃၁ကျပ်၊ ကုလားပဲ(929)၄၃၂၀ကျပ်နှင့်၄၃၅၆ကျပ်တို့ဖြစ်ပြီး၊ယခင်နှစ်ကာလတူတစ်ပိဿာစျေးမှာကုလားပဲ (V-2) ၅၂၄၀ကျပ်နှင့် ၅၃၂၈ ကျပ်၊ကုလားပဲ (V-7)၆၁၁၄ ကျပ်၊ ကုလားပဲ (ထိုင်ဝမ်) ၄၉၇၈ကျပ်နှင့် ၅၀၆၇ကျပ်၊ကုလားပဲ(929) ၅၁၉၁ကျပ်နှင့် ၅၂၀၉ကျပ်စျေးတို့ဖြစ်ပါသည်။ ယခုနှစ် နှင့်ယခင်နှစ် ကာလတူ ပေါက်စျေးနှိုင်းယှဉ်ပါက ကုလားပဲစျေးမှာ အနည်းငယ်ကျဆင်းသွားကြောင်း သိရှိရပါ သည်။      

DOCA (မန္တလေး)  

  မြန်မာလူမျိုးများသည် ကြောင်လျှာသီးကို စားချင်စဖွယ်ဟင်းလျာတစ်ခွက်ဖြစ်အောင် ချက်ပြုတ် စားသောက်ကြပါသည်။ ကြောင်လျှာသီးသည် မိုးရာသီအတွက် ရာသီစာအသီး တစ်မျိုးဖြစ်ပြီး ဇွန်လ၊ ဇူလိုင်လနှင့် ဩဂုတ်လများတွင် စတင်ပေါ်လေ့ရှိပါသည်။ မြန်မာနိုင်ငံ၏ ပူအိုက်စိုစွတ်သောဒေသ များတွင် ကြောင်လျှာသီးကို အဓိကစိုက်ပျိုးကြပြီး ရန်ကုန်တိုင်း၊ ပဲခူးတိုင်း၊ တနင်္သာရီတိုင်း၊ ဧရာဝတီတိုင်းနှင့် မွန်ပြည်နယ်တို့တွင်လည်း စိုက်ပျိုးကြပါသည်။

   တောင်ငူမြို့အနီးတစ်ဝိုက်ရှိ ကျေးရွာများတွင် ကြောင်လျှာသီးစိုက်ပျိုးမှု အနည်းငယ် ရှိသော်လည်း စီးပွားဖြစ်စိုက်ပျိုးမှုထက် မိသားစုစားသုံးရန်အတွက် အိမ်ခြံဝန်းအတွင်း စိုက်ပျိုးသည့် ပုံစံ မျိုးသာရှိပါသည်။  ယခု စက်တင်ဘာလ (ပထမပတ်)တွင် တောင်ငူမြို့နယ်အတွင်းရှိ ဈေးများထဲ၌ ကြောင်လျှာသီးများ အရောင်းသွက်လျက်ရှိပြီး  ဈေးများထဲတွင် ရောင်းချနေသော ကြောင်လျှာသီး များသည် ပဲခူးတိုင်း၊ ဒိုက်ဦးမြို့နယ်၊ ရွှေကျင် မြို့နယ်များမှလည်းကောင်း၊ ရန်ကုန် တိုင်းဘက်မှ လည်းကောင်း သယ်ယူရောင်းချနေသော ကုန်စိမ်းသီးနှံဖြစ်၍ ကြောင်လျှာသီး အတောင့်သေး တစ်တောင့်လျှင် ၈၀၀ ကျပ်၊ အတောင့်ကြီးတစ်တောင့်လျှင် ၁၀၀၀ ကျပ်ဖြင့် ရောင်းချလျက် ရှိကြောင်း သိရသည်။

DOCA(ပဲခူး)