ပြည်တွင်းကုန်သွယ်မှုသတင်း

     မကွေးတိုင်းဒေသကြီးအစိုးရအဖွဲ့၏ အစီအစဉ်၊ လမ်းညွှန်မှာကြားချက်နှင့် သရက်ခရိုင်စီမံ အုပ်ချုပ်ရေးအဖွဲ့၏စီမံပေးမှုအရ ကံမမြို့နယ်၌ သရက်မြို့နယ်ဆီကုန်သည်များက (၂-၁၁-၂၀၂၃)ရက်နေ့၊ နေ့လယ် (၁၃း၀၀) နာရီအချိန်တွင် ကံမမြို့၊ အမှတ်(၁/၂/၃/၄)ရပ်ကွက်များရှိ အိမ်ထောင်စု(၂၂၀၀)စုအတွက် စားအုန်းဆီပိဿာ (၂၂၀၀)ပိဿာကို သက်သာသောဈေးနှုန်းဖြစ်သည့် စားအုန်းဆီ(၁)ပိဿာလျှင် ကျပ်(၅၅၀၀)နှုန်းဖြင့် ရောင်းချပေးခဲ့ပါသည်။

    ထိုသို့ရောင်းချပေးနေမှုအား ကံမမြို့နယ်၊ စီမံအုပ်ချုပ်ရေးအဖွဲ့ဥက္ကဋ္ဌ၊ အတွင်းရေးမှူးနှင့် အဖွဲ့ဝင်များဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့၊ မြို့နယ်စည်ပင်စည်ပင်သာယာရေးအဖွဲ့၊ မြို့နယ်မီးသတ်ဦးစီးဌာန၊ မြို့နယ်အဆင့်ဌာနဆိုင်ရာတာဝန်ရှိသူများနှင့် သရက်ခရိုင်စားသုံးသူရေးရာဦးစီးဌာနမှဝန်ထမ်းများနှင့် ကံမမြို့နယ်တာဝန်ခံတို့သည် စားသုံးဆီများအဆင်ပြေချောမွေ့စွာဝယ်ယူနိုင်ရေး၊ စားအုန်းဆီဈေးနှုန်းများမှန်ကန်မှုရှိစေရေး၊ အလေးချိန်ပြည့်ဝမှန်ကန်မှုရှိစေရေး၊ စားအုန်းဆီဝယ်ယူရာ၌ စနစ်တကျရှိစေရန်အတွက် စားသုံးသူပြည်သူများအား တန်းစီစနစ်ဖြင့်ရောင်းချပေးခြင်းတို့ကိုကြီးကြပ်၍ပူးပေါင်းဆောင်ရွက်ခဲ့ကြကြောင်း သတင်းရရှိပါသည်။

DOCA(မကွေး)

     ၇.၁၁.၂၀၂၃ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

     ၇.၁၁.၂၀၂၃ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

     မြန်မာနိုင်ငံတွင် နွေဥတု(နွေရာသီ)၊ မိုးဥတု(မိုးရာသီ)နှင့် ဆောင်းဥတု(ဆောင်းရာသီ) ဟူ၍ ရာသီဥတု(၃)မျိုးရှိရာ ရာသီဥတုအလိုက် ဒေသအစားအစာများပြုလုပ်ရောင်းချလျက်ရှိကြသည်။ ယခုအခါ စစ်ကိုင်းတိုင်းဒေသကြီး၊ ကန့်ဘလူမြို့တွင် ဆောင်းရာသီစတင်ရောက်ရှိလာပြီဖြစ်ရာ ရာသီအစားအစာတစ်မျိုးဖြစ်သည့် ဒေသအခေါ် ကောက်ညှင်းပြား (ခေါ်) ခေါစီများရောင်းချလျက်ရှိကြောင်းသိရသည်။

      ကောက်ညှင်းပြား (ခေါ်) ခေါစီပြုလုပ်ရာတွင် အသုံးပြုသည့်ကောက်ညှင်းဆန်ကို ဒေသတွင်းတောင်သူများထံမှ ဝယ်ယူရရှိသကဲ့သို့ မိုးညှင်းဒေသမှလည်းမှာယူပြီး အသုံးပြုလျက်ရှိကြောင်း၊ ကောက်ညှင်းဆန်တွင်ာ အနက်ရောင်နှင့် အဖြူရောင်ဟူ၍ (၂)မျိုးရှိကြောင်း၊ စားသုံးသူများအနေဖြင့် ကောက်ညှင်းဆန်အနက်ဖြင့်ပြုလုပ်သည်ကို ပိုမိုကြိုက်နှစ်သက်ကြကြောင်း၊ ကောက်ညှင်းဆန်ကို ကောက်ညှင်းပြားအပြင် ပေါင်းသင်းပြုလုပ်၍လည်းရောင်းချကြောင်း၊ ကောက်ညှင်းပြား(ခေါ်) ခေါစီကို ၁၀၀၀ကျပ်လျှင် ၄ပြား၊ ၂၀၀၀ကျပ်လျှင် ၉ပြားနှုန်း၊ ခေါပြင် ၁တုံးလျှင် ၁၀၀ကျပ်ဖြင့်ရောင်းချပြီး ပေါင်းသင်းအသေး ၁လုံးလျှင် ၂၅၀၀ကျပ်၊ အကြီး ၁လုံးလျှင် ၃၀၀၀ကျပ်ဖြင့်ရောင်းရကြောင်း၊ မြို့ပေါ်နေပြည်သူများ၊ ခရီးသွားများနှင့် အခြားဒေသသို့ လက်ဆောင်ပစ္စည်းအဖြစ် ပေးပို့သူများက ဝယ်ယူစားသုံးလျက်ရှိရာ နေ့စဉ် ဝင်ငွေရရှိကာ မိသားစုအဆင်ပြေလျက်ရှိကြောင်း ကန့်ဘလူမြို့၊ အမှတ် (၁)ရပ်ကွက်ရှိ ကောက်ညှင်းပြား (ခေါ်) ခေါစီပြုလုပ်ရောင်းချသူထံမှသိရှိရပါသည်။

DOCA(စစ်ကိုင်း)

    စားသုံးသူရေးရာဦးစီးဌာနအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” ဆိုသည့် မျှော်မှန်းချက်နှင့်အညီ အကောင်အထည်ဖော်ဆောင်ရွက်လျက်ရှိရာ ကန့်ဘလူမြို့နယ်တာဝန်ခံရုံးမှ သီးနှံဈေးနှုန်း၊ ဈေးကွက်နှင့် စီးဝင်/စီးထွက်မှုအခြေအနေများကို စာရင်းကောက်ယူလျက်ရှိရာ ကန့်ဘလူခရိုင်အတွင်းဖြစ်ပေါ်နေသော  ဆန်စီးဝင်/ စီးထွက်အခြေအနေများကို ဖော်ပြလိုက်ရပါသည်။

  ကန့်ဘလူခရိုင်အနေဖြင့် ၂၀၂၃ခုနှစ်၊ နိုဝင်ဘာလ ပထမပတ်အတွင်းဖြစ်ပေါ်ခဲ့သော စပါး၊ ဆန်ဈေးနှုန်းများမှာ ရွှေဘိုပေါ်ဆန်း စပါးတင်း(၁၀၀)လျှင် ကျပ်၃၄၅၀၀၀၀၊ ဧရာမင်း စပါးတင်း (၁၀၀)လျှင် ကျပ်၃၀၀၀၀၀၀နှင့် နွေစပါး ရွှေဝါထွန်း စပါးတင်း(၁၀၀)လျှင် ကျပ်၁၆၃၀၀၀၀၊ ရွှေဘိုပေါ်ဆန်း ဆန်(၂၄)ပြည်ပါ တစ်အိတ်လျှင် ကျပ်၁၂၅၀၀၀၊ ဧရာမင်းဆန်(၂၄)ပြည်ပါ တစ်အိတ်လျှင် ကျပ်၁၂၂၀၀၀နှင့် ရွှေဝါထွန်းဆန်(၂၄)ပြည်ပါ တစ်အိတ်လျှင် ကျပ်၆၃၀၀၀ဖြစ်ပြီး  ကန့်ဘလူခရိုင်မှ အခြားတိုင်းဒေသကြီးနှင့်ပြည်နယ်များသို့ ဆန်စီးထွက်မှုမှာ  မန္တလေးတိုင်းသို့ အိတ်ရေ ၅၀၀အိတ်၊ ကချင်ပြည်နယ်သို့ အိတ်ရေ ၅၀၀အိတ်၊ စုစုပေါင်းအိတ်ရေ ၁၀၀၀အိတ်၊ တန်အားဖြင့် (၅၀)တန်စီးထွက်ခဲ့ကြောင်း ဒေသခံဆန်စက်လုပ်ငန်းရှင်နှင့်ချိတ်ဆက်မေးမြန်းမှုအရသိရှိရပါသည်။

DOCA(စစ်ကိုင်း)