ပြည်တွင်းကုန်သွယ်မှုသတင်း

          မန္တလေးတိုင်းဒေသကြီး၊ပြင်ဦးလွင်ခရိုင်သည် တောင်ပေါ်မြို့တစ်မြို့ဖြစ်ပြီး လမ်းပန်းဆက်သွယ်

ရေးကောင်းမွန်သောကြောင့် ခရီးသွားများ၊လာရောက်လည်ပတ်သူများဖြင့်အမြဲမပျက်စည်ကားလျှက်ရှိ ပါသည်။ဒေသထွက်ဖြစ်သော မေမြို့ပန်း(သို့)အက်စကာပန်းသည်လည်း ပြင်ဦးလွင်၏အဓိကအခန်း ကဏ္ဍမှပါဝင်ပါသည်။ပြင်ဦးလွင်ခရိုင်တွင် နှစ်ရှည်သီးနှံများ၊ ရာသီပေါ်သီးနှံများအပြင်၊ ပန်းပေါင်းစုံ စိုက်ပျိုးနိုင်ပြီး မြေဆီလွှာအထူးကောင်းမွန်သောကြောင့် စိုက်သမျှဖြစ်ထွန်းအောင်မြင်ပြီး စိုက်ပျိုးရေး တောင်သူများအလုပ်အကိုင်ဖြစ်ထွန်းပြီး စီးပွားရေးတွက်ချေကိုက်လျှက်ရှိပါသည် ။ လူသိများသော မေမြို့ပန်း(သို့)အက်စကာပန်းကိုလည်းမိရိုးဖလာစိုက်ပျိုးသောတောင်သူများလည်းရှိပါသည်။မေမြို့ပန်း (ခ)အက်စကာပန်းပင်သည် အပင်မှမျိုးစေ့ထုတ်ယူရရှိသော အပင်မျိုးဖြစ်သည်။ သဘာဝမြေသြဇာ၊ နွားချေး၊ကြက်ချေးကိုပါကြိုက်နှစ်သက်ပါသည် ။ အောက်တိုဘာလတွင် စတင်စိုက်ပျိုးပြီး ပျိုးပင်ကို ရက်ပေါင်း(၃၀-၄၀)အတွင်းသားခွဲ၍စိုက်ပျိုးနိုင်ပါသည်။ မေမြို့ပန်း(သို့)အက်စကာပန်းသည် နေရာမရွေး စိုက်ပျိုးနိုင်ပြီး  ပြင်ဦးလွင်တွင်လည်း ရပ်ကွက်တိုင်းတွင် စိုက်ပျိုးဖြစ်ထွန်းလျှက်ရှိပါသည်။ မေမြို့ပန်း (သို့) အက်စကာပန်းစိုက်ပျိုးရာတွင်(၁)ဧကလျှင် အပင်(၅၀၀၀၀-၆၀၀၀၀)ကျော်အထိစိုက်ပျိုးနိုင်ပြီး အပင်များသန်မာပြီး အပွင့်ထွက်ပိုမိုကောင်းမွန်ပါသည်။ မေမြို့ပန်း(၁)ဧက စိုက်ပျိုးရာတွင် မြေပြင်ခ၊ လုပ်သားခ၊သွင်းအားစု၊စုစုပေါင်း (၂၀)သိန်းခန့်ကုန်ကျပြီး အကျိုးအမြတ်အနေဖြင့်(၁)ဧကလျှင်(၁၇)သိန်း ခန့်ရရှိပါသည်။ ဇန်နဝါရီလမှဧပြီလအထိ ဖြိုင်ဖြိုင်ပေါ်ပြီး ပန်းစျေးကောင်းလျှင်အကျိုးအမြတ်ပိုမိုရရှိနိုင် ကြောင်း၊ပန်းစိုက်တောင်သူများထံမှသိရှိရပါသည်။မေမြို့ပန်း လက်ဆုပ်စီး(၄၅)ပင်ပါ ပန်းစည်းတစ်စီး လျှင်(၃၅၀၀-၄၀၀၀)ကျပ်အထိအရောင်းအဝယ်ဖြစ်လျှက်ရှိပါသည်။ယခုအချိန်တွင် မေမြို့ပန်းများကို ပြင်ဦးလွင်၊မန္တ‌လေးအနီးတဝိုက်ရှိမြို့များသို့ ရောင်းချလျှက်ရှိပြီး အမြစ်ပန်း(ခ)မေမြို့ပန်း(သို့)အက်စကာ ပန်းအကြောင်းရေးသားတင်ပြလိုက်ရပါသည်။

DOCA(မန္တလေး)       

                 ပြည်ခရိုင်၊ ရွှေတောင်မြို့နယ်၊ ကြို့ကုန်းအုပ်စု၊ ကြို့ကုန်းကျေးရွာတွင် ကျောက်စိမ်း ငရုတ်သီးစိမ်းများ စိုက်ပျိုးထားရှိပြီး နတ်တော်လကုန်ခါနီးတွင် ပျိုးပင်များကိုပျိုးပြီး ပြာသိုလတွင် စိုက်ပျိုးသည့်မြောင်းဘောင်ပေါ်သို့ တစ်ပင်နှင့်တစ်ပင် တစ်တောင်ခြားပြီး စိုက်ပျိုးကြပါသည်။ စိုက်ပျိုးပြီး တပို့တွဲလတွင် ငရုတ်သီးများကို စတင်ခူးယူချိန်တွင် (၁၅)ရက်လျှင် တစ်ကြိမ် ခူးဆွတ်ရပြီး တစ်ခါခူးဆွတ်လျှင် ပိဿာချိန်(၁၀၀)ဝန်းကျင်ခန့်ရရှိကြောင်း သိရပါသည်။ ငရုတ်သီး ကို စတင်ပေါ်စမှစ၍ အသီးများတုံးသည့်အထိ (၁)လကျော်ခူးဆွတ်ရပြီး တစ်ဧက စိုက်ပျိုး ထုတ်လုပ်ကုန်ကျစရိတ်အနေဖြင့် ၆၀၀၀၀-၇၀၀၀၀ကျပ်ခန့် ကုန်ကျကြောင်း သိရှိရပါသည်။ ထွက်ရှိ လာသော ငရုတ်သီးများကို ကုန်စိမ်းဒိုင်များမှ စိုက်ခင်းအထိဆင်း၍ ဝယ်ယူကြပြီး တစ်ပိဿာလျှင် ၂၅၀၀ကျပ်ဖြင့်ရောင်းချသဖြင့် တောင်သူအကျိုးအမြတ်အနေဖြင့် တစ်ဧကလျှင် ခန့်မှန်းခြေ ၃၅၀၀၀၀-၄၀၀၀၀၀ကျပ် ရရှိကြောင်း သိရှိရပါသည်။

DOCA(ပဲခူး)

သခွားမွှေး၏ မူရင်းဒေသသည် အိန္ဒိယနိုင်ငံမှဖြစ်ပြီး မြန်မာပြည်အနှံအပြားတွင် စိုက်ပျိုး နိုင်သော သီးနှံမျိုးဖြစ်၍ ရန်ကုန်တိုင်း၊ မန္တလေးတိုင်း၊ ပဲခူးတိုင်းနှင့် ရှမ်းပြည်နယ်တို့တွင် စိုက်ပျိုးကြသည်ကို တွေ့ရှိရသည်။ မြင်းခြံမြို့ရှိ ဈေးကွက်အတွင်း ပြင်ဦးလွင်၊ တံတားဦးမြို့နယ်တို့မှ ထွက်ရှိသည့် သခွားမွှေးများဈေးကွက်တွင် ရောင်းချလျက်ရှိကြောင်းနှင့် လိမ္မော်နီအရောင် သခွားမွှေး တစ်လုံးလျှင် (၁၂၀၀)ကျပ်မှ (၁၅၀၀)ကျပ်ဖြစ်ပြီး လုံးပတ်အကြီး၊ အသေးပေါ်မူတည်၍ ဈေးနှုန်းများ အနည်းငယ် ကွာခြားကြောင်း သိရှိရသည်။

သခွားမွှေးသီးသည် အာဟာရဓာတ်ကြွယ်ဝပြီး ကျန်းမာရေးအတွက် အကျိုးကျေးဇူးများစွာ ရှိသော သစ်သီးတစ်မျိုးဖြစ်ပြီး သခွားမွှေးတွင်ပါဝင်သော ဗီတာမင်အေသည် အမြင်အာရုံကို ကောင်းမွန်စေခြင်း၊ ကိုယ်ခံအားစနစ်ကို ကောင်းမွန်စေသဖြင့် ကူးစက်ရောဂါကိုကာကွယ် နိုင်စွမ်းရှိခြင်း၊ ဗီတာမင်စီ ကြွယ်ဝစွာပါဝင်သဖြင့် သွားဖုံးသွေးယိုခြင်းများကို ကာကွယ်နိုင်စွမ်းရှိခြင်း၊ ပိုတက်စီယမ်နှင့် အခြားသတ္ထုဓာတ်များပါဝင်သဖြင့် သွေးဖိအားကို ထိန်းချုပ်ပေးနိုင်စွမ်းနှင့် သွေးတိုးကိုလျှော့ချပေးကာ သွေး လှည့်ပတ်မှုကို ကောင်းမွန်စေကြောင်း သိရှိရပါသည်။

DOCA(မန္တလေး) 

          မြင်းခြံမြို့နယ်အတွင်း စံပြဈေးနှင့်အေးမြသီတာဈေးပွဲရုံများတွင် ယခုဆောင်းနှောင်းပိုင်း ကာလ၌ မန်ကျည်းသီးအမှည့်အသစ်များ စတင်ထွက်ပေါ်၍ ဈေးကွက်တွင် ရောင်းချလျက်ရှိပါသည်။ မန်ကျည်းသီးမှည့်များသည် ဆောင်းနှောင်းပိုင်းကာလနှင့် နွေအကူးကာလများဖြစ်သော ဇန်နဝါရီလ၊ ဖေဖော်ဝါရီလနှင့်မတ်လတို့တွင် ထွက်ပေါ်လေ့ရှိကြောင်းနှင့် မန်ကျည်းပင် (၅)ပင်ရှိသော ခြံတစ်ခြံ တွင် တစ်နှစ်လျှင် မန်ကျည်းသီးမှည့်(အတောင့်) တင်း(၅၀)ခန့် ထွက်ရှိကြောင်းသိရှိရသည်။

ယခုဖေဖော်ဝါရီလတွင် အစေ့ထုတ်ပြီးမန်ကျည်းမှည့်တစ်ပိဿာလျှင် လက်ကားဈေး (၁၀၀၀၀) ကျပ်၊ လက်လီဈေး (၁၂၀၀၀)ကျပ်ဖြင့် ရောင်းဝယ်လျက်ရှိပြီး  ယခင်လနှင့်နှိုင်းယှဉ်ပါက ဇန်နဝါရီလအတွင်း အစေ့မဲ့မန်ကျည်းမှည့် လက်လီတစ်ပိဿာလျှင် (၁၃၀၀၀)ကျပ်၊ လက်ကား တစ်ပိဿာလျှင် (၁၁၀၀၀)ကျပ်ဖြင့် အရောင်းအဝယ်များ ဖြစ်ခဲ့ကြောင်းနှင့် ယခုလတွင် မန်ကျည်း အသားတစ်ပိဿာလျှင် (၁၀၀၀)ကျပ်ခန့် ဈေးနှုန်းလျော့နည်းခဲ့ကြောင်း သိရှိရသည်။ ဈေးကွက် ဝင်ရောက်မှုအနေဖြင့် မြင်းခြံမြို့နယ်အတွင်းကျေးရွာများမှ အနည်းငယ်သာထွက်ရှိပြီး အဓိက ဝင်ရောက်မှုမှာ ကျောက်ပန်းတောင်း၊ ပခုက္ကူမြို့တို့မှ အများဆုံးဝင်ရောက်ကြောင်း သိရှိရသည်။ မန်ကျည်းသားအထူအပါး၊ အစိုအခြောက်ပေါ်မူတည်၍ ဈေးနှုန်းများ ကွာခြားကြောင်း မန်ကျည်း ကုန်သည်တစ်ဦးထံမှသိရှိရသည်။

ကျန်းမာရေးအကျိုးကျေးဇူးများအနေဖြင့် မန်ကျည်းသီးမှည့်သည် အမျှင်ဓာတ်ကြွယ်ဝ၍ အစာခြေစနစ်ကို ကောင်းမွန်စေပြီး သံဓာတ်ဖြည့်တင်းပေးခြင်း၊ သွေးလည်ပတ်မှု ကောင်းမွန်စေပြီး ဆီးချိုရောဂါသည်များအတွက် သင့်တော်ပြီး အာရုံကြောစနစ်ကို ထောက်ပံ့ပေးကြောင်း သိရှိရပြီး ကျန်းမာရေးနှင့် ဟင်းလျာပြုလုပ်ရာတွင် အသုံးဝင်သည့် မန်ကျည်းသီးမှည့်ကို ရာသီကာလအတွင်း စနစ်တကျစားသုံးသင့်ပါသည်။

DOCA(မန္တလေး)       

           ပြည်မြို့ရှိ ချင်းပွဲရုံများသို့ ချင်းဝင်ရောက်မှုမှာ ပုံမှန်ဝင်ရောက်လျက်ရှိပြီး ထမနဲထိုးသည့် ရာသီဖြစ်သည့်အတွက် နယ်ဝယ်လက်အဝယ်ရှိကြောင်း သိရပါသည်။ ဒေသတွင်း ချင်းရောင်း ဝယ်ရေးသမားတို့ကလည်း အရောင်းအဝယ်ဖြစ်နေသောကြောင့် ပြည်ချင်းပွဲရုံများတွင် အရောင်းအဝယ်ပြန်ဖြစ်လာတာသိရပါသည်။ ယခုအပတ်ဖြစ်သော ဖေဖော်ဝါရီ တတိယပတ်တွင်ချင်းတစ် ပိဿာလျှင် ပွဲရုံဈေး ၃၀၀၀-၄၅၀၀ကျပ်ဖြစ်ပြီး လက်လီဈေးမှာ တစ်ပိဿာလျှင် ၅၀၀၀-၇၀၀၀ကျပ် တို့ဖြင့်ရောင်းချလျက်ရှိပါသည်။ ယခင်နှစ် ဖြစ်သော ၂၀၂၄ ခုနှစ် ဖေဖော်ဝါရီလတွင် တစ်ပိဿာလျှင် ၆၀၀၀ကျပ်ဖြင့် ရောင်းချခဲ့၍ ယခုနှစ်တွင် ဈေးအနည်းငယ်မြင့်တက်လာခဲ့ကြောင်း သိရှီရပါသည်။

DOCA(ပဲခူး)