ပြည်တွင်းကုန်သွယ်မှုသတင်း

            လူတန်းစာမရွေး လူအများကြိုက်နှစ်သက်သည့်ပဲပြားသည် ပရိုတင်ဓာတ်ကြွယ်ဝပြီး ကျန်းမာရေးနှင့် ညီညွှတ်သည့် အစားအစာတစ်မျိုးဖြစ်သည်။ ပဲပြားကိုကြော် ကာအစာသိပ် လုပ်စားခြင်း၊ ပဲပြားတုတ်ထိုးလုပ်စားခြင်း၊ ပဲပင်ပေါက်နှင့် ကြော်စားခြင်း၊ ပဲပြားသုပ်လုပ်စားခြင်း၊ ခရမ်းချဉ်သီးနှင့် အခြားမိမိကြိုက်နှစ်သက်ရာတို့ဖြင့် အမျိုးမျိုးပြုလုပ်စားသုံးနိုင်ပါသည်။

          တနင်္သာရီတိုင်းဒေသကြီး၊ ထားဝယ်မြို့ပေါ်ဈေးများတွင် ပဲပြားများကို တစ်ပြားလျှင်(၅၀၀) ကျပ်နှုန်းဖြင့် ရောင်းချဝယ်ယူလျက်ရှိကြသည်။ ပဲပြားဈေးနှုန်းမှာ ဈေးနှုန်းပြောင်းလဲခြင်းမရှိပဲ ဈေးနှုန်းတည်ငြိမ်နေကြောင်း သိရှိရပါသည်။

DOCA(တနင်္သာရီ)

          ဩဇာသီးပင်များသည် နှစ်ရှည်သီးနှံဖြစ်သဖြင့် အိမ်တိုင်းလိုလိုခြံထွက် အိမ်ခြံစည်းရိုးများတွင် လည်းစိုက်ပျိုးကျပါသည်။ ယခုလအချိန် ဩဇာသီးပေါ်ချိန်ဖြစ်သည့်အတွက် ပြန်ရောင်းသမားများက အပင်ပြတ်ဝယ်ယူကြသကဲ့သို့ ခြံများတွင်လိုက်လံကြည့်ရှုကာ အသီးများလိုက်ကောက်၍ ဝယ်ယူကြကြောင်းသိရပါသည်။

          ဩဇာသီးပေါ်ချိန်တွင် အလုံးအကြီးအသေးပေါ်မူတည်၍ (၁၀၀၀ မှ ၁၅၀၀) ကျပ်နှုန်းအထိ ဈေးရပါကြောင်း၊ လက်ဆောင်ပေးရန် ဝယ်ယူကြကြောင်းသိရှိရပါသည်။ ယခုအချိန်တွင် ဩဇာသီး များလှိုင်လှိုင်မပေါ်သေးသဖြင့် ဈေးကောင်းရရှိပါကြောင်း သိရှိရပါသည်။

DOCA(တနင်္သာရီ)

             ပူစီနံပင်ကို နေရာဒေသမရွေး စိုက်ပျိုး၍ရနိုင်ပါသည်။ မြေအိုး၊ ပန်းအိုး၊ ပလတ်စတစ်ဘူးခွံများတွင် မြေဆွေး၊ နွားချေးထည့်၍လည်း တပိုင်တနိုင်စိုက်ပျိုး၍ ရပါသည်။ အချို့က စိုက်ခင်း အဖြစ် စီးပွားဖြစ်စိုက်ပျိုးကြပါသည်။ ပူစီနံပင်ကို ရေမပြတ်လောင်းပေးနိုင်က တစ်နှစ်ပတ်လုံး စားသုံးနိုင်ပါသည်။ ဆောင်းတွင်းကာလတွင် ဖြစ်ထွန်းမှုနည်းပြီး နွေရာသီနှင့် မိုးရာသီတွင် ပိုမိုဖြစ် ထွန်းပါသည်။ ပူစီနံပင်သည် ခဏခဏခူးယူရောင်းချရသော အပင်မျိုးဖြစ်၍ ခူးယူလေအတက်ထွက် လေဖြစ်သည်။ ပူစီနံရွက်သည် အနံ့ပြင်းပြင်းအရသာနှင့် မွှေးကြိုင်ပါသည်။

            ဈေးကွက်တွင် အမြဲရှိပြီး နေ့စဉ်ရောင်းချရသော အရွက်တစ်မျိုးလည်းဖြစ်သည်။ စိုက်ပျိုးသူများမှာလည်း ကုန်ကျစရိတ်သက်သာဆုံးဖြင့် ဝင်ငွေများစွာရရှိနိုင်ပါသည်။ ဈေးကွက်အတွင်း၌  (၁၀) ပင်တစ်စည်းလျှင် ၅၀၀ ကျပ်နှုန်းဖြင့်‌ရောင်းချလျက်ရှိကြောင်း သိရှိရပါသည်။

DOCA(တနင်္သာရီ)

          ၂၀၂၅ ခုနှစ်၊ ဖေဖော်ဝါရီလ ၂၅ ရက်နေ့၊ နံနက် (၀၈း၃၀) နာရီအချိန်တွင် ထားဝယ်မြို့၊ အိမ်ရှေ့ပြင် ရပ်ကွက်၊ ရေးလမ်းရှိ ရွှေမြင့်မိုရ်ယာဥ်ရပ်နားစခန်းသို့ မြန်မာနိုင်ငံဆီကုန်သည်နှင့်ဆီလုပ်ငန်းရှင်များ အသင်း၏ စီစဥ်မှုဖြင့် Yadanarbon Global Network Distribution Co,Ltd မှ တင်ပို့ရောင်းချသည့် စားအုန်းဆီ ၁ ပေပါလျှင် ၁၁၀ ပိဿာပါ စားအုန်းဆီ (၃၅)ပေပါကို ယာဥ်မောင်း ဦးစိုးလှိုင်ဝင်း၊ ယာဉ်အမှတ် 9B-5982/ Nissan Diesel ဖြင့်တင်ဆောင်၍ရောက်ရှိလာရာ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး ဦးစိုးဦးနှင့်တာဝန်ရှိသူများက သွားရောက်စစ်ဆေးခဲ့ကြောင်း၊ အဆိုပါ စားအုန်းဆီ (၃၅) ပေပါအား ကုမ္ပဏီ၏လက်ကားအ​ရောင်းကိုယ်စားလှယ်မှတစ်ဆင့် ထားဝယ်မြို့၊ အနောက်ရပ်၊ ဦးကျော်ရင်လမ်းရှိဦးဘိုသစ်၏ ယမုံလှိုင် ကုန်စုံဆိုင်အပါအဝင်လက်လီဆိုင် ၁၅ ဆိုင်မှတစ်ဆင့် သတ်မှတ်ရည်ညွှန်းစျေးအတိုင်း စားသုံးသူများအား ရောင်းချပေးသွားမည်ဖြစ်ကြောင်း သိရှိရပါသည်။

DOCA(တနင်္သာရီ)

            ကုန်သွယ်မှုဘဏ္ဍာ ပိုမိုတိုးတက်ရေးအတွက် ကုန်သွယ်‌ရေးဦးစီးဌာန မြိတ်ကုန်သွယ်ရေးစခန်းတွင် OSSအဖွဲ့ဝင်များ မိတ်ဘက်ဌာနဆိုင်ရာများနှင့် ကုန်သွယ်လုပ်ငန်းရှင်များ ပါဝင် သော လုပ်ငန်းညှိနှိုင်းအစည်းအဝေးအား (၂၅.၂.၂၀၂၅)တွင် နံနက်(၁၀း၀၀)နာရီ မြိတ်ကုန် သွယ်ရေးစခန်းတွင် ကျင်းပပြုလုပ်ခဲ့ပါသည်။

             အဆိုပါ အစည်းအဝေးအား မြိတ်ကုန်သွယ်ရေးစခန်းနေ ယခုဘဏ္ဍာ (၂၀၂၄-၂၀၂၅)ဘဏ္ဍာနှစ်တွင် ပို့ကုန်လျာထားချက်(၉၃)သန်း သွင်းကုန်လျာထားချက် (၉၀)သန်း ရှိသည့် အခုဘဏ္ဍာအမှန်တင်ပို့မှုမှာ ၂၀၂၅ဖေဖော်ဝါရီ လ(၂၄)ရက်နေ့ အထိ ပို့ကုန်(၆၃)သန်း ရှိ၍ လျာထားချက်ထက်လျော့နည်းနေပြီး သွင်းကုန်မှာ (၁၀၀.၉)သန်းရှိပြီး လျာထားချက် ထက်ပိုမိုနေသော်လည်း ပြည်ထောင်စုဝန်ကြီး၏ လျာထားချက်အရပို့ကုန် နှစ်ဆတိုးမြင့်နိုင် ရေးအတွက် OSSအဖွဲ့ဝင်များနှင့် ကုန်သည်လုပ်ငန်းရှင်များအနေဖြင့် ပို့ကုန်လျာထားချက် ပြည့်မီစေရေး ဝိုင်းဝန်းကြိုးပမ်းဆောင်ရွက် ပေးစေလိုပါကြောင်းပြောကြားပြီး အခမ်းအနားတက်ရောက်လာသော OSSအဖွဲ့ဝင်များ၊ မိတ်ဘက်ဌာနဆိုင်ရာများနှင့် ကုန်သည်လုပ်ငန်းရှင်များမှ ပြန်လည်တင်ပြချက်များအပေါ် မြိတ်ကုန်သွယ်ရေးစခန်းတာဝန်ခံမှ ပြန်လည်ရှင်းပြပြီး အစည်းအဝေးကို(၁၁း၀၀)တွင် ရုတ်သိမ်းလိုက်ကြောင်း သတင်းရရှိပါသည်။

DOCA(တနင်္သာရီ)