ပြည်တွင်းကုန်သွယ်မှုသတင်း

             လိမ္မော်သီးသည် မြန်မာနိုင်ငံနေရာအနှံအပြားတွင် ရရှိနိုင်သော လူကြိုက်များသည့် ချိုချဉ်အရသာရှိသောအသီးတစ်မျိုးဖြစ်၍ ကျန်းမာရေးအတွက် ဗီတာမင်စီကြွယ်ဝသောကြောင့် ကလေးမှသည် လူကြီးအထိကြိုက်နှစ်သက်သည့် အသီးအနှံတစ်မျိုးဖြစ်ကြောင်းသိရှိရသည်။ ကယ်လိုရီ၊ ကစီဓာတ်၊ အသားဓာတ်၊ အဆီဓာတ်နှင့် အမျှင်ဓာတ်ကြွယ်ဝသောကြောင့် လိမ္မော်သီးကို တစ်နေ့တစ်လုံး စားသုံးသင့်ကြောင်း၊ ဗီတာမင်စီနှင့် ဗီတာမင်ဘီဓာတ်ပါဝင်သောကြောင့် ကိုယ်ခံအားစနစ်ကို မြှင့်တင်ပေးခြင်း၊ အရေပြားကျန်းမာရေးအတွက်အထောက်အကူပြု၍ နှာခေါင်းနာ၊ လျှာကွဲနာ၊ ပါးစပ်ထောင့် ကွဲသောရောဂါများကိုသက်သာစေကြောင်း၊ ဖောလစ် အက်ဆစ်ကြွယ်ဝသောကြောင့် အမျိုးသမီးများနှင့် ကိုယ်ဝန်ဆောင်မိခင်လောင်းများ စားသုံးသင့် ကြောင်း၊ ကျောက်ကပ်ကျောက် တည်ခြင်းကိုကာကွယ်ခြင်း၊ နှလုံးအားကောင်းစေခြင်း၊ သွေးအား ကောင်း၍ သံဓာတ်စုပ်ယူမှုအား ကောင်းခြင်း၊ ဓာတ်တိုးဆန့်ကျင်ဓာတ်များ ပါဝင်သောကြောင့် ကင်ဆာရောဂါကို လျှော့ချပေးနိုင်ကြောင်း၊ အမျှင်ဓာတ်များကြွယ်ဝစွာ ပါဝင်သောကြောင့် ဆီးချို ရောဂါကိုထိန်းပေး၍ ဝမ်းချုပ် ခြင်းကိုကာကွယ်ကြောင်း၊ တစ်ပတ်လျှင် (၂-၃)ကြိမ်စားပေးသင့်ကြောင်း၊ ဖျော်ရည်ဖျော် သောက်ခြင်းထက် အသီးအတိုင်းစားပါက ဆေးဖက်ဝင်ပြီး ခန္ဓာကိုယ်အတွက် အကျိုးပြုကြောင်း၊ ပိုတက်ဆီယမ်ကြွယ်ဝသောကြောင့် နှလုံးကျန်းမာရေးအတွက် အထောက်အကူ ပြုကြောင်း၊ ဗီတာမင်အေကြွယ်ဝစွာပါဝင်သောကြောင့် မျက်စိကျန်းမာရေးအတွက်ကောင်းမွန်ကြောင်း၊ဗီတာမင်စီကြွယ်ဝစွာပါဝင်သောကြောင့်အရေပြားအတွက်ကော်လာဂျင်ထုတ်လုပ်မှုကို အထောက် အကူပြု၍ အရေးအကြောင်းများကို ကာကွယ်ပေးသဖြင့် အရသာရှိသောလိမ္မော်သီးသည်  နေ့စဉ်စား သုံးသင့်သောသစ်သီးတစ်မျိုးဖြစ်ကြောင်း လေ့လာ့သိရှိရသည်။

DOCA (မန္တလေး)

           လူအများစုသည် ကြက်ဥပြုတ်ကို အများအားဖြင့် နံနက်စာအဖြစ် စားသုံးကြကြောင်း၊ ကြက်ဥသည်မြေဓာတ်နှင့် ရေဓာတ်မျှတမှုရှိပြီး စွမ်းအင်ပေးကြောင်း၊ အာဟာရဓာတ်ပြည့်ဝသော အစားအစာတစ်မျိုးဖြစ်ပြီး ပရိုတင်းဓာတ်ကြွယ်ဝသောကြောင့် ခန္ဓာကိုယ်အတွက် ကြွက်သား များတည်ဆောက်ခြင်း၊  ပြုပြင်ခြင်းနှင့် ခန္ဓာကိုယ်၏ ဇီဝကမ္မဖြစ်စဉ်များအတွက် အကျိုးပြုပြီးသော ကြောင့် ကလေးမှသည် လူကြီးအထိ သတ္တုဓာတ်များ ပါဝင်သောကြောင့် စားသုံးသင့်ကြောင်း၊ ပရိုတင်းဓာတ်ကြွယ်ဝသော ကြက်ဥကိုစားသုံးခြင်းသည် ကြွက်သားများသန်မာစေသောကြောင့်  အားကစားသမားများအတွက် အကောင်းဆုံးအစားအစာတစ်ခုဖြစ်ကြောင်း၊ ကိုလင်းဓာတ်ပါဝင် သောကြောင့် ဦးနှောက်နှင့် အာရုံကြောစနစ်ကျန်းမာရေးအတွက် အထောက်အကူပြုကြောင်း၊ ဗီတာမင်အေ၊ ဗီတာမင်ဒီနှင့် ဇင့်ဓာတ်တို့ပါဝင်သောကြောင့် ကိုယ်ခံအားကိုမြှင့်တင်ပေးကြောင်း၊ဗီတာမင်ဒီကြွယ်ဝ၍ အရိုးများသန်မာစေကြောင်း၊ အာဟာရဓာတ်များစွာပါဝင်သော အစားအစာ တစ်ခုဖြစ်ပြီး နေ့စဉ်စားသုံးပါက ပရိုတင်းဓာတ်ကြွယ်ဝကြောင်းလေ့လာဖတ်ရှု့ရသည်။ မြင်းခြံမြို့၊ အေးမြသီတာဈေး၌ရောင်းချနေသော ၂၀၂၅ ခုနှစ်၊ နိုဝင်ဘာလပထမပတ်တွင်ကြက်ဥတစ်ပိဿာလျှင်(၁၂၀၀၀) ကျပ်ပိဿာခန့်ပေါက်ဈေးများဖြင့်‌ ရောင်းချလျက်ရှိကြောင်း သိရှိရသည်။

DOCA (မန္တလေး)

  ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် အနေဖြင့် မြို့နယ်များအပါအဝင် ၁၅တန်နှင့်အထက် ဆန်စက်အလုံးရေ (၁၈)လုံး ရှိပြီး စပါးကြိတ်ခွဲထွက်ရှိမှုမှ ဆန်များကို ရန်ကုန်တိုင်းဒေသကြီးသို့ အဓိကထား၍ စီးထွက်လျက်ရှိပြီး  ရန်ကုန်မှတဆင့် အခြားဒေသများသို့ နေ့စဉ် ပုံမှန် (စီးထွက်) လျက်ရှိကြောင်း သိရသည်။

   ပန်းတနော် မြို့နယ်အနေဖြင့်  ၂၀၂၅ ခုနှစ် အောက်တိုဘာလ ၁လအတွင်း ဆန်တင်ပို့မှုအနေဖြင့်  ၁၃၆၇၂ အိတ်၊ တန်အားဖြင့် ၆၈၄ တန်နှင့်  ဆန်ကွဲအနေဖြင့် ၄၁၀၉ အိတ်၊ တန်အားဖြင့်၂၀၅ တန် တင်ပို့နိုင်ခဲ့ပြီး ယခင်လနှင့် တင်ပို့မှု အနေဖြင့် ဆန် ၁၂၂၈၁  အိတ် နှင့် ၊ ဆန်ကွဲ ၅၅၀၀  အိတ် တင်ပို့ခဲ့ကြောင်း ယခုလအနေဖြင့် ဆန်အိတ် ၁၃၉၁ အိတ် ပိုမို တင်ပိုခဲ့ကြောင်းနှင့်  ဆန်ကွဲ ၁၃၉၁ အိတ် လျော့နည်း တင်ပို့နိုင်ခဲ့ကြောင်း ပန်းတိုင်စစ်ဆေးရေးဂိတ်စာရင်းများအရ သိရသည်။

  ဆန်များကို ရန်ကုန်သီလဝါ ဆိပ်ကမ်း၊ သံလျင်မြို့၊ ဆူးလေဆိပ်ကမ်း၊ ရွှေပြည်သာမြို့၊ ကျိုက်ဝိုင်းဈေး မရမ်းကုန်းမြို့၊ ကားကြီးဝန်း ဘုရင့်နောင်မြို့၊ ဇုန်-၃ လှိုင်သာယာမြို့ တို့သို့ လည်းကောင်း ဆန်ကွဲများကို စက်မှုဇုန်လုပ်ငန်းများသို့လည်းကောင်း နေ့စဉ်တင်ပို့လျက် ရှိကြောင်း သိရသည်။

DOCA(ဧရာဝတီ)

  ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ် တွင် မြစ်ချောင်းများမှ ဖမ်းယူရရှိသော ငါးများကို ငါးပိပြုလုပ်၍ မြို့နယ်အတွင်း ရောင်းချလျက်ရှိပါသည်။ ထွက်ရှိသော ငါးပိများမှ စားသုံးသူများ ဘေးအန္တရာယ်ကင်းရှင်း စေရေးနှင့် ထုတ်ကုန်လုံခြုံစိတ်ချရမှု ရှိစေရေးအတွက် ဇာနများမှ ကွင်းဆင်း ကြပ်မတ်ဆောင်ရွက်လျက်ရှိပါသည်။

   ငါးများကို မြို့နယ်အတွင်းမှ ထွက်ရှိသော ရေချိုငါးများဖြင့် ပြုလုပ်ကြောင်း လုပ်ငန်းရှင်က ရှင်းပြသည်။  အဆိုပါ ငါးကုန်ကြမ်းများကို ဆားနှင့်နယ်ပြီး ထမင်းဖြင့်အချဉ်သိပကြာ အိုးထဲတွင် (၄-၅) လခန့် သိုလှောင်ရပြီး ထွက်ရှိလာသော ငါးပိများကို မြို့နယ်အတွင်းသို့ ရောင်းချကြောင်း၊ ငါးပိကို အကောင်သေးပြုလုပ်ရာတွင် ငါးခုံးမ၊ ငါးဘဲငါးလေးများဖြင့် ပြုလုပ်ပြီး၊ ငါးအကောင်ကြီး ငါးပိကို ငါးရံ့ဖြင့် ပြုလုပ်ကြောင်း’၊ ဈေးကွက်အတွင်းသို့ ရောင်းချသည့်အခါ နိုဝင်ဘာလဈေးအနေဖြင့် ငါးအကောင်သေး ငပိ ၁ပိဿာ ၇၀၀၀-၈၀၀၀ကျပ်၊ ငါးအကောင်းကြီး ၁ပိဿာ ၁၀၀၀၀-၁၂၀၀၀ကျပ်ဖြင့် အရောင်းအဝယ်ဖြစ်နေပြီး ယခင် လများဖြစ်သော ဩဂုတ်၊ စက်တင်ဘာလများက ငါးပိဈေးနှုန်းများမှာ အကောင်သေး ၁ပိဿာ ၄၀၀၀-၅၀၀၀ကျပ်နှင့် အကောင်ကြီး ၁ပိဿာ ၈၀၀၀ကျပ် သာရှိပြီး ယခုရောင်းချသော ငါးပိများမှာ ဧပြီလသိပ်ငါးများကို ထုတ်ယူရောင်းချ၍ ဈေးကောင်းမွန်လျက်ရှိ ကြောင်း ဈေးကွက်အတွင်းနှင့် ငါးပိလုပ်သူလုပ်ငန်းရှင်ထံမှ သိရသည်။ ဈေးကွက်အတွင်းရောင်းချနေ‌သော ငါးပိများကို မိတ်ဖက်ဌာနများနှင့်အတူ ကွင်းဆင်းစစ်ဆေး၍ နမူနာ ယူစစ်ဆေးခြင်း၊ ဓါတုကင်းစင်စွာ အသုံးပြုရောင်းချနိုင်ရေး စစ်ဆေးဆောင်ရွက်ခြင်းများ ပြုလုပ်ဆောင်ရွက်လျက်ရှိကြောင်း သိရသည်။

DOCA (ဧရာဝတီ)

   ရွှေဘိုမြို့ရှိ ဈေးများတွင် ရာသီအလိုက်ပေါ်သည့် ပန်းများအပြင် အထားလည်းခံ၊ အကြမ်း လည်းခံသည့် အောင်သပြေငုတ်များကိုရောင်းချလျက်ရှိရာ အောင်သပြေငုတ်များကို မန္တလေးတိုင်း ကျောက်ဆည်ခရိုင်တွင် စိုက်ပျိုးပြီး ရွှေဘိုမြို့မှ သယ်ယူရောင်းချကြကြောင်း၊ ရွှေဘိုမြို့တွင် အောင်သပြေငုတ်များကို လိုက်ထရပ်ကားဖြင့်လည်းကောင်း၊ ဆိုက်တွဲဖြင့်လည်းကောင်း လူစည် ကားသည့် နေရာများတွင်ရောင်းချလျက်ရှိကြောင်း၊ အောင်သပြေငုတ်ကို ရွှေဘိုမြို့တွင်းအပြင် မြို့ ၏ အနီးတဝိုက်ဖြစ်သည့် ကျေးရွာများ၊  ရေဉီး၊ ခင်ဦးမြို့မှလည်း ပြန်လည်ရောင်းချရန် ဝယ်ယူ ကြောင်း၊ အပင်အလုံးပတ် အကြီးအသေးပေါ်မူတည်ပြီး ရောင်းချကြကြောင်း၊ အောင်သပြေငုတ်ကို အပင်(၁)ပင်မှစ၍ အစည်းလိုက်လည်း ဝယ်ယူ၍ရကြောင်း၊ ၂၀၂၅ခုနှစ် ၊ နိုဝင်ဘာလ (ဒုတိယ) ပတ်တွင်ဖြစ်ပေါ်နေသော အောင်သပြေငုတ် ဈေးနှုန်းမှာ  လက်သန်းလုံးခန့် အောင်သပြေငုတ် (၁) ပင်လျှင် (၂၀၀ဝိ/-)ကျပ်ဖြင့်ရောင်းချပြီး ထိုထက်ပို၍ကြီးပါက  (၃၀၀ဝိ/-)ကျပ်၊ (၅၀၀ဝိ/-) ကျပ်၊ (၈၀၀ဝိ/-) ကျပ်ဖြင့် ရောင်းချကြပြီး ပို၍ရင့်ပြီး လုံးပတ်ပိုကြီးပါက (၁၅၀၀ဝိ/-) ကျပ်ထိ ဈေးနှုန်းဖြင့် ရောင်းချရကြောင်း  ဈေးနှုန်းအနည်းငယ်မြင့်တက်ရခြင်းမှာ သယ်ယူစရိတ်မြင့်မားခြင်းကြောင့် ပန်းဈေးနှုန်းမှာ အနည်းငယ်မြင့်တက်လျက်ရှိကြောင်း အောင်သပြေငုတ် ရောင်းချသည့် ဈေးဆိုင် ထံမှ သိရှိရပါသည်။ရွှေဘိုမြို့ပေါ်ရှိ ဈေးများ၊ လမ်းဆုံလမ်းခွများတွင် ဘုရားပန်းများကိုရောင်းချလျက်ရှိရာ ရာသီအလိုက်ပေါ်သည့်ပန်းများအပြင် အောင်သပြေငုတ်များကိုလည်း ရောင်းချလျက်ရှိပါသည်။     ဘုရားပန်းတစ်မျိုးဖြစ်သည့် အောင်သပြေငုတ်များမှာ ဘုရားပန်းအိုးထိုးရာတွင် ရက်တာရှည်စွာ အထာခံသဖြင့် အောင်သပြေငုတ်ကို ပို၍လူကြိုက်များကြောင်း၊ အောင်သပြေငုတ်ကို (၃)ရက်(၁)ခါ ဘုရားပန်းအိုး ရေလဲပေးလျှင် ပို၍အထားခံကြောင်း၊ အောင်သပြေငုတ်ကို မန္တလေးတိုင်း၊ ကျောက်ဆည် ခရိုင်တွင် စိုက်ပျိုးပြီး ရွှေဘိုမြို့မှ သယ်ယူရောင်းချကြောင်း၊ ရွှေဘိုမြို့တွင် အောင်သ ပြေငုတ်များကို လိုက်ထရပ်ကားဖြင့်လည်းကောင်း၊ ဆိုက်တွဲဖြင့်လည်းကောင်း လူစည်ကားသည့် နေရာများတွင်ရောင်းချလျက်ရှိကြောင်း၊ အောင်သပြေငုတ်ကို ရွှေဘိုမြို့တွင်းအပြင်မြို့၏အနီး တဝိုက်ဖြစ်သည့် ကျေးရွာများ၊  ရေဉီး၊ ခင်ဦးမြို့မှလည်း ပြန်လည်ရောင်းချရန် ဝယ်ယူကြောင်း၊ အပင်အလုံးပတ်အကြီးအသေးပေါ်မူတည်ပြီး ရောင်းချကြကြောင်း၊ အောင်သပြေငုတ်ကို အပင်(၁) ပင်မှစ၍ အစည်းလိုက်လည်းဝယ်ယူ၍ရကြောင်း၊ လက်သန်းလုံးခန့် အောင်သပြေငုတ် (၁)ပင်လျှင် (၁၅၀ဝိ/-)ကျပ်ဖြင့်ရောင်းချပြီး ထိုထက်ပို၍ကြီးပါက  (၂၅၀ဝိ/-)ကျပ်၊ (၄၀၀ဝိ/-)ကျပ်၊ (၇၀၀ဝိ/-) ကျပ်ဖြင့် ရောင်းချကြပြီး ပို၍ရင့်ပြီး လုံးပတ်ပိုကြီးပါက (၁၃၀၀ဝိ/-)ကျပ်ထိ ဈေးနှုန်းဖြင့် ရောင်းချရကြောင်း အောင်သပြေငုတ် ရောင်းချသည့် ဈေးဆိုင်ထံမှ သိရှိရပါသည်။

DOCA(စစ်ကိုင်း)