ပြည်တွင်းကုန်သွယ်မှုသတင်း

     တနင်္သာရီတိုင်း၊ မြိတ်ခရိုင်တွင် ငရုတ်သီးကို တစ်နိုင်တစ်ပိုင်စိုက်ပျိုးလျက်ရှိပြီ အခြားဒေသ များမှ လည်းမှာယူလျက်ရှိပါသည်။ ယခုနိုဝင်ဘာလဒုတိယပတ်အခြေအနေအရ မြိတ်မြို့တွင် ငရုတ် သီးအဝင်နည်းနေမှုကြောင့် စျေးနှုန်းအနည်းငယ်မြင့်တက်လာခဲ့ကြောင်း သိရှိရသည်။ ဒေသတွင်းစိုက် ပျိုးမှုရှိသော်လည်း မလုံလောက်ခြင်းနှင့် ငရုတ်သီးအထားမခံခြင်းတို့ကြောင့် အနည်းငယ်သာ မှာယူ လျက်ရှိပြီး ရံဖန်ရံခါ လမ်းခရီးအခြေအနေများကြောင့် စျေးနှုန်းပြောင်းလဲကြောင်း သိရှိရပါသည်။

     မြိတ်မြို့တွင် ငရုတ်သီးစျေးနှုန်း အတောက်(၃၀)ပါတစ်ထုတ်လျှင် ၁၀၀၀ ကျပ်ခန့်စျေးနှုန်း ဖြစ်ပေါ်နေကြောင်း ယခင်က တစ်ထုတ်လျှင် ၈၀၀ကျပ်ခန့်ရှိကြောင်း သိရှိရပါသည်။

DOCA(တနင်္သာရီ)

              စိတ်ကိုပျော်ရွှင်လိုလျှင် သစ်ပင်ပန်းပင်စိုက်ပါ။ သစ်ပင်က အေးမြမှုအရိပ်ကို ပေးသည်။ ပန်းကလေးတွေက သူတို့ရဲ့အလှ၊ သူတို့ရဲ့ ရနံ့ဖြင့် စိတ်ကြည်လင်မှု၊ စိတ်ပျော်ရွှင်မှုနှင့် စိတ်သက်သာရာရမှုကို အခိုက်အတန့်လေး ဖြစ်စေသည်မှာ ဧကန်မလွှဲပေ။ အချို့ပန်းများက ရနံ့ဖြင့် ဆွဲဆောင်နိုင်သည်။ အချို့ပန်းများက ရနံ့မပါ အလှနဲ့ဆွဲဆောင်နိုင်သည်။ အချို့ပန်းကလေးများက ရနံ့လည်းရှိ ပန်းလည်းလှသည့်အနေဖြင့် ဆွဲဆောင်နိုင်ကြသည်။ ထိုထဲကမှ စက္ကူပန်း ကလေးများသည် ရနံ့မပါ လှသွေးကြွယ်သည့် ပန်းကလေးများဖြစ်သည်။ စက္ကူပန်းကလေးများ သည် အဖြူ၊အနီ၊ ပန်းရောင်၊ ခရမ်းရောင်၊ အုတ်ခဲရောင်၊နှစ်ရောင်စပ် စသည်ဖြင့် ရောင်စုံပွင့် လန်းကြသည်။ အပူပိုင်းဒေသများအတွက် ရာသီဥတုဒဏ်ခံနိုင်ရည်ရှိသော အပင်မျိုးဖြစ်သည်။ စက္ကူပန်းလေး၏ အဓိပ္ပာယ်မှာ အေးချမ်းခြင်းဖြစ်ပြီး ဘဝရဲ့ ပျော်ရွှင်မှု ဟူ၍ အဓိပ္ပာယ်ရသည်။ ရနံ့မရှိလို့ လူကြိုက်နည်းပြီး အချစ်မခံရပေမယ့် အလှဆုံးကြိုးစားရှင်သန်နေသော သန်မာသည့် ပန်းကလေးများဖြစ်သည်။ ယခုအခါ စက္ကူပန်းပင်များကို လမ်းဘေးဝဲယာ တစ်လျောက်၊ ပန်းခြံ၊ ဘုရားကျောင်းကန်၊ အိမ်ခြံစည်းရိုးများတွင် အလှပန်းပင်အဖြစ် စိုက်ပျိုးလေ့ရှိကြသည်။ စက္ကူပန်း လေးတွေကလည်း ရနံ့မကြွယ်ပေမယ့် ပန်း၏အဓိပ္ပာယ်သည် ကောင်းသော အတိတ်နမိတ်ကို ဆောင်ကြည်းပေးနိုင်သောကြောင့် လူတိုင်းစိုက်ပျိုးသင့်သော အပင်တစ်မျိုးဖြစ်သည်။ ဈေးနှုန်း သက်သာပြီး ဝယ်ယူမှုများသောကြောင့် ပန်းစက္ကူတစ်ပင်လျှင် အပင်အရွယ်အစား အရောင်အဆင်းပေါ်မူတည်၍ (၁၀၀၀/၅၀၀၀/၁၀၀၀၀)ကျပ်ဖြင့် အရောင်းအဝယ်ဖြစ်လျှက်ရှိကြောင်း ပန်းပျိုးပင်အရောင်းဆိုင်မှ သိရသည်။

DOCA(မန္တလေး)

    စစ်ကိုင်းတိုင်းဒေသကြီး ၊ ကန့်ဘလူခရိုင်သည် စိုက်ပျိုးရေးလုပ်ငန်းများကို အဓိကထား လုပ်ကိုင်သော ဒေသတစ်ခုဖြစ်ပြီး သီးနှံစိုက်ပျိုးရာတွင် အထွက်နှုန်းများ ပိုမိုကောင်းမွန်စေရန်နှင့် ပန်းတိုင်အထွက်နှုန်းရရှိရေးအတွက် ကန့်ဘလူခရိုင်အတွင်းရှိ  သီးနှံစိုက်ပျိုးသူများက ဝယ်ယူအသုံး ပြုလျက်ရှိကြောင်း သိရသည်။

          ၂၀၂၅ ခုနှစ်၊ နိုဝင်ဘာလ ဒုတိယပတ်အတွင်း ကန့်ဘလူခရိုင်၏ စိုက်ပျိုးရေးသုံးဓာတ် မြေဩဇာနှင့် ပိုးသတ်ဆေးဈေးနှုန်းများမှာ ပန်းဖူး(50)kgတစ်အိတ်လျှင် (၁၅၀၀၀၀)ကျပ်၊ မြားကမ္ဘာ (50)kgတစ်အိတ်လျှင် (၁၂၀၀၀၀)ကျပ်၊ အာမိုမာတီပလပ် ကွန်ပေါင်းဓာတ်မြေဩဇာ(50)kgတစ် အိတ်လျှင်(၁၃၀၀၀၀)ကျပ်၊ ရွှေနဂါးပုလဲသာ(50)kg တစ်အိတ်လျှင် (၁၁၀၀၀၀)ကျပ်၊ ရွှေတောနစ် (၅၀၀)စီစီတစ်ဘူးလျှင် (၁၆၅၀၀)ကျပ်၊ မိုရယ်လ်မုန်း အမြစ်ပွား၊ အသီးတင်၊ အပင်သန် ဟော်မုန်း ဆေး(၅၀၀)စီစီတစ်ဘူးလျှင် (၄၂၀၀၀)ကျပ်ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း၊ ဓာတ် မြေဩဇာနှင့်ပိုးသတ်ဆေး ရောင်းချသည့်ဆိုင်များထံမှ သိရှိရသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ် နတ်အင်းကျေးရွာတွင် ကျောက်ဖရုံပင်များ၊ ဘူးပင်များစိုက်ပျိုးရောင်းချပြီး မိသားစုဝင်ငွေ ရရှိနေကြောင်း၊ ကျောက်ဖရုံပင် စိုက်ပျိုးရာတွင် စင်တင်စနစ်ဖြင့်စိုက်ပျိုးခြင်း၊ မြေလွှတ်စိုက်ပျိုးခြင်း စသည်ဖြင့်ရှိပြီး စင်တင်စနစ်ဖြင့် အများဆုံးစိုက်ပျိုးကြောင်း၊ ဘူးပင်သည် ဘူးသီးသာမက ဘူးညွှန့်ကိုပါ ရောင်းချရကြောင်း သိရသည်။

      ကန့်ဘလူမြို့မဈေးတွင် ၂၀၂၅ ခုနှစ်၊ နိုဝင်ဘာလ ဒုတိယပတ်အတွင်း ကျောက်ဖရုံသီး အကြီး တစ်လုံးလျှင် (၄၀၀၀)ကျပ်၊ အလတ်တစ်လုံးလျှင် (၃၀၀၀)ကျပ်၊ အသေးတစ်လုံးလျှင် (၂၀၀၀)ကျပ် နှင့်(၁)စိတ်လျှင်(၁၀၀၀)ကျပ်၊ ဘူးသီးအကြီးတစ်လုံးလျှင် (၃၀၀၀)ကျပ်၊ အသေးတစ်လုံးလျှင် (၂၀၀၀)ကျပ်နှင့် ဘူးသီး(၁)စိတ်လျှင် (၅၀၀မှ ၁၀၀၀)ကျပ်ဖြင့်လည်းကောင်း၊ ဘူးညွှန့်(၁)စီးလျှင် (၅၀၀)ကျပ်နှင့် (၅)စည်းလျှင် (၂၀၀၀)ကျပ်ဖြင့်ဖြင့် ရောင်းချရသည့်အတွက် မိသားစုဝင်ငွေရရှိကာ အဆင်ပြေလျက်ရှိကြောင်း သိရှိရသည်။         

DOCA(စစ်ကိုင်း)

    စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်း မျာ ဆောင်ရွက်လျက်ရှိသလို   စားသုံးသူများ နေ့စဉ်ဝယ်ယူသုံးစွဲလျက်ရှိသည့် အခြေခံစားသောက်ကုန် များ၏ ဈေးနှုန်း၊ဈေးကွက် အခြေအနေများကိုလေ့လာ၍ အပတ်စဉ်၊ လစဉ် အထက် အဆင့်ဆင့်သို့ တင်ပြဆောင်ရွက်လျက်ရှိကြောင်း သိရသည်။

    ကန့်ဘလူမြို့မဈေးတွင် ရောင်းချလျက်ရှိသည့် ဝက်သားများကို ကန့်ဘလူမြို့ရှိ လက်လီ/ လက္ကားဒိုင်များနှင့် ကျွန်းလှမြို့နယ်အတွင်းမှ ဝင်ရောက်လျက်ရှိကြောင်း၊ ၂၀၂၅ ခုနှစ်၊ နိုဝင်ဘာလ ဒုတိယပတ်အတွင်း  ကန့်ဘလူမြို့မဈေးတွင် ဝက်သားရှယ်(၁)ပိဿာ(၃၃၀၀၀)ကျပ်၊ ဝက်ပေါင်သား (၁)ပိဿာလျှင် (၃၀၀၀၀)ကျပ်၊ နံကိုင်းသား(၁)ပိဿာလျှင် (၂၉၀၀၀)ကျပ်၊  အမဲသားသန့်(၁)ပိဿာ လျှင်(၃၀၀၀၀)ကျပ်နှင့် ဆိတ်သား(၁)ပိဿာလျှင် (၃၇၀၀၀)ကျပ်တို့ဖြင့်ရောင်းချလျက်ရှိရာ  ယခု နိုဝင်ဘာလ ပထမပတ် ဈေးနှုန်းများနှင့်နှိုင်းယှဉ်ပါက ဒုတိယပတ်အတွင်း ဝက်သား(၁)ပိဿာလျှင် (၁၀၀၀)ကျပ်ဈေးနှုန်းကျဆင်းပြီး အမဲသား(၁)ပိဿာလျှင်(၂၀၀၀)ကျပ် ဈေးနှုန်းမြင့်တက်လာ ကြောင်း  အသားရောင်းချသူများထံမှ သတင်းရရှိပါသည်။

DOCA(စစ်ကိုင်း)