ပြည်တွင်းကုန်သွယ်မှုသတင်း

     မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့၊ မြို့မစည်ပင်သာယာဈေး၊ ပျံကျဈေးနှင့် အမှတ်(၂)ဈေးတို့တွင် အိမ်ရှင်မများအသုံးပြုလျက်ရှိသော ငရုတ်သီးခြောက်၊ ငရုတ်သီးခွဲခြမ်းနှင့် ငရုတ်သီးမှုန့်များ ရောင်းဝယ်ဖောက်ကားလျက်ရှိပါသည်။ ငရုတ်သီးခြောက်များမှာ မိမိဒေသထွက် ငရုတ်သီးခြောက်သာမက မန္တလေးတိုင်းဒေသကြီးအတွင်းရှိ ပျော်ဘွယ်၊ မိတ္ထီလာ၊ သာစည်နှင့် ရမည်းသင်းဒေသများမှ ထွက်ရှိသော ငရုတ်သီးခြောက်များလည်း ရောင်းဝယ်ဖောက်ကားလျက်ရှိကြောင်း မြို့မစည်ပင်ဈေးမှ သိရှိရပါသည်။

    မြို့မစည်ပင်ဈေးတွင်ရောင်းချနေသော ငရုတ်သီးခြောက် အမျိုးအစားများမှာ ရွှေအပ်သီး၊ မိုးမျှော်ငရုတ်သီး၊ (692)ငရုတ်ခြောက်၊ ထွာဘယ်(7)ငရုတ်သီးခြောက်နှင့် ဒေသတွင်းမှ ထွက်ရှိသော ငရုတ်သီးခြောက်များရောင်းချနေကြောင်း၊ ၂၀၂၃ခုနှစ်၊ အောက်တိုဘာလ(တတိယပတ်)အတွင်း ရောင်းချနေသောငရုတ်သီးခြောက်ဈေးနှုန်းများမှာ ရွှေအပ်သီး တစ်ပိဿာလျှင် ကျပ်(၁၆၀၀၀)၊ မိုးမျှော်ငရုတ်သီး တစ်ပိဿာလျှင် ကျပ်(၁၅၀၀၀)၊ (692)ငရုတ်ခြောက် တစ်ပိဿာလျှင် ကျပ် (၁၄၀၀၀)၊ ထွာဘယ်(7) တစ်ပိဿာလျှင် ကျပ်(၁၄၀၀၀)နှင့် ဒေသတွင်းမှထွက်ရှိသော ငရုတ်သီးခြောက် အဟောင်း တစ်ပိဿာလျှင် ကျပ်(၇၀၀၀- ၆၀၀၀)ဖြင့် ရောင်းချနေကြောင်း၊ ငရုတ်သီးခွဲခြမ်း တစ်ပိဿာလျှင် ကျပ်(၁၅၀၀၀-၁၄၀၀၀)နှင့် ငရုတ်မှုန့် တစ်ပိဿာလျှင် ကျပ်(၁၄၀၀၀)ဖြင့် နေ့စဉ် ရောင်းချလျက်ရှိကြောင်း မြို့မဈေးနှင့် အမှတ်(၂)ဈေးသည်များထံမှ သိရှိရပါသည်။

DOCA(မကွေး)

 အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)မှာ (၄၅)ပိဿာ(၁)အိတ်လျှင် ယခင်အပတ် (၁၈-၁၀-၂၀၂၃)ရက်နေ့တွင် ကျပ်(၂၇၅၀၀၀-၃၃၀၀၀၀)ဖြစ်ပြီး ယခုအပတ်(၂၄-၁၀-၂၀၂၃)ရက်နေ့တွင် ကျပ်(၂၇၀၀၀၀-၃၂၅၀၀၀)ဖြစ်၍ ကျပ်(၅၀၀၀)ဈေးမြင့်ခဲ့ပါသည်။ နှမ်းပြာမှာ ယခင် အပတ်တွင် ကျပ်(၂၇၅၀၀၀)ဖြစ်ပြီး ယခုအပတ်တွင် ကျပ်(၂၇၀၀၀၀)ဖြစ်၍ ကျပ်(၅၀၀၀) ဈေးလျော့ခဲ့ကြောင်း၊ နှမ်းနီမှာ ယခင်အပတ်တွင် ကျပ်(၃၀၀၀၀၀)ဖြစ်ပြီး ယခုအပတ်တွင် ကျပ်(၂၉၀၀၀၀)ဖြစ်၍ ကျပ် (၁၀၀၀၀)ဈေးလျော့ခဲ့ကြောင်း၊  နှမ်းဖြူမှာ ယခင်အပတ်တွင် ကျပ်(၃၁၀၀၀၀-၃၂၀၀၀၀)ဖြစ်ပြီး ယခုအပတ်တွင် ကျပ်(၃၀၀၀၀၀-၃၁၀၀၀၀)ဖြစ်၍ ကျပ်(၁၀၀၀၀)စသည့်ဖြင့် အသီးသီးဈေးလျော့ခဲ့ပြီး အရောင်း အဝယ်ပမာဏအနေဖြင့်(၄၅) ပိဿာဝင်အိတ်များဖြင့် နှမ်းနက်(စမုံ)(၃၈၀၀)အိတ်၊ နှမ်းနီ(၂၈၀)အိတ်၊ နှမ်းဖြူ(၂၅၀)အိတ်၊ နှမ်းပြာ(၄၀၀)အိတ်တို့ အရောင်းအဝယ်ရှိခဲ့ကြောင်း အောင်လံကုန်စည်ဒိုင်မှ သိရသည်။

   ပဲမျိုးစုံဈေးကွက်အနေဖြင့် မတ်ပဲ(၂၀)ပိဿာ(၁)တင်းလျှင် ယခင်အပတ်တွင် ကျပ်(၈၆၅၀၀) ဖြစ်ပြီး ယခုအပတ်တွင် ကျပ်(၉၀၀၀၀)ဖြစ်၍ ကျပ်(၃၅၀၀)ဈေးမြင့်ခဲ့ကြောင်း၊ ပဲကြီး ယခင်အပတ်တွင် ကျပ်(၁၀၅၀၀၀-၁၀၇၀၀၀)ဖြစ်ပြီး ယခုအပတ်တွင် ကျပ်(၁၁၀၀၀၀-၁၁၅၀၀၀)ဖြစ်၍ ကျပ်(၅၀၀၀-၈၀၀၀)စသည့်ဖြင့် အသီးသီးဈေးမြင့်ခဲ့ပါသည်။ ကုလားပဲ(H-L)မှာ ယခင်အပတ်တွင် ကျပ်(၉၂၅၀၀) ဖြစ်ပြီး ယခုအပတ်တွင်လည်း ကျပ်(၉၂၅၀၀)၊ ကုလားပဲ(မြကြေး) ယခင်အပတ်တွင် ကျပ်(၉၁၀၀၀) ဖြစ်ပြီး ယခုအပတ်တွင်လည်းကျပ်(၉၁၀၀၀)ဖြစ်၍ ဈေးနှုန်းပြောင်းလဲမှုမရှိဘဲ  အရောင်းအဝယ်ပမာဏအနေဖြင့်  (၃၀)ပိဿာဝင်အိတ်များဖြင့် မတ်ပဲ(၄၀၀)အိတ်၊ ကုလားပဲ(H-L)(၁၇၀၀)အိတ်၊ ကုလားပဲ (မြကြေး)(၆၀၀)အိတ်၊ ပဲကြီး(၃၅၀)အိတ်တို့ အရောင်းအဝယ် ဖြစ်ခဲ့ပါသည်။

   မြေပဲလုံးဆန်ဖြူ(၁)ပိဿာလျှင် ယခင်အပတ်တွင် ကျပ်(၅၈၀၀)ဖြစ်ပြီး ယခုအပတ်တွင် ကျပ် (၅၄၀၀)ဖြစ်၍ ကျပ်(၄၀၀)ဈေးလျော့ခဲ့ပါသည်။ မြေပဲတောင့်အစိုမှာ (၁)တင်းလျှင် ယခင်အပတ်တွင်  ကျပ်(၁၆၀၀၀-၁၉၀၀၀)ဖြစ်ပြီး ယခုအပတ်တွင်လည်း ကျပ်(၁၆၀၀၀-၁၉၀၀၀)ဖြစ်၍ ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၃၀)ပိဿာဝင်အိတ်များဖြင့် မြေပဲလုံးဆန်ဖြူ (၇၅၀)အိတ်၊ မြေပဲတောင့်အစို တင်း(၅၄၀၀)ခန့် အရောင်းအဝယ်ရှိခဲ့ပါကြောင်း၊ အပတ်စဉ်ပုံမှန်ရန်ကုန်မြို့နှင့် မန္တလေးမြို့များသို့ တင်ပို့ရောင်းချလျက်ရှိပြီး ယခုအပတ်တွင် အရောင်းအဝယ် ပုံမှန်ရှိကြောင်း အောင်လံကုန်စည်ဒိုင်မှ သိရသည်။

DOCA(မကွေး)

    စီးပွား‌‌ရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများအပြင် အခြေခံစားကုန်ဈေးနှုန်းများကို အပတ်စဉ် မေးမြန်းတင်ပြလျက်ရှိရာ ၂၀၂၃ခုနှစ်၊ အောက်တိုဘာလ နောက်ဆုံးအပတ်တွင် ရွှေဘိုမြို့၌ စားသုံးဆီဈေးနှုန်းများတည်ငြိမ်လျက်ရှိကြောင်း စားသုံးဆီအရောင်းဆိုင်များမှသိရသည်။

  ရွှေဘိုမြို့ပေါ်တွင် စားသုံးဆီ လက်လီ/လက်ကားရောင်းချသောဆိုင် (၁၂)ဆိုင်ရှိပြီး အောက်တိုဘာလ တတိယအပတ်တွင် စားအုန်းဆီတစ်ပိဿာလျှင် (၅၀၀၀)ကျပ်၊ ပဲဆီသန့်တစ်ပိဿာလျှင် (၁၃၀၀၀)ကျပ်၊ နှမ်းဆီသန့်တစ်ပိဿာလျှင် (၁၃၀၀၀)ကျပ်ဖြင့်အရောင်းအဝယ်ဖြစ်ခဲ့ပြီး ယခုအောက်တိုဘာလ နောက်ဆုံးအပတ်တွင်လည်း စားအုန်းဆီတစ်ပိဿာလျှင် (၅၀၀၀) ကျပ်၊ ပဲဆီသန့်တစ်ပိဿာလျှင် (၁၃၀၀၀)ကျပ်၊ နှမ်းဆီသန့်တစ်ပိဿာလျှင် (၁၃၀၀၀)ကျပ်ဖြင့် အရောင်းအဝယ်ဖြစ်နေသဖြင့် ယခင်အပတ်နည်းတူ ဈေးနှုန်းတည်ငြိမ်လျက်ရှိကြောင်း စားသုံးဆီ လက်ကားအရောင်းဆိုင်များမှ သတင်းရရှိပါသည်။

DOCA(စစ်ကိုင်း)

   မကွေးတိုင်းဒေသကြီး၊ မကွေးခရိုင်၊ မကွေးမြို့၌ ဝါလကင်းလွတ်သီတင်းကျွတ်ကာလတွင် ရောင်းချလျက်ရှိသော စက္ကူမီးပုံးစျေးကွက်မှာ အရောင်းအဝယ်အေးနေကြောင်း လေ့လာသိရှိရပါသည်။

  မြန်မာ့လက်မှုစက္ကူမီးပုံးများကို မကွေးတိုင်းအတွင်းရှိ ပွင့်ဖြူ၊ စလင်းနှင့် ဆင်ဖြူကျွန်းမြို့နယ်တို့မှ လုပ်ကိုင်ကြပြီး မကွေးနဲ့အနီးတဝိုက်ရှိ မြို့နယ်စျေးကွက်များသို့ တင်ပို့ရောင်းချပါကြောင်း၊ စက္ကူမီးပုံး တစ်ခုလျှင် အနည်းဆုံးကျပ်(၂၅၀၀)မှ အများဆုံး ကျပ်(၆၀၀၀)အထိရောင်းချပါကြောင်း၊ ယခုနှစ်တွင် ယခင်နှစ်ကထက် စျေးနှုန်းမှာကွာခြားမှုမရှိသော်လည်း ရောင်းအားအနေဖြင့် အနည်း ငယ်ကျဆင်းနေပါကြောင်း၊ ယခင်နှစ်များတွင် သီတင်းကျွတ်လပြည့်ချိန်နီးလာလျှင် ပိုမိုရောင်းရပါကြောင်း၊ ယခုနှစ်တွင် စက္ကူမီးပုံးများကို လုပ်ကိုင်ကြသူများလာပြီး ရောင်းချသူများလည်းများ လာပါကြောင်း၊ စက္ကူမီးပုံးများကို ကြယ်ပုံ၊ အသည်းပုံ၊ ယုန်ပုံ၊ လေယာဉ်ပျံပုံနဲ့ သင်္ဘောပုံများ ပြုလုပ်၍ ရောင်းချလျက်ရှိပါကြောင်း မကွေးမြို့မှစက္ကူမီးပုံးရောင်းချသူ ဒေါ်အေးရွှေထံမှ သိရှိရ ပါသည်။

DOCA(မကွေး)

   မကွေးမြို့ပေါ်ရှိဈေးများသို့ ပန်းဂေါ်ဖီ၊ ဂေါ်ဖီထုတ်၊ ခရမ်းချဉ်းသီး၊ ဂျင်းတက်၊ နနွင်းတက်၊ ငရုတ်သီးခြောက်၊ ကြက်သွန်ဖြူများကို မန္တ‌လေးတိုင်းဒေသကြီး၊ ပြင်ဦးလွင်နှင့်ရှမ်းပြည်နယ်၊ အောင်ပန်းမြို့ တို့မှ ဝင်ရောက်လျက်ရှိပြီး သံပုရာသီး၊ သံပုယိုသီး၊ ရှောက်သီးနှင့် ကြက်သွန်နီများကို မင်းဘူး(စကု)မြို့နယ်၊ ပွင့်ဖြူမြို့နယ်၊ ဆင်ဖြူကျွန်းမြို့နှင့် ဆိပ်ဖြူမြို့တို့မှ မှာယူရောင်းချလျက်ရှိကြောင်း မကွေးမြို့ပေါ်ရှိ ပွဲရုံများထံမှ သိရှိရပါသည်။

     ၂၀၂၃ခုနှစ်၊ အောက်တိုဘာလ(၁၉)ရက်မှ (၂၅)ရက်နေ့အတွင်း မကွေးမြို့ပေါ်စျေးများ၌ ရောင်းချလျက်ရှိသော ဈေးနှုန်းများမှာ ပန်းဂေါ်ဖီပွင့်(၁)ပွင့်လျှင် ကျပ်(၁၃၀၀)၊ ဂေါ်ဖီထုပ် (၁)ထုပ်လျှင် ကျပ်(၁၃၀၀)၊ ခရမ်းချဉ်းသီး(၁)ပိဿာလျှင် ကျပ်(၁၆၀၀)၊ ကန်ဇွန်းရွက်(၃)စည်းလျှင် ကျပ် (၂၀၀)၊ ဂျင်းတက်(၁)ပိဿာလျှင် ကျပ်(၅၀၀၀)၊ အာလူး(၁)ပိဿာလျှင် ကျပ်(၂၇၀၀)၊ နနွင်းတက်(၁) ပိဿာလျှင် ကျပ်(၁၀၀၀၀)၊ သံပုရာသီး(၄)လုံးလျှင် ကျပ်(၅၀၀)၊ ရှောက်သီး(၁)လုံးလျှင် ကျပ်(၄၀၀)၊ ကြက်သွန်နီ(၁)ပိဿာလျှင် ကျပ်(၃၅၀၀)၊ ကြက်သွန်ဖြူ(ရှမ်း)(၁)ပိဿာလျှင် ကျပ်(၈၅၀၀)၊ ငရုတ် သီးခြောက်(၁)ပိဿာလျှင် ကျပ်(၁၁၅၀၀)၊ (CP)ကြက်သား(၁)ပိဿာလျှင် ကျပ်(၈၀၀၀)၊ ဝက်သား (၁)ပိဿာလျှင် ကျပ်(၁၄၀၀၀)၊ အမဲသား(၁)ပိဿာလျှင် ကျပ်(၁၄၀၀၀)၊ ဆိတ်သား(၁)ပိဿာလျှင် ကျပ်(၁၆၀၀၀)၊ ငါးမြစ်ချင်း(၁)ပိဿာလျှင် ကျပ်(၁၄၀၀၀)၊ ကြက်ဥ(၁)လုံးလျှင် ကျပ်(၂၆၀)နှင့် ဘဲဥ (၁)လုံးလျှင် ကျပ်(၃၈၀)အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)