ပြည်တွင်းကုန်သွယ်မှုသတင်း

    ပဲခူးတိုင်းဒေသကြီး၊ ပြည်ခရိုင်၊ ပြည်မြို့ရှိ ကျေးရွာများတွင် စိုက်ပျိုးရေးနှင့် မွေးမြူရေး လုပ်ငန်းများကို လုပ်ကိုင်လျက်ရှိရာ နွားများကို စိုက်ပျိုးရေးလုပ်ငန်းအတွက် မွေးမြူကြသလို စားဝတ်နေရေးအတွက်လည်း မွေးမြူကြပါသည်။ ဗမာနွားများနှင့် နို့စားနွားများကို တစ်နိုင်တစ်ပိုင် မွေးမြူကြပြီး နွားနို့များကို ဈေးကွက်အတွင်းသို့ ရောင်းချကြကြောင်းလည်းသိရပါသည်။

          ၂၀၂၅  ခုနှစ်၊ စက်တင်ဘာလ၊ ပထမပတ်အတွင်း ရောင်းချနေသော နွားနို့ဈေးနှုန်းများမှာ နွားနို့(၁)လီတာ တစ်ဘူးလျှင် (၅၀၀၀)ကျပ်၊ နို့ခဲ (၁၀)ကျပ်သားလျှင် (၁၈၀၀)ကျပ်နှင့် ဒိန်ချဉ် (၁) လီတာ၊ တစ်ဘူးလျှင် (၆၀၀၀)ကျပ်ဖြစ်နေကြောင်း သိရှိရပါသည်။

DOCA(ပဲခူး)

         ကုလားပဲသီးနှံမှာ ပြည်တွင်း စားသုံးမှုများခြင်းနှင့် ပြည်ပတင်ပို့သည့် ပဲတစ်မျိုးဖြစ်ပြီး၊  မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ်တွင် ကုလားပဲစိုက်ပျိုးမှု (၂၃၇၇၄၇)ဧက ဖြစ် ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ်စက်တင်ဘာလပထမပတ်အတွင်း ဖြစ်ပေါ်လျက်ရှိသည့်အမျိုးအစားအလိုက် ပေါက်စျေးများ မှာ၃တင်းဝင်တစ်အိတ်လျှင် ကုလားပဲ(V-2) ၂၅၅၀၀၀ကျပ်နှင့် ၂၅၈၀၀၀ကျပ်၊ ကုလားပဲ(V-7) ၂၄၅၀၀၀ ကျပ်နှင့် ၂၄၈၀၀၀ကျပ်၊ ကုလားပဲ (ထိုင်ဝမ်) ၂၃၅၀၀၀ကျပ်နှင့် ၂၃၈၀၀၀ကျပ်၊ ကုလားပဲ (929) ၂၄၃၀၀၀ကျပ်နှင့်၂၄၅၀၀၀ကျပ်၊ တစ်ပိဿာပေါက် စျေး မှာကုလားပဲ(V-2) ၄၄၅၄ကျပ်နှင့် ၄၅၀၇ကျပ်၊ကုလားပဲ(V-7)၄၂၇၉ကျပ်နှင့်၄၃၃၂ကျပ်၊ကုလားပဲ(ထိုင်ဝမ်)၄၁၇၈ကျပ်နှင့် ၄၂၃၁ကျပ်၊ ကုလားပဲ(929)၄၃၂၀ကျပ်နှင့်၄၃၅၆ကျပ်တို့ဖြစ်ပြီး၊ယခင်နှစ်ကာလတူတစ်ပိဿာစျေးမှာကုလားပဲ (V-2) ၅၂၄၀ကျပ်နှင့် ၅၃၂၈ ကျပ်၊ကုလားပဲ (V-7)၆၁၁၄ ကျပ်၊ ကုလားပဲ (ထိုင်ဝမ်) ၄၉၇၈ကျပ်နှင့် ၅၀၆၇ကျပ်၊ကုလားပဲ(929) ၅၁၉၁ကျပ်နှင့် ၅၂၀၉ကျပ်စျေးတို့ဖြစ်ပါသည်။ ယခုနှစ် နှင့်ယခင်နှစ် ကာလတူ ပေါက်စျေးနှိုင်းယှဉ်ပါက ကုလားပဲစျေးမှာ အနည်းငယ်ကျဆင်းသွားကြောင်း သိရှိရပါ သည်။      

DOCA (မန္တလေး)  

  မြန်မာလူမျိုးများသည် ကြောင်လျှာသီးကို စားချင်စဖွယ်ဟင်းလျာတစ်ခွက်ဖြစ်အောင် ချက်ပြုတ် စားသောက်ကြပါသည်။ ကြောင်လျှာသီးသည် မိုးရာသီအတွက် ရာသီစာအသီး တစ်မျိုးဖြစ်ပြီး ဇွန်လ၊ ဇူလိုင်လနှင့် ဩဂုတ်လများတွင် စတင်ပေါ်လေ့ရှိပါသည်။ မြန်မာနိုင်ငံ၏ ပူအိုက်စိုစွတ်သောဒေသ များတွင် ကြောင်လျှာသီးကို အဓိကစိုက်ပျိုးကြပြီး ရန်ကုန်တိုင်း၊ ပဲခူးတိုင်း၊ တနင်္သာရီတိုင်း၊ ဧရာဝတီတိုင်းနှင့် မွန်ပြည်နယ်တို့တွင်လည်း စိုက်ပျိုးကြပါသည်။

   တောင်ငူမြို့အနီးတစ်ဝိုက်ရှိ ကျေးရွာများတွင် ကြောင်လျှာသီးစိုက်ပျိုးမှု အနည်းငယ် ရှိသော်လည်း စီးပွားဖြစ်စိုက်ပျိုးမှုထက် မိသားစုစားသုံးရန်အတွက် အိမ်ခြံဝန်းအတွင်း စိုက်ပျိုးသည့် ပုံစံ မျိုးသာရှိပါသည်။  ယခု စက်တင်ဘာလ (ပထမပတ်)တွင် တောင်ငူမြို့နယ်အတွင်းရှိ ဈေးများထဲ၌ ကြောင်လျှာသီးများ အရောင်းသွက်လျက်ရှိပြီး  ဈေးများထဲတွင် ရောင်းချနေသော ကြောင်လျှာသီး များသည် ပဲခူးတိုင်း၊ ဒိုက်ဦးမြို့နယ်၊ ရွှေကျင် မြို့နယ်များမှလည်းကောင်း၊ ရန်ကုန် တိုင်းဘက်မှ လည်းကောင်း သယ်ယူရောင်းချနေသော ကုန်စိမ်းသီးနှံဖြစ်၍ ကြောင်လျှာသီး အတောင့်သေး တစ်တောင့်လျှင် ၈၀၀ ကျပ်၊ အတောင့်ကြီးတစ်တောင့်လျှင် ၁၀၀၀ ကျပ်ဖြင့် ရောင်းချလျက် ရှိကြောင်း သိရသည်။

DOCA(ပဲခူး)

      ပြည်တွင်းစားသုံးမှုနှင့် ပြည်ပတင်ပို့သည့်ထောပတ်ပဲမှာ မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ် ထောပတ်ပဲသီးနှံ စိုက်ပျိုးမှု (၄၃၉၁၄)ဧက၊ ရိတ်သိမ်း(၂၃၈၁၈)ဧက၊ အထွက် နှုန်း(၆.၅၁)တင်းနှင့်အထွက် (၁၅၅၂၇၁)တင်းဖြစ် ကြောင်းသိရပါသည်။ မန္တလေးပွဲစား၊ ကုန်သည်၊ စက်ပိုင်များမဟာကထိန်တော်အသင်းတွင် ၂၀၂၅ခုနှစ် စက်တင်ဘာလ ပထမပတ်အတွင်းဖြစ်ပေါ် လျှက်ရှိသောပေါက်စျေးမှာ၃တင်းဝင်တစ်အိတ်လျှင်ထောပတ်ပဲ(ဂေါက်) ၃၀၅၀၀၀ကျပ်နှင့်၃၁၀၀၀၀ ကျပ်၊ထောပတ်ပဲ(ကြီး) ၂၉၀၀၀၀ကျပ်နှင့်၃၀၀၀၀၀ကျပ်၊ ထောပတ်ပဲ(သေး) ၁၉၀၀၀၀ကျပ်နှင့် ၂၀၀၀၀၀ကျပ်၊တစ်ပိဿာစျေးမှာထောပတ်ပဲ(ဂေါက်)၅၄၂၂ကျပ်နှင့်၅၅၁၁ကျပ်၊ထောပတ်ပဲ (ကြီး) ၅၁၅၆ကျပ်နှင့် ၅၃၃၃ကျပ်၊ထောပတ်ပဲ(သေး) ၃၃၇၈ကျပ်နှင့် ၃၅၅၆ကျပ် တို့ဖြစ်ကြောင်း သိရှိရ ပါသည်။ယခင်နှစ်ကာလတူတစ်ပိဿာစျေးမှာ ထောပတ်ပဲ(ဂေါက်)၇၄၆၇ကျပ်၊ထောပတ်ပဲ(ကြီး) ၇၁၁၁ကျပ်၊ ထောပတ်ပဲ(သေး) ၆၂၂၂ကျပ်စျေးဖြစ်ပေါ်ခဲ့ပြီး၊ ကာလတူပေါက်စျေးနှိုင်းယှဉ်ပါက ထောပတ်ပဲစျေးမှာ လျော့နည်းသွားကြောင်း သိရပါသည်။

DOCA (မန္တလေး)

          ပြည်တွင်းစားသုံးမှုများပြားခြင်းနှင့် ပြည်ပသို့တင်ပို့သည့်မတ်ပဲမှာ မန္တလေးတိုင်းဒေသကြီး အတွင်း ၂၀၂၄- ၂၀၂၅ခုနှစ်မတ်ပဲ သီးနှံ စိုက်ပျိုးမှု(၃၂၁၄၂)ဧက၊ ရိတ်သိမ်း(၁၀၄၉၅)ဧက၊ အထွက် နှုန်း(၁၂.၆၅)တင်းနှင့် အထွက်(၁၃၂၇၀၉)တင်းဖြစ်ကြောင်းသိရပါသည်။ မန္တလေးပွဲစား၊ ကုန်သည်၊ စက်ပိုင်များမဟာကထိန်တော်အသင်းတွင် ၂၀၂၅ ခုနှစ်စက်တင်ဘာလပထမပတ်အတွင်း ဖြစ်ပေါ် လျှက်ရှိသောပေါက်စျေးမှာ ၃တင်းဝင်တစ်အိတ်လျှင် မတ်ပဲ (ကျောက်စရစ်)၂၇၃၀၀ကျပ်၊ မတ်ပဲ ၁၇၀၀၀၀ ကျပ်နှင့် ၂၀၀၀၀၀ကျပ်၊ တစ်ပိဿာစျေးမှာ မတ်ပဲ(ကျောက်စရစ်) ၄၅၅၀ ကျပ်၊ မတ်ပဲ ၂၈၃၃ ကျပ်နှင့် ၃၃၃၃ ကျပ်ဖြစ်ပြီး၊ ယခင်နှစ်ကာလတူ တစ်ပိဿာစျေးမှာ မတ်ပဲ(ဟောင်း) ၆၁၆၇ ကျပ်နှင့် ၆၄၁၇ကျပ်၊မတ်ပဲ(ရေသွင်း) ၅၈၃၃ကျပ်နှင့် ၆၁၆၇ ကျပ်တို့ဖြစ်ကြောင်းသိရှိရပါသည်။ ယခုနှစ်နှင့်ယခင်နှစ်ကာလတူစျေးနှိုင်းယှဉ်ပါက မတ်ပဲမှာစျေးလျော့နည်းသွားကြောင်း သိရှိရပါသည်။

DOCA (မန္တလေး)