ပြည်တွင်းကုန်သွယ်မှုသတင်း

    ၂၀၂၄ခုနှစ် ဩဂုတ်လဒုတိယပတ်တွင်း မိုးလယ်ရောက်ချိန် ကုန်စိမ်းသီးနှံများနေရာစုံ၊ ဒေသစုံမှ အထွက်စုံလင် လာသဖြင့် ဈေးကွက်ကျလာသော်လည်းစီးဆင်းမှုကောင်းလာပါ သည်။သို့သော် ပြောင်းသီးနှံမှာ ကုန်သည်ပွဲစားများလှောင်ကုန်သာရှိပြီးတောင်သူလက်ကျန် ပါးချိန်ကုန်စည်ဝင်ရောက်မှုနည်း၍စီးဆင်းမှုနည်းပါးလာသည်။ ဟိုပုံး၊တောင်နီ၊ နမ်းဆန်နှင့် တောင်လေးလုံးဒေသတဝိုင်တွင် တောင်သူလက်ကျန်မရှိသလောက်ဖြစ်နေပါသည်။ အောင်ပန်းဈေး ၁၃၀၀မှ ၁၅၀၀ ရှိနေပြီး ဈေးကွက်လိုအပ်ချက်ဖြင့်အနည်းငယ်သားစီးဆင်း နေပါသည်။

    ရှမ်းတောင်ကြက်သွန်ဖြူဈေးနှုန်းမှာ တီကျစ် ၊ နောင်တရားနှင့် ပင်းလောင်းဖက်မှ ကုန်စည်ဝင်ရောက်မှုနှင့်တရုတ်ကြက်သွန်ဝင်ရောက်မှုတို့တွင်မူတည်နေပြီး တရုတ်ကြက်သွန် (ကြူကုတ်) ဝင်ရောက်မှုပါးလာချိန်တက်ဈေးစောင့်နေသဖြင့် ကုန်ဝင်ပါ၍ ဈေးမြင့် လာပါ သည်။ ဈေးနှုန်းကွာခြားချက် ၁၀၀၀ မှ ၁၅၀၀အထိမြင့်တက်လာပါသည်။ (အောင်ပန်းစ ကြက်သွန်ဖြူ(အကျစ်စ)ဝင်ရောက်မှုပါးပြီး လကုန်ပိုင်း အထိဈေးနှုန်းခပ်ပါးပါး တက်လာနိုင် ပါသည်။အာလူးသီးနှံမှာ မိုးအာလူးအသစ်ပေါ်လာသော်လည်း ဈေးကွက်လိုအပ်ချက်ဖြစ်သော အကြော်သီး(မာကစ် S₂) အဟောင်းမှာဈေးမကျဘဲ ၅၅၀၀ထိဈေးရှိနေပါသည်။

   အာလူးအသစ်(မိုးအာလူး)ပေါ်ချိန် ဈေးမြင့်သဖြင့် အလုအယက်ဖေါ်နေကြရာ အရည် အသွေးဈေးကွက်ရောင်းပန်းမလှဘဲ အရွက်အစားဆိုဒ်မမှီခြင်းအစွန်းလှန်နေခြင်း၊ အမြင်မလှ ခြင်း၊ တာရှည်သိုလှောင်ရန်ခက်ခဲခြင်းစသည့်တို့ကြောင့် ကုန်သည်ပွဲစားများချင့်ချိန်ရောင်း ဝယ်နေကြရပေသည်။

    ချင်းသီးနှံမှာဈေးကွက်အဝယ်ပါးနေပြီး ပြည်တွင်းစားသုံးမှုနှင့် လှောင်လက်များသာ အဝယ်ရှိ၍ မြေနီချင်း ဥမကြီး ၃၅၀၀/၄၀၀၀ အလတ် ၃၀၀၀/၃၃၀၀ ရောင်းဝယ်နေကြပြီး ဈေးနှုန်းငြိမ်နေဦးမည်ဖြစ်ပေသည်။

    နနွင်းသီးနှံမှာတောင်ပိုလ(ရှယ်) ၁၂၀၀၀မှ ၁၂၅၀၀ နှင့် ဆင်တောင် ၁၀၅၀၀မှ ၁၁၀၀၀နှင့် အညံ့စရောရာမှာ ၉၅၀၀ဈေးပေါက်နေပါသည်။ တရုတ်ဝယ်လက်ရှိသဖြင့် နနွင်းဈေးမှာ ကုန်စည်ဝင်ရောက်မှု ပါးလျှက်ဈေးတက်လာဦးမည်ဖြစ်ပါသည်။

    ယခုဩဂုတ်လ ဒုတိယပတ် ရှမ်းတောင် ကုန်စိမ်းသီးနှံများတွင် စိုက်ဧကများ အထွက်များ အသုံးများသည့်ဂေါ်ဖီ ပန်းမုံလာ၊ခရမ်းချဉ်စသည့် ကုန်စိမ်းသီးနှံများ ဒေသစုံမှကုန်စည်များ ဝင်ရောက်လာသဖြင့် ယခင်အပတ်နှင့်ဈေးနှုန်းကွာခြားချက် ၁၀၀/၂၀၀ခန့်ရှိ၍ ခရမ်းချဉ်(သံယောင်)က ကြီး/လတ်/သေးအလိုက် ၁၈၀၀/ ၁၆၀၀/ ၁၄၀၀ 3ဖြင့်ဈေးပွင့်ပြီး အစိမ်းသီး ကြီး/လတ်/သေး ၁၂၀၀/၁၀၀၀/၈၀၀ဖြင့် ဂေါ်ဖီ ၈၀၀/၁၀၀၀နှင့်

    ပန်းပွင့် ၆၀၀/၈၀၀ ခန့်ဖြင့်ရောင်းဝယ်နေကြသည်။ ပြီးခဲ့သည့် ဧပြီ၊ မေ လောက်တွင် အဓိကကုန်စိမ်းသီးနှံဈေး မြောက်သဖြင့်တောင်သူများအစိုက်များအထွက်များ၍ဈေးနှုန်းတန့် နေဦးမည်ဖြစ်ပါသည်။ အစိုက်ဧကနည်းပြီး လူသုံးနည်းသည့် အခြားကုန်စိမ်း သီးနှံများ ဖြစ်သော မုံညင်း ၈၀၀/၁၂၀၀၊ ဘိုစားပဲ ၃၅၀၀၊ မုန်လာဥနီ ၃၅၀၀/၃၈၀၀၊ မုန်လာဥဖြူ ၂၅၀၀၊ ကျောက်ဖရုံသီး ၁၂၀၀၊ ကျောက်စိမ်းဖရုံ ၈၀၀၊ ရွှေပဲ ၅၅၀၀/၆၀၀၀ခန့် ခရမ်းသီး ၂၀၀၀၊ သံပုရာသီး (ရွာငံ) ၃၅၀၀/၄၀၀၀၊ ငရုပ်ပွ ၃၀၀၀/၃၅၀၀နှင့် ရှပ်သွယ်ခြောက် ၉၀၀၀၊ ရှပ်ပွခြောက် ၈၅၀၀ဖြင့် ရောင်းဝယ်နေကြပါသည်။

    ၂၀၂၄ခုနှစ် ဩဂုတ်လ ဒုတိယပတ်အတွင်း ရှမ်းတောင်ဒေသတွင် သီးနှံများသည် ဈေးနှုန်းဈေးကွက်အရ စားသုံးသူများ၏လိုအပ်ချက်ကို ဖြည့်ဆည်းပေးရန် ဆက်လက်စီးဆင်းနေဦးမည်ဖြစ်ကြောင်း လေ့လာတင်ပြအပ်ပါသည်။

DOCA(ရှမ်း)

     ၂၀၂၄ခုနှစ်ဩဂုတ်လပထမပတ်တွင် ကုန်စိမ်းသီးနှံများဈေးကွက်ဝင်ရောက်မှုများပြား လာပြီး သီးနှံဈေးနှုန်းများသည်မလည်း အကျဖက်ရောက်ရှိလာနေပါသည်။ ယခုတတိယပတ် ပြောင်း သီးနှံမှာ ဈေးနှုန်းသိသိသာသာမပြောင်းလဲပဲ စီးဆင်းမှုလည်းနည်းပါးနေပါသည်။ ဟိုပုံး၊ ရပ်စောက်နှင့် တောင်လေးလုံးဒေသထွက်ပြောင်းများမှာ လက်ကျန်နည်းပါးနေပြီး ပွဲစားများ လှောင်ကုန်သာရှိတော့၍ ဈေးများနေခြင်းဖြစ်ပါသည်။ ရှမ်းတောင်ကြက်သွန်ဖြူမှာ မျိုးခြား ၈၅၀၀ကျပ် ၊ထူး၁- ၉၀၀၀ကျပ်/ ထူး၂- ၉၅၀၀ကျပ်/ ထူး၃- ၁၀၅၀၀ကျပ်/ ထူး၄- ၁၁၀၀၀ကျပ်၊ ထူး၅-၁၁၅၀၀ကျပ်/ထူးလွန်-၁၂၀၀၀ကျပ်နှင့်ဒေါင်းဥတစ်လုံး-၁၈၀၀၀ဖြစ်ပါသည်။    ရှမ်းကြက် သွန်ဖြူမှာ တရုတ်ကြက်သွန်ဖြူ(ကြူကုတ်)ဝင်ရောက်မှုနည်းပါလာသဖြင့် ဈေးကွက်လိုအပ်ချက် အရကုန်စည်ဝင်ရောက်မှုအပေါ် မှုတည်၍ဈေးနှုန်းအတက်ဖက်ကိုဦးတည်နေပါသည်။

     အာလူးသီးနှံမှာ အာလူးအသစ်ဝင်ရောက်မှုနည်းပါးနေသေးသည် ကြားကာလတွင် လက်ကျန်အာလူး ( အဟောင်း ) များမှာလည်း ကုန်လက်ကျန်နည်းပါးနေခြင်းကြောင်းတစ် ကြောင်းအာလူးဈေးကွက်၏ ကုန်စည်လိုအပ်ချက်ကြောင်း ဈေးနှုန်းမြင့်မားလျှက်ရှိပေသည်။ မားကစ် S1 S2 အဟောင်း (အကြော်သီး) ၅၀၀၀ကျပ်/ မားကစ် S1 အဟောင်း (အကြော်သီး) ၄၈၀၀ကျပ်/ မျက်နီ S1 S2 အဟောင်း၄၀၀၀ကျပ်/ မျက်နီ S1 OK အဟောင်း ၃၅၀၀ကျပ်၊ 0K အဟောင်း ၃၃၀၀ကျပ်၊ OK ဆွဲ ၂၀၀၀ကျပ်/ ၂၅၀၀ကျပ်၊/ ဂေါ်လီ ၁၅၀၀ကျပ် ဖြစ်ပါသည်။

     အာလူးအသစ် S1 S2 ၃၀၀၀ကျပ်၊S1 -၂၈၀၀ကျပ်/ OK ၂၅၀၀ကျပ်/ A1 ၁၈၀၀ကျပ်နှင့် ဂေါ်လီ ၈၀၀ကျပ်အထိ ဈေးပေါက်နေပါသည်။ ဈေးနှုန်းအရတောင်သူများမှာ သီးနှံတူးဖော်ထုတ် လုပ်ချိန်မတိုင်မှီစော၍တူးဖော်ထုတ်လုပ်ကြသဖြင့် သီးနှံအရည်အသွေးမလှပဲ အခွံများလှန်နေခြင်း ရေဓာတ်ပါဝင်မှုများပြီး အာလူးကို ချက်ပြုတ်စားသောက်ရာတွင် စေးပိုင်မှု နည်း၍ဖွာနေခြင်း ဖြစ်တက်ပါသည်။

     ယခုလပတ်ချင်းသီးနှံမှာ နယ်မြေအနေလမ်းပန်းအခြေအနေတို့ကိုမှုတည်း၍ ဝယ်လို အားနည်းပါးနေပါသည်။ ဈေးနှုန်းငြိမ်နေပြီးစီးဆင်းမှုနည်းပါးနေသည်။ မြေနီချင်းကြီး(ကြီး) ၃၅၀၀ကျပ်နှင့် မြေနီချင်းလတ်(လတ်)၃၀၀၀ကျပ်နှင့်ဥမရောရာ ၂၈၀၀ကျပ်ခန့် ဈေးပေါက် နေပါသည်။ နယ်မြေအခြေအနေနှင့် လမ်းပန်းဆက်သွယ်ရေးကောင်းမှသာ ချင်းဈေးလှုပ်ခတ် လာနိုင်ပါသည်။

     နနွင်းသီးနှံမှာ တရုတ်ဝယ်လက်ရှိနေသဖြင့် ဈေးပြောင်းနေပါသည်။ တောင်ပိုလနနွင်း ၁၂၀၀၀ ကျပ်မှ ၁၂၅၀၀ကျပ်အထိဈေးမြင့်နေပြီး ဆင်တောင်နနွင်း ၁၀၅၀၀ကျပ်မှ ၁၁၀၀၀ ကျပ် ထိဈေး ပေါက်နေပါသည်။

    ယခုဩဂုတ်လ ပထမပတ် ကုန်စိမ်းသီးနှံများ၏ ဈေးကွက်အခြေအနေများမှာ ခရမ်းချဉ် ဂွတ်သီး (သံယောင်) ၁၈၀၀ကျပ်၊ရှယ်သီး (သံယောင်)၁၆၀၀ကျပ်၊အသေး(သံယောင်)၁၄၀၀ကျပ် အထိဖြစ်ပြီး ၊ အစိမ်းသီး(ကြီး)၁၂၀၀ကျပ်၊အစိမ်းသီး(သေး)၈၀၀ကျပ်နှင့် ဖြင့်သာရောင်းဝယ် ကြပါသည်။ ကုန်စည်များနယ်စုံမှဝင်ရောက်လာသဖြင့် ဈေးကွက်လိုအပ်ချက်ပြည့်မှီပြီး အကျ ဈေးနှင့်စီးဆင်းမှုသွက်လတ်နေပါသည်။ ကုန်စိမ်းသီးနှံ၏အဓိကသီးနှံဖြစ်သော ဂေါ်ဖီမှာ ၈၀၀ ကျပ်နှင့် ၁၀၀၀ကျပ်ဝန်းကျင်နှင့် ပန်းပွင့်မှာ ၆၀၀ကျပ်မှ ၈၀၀ကျပ်ခန့် သာရောင်းဝယ်နေကြပါ သည်။ မုံညှင်းတစ်စီး ၄၀၀ကျပ်မှ ၆၀၀ကျပ်အထိ၊ ဘိုစား(ရှယ်)၁၈၀၀ကျပ်၊ ဘိုစားပဲ (လတ်) ၁၅၀၀ကျပ်နှင့် မုန်လာဥနီကြီး ၃၀၀၀ကျပ်၊ မုန်လာဥနီ(လတ်) ၂၅၀၀ကျပ်ဖြစ်ပါသည်။ ရွှေပဲသီး(ရှယ်) ၅၀၀၀ကျပ်နှင့် ရွှေပဲသီး(လတ်) ၃၅၀၀ကျပ်၊ပဲလိပ်ပြာ ၇၀၀၀ကျပ်နှင့်ငရုတ်ပွ ၁၂၀၀ ကျပ်မှ ၁၈၀၀ကျပ်၊ ဂျူးမြစ် ၄၀၀၀ကျပ်မှ ၄၇၀၀ကျပ်အထိ ၊ ခရမ်းသီး ၁၅၀၀ကျပ်မှ ၁၈၀၀ခန့် ဖြင့် ရောင်းဝယ်နေကြပါသည်။ မိုးလယ်ရောက်ပြီးဖြစ်၍ သီးနှံစုံဒေသစုံ အထွက်စုံသဖြင့် ကုန်စိမ်းသီးနှံများ ဆက်အေးနေမည့်ဖြစ်ပါသည်။

DOCA(ရှမ်း)

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီပေါ်သီးနှံများကိုစိုက်ပျိုးရောင်းချလျက်ရှိရာ ယခုအခါ  ဖူးစားပြောင်းဖူးများကို နေအိမ်ခြံဝင်းများတွင်လည်းကောင်း၊ ယာကွက်များတွင်လည်းကောင်း တစ်နိုင်တစ်ပိုင်စိုက်ပျိုး၍ ရောင်းချလျက်ရှိကြောင်းသိရသည်။      ပြောင်းဖူးများကို ကန့်ဘလူမြို့မဈေးတွင်လည်းကောင်း၊ ရပ်ကွက်အတွင်း လှည့်လည်ရောင်းချသည့် ဈေးသည်များတွင်လည်းကောင်း၊ ပြောင်းဖူးအစိမ်းနှင့်အပြုတ်ဟူ၍ ရောင်းချလျက်ရှိပြီး၊ ပြောင်းဖူးများကို ကန့်ဘလူဒေသတွင်းမှလည်းကောင်း ဝယ်ယူရောင်းချလျက်ရှိသည်။

       နေ့စဉ်ရောင်းချလျက်ရှိသော ပြောင်းဖူးအမျိုးအစားမှာ ထိုင်ဝမ်ပြောင်းဖူးအမျိုးအစားဖြစ်ပြီး ပြောင်းဖူးပြုတ်ကို လူကြီးလူငယ်မရွေး သားရေစာအဖြစ်စားသုံးကြပြီး အိမ်ရှင်မများကလည်း ပြောင်းဖူးစိမ်းကို ဟင်းချက်ရာတွင်လည်း ထည့်သွင်းချက်ပြုတ်ကြသည်။ ယခုအခါ ပြောင်းဖူးများကို ကန့်ဘလူမြို့မဈေးတွင် လက်လီ/ လက်ကားရောင်းချနေသည့် လုပ်ငန်းရှင်တစ်ဦး၏ ပြောပြချက်အရ ပြောင်းဖူးအစိမ်းအကြီး(၁)ဖူးလျှင် (၆၀၀)ကျပ်၊ အသေး(၁)ဖူးလျှင် (၅၀၀)ကျပ်ဖြင့်ရောင်းချလျက်ရှိကြောင်း တစ်ဆင့်ဝယ်ယူပြီး ပြောင်းဖူးများကိုပြုတ်၍ ပြန်လည်ရောင်းချသူများသည် ပြောင်းဖူးပြုတ်အကြီး(၁)ဖူးလျှင် (၇၀၀)ကျပ်၊ အသေး(၁)ဖူးလျှင် (၆၀၀)ကျပ်ဖြင့်ရောင်းချလျက်ရှိကြောင်း သတင်းရရှိပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ မြို့မဈေးနှင့် အသီးမျိုးစုံရောင်းချနေသော သစ်သီးဆိုင်များတွင် နဂါးမောက်သီးနှင့် သခွားမွှေးများကို အများအပြား ရောင်းချနေကြကြောင်းသိရသည်။ နဂါးမောက်သီးများကို ကန့်ဘလူမြို့ပေါ်နှင့် တောက္ကရှပ်ကျေးရွာမှ မှာယူရောင်းချရပြီး သခွားမွှေးများကို မန္တလေးမြို့ရှိ သစ်သီးပွဲရုံများမှ မှာယူရောင်းချလျက်ရှိ‌ကြောင်းသိရသည်။

     ဩဂုတ်လ ဒုတိယပတ်အတွင်း ရောင်းချနေသောနဂါးမောက်သီးမျိုးများမှာ အဖြူ၊ အနီဟူ၍နှစ်မျိုးရှိပြီး နဂါးမောက်သီးအသေး(၁)လုံးလျှင် (၈၀၀)ကျပ်၊ နဂါးမောက်သီး အလတ်(၁)လုံး လျှင် (၁၀၀၀)ကျပ်၊ နဂါးမောက်သီးအကြီး (၁)လုံးလျှင် (၁၅၀၀)ကျပ်ဖြင့်လည်းကောင်း၊ သခွားမွှေးအသေး(၁)လုံးလျှင် (၃၅၀၀)ကျပ်နှင့် သခွားမွှေးအကြီး(၁)လုံးလျှင် (၄၀၀၀) ကျပ်ဖြင့်အရောင်းအဝယ်ဖြစ်လျက်ရှိကြောင်း ကန့်ဘလူမြို့တွင်ရောင်းချလျက်ရှိသော သစ်သီးဆိုင်များမှ သတင်းရရှိပါသည်။

DOCA(စစ်ကိုင်း)

   စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် စားသုံးသူကာကွယ်ရေးလုပ်ငန်းများအပြင် အခြားသောသတင်းအချက်အလက်များကိုလည်း သိရှိလေ့လာနိုင်စေရန်ရည်ရွယ်၍ ဒေသတွင်းရှိ စိုက်ပျိုးမွေးမြူရေးလုပ်ငန်းများ၏ စိုက်ပျိုးထုတ်လုပ်မှု၊ အကျိုးအမြတ်ရရှိမှုတို့ကိုကွင်းဆင်းလေ့လာပြီး ရေးသားတင်ပြလျက်ရှိကြောင်းသိရသည်။

        ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် ဝန်ထမ်း(၁)ဦးတို့သည် ကန့်ဘလူမြို့၊ အမှတ် (၅)ရပ်ကွက်တွင် ရာသီအလိုက်အသီးအနှံများကို တစ်နိုင်တစ်ပိုင်စိုက်ပျိုးရောင်းချနေသည့် လုပ်ငန်းရှင် ဦးကျော်၏ မုန့်ညင်းရွက်စိုက်ခင်းသို့သွားရောက်ကွင်းဆင်းလေ့လာခဲ့ရာ ဇူလိုင်လတွင် စတင်စိုက်ပျိုးခဲ့ကြောင်း၊ စိုက်ပျိုးပြီး (၁)လခန့်အကြာတွင် မုန်ညှင်းရွက်များကို စတင်ခူးဆွတ်ရကြောင်း၊ ယခုအခါ  မုန့်ညင်းရွက်များကို ကန့်ဘလူမြို့မဈေးသို့ (၁၂)စည်းပါတစ်ထုံးလျှင် (၂၀၀၀)ကျပ်ဖြင့် လက်ကားရောင်းချပေးပြီး ခြံလက်လီရောင်းဈေးမှာ (၁)စည်းလျှင် (၂၀၀)ကျပ်ဖြစ်ကြောင်း၊ မုန်ညှင်းရွက်သည် စိုက်ပျိုးရလွယ်ကူပြီး နေ့စဉ်ခူးဆွတ်ရောင်းချရသည့်အတွက် ဝင်ငွေရရှိကာ မိသားစုအဆင်ပြေလျက်ရှိကြောင်းသိရှိရပါ သည်။

DOCA(စစ်ကိုင်း)