ပြည်တွင်းကုန်သွယ်မှုသတင်း

          စစ်ကိုင်းတိုင်းဒေသကြီး၊ မုံရွာမြို့ ဈေးကွက်အတွင်းသို့ မုံရွာမြို့နယ် အတွင်းရှိ ကျေးရွာများ၊ မြို့ပေါ်ရပ်ကွက်များနှင့် ဒေသအသီးသီးမှ သံပုရာသီးများ လာရောက် ရောင်းချ သည့်အတွက် ဈေးကွက်အတွင်း လှိုင်လှိုင်ပေါများ၍ အရောင်းအဝယ်ဖြစ်နေကြောင်း သိရှိရပါသည်။

          မုံရွာမြို့ပေါ်၌ သံပုရာသီးအရွယ်အစားအပေါ်မူတည်၍ တစ်လုံးလျှင်(၁၀ဝိ/-) မှ (၁၅ဝိ/-) ကျပ် အထိ ဈေးရရှိနေကြောင်း၊ သံပုရာသီးသည် ကျန်းမာရေးအတွက် ကောင်းမွန်ပြီး သံပုရာ ဖျော်ရည်၊ သံပုရာယိုနှင့် အခြားစားသောက်ဖွယ်ရာများတွင်လည်း ထည့်သွင်း စားသုံး ရသည့် အသီးဖြစ်ပြီး စိုက်ပျိုးသည့် တောင်သူများအတွက်သာမက စားသုံးသူများအတွက် လည်း အကျိုးပြုသည့်အသီးပင်ဖြစ်ကြောင်း သိရသည်။ 

DOCA(စစ်ကိုင်း)

ကော့သောင်းမြို့နယ်ချန်ဖန်းကျေးရွာ၊ ဆယ်မိုင်ကျေးရွာများအတွင်းတွင် မလေးရှားမျိုး နွယ် (ပသျှူး) လူမျိုးများသည် အများဆုံးနေထိုင်ကြပြီး ပသျှူးလူမျိုးများသည် မျောက်ငိုသီး (ခေါ်) သစ်လိမ်ပင်များကိုစီးပွားဖြစ်စိုက်ပျိုးကြသည်။နှစ်ရှည် အပင်အမျိုးအစား ဖြစ်ပြီး အပင်သက် တမ်း (၇)နှစ်မှ စတင်အသီးစသီးပြီး တစ်နှစ်လျှင်(၂)ကြိမ်အသီးသီးပါသည်။ ဒညင်းသီး သည် အဆိပ်အတောက်ဖြစ်စေပြီး မျောက်ငိုသီး(ခေါ်)သစ်လိမ်သီးကို အစားထိုးစားပေးခြင်းဖြင့် ဒညင်းသီး အရသာနဲ့ တူသလိုဖြစ်ပြီး ဆေးဖက်ဝင်သည့် အသီးတစ်မျိုးဖြစ်ပါသည်။ ဒညင်းသီး သည်လူတွေကိုဥပဒ်ဖြစ်စေပြီး မျောက်ငိုသီး(ခေါ်)သစ်လိမ်သီးသည် ကောင်းကျိုးပေးပြီးဥပဒ်မ ရောက်အစေ့တစ်မျိုးဖြစ်ပါသည်။

မျောက်ငိုသီး‌(ခေါ်)သစ်လိမ်သီး ကို ဝက်သား၊အမဲသား၊ကြက်သား၊ပုဇွန်တို့နဲ့တွဲဖက်ချက် ပြုတ်ကြပါသည်။တစ်ချို့ကလည်းချဉ်ဖတ်အဖြစ်စားသုံးကြပါသည်။ထိုင်းနိုင်ငံ၊မလေးရှားနိုင်ငံမှလည်းလူများသည်ကြိုက်သည့်အတွက် တင်ပို့‌ရောင်းချရာ စျေးကောင်းရလျက်ရှိပါသည်။

ကော့သောင်းမြို့စျေးကွက်အတွင်းတစ်‌ဒေါက်လျှင် ၈၀၀-၁၀၀၀ထိ၊ အခွံချွတ်အစေ့တစ်ဗူး လျှင် (၂၀၀၀-၂၅၀၀) ထိစျေးကောင်းလျက်ရှိပါသည်။

DOCA(တနင်္သာရီ)

            ဧရာဝတီတိုင်းဒေသကြီး မအူပင်ခရိုင် မအူပင်မြို့နယ်တွင် ဒေသထွက် ဖူးစားပြောင်းများ ယခင်နှစ်ထက် စျေးကောင်းရရှိနေကြောင်း မအူပင်မြို့ရှိ ဖူးစားပြောင်းရောင်းချသူများထံမှ သိရသည်။

           မအူပင်မြို့နယ်တွင် မိုးကာလ ကတည်းက  စိုက်ပျိုးခဲ့သည့် ဖူးစားပြောင်းများ ယနေ့အထိ ထွက်ရှိနေပြီး  မအူပင်ဈေးကွက်အတွင်းအရောင်းအဝယ်ဖြစ်နေပြီး ရန်ကုန်သို့လည်း တင်ပို့ရ ကြောင်း သိရသည်။  အဆိုပါဒေသထွက် ဖူးစားပြောင်းများသည် ပြီးခဲ့သည့်နှစ် ပြောင်းဖူးပေါ်ချိန်က ဖူးစားပြောင်းတစ်ဖူးလျှင် ငွေ ၂၀၀ ကျပ် စျေးသာရှိခဲ့ပြီး ယခုနှစ် ပြောင်းဖူးပေါ်ချိန်တွင် ဖူးစားပြောင်းတစ်ဖူးလျှင် ငွေ ၅၀၀ ကျပ်ထိ စျေးကောင်းရရှိနေကြောင်း သိရသည်။ ဖူးစားပြောင်း စတင်ထွက်ရှိချိန် နိုင်ဝင်ဘာလက ၁ဖူးလျှင် ငွေကျပ် ၁၀၀၀နှုန်းဖြင့် လက်ကားဈေးရောင်းချရပြီး ၂၀၂၅ခုနှစ် ဖေဖော်ဝါရီ တတိယပတ်တွင် ဖူးစားပြောင်း ၁ဖူးလျှင် ၄၀၀ကျပ် နှုန်းဖြင့်သာ ရန်ကုန်သို့ လက်ကားဈေးဖြင့် တင်ပို့နေပြီး ဈေးနှုန်း နှိုင်းယှဉ်ပါက ငွေကျပ် ၆၀၀ ကျဆင်းလာပြီး အရောင်းအဝယ်ဖြစ်နေကြောင်း သိရသည်။ ရန်ကုန်ဘက်သို့ ဒေသထွက်သီးနှံများတင်ပို့မှုက စျေးကွက်ကောင်းပြီး အဝယ်သွက်လျှက်ရှိသည်။ ဒေသတွင်းရောင်းချပါက ဈေးပိုမိုရကြောင်း ဖူးစားပြောင်းရောင်းသူမှ ရှင်းလင်းပြောပြသည်။  လက်ရှိတစ်နေ့ကို ၁၀ ဘီးကား ၅ စီးကနေ ၁၀စီးထိ တင်ပို့ရောင်းချနေရပါတယ်။ မအူပင်ခရိုင်တွင် ဖူးစားပြောင်းစိုက်ဧက ၄၂၆၀၆ ဧက စိုက်ပျိုးခဲ့ကြပြီး  ထွက်ရှိမှုအနေဖြင့် ဖေဖော်ဝါရီလ ဒုတိယပါတ်အထိ ၂၃၄၇၆၈၇၀၉ ထွက်ရှိပြီးကြောင်း ရန်ကုန်သို့ ဖူးစားပြောင်း ၁၀၀ပါ အိတ် ၅၀၀၀ ခန့်တင်ပို့ခဲ့ကြောင်း ဈေးကွက်မှသိရှိရပါသည်။

 DOCA (ဧရာဝတီ)

          ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့နယ်အတွင်းရှိ ခတ္တူကျေးရွာတွင် အိုးဖုတ်လုပ်ငန်းကို လုပ်ကိုင်ကြပါသည်။ အိုးဖုတ်လုပ်ငန်းရှင်သည် ထိုလုပ်ငန်းကို ၁၉၅၀ ခုနှစ်မှ စတင်လုပ်ကိုင်ခဲ့ပြီး အိမ်တွင်းတစ်နိုင်တစ်ပိုင်သာပြုလုပ်ကြောင်းသိရှိရပါသည်။ အိုးလုပ်ရာတွင် ရွှံ့စေးမြေကို သာ အဓိကထား အသုံးပြုရပြီး ထိုရွှံ့စေးမြေကို လေးမျက်နှာမြို့နယ် ခြင်းကုန်းကျေးရွာမှ မှာယူရပါသည်။ ရွှံ့စေးမြေတစ်စီးလျှင် ၄၅၀၀၀ ကျပ်ပေးရပြီး ကောက်ရိုး၊ ဖွဲကြမ်းခွံ၊ သဲနှင့် လုပ်သားခ အပါအဝင် ၃ သိန်းဝန်းကျင်ကုန်ကြပါသည်။   အိုးတစ်ဖိုလျှင် အလုံးရေ ၁၅၀၀ ထွက်ရှိပြီး ငါးပိအိုး ခေါ် မြေအိုး အသေးနှင့် ကလေးကစားစရာ အိုးဖုတ်များကိုသာ အဓိကထားထုတ်လုပ်လျက်ရှိပါသည်။ မြေအိုးအသေး တစ်လုံးလျှင် ၆၀၀ ကျပ်၊ ကလေးကစားစရာ အိုးဖုတ်တစ်စုံလျှင် ၁၂၀၀ ကျပ်ဖြင့် လက်လီ / လက္ကားအရောင်းအဝယ်ဖြစ်လျက်ရှိပါသည်။ အိုးပြုလုပ်ရာတွင် ရွှံ့စေးမြေကိုအိုးပုံဖော်သည့် တုံးပေါ်တွင် နေရာချကာ အိုးများပြုလုပ်၍  နေပူပူတွင် အခြောက်ခံရပါသည်။ အခြောက်ခံပြီးသော အိုးများကို စနစ် တကျစီကာ မီးဖြင့် အိုးကြပ်အောင် ထပ်မံပြုလုပ်ရပါသည်။ ထွက်ရှိလာသောမြေအိုးများကို ဟင်္သာတ၊ ငါးသိုင်းချောင်းနှင့်ပုသိမ်မြို့များသို့ တင်ပို့ရောင်းချလျက်ရှိပါသည်။ မိသားစုလုပ်ငန်းဖြစ်သည့်အလျောက်  ပုံမှန်ဝင်ငွေရရှိကြောင်း လုပ်ငန်းရှင်ထံမှ သိရှိရပါသည်။

DOCA(ဧရာဝတီ)

              ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့နယ်တွင် ပြည်ပပို့ကုန် ဆောင်းသီးနှံ ဖြစ်သော မတ်ပဲ၊ ပဲတီစိမ်း စသည်တို့ကို နူန်းတင်မြေနုများတွင် အဓိကစိုက်ပျိုးထားကြောင်း သိရှိ ရပါသည်။ လေးမျက်နှာမြို့နယ်၏ ၂၀၂၄-၂၀၂၅ ဘဏ္ဍာနှစ်  မတ်ပဲစိုက်ဧကမှာ ၄၄၄၇၆ ဧကစိုက်ပျိုးပြီး ၃၀၀၆၃ ဧက ရိတ်သိမ်းလျက်ရှိပါသည်။ မတ်ပဲစိုက်ပျိုးရာတွင် ပဲမျိုး၊ ပိုးသတ်ဆေး၊ သွင်းအားစု၊ လုပ်သားခအပါအဝင် တစ်ဧကလျှင် ၉ သိန်းဝန်းကျင် ကုန်ကျပြီး ပျှမ်းမျှအထွက်နှုန်းမှာ ၂၅ တင်း ဝန်းကျင်ထွက်ရှိကြောင်း ဒေသခံတောင်သူများထံမှ သိရသည်။ ယခုအခါ လေးမျက်နှာမြို့နယ်တွင် မတ်ပဲများထွက်ရှိပြီဖြစ်ရာ မတ်ပဲတစ်တင်းလျှင် ကွင်းအရောက်ပေါက်ဈေးမှာ ၈၅၀၀၀ ကျပ်ဖြစ်ပြီး၊ ပဲပွဲရုံများသို့ သွားရောက်ရောင်းချပါက ၉၀၀၀၀ ကျပ် ရရှိကြောင်း၊ အရည်အသွေးကောင်းမွန်ပြီး သန့်သော မတ်ပဲများကို ဈေးပိုမိုပေးကြောင်း တောင်သူများထံမှ သိရှိရပါသည်။ ဒေသတွင်း တောင်သူ များသည် ဆောင်းသီးနှံ မတ်ပဲကိုသာ အဓိကထားစိုက်ပျိုးကြပြီး ယခုနှစ်တွင်လည်း မတ်ပဲဈေးနှုန်းမှာ ကျဆင်းခြင်းမရှိသောကြောင့် တောင်သူများအနေဖြင့် အကျိုးအမြတ်ဖြစ်ထွန်းလျက်ရှိပါသည်။ ဒေသ တွင်း ပဲကုန်သည်များမှတစ်ဆင့် ဟင်္သာတဈေးကွက်သို့ တင်ပို့ရောင်းချလျက်ရှိကြောင်း သိရှိရပါသည်။

DOCA(ဧရာဝတီ)