ပြည်တွင်းကုန်သွယ်မှုသတင်း

         မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်အတွင်းရှိ စိုက်တောင်သူများသည်နှစ်စဉ် ကုန်းတွင်းပိုင်း ယာမြေများတွင် မြေပဲ၊ နှမ်း၊ ပဲစဉ်းငုံ၊ ပဲတီစိမ်း၊ ပဲလွန်းဖြူ သီးနှံမျိုးစုံ စိုက်ပျိုးလျက်ရှိရာ ဒေသခံတောင်သူများအတွက် ဝင်ငွေကောင်းလျက်ရှိသော ပြည်ပပို့ကုန် ပဲစဉ်းငုံ သီးနှံကို နှစ်စဉ်အားထား စိုက်ပျိုးကြသည်။ မိုးရာသီ ကဆုန်၊ နယုန်၊ ဝါဆိုလများတွင် ပဲစဉ်းငုံသီးနှံကို စတင်စိုက်ပျိုးကြပြီး တစ်နှစ်လျှင် ဆောင်းတစ်ရာသီသာ စိုက်ပျိုးကြသည်။ ဆိပ်ဖြူမြို့နယ်၌ နှစ်စဉ်ပဲစဉ်းငုံ စိုက်ဧက(၃၀၀၀)ခန့် သီးညှပ်သီးထပ်စိုက်ပျိုးကြောင်း ဒေသခံတောင်သူတစ်ဦး၏ ပြောကြားချက်အရ သိရှိရပါသည်။

         သီးနှံစိုက်ပျိုးမှုအခြေအနေကို သိရှိရန် ဆိပ်ဖြူမြို့နယ် ရွာသစ်ကျေးရွာရှိ စိုက်တောင်သူ ဦးထွန်းထွန်းနှင့် ဆက်သွယ်မေးမြန်းခဲ့ရာ ယခုနှစ်တွင် ပဲစဉ်းငုံသီးနှံ (၄)ဧကခန့် စိုက်ပျိုးထားရှိ ကြောင်း၊  ယခင်နှစ်က မြေပဲခင်းများတွင် သီးညှပ်အဖြစ် စိုက်ပျိုးခဲ့ကြောင်း၊ ယခုနှစ်တွင် နယ်မြေဒေသရာသီဥတု နှင့်ကိုက်ညီ၍ မြေပဲအစားထိုး ပဲစဉ်းငုံသီးနှံကို တိုးချဲ့စိုက်ပျိုးထားရှိကြောင်း သိရှိရသည်။

        ပဲစဉ်းငုံသီးနှံကို နယုန်လတွင်စတင်စိုက်ပျိုးပြီး တန်ဆောင်မုန်းလတွင် သီးနှံရိတ်သိမ်းကြောင်း ၊ ပင်ကြားတန်းကြား(၃)ပေအကွာစိုက်ပျိုး၍ တစ်ဧက မျိုးစေ့တစ်ပြည်ခန့်ကုန်ကျကြောင်း၊ ပဲစဉ်းငုံ(နီ) မျိုးကို စိုက်ပျိုးကြောင်း၊ မျိုးစေ့တစ်ပြည်လျှင် ကျပ်(၆၀၀၀)ဖြင့် ဝယ်ယူရကြောင်း၊ စိုက်ပျိုး ရာတွင် လွယ်ကူပြီး အလုပ်သမားငှားရမ်းမှုနည်းခြင်း၊ ပိုးသတ်ဆေး သွင်းအားစုသုံးစွဲမှု နည်းခြင်း ကြောင့် ကုန်ကျစရိတ် နည်းကြောင်း၊ တစ်ဧကလျှင် ကျပ်(၂)သိန်းခန့် ကုန်ကျကြောင်း သိရှိရသည်။

         ပဲစဉ်းငုံသီးနှံ စိုက်ပျိုးမှု အထွက်နှုန်းမှာ တောင်သူတစ်ဦးချင်း သွင်းအားစုအမျိုုးမျိုး သုံးစွဲမှု မတူညီ၍ အထွက်နှုန်း ကွာခြားမှုရှိကြောင်း၊ တစ်ဧကလျှင် (၅)တင်းမှ (၁၀)တင်းထိ ထွက်ရှိကြောင်း၊ စိုက်တောင်သူမှ ယခုနှစ်တွင် (၄)ဧကခန့် စိုက်ပျိုးထား၍ (၂၅)တင်းခန့် ထွက်ရှိကြောင်း၊ တစ်တင်းလျှင် သီးနှံပေါ်စ ဒေသပေါက်ဈေး ကျပ်(၁၀၂၀၀၀) ဖြင့် ရောင်းချရ၍ ကျပ်(၂၅)သိန်းခန့် ဝင်ငွေရရှိကြောင်း၊ ကုန်ကျစရိတ်မှာ (၈)သိန်းခန့်ကုန်ကျ၍ ကျပ်(၁၇)သိန်းခန့် အကျိုးအမြတ်ရရှိကြောင်း၊ ယခုနှစ်တွင် ပဲစဉ်းငုံသီးနှံ စိုက်ပျိုးခြင်းဖြင့် စိုက်တောင်သူများ အကျိုးအမြတ်ရရှိနေကြောင်း ဒေသခံတောင်သူများထံမှ သိရှိရသည်။

        ပြည်တွင်းမှ ထွက်ရှိသည့် ပဲစဉ်းငုံသီးနှံများကို ပြည်တွင်းစားသုံးမှုနည်းသော်လည်း ပြည်ပပို့ကုန်အဖြစ် နှစ်စဉ်တင်ပို့လျက်ရှိသည်။ ဈေးကွက်ခိုင်မာမှုရှိကာ ဝယ်လက်အများဆုံးဖြစ်သည့် စားသုံးမှုများသော အိန္ဒိယနိုင်ငံ၏ ပဲစဉ်းငုံ လိုအပ်ချက်များကို ဖြည့်ဆည်းပေးနိုင်သည့် အတွက် မြန်မာနိုင်ငံသည် အိန္ဒိယဈေးကွက်တွင် အရေးပါသည့် နိုင်ငံဖြစ်ပြီး ပဲစဉ်းငုံကို ပြည်ပပို့ကုန် အဖြစ် အိန္ဒိယ၊ နီပေါ၊ ဘင်္ဂဘားဒေ့ရှ်၊ ပါကစ္စတန် နိုင်ငံများသို့ လည်း နှစ်စဉ်တင်ပို့လျက်ရှိ၍ ပြည်တွင်း ဈေးကွက် အခိုင်အမာရှိပြီး တောင်သူများအတွက် ဝင်ငွေကောင်း လျက်ရှိသော ပဲစဉ်းငုံသီးနှံကို  ပိုမိုတိုးချဲ့စိုက်ပျိုးသင့်ကြောင်းရေးသားတင်ပြလိုက်ရပါသည်။

DOCA(မကွေး)

    မုံရွာမြို့၊ ချင်းတွင်းရတနာစျေး၌  ရောင်းချနေသော ပုဇွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်မှ ဝင်ရောက်ကြောင်းသိရပါသည်။ ပုဇွန်၊ ငါးခြောက်စျေးနှုန်းများမှာ ဝင်ရောက်သည့် ဒေသအ‌ပေါ် မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါသည်။

    ယခုဇန်နဝါရီလ ပထမအပတ်တွင် ရောင်းချနေသော ဈေးနှုန်းများမှာ ပုဇွန်ခြောက် (၁)ပိဿာလျှင် ကျပ်(၆၅၀၀၀)မှ ကျပ်(၈၅၀၀၀)၊ ငါးရံ့ခြောက် (၁)ပိဿာလျှင် ကျပ်(၆၀၀၀၀မှ ၈၀၀၀၀)၊ ငါးပုတ်လုံးခြောက် (၁)ပိဿာလျှင် ကျပ်(၁၆၀၀၀မှ ၁၈၅၀၀)၊  ငါးပုတ်သင်(၁)ပိဿာလျှင် ကျပ်(၁၅၀၀၀မှ ၁၈၀၀၀) ၊ အာပြဲခြောက် (၁)ပိဿာလျှင် ကျပ်(၁၅၀၀၀မှ ၂၂၀၀၀)၊ ငါးကျည်းခြောက် (၁)ပိဿာလျှင် ကျပ်(၃၅၀၀၀မှ ၄၅၀၀၀)၊ ငါးနီတူးခြောက် (၁)ပိဿာလျှင် ကျပ်(၁၂၀၀၀ မှ ၁၄၀၀၀)၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ်(၁၅၀၀၀မှ ၁၇၅၀၀)ရှိကြောင်း ချင်းတွင်းရတနာဈေးတွင် ရောင်းချနေသော ငါးခြောက်ကုန်သည်များထံမှ သိရှိရပါသည်။

DOCA(စစ်ကိုင်း)

     မုံရွာခရိုင်အတွင်းရှိ မြို့နယ်များ၌ ဇန်နဝါရီလ ပထမပတ်တွင် စပါးဈေးနှုန်းနှင့် ဆန်ဈေးနှုန်းမြှင့်တက်လျက်ရှိပါကြောင်း သိရပါသည်။

   မုံရွာမြို့၏ ဇန်နဝါရီလ ပထမပတ်တွင် ဖြစ်ပေါ်နေသော စပါး/ဆန်း ဈေးနှုန်းများမှာ ဧရာမင်း စပါး(သစ်)တင်း ၁၀၀ လျှင် ကျပ် ၂၈၀၀၀၀၀ မှ ၃၀၀၀၀၀၀ ထိ၊ ဧရာမင်းစပါး(ဟောင်း)တင်း ၁၀၀ လျှင် ကျပ် ၃၅၀၀၀၀၀ မှ ၃၆၀၀၀၀၀ ထိ၊ ဧရာမင်းဆန်(သစ်)  ၂၄ ပြည်ပါ တစ်အိတ်လျှင် ၁၁၀၀၀၀ မှ ၁၂၀၀၀၀ ထိ၊ ဧရာမင်းဆန်(ဟောင်း)  ၂၄ ပြည်ပါ တစ်အိတ်လျှင် ၁၃၅၀၀၀ မှ ၁၄၀၀၀၀ ထိ၊ မနောသုခစပါး(သစ်)တင် ၁၀၀ လျှင် ကျပ် ၂၂၀၀၀၀၀၊ မနောသုခစပါး(ဟောင်း)တင် ၁၀၀ လျှင် ကျပ် ၂၈၀၀၀၀၀၊ မနောသုခဆန်(သစ်) ၂၄ ပြည်ပါ တစ်အိတ်လျှင် ကျပ် ၇၅၀၀၀ မှ ၈၀၀၀၀ ထိ၊  မနောသုခဆန်(ဟောင်း) ၂၄ ပြည်ပါ တစ်အိတ်လျှင် ကျပ် ၉၅၀၀၀ မှ ၁၀၀၀၀၀ ထိ၊  ပေါ်ဆန်းစပါး(သစ်)တင်း ၁၀၀ လျှင် ကျပ် ၃၃၀၀၀၀၀ မှ ၃၄၀၀၀၀၀ ထိ၊  ပေါ်ဆန်းစပါး (ဟောင်း) တင်း ၁၀၀ လျှင်  ၃၄၀၀၀၀၀ မှ ၃၅၀၀၀၀၀ ထိ၊ ပေါ်ဆန်းဆန်(သစ်) ၂၄ ပြည်ပါ တစ်အိတ်လျှင် ကျပ် ၁၂၀၀၀၀ မှ ၁၂၅၀၀၀ ထိ၊ ပေါ်ဆန်းဆန်(ဟောင်း)၂၄ ပြည်ပါ တစ်အိတ်လျှင် ကျပ် ၁၄၅၀၀၀ မှ ၁၅၅၀၀၀ ထိ တို့ဖြင့် အရောင်းအဝယ်ဖြစ်ကြောင်း သိရှိရပါသည်။

   ယခင်လ ဒီဇင်ဘာလ ပထမအပတ် စပါး/ဆန်ဈေးနှုန်းများ နှင့် ယခုလ ဇန်နဝါရီလ ပထမအပတ် ဈေးနှုန်းများနှိုင်းယှဉ်လျှင် ဧရာမင်းစပါး (သစ်)တင်း ၁၀၀ လျှင် ကျပ် ၈၀၀၀၀၀၊ ဧရာမင်းစပါး(ဟောင်း)တင်း ၁၀၀ လျှင် ကျပ် ၁၀၀၀၀၀၊ ဧရာမင်းဆန်(သစ်)  ၂၄ ပြည်ပါ တစ်အိတ်လျှင် ၄၀၀၀၀၊ ဧရာမင်းဆန်(ဟောင်း)  ၂၄ ပြည်ပါ တစ်အိတ်လျှင် ၅၀၀၀၀၊ မနော သုခစပါး(သစ်)တင်း ၁၀၀ လျှင် ကျပ် ၄၀၀၀၀၀၊ မနောသုခစပါး(ဟောင်း)တင်း ၁၀၀ လျှင် ကျပ် ၇၀၀၀၀၀၊ မနောသုခဆန်(သစ်) ၂၄ ပြည်ပါ တစ်အိတ်လျှင် ကျပ် ၁၀၀၀၀၊  မနောသုခဆန်(ဟောင်း) ၂၄ ပြည်ပါ တစ်အိတ်လျှင် ကျပ် ၁၀၀၀၀၊ ပေါ်ဆန်းဆန်(ဟောင်း)၂၄ ပြည် ပါတစ်အိတ်လျှင် ကျပ် ၅၀၀၀ ထိ  မြှင့်တက်လျက်ရှိပြီး ကျန်စပါး/ဆန် ဈေးနှုန်းများကွာဟမှုမရှိကြောင်း မုံရွာမြို့နေ ဆန်စက်ပိုင်တစ်ဦးထံမှ သိရှိရပါသည်။

DOCA(စစ်ကိုင်း)

    မြန်မာနိုင်ငံစက်သုံးဆီ တင်သွင်း/သိုလှောင် ဖြန့်ဖြူးခြင်းလုပ်ငန်း ကြီးကြပ်ရေး ကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

   ရွှေဘိုမြို့တွင် စက်သုံးဆီဆိုင် (၁၉)ဆိုင် ပုံမှန် ဖွင့်လှစ်ရောင်းချလျက်ရှိပြီး ၂၀၂၃ခုနှစ်၊ ဒီဇင်ဘာလ နောက်ဆုံးပတ် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၈၀၀)ကျပ်၊ ဓါတ်ဆီ(95) တစ်လီတာလျှင် (၂၉၀၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၆၉၀)ကျပ်၊ ဒီဇယ်(ပရီမီယမ်)တစ်လီတာလျှင် (၂၇၃၅)ကျပ်ဖြင့် ရောင်းချလျက်ရှိကြောင်း သိရှိရပါသည်။

    ယခု ၂၀၂၄ ခုနှစ်၊ ဇန်နဝါရီလ ပထမပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာ လျှင် (၂၅၉၅)ကျပ်၊ ဓါတ်ဆီ(95)တစ်လီတာလျှင် (၂၇၆၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၃၈၀)ကျပ်၊ ဒီဇယ်(ပရီမီယမ်)တစ်လီတာလျှင် (၂၄၇၅)ကျပ်ဖြင့် ရောင်းချနေသောကြောင့် ယခင်အပတ်နှင့် နှိုင်းယှဉ်ပါက ဓါတ်ဆီ(92) တစ်လီတာလျှင် (၂၀၅)ကျပ်၊ ဓါတ်ဆီ(95) တစ်လီတာလျှင် (၁၄၀)ကျပ် ဒီဇယ်(ရိုးရိုး) တစ်လီတာလျှင် (၃၁၀)ကျပ်၊ ဒီဇယ် (ပရီမီယမ်) တစ်လီတာလျှင် (၂၆၀)ကျပ်ဖြင့် အသီးသီး ဈေးနှုန်းကျဆင်းခဲ့ကြောင်း စက်သုံးဆီအရောင်းဆိုင်များမှ သတင်းရရှိပါသည်။

DOCA(စစ်ကိုင်း)

  ၁၀.၁.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။