ပြည်တွင်းကုန်သွယ်မှုသတင်း

ရက်စွဲ၊ ၂၀.၂.၂၀၂၅

          စစ်ကိုင်းတိုင်းဒေသကြီး၊ ကန့်ဘလူခရိုင်အတွင်းရှိ ကျေးရွာများတွင် စပါး၊ ပဲမျိုးစုံနှင့် စားဖိုဆောင် သီးနှံများကို စိုက်ပျိုးရောင်းချကြရာ ပဲကြီးသည်လည်း ကန့်ဘလူမြို့ပေါ်ရပ်ကွက်နှင့် ကန့်ဘလူမြို့နယ် အတွင်းရှိ ကျေးရွာများမှ စိုက်ပျိုးပြီး လာရောက်ရောင်းချကာ ဈေး‌ကောင်ရရှိ၍ အရောင်းအဝယ် ဖြစ်လျက်ရှိ ကြောင်းသိရ သည်။

          ပဲကြီးအစိုညှစ်သည် လူအများကြိုနှစ်သက်သော ပဲတစ်မျိုးဖြစ်ပြီ ပဲကြီးအစိုညှစ်သည် ဆောင်း ရာသီ တစ်ရာသီသာ စားရသောပဲဖြစ်ပါသည်။ ပဲကြီးအစိုညှစ်သည် ဇန်နဝါရီလ လဝက်လောက်တွင် စပေါ်ပြီး ဈေးကွက်အတွင်းသို့ ‌ရောက်ရှိလာပါသည်။  ပဲကြီးအစိုညှစ်ကို စားသုံးမှုများမှာ အစိမ်းကြော် စားခြင်း၊ ပဲနှပ်ချက် ချက်စားခြင်း၊ ပဲဟင်းချိုချက်စားခြင်း၊ ပဲကြီးအစိုကို အကြော်ဆံအဖြစ်ကြော်ပြီး လဖက်ဖြင့်တွဲဖက်ကာ ရေနွေးကြမ်းနှင့်စားသုံးခြင်းများ ဖြစ်ပါ သည်။

          ယခု ၂၀၂၅ ခုနှစ်၊ ဖေဖော်ဝါရီလ တတိယပတ်အတွင်း ဖြစ်ပေါ်နေသော ကန့်ဘလူမြို့၏ ပဲကြီးအစိုညှစ် ဈေးနှုန်းများမှာ ပဲကြီးအစိုညှစ် တစ်ပြည်လျှင်(၁၀၀၀၀)ကျပ်၊ ပဲကြီးအစိုညှစ် နို့ဆီ တစ်ဘူးလျှင်(၁၃၀၀)ကျပ် နှင့် နို့ဆီ(၂)ဘူးလျှင်(၂၅၀၀)ကျပ်ဈေးနှုန်းဖြင့် အရောင်းအဝယ် ဖြစ်လျက် ရှိကြောင်း ကန့်ဘလူမြို့၊ မြို့မဈေးတွင် ကုန်စိမ်းသီးနှံမျိုးစုံ  ရောင်းချနေသော ဈေးသည်တစ်ဦးထံမှ သိရသည်။

DOCA(စစ်ကိုင်း)

           ပန်းတနော်မြို့နယ်သည် စိုက်ပျိုးရေး၊ မွေးမြူရေး၊ နှင့် ထုတ်ကုန်လုပ်ငန်းအမျိုးမျိုး ဖြင့် စီးပွားဖြစ်လုပ်ကိုင်လျှက် ဒေသဖွဲ့ဖြိုးသော မြို့နယ်တစ်ခုဖြစ်ပါသည်။ စီးပွားဖြစ်လုပ်ကိုင်သော လုပ်ငန်းများအနက် စိုက်ပျိုးသူများ နှင်းဆီ မျိုးပင် (၂၀၀)ကိုရောင်းချခြင်းလုပ်ငန်းကို လုပ်ကိုင် ဆောင်ရွက်နေကြောင်း သိရသည်။

          နှင်းဆီပျိုးပင် လုပ်ငန်းကို လုပ်ကိုင်ရာတွင် မျိုးအပင်များကို တပင် ၇၀၀ကျပ်ဖြင့် သယ်ဘူစရိတ်အပါအဝင် ၁၀၀၀ကျပ်ဖြင့် ဝယ်ယူရကြောင်း၊ ၎င်းအပင်များကို ပြန်လည်ပြုစုရန် ၁လခွဲကြာပြီး  မြေဆွေး၊ ဖွဲပြာ၊ လွှစာ၊ ပန်းအိုး များဖြင့် ပြန်လည်ပြုစုပျိုးထောင်ပြီး  အတက်များထွက်လာ၍ အဖုး အပွင်များ ထွက်လာသည်အထိ ထားရပြီး ရောင်းတန်းဝင် ပျိုးပင် ဖြစ်လာကြောင်း သိရသည်။ အပွင် ၇ ပွင့်ပါ ပျိုးတစ်ပင်ကို ငွေကျပ် ၅၀၀၀ကျပ်၊  အပွင့်များ ကိုင်များကို ၆လပြုစု၍  တစ်ပင်ကို ငွေကျပ် ၁၅၀၀၀ကျပ်-၂၀၀၀၀ကျပ်ကြား ရောင်းချရကြောင်း သိရသည်။ ဈေးကွက်အနေဖြင့် မြို့တွင်းကိုသာကား၊ ဆိုင်ကယ်၊ များဖြင့် လှည့်လည်ရောင်းချနေ ပြီး စီးပွားဖြစ်လုပ်ကိုင်လျက်ရှိကြောင်း ပျိုးပင်ရောင်းချသူထံမှ သတိရပါသည်။        

DOCA(ဧရာဝတီ)

ကန့်ဘလူမြို့၊ မြို့မစည်ပင်သာယာဈေး ကွက်အတွင်း ငရုပ်သီးခြောက်၊ အာလူး နှင့် ကြက်သွန်ဖြူ တို့ကို ရှမ်းပြည်နယ် အောင်ပန်းမြို့နှင့် မန္တလေးတိုင်းဒေသကြီးတို့မှ အများဆုံးမှာယူ ရောင်းချလျက်ရှိကြောင်း သိရှိရပါ သည်။

 ယခု ဖေဖော်ဝါရီလ တတိယပတ်တွင် ငရုပ်သီးခြောက်ဈေးနှုန်း အနေဖြင့် ငရုပ်သီးခြောက် (အရှည်) တစ်ပိဿာလျှင် ကျပ်(၁၇၀၀၀) (၅၀)ကျပ်သားလျှင်(၈၅၀၀)၊ (၂၅)ကျပ်သားလျှင် ကျပ်(၄၅၀၀) နှင့် (၁၀)ကျပ်သားလျှင် ကျပ်(၂၀၀၀)ဈေးနှုန်း အသီးသီး အရောင်းအဝယ်ဖြစ်လျက်ရှိကြောင်း ကန့်ဘလူမြို့ ငရုပ်၊ ကြက်သွန်ဖြူ /နီနှင့် အာလူး အရောင်းအဝယ်လုပ်နေသူထံမှ သိရှိရပါ သည်။

DOCA(စစ်ကိုင်း)

          ကန့်ဘလူမြို့နယ်အတွင်းရှိ ကျေးရွာများတွင် စားဖိုဆောင်သီးနှံ ဖြစ်သည့် ရုံးပတီသီးများကိုလည်း တစ်ပိုင် တစ်နိုင် စိုက်ပျိုးလျက်ရှိပြီး ကန့်ဘလူမြို့မဈေးသို့ ပို့ဆောင်ကာ အရောင်းအဝယ် ဖြစ်လျက် ရှိကြောင်းသိရသည်။

                    ယခု ၂၀၂၅ ခုနှစ်၊ ဖေဖော်ဝါရီလ တတိယပတ်အတွင်း ဖြစ်ပေါ်နေသော ကန့်ဘလူမြို့၏ ရုံးပတီသီး ဈေးနှုန်းများမှာ ရုံးပတီသီး တစ်ပိဿာလျှင်(၃၀၀၀)ကျပ်၊ (၅၀)ကျပ်သားလျှင်(၁၅၀၀)ကျပ်၊ (၂၅)ကျပ် သားလျှင်(၈၀၀)ကျပ်ဈေးနှုန်းတို့ဖြင့် ‌အရောင်းအဝယ်ဖြစ်လျက်ရှိကြောင်း ကန့်ဘလူမြို့ မြို့မဈေး၌ ကုန်စိမ်း သီးနှံမျိုးစုံ  ရောင်းချနေသော ဈေးသည် တစ်ဦးထံမှ သိရသည်။

DOCA(စစ်ကိုင်း)

ရက်စွဲ ၊ ၁၈.၂.၂၀၂၅

          ရှေးယခင်ကာလများကပင် လ္ဘက်ဆိုရှမ်းပြည်နယ်တွင်ရှိပြီး နောက်ပိုင်းတွင်ချင်းပြည်နယ် တောင်ပေါ် ဒေသတို့မှ ထွက်ရှိသည်ဟု လူအများသိရှိလာပါသည်။ စစ်ကိုင်းတိုင်းဒေသကြီး ခန္တီးခရိုင် ဟုမ္မလင်း မြို့နယ်တွင် လ္ဘက်စိုက်ဧကစုစုပေါင်း ( ၉၄၁၃ ) ဧကစိုက်ပျိုးထားလျှက်ရှိကြောင်း၊ သက်ဆိုင်ရာ စိုက်ပျိုးရေးဦးစီးဌာနမှ လေ့လာသိရှိရပါသည်။ မူလပထမလ္ဘက်မျိုးရင်းမှာ ရှမ်းပြည် နယ်မှရရှိသည့် လ္ဘက်မျိုးများကို မဏိစည်သူမင်း လက်ထက်မှ စတင်၍စိုက်ပျိုးခဲ့ကြောင်း၊ စတင်စိုက်ပျိုးချိန်မှ( ၇ ) နှစ်ခန့်အချိန်ကာလတွင် လ္ဘက်ရွက်နုများ စတင်စွက်ခူးရပါကြောင်း၊ ဟုမ္မလင်းမြို့နယ် လ္ဘက်စိုက်ပျိုးသူ ဒေါ်မာဝင်းထံမှ လေ့လာသိရှိရပါသည်။

          ဟုမ္မလင်းမြို့နယ်မှထွက်ရှိသည့် လ္ဘက်များသည် ရှမ်းပြည်နယ်ဒေသထွက် လ္ဘက်များကဲ့သို့ နုညံ့မှုမရှိဘဲ လ္ဘက်သားအနည်းငယ်ကြမ်းတမ်းကြောင်း၊ လ္ဘက်အရည်အသွေးနိမ့်ကျရခြင်းမှာ ဒေသ ရာသီဥတုကွဲပြားခြားနားမှုများနှင့် နည်းပညာများလိုအပ်ခြင်းကြောင့်ဟု ဒေသခံလ္ဘက်လုပ်ငန်း ဆောင်ရွက်သူ ဒေါ်မာဝင်းက ပြောကြားပါသည်။ ဟုမ္မလင်းဒေသတွင် လ္ဘက်စိမ်းခူးယူပြီး ပထမ အဆင့်ပေါင်းခံ၍ ( ၈ )လခန့်ကြာနှပ်ထားရပြီး အသင့်စားသုံးရန် လ္ဘက်စိမ်းများရရှိပါကြောင်း၊ ဟုမ္မလင်းဒေသထွက်လ္ဘက်အစို၊ လ္ဘက်အခြောက်များကို သဘာဝအရောင်ဖြင့်သာ ရောင်းချကြပြီး အခြားဓာတုဗေဒ ဆိုးဆေးများလုံးဝ သုံးစွဲခြင်းမပြုကြောင်း ယခုကဲ့သို့ ပွင်းလင်းရာသီတွင် ရောင်းအားကောင်းလာကြောင်း သိရှိရပါသည်။

          စျေးနှုန်းအနေဖြင့် လ္ဘက်အစိမ့် ( ၁ ) ပိဿာ( ၁၀၀၀၀ ) ကျပ်၊ လ္ဘက်ခါး( ၁ ) ပိဿာ( ၅၀၀၀ ) ကျပ်၊ လ္ဘက်ခြောက်( ၁ ) ပိဿာ ( ၈၀၀၀ကျပ် မှ ၁၀၀၀၀ကျပ် )အထိ ပေါက်စျေးရှိပြီး ဈေးကွက် အနေဖြင့်  မြို့နယ်တွင်း၊ မြို့မစေျးနှင့် ဟုမ္မလင်းနယ်တစ်ဝိုက်ရောင်းချလျှက်ရှိပြီး ကုန်လမ်းရေ လမ်း ခရီးများကောင်းမွန်သည့်အခါတွင် ရန်ဖန်ရံခါ မုံရွာမြို့သို့လည်းတင်ပို့လျက်ရှိပါကြောင်း စုံစမ်း သိရှိရပါသည်။

DOCA(စစ်ကိုင်း)