ပြည်တွင်းကုန်သွယ်မှုသတင်း

          ပြည်တွင်း စားသုံးမှုများပြားပြီး မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ်တွင် ပဲနီပြား သီးနှံအပါအဝင်ပဲမျိုးစုံစိုက်ပျိုးမှု   (၁၀၁၉၄၇၇)ဧက ဖြစ်ကြောင်း သိရပါသည်။   မန္တလေးပွဲစား၊ကုန်သည်၊စက်ပိုင်များမဟာကထိန်တော်အသင်းတွင် ၂၀၂၅ ခုနှစ် စက်တင်ဘာလ ပထမပတ်အတွင်းဖြစ်ပေါ်သည့်ပေါက်စျေးမှာ ၃တင်းဝင်တစ်အိတ်လျှင် ပဲနီပြား(ကျွန်း) ၄၇၀၀၀၀ ကျပ်နှင့် ၅၀၀၀၀၀ ကျပ်၊ပဲနီပြား(တံတားဦး)၄၀၅၀၀၀ကျပ်နှင့် ၄၁၀၀၀၀ကျပ်၊  တစ်ပိဿာလျှင် ပဲနီပြား(ကျွန်း) ၈၅၀၇ကျပ်နှင့် ၉၀၅၀ကျပ်၊ပဲနီပြား(တံတားဦး)၇၃၃၀ ကျပ်နှင့် ၇၄၂၁ကျပ် တို့ဖြစ် ကြောင်း သိရှိရပါသည်။ယခင်နှစ်ကာလတူစျေးမှာ တစ်ပိဿာလျှင် ပဲနီပြား(ကျွန်း)၈၅၀၇  ကျပ် နှင့် ၈၆၈၈ကျပ်၊ပဲနီပြား(တံတားဦး) ၇၄၁၂ ကျပ်တို့ဖြစ်ကြောင်း သိရှိရပါသည်။ ယခင်နှင့်ယခု နှစ် စျေးနှိုင်း ယှဉ်ပါကပဲနီပြားမှာ စျေးပိုမိုရရှိကာ အရောင်းသွက်ကြောင်း သိရှိရပါသည်။

DOCA (မန္တလေး)  

    ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ်ရှိ ဩဇာသီးပင်များကို ကျွန်းကုန်းကြီးကျေးရွာ၊ ရွာသာကုန်းကျေးရွာနှင့် ခွန်နှစ်ရွာကျေးရွာများတွင် အများဆုံး စိုက်ပျိုး ထွက်ရှိပါသည်။

          ဩဇာသီးပင်များသည် နှစ်ရှည်သီးနှံဖြစ်သဖြင့် အိမ်တိုင်းလိုလိုခြံလွတ်၊အိမ်ခြံစည်းရိုးများတွင် လည်းစိုက်ပျိုးကြပါသည်။ယခုလအချိန် ဩဇာသီးပေါချိန်ဖြစ်သည့်အတွက် ရောင်းသမားများက အပင်ပြတ်ဝယ်သလို ခြံများတွင်လိုက်ကြည့်၍ အသီးများလိုက်ကောက်ဝယ်ကြကြောင်း ၊ ကြို့ပင် ကောက်မြို့ရှိ ခွန်နှစ်ရွာဩဇာသီးဟု ရန်ကုန်ပြည်ကားလမ်းဘေး အရှေ့ဘက်၊အနောက်ဘက်များ တွင်တည်ရှိပြီး ဩဇာသီးပေါ်ချိန်တွင် အိမ်ရှေ့ကားလမ်းဘေးပေါ်များတွင် တဲဆိုင်ထိုး၍ ရောင်းချ ပါသည်။ယခုနှစ်သည် ယခင်နှစ်ထက် ဩဇာသီးအထက်များသည်။ခြင်းအမျိုးအစားအလိုက် ပေါ်မူ တည်၍ ဈေးနှုန်းလည်းကွာခြားပါသည်။ဩဇာသီးခြင်းအခွံတစ်လုံးကို၁၅၀၀ ကျပ်၊ဩဇာသီး အကြီး/ အသေးပေါ်မူတည်ပြီး အကြီးတစ်လုံးမှာ ၁၅၀၀/၁၃၀၀ကျပ်၊အသေးတစ်လုံးမှာ ၁၀၀၀/၉၀၀ ကျပ် ထိရှိပါကြောင်း လက်ဆောင်ပေးရန်နှင့် ခရီးသွားကားများကလည်း ဝယ်ယူကြောင်းသိရှိရပါသည်။

DOCA(ပဲခူး)

  ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်၊ မြို့မစည်ပင်သာယာဈေးကြီးအပါအဝင် အခြားဈေးများတွင် လယ်ဂဏန်း (ပုဇွန်လုံး)များကို အသား/ငါး ရောင်းချသည့် ဈေးတန်းများတွင် ရောင်းချ နေကြောင်းသိရှိရပါသည်။

      ရေသတ္တဝါများထဲတွင် အများအားဖြင့် ခြေထောက်ပါသော သတ္တဝါမှာ ဂဏန်းလုံးများပင် ဖြစ်ပါသည်။ ဂဏန်းလုံးများတွင် ထူးခြားစွာ ခြေထောက် (၁၀)ချောင်းပါရှိသည်ကို တွေ့ရှိရပါသည်။ ခြေထောက် (၈)ချောင်းကိုသာ လမ်းလျှောက်သွားလာရန် အသုံးပြုပြီး ဂဏန်းလက်မကြီးများကို အကာအကွယ်လက်နက်အဖြစ်ထားရှိပါသည်။ လယ်ပုဇွန်လုံးသည် တွင်းအောင်း ဂဏန်းမျိုး ဖြစ်ပါသည်။

          ယခုလို မိုးများသော အချိန်တွင် ဂဏန်းလုံးများပေါများစွာ ရရှိနိုင်ပြီး ကျေးလက်ဒေသဟင်း အဖြစ်လည်း ချက်ပြုတ်စားသောက်ကြပါသည်။ လယ်ပုဇွန်လုံးများကို ထောင်း၍ မကျည်းသီးစိမ်းဖြင့် ငပိချက် ချက်၍စားသောက်ကြသလို ပုဇွန်လုံးများကို ကြော်၍လည်း စားသုံးကြပါသည်။ ပုဇွန်လုံး ဟင်းရည်အဖြစ်လည်း ချက်ပြုတ်စားသောက်ကြပါသည်။ လယ်ပုဇွန် လုံးများမှ ပုဇွန်ဆီကိုလည်း ထုတ်ယူရောင်းချကြပါသည်။ ပုဇွန်ဆီ (၁၀)ကျပ်သားလျှင် (၆၀၀၀) ကျပ်အထိ ဈေးနှုန်းရှိကြောင်း သိရှိရပါသည်။

          ပြည်မြို့၊ ခေတ္တရာမြို့သစ်ဈေးတွင် လယ်ဂဏန်းလုံး (၁၀)ကျပ်သားလျှင် (၁၀၀၀)ကျပ်မှ (၁၅၀၀)ကျပ်အထိ ရောင်းချလျက်ရှိကြောင်း သိရှိရပါသည်။

DOCA(ပဲခူး)

   ငါးခူငါးမှာ အကြေးခွံမပါသော အကြေးခွံမဲ့ငါးဖြစ်ပြီး ငါးခ္ဓာကိုယ်တွင် အချွဲအကျိများဖြင့် ဖုံးလွှမ်းထားသော ငါးတစ်မျိုးဖြစ်ပါသည်။ ငါးခူးငါးမှာ လူ့အကျိုးပြု အမိုင်နို၊ ဖက်တီးအက်ဆစ်၊ ပရိုတင်း၊ ဗီတာမင်၊ သံဓါတ်စသည့် ဓါတ်များပါဝင်ပြီး ဈေးသင့်ကာ အရသာကောင်းမွန်သော ငါးဖြစ်ပါသည်။ ငါးခူ ငါးမှာ လူ့အကျိုးပြု အမိုင်နို၊ ဖက်တီးအက်ဆစ်၊ ပရိုတင်း ၊ဗီတာမင်၊ သံဓါတ် စသည့်ဓါတ်များပါဝင်ပြီး စျေးသင့်ကာ အရသာကောင်းမွန်သော ငါးဖြစ်ပါသည်။ ငါးအရသာအလွန်ချိုသောကြောင့် နေမကောင်း သူများ ငါးဆန်ပြုတ်လုပ်စားပါက ငါးရဲ့အဓိကအာဟာရချဉ်ဆီရည်ကို အများဆုံးထုတ်ပေးရရှိနိုင်သော ငါးဖြစ်၍ ကျန်းမာရေးနှင့် ကိုယ်ခံအားကို အမြန်ဆုံးနလံထူနိုင်ကြောင်း သိရပါသည်။ ငါးခူသက်တမ်းမှာ (၂၀-၂၅)နှစ်ထိ အသက်ရှည်ပြီး အသက်ပြင်းသောငါးဖြစ်သည်။ နေရာမရွေးအသက်ရှင်နေထိုင်နိုင်ပြီး ငါးခူအမမှာ ဥပေါင်း(၇၀၀၀-၈၀၀၀)ခန့် ဥဥနိုင်ကြပါသည်။ငါးခူနှုတ်ခမ်းမွှေးမှာ အာရုံထိတွေ့မှု ကောင်းမွန်လှပြီး ငါးခူငါးကို လယ်ကွင်း၊ အိုင်၊ ရွှံ့နွံ စသည်တို့တွင် တွေ့ရတတ်သလို အင်းအိုင်၊ ချောင်းမြောင်းမှသည် မြစ်ထိလည်းတွေ့ရတတ်ပါသည်။ ရေချိုပိုင်းတွင်အများဆုံးကျက်စားကြပြီး ရေချိုရေငန်စပ်၊ ရေငန်ပိုင်းတွင်လည်းနေထိုင်ကြသည်။ ငါးခူငါးကို ငါးခူစဉ်းကော၊ ငါးခူမွကြော်၊ ငါးခူ ခြောက်စပ်၊ ငါးခူငါး၊ ငါးပိရည်အပြင် မုန့်ဟင်ခါးလုပ်ရာ၌ ငါးခူငါးကို အသုံးပြုကြပါသည်။ ငါးခူးငါးကို ပြည်မြို့ မြို့မစည်ပင် သာယာဈေးကြီးနှင့် အခြားဈေးများတွင် ငါးခူငါးအကြီးတစ်ပိဿာလျှင် ကျပ် (၃၇၀၀၀)၊ လက်လီတစ်ဆယ်သားလျှင် ကျပ် (၄၀၀၀) ထိ ဈေးပေါက်နေပြီး အရောင်းအဝယ်ကောင်း ကြောင်းလည်း သိရှိရပါသည်။

DOCA(ပဲခူး)

     ပဲကြီးသီးနှံမှာ ပြည်တွင်း ၌စားသုံးမှုပမာဏများပြားပြီး၊ စျေးကွက်အတွင်း အရောင်းသွက် လျက်ရှိကြောင်း သိရပါသည်။  မန္တလေးတိုင်းဒေသကြီးအတွင်း  ၂၀၂၄-၂၀၂၅ခုနှစ်တွင်ပဲကြီး သီးနှံ အပါအဝင်  ပဲမျိုးစုံစိုက်ပျိုးမှု(၁၀၁၉၄၇၇)ဧကဖြစ်ကြောင်းသိရပါသည်။မန္တလေးပွဲစား၊ကုန်သည်၊စက်ပိုင်များမဟာကထိန်တော်အသင်းတွင်၂၀၂၅ခုနှစ်စက်တင်ဘာလပထမပတ်အတွင်းဖြစ်ပေါ်လျက်ရှိသောစျမှာ၃တင်းဝင်တစ်အိတ်လျှင်ပဲကြီး(ကြီး)၄၀၀၀၀၀ကျပ်နှင့်၄၁၀၀၀၀ကျပ်၊ပဲကြီး(လတ်)၃၇၀၀၀၀ကျပ်နှင့် ၃၈၀၀၀၀ကျပ်၊ပဲကြီး(သေး)၃၀၀၀၀၀ကျပ်နှင့်၃၄၀၀၀၀ကျပ်၊တစ်ပိဿာစျေးမှပဲကြီး(ကြီး)၇၂၄၀ကျပ်နှင့် ၇၄၂၁ကျပ်၊ ပဲကြီး(လတ်)၆၆၉၇ကျပ်နှင့်၆၈၇၈ကျပ်၊ပဲကြီး(သေး) ၅၄၃၀ ကျပ်နှင့်၆၁၅၄ကျပ် ဖြစ်ပြီး၊ယခင်နှစ်ကာလတူ တစ်ပိဿာစျေးမှာ ပဲကြီး(ကြီး) ၅၂၄၉ကျပ် နှင့် ၅၆၁၁ ကျပ် ၊ပဲကြီး(လတ်) ၄၅၂၅ကျပ်နှင့်၄၇၀၆ ကျပ်၊ပဲကြီး(သေး)၃၆၂၀ ကျပ်နှင့် ၃၉၈၂ ကျပ် တို့ဖြစ်ကြောင်းသိရပါသည်။ ယခုနှစ်နှင့်ယခင်နှစ်ကာလ တူပေါက်စျေးနှိုင်းယှဉ်ပါက ပဲကြီးစျေးမှာ ပိုမိုရရှိကြောင်း သိရပါသည်။

DOCA (မန္တလေး)