ပြည်တွင်းကုန်သွယ်မှုသတင်း

    သထုံခရိုင်အတွင်းရှိမြို့နယ်များတွင် အောက်တိုဘာလ၏ ဒုတိယအပတ်တွင် စပါး၊ ဆန် စျေးနှုန်းမှာ အနည်းငယ်တက်လျက်ရှိကြောင်း သိရှိရပါသည်။ သထုံခရိုင်အတွင်းမှ အခြားတိုင်း ဒေသကြီး နှင့် အခြားခရိုင်မြို့နယ်များသို့ ဆန်စီးထွက်မှုနှုန်းမှာ မော်လမြိုင်သို့ (၂၃၀၀) အိတ်ခန့်၊ ကရင်ပြည်နယ်သို့  (၂၀၀၀) အိတ်ခန့်၊ စုစုပေါင်း (၄၃၀၀) အိတ်ခန့်၊ တန်ချိန်အားဖြင့် (၂၀၇) တန် စီးထွက်ခဲ့ပါသည်။ ယခုအောက်တိုဘာလ၏ ဒုတိယအပတ်တွင် မော်လမြိုင်သို့ (၂၂၀၀) အိတ်ခန့်၊ ကရင်ပြည်နယ်သို့ (၂၁၀၀) အိတ်ခန့်၊ စုစုပေါင်း (၄၃၀၀) အိတ်ခန့်၊ တန်ချိန်အားဖြင့် (၂၀၇)တန်ခန့် စီးထွက်ခဲ့ပြီး ပထမအပတ်နှင့် နှိုင်းယှဥ်ပါက ပုံမှန်အတိုင်း စီးထွက်ခဲ့ပါသည်။

    သထုံခရိုင်အတွင်းသို့ စက်တင်ဘာလ၏ ပထမအပတ်တွင် ဆန်စီးဝင်မှုနှုန်းမှာ ရန်ကုန်တိုင်းဒေသကြီးမှ (၁၈၀၀) အိတ်ခန့်၊  ပဲခူးတိုင်းဒေသကြီးမှ (၁၉၀၀) အိတ်ခန့်၊ စုစုပေါင်း (၃၇၀၀) အိတ်ခန့်၊ တန်ချိန်အားဖြင့် (၁၇၈) တန်ခန့်စီးဝင်ခဲ့ပြီး ယခုအောက်တိုဘာလ၏ ဒုတိယအပတ်တွင် ရန်ကုန်တိုင်းဒေသကြီးမှ (၁၇၀၀) အိတ်ခန့်၊ ပဲခူးတိုင်းဒေသကြီးမှ (၁၈၀၀) အိတ်ခန့်၊ စုစုပေါင်း (၃၅၀၀) အိတ်ခန့်၊ တန်ချိန်အားဖြင့် (၁၇၅) တန်ခန့် စီးဝင်ခဲ့ပြီး သထုံခရိုင်အတွင်းသို့ ဆန်စီးဝင်မှုနှုန်းမှာ ယခင်ပထမအပတ်နှင့်နှိုင်းယှဥ်ပါက အနည်းငယ် လျော့၍ စီးဝင်ခဲ့ပါသည်။

     သထုံခရိုင်အတွင်း၌ ယခုအောက်တိုဘာလ၏ ဒုတိယအပတ်တွင် စပါး၊ ဆန်စျေးနှုန်းများ မှာ စပါးတင်း (၁၀၀) လျှင် ဒေသပေါက်စျေး ကျားပျံဟိုတယ် (၂၇၀၀၀၀၀ိ/-) ခန့်၊ ပေါ်ဆန်းဝါ    (၂၄၅၀၀၀၀ိ/-)ခန့်၊ ကမာကြည် (၁၆၀၀၀၀၀ိ/-) ခန့်၊ ဧည့်မထ (၁၂၅၀၀၀၀ိ/-) ခန့်နှင့် (၂၄) ပြည် ဝင်ဆန် တစ်အိတ်လျှင် ကျားပျံဟိုတယ် (၁၁၀၀၀၀ိ/-) ခန့်၊ ပေါ်ဆန်းဝါ (၁၁၀၀၀၀ိ/-) ခန့်၊   ကမာကြည် (၆၉၀၀၀ိ/-) ခန့်၊ ဧည့်မထ (၅၀၀၀၀ိ/-) ခန့်ရှိပြီး ယခုအပတ်တွင် စပါး၊ ဆန် စျေးနှုန်းမှာ အနည်းငယ်တက်လျက်ရှိကြောင်း သိရှိရပါသည်။

DOCA (မွန်)

  မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်တွင် ကွမ်းရွက်များကို ဧရာဝတီ တိုင်းဒေသကြီး၊ ကနောင်၊ မြန်အောင်၊ ပဲခူးတိုင်းဒေသကြီး၊ ပေါက်ခေါင်း၊ ပေါင်းတလည်၊ စစ်ကိုင်း တိုင်းဒေသကြီး၊ မုံရွာမြို့တို့ရှိ ကွမ်းခြံများမှ တိုက်ရိုက်ဝယ်ယူရောင်းချကြောင်း၊ ကွမ်းသီးများကို ထားဝယ်မှတိုက်ရိုက်တင်ပို့သည့် ပြည်မြို့ရှိကွမ်းဒိုင်မှတဆင့် မှာယူရောင်းချကြောင်း၊ ကွမ်းစား ထုံးကို မကွေးမှဝယ်ယူရောင်းချပြီး နှပ်ဆေးနှင့်ဗမာဆေးကို မုံရွာနှင့်ပခုက္ကူမှ ဝယ်ယူရောင်းချ ကြောင်း သိရသည်။

            မင်းလှမြို့နယ်တွင် ကွမ်းသီး၊ ကွမ်းရွက် လက်လီလက်ကားရောင်းချသည့်ဆိုင် (၁၀)ဆိုင်ခန့် ရှိပြီး ကွမ်းစိမ်းနှင့်ကွမ်းရွက်ဝါ(၂)မျိုးရှိသည့်အနက် ကွမ်းရွက်ဝါကိုပိုအစားများကြကြောင်း သိရသည်။ ကွမ်းရွက်ဈေးနှုန်းအနေဖြင့် ၂၀၂၅ခုနှစ်၊ အောက်တိုဘာလ(ဒုတိယပတ်)တွင် ကွမ်းရွက်ဝါ(၁)ပိဿာ လျှင် ကွမ်းရွက်အကြီး၊ အသေးနှင့် ဝယ်ယူတင်သွင်းရသည့်နေရာဒေသအလိုက် ကျပ်(၆၀၀၀ - ၈၀၀၀ -၁၃၀၀၀)၊ ကွမ်းသီးခြမ်း(၁)ပိဿာလျှင် ကျပ်(၂၀၀၀၀-၂၈၀၀၀)၊ ကွမ်းသီးစိပ်(၁)ပိဿာလျှင် ကျပ် (၂၀၀၀၀-၂၈၀၀၀)၊ ကွမ်းစားထုံး(၁)လီတာ(၁)ဘူးလျှင် ကျပ်(၂၀၀၀)၊ ကွမ်းစားနှပ်ဆေး(၁)ထုပ် လျှင် ကျပ်(၁၀၀၀)၊ ဗမာဆေး(၁)ထုပ်လျှင် ကျပ်(၇၀၀)စသည့် ဈေးနှုန်းများဖြင့် ရောင်းချလျက်ရှိကြောင်း သိရသည်။

            အရောင်းအဝယ်အနေဖြင့် (၁)ရက်လျှင်ကွမ်းရွက်ပိဿာချိန် (၁၀)ပိဿာနှင့်အထက် ရောင်းချ ရပြီး ကွမ်းသီး၊ ကွမ်းစိပ်မှာ(၅)ပိဿာမှ (၇)ပိဿာထိပုံမှန်ရောင်းချရပါကြောင်း၊ ယခင်စက်တင် ဘာလ(ဒုတိယပတ်)နှင့်ဈေးနှုန်းနှိုင်းယှဉ်ပါက ယခုတစ်ပတ်တွင် ကွမ်းရွက် ကျပ်(၁၀၀၀-၂၀၀၀) ဈေးနှုန်းကျဆင်း၍ အရောင်းအဝယ်ဖြစ်ကြောင်း သိရသည်။ ယခုအချိန်သည် ကွမ်းစိုက်ပျိုးထွက်ရှိရာ ဒေသများရှိ ကွမ်းခြံများ၌ ကွမ်းအထွက်နှုန်းများလျက်ရှိသောကြောင့် ဈေးနှုန်းမှာကျဆင်းလာခြင်း ဖြစ်‌ကြောင်း   အထက်မင်းလှ-သရက်ကားလမ်းဘေးရှိ ကွမ်းသီး၊ ကွမ်းရွက်ရောင်းချသည့် ကွမ်းဆိုင် ပိုင်ရှင်တစ်ဦးထံမှ သိရှိရသည်။

DOCA(မကွေး)

   တောင်ငူမြို့ညောင်ပင်လေးဈေးတွင် ရာသီပေါ်သီးနှံနှင့် ဟင်းသီးဟင်းရွက်များ ရောင်းချလျှက် ရှိရာ ဂေါ်ရခါးသီး အသေး ၊အလတ် အကြီး အရွယ်ခွဲခြား၍ ယခင်လ နှင့် ယခုအပါတ် အောက်တိုဘာလ ဒုတိယအပါတ်ထိ ဈေးနှုန်းတည်ငြိမ်လျှက်ရှိပြီး  အသေး ၁ လုံး ၂၀၀ ကျပ်၊ အလတ် ၁ လုံး ၃၀၀ ကျပ် ၊ အကြီး ၁ လုံး ၄၀၀ ကျပ်ထိ ဈေးနှုန်းအသီးသီးရှိပြီး ၁၀ လုံးနှင့် အထက် ဝယ်ပါက ဈေးနှုန်းအပြောင်း အလဲရှိပါသည်။

   မုံလာဥ အဖြူ ၂၅ ကျပ်သား ၇၀၀ ကျပ် မှ ၉၀၀ ကျပ် ထိ ဈေးနှုန်းရှိပြီး ၁ ပိဿာ ၂၅၀၀ ကျပ် ၊ ၃၅၀၀ ကျပ် ၊ မုံလာဥ အနီ ၂၅ ကျပ်သား ၈၀၀ ကျပ် မှ ၁၀၀၀ ကျပ် ထိ ဈေးနှုန်းရှိပြီး ၁ ပိဿာ ၃၀၀၀ ကျပ် မှ ၄၀၀၀ ကျပ် ထိဈေးနှုန်းရှိ၍ မုံလာဥ အဖြူ နှင့် အနီ မှာ အလုံးအရွယ်ပေါ်မူတည်ပြီး ဈေးနှုန်း ကွာခြားကြောင်း ယခင်လ နှင့် ယခုအောက်တိုဘာလ ဒုတိယအပတ်ထိ ဈေးနှုန်းတည်ငြိမ်လျက် ရှိကြောင်း၊ မုံလာကုံး ၁စီးလျှင်၈ပင်ခန့်ပါ (၅)စီးပါ၁ ကဒ်ကို ၅၀၀ ကျပ် ၊ ၁၀ ကဒ် ကို ၄၅၀၀ ကျပ် ဈေးနှုန်းရှိပြီး အရောင်းအဝယ်မှာ ပုံမှန်အတိုင်းရောင်းရလျှက်ရှိကြောင်း ရောင်းချသည့် ကုန်စိမ်းသည်များ ထံမှ သတင်းရရှိပါသည်။

DOCA(ပဲခူး)

   တောင်ငူမြို့ရှိ မြို့မဈေးနှင့် ဈေးလမ်း အနီးရှိ ပွဲရုံများတွင် အာလူးဈေးနှုန်းမြင့်တက်လျက်ရှိပြီး ယခင်လတွင် အာလူး အသေး/ အလတ်/ အကြီးဟူ၍ ၃ မျိုးခွဲပြီးရောင်းချလျက်ရှိရာ အာလူးအသေး ၁ ပိဿာ ၂၃၀၀ ကျပ် ၊ အာလူး အလတ် ၁ ပိဿာ ၃၀၀၀ ကျပ်၊ အာလူး အကြီး ၁ ပိဿာ ၃၅၀၀ ကျပ် မှ ၄၀၀၀ ကျပ်သာရှိသော်လည်း ယခု အောက်တိုဘာလ ဒုတိယအပတ်တွင် အာလူး အသေး ၁ ပိဿာ ၄၃၀၀ ကျပ်ထိ ဈေးနှုန်းမြင့်တက်လာပြီး အာလူး အလတ် ၁ ပိဿာ ၅၀၀၀ ကျပ် ၊ အာလူး အကြီး ၁ ပိဿာ ၆၀၀၀ ကျပ်ထိ ဈေးနှုန်းမြင့်တက်လာသော်လည်း အရောင်းအဝယ်မှာ ပုံမှန်အတိုင်း ရောင်းဝယ်လျက်ရှိကြောင်း သိရှိရသည်။

          ယခင်လတွင် ငရုပ်သီးခြောက် အပု ၂၅ ကျပ်သား ၄၀၀၀ ကျပ် ၊ ၁ ပိဿာ ၁၅၀၀၀ ကျပ် ၊ ငရုပ်သီးခြောက် အရှည် ၂၅ ကျပ်သား ၃၀၀၀ ကျပ် ၊ ၁ ပိဿာ ၁၁၀၀၀ ကျပ်သာရှိပြီး ယခင်လနှင့် ယခု အောက်တိုဘာလ ဒုတိယအပတ်တွင် ဈေးနှုန်းပြောင်းလဲမှုမရှိပါကြောင်း၊ အာလူး နှင့် ငရုပ်သီးခြောက် ၅ ပိဿာနှင့် အထက်ဝယ်ယူပါက ဈေးနှုန်းအပြောင်းအလဲရှိကြောင်း လက်ကားဖောက်သည်ယူသည့် အကြော်ဆိုင်နှင့် လက်ဖက်ရည်ဆိုင်များသည် လက်လီရောင်းချသည့် ဈေးနှုန်းထက် ၅၀၀ ကျပ်သာ ကွာကြောင်း ရောင်းချသည့် ပွဲရုံများမှ သတင်းရရှိပါသည်။

DOCA(ပဲခူး)

   ပဲခူးတိုင်းဒေသကြီး၊ ပြည်ခရိုင်၊ ပြည်မြို့ပေါ်ရှိ ဈေးများတွင် ပဲပြားများရောင်းချနေကြောင်း သိရသည်။ ပြည်မြို့အတွင်းရှိ ဟင်းသီးဟင်းရွက်ရောင်းချသည့် ဈေးဆိုင်များတွင် ဟင်းသီးဟင်းရွက်အပြင် ပဲပင်ပေါက်နှင့် ပဲပြား သည်လည်း မပါမဖြစ် တွဲ၍ စားသုံးသော အစားအစာတစ်မျိုးဖြစ်ပါသည်။ ပဲပြားသည် သတ်သတ်လွတ်စားသုံးသူများ အတွက် အသားဓါတ်တွေကို ပဲပြားကနေရနိုင်ပြီး ကိုယ်ခန္ဓာအတွက် လိုအပ်တဲ့ ဗီတာမင်ချို့တဲ့မသွားအောင် ပဲပြားကို စားသုံးကြတာဖြစ်ပါတယ်။ ပဲပြားကို ကြော်ပြီး အစာသွပ်စားခြင်းဟာ မြန်မာတို့အတွက် နှစ်ကြိုက်လှတဲ့ သရေစာ တစ်မျိုးဖြစ်ပါသည်။ ပဲပြားကို အစိမ်းချက်စားကြသလို ကြော်ပြီးလည်း ချက်စားကြပါတယ်။ ဒါ့အပြင်  ဟင်းချိုတွေနဲ့ တစ်ချို့ ဟင်းလျာတွေမှာ တွဲဖက်ပါဝင်ပစ္စည်းအဖြစ် အသုံးပြုကြသည်။ ပဲပြားကို ကြော်ပြီးစားသုံးကြသလို သုပ်၍လည်း စားသုံးကြသည်။

    ၂၀၂၅ ခုနှစ်၊ အောက်တိုဘာလ၊ ဒုတိယပတ်တွင် ရောင်းချလျက်ရှိသော ပဲပြားဈေးနှုန်းများမှာ ပဲပြား(၂)တုံးတစ်တွဲလျှင် (၉၀၀)ကျပ်ဖြင့် ရောင်းချပြီး တစ်တုံးလျှင် (၅၀၀)ကျပ်ဖြင့် ရောင်းချကြောင်းသိရသည်။

DOCA(ပဲခူး)