ပြည်တွင်းကုန်သွယ်မှုသတင်း

      ရွှေဘိုခရိုင်၊ရွှေဘိုမြို့ အောင်ဇေယျဈေးအတွင်းတွင် သစ်သီးမျိုးစုံရောင်းချသော ဆိုင်ပေါင်း (၈)ဆိုင်ခန့်ရှိပြီး နေ့စဉ် ပိတ်ရက်မရှိ နံနက် (၆:၀၀)နာရီမှ နေ့လယ် (၁၄:၀၀)နာရီ အထိ ရောင်းချလျက်ရှိပြီး ရာသီအလိုက် ကဗ္ဗလာသီး၊ နဂါးမောက်သီး ၊ သင်္ဘောသီး၊ ထောပတ်သီး၊ ပျားလိမ္မော်၊ ပန်းသီး စသည့် သီးနှံများကို မန္တလေးမြို့ရှိ ပွဲရုံများမှ တစ်ဆင့်ယူ၍ ရောင်းချကြောင်း သိရပါသည်။

          ရွှေဘိုမြို့ အောင်ဇေယျဈေးအတွင်းတွင် ရောင်းချလျက်ရှိသော ထောပတ်သီးများမှာ တောင်ကြီးမြို့မှ လာသောထောပတ်သီး၊ ပြင်ဦးလွင်မြို့အနီးရှိ ကျေးရွာများမှ  လာသော ထောပတ်သီး များဖြစ်ပြီး မန္တလေးမြို့ ပွဲရုံများမှလည်း တစ်ဆင့် မှာယူရကြောင်း၊ ထောပတ်သီး တစ်အိတ်လျှင် အကြီး/ အသေး ပေါ် မူတည်၍ အလုံး (၈၀)မှ (၁၀၀)ထိ ပါပြီး၊တစ်အိတ်လျှင်(၇၀၀၀၀)ကျပ်ဖြင့် ဝယ်ယူရကြောင်း၊ ထောပတ်သီးများကို အလုံးအကြီး အသေးခွဲ၍  လက်လီ တစ်လုံးလျင် အကြီး ၁၂၀၀ ကျပ်၊ အလတ် ၁၀၀၀ကျပ်၊ အသေး  ၇၀၀ကျပ်  ၊ထောပတ်သီး မျိုးကွဲ (Hass)သီး 1Kg လျှင်  (၄၅၀၀)ကျပ်မှ (၆၀၀၀)ကျပ်ထိ ရောင်းချရပြီး ထောပတ်သီးများကို အအေးဆိုင်များ၊ တစ်ဆင့် လှည့်လည်ရောင်းချသော ဈေးသယ်များ ၊ စားသုံးသူများမှ ဝယ်ယူကြ၍ အရောင်းအဝယ်‌ ဖြစ်လျက်ရှိကြောင်း သစ်သီးစုံလက္ကား ရောင်းချသည့် ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)

      ရွှေဘိုမြို့တွင် ဩဂုတ်လ ဒုတိယပတ်မှစ၍ ရာသီစာ ကန်စွန်းဥများ ဈေးကွက်အတွင်း စတင်ဝင်ရောက်လာကာ အချိန် (၃၀)ပိဿာမှ (၃၅)ပိဿာထိပါဝင်သော ကန်စွန်းဥ တစ်အိတ်လျှင်  (၄၀၀၀၀)ကျပ်ဖြင့် မန္တလေးမြို့ပွဲရုံများမှ မှာယူရောင်းချရကြောင်း သီးနှံရောင်းချသူများမှ သိရသည်။

          ကန်စွန်းဥ စားသုံးခြင်းဖြင့် ဦးနှောက်လုပ်‌ဆောင်မှုကောင်းစေခြင်း၊ ကိုယ်ခံအား ကောင်းစေခြင်း၊ အမြင်အာရုံကောင်းမွန်စေခြင်း၊ အစာအိမ်အနာကို သက်သာစေခြင်း၊ ရေဓါတ်ဆုံးရှုံးမှုကိုကာကွယ်ပေးနိုင်စေခြင်း စသည့် ကျန်းမာရေး ကောင်းကျိုးများစွာ ရှိသည်ဟု သိရသည်။

          ၂၀၂၅ခုနှစ်၊ ဩဂုတ်လ နောက်ဆုံးပတ်တွင် ကန်စွန်းဥ လက္ကားတစ်ပိဿာလျှင် (၁၈၀၀)ကျပ်၊ လက်လီတစ်ပိဿာလျှင် (၂၀၀၀)ကျပ်ဖြင့် ဒေသတွင်း စားသုံးသူများ၊ ဆိုင်ကယ်ဖြင့် လှည့်လည်ရောင်းချသူများ၊ ကန်စွန်းဥပြုတ် ရောင်းချသည့် ညနေဈေးသည်များမှ တစ်ဆင့် ဝယ်ယူ၍ ဝင်ရောက်သမျှ အရောင်းအဝယ်သွက် လျက်ရှိကြောင်း ရွှေဘိုမြို့ စည်ပင် သာယာဈေးအတွင်းရှိ သီးနှံ လက္ကားဒိုင်များမှ သတင်းရရှိသည်။

DOCA(စစ်ကိုင်း)

      စစ်ကိုင်းတိုင်းဒေသကြီး ၊ ကန့်ဘလူခရိုင်သည် စိုက်ပျိုးရေးလုပ်ငန်းများကို အဓိကထား လုပ်ကိုင်သော ဒေသတစ်ခုဖြစ်ပြီး ပဲတီစိမ်းသီးနှံကို ကန့်ဘလူမြို့နယ်အတွင်းရှိ ထန်းကုန်းကျေးရွာ၊ မိုးကောင်းကျေးရွာနှင့် အခြားသောကျေးရွာများတွင် စိုက်ပျိုးကြောင်း၊ မတ်ပဲသီးနှံကိုလည်း မြေထူးကျေးရွာ၊ တောက္ကရှပ်ကျေးရွာ၊ ညောင်ဇင်ကျေးရွာများတွင် မတ်ပဲသီးနှံကို အဓိကစိုက်ပျိုးလျက်ရှိကြောင်း သိရသည်။

      ၂၀၂၅ ခုနှစ်၊ ဩဂုတ်လ စတုတ္ထပတ်အတွင်း ပဲတီစိမ်းရိုးရိုးတစ်တင်းလျှင် (၇၇၀၀၀)ကျပ်၊ ပဲတီစိမ်းထွက်တိုး အလုံးလှတစ်တင်းလျှင် (၈၁၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ယခင်အပတ်ဈေးနှုန်းများနှင့် နှိုင်းယှဉ်ပါက ယခုပတ်အတွင်း ပဲတီစိမ်းရိုးရိုး(၁)တင်းလျှင် (၁၀၀၀) ကျပ်နှင့် ထွက်တိုး(၁)တင်းလျှင် (၂၀၀၀)ကျပ် ဈေးနှုန်းဆက်လက်ကျဆင်းသွားကြောင်း၊ မတ်ပဲရိုးရိုးတစ်တင်းလျှင် (၇၅၀၀၀)ကျပ်၊ မတ်ပဲမျက်ကွင်းဖြူ တစ်တင်းလျှင် (၈၀၅၀၀)ကျပ်ဖြင့် အရောင်းအဝယ်ဖြစ်လျက် ရှိပြီး ဩဂုတ်လ တတိယပတ်ဈေးနှုန်းနှင့် နှိုင်းယှဉ်ပါက စတုတ္ထပတ်အတွင်း မတ်ပဲရိုးရိုး(၁)တင်း လျှင်(၂၅၀၀)ကျပ်နှင့် မတ်ပဲမျက်ကွင်းဖြူ တစ်တင်းလျှင် (၁၀၀၀)ကျပ် ဈေးနှုန်းများဆက်လက် ကျဆင်းသွားကြောင်း၊ မတ်ပဲသီးနှံများကို မန္တလေးမြို့ရှိပွဲရုံများ၊ ကုန်စည်ဒိုင်များသို့ တင်ပို့ရောင်းချ ကြောင်း သီးနှံရောင်းဝယ်ရေး လုပ်ငန်းရှင်များထံမှ သိရှိရသည်။

DOCA(စစ်ကိုင်း)

        မြန်မာနိုင်ငံသည် လယ်ယာစိုက်ပျိုးရေးလုပ်ငန်းကို အဓိကလုပ်ကိုင်ကြသည့် နိုင်ငံဖြစ်ပြီး စစ်ကိုင်းတိုင်းဒေသကြီး ၊ ကန့်ဘလူခရိုင်၊ ကန့်ဘလူမြို့နယ်တွင်လည်း သီးနှံမျိုးစုံစိုက်ပျိုးလျက်ရှိရာ ရေ၊ မြေ၊ ရာသီဥတုနှင့်ကိုက်ညီသည့် ပဲစဉ်းငုံသီးနှံနှင့်  ဘိလပ်စေ့သီးနှံကိုလည်း စိုက်ပျိုးကြောင်း၊ ဘိလပ်စေ့ကို ယာကွက်လွတ်များ၌ လည်းကောင်း၊ ယာခင်းဘေး ပတ်လည်၌လည်းကောင်း၊ ကြဲပက်စနစ်နှင့် တန်းစိုက်စနစ်တို့ဖြင့် စိုက်ပျိုး ကြကြောင်း၊ ကန့်ဘလူမြို့နယ် ကံကြီးကုန်းကျေးရွာ၊ တောက္ကရှပ်ကျေးရွာနှင့် အခြားသော ကျေးရွာများမှ ဝင်ရောက်လျက်ရှိပြီး ဘိလပ်စေ့သည် စိုက်ပျိုးရလွယ်ကူပြီး ဈေးကောင်းရသဖြင့် စိုက်ပျိုးသူ များ အဆင်ပြေလျက်ရှိကြောင်း သိရသည်။

     ၂၀၂၅ ခုနှစ်၊ ဩဂုတ်လ စတုတ္ထပတ်အတွင်း ပဲစဉ်းငုံနီ(၁)တင်းလျှင် (၇၃၀၀၀)ကျပ်၊ ပဲစဉ်းငုံဖြူ(၁)တင်းလျှင် (၇၁၀၀၀)ကျပ်နှင့် အောက်စ(၁) တင်းလျှင်(၇၀၅၀၀)ကျပ်တို့ဖြင့် အရောင်းအဝယ်ဖြစ်လျှက်ရှိကြောင်း၊ ယခင်အပတ်ဈေးနှုန်းနှင့် နှိုင်းယှဉ်ပါက ယခုပတ်အတွင်း ပဲစဉ်းငုံနီ(၁)တင်းလျှင်(၁၀၀၀)ကျပ်နှင့် ပဲစဉ်းငုံဖြူ(၁)တင်းလျှင် (၁၀၀၀)ကျပ် ဆက်လက်ကျဆင်းနေကြောင်း၊ ဘိလပ်စေ့ဈေးနှုန်းအနေဖြင့် တစ်တင်းလျှင် (၅၉၀၀၀)ကျပ်၊ ဘိလပ်စေ့ညံ့လျှင် (၅၈၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခုပတ်တွင် ဈေးကွက်အတွင်း ဘိလပ်စေ့အဝင်နည်း၍ ဈေးအေးနေကြောင်း၊ ဈေးကွက်အနေဖြင့် ကန့်ဘလူမြို့ နယ်မှထွက်ရှိသော ဘိလပ်စေ့များကို  မန္တလေးမြို့ရှိပွဲရုံများနှင့် ကုန်စည်ဒိုင်များသို့ တင်ပို့ရောင်းချကြောင်း သီးနှံရောင်းဝယ်ရေး လုပ်ငန်းရှင်များထံမှ သိရှိရသည်။

DOCA(စစ်ကိုင်း)

    ကန့်ဘလူခရိုင်သည် လယ်ယာစိုက်ပျိုးရေးလုပ်ငန်းများကို အဓိကထားလုပ်ကိုင်သော ဒေသ တစ်ခုဖြစ်ပြီး ဒေသတွင်းစားသုံးဆီဖူလုံစေရေးအတွက် ကန့်ဘလူမြို့နယ် တောက္ကရှပ်ကျေးရွာ၊ မြေထူးကျေးရွာ၊ နတ်ပေးကျေးရွာနှင့် အခြားသောကျေးရွာများတွင် ဆောင်းနှမ်းကိုအဓိက စိုက်ပျိုး ကြောင်း၊ နှမ်းသီးနှံ၊ နေကြာသီးနှံကို ဒေသတွင်း၌ဆီကြိတ်သော်လည်း ရွှေဘိုမြို့နှင့် မန္တလေးမြို့ရှိပွဲရုံများသို့ အဓိကတင်ပို့ကြောင်း သိရသည်။

နှမ်းနက်၊နှမ်းဖြူ ဈေးနှုန်း

       ၂၀၂၅ ခုနှစ်၊ ဩဂုတ်လ စတုတ္ထပတ်အတွင်း နှမ်းနက်(စမုံ)တစ်တင်းလျှင်(၂၂၀၀၀၀)ကျပ်၊ နှမ်းဖြူ(ဂျပန်)တစ်တင်းလျှင် (၁၀၃၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ဩဂုတ်လ တတိယပတ် ဈေးနှုန်းနှင့်နှိုင်းယှဉ်ပါက စတုတ္ထပတ်အတွင်း နှမ်းနက်(၁)တင်းလျှင် (၁၀၀၀၀)ကျပ် ဈေးနှုန်းကျဆင်းနေကြောင်း၊ သီးနှံဈေးနှုန်းမှာ နေ့စဉ်ပြောင်းလဲမှုရှိကြောင်း  ဒေသတွင်းသီးနှံရောင်း ဝယ်ရေးလုပ်ငန်းရှင်ထံမှ သတင်းရရှိသည်။

နေကြာသီးနှံဈေးနှုန်း

            စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ်တွင် ဆီထွက်သီးနှံဖြစ်သည့် နေကြာသီးနှံကိုလည်း စိုက်ပျိုးကြောင်း၊ မိုးစိုက်နေကြာနှင့် ဆောင်းစိုက်နေကြာဟူ၍(၂)မျိုးရှိ ကြောင်း၊ ကန့်ဘလူမြို့နယ်၌ စိုက်ပျိုးလျက်ရှိသည့် နေကြာမျိုးအနေဖြင့် ဆင်းရွှေကြာ-၂မျိုးကို အများဆုံးစိုက်ပျိုးကြောင်း၊ သွင်းအားစုနှင့် မြေအနေအထားအပေါ်မူတည်၍ နေကြာအထွက်နှုန်း ကွာခြားမှုရှိကြောင်း၊ ဈေးနှုန်းအနေဖြင့် ၂၀၂၅ ခုနှစ်၊ ဩဂုတ်လ စတုတ္ထပတ်အတွင်း နေကြာ(၁) တင်းလျှင်(၅၄၀၀၀)ကျပ်၊ နေကြာညံ့လျှင် (၅၃၅၀၀)ကျပ်တို့ဖြင့် အရောင်းအဝယ်ဖြစ်လျက်ရှိ ကြောင်း၊ ကန့်ဘလူမြို့နယ်၌ နေကြာသီးနှံကို ဆီကြိတ်၍ ကုန်ချောထုတ်လုပ်မှုရှိပြီး ပိုလျှံသော သီးနှံများကို ရွှေဘိုမြို့နှင့် မန္တလေးမြို့ရှိပွဲရုံများ၊ ကုန်စည်ဒိုင်များသို့ တင်ပို့ကြောင်း ဒေသတွင်းပွဲရုံ လုပ်ငန်းများထံမှ သိရပါသည်။

DOCA(စစ်ကိုင်း)