ပြည်တွင်းကုန်သွယ်မှုသတင်း

       မကွေးတိုင်းဒေသကြီးအတွင်းရှိ ကုန်စည်ဒိုင်များဖြစ်သည့် ပခုက္ကူကုန်စည်ဒိုင်၊ ဆိပ်ဖြူကုန် စည်ဒိုင်နှင့် မကွေးမြို့ကြက်သွန်နီပွဲရုံများသို့ ကြက်သွန်နီကုန်တင်ယာဉ်များ နေ့စဉ်ဝင်ရောက်လျက် ရှိရာ ပခုက္ကူမြို့နယ်အတွင်းရှိ မြစ်ခြေ ၊ ကမ္မ စသည့်မြို့များနှင့် မြင်းခြံမြို့မှ ကြက်သွန်နီများကို ပခုက္ကူကုန်စည်ဒိုင်သို့လည်းကောင်း၊ မြစ်ခြေ၊ ယောချောင်းနဘေးရှိ ကျေးရွာများမှစိုက်ပျိုး ထွက်ရှိ သော ကြက်သွန်နီများကို ဆိပ်ဖြူ ကုန်စည်ဒိုင်သို့လည်းကောင်း၊ ယင်းချောင်း ဝဲ/ယာရှိ ကျေးရွာ များနှင့် တောင်တွင်းကြီး မြို့နယ်ရှိကြက်သွန်စိုက်တောင်သူများက မကွေးမြို့ရှိ ကြက်သွန်ပွဲရုံများ သို့အဓိကတင်ပို့ရောင်းချကြောင်းသိရသည်။ ၂၀၂၅ခုနှစ်၊ ဩဂုတ်လ (တတိယပတ်)တွင် ပခုက္ကူ ကုန်စည်ဒိုင်သို့ ကြက်သွန်နီကုန်အဝင်ပိဿာချိန် (၁၈၀၅၀၀)၊ ဆိပ်ဖြူကုန်စည်ဒိုင်သို့ကုန်အဝင် ပိဿာချိန် (၈၉၅၀၀)၊ မကွေးကြက်သွန်နီပွဲရုံများသို့ ကုန်အဝင်ပိဿာချိန်(၁၅၃၀၀)  ဝင်ရောက်ကြောင်း သိရသည်။

          ၂၀၂၅ခုနှစ်၊ ဩဂုတ်လ(စတုထ္ထပတ်)တွင် မကွေးတိုင်းဒေသကြီးအတွင်းသို့  ကြက်သွန်နီဝင် ရောက်မှုမှာ ပခုက္ကူကုန်စည်ဒိုင်တွင် ကုန်အဝင်ပိဿာချိန်(၁၆၉၀၀၀) ၊ ဆိပ်ဖြူကုန်စည်ဒိုင်တွင် ကုန် အဝင်ပိဿာချိန် (၁၉၀၀၀၀)  ၊ မကွေးကြက်သွန်နီပွဲရုံများသို့ ကုန်အဝင်ပိဿာချိန်(၁၃၆၀၀) ဝင် ရောက်ခဲ့ပြီး ဩဂုတ်လ(တတိယပတ်) နှင့် (စတုထ္ထပတ်)  ကြက်သွန်နီဝင်ရောက်မှု နှိုင်းယှဉ်ပါက ပခုက္ကူကုန်စည်ဒိုင်တွင် ပိဿာချိန် (၁၁၅၀၀) နှင့်မကွေးမြို့ကြက်သွန်နီပွဲရုံများတွင် ပိဿာချိန် (၁၇၀၀) လျော့နည်းခဲ့ပြီး၊ ဆိပ်ဖြူကုန်စည်ဒိုင်တွင်မူ ပိဿာချိန် (၁၀၀၅၀၀) ပိုမိုဝင်ရောက်လာခဲ့ ကြောင်း တွေ့ရသည်။ ဩဂုတ်လ(စတုထ္ထပတ်)ထိ ကြက်သွန်နီလက်ကား/ လက်လီဈေးနှုန်းများမှာ မကွေးမြို့တွင် ကျပ် (၁၃၀ဝ) မှ (၁၄၀ဝ) ၊ ပခုက္ကူမြို့တွင် ကျပ် (၁၁၀ဝ) မှ (၁၄၀ဝ)  ၊ ဆိပ်ဖြူမြို့ တွင် ကျပ်(၉၀ဝ)မှ (၁၂၀ဝ)ဈေးနှုန်းဖြင့် အရောင်းအဝယ်ဖြစ်ကြောင်း သိရှိရပါသည်။ ပခုက္ကူ နှင့် ဆိပ်ဖြူ ကုန်စည်ဒိုင်များမှ ဝင်ရောက်လာသော ကြက်သွန်နီများကို ဘုရင့်နောင်ပွဲရုံမှ တဆင့် မြန်မာ နိုင်ငံအရပ်ရပ်သို့ တင်ပို့ကြောင်း၊ ပြည်ပမှဝယ်ယူမှုနည်း၍ ယခင်နှစ် နှင့် နှိုင်းယှဉ်ပါက ဈေးအနည်း ငယ်ကျဆင်းကြောင်း သိရှိရသည်။

DOCA(မကွေး)

      မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့၊ မြို့မဈေး၌ ဖူးစားပြောင်း(သကြား)ကို စကု၊ ပွင့်ဖြူ၊ တောင်တွင်းကြီးမြို့တို့မှ အဓိကမှာယူရောင်းချလျက်ရှိကြောင်း၊ မင်းဘူးမြို့နယ်၌ ဒေသတွင်း ပြောင်းစိုက်ပျိုးမှုနည်းသည့်အတွက် အခြားဒေသများမှ မှာယူရောင်းချကြောင်း သိရသည်။

          ၂၀၂၅ခုနှစ်၊ ဩဂုတ်လ(စတုတ္တပတ်)တွင် သကြားပြောင်း(၁)ဖူးလျှင် (အကြီး၊ အသေးအလိုက်) ကျပ်(၅၀၀-၆၀၀)ဖြင့် ရောင်းချလျက်ရှိပြီး (ပထမပတ်)တွင် (၁)ဖူးလျှင် ကျပ်(၈၀၀-၁၀၀၀)ဖြင့် ရောင်းချခဲ့ရာ ဈေးနှုန်းနှိုင်းယှဉ်ပါက ယခုတစ်ပတ်တွင် ပြောင်းဖူး(၁)ဖူးလျှင် ကျပ်(၃၀၀-၄၀၀) ဈေးကျ ဆင်းပြီး အရောင်းအဝယ်ဖြစ်ကြောင်း သိရသည်။ ယခုအချိန်တွင် ပြောင်းစိုက်ပျိုးရာဒေသများ၌ ပြောင်းဖူးများ လှိုင်လှိုင်ထွက်ရှိလာသည့်အတွက် ဈေးနှုန်းကျဆင်းလာခြင်းဖြစ်ကြောင်း သိရှိရသည်။

DOCA(မကွေး)

      သထုံခရိုင်အတွင်းရှိမြို့နယ်များတွင် သြဂုတ်လ၏ နောက်ဆုံးအပတ်တွင် စပါး၊ ဆန် စျေးနှုန်းမှာ တည်ငြိမ်လျက်ရှိကြောင်းသိရှိရပါသည်။ သထုံခရိုင်အတွင်းမှ အခြားတိုင်းဒေသကြီး နှင့် အခြားခရိုင် မြို့နယ်များသို့ ဆန်စီးထွက်မှုနှုန်းမှာ မော်လမြိုင်သို့ (၂၅၀၀) အိတ်ခန့်၊ ကရင် ပြည်နယ်သို့  (၂၂၀၀) အိတ်ခန့်၊ စုစုပေါင်း (၄၇၀၀) အိတ်ခန့်၊ တန်ချိန်အားဖြင့် (၂၂၅) တန်၊ စီးထွက်ခဲ့ပါသည်။ ယခုသြဂုတ်လ၏ နောက်ဆုံးအပတ်တွင် မော်လမြိုင်သို့ (၂၄၀၀) အိတ်ခန့်၊ ကရင်ပြည်နယ်သို့ (၂၃၀၀) အိတ်ခန့်၊ စုစုပေါင်း (၄၇၀၀) အိတ်ခန့်၊ တန်ချိန်အားဖြင့် (၂၂၅)တန်ခန့်၊ စီးထွက်ခဲ့ပြီး ယခင် တတိယအပတ်နှင့် နှိုင်းယှဥ်ပါက ပုံမှန်အတိုင်းစီးထွက်ခဲ့ ပါသည်။

     သထုံခရိုင်အတွင်းသို့ သြဂုတ်လ၏ တတိယအပတ်တွင် ဆန်စီးဝင်မှုနှုန်းမှာ ရန်ကုန်တိုင်း ဒေသကြီးမှ (၂၄၀၀) အိတ်ခန့်၊  ပဲခူးတိုင်းဒေသကြီးမှ (၂၁၀၀) အိတ်ခန့်၊ စုစုပေါင်း (၄၅၀၀) အိတ်ခန့်၊ တန်ချိန်အားဖြင့် (၂၁၆) တန်ခန့်စီးဝင်ခဲ့ပြီး ယခုသြဂုတ်လ၏ နောက်ဆုံးအပတ်တွင် ရန်ကုန်တိုင်းဒေသကြီးမှ (၂၅၀၀) အိတ်ခန့်၊ ပဲခူးတိုင်းဒေသကြီးမှ (၂၂၀၀) အိတ်ခန့်၊ စုစုပေါင်း (၄၇၀၀) အိတ်ခန့်၊ တန်ချိန်အားဖြင့် (၂၂၅) တန်ခန့် စီးဝင်ခဲ့ပြီး သထုံခရိုင်အတွင်းသို့ ဆန်စီးဝင်မှုနှုန်းမှာ ယခင်တတိယအပတ်နှင့်နှိုင်းယှဥ်ပါက ပို၍စီးဝင်ခဲ့ပါသည်။

    သထုံခရိုင်အတွင်း၌ ယခုသြဂုတ်လ၏ နောက်ဆုံးအပတ်တွင် စပါး၊ ဆန်စျေးနှုန်းများမှာ စပါးတင်း (၁၀၀) လျှင် ဒေသပေါက်စျေး ကျားပျံဟိုတယ် (၃၀၀၀၀၀၀ိ/-) ခန့်၊ ပေါ်ဆန်းဝါ    (၂၆၀၀၀၀၀ိ/-)ခန့်၊ ကမာကြည် (၁၈၀၀၀၀၀ိ/-) ခန့်၊ ဧည့်မထ (၁၃၀၀၀၀၀ိ/-) ခန့်နှင့် (၂၄) ပြည် ဝင်ဆန် တစ်အိတ်လျှင် ကျားပျံဟိုတယ် (၁၂၀၀၀၀ိ/-) ခန့်၊ ပေါ်ဆန်းဝါ (၁၁၅၀၀၀ိ/-) ခန့်၊   ကမာကြည် (၇၀၀၀၀ိ/-) ခန့်၊ ဧည့်မထ (၅၅၀၀၀ိ/-) ခန့်ရှိပြီး ယခုအပတ်တွင် စပါး၊ ဆန် စျေးနှုန်းမှာ တည်ငြိမ်လျက်ရှိကြောင်း သိရှိရပါသည်။

DOCA (မွန်)

      ပြည်‌ထောင်စုနယ်မြေ၊ နေပြည်တော်အတွင်း နွေစပါးများ ရိတ်သိမ်းမှုများပြီးစီးမှုအနေအထားကိုတွေ့ရှိရပြီး၊ မိုးစပါးစိုက်ပျိုးမှုများတွင် မိုးကြို စိုက်ပျိုးထားရှိမှုများမှ အနှံထွက်ရှိလာမှုကိုတွေ့ရပါ သည်။ ပုဗ္ဗသီရိမြို့နယ်အတွင်းရှိ မိုးစပါးစိုက်ခင်းအချို့ စက်တင်ဘာလ၏ နောက်ဆုံးပတ်ခန့်တွင် ရိတ်သိမ်းလာမည်ဖြစ်ပါသည်။ဇေယျာသိရိမြို့နယ်တွင် မိုးစပါးစိုက်ပျိုးမှုရက်(90)စပါးမျိုးများသာ စိုက် ပျိုးနေမှုတွေရပြီး၊ မတ်ပဲအချိန်နောက်မကျစေရေးအတွက် မျိုးရွေးချယ်အသုံးပြုခဲ့သည်ဟုသိရပါသည်။ ‌ဒေသတွင်းစပါးကြိတ်ခွဲမှုများတွင် ယခင်နှစ်မိုးစပါး‌ဟောင်းများ ကြိတ်ခွဲနေမှုအများဆုံးတွေ့ရှိနေရပြီး၊ မနော သုခစပါးစျေးနှုန်း(14)ပိဿာတစ်တင်း (20000)ကျပ်ရှိနေပါသည်။မနောသုခ(စက်ကျ)တစ်အိတ် စျေးနှုန်းတွင်လည်း (67000)ကျပ်မှ (70000)ကျပ် အတွင်းစျေးနှုန်းဖြစ်ပေါ်နေမှုကို တွေ့ရပါသည်။ ဒေသတွင်းကြိတ်ခွဲမှုများမှ မိုးဆန်(အဟောင်း)နှင့် နွေဆန်(သစ်)များ မန္တ‌လေးတိုင်းတွင်းရှိ ‌စျေးကွက် များသို့ တင်ပို့မှုအနည်းငယ်ရှိခဲ့သည်ကို တွေ့ရပါသည်။ ရန်ကုန်တိုင်းနှင့် ပဲခူးတိုင်းဒေသကြီး တို့မှ ဧည့်မထဆန် မျိုးစုံဝင်ရောက်မှု ယခင်ထက် ပိုမိုလာခဲ့ပြီး၊ ‌စျေးနှုန်းအနေဖြင့် (1) အိတ်(70000)ကျပ် ခန့်ဝန်းကျင်ရှိနေပါသည်။

            ဒေသတွင်းစိုက်ပျိုးထွက်ရှိမှုများတွင် ဆီထွက်သီးနှံများ ထွက်ရှိမှုအများဆုံးတွေရှိနေရပြီး၊ နှမ်းရိတ်သိမ်းပြီးစီးမှု အနေအထားနှင့် မြေပဲနှင့်နေကြာ ဖြိုင်ဖြိုင်ထွက်ရှိနေဆဲကို တွေ့ရှိရပါသည်။ ဆီထွက်သီးနှံစျေးနှုန်းများတည်ငြိမ်မှုမရှိ၊ မန္တလေး‌စျေးကွက်တွင် ဖြစ်ပေါ်ပြောင်းလဲမှ အနေအထားများ အရဖြစ်ပေါ်ပြောင်းလဲမှုများခဲ့သည်ကို သိရှိရပါသည်။

DOCA (ပြည်ထောင်စုနယ်မြေ)

     ကယားပြည်နယ်၊ လွိုင်ကော်မြို့တွင် ၂၀၂၅ ခုနှစ်၊ ဩဂုတ်လ စတုတ္ထပတ်အတွင်းဖြစ်ပေါ် နေသော ပိုးသတ်ဆေး ဈေးနှုန်းများမှာ အာမိုစတား (ပိုးသတ်ဆေး) (250CC) (၂၃၀၀၀)ကျပ်၊ အာမိုစတား (ပိုးသတ်ဆေး) (500CC) (၄၁၀၀၀)ကျပ်၊ အာမိုစတား (ပိုးသတ်ဆေး) (1L) (၇၇၀၀၀)ကျပ်၊ ဇိုင်ကလုန်း (ပိုးသတ်ဆေး) (250CC) (၂၅၀၀၀)ကျပ်၊ Fire (ပိုးသတ်ဆေး) (250CC) (၂၅၀၀၀)ကျပ်၊ Fire (ပိုးသတ်ဆေး) (500CC) (၄၅၀၀၀)ကျပ်၊ အမ်ကာဘို (ပိုးသတ်ဆေး) (100CC) (၁၁၀၀၀)ကျပ်၊ တော်ပီဒို (ပိုးသတ်ဆေး) (250CC) (၂၅၀၀၀)ကျပ်၊ အင်ဖာနို (50g) (8500)ကျပ်၊ Double (ပိုးသတ်ဆေး) (100g) (၃၁၀၀၀)ကျပ်၊ ဇွန်းဘီ (ပိုးသတ်ဆေး) (100g) (၂၅၀၀၀)ကျပ်၊ ဘာဆူဝါ (မှိုဆေး) (500CC) (၃၅၀၀၀)ကျပ်၊ အာမိုဗီးနပ် (မှိုဆေး) (100CC) (၁၈၀၀၀)ကျပ်၊ အာမိုဘရောင်း (မှိုဆေး) (100g) (၁၁၀၀၀)ကျပ်၊ တော့ပါး (မှိုဆေး) (100g) (၁၁၀၀၀)ကျပ်၊ မန်ကိုမဂ် (မှိုဆေး) (1kg) (၃၂၀၀၀)ကျပ်၊ ဒိုက်ကိုဇက် (မှိုဆေး) (1kg) (၃၁၀၀၀)ကျပ်၊ အာမို(1) (အားဆေး) (500g) (၉၅၀၀)ကျပ်၊ Booster (အားဆေး) (500g) (၉၀၀၀)ကျပ်၊ မင်းမဟော်(1) (500CC) (၂၀၀၀၀)ကျပ်၊ ဆင်ဖြူ (အားဆေး) (1kg) (၈၀၀၀)ကျပ်၊ ဂလိုင်ဖောက် (ပေါင်းသတ်ဆေး)  (1L) (၂၅၀၀၀)ကျပ်၊ ပေါင်းတေလာ (ပေါင်းသတ်ဆေး)  (1L) (၂၅၀၀၀)ကျပ်၊ ပလိုင်မာ (ပေါင်းသတ်ဆေး)  (1L) (၃၅၀၀၀)ကျပ်၊ ပေါင်းဝေး (စပါးပေါင်းသတ်ဆေး)  (60g) ၁၀ထုပ် (၆၃၀၀၀)ကျပ်၊ ဗစ်ဘမ်း (စပါးပေါင်း သတ်ဆေး)  (6150g) ၅ထုပ် (၂၄၀၀၀)ကျပ်နှင့် နေကြာ (စပါးပေါင်းသတ်ဆေး)  (3kg) (၂၆၀၀၀)ကျပ်တို့ဖြင့် အရောင်းအဝယ်ဖြစ်လျှက်ရှိပါကြောင်း လွိုင်ကော်မြို့ပေါ်ရှိ ပိုးသတ်ဆေး အရောင်းဆိုင်မှ သိရှိရပါသည်။

DOCA(ကယား)