ပြည်တွင်းကုန်သွယ်မှုသတင်း

     တောင်ငူမြို့တွင် ဥစားကြက်မွေးမြူရေးခြံများ၊ ဘဲမွေးမြူရေးခြံများမှ ကြက်ဥ၊ ဘဲဥများရောင်းရသကဲ့သို့ တောင်ကြီး၊ ပြင်ဦးလွင်ဒေသများမှလည်း ကြက်ဥများဝင်ရောက်လျက်ရှိပါသည်။ ကြက်ဥမှာ တစ်လုံးလျှင် အသေး ၂၄၀ကျပ်၊ အလတ် ၂၆၀ကျပ်နှင့် အကြီး ၂၈၀ကျပ်ဖြင့် ယခင်လဝက်ခန့်အတိုင်း ဈေးနှုန်းတည်ငြိမ်နေပါသည်။

      ဘဲဥမှာ ယခင်နိုဝင်ဘာလ လဝက်ခန့်တွင် တစ်လုံးလျှင် အသေး ၂၆၀ကျပ်၊ အလတ် ၂၈၀ကျပ်နှင့် အကြီး ၃၀၀ကျပ်ရှိခဲ့ရာမှ ယခုဒီဇင်ဘာလ လဝက်တွင် အသေး ၂၈၀ကျပ်၊ အလတ် ၃၀၀ကျပ်နှင့် အကြီး ၃၂၀ကျပ်ဖြင့် ဈေးနှုန်းအနည်းငယ်မြင့်တက်လာခဲ့ပါသည်။

       ကြက်ဥ၊ ဘဲဥများမှာ အလွယ်တကူချက်ပြုတ်နိုင်သည့် ဟင်းလျာတစ်မျိုးဖြစ်သည့်အပြင် အာဟာရဓာတ်လည်းကြွယ်ဝခြင်း၊ အသားငါးများထက် ဈေးနှုန်းချိုသာခြင်းတို့ကြောင့် ရောင်းအားကောင်းလျက်ရှိကြောင်းသိရပါသည်။

DOCA(ပဲခူး)

    ပဲခူးတိုင်းဒေသကြီးအစိုးရအဖွဲ့၏ လမ်းညွှန်ချက်အရ တောင်ငူမြို့၊ ဘုရင့်နောင်ဈေးအနီးတွင် ကိုယ်တိုင်စိုက်ပျိုးမွေးမြူထုတ်လုပ်သူများတိုက်ရိုက်အရောင်းဈေးဖွင့်လှစ်၍ သားငါးနှင့် ဟင်းသီးဟင်းရွက်များကို သင့်တင့်သောဈေးနှုန်းဖြင့် ရောင်းချပေးလျက်ရှိရာ မည်သူမဆို လွတ်လပ်စွာလာရောက်ဝယ်ယူနိုင်ပါသည်။

     ၂၀၂၃ခုနှစ်၊ ဒီဇင်ဘာလ ၁၄ရက်နေ့တွင် မွေးမြူရေးထုတ်ကုန်လုပ်ငန်းရှင်များက ကြက်သားတစ်ပိဿာလျှင် ၉၀၀၀ကျပ်မှ ၁၀၀၀၀ကျပ်၊ ဝက်သားတစ်ပိဿာလျှင် ၁၄၀၀၀ကျပ်မှ ၁၅၀၀၀ကျပ်ဖြင့် ရောင်းချပေးလျက်ရှိပါသည်။

        တစ်နိုင်တစ်ပိုင်စိုက်ပျိုးသူများက သစ်သီးဝလံနှင့် ဟင်းသီးဟင်းရွက်များကို ရောင်းချပေးလျက်ရှိရာ ကျောက်ဖရုံသီးတစ်လုံးလျှင် ၁၀၀၀ကျပ်၊ ဘူးသီးတစ်လုံးလျှင် ၈၀၀ကျပ်၊ ခရမ်းသီး တစ်ပိဿာလျှင် ၁၀၀၀ကျပ်၊ ခရမ်းချဉ်သီးတစ်ပိဿာလျှင် ၃၀၀၀ကျပ်၊ ကုလားအော်သီး ၁၀ကျပ်သားလျှင် ၅၀၀ကျပ်၊ နံနံပင် ၁၀ကျပ်သားလျှင် ၄၀၀ကျပ်၊ ဂေါ်ဖီပန်းပွင့်တစ်ပွင့်လျှင် ၇၀၀ကျပ်၊ သင်္ဘောသီးတစ်လုံးလျှင် ၅၀၀ကျပ်မှ ၆၀၀ကျပ်အထိဈေးနှုန်းတို့ဖြင့် ရောင်းချပေးပါသည်။

      ထို့အတူ ရုံးပတီသီး၊ ပဲသီး၊ ကြက်ဟင်းခါးသီး၊ ပဲစောင်းလျားသီး၊ မုံလာရွက်၊ ကန်စွန်းရွက်၊ ကင်မွန်းချဉ်ရွက် စသည့်ဟင်းသီးဟင်းရွက်များကိုလည်းရောင်းချပေးလျက်ရှိရာ စိုက်ခင်းများမှ တိုက်ရိုက်လာရောက်ရောင်းချခြင်းဖြစ်သဖြင့် လတ်ဆတ်သည့်အပြင် ဈေးနှုန်းလည်းချိုသာသောကြောင့် ဝယ်ယူအားပေးလျက်ရှိကြောင်းနှင့် တိုက်ရိုက်အရောင်းဈေးသို့ သက်ဆိုင်ရာဌာနဆိုင်ရာများကကြီးကြပ်၍ လိုအပ်သည်များကို ကူညီဆောင်ရွက်ပေးခဲ့ကြောင်းသိရပါသည်။

DOCA(ပဲခူး)

    တောင်ငူမြို့၊ ညောင်ပင်လေးဈေးရှိ ဟင်းသီးဟင်းရွက်ဈေး၌ ယခု၂၀၂၃ခုနှစ်၊ ဒီဇင်ဘာလ ဒုတိယပတ်တွင် ငရုတ်သီးစိမ်း (မိုးထောင်သီး)မှာ တစ်ပိဿာလျှင် ၃၀၀၀ကျပ်မှ ၃၅၀၀ကျပ်၊ ငရုတ်သီးစိမ်း(ကုလားအော်သီးမှာ)  တစ်ပိဿာလျှင် ၆၀၀၀ကျပ်မှ ၆၅၀၀ကျပ်ဖြင့် ဈေးနှုန်းအနည်းငယ်တက်နေပြီး ငရုပ်သီးစိမ်း (ကျောက်စိမ်း)မှာ တစ်ပိဿာလျှင် ၂၅၀၀ကျပ်မှ ၃၀၀၀ကျပ်ဖြင့် ဈေးနှုန်းတည်ငြိမ်နေပါသည်။     

     ခရမ်းသီး (အဖြူ)မှာ တစ်ပိဿာလျှင် ၁၃၀၀ကျပ်မှ ၁၆၀၀ကျပ်၊ ခရမ်းသီး(အညို)မှာ  တစ်ပိဿာလျှင်  ၁၆၀၀ကျပ်မှ ၁၈၀၀ကျပ်၊ ဒေသသခွားသီးမှာ တစ်ပိဿာလျှင် ၈၀၀ကျပ်မှ ၁၀၀၀ကျပ်၊ ရှမ်းပြည်သခွားသီးမှာ တစ်ပိဿာလျှင် ၁၀၀၀ကျပ်မှ ၁၂၀၀ကျပ်၊ ခရမ်းချဉ်သီး (ရှမ်းပြည်သီး)မှာ တစ်ပိဿာလျှင် ၁၈၀၀ကျပ်မှ ၂၀၀၀ကျပ်ဖြင့် ဈေးနှုန်းအနည်းငယ်မြင့်တက်ခဲ့ပြီး ခရမ်းချဉ်သီး (ဒေသသီး)မှာ တစ်ပိဿာလျှင် ၃၈၀၀ကျပ်မှ ၄၀၀၀ကျပ်အထိဈေးနှုန်းဖြင့် ဈေးနှုန်းတည်ငြိမ်နေပါသည်။

      ဂေါ်ဖီမှာ တစ်ပိဿာလျှင် ၈၀၀ကျပ်မှ ၁၀၀၀ကျပ်၊ နံနံပင်မှာ တစ်ဆယ်ကျပ်သားလျှင် ၅၀၀ကျပ်၊ မုံလာဥဖြူမှာ တစ်ပိဿာလျှင် ၂၀၀၀ကျပ်မှ ၂၂၀၀ကျပ်ဖြင့် ဈေးနှုန်းအနည်းငယ်ကျဆင်းခဲ့ပြီး မုံလာဥနီမှာ တစ်ပိဿာလျှင် ၂၅၀၀ကျပ်မှ ၄၀၀၀ကျပ်၊ မုံလာဥဖြူမှာ တစ်ပိဿာလျှင် ၂၂၀၀ကျပ်မှ ၂၅၀၀ကျပ်၊ တစ်ပိဿာလျှင် ၁၈၀၀ကျပ်မှ ၂၃၀၀ကျပ်ဖြင့် ဈေးနှုန်းတည်ငြိမ်နေပါသည်။

      ကန်စွန်းရွက်မှာ တစ်စည်လျှင် ၂၀၀ကျပ်၊ ၁၀စည်းယူလျှင် ၁၈၀၀ကျပ်၊ ချဉ်ပေါင်ရွက်မှာ တစ်စည်းလျှင် ၁၀၀ကျပ်၊ ၁၀စည်းယူလျှင် ၇၀၀ကျပ်၊ ကင်မွန်းချဉ်ရွက်မှာ တစ်စည်းလျှင် ၃၀၀ကျပ်၊ ၂စည်းယူလျှင် ၅၀၀ကျပ်ရှိကြောင်း ညောင်လေးပင်ဈေးမှသိရှိရပါသည်။

DOCA(ပဲခူး)

   ပဲခူးတိုင်းဒေသကြီး၊ ပြည်မြို့နယ်ရှိ စည်ပင်သာယာဈေးကြီးတွင် ၂၀၂၃ခုနှစ်၊ နိုဝင်ဘာလ စတုတ္ထပတ်မှစတင်၍ ဈေးကွက်ထဲ၌ တစ်နှစ်တစ်ခါသာ ရာသီချိန်ပေါ်နေသော ငါးနုသန်းခြောက်များမှာ ဈေးကွက်တွင်ရောင်းချ၍ ဈေးကောင်းရနေကြောင်းသိရပါသည်။ ငါးနုသန်းခြောက် အဓိကဝင်ရောက်သည့်နေရာမှာ ရန်ကုန်ဘက်မှဝင်ရောက်လာပြီး တစ်ခါဝင်ရောက်လျှင် ပိဿာချိန် (၅၀)ခန့်ဝင်ရောက်လာသည်ကိုတွေ့ရပါသည်။ ငါးနုသန်းခြောက်မှာ ရှားပါးသဖြင့် ဝယ်ယူချင်သလောက် ဝယ်ယူ၍မရနိုင်ကြောင်းလည်းသိရပြီး ဝယ်လိုအားများ၍ ဈေးနှုန်းမှာ မြင့်တက်လာပါသည်။ ပြည်မြို့ဈေးများတွင်ရောင်းချသော ငါးနုခြောက်ဈေးမှ ာအကြီးတစ်ပိဿာလျှင် (၄၀၀၀၀) ကျပ်နှင့် အလတ်တစ်ပိဿာလျှင် (၃၅၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။

DOCA(ပဲခူး)

   ၂၀၂၃ခုနှစ်၊ ဒီဇင်ဘာလတွင် ပြည်မြို့ရှိဈေးများအတွင်းသို့ မုန့်လာဥများ လှိုင်လှိုင်ဝင်ရောက်လာပြီး ဝင်ရောက်လာသည့်ရွာများမှာ မှော်ဇာဘက်ရှိကျေးရွာများ၊ ပေါင်းတလည်ဘက်ရှိ ကျေးရွာများမှ နေ့စဉ်ဝင်ရောက်လာခဲ့ပါသည်။ မုန်လာဥမှာ ဆောင်းသီးနှံဖြစ်၍ ဆောင်းရာသီတွင် အထွက်လှိုင်လာသဖြင့် မုန်လာဥဈေးများမှ ာ(၅)လုံးပါအတွဲ တစ်တွဲလျှင် (၅၀၀)ကျပ်၊ အတွဲသေးတစ်တွဲလျှင် (၃၀၀)ကျပ်ဖြင့်ရောင်းချလျက်ရှိပါသည်။ မုန်လာဥ(အဖြူ)ပေါ်စအချိန်တွင် (၅)လုံးပါ အကြီးတစ်တွဲလျှင် (၈၀၀)ကျပ်၊ အ‌သေးတစ်တွဲလျှင် (၅၀၀)ကျပ်ဖြင့်ရောင်းချခဲ့ပြီး ယခုအချိန်တွင် အကြီးတစ်တွဲလျှင် (၃၀၀)ကျပ်၊ အသေးတစ်တွဲလျှင် (၂၀၀)ကျပ်ခန့်ဈေးနှုန်းများကျဆင်းလာခဲ့ပါသည်။ စားသုံးသူများအနေဖြင့်လည်း ရာသီပေါ်သီးနှံဖြစ်၍ ဝယ်ယူစားသုံးကြပါသည်။ မုန်လာဥစိုက်ပျိုးသူများအနေဖြင့်လည်း မုန်လာဥဖြူဈေးနှုန်းကျဆင်းသော်လည်း အထွက်လှိုင်လှိုင်ရှိသဖြင့် တွက်ချေကိုက်ကြောင်းသိရပါသည်။ ထွက်ရှိလာသောမုန်လာဥများကို ပြည်ဈေးကွက်တွင်သာမက ရန်ကုန်မြို့သို့လည်း တင်ပို့ရောင်းချကြကြောင်းသိရပါသည်။

DOCA(ပဲခူး)