ပြည်တွင်းကုန်သွယ်မှုသတင်း

        မန္တလေးတိုင်းဒေသကြီးသည် ဆီထွက်သီးနှံအဓိကစိုက်ပျိုးသည့် တိုင်းတစ်ခုဖြစ်ပြီး၊ ပြည်တွင်းစားဆီဖူလုံရေးနှင့် ပြည်ပပို့ကုန်ဖြစ်သည့် မြေပဲနှင့် နှမ်းသီးနှံများအား ရောင်းချသည့်အချက်အခြာ ကျသောဒေသတစ်ခုဖြစ်ပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် မြေပဲနှင့် နှမ်းသီးနှံပေါက်စျေးများအား ယခင်နှစ်နှင့် ယခုနှစ်ကာလတူ နှိုင်းယှဉ်ပါက အရောင်းအဝယ်ဖြစ်မှုအပေါ်မူတည်၍ စျေးအနည်းငယ်ကျဆင်းလျက်ရှိကြောင်း ကုန်သည်များ၏ပြောပြချက်အရ သိရှိရပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ်ဒီဇင်ဘာလနောက်ဆုံးပတ်အတွင်း ဖြစ်ပေါ်လျက်ရှိသည့် ပေါက်စျေးများမှာမြေပဲတစ်ပိဿာလျှင် S1 လုံးဆန် ၈၅၀၀ ကျပ်နှင့် ၈၈၀၀ကျပ်၊S1 ဆီဆန်  ၈၃၀၀ ကျပ် နှင့် ၈၆၀၀ကျပ်၊ Mတွဲလုံးဆန် ၈၅၀၀ ကျပ်နှင့် ၈၈၀၀ကျပ်၊ Mတွဲဆီဆန် ၈၄၀၀ ကျပ်နှင့် ၈၅၀၀ကျပ်၊ အနီလုံးဆန် ၈၂၀၀ ကျပ်နှင့် ၈၄၀၀ ကျပ်၊အနီဆီဆန် ၈၁၀၀ကျပ်နှင့် ၈၂၀၀ကျပ်၊ ပြန့်ဆီဆန် ၈၄၀၀ကျပ်နှင့် ၈၆၀၀ကျပ်၊ ပြန့်လုံး ဆန် ၈၆၀၀ကျပ် တို့ဖြစ်ကြောင်း သိရှိရပါသည်။ ယခင်နိုဝင်ဘာလကုန်ကာလတူ တစ်ပိဿာစျေးမှာ S1 လုံးဆန် ၈၀၀၀ ကျပ်နှင့် ၈၅၀၀ ကျပ်၊S1 ဆီဆန် ၇၅၀၀ကျပ်နှင့် ၇၇၀၀ ကျပ်၊Mတွဲလုံးဆန် ၈၁၀၀ ကျပ်နှင့် ၈၃၀၀ကျပ်၊ Mတွဲဆီဆန် ၇၅၀၀ ကျပ်နှင့် ၇၈၀၀ ကျပ်၊ အနီလုံးဆန် ၈၁၀၀ ကျပ်နှင့် ၈၃၀၀ ကျပ်၊ ပြန့်လုံးဆန် ၇၉၅၀ ကျပ်နှင့် ၈၀၀၀ကျပ်၊ ပြန့်ဆီဆန် ၇၅၅၀ ကျပ်နှင့် ၇၇၅၀ကျပ် တို့ဖြစ်ပြီး၊ ကာလတူပေါက်စျေးနှိုင်းယှဉ်ပါကမြေပဲဆန်စျေးမှာ တစ်ပိဿာလျှင် ၃၀၀ကျပ်နှင့်၉၀၀ကျပ်အတွင်း စျေးအနည်းငယ်မြင့်တက်သွားကြောင်း  သိရှိရပါသည်။

           ၂၀၂၅ ခုနှစ်ဒီဇင်ဘာလနောက်ဆုံးပတ်အတွင်း နှမ်းအမျိုးအစားအလိုက်ပေါက်စျေးများမှာ ၃တင်းဝင်အိတ်(၄၅ပိဿာပါ)တစ်အိတ်လျှင် နှမ်းဖြူ(ဂျပန်) ၂၈၅၀၀၀ကျပ်နှင့် ၂၉၀၀၀၀ကျပ်၊ နှမ်းဖြူ (ဗမာ)၂၇၀၀၀၀ကျပ်နှင့် ၂၇၅၀၀၀ကျပ်၊ နှမ်းညို ၂၆၇၀၀၀ ကျပ်နှင့် ၂၇၅၀၀၀ကျပ်၊ တစ်ပိဿာစျေးမှာ နှမ်းဖြူ (ဂျပန်) ၆၃၃၃ကျပ်နှင့် ၆၄၄၄ ကျပ်၊ နှမ်းဖြူ(ဗမာ)၆၀၀၀ကျပ်နှင့် ၆၁၁၁ကျပ်၊ နှမ်းညို ၅၉၃၃ကျပ်နှင့် ၆၁၁၁ကျပ် စျေးတို့ဖြစ်ပေါ်လျက်ရှိကြောင်း သိရပါသည်။ ယခင်နိုဝင်ဘာလကာလ တူပေါက်စျေးမှာ တစ်ပိဿာလျှင် နှမ်းဖြူ(ဂျပန်) ၆၀၀၀ကျပ်နှင့် ၆၂၂၂ကျပ်၊ နှမ်းဖြူ (ဗမာ) ၅၇၇၈ ကျပ် နှင့်၅၈၈၉ ကျပ်၊ နှမ်းညို ၅၈၈၉ကျပ်နှင့် ၆၁၁၁ ကျပ်တို့ ဖြစ်ပေါ်ခဲ့ပြီး၊ ကာလတူပေါက်စျေး နှိုင်းယှဉ်ပါက တစ်ပိဿာလျှင် နှမ်းဖြူ(ဂျပန်)နှင့်နှမ်းဖြူ(ဗမာ)စျေးမှာ ၂၂၂ ကျပ်အသီးသီး မြင့်တက်လျက်ရှိပြီး၊ နှမ်းညိုစျေးမှာ ငြိမ်နေကြောင်း သိရှိရပါသည်။

DOCA(မန္တလေး) 

               မြင်းခြံမြို့နယ်အတွင်းရှိ နဘူးအိုင်ကျေးရွာ၊ တလုပ်ကျေးရွာနှင့် လေးအိမ်တန်းကျေးရွာများတွင် သံပုရာသီးများကို စီးပွားဖြစ်စိုက်ပျိုးထားကြောင်း၊ အပင်ပြုစုပြီး ရေသွင်းစိုက်ပျိုး၍ မြေဩဇာကျွေးပါက နှစ်ပါတ်လည် အသီးထွက်နှုန်းကောင်းကြောင်း၊ စိုက်ခင်းများမှထွက်ရှိသော သံပုရာသီးများကို တောင်သူများကိုယ်တိုင် ‌အေးမြသီတာဈေးနှင့် စံပြဈေးများသို့ လာရောက်ရောင်းချကြောင်း၊ ၂၀၂၅ခုနှစ်၊ နိုဝင်ဘာလ၌ သံပုသီးကြီးစတစ်ပိဿာလျှင် (၅၀၀၀)ကျပ်၊ အလတ်စတစ်ပိဿာလျှင် (၃၀၀၀)ကျပ်၊ အသေးစတစ်ပိဿာလျှင် (၂၀၀၀)ကျပ်ခန့် ပေါက်ဈေးများဖြင့် ရောင်းချလျက်ရှိကြောင်း၊ ယခင်လနှင့်နှိုင်းယှဉ်ပါက ယခုလတွင် သံပုရာသီးအစစုံ တစ်ပိဿာလျှင် (၂၀၀၀-၂၅၀၀)ကျပ်ခန့် ဈေးနှုန်းများ ကျဆင်းခဲ့ကြောင်း၊ သံယိုသီးများ ဈေးကွက်၌ လှိုင်လှိုင်ပေါ်ထွက်လာပြီဖြစ်သောကြောင့် ဈေးနှုန်းများကျဆင်းလာသောကြောင်း၊ ဗီတာမင်စီ အပြည့်အဝပါသဖြင့် စားသုံးမှုများပြားကြောင်း၊ ဈေးကွက်နေအဖြင့် ဒေသတွင်းသုံးစွဲသလို ဖောက်သည်များလည်းပေးရကြောင်း၊ တောင်သာမြို့ သို့လည်းတင်ပို့ရောင်းချကြောင်း၊ စီးပွားဖြစ် စိုက်ပျိုးပါက မိသားစုစားဝတ်နေရေး အဆင်ပြေကြောင်း သံပုယိုစိုက်ဝောာင်သူတစ်ဦး၏ ပြောပြချက်အရသိရှိရသည်။

DOCA(မန္တလေး)  

                        မြင်းခြံမြို့နယ်ရှိ အေးမြသီတာဈေးတွင် စားဖိုဆောင်အုပ်စုဝင် သီးနှံမျိုးစုံရောင်း ချလျက်ရှိရာ ကြက်သွန်ဖြူသီးနှံများကိုလည်း ရှမ်းပြည်နယ်တောင်ပိုင်း၊ အောင်ပန်းမြို့တို့မှ မှာယူရောင်းချ ကြောင်းသိရှိရသည်။ ၂၀၂၅ ခုနှစ်၊ ဒီဇင်ဘာလ၌ ရောင်းချနေသော ကြက်သွန်ဖြူရှမ်းစအသေး တစ်ပိဿာလျှင် (၂၅၀၀)ကျပ်၊ ရှမ်းအလတ်စတစ်ပိဿာလျှင် (၄၀၀၀)ကျပ်၊ ရှမ်းအကြီး (ကြီးစ)တစ်ပိဿာလျှင် (၅၀၀၀)ကျပ်၊ ရှမ်းရှယ်စတစ်ပိဿာလျှင် (၆၅၀၀)ကျပ်၊ ကြက်သွန်ဖြူ (ဗမာ)တစ်ပိဿာလျှင် (၇၀၀၀)ကျပ်၊ ကြက်သွန်ဖြူကြူကုတ် တစ်ပိဿာလျှင် (၁၈၀၀၀) ကျပ်ခန့် ပေါက်ဈေးများဖြင့် ရောင်းချလျက်ရှိကြောင်း၊ ယခင်လနှင့် နှိုင်းယှဉ်ပါက ယခုလတွင် ကြက်သွန်ဖြူ အစစုံ တစ်ပိဿာလျှင် (၁၀၀၀-၂၀၀၀)ကျပ်ခန့် ဈေးနှုန်းများ ကျဆင်းခဲ့ကြောင်း၊ ကျန်းမာရေး အတွက် ကိုယ်ခံအားပြည့်ဝစေပြီး စားသုံးသူများအနေဖြင့် ဟင်းလျာတိုင်းတွင် ထည့်သွင်းအသုံးပြု သောကြောင့် စားသုံးမှုများပြား၍ အရောင်းအဝယ်ကောင်းကြောင်း၊ ‌နေ့စဉ်ကုန်ချိန်ပိဿာ (၁၀၀-၂၀၀) ပိဿာခန့် ရောင်းချရကြောင်း ကုန်စိမ်းပွဲရုံများမှ သိရှိရသည်။

DOCA(မန္တလေး)  

                     မြင်းခြံမြို့၊ မြို့မစည်ပင်သာယာဈေး၊ အေးမြသီတာဈေးနှင့် စံပြဈေးများတွင် သစ်သီးမျိုး စုံရောင်းချလျက်ရှိသည့်အနက် ဗောက်သီးများကိုလည်း ရောင်းချလျက်ရှိကြောင်းသိရှိရသည်။ ဈေးကွက်၌ ရောင်းချသောဗောက်သီးများကို မန္တလေးမြို့ရှိသစ်သီးပွဲရုံများမှ မှာယူ၍ ဒေသတွင်း ရောင်းချကြောင်း၊ ၂၀၂၅ခုနှစ်၊ ဒီဇင်ဘာလ၌ ဗောက်သီး (၂၅)ကျပ်သားလျှင် (၅၅၀၀)ကျပ်၊ (၅၀)ကျပ်သားလျှင် (၁၀၅၀၀)ကျပ်၊ တစ်ပိဿာလျှင် (၂၀၀၀၀)ကျပ်ခန့် ပေါက်ဈေးများရှိကြောင်း၊ ဈေးကွက်၌ ရောင်းလိုအားနည်းပြီး ဝယ်လိုအားများသောကြောင့် ဈေးနှုန်းမြင့်တက်လျက်ရှိကြောင်း၊ ဗီတာမင်အေနှင့် စီကြွယ်ဝစွာပါဝင်သောကြောင့် မျက်စိအတွက် အားကောင်းစေသလို၊ အသား အရည် အတွက်ကောင်းမွန်ပြီး၊ ဗောက်သီး၏ အမျှင်ဓာတ်သည်ဆီးချိုကို ထိန်းညှိပေး ကြောင်းသိရှိရသည်။ဈေးကွက်၌ ဗောက်သီးများကို ဆေးဖက်ဝင်သောကြောင့် စားသုံးကြသလို အချိုပွဲများတွင် အသီးအနှံတစ်မျိုးအနေဖြင့်လည်း စားသုံးကြကြောင်း၊ သစ်သီးဆိုင်များ၌ ဗောက်သီးများကို တွင်တွင်ကျယ်ကျယ်ရောင်းချရကြောင်း သစ်သီးအရောင်းဆိုင်များမှ သိရှိရသည်။ ဗောက်သီးများကို မန္တလေးမြို့တို့မှမှာယူ၍ ‌ဒေသတွင်းရောင်းချကြောင်း သစ်သီးဆိုင်များမှ သိရှိရသည်။   

DOCA(မန္တလေး)                   

                 မြင်းခြံမြို့နယ်ရှိ အေးမြသီတာဈေးနှင့် စံပြဈေးများ၌ သီးနှံမျိုးစုံလက်လီလက်ကား ရောင်းချ လျက်ရှိရာ ဆောင်းဦးရာသီ၌ ပေါ်လေ့ရှိသောရာသီစာ ဘုတ်မခရမ်းသီးများကို ပခုက္ကူမြို့တို့ မှာယူ ရောင်းချကြောင်း၊ ၂၀၂၅ခုနှစ်၊ ဒီဇင်ဘာလ၌ ဘုတ်မခရမ်းသီးကြီးတစ်ပိဿာလျှင် (၄၅၀၀) ကျပ်၊ ဘုတ်မခရမ်းသီးအသေး တစ်ပိဿာလျှင် (၃၅၀၀)ကျပ်ခန့်ပေါက် ဈေးများဖြင့် ရောင်းချကြောင်း၊ ယခင်တစ်ပတ်နှင့် နှိုင်းယှဉ်ပါက ယခုတစ်ပတ်တွင် ဘုတ်မခရမ်းသီးအကြီး၊ အသေးတစ်ပိဿာလျှင် (၁၀၀၀)ကျပ်ခန့် ဈေးနှုန်းများကျဆင်းခဲ့ကြောင်း၊ ပခုက္ကူမြို့တို့မှထွက်ရှိသော ဘုတ်မခရမ်းသီးများ ဈေးကွက်၌ ပေါများစွာဝင်ရောက်လာသောကြောင့်ဈေးနှုန်းကျဆင်းလာကြောင်း၊ဘုတ်မခရမ်းသီးသည်လူကြိုက်များပြီးစားသုံးမှုများ၍ အရောင်းအဝယ်ကောင်းကြောင်း၊ နေ့စဉ် ကုန်ချိန်ပိဿာ (၃၀-၄၀)ခန့်ရောင်းချရကြောင်း ကုန်စိမ်းရောင်းချသူ၏ ပြောပြချက်အရသိရှိ ရသည်။ ယခုလို အညာဒေသ၌ ဘုတ်မခရမ်းသီးကို မီးကြီးရဲရဲတွင် မီးဖုတ်ပြီး၊ ကြက်သွန်ဖြူ၊ နီဆီချက်၊ မြေပဲထောင်းနှင့် နံနံပင်တို့ထည့်၍ သုတ်စားသောဘုတ်မခရမ်းသီး မီးဖုတ်သုတ်မှာ အထူးနာမည် ကြီးလှပေသည်။

DOCA(မန္တလေး)