ပြည်တွင်းကုန်သွယ်မှုသတင်း

                     ရန်ကုန်တိုင်းဒေသကြီး အလုံခရိုင်၊ စမ်းချောင်းမြို့နယ် ရှမ်းလမ်းဈေးအတွင်း အခြေခံ စားသောက်ကုန်များဖြစ်သော ဆန်အမျိုးအစားများအနက် ဧည့်မထ တစ်ပြည်လျှင် ကျပ်၂၅၀၀ မှ ၂၈၀၀ ထိ၊ ဇီယာတစ်ပြည်လျှင် ကျပ် ၃၃၀၀ မှ ၃၆၀၀ ထိ၊ ပေါ်ဆန်းတစ်ပြည်လျှင် ကျပ် ၅၂၀၀ မှ ၅၉၀၀ ထိလည်း ကောင်း၊ စားအုန်းဆီ တစ်ပိဿာလျှင် ကျပ် ၆၅၅၅ မှ ၆၇၅၅ မြေပဲဆီ တစ်ပိဿာလျှင် ကျပ် ၁၄၀၀၀ မှ ၁၆၀၀၀၊ ဟင်းသီးဟင်းရွက်ဈေးနှုန်းများမှာ ကန်စွန်းရွက်တစ်စီးလျှင် ကျပ် ၈၀၀ မှ ၁၀၀၀၊ ချဉ်ပေါင်ရွက် တစ်စီး ကျပ် ၃၀၀ မှ ၅၀၀၊ မုန့်ညှင်းတစ်စီး ကျပ် ၅၀၀ မှ ၇၀၀၊ ကိုက်လန်တစ်စီး ကျပ် ၁၅၀၀ မှ ၁၈၀၀၊ ဂေါ်ဖီ တစ်ထုပ်လျှင် ကျပ် ၃၃၀၀ မှ ၃၅၀၀၊ ပန်းဂေါ်ဖီတစ်ပွင့်လျှင် ကျပ် ၃၅၀၀ မှ ၄၀၀၀၊ ခရမ်းချဉ်သီး တစ်ပိဿာ ကျပ် ၆၀၀၀ မှ ၈၀၀၀၊ ဗူးသီးတစ်လုံး ကျပ် ၂၀၀၀ မှ ၃၅၀၀၊ အာလူး(တရုတ်)တစ်ပိဿာ ကျပ် ၅၅၀၀ မှ ၆၅၀၀၊ ကြက်သွန်ဖြူတစ်ပိဿာ ကျပ် ၁၅၀၀၀ မှ ၂၀၀၀၀၊ ကြက်သွန်နီ တစ်ပိဿာ ကျပ် ၂၀၀၀ မှ ၂၂၀၀၊ ဂျင်း တစ်ပိဿာ ကျပ် ၃၀၀၀ မှ ၃၅၀၀၊ ကုလားပဲတစ်ပိဿာလျှင် ကျပ် ၆၀၀၀ မှ ၈၀၀၀၊ မွေးမြူရေးကြက် တစ်ပိဿာလျှင် ကျပ် ၂၀၀၀၀ မှ ၂၅၀၀၀၊ ဝက်သားတစ်ပိဿာလျှင် ကျပ် ၃၅၀၀၀၊ ဆိတ်သားတစ် ပိဿာလျှင် ကျပ် ၄၀၀၀၀ မှ ၅၀၀၀၀၊ ငါးကြင်းတစ်ပိဿာ ကျပ် ၂၅၀၀၀ မှ ၃၀၀၀၀၊ ပုဇွန်ထုပ်သေး တစ်ပိဿာလျှင် ကျပ် ၃၅၀၀၀ မှ ၄၀၀၀၀၊ ငါးခူတစ်ပိဿာလျှင် ကျပ် ၃၀၀၀၀ မှ ၃၅၀၀၀၊ ငါးရံ့တစ်ပိဿာ  ကျပ် ၃၀၀၀၀ မှ ၃၅၀၀၀ တို့ဖြစ်ပြီး ကြက်ဥတစ်လုံးလျှင် ကျပ် ၃၆၅၊ ဘဲဥတစ်လုံး ကျပ် ၅၀၀ မှ ၆၀၀ တို့ဖြင့် အရောင်းအဝယ် ဖြစ်လျှက်ရှိကြောင်း သိရှိရပါသည်။

DOCA(ရန်ကုန်)

         မြင်းခြံမြို့ အေးမြသီတာဈေးတွင် ကုန်စိမ်းသီးနှံ၊ ငါးပိငါးခြောက်၊ သားငါး၊ ကုန်ခြောက်များ အစုံအလင်ရောင်းချသော ဈေးဖြစ်ပါသည်။  မျှစ်သည် ဗီတာမင်၊ သတ္တုဓာတ်များစွာပါဝင်သည့်အတွက် မျှစ်သည် ခန္ဓာကိုယ်အတွင်းရှိ အဆိပ်များကို ပြေစေနိုင်ကြောင်း၊ မျှစ်ကိုရေရှည်စားသုံးပေးပါက နုပျိုပြီးအသက်ပိုရှည်နိုင်ကြောင်း၊ ပိုတက်ဆီယမ်ဓာတ်မှလည်း သွေးတိုးကို လျှော့ချပေးနိုင်သောကြောင့် စားသုံးမှုများပြားကြကြောင်း သိရသည်။ မြင်းခြံမြို့ ရောင်းချသောမျှစ်များသည် မကွေးမြို့မှ ဝယ်ယူရောင်းချကြောင်း၊ မျှစ်ချဉ်ကို ဝက်သား၊ ကြက်သား၊ ငါးတို့ဖြင့် ချက်၍သော်လည်းကောင်း၊ ချဉ်ရည်ဟင်းချက်၍လည်းကောင်း၊ မျှစ်ချိုကို နှမ်းလှော်ထောင်း၊ ကြက်သွန်ဖြူဆီချက်တို့ဖြင့် မျှစ်သုပ်၊ မျှစ်ထောင်း ပြုလုပ်၍လည်းကောင်း၊ အတို့အမြှပ်အဖြစ်လည်းကောင်း စားသောက်သုံးစွဲမှုများကြောင်းနှင့် ထမင်းဆိုင်၊ စားသောက်ဆိုင်များ ပေါများသောကြောင့် အရောင်းအဝယ် ပုံမှန်ဖြစ်ကြောင်း သိရသည်။ မျှစ်ချို၊ မျှစ်ပေါက်၊ မျှစ်ချဉ်၊ စသည့်ဖြင့် စုံလင်စွာရောင်းချပြီး မျှစ်ချို (၂၅)ကျပ်သားလျှင် (၂၀၀၀)ကျပ်၊ တစ်ပိဿာလျှင် (၇၀၀၀)ကျပ်၊ မျှစ်ပေါက် (၂၅) ကျပ်သားလျှင် (၁၀၀၀) ကျပ်၊ တစ်ပိဿာလျှင် (၄၀၀၀)ကျပ်၊ မျှစ်ချဉ် (၂၅)ကျပ် (၁၅၀၀) ကျပ်၊ တစ်ပိဿာလျှင် (၅၅၀၀)ကျပ်ဖြင့် ရောင်းချကြောင်း သိရှိရပါသည်။

DOCA(မန္တလေး)

               မုံရွာမြို့၊ ကျောက္ကာလမ်းဘေးတစ်လျောက်တွင် တွင်းမဒေသထွက် အုန်းသီးများ အဓိက ဝင်ရောက်လျက်ရှိပြီး အရောင်းအဝယ်ဖြစ်လျက်ရှိကြောင်း သိရှိရပါသည်။  အုန်းပင်ကို  အရွက်အလက်မှစ၍ အုန်းမြစ်အထိ လူသုံးကုန်ပစ္စည်းအမျိုးမျိုးလည်း ပြုလုပ်နိုင်ပါသည်။

          မုံရွာမြို့၊ ကျောက္ကာလမ်းဘေးတွင် နိုဝင်ဘာလ တတိယပတ်၌ ဖြစ်ပေါ်နေသော အုန်းသီးဈေးနှုန်းများမှာ အုန်းစိမ်းရေသောက် အုန်းသီး အနု/အရင့်၊  အကြီး/ အသေးပေါ်    မူတည်၍  အုန်းသီးတစ်လုံးလျှင် (၂၄၀၀)ကျပ်မှ (၃၆၀၀)ကျပ်အထိလည်း‌ကောင်း၊ ရှောက်ပန်းသီး တစ်လုံးလျှင် (၂၃၀၀)ကျပ်မှ (၂၈၀၀)ကျပ်ဖြင့်လည်းကောင်း မုံရွာမြို့၊ ကျောက္ကာလမ်း‌ဘေး တစ်လျောက်တွင်  ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

              ၂၀၂၅ ခုနှစ်၊ နိုဝင်ဘာလ တတိယပတ်တွင် မုံရွာမြို့၊ သာစည်ဈေးတွင် ရောင်းချ နေသော ဟင်းသီးဟင်းရွက်ဈေးနှုန်းများမှာ ရှောက်ရွက်အညွှန့်(၇)ညွှန့်ပါ (၁)စည်းလျှင်(၃၀၀) ကျပ်၊ (၃)စည်းလျှင်(၈၀၀)ကျပ်၊ ဖက်ဖယ်ရွက်(၁)စည်းလျှင် (၂၅၀/၄၀၀)ကျပ်၊ မြင်းခွာရွက်တစ်ပုံ လျှင်(၃၀၀/၆၀၀)ကျပ်၊ မုန့်ညှင်းရွက်တစ်စီးလျှင် (၃၅၀)ကျပ်၊ မုန့်ညှင်းရွက်(၂)စီးလျှင်  (၆၀၀) ကျပ်၊   ကန်ဇွန်းရွက်တစ်စီးလျှင် (၂၀၀)ကျပ်၊ (၃)စည်းလျှင် (၅၀၀)ကျပ်၊ ဂွေးတောက်ရွက် ပိဿာလျှင်(၂၆၀၀/၃၀၀၀)ကျပ်၊ ဖရုံညွန့်တစ်စည်းလျှင် (၂၀၀/၄၀၀)ကျပ်၊ ဘူးညွန်းတစ်စည်း လျှင် (၂၅၀/၃၀၀)ကျပ် ဈေးနှုန်းဖြင့် ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

           စစ်ကိုင်းတိုင်းဒေသကြီး၊ မုံရွာမြို့၊ မြသလ္လာဈေးနှင့် သံလမ်းဈေးတို့တွင် မုံရွာမြို့နယ် အတွင်းရှိ ကျေးရွာများ၊ မြို့ပေါ်ရပ်ကွက်များနှင့် ဒေသအသီးသီးမှ သံပုရာသီးများ လာရောက် ရောင်းချသည့်အတွက် ဈေးကွက်အတွင်း အရောင်းအဝယ်ဖြစ်လျက်ရှိကြောင်း သိရှိရပါသည်။

          နိုဝင်ဘာလ တတိယပတ်တွင် မုံရွာမြို့ မြသလ္လာဈေး၊ သံလမ်းဈေးနှင့် ရပ်ကွက် ဈေးတို့၌ သံပုရာသီးဈေးနှုန်းမှာ အရွယ်အစား အကြီး/အသေး အပေါ်မူတည်၍ တစ်လုံးလျှင် (၁၀ဝိ/-) ကျပ်မှ (၁၄)လုံးလျှင် (၁၀၀၀) ကျပ်ဖြင့်လည်းကောင်း ၊ ရှောက်သီး(အသေး) (၁)လုံး လျှင် (၄၀၀)ကျပ်နှင့် (အကြီး)(၁)လုံးလျှင်(၆၀၀) ကျပ်ထိ ရောင်းချလျက်ရှိကြောင်း ကုန်စိမ်း ရောင်းသူများထံမှ သိရှိရပါသည်။

DOCA(စစ်ကိုင်း)