ပြည်တွင်းကုန်သွယ်မှုသတင်း

     ကျွန်းလှမြို့ရှိ  ကုန်မျိုးစုံရောင်းဝယ်ရေးဆိုင်များတွင် ကုလားပဲဆံ နှင့် ပဲတီဆံများကို မန္တလေးမြို့မှ မှာယူရောင်းချ လျက်ရှိကြောင်း သိရှိရပါသည်။

    ၂၀၂၅ ခုနှစ်၊ ဇူလိုင်လ စတုတ္ထပတ်အတွင်း ကျွန်းလှမြို့ ကုန်မျိုးစုံရောင်းချသည့် ဆိုင်များတွင် ရောင်းချနေသော ကုလားပဲဆံ ဈေးနှုန်းများမှာ ကုလားပဲဆံ တစ်ပြည့်လျှင်(၈၈၀၀)ကျပ်၊ နို့ဆီဘူး (၄)ဘူးလျှင်(၄၄၀၀)ကျပ်နှင့် နို့ဆီ(၁)ဘူးလျှင်(၁၁၀၀)ကျပ်နှင့် ပဲတီဆံ တစ်ပြည်လျှင် (၈၈၀၀)ကျပ်၊ နို့ဆီဘူး(၄)ဘူးလျှင်(၄၄၀၀)ကျပ်နှင့် နို့ဆီဘူး(၁)ဘူးလျှင်(၁၁၀၀)ကျပ် ဈေးနှုန်းတို့ဖြင့် ရောင်းချ လျက်ရှိကြောင်း ကျွန်းလှမြို့ ကုန်မျိုးစုံရောင်းချနေသာ လုပ်ငန်းရှင်များထံမှ သတင်းရရှိပါသည်။

DOCA(စစ်ကိုင်း)

မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်ဒေသဖြစ်သောကြောင့် သီးနှံမျိုးစုံစိုက်ပျိုး ဖြစ်ထွန်းလျက်ရှိရာ ၎င်းသီးနှံများအနက် ငရုတ်သီးနှံကို ၂၀၂၅-၂၀၂၆ ဘဏ္ဍာနှစ်တွင် စဉ့်ကိုင်မြို့နယ်တွင် (၁၅၈၄) ဧကစိုက်ပျိုးခဲ့ပြီး(၁၀၁၄) ဧကရိတ်သိမ်းပြီးစီးပြီ ဖြစ်ကြောင်း သက်ဆိုင်ရာဌာန၏ စာရင်းများအရသိရှိရသည် ။ ငရုတ်မျိုးများ အနေဖြင့် သာမို ၊ ဒီမွန် ၊ အက်စတာ၊ ၆၉၂၊ ကျားခေါင်း ငရုတ်မျိုးများကိုစိုက်ပျိုးကြပြီး ၎င်းမျိုးများအနက် ၆၉၂ ငရုတ်မျိုး များကို နိုဝင်ဘာနှင့် ဒီဇင်ဘာလများတွင်စိုက်ပျိုးကြကြောင်း ယခုအချိန်တွင် လှိုင်လှိုင်ထွက်ရှိနေပြီ ဖြစ်ကြောင်း သိရှိရသည်။ တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် (၁၅၀၀၀၀၀)ကျပ်ခန့် ကုန်ကျကြောင်း၊ အထွက်နှုန်းအနေဖြင့်(၄၀၀-၄၅၀)ပိဿာခန့်ထွက်ရှိကြောင်း၊ငရုတ်သီးဈေးနှုန်းအနေဖြင့် ငရုတ်သီးအစို တစ်ပိဿာလျှင် (၄၀၀၀)ကျပ် ၊ ငရုတ်သီးခြောက် အညှာပါတစ်ပိဿာလျှင်(၉၀၀၀)ကျပ်၊ ငရုတ်သီး ခြောက်အညှာခြွေ တစ်ပိဿာလျှင်(၁၀၀၀၀)ကျပ်၊ ဈေးနှုန်းများဖြင့် အရောင်းအဝယ်ဖြစ်နေကြောင်း၊ (၁)ဧက ကကျိုးအမြတ်အနေဖြင့်(၂၁၀၀၀၀၀/-) ကျပ်ဝန်းကျင်မြတ်ကြောင်း ၊ ငရုတ်ပွဲစားများမှ စိုက်ခင်းအထိလာရောက်ဝယ်ယူကြကြောင်း ၊  ပွဲစားများမှတစ်ဆင့် မန္တလေး ၊ ရန်ကုန်မြို့များသို့ တင်ပို့ရောင်းချကြကြောင်း ၊ ငရုတ်စိုက်ပျိုးခြင်း ဖြင့် အပိုဝင်ငွေရရှိသည့်အပြင် မိသားစု စားဝတ်နေရေးပါ ပြေလည်သည့်အတွက် ပိုမိုတိုးချဲ့စိုက်ပျိုး သင့်ပါကြောင်း ငရုတ်စိုက်ပျိုးသော တောင်သူတစ်ဦး၏ ပြောကြားချက်အရ သိရှိရပါသည်။

DOCA(မန္တလေး)

    ကျွန်းလှမြို့ရှိ ပိတောက်မြိုင်ဈေး နှင့် သစ်ရာမြိုင်ဈေးများတွင် အသား/ငါးနှင့် အခြားစား‌သောက် ကုန်ပစ္စည်းများ၊ လူသုံး ကုန်ပစ္စည်းများကို ရောင်းချလျက်ရှိရာ အသား/ငါး ဈေးနှုန်းများထဲမှ ကြက်သား ဈေးနှုန်းသည်လည်း မြင့်တက်လျက်ရှိပါသည်။

     ဒေသတွင်းနှင့် ရွှေဘိုမြို့တို့မှ ဖောက်သည်ဝယ်ယူ၍ မွေးမြူးရေးကြက်နှင့် ဗမာကြက်ဟူ၍ နှစ်မျိုးရောင်းချလျက်ရှိရာ  ကြက်သားဈေးနှုန်းများမှာ ဇူလိုင်လ စတုတ္ထပတ် မွေးမြူရေးကြက် သားဈေးနှုန်း တစ်ပိဿာလျှင် (၂၅၀၀၀)ကျပ်၊ ဗမာကြက်သား ဈေးနှုန်း တစ်ပိဿာလျှင်(၃၃၀၀၀)ကျပ်၊ ကြက်မြစ် ကြက်သဲ တစ်ပိဿာလျှင်(၂၅၀၀၀)ကျပ် နှင့် ကြက်အရိုး အစုံဖြစ်သည့် လည်ပင်းရိုး၊ တောင်ပံရိုး၊ ခြေထောက်ရိုး တို့၏ ဈေးနှုန်းအနေဖြင့်  တစ်ပိဿာလျှင်(၁၈၀၀၀)ကျပ် ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်း၊ ကြက်သားကို ထမင်းဆိုင်များ၊ စားသောက်ဆိုင်များနှင် အကင်ဆိုင်များမှ အများဆုံး အသုံးပြုကြသည့်အတွက် ရောင်းအားကောင်းလျက် ရှိကြောင်း  ကြက်သားသည် ထံမှ သိရပါသည်။

DOCA(စစ်ကိုင်း)

    မြင်းခြံကုန်စည်ဒိုင်တွင် နေ့စဉ်အရောင်းအဝယ်ဖြစ်ပေါ်လျှက်ရှိသောပဲမျိုးစုံ ဈေးနှုန်း များမှာ ယခုဇူလိုင်လတတိယပတ်တွင် ဖြစ်ပေါ်နေသော ပဲမျိုးစုံဈေးနှုန်းများအနေဖြင့် ပဲစဉ်းငုံ တစ်ပိဿာလျှင်(၄၃၅၀)ကျပ်၊ ကုလားပဲ(929)တစ်ပိဿာလျှင်(၄၄၅၀)ကျပ်၊ ကုလားပဲဖြူလုံး ကြီး တစ်ပိဿာလျှင်(၄၅၅၀)ကျပ်၊ ပဲပုတ်(ဗမာ)တစ်ပိဿာလျှင် (၇၃၀၀)ကျပ်၊ မတ်ပဲ တစ်ပိဿာလျှင်(၂၀၀၀-၃၀၀၀)ကျပ်၊ ပဲဇီးကွက်တစ်ပိဿလျှင်(၄၅၀၀)ကျပ် ၊ပဲတီစိမ်းတစ်ပိ ဿာလျင်(၃၀၀၀-၅၀၀၀)ကျပ်၊ထောဖြူတစ်ပိဿာလျှင် (၃၈၀၀)ကျပ်၊ ပဲဘိစပ်တစ်ပိဿာ လျှင် (၁၇၅၀) ကျပ်တို့ဖြင့် အရောင်းအဝယ်ဖြစ်ပေါ်လျက်ရှိကြောင်းသိရသည်။

DOCA(မန္တလေး)

   မြင်းခြံမြို့နယ်အတွင်းရှိ ရပ်ကွက်နှင့် ကျေးရွာများ၌ မိသားစုတစ်နိုင်တစ်ပိုင် စားဝတ် နေရေးအတွက် MSME လုပ်ငန်းဖြစ်သော တို့ဟူးစိမ်းထုတ်လုပ်မှု လုပ်ငန်းများ လုပ်ကိုင်ကြကြောင်း သိရှိရသည်။ တို့ဟူး ကျိုချက်ရာတွင် ပဲစိမ်းမှုန့်ကို အသုံးပြုကြောင်း၊ ပဲစိမ်းမှုန့်တစ်ဆ၊ ရေနှစ်ဆရောစပ်၍ ပဲစိမ်းမှုန့် အလုံးအခဲလေးတွေ   မကျန်အောင် သေချာဖျော်ထားပြီး နာရီဝက်လောက်ခဏထားကြောင်း ၎င်းနောက် တို့ဟူးကျိုမည့်အိုးထဲသို့ ဇကာလေးနဲ့စစ်ထည့်ပြီး နနွင်းမှုံ၊ ဆား၊ ဆီအနည်းငယ် ထည့်ပြီး မီးအနေ တော်ဖြင့်ကျိုရကြောင်း၊ စကျိုသည့်အချိန်မှစ၍ နှစ်မိနစ်ခန့်ကြာလျှင် အလုံးအခဲလေးတွေ စဖြစ်လာပါက အဆက်မပြတ်မွှေပေးရကြောင်း၊ စကျိုသည့်အချိန်မှစ၍ ဆယ်မိနစ် ခန့်ကြာလျှင် ကြွက်မြီးတန်းလာပါက မီးဖိုပေါ်မှချရကြောင်း၊ ထို့နောက် အဆင်သင့်ဆီသုပ်ထားတဲ့ လင်ပန်း (သို့)ခွက်တစ်ခုထဲသို့ လောင်းထည့်ပြီး မျက်နှာပြင်ကိုညီအောင် ဆီသုတ်ထားသည့်ဇွန်းနှင့်ညှိ ပေးရကြောင်း၊ ပြီးနောက် သုံးနာရီ အအေးခံထားပြီးပါက တို့ဟူးစိမ်းများရရှိ၍ ဈေးကွက် သို့ရောင်းချကြောင်း၊ မြင်းခြံမြို့ အေးမြသီတာ ဈေးတွင် ၂၀၂‌၅ခုနှစ်၊ ဇူလိုင်လစတုတ္ထပတ်၌ ရောင်းချနေသော တို့ဟူးစိမ်းလက်လီ၂၅ကျပ်သားလျှင် (၁၅၀၀)ကျပ်၊ လက်ကား တစ်ပိဿာ လျှင်(၅၅၀၀) ကျပ် ပေါက်ဈေးများဖြင့် ရောင်းချကြောင်း၊ နေ့စဉ်တို့ဟူးစိမ်း အချိန် (၇-၁၀) ပိဿာခန့်ရောင်း ကုန်ကြောင်း၊ စားသုံးမှုများပြီး လူကြိုက်များကြောင်း၊ ဝါတွင်းကာလလဲဖြစ်ပြီး သတ်သတ်လွတ်သမားများ လည်းစားသုံးကြသောကြောင့် အရောင်းအဝယ် ကောင်းကြောင်း တို့ဟူးစိမ်းရောင်းချသူ၏ ပြောပြချက်အရသိရှိရသည်။

DOCA(မန္တလေး)