ပြည်တွင်းကုန်သွယ်မှုသတင်း

                စစ်ကိုင်းတိုင်းဒေသကြီး၊ မုံရွာမြို့နယ်ရှိ ကျေးရွာများတွင် ရာသီပေါ်ခြံထွက်သီးနှံများ နှစ်ရှည်သီးနှံပင်များနှင့် စားသောက်ကုန်များ အများအပြား စိုက်ပျိုးရောင်းဝယ်လျက်ရှိသည်။ စိုက်ပျိုးရရှိသော သင်္ဘောသီးများနှင့် ဂွေးချိုသီးများကို မုံရွာမြို့ပေါ်ရှိ မန်ကျဉ်းပင်ဈေးနှင့် သာစည်ဈေးတို့တွင် လာရောက်ရောင်းချကြကြောင်း သိရှိပါသည်။

          ဒီဇင်ဘာလ တတိယပတ်တွင် မန်ကျဉ်းပင်ဈေးနှင့် သာစည်ဈေးတို့တွင် သင်္ဘောသီး အစိမ်းတစ်လုံးလျှင် (၆၀၀/၁၈၀၀) ကျပ်နှင့် အမှည့်တစ်လုံးလျှင် (၂၈၀၀/၄၅၀၀) ကျပ်၊  ဂွေးချိုသီး (၈)လုံးပါ တစ်ထုပ်လျှင် (၄၀၀)ကျပ်ဖြင့် ရောင်းလျက်ရှိကြောင်း သိရှိရပါသည်။

DOCA(စစ်ကိုင်း)

        စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ ကျေးရွာများတွင် စိုက်ပျိုးရေးလုပ်ငန်းကို လုပ်ကိုင်စားသောက်ကြရာမှ စားဖိုဆောင်သီးနှံဖြစ်သည့် ခဝဲသီးများနှင့် ကြောင်လျှာသီးပင်များကိုလည်း တစ်နိုင်တစ်ပိုင်စိုက်ပျိုးလျက်ရှိပြီး မုံရွာမြို့၊ သာစည်ဈေးတွင် လာရောက်ရောင်းချ လျက်ရှိကြောင်း သိရပါသည်။

       ၂၀၂၅ ခုနှစ်၊ ဒီဇင်ဘာလ တတိယပတ်တွင် မုံရွာမြို့၊ သာစည်ဈေးတွင် ခဝဲသီးဈေးနှုန်းများမှာ လက်ကား တစ်ပိဿာလျှင် (၂၃၀၀/-) ကျပ်၊ လက်လီတစ်ပိဿာလျှင် (၂၅၀၀/-) ကျပ် ဖြင့်လည်းကောင်း၊ ကြောင်လျှာသီးအကြီး တစ်တောင့်လျှင် (၁၃၀၀)ကျပ်၊ အသေးတစ်တောင့် လျှင် (၈၀၀)ကျပ်နှုန်းတို့ဖြင့် ရောင်းချလျက်ရှိကြောင်း ကုန်စိမ်းရောင်းသူများထံမှ သိရှိရပါသည်။

DOCA(စစ်ကိုင်း)

             စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် ရာသီပေါ်သီးနှံများဖြစ်သည့် ခရမ်းသီး၊ ဘူးသီး၊ ငရုတ်သီး၊ ပဲသီး၊ ရုံးပတီသီး၊ သခွားသီးများကို တစ်နိုင်တစ်ပိုင် စိုက်ပျိုးလုပ်ကိုင်လျက်ရှိကြပါသည်။ စိုက်ပျိုးထွက်ရှိသော ရာသီပေါ်သီးနှံဖြစ်သည့် ခရမ်းသီးနှင့် ဘူးသီးများကို သာစည်ဈေးနှင့် ရပ်ကွက်ဈေးငယ်များတွင် ရောင်းချလျက်ရှိကြောင်း သိရပါသည်။

          ၂၀၂၅ ခုနှစ်၊ ဒီဇင်ဘာလ တတိယပတ်တွင်  သာစည်ဈေးတွင် ဖြစ်ပေါ်နေသော ခရမ်းသီးဈေးနှုန်းများမှာ ခရမ်းသီးလက္ကား တစ်ပိဿာလျှင်(၃၀၀၀)ကျပ်၊ လက်လီ တစ်ပိဿာ လျှင် (၃၄၀၀) ကျပ်၊ ဘူးသီးဈေးနှုန်းမှာ ဘူးသီးအသေး(၁)လုံးလျှင် (၇၀၀)ကျပ်၊ အလတ် (၁)လုံးလျှင် (၁၅၀၀)ကျပ်နှင့် အကြီး(၁)လုံးလျှင် (၂၇၀၀)ကျပ်ဖြင့် ရောင်းချလျက်ရှိကြောင်း ကုန်စိမ်းရောင်းချသူများထံမှ  သိရှိရပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ ကျေးရွာများတွင် စိုက်ပျိုးရေးကို အဓိကလုပ်ကိုင်လျက်ရှိပြီး စားဖိုဆောင်သီးနှံဖြစ်သည့်  ဖက်ဖယ်ရွက်၊ ဆူးပုတ်ကြီးရွက်နှင့် ကင်ပွန်းချဉ်ရွက်များကို အဓိကစိုက်ပျိုးလျက်ရှိပြီး မုံရွာမြို့၊ သံလမ်းဈေးတွင် လာရောက်ရောင်းချလျက်ရှိကြောင်း သိရှိရပါသည်။ 

          ၂၀၂၅ ခုနှစ်၊ ဒီဇင်ဘာလ တတိယပတ်တွင်  သံလမ်းဈေးတွင် ဖြစ်ပေါ်နေသော  ဖက်ဖယ်ရွက်ဈေးနှုန်းမှာ တစ်စည်းလျှင် (၃၅၀)ကျပ်မှ (၂)စည်းလျှင်(၆၀၀)ကျပ်၊ ဆူးပုတ်ကြီးရွက်ဈေးနှုန်းမှာ တစ်စည်းလျှင် (၅၀၀)ကျပ်နှင့်  ကင်းပွန်းချဉ်ရွက်ဈေးနှုန်းမှာ တစ်စည်းလျှင်(၄၀၀) (၃)စည်းလျှင် (၁၀၀၀)ကျပ်ဖြင့် ရောင်းချလျက်ရှိကြောင်း  သိရှိရပါသည်။

DOCA(စစ်ကိုင်း)

       မြင်းခြံမြို့၊ မြို့မစည်ပင်သာယာဈေး၊ အေးမြသီတာဈေးနှင့် စံပြဈေးများတွင် စားဖိုဆောင် အုပ်စုဝင် ရာသီပေါ်ဟင်းသီးဟင်းရွက်မျိုးစုံ ရောင်းချလျက်ရှိရာ ကိုက်လန်အရွက် များကိုလည်း ရောင်းချလျက်ရှိသည်။ ၂၀၂၅ခုနှစ်၊ ဒီဇင်ဘာလ၌ ကိုက်လန်ရွက်တစ်စည်းလျှင် (၅၀၀) ကျပ်၊ ဆယ်စည်းလျှင် (၄၅၀၀) ကျပ်ခန့်၊  ပေါက်ဈေးများဖြင့် အရောင်းအဝယ်ဖြစ်လျက်ရှိကြောင်း၊ ယခင်လနှင့် နှိုင်းယှဉ်ပါက ယခုလတွင် ကိုက်လန်တစ်စည်းလျှင်(၁၅၀)ကျပ်၊ ဆယ်စည်းလျှင်(၁၀၀၀) ကျပ်ခန့်  ဈေးနှုန်းများကျဆင်းခဲ့ကြောင်း၊ အညာဒေသ၌ စိုက်ပျိုးထွက်ပေါ်သော ဆောင်းစိုက် ကိုက်လန်ရွက်များ ဈေးကွက်၌ လှိုင်လှိုင်ထွက်ပေါ်လာပြီ ဖြစ်သောကြောင့် ဈေးနှုန်းများ ကျဆင်းလာ ကြောင်း၊ စိုက်ပျိုးသောကျေးရွာများမှာ ပတ္တာကျေးရွာ၊ ဂေါင်းကွဲကျေးရွာ၊ သဲဖြူဝ ကျေးရွာနှင့် ဒါးကျွန်း‌ကျေးရွာတို့၌ စိုက်ပျိုးထားရှိကြောင်း၊ ဈေးကွက်လိုအပ်ချက်အရ လိုအပ်ပါက ရှမ်းပြည်နယ် တောင်ပိုင်း ‌အောင်ပန်းမြိုတို့မှ လည်းတင်သွင်း‌ရောင်းချရကြောင်း၊ ထိုကိုက်လန်များသည် ‌ဒေသထွက် ကိုက်လန်များထက် ဈေးအနည်းငယ်မြင့်ကြောင်း၊ ရာသီစာကိုက် လန်ရွက်များအား စားသုံးမှုများ၍ နေ့စဉ်ကိုက်လန်ရွက်အစည်း (၂၀၀-၃၀၀) စည်းခန့်ရောင်းချရကြောင်း ကုန်စိမ်းရောင်းချသူများထံမှ သိရှိရသည်။

DOCA(မန္တလေး)