ပြည်တွင်းကုန်သွယ်မှုသတင်း

           မန္တလေးပဲမျိုးစုံစျေးကွက်အတွင်း ကုလားပဲသီးနှံမှာ ပြည်တွင်းစားသုံးမှုများပြားပြီး၊ပြည်ပသို့ တင်ပို့သည့် ပဲတစ်မျိုးဖြစ်ပါတယ်။ မန္တလေးတိုင်းဒေသကြီးအတွင်း ကုလားပဲသီးနှံအပါအဝင် ပဲမျိုးစုံ အများအပြားစိုက်ပျိုးလျက်ရှိပြီး၊ ၂၀၂၄-၂၀၂၅ ခုနှစ်တွင် ပဲမျိုးစုံစိုက်ပျိုးမှု(၁၀၁၉၄၇၇)ဧကဖြစ် ကြောင်း သိရပါတယ်။ ပြည်တွင်း၌ ကုလားပဲကို ပုံစံအမျိုးမျိုးဖြင့် စားသုံးကြောင်း တွေ့ရှိရပြီး၊ ပဲလုံး၊ ပဲခွဲခြမ်း၊ပဲအစိမ်းမှုန့်၊အကြက်မှုန့်၊ပဲကြော်၊ ကုလားပဲသုံးစွဲသည့်စားသောက်ကုန်များ၊ ပဲပင်ပေါက်၊ ပဲဟင်းရည်၊အသားဖြင့်တွဲဖက်၍ ချက်စားခြင်း၊ ကြော်စား၊ နှပ်စား၊ အသုပ်၊ ကုလားပဲကြော်အား လက်ဖက်နှင့်တွဲဖက်၍ စားသုံးကြကြောင်း သိရပါတယ်။ ကုလားပဲသီးနှံမှာ အဟာရဓာတ်များစွာ ပါဝင်ပြီး၊အသားဓာတ်နှင့်ကစီဓာတ်တို့ ပါဝင်သည့်အတွက် သတ်သတ်လွတ်စားသုံးသူများမှ အသား အစားထိုးစားသုံးသင့်တဲ့ အစားအစာတစ်မျိုးဖြစ်ပါတယ်။ ဒေသအသီးသီးမှ ထွက်ရှိသည့်ပဲ၊ ပြောင်း၊ နှမ်းသီးနှံမျိုးစုံဝင်ရောက်လျက်ရှိသည့်မန္တလေးပွဲစား၊ကုန်သည်စက်ပိုင်များမဟာကထိန်တော်အသင်း တွင်၂၀၂၅ခုနှစ်ဖေဖော်ဝါရီလဒုတိယပတ်အတွင်း ဖြစ်ပေါ်လျက်ရှိသည့် အမျိုးအစားအလိုက်ပေါက် စျေးများမှာ ၃တင်းဝင်တစ်အိတ်လျှင် ကုလားပဲ(V-2) ၂၃၀၀၀၀ကျပ်၊ကုလားပဲ(V-7)၂၃၅၀၀၀ကျပ်၊ ကုလားပဲ(ထိုင်ဝမ်)၂၃၀၀၀၀ကျပ်၊ကုလားပဲ(929)၂၃၀၀၀၀ကျပ်၊တစ်ပိဿာပေါက်စျေးများမှာကုလားပဲ(V-2) ၄၀၁၇ကျပ်နှင့် (V-7)၄၁၀၅ကျပ်၊ကုလားပဲ(ထိုင်ဝမ်)၄၀၁၇ကျပ်၊ ကုလားပဲ(929) ၄၀၁၇ ကျပ် အသီးသီးဖြစ်ပေါ်လျက်ရှိပြီး၊ စျေးနှုန်းအနေဖြင့် ရက်အလိုက်အနည်းငယ်ပြောင်းလဲမှုရှိနိုင်ကြောင်း သိရပါတယ်။စျေးကွက်အတွင်း ၂၀၂၅ ခုနှစ်ဖေဖော်ဝါရီလဒုတိယပတ်တွင် ကုလားပဲမှာ အရောင်း သွက်သည့်ပဲတစ်မျိုးဖြစ်‌ကြောင်း ကုန်သည်တစ်ဦး၏ပြောပြချက်အရ သိရပါတယ်။ ကုလားပဲသီးနှံ မှာ တစ်နှစ်ပတ်လုံး ပြည်တွင်းစျေးကွက်တွင် သုံးစွဲမှုများပြားပြီး၊ပြည်ပတင်ပို့သည့် စျေးကွက်ဝင် ပဲတစ်မျိုးဖြစ်ကြောင်း  သိရပါတယ်။  

DOCA(မန္တလေး)

          ဖေဖော်ဝါရီလဒုတိယပတ်အတွင်း  မန္တလေးစျေးကွက်သို့ ပဲကြီးသီးနှံ(ပဲအစို)များ ဝင်ရောက်မှု များလျက်ရှိပြီး၊ပဲကြီးသီးနှံမှာ (အစို/အခြောက်)အရောင်းသွက်သည့် ပဲတစ်မျိုးဖြစ်ကြောင်း သိရ ပါတယ်။ပဲကြီးသီးနှံ(အစို)မှာစျေးကွက်အတွင်းဝင်ရောက်မှုများပြားသည့်အတွက် ဇန်နဝါရီလနောက် ဆုံးပတ်စျေးနှင့် ဖေဖော်ဝါရီလဒုတိယပတ်ပေါက်စျေးတို့ နှိုင်းယှဉ်ပါက စျေးအနည်းငယ်ကျသွား ကြောင်း သိရပါတယ်။ ပဲကြီးသီးနှံ(အစိုနှင့်အခြောက်)မှာ ပြည်တွင်းစားသုံးမှုများပြားသကဲ့သို့ ပြည်ပ တင်ပို့ရောင်းချသည့် စျေးကွက်ဝင်ပဲအမျိုးအစားဖြစ်ပါတယ်။ မန္တလေးတိုင်းဒေသကြီးသည် ပဲသီးနှံ မျိုးစုံစိုက်ပျိုးမှု များပြားသည့်တိုင်းတစ်ခုဖြစ်ပြီး၊ မန္တလေးစျေးကွက်အတွင်းသို့ ပြင်ဦးလွင်ခရိုင်၊ ကျောက်ဆည်ခရိုင်နှင့် မြင်းခြံ ခရိုင်တို့မှစိုက်ပျိုးထွက်ရှိသည့်ပဲကြီးသီးနှံများ၊ စစ်ကိုင်းတိုင်းဒေသကြီး နှင့်မကွေးတိုင်းဒေသကြီးတို့မှ  ထွက်ရှိသည့်ပဲကြီးသီးနှံများလည်း အများအပြားဝင်ရောက်ကြောင်း သိရပါတယ်။ ပြည်တွင်း၌ ပဲကြီးသီးနှံစားသုံးမှုမှာ ပဲကြီးနှပ်၊ပဲကြီးဟင်းချို၊ ပဲကြီးကြော်၊ ပဲကြီး လှော်သရေစာအဖြစ်အမျိုးမျိုး စားသုံးလျှက်ရှိပြီး၊လက်ဖက်နှင့်တွဲဖက်၍ စားသုံးသည့်ပဲအမျိုးအစား တစ်မျိုးဖြစ်ပါတယ်။မန္တလေးမြို့၊ ၄၁လမ်း၊ ကမ်းနားလမ်းစျေးနှင့် သီရိမာလာ(ပိုက်ကျုံးစျေး)ရှိ သီးနှံ ကုန်စိမ်းစျေးတို့တွင်  ပဲကြီးသီးနှံ(အစို)များကို (နို့ဆီဗူး ၁၁ဗူးပါ) အထုတ်များဖြင့် ရောင်းချလျက်ရှိ ကြောင်း သိရပါတယ်။ ပဲကြီး(အစို)ပေါက်စျေးအနေဖြင့် ၂၀၂၅ ခုနှစ်ဖေဖော်ဝါရီလဒုတိယပတ် အတွင်း လက္ကားစျေး တစ်ထုတ်(နို့ဆီဗူး ၁၁ ဗူးပါ)လျှင် ၇၀၀ဝိ/- နှင့် ၇၅၀ဝိ/- စေျး၊ လက်လီ စျေးတစ်ဗူးလျှင် ၁၀၀ဝိ/- နှင့် ၁၁၀ဝိ/-စျေးတို့ဖြင့် အသီးသီးရောင်းချလျက်ရှိပါတယ်။ မန္တလေးပွဲစား၊ ကုန်သည်၊ စက်ပိုင်များမဟာကထိန်တော်အသင်းတွင် ၂၀၂၅ ခုနှစ်ဖေဖော်ဝါရီလဒုတိယပတ်အတွင်း ဖြစ်ပေါ်လျက်ရှိသောပေါက်စျေးမှာ ၃တင်းဝင်တစ်အိတ်လျှင်ပဲကြီး(ကြီး)၂၇၅၀၀၀ ကျပ်နှင့် ၂၈၀၀၀၀ ကျပ်၊ပဲကြီး(လတ်) ၂၅၀၀၀၀ ကျပ်နှင့် ၂၆၀၀၀၀ ကျပ်၊ပဲကြီး(သေး)၂၂၀၀၀၀ ကျပ်နှင့် ၂၃၀၀၀၀ ကျပ်၊ တစ်ပိဿာပေါက်စျေးမှာ ပဲကြီး(ကြီး) ၄၉၇၇ ကျပ်နှင့် ၅၀၆၈ ကျပ်၊ ပဲကြီး(လတ်) ၄၅၂၅ ကျပ်နှင့် ၄၇၀၆ကျပ်၊ပဲကြီး(သေး) ၃၉၈၂ကျပ်နှင့် ၄၁၆၃ ကျပ်ဖြစ်ပြီး၊ဇန်နဝါရီလနောက်ဆုံးပတ်ပေါက်စျေးနှင့် နှိုင်းယှဉ်ပါက အနည်းငယ်စျေးကျသွားကြောင်း သိရပါတယ်။ပဲကြီးဝင်ရောက်မှုပမာဏပေါ်မူတည်၍ ရက်အလိုက်ပေါက်စျေးအနည်းငယ်ပြောင်းလဲမှုရှိကြောင်းသိရပါတယ်။ ပြည်တွင်း၌ ပဲကြီးသီးနှံမှာ အစိုနှင့်အခြောက် အမျိုးစားနှစ်မျိုးလုံးစားသုံးမှုများပြားပြီး၊ အရောင်း သွက်သည့်အမယ်ဖြစ်ကြောင်း သိရပါတယ်။ပဲကြီးသီးနှံမှာ ပြည်တွင်း စားသုံးမှုပမာဏ များပြားခြင်းနှင့်ပြည်ပတင်ပို့သည့်စျေးကွက် လိုအပ်ချက်များသည့်စျေးကောင်းရ ပဲသီးနှံအမျိုးအစား အမယ်ဖြစ်ကြောင်း သိရပါတယ်။

DOCA(မန္တလေး)

            မန္တလေးကုန်စိမ်းစျေးကွက်သို့ ၂၀၂၅ ခုနှစ် ဖေဖော်ဝါရီလဒုတိယပတ်အတွင်း ကုန်စိမ်းသီးနှံ မျိုးစုံအများအပြား  အဝင်များခြင်းကြောင့် စျေးနှုန်းများကျဆင်းလျက်ရှိရာ ပန်းဂေါ်ဖီစိမ်း စျေးမှာ   ဇန်နဝါရီလစျေးနှိုင်းယှဉ်ပါက  စျေးကွာခြားမှုရှိကြောင်း သိရှိရပါတယ်။ မန္တလေးဒေသပတ်ဝန်းကျင် ဖြစ်သည့်အမရပူရ၊ ပုသိမ်ကြီး၊ မတ္တရာ၊ ပြင်ဦးလွင်ဒေသများနှင့် ရှမ်းပြည်နယ် တောင်ပိုင်းဒေသ များမှ ထွက်ရှိသည့်ပန်းဂေါ်ဖီပွင့်ဖြူနှင့် ပန်းဂေါ်ဖီပွင့်စိမ်းများ စျေးကွက်အတွင်း ဝင်ရောက်မှုများ ကြောင်း တွေ့ရှိရပါတယ်။ စျေးကွက်အတွင်း ပန်းဂေါ်ဖီပွင့်ဖြူနှင့် ပန်းဂေါ်ဖီ ပွင့်စိမ်းမှာ အရောင်း သွက်သည့်ကုန်စိမ်းအမယ်များဖြစ်ပြီး၊ ပန်းဂေါ်ဖီစိမ်းမှာ နူးညံ့မှု ပိုသည့်အတွက် စျေးပိုရကြောင်း သိရှိရပါတယ်။ ပန်းဂေါ်ဖီစိမ်းသည် ကယ်လ်လိုရီနည်းသည့် ဟင်းသီးဟင်းရွက် အမယ်တစ်မျိုး ဖြစ်ပြီး၊ အမျှင်ဓါတ်၊သတ္တုဓါတ်နှင့်ဗီတာမင်များနှင့် Antioxidants များကြွယ်ဝခြင်း တို့ကြောင့် ကျန်းမာရေးအတွက်အကျိုးပြုသော ဟင်းသီးဟင်းရွက်တစ်မျိုးဖြစ်ပါတယ်။ ပန်းဂေါ်ဖီပွင့်စိမ်းမှာ မန္တလေးကုန်စိမ်း စျေးကွက်အတွင်း ဇန်နဝါရီလတွင် လက္ကားစျေး တစ်ခုလျှင် ၁၅၀ဝိ/-နှင့် ၁၆၀ဝိ/-စျေး၊လက်လီစျေးတစ်ခုလျှင် ၁၇၀ဝိ/-နှင့် ၁၈၀ဝိ/-စျေးတို့ဖြင့် ရောင်းချခဲ့ပြီး၊ ဖေဖော်ဝါရီလဒုတိယ ပတ်အတွင်း ပန်း‌ဂေါ်ဖီပွင့်စိမ်းလက္ကားစျေးမှာ တစ်ခုလျှင်  ၁၁၀ဝိ/-နှင့် ၁၂၀ဝိ/- စျေး၊လက်လီစျေးမှာ  ၁၃၀ဝိ/- နှင့် ၁၄၀ဝိ/-စျေးတို့ဖြင့် ရောင်းချလျက်ရှိရာ ဝင်ရောက်မှုများသည့်အတွက် ‌စျေးအနည်း ငယ်ကျသွားကြောင်း သိရှိရပါတယ်။ ပန်းပွင့်စိမ်းများမှာ အရွယ်အစားအလိုက်စျေးအနည်းငယ် ကွာခြားမှုများရှိပြီး၊အရောင်းသွက်လျှက်ရှိသည့်ဟင်းသီးဟင်းရွက်အမယ်တစ်မျိုးဖြစ်ကြောင်း  သိရှိရ ပါတယ်။ မန္တလေးကုန်စိမ်းရောင်းချသည့်သီရိမာလာစျေး(ပိုက်ကျုံးစျေး)တွင် ပန်း‌ဂေါ်ဖီဖြူနှင့် ပန်း ဂေါ်ဖီစိမ်း ကားဝင်ရောက်မှုမှာ နေ့စဉ်တစ်ရက်လျှင် Canter (၆) ဘီးကား (၈)စီးနှင့် (၁၀)စီး အကြား ဝင်ရောက်လျက်ရှိကြောင်း သိရှိရပါတယ်။

DOCA(မန္တလေး)

          မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်အတွင်းရှိကျေးရွာများသည် သီးနှံ မျိုးစုံကို ရာသီအလိုက်စိုက်ပျိုးလျက်ရှိရာ စားဖိုဆောင်သုံးသီးနှံတစ်မျိုးဖြစ်သည့် ကြက်သွန်နီသီးနှံ ကို ပင်စိုက်နှင့်ဥစိုက်အနေဖြင့် စိုက်ပျိုးလျက်ရှိပြီး ပန်းတော်ပြင်ကျေးရွာ၌ ဥစိုက်ကြက်သွန်နီကို ၂၀၂၄ခုနှစ်၊ နိုဝင်ဘာလတွင် ဧက (၁၅)ဧကနီးပါး စိုက်ပျိုးထားကြောင်း သိရသည်။

          မျိုးအနေဖြင့် ရွှေဖလားမျိုးကို ရေနံချောင်းမြို့မှ(၁)ပြည်လျှင် ကျပ်(၁)သိန်းဖြင့် ဝယ်ယူရပြီး (၁)ဧကလျှင် မျိုး(၆)ပြည်ခန့်ကုန်ကျကြောင်း၊ စိုက်ပျိုးရာတွင် ကြောင်းဆွဲဘောင်တင်စနစ်ဖြင့် ရေသွင်းစိုက်ပျိုးပြီး ၂၀၂၅ခုနှစ်၊ ဖေဖော်ဝါရီလကုန်တွင် တူးဖော်ရမည်ဖြစ်ကြောင်း၊  ကုန်ကျစရိတ် အနေဖြင့် (၁)ဧကလျှင် မျိုးဖိုး၊ မြေပြုပြင်ခ၊ လုပ်အားခ၊ ရေသွင်းခနှင့် အခြားသွင်းအားစုစရိတ်အပါ အဝင် စုစုပေါင်း ကျပ်သိန်း(၃၀)ကုန်ကျကြောင်း၊ အထွက်နှုန်းအနေဖြင့် ယခင်နှစ်က (၁)ဧကလျှင် ပိဿာချိန်(၃၀၀၀)ထွက်ရှိပြီး ကြက်သွန်နီသစ်ထွက်ပေါ်စအချိန်တွင် (၁)ပိဿာလျှင် ကျပ်(၃၀၀၀) ဈေးရရှိကာ အကျိုးအမြတ်အနေဖြင့် ကျပ်သိန်း(၆၀)နီးပါးရရှိခဲ့ကြောင်း၊ ဈေးကွက်အနေဖြင့် ရန်ကုန် မြို့၊ ဘုရင့်နောင်ပွဲရုံသို့ တိုက်ရိုက်တင်ပို့ရောင်းချကြောင်း၊ ယခု၂၀၂၅ခုနှစ်၊ ဖေဖော်ဝါရီလ (ဒုတိယပတ်)တွင် ပျိုးပင်စိုက်ကြက်သွန်နီစိုက်ခင်းများမှာ အောင်မြင်ဖြစ်ထွန်းလျက်ရှိကြောင်း  ကြက်သွန်နီစိုက်တောင်သူတစ်ဦးထံမှ သိရှိရပါသည်။

DOCA(မကွေး)

ဘားအံမြို့ ၁၄ ဖေဖော်ဝါရီ

           ကရင်ပြည်နယ်၊ ဘားအံမြို့ရေပေါ်ဈေးတွင် ရာသီစာဟင်သီးဟင်းရွက်ဖြစ်သည့် ကင်ပွန်းချဉ်ရွက် နှင့်(ပတက်စာ)များ ဈေးကောင်းရလျက်ရှိကြောင်း သိရသည်။ ကင်ပွန်းချဉ်ရွက်ကို ဘားအံမြို့ အနီးတဝိုက် ကျေးရွာများတွင် တစ်နိုင်တပိုင်စိုက်ပျိုးကြသည့်အပြင် စီးပွားဖြစ်လည်း စိုက်ပျိုးကြသည်။ ကပွန်းချဉ်ရွက်ကို (ပတက်စာ)နဲ့ချည်ရည်ဟင်းချို ကျဲကျဲအရည်သောက်ပဲချက်ချက်၊ ငါးလေးနဲ့ပဲချက်ချက်၊ ပုဇွန်စိတ် ကလေးနဲ့ပဲကြော်စားစား၊ ထမင်းမြိန်ကာစားလို့ကောင်းရုံသာမက ကျန်းမာရေးကိုလည်း အထောက်အကူ ပြုဖြစ်စေသည်။ ကင်ပွန်းချဉ်ရွက်ကို အစည်းလိုက်ရောင်းချကြရာ  ကင်ပွန်းချဉ်ရွက် အစည်းသေး တစ်စည်း (၁,၀၀၀) ပတက်စာ (၁,၀၀၀) ကျပ်တို့ဖြင့် ပေါ်ဦးပေါ်ဖျား အရောင်းအဝယ်ဖြစ်လျက်ရှိနေကြောင်း သတင်းရရှိပါသည်။   

DOCA(ကရင်)