ပြည်တွင်းကုန်သွယ်မှုသတင်း

    သထုံခရိုင်အတွင်းရှိ မြို့နယ်များတွင် ၂၀၂၃ခုနှစ်၊ ဩဂုတ်လ၊ နောက်ဆုံးအပတ်တွင် စပါး၊ ဆန်ဈေးနှုန်းမှာ အတက်ဘက်သို့ ဦးတည်လျက်ရှိခဲ့ပါသည်။ သထုံခရိုင်အတွင်းမှ အခြားတိုင်းဒေသကြီးနှင့် အခြားခရိုင်/ မြို့နယ်များသို့ဆန်စီးထွက်မှုနှုန်းမှာ မော်လမြိုင်သို့ (၃၅၀၀) အိတ်ခန့်၊ ကရင်ပြည်နယ်သို့ (၃၂၀၀) အိတ်ခန့်၊ စုစုပေါင်း ( ၆၇၀၀ ) အိတ်ခန့်၊ တန်ချိန်အားဖြင့် (၃၂၃)တန်စီးထွက်ခဲ့ပါသည်။ ယခုစက်တင်ဘာလ၊ ပထမအပတ်တွင် မော်လမြိုင်သို့ (၃၂၀၀)အိတ်ခန့်၊ ကရင်ပြည်နယ်သို့ (၃၄၀၀)အိတ်ခန့်၊ စုစုပေါင်း (၆၆၀၀) အိတ်ခန့်၊ တန်ချိန်အားဖြင့် (၃၁၈) တန်ခန့်စီးထွက်ခဲ့ပြီး ယခင်ပထမအပတ်နှင့်နှိုင်းယှဉ်ပါက အနည်းငယ်လျော့၍  စီးထွက်ခဲ့ပါသည်။

    သထုံခရိုင်အတွင်းသို့ ဩဂုတ်လ၊ နောက်ဆုံးအပတ်တွင် ဆန်စီးဝင်မှုနှုန်းမှာ ရန်ကုန်တိုင်းဒေသကြီးမှ ( ၁၅၀၀ ) အိတ်ခန့်၊ ပဲခူးတိုင်းဒေသကြီးမှ (၁၄၀၀) အိတ်ခန့်၊ စုစုပေါင်း (၂၉၀၀) အိတ်ခန့်၊ တန်ချိန်အားဖြင့် ( ၁၄၀ ) တန်ခန့်စီးဝင်ခဲ့ပြီး ဧပြီလ၊ နောက်ဆုံးအပတ်တွင် ရန်ကုန်တိုင်းဒေသကြီးမှ ( ၁၀၀၀)အိတ်ခန့်၊ ပဲခူးတိုင်းဒေသကြီးမှ ( ၁၅၀၀ )အိတ်ခန့်၊ စုစုပေါင်း ( ၂၅၀၀ ) အိတ်ခန့်၊ တန်ချိန်အားဖြင့် ( ၁၂၀ ) တန်ခန့်စီးဝင်ခဲ့ပြီး သထုံခရိုင်အတွင်းသို့ ဆန်စီးဝင်မှုနှုန်းမှာ ယခင်ပထမအပတ်နှင့်နှိုင်းယှဉ်ပါက အနည်းငယ်လျော့၍ စီးဝင်ခဲ့ပါသည်။

     သထုံခရိုင်အတွင်း၌  စက်တင်ဘာလ၊ ပထမအပတ်တွင် ဆန်ဈေးနှုန်းများမှာ စပါးတင်း (၁၀၀)လျှင် ဒေသပေါက်ဈေးမှာ ကျားပျံဟိုတယ် (၃၂၀၀၀၀ဝိ/-) ကျပ်ခန့်၊  ပေါ်ဆန်းဝါ ( ၂၉၅၀၀၀ဝိ/-) ကျပ်ခန့်၊  ကမာကြည်  (၂၆၅၀၀၀ဝိ/-) ကျပ်ခန့်နှင့်    ( ၂၄ ) ပြည်ဝင်    ဆန်တစ်အိတ်လျှင်         ကျားပျံဟိုတယ်  (၁၀၅၀၀ဝိ/-) ကျပ်ခန့်၊ ပေါ်ဆန်းဝါ ( ၁၀၀၀၀ဝိ/- ) ကျပ်ခန့်၊ ကမာကြည် ( ၉၅၀၀ဝိ/- ) ကျပ်ခန့်၊ ဧည့်မထ ( ၇၂၀၀ဝိ/- )  ကျပ်ခန့်ရှိပြီး ယခုအပတ်တွင် စပါး၊ ဆန်ဈေးနှုန်းမှာ အနည်းငယ် အကျဘက်သို့ ဦးတည်လျက်ရှိကြောင်းသိရှိရပါသည်။

DOCA(မွန်)

    မွန်ပြည်နယ်၊ စားသုံးသူရေးရာဦးစီးဌာန၊ ချောင်းဆုံမြို့နယ်တာဝန်ခံသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးဦးစီးဌာနတို့နှင့်ပူးပေါင်း၍ (၆-၉-၂၀၂၃) ရက်နေ့တွင် ချောင်းဆုံမြို့နယ်၊ ချောင်းဆုံအနောက်ရပ်ကွက်၊ မဟာကန်တော်ကြီးအရှေ့ ပျံကျဈေးဝင်းအတွင်း သက်သာသောဈေးနှုန်းဖြင့် အခြေခံစားသောက်ကုန်များရောင်းချပေးခဲ့ကြောင်းသိရှိရပါသည်။

     ထိုသို့ရောင်းချပေးရာတွင် ဧည့်မထဆန်တစ်ပြည်လျှင် (၂၉၀၀) ကျပ်၊ ဝက်သားတစ်ပိဿာလျှင် (၁၃၅၀၀) ကျပ်၊ အမဲသားတစ်ပိဿာလျှင် (၁၅၀၀၀) ကျပ်၊ ကြက်သားတစ်ပိဿာလျှင် (၉၀၀၀) ကျပ်၊ ဆီတစ်ပိဿာလျှင် (၅၀၀၀) ကျပ်၊ ကြက်ဥတစ်လုံးလျှင် (၂၈၀) ကျပ်၊ ပိန်းဥတစ်ပိဿာလျှင် (၃၈၀၀) ကျပ်၊ မုန်လာဥတစ်ပိဿာလျှင် (၈၀၀) ကျပ်၊ ပဲတောင့်တစ်ပိဿာလျှင် (၂၈၀၀) ကျပ်၊ ကန်စွန်းရွက်တစ်ပိဿာလျှင် (၄၀၀) ကျပ်၊ ခဝဲသီးတစ်ပိဿာလျှင် (၈၀၀) ကျပ်၊  ဘူးသီးတစ်လုံးလျှင် (၅၀၀) ကျပ်နှင့် ရွှေဖရုံသီးတစ်လုံးလျှင် (၆၀၀) ကျပ်တို့ဖြင့် ရောင်းချပေးခဲ့ကြောင်းသိရှိရပါသည်။

DOCA(မွန်)

        မုံရွာမြို့ သီရိရတနာစျေးရှိ သစ်သီးဝလံများမှာ ရှမ်းပြည်နယ်၊ တောင်ကြီး၊ မြစ်ကြီးနား၊ သီပေါ၊  စစ်ကိုင်း၊ ပြင်ဦးလွင်နှင့် ဒေသတွင်းတို့မှ အသီးသီးဝင်ရောက်လျက် ရှိကြောင်း သိရပါသည်။

     ၂၀၂၃ခုနှစ်၊ စက်တင်ဘာလ ပထမအပတ်တွင် ရွှေလိမ္မော် (၁)ပိဿာလျှင် ကျပ်(၇၀၀၀မှ ၈၀၀၀)ကြား၊ ပျားလိမ္မော်(၁)ပိဿာလျှင် ကျပ်(၇၀၀၀မှ ၉၀၀၀)ကြား၊ လိမ္မော်(ရိုးရိုး) (၁)ပိဿာလျှင် ကျပ်(၅၀၀၀မှ ၇၀၀၀) ကြား၊ စတော်ဘယ်ရီ (၁)ပိဿာလျှင် ကျပ်(၇၅၀၀မှ ၈၅၀၀)ကြား၊  ပန်းသစ်တော် (၁)လုံးလျှင် ကျပ်(၁၀၀၀မှ ၁၅၀၀)ကြား၊ ပန်းသီး (၁)လုံးလျှင် ကျပ်(၇၀၀မှ ၁၅၀၀)ကြား၊ ထောပတ်သီး (၁)လုံးလျှင် ကျပ်(၇၀၀ မှ ၁၅၀၀)ကြား၊ ကျွဲကောသီး (၁)လုံးလျှင် ကျပ်(၁၀၀၀မှ ၁၅၀၀)ကြား၊ တယ်သီး (၁)လုံးလျှင် ကျပ်(၈၀၀မှ ၁၀၀၀)ကြား၊ သခွားမွှေး (၁)လုံးလျှင် ကျပ်(၁၅၀၀မှ ၃၅၀၀)ကြား၊ ဖရဲသီး(ကြီး) (၁)လုံးလျှင် ကျပ်(၁၅၀၀မှ ၂၀၀၀)ကြား၊ ဖရဲသီး(သေး) (၁)လုံးလျှင် ကျပ်(၈၀၀မှ ၁၅၀၀)ကြား၊ နာနတ်သီး (၁)လုံးလျှင် ကျပ်(၇၀၀မှ ၁၅၀၀)ကြား၊ နှင်းသီး (၁)ပိဿာလျှင် ကျပ်(၅၀၀၀မှ ၇၀၀၀)ကြား၊ နဂါးမောက်သီး (၁)လုံးလျှင် ကျပ်(၈၀၀မှ ၁၅၀၀)ကြား၊ မင်းဂွတ်သီး (၁)လုံးလျှင် ကျပ်(၁၅၀မှ ၃၀၀)ကြား၊ ငှက်ပျောသီး ဖီးကြမ်းတစ်ဖီးလျှင် ကျပ်(၁၅၀၀မှ ၂၅၀၀)ကြား၊ ငှက်ပျောသီးမွှေး တစ်ဖီးလျှင် ကျပ်(၁၅၀၀မှ ၂၀၀၀)ကြား၊ စပျစ်သီး (၁)ပိဿာလျှင် ကျပ်(၈၀၀၀မှ ၁၂၀၀၀)ကြား ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

    မြန်မာနိုင်ငံစက်သုံးဆီ တင်သွင်း/ သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ်ထုတ်ပြန်ပေးလျက်ရှိပါသည်။

       မုံရွာမြိုတွင် စက်သုံးဆီဆိုင် (၂၇)ဆိုင် ပုံမှန်ဖွင့်လှစ်ရောင်းချလျက်ရှိပြီး ၂၀၂၃ခုနှစ်၊ ဩဂုတ်လ     နောက်ဆုံးပတ်တွင် စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၂၃၃၅) ကျပ်၊ ဓါတ်ဆီ (95) တစ်လီတာလျှင် (၂၄၄၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၅၃၅) ကျပ်၊ ဒီဇယ်(ပရီမီယမ်) တစ်လီတာလျှင် (၂၆၁၀)ကျပ်ဖြင့် ရောင်းချလျက်ရှိကြောင်း သိရသည်။

       ယခု စက်တင်ဘာလ ပထမပတ်တွင် စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင် (၂၃၃၅) ကျပ်၊ ဓာတ်ဆီ (95) တစ်လီတာလျှင် (၂၄၄၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၅၂၀) ကျပ်၊ ဒီဇယ်(ပရီမီယမ်) တစ်လီတာလျှင် (၂၅၉၅)ကျပ်ဖြင့် ရောင်းချနေသောကြောင့် ယခင်အပတ် နှင့် နှိုင်းယှဉ်ပါက  ဒီဇယ် (ရိုးရိုး) တစ်လီတာလျှင် (၁၅)ကျပ်၊ ဒီဇယ် (ပရီမီယမ်) တစ်လီတာလျှင် (၁၅) ကျပ်ဖြင့် ဈေးနှုန်းအသီးသီး ကျဆင်းလျက်ရှိပြီး ဓာတ်ဆီ(92) တစ်လီတာဈေးနှုန်းနှင့် ဓာတ်ဆီ(95) တစ်လီတာဈေးနှုန်း ပြောင်းလဲမှုမရှိကြောင်း စက်သုံးဆီဆိုင်များမှ သတင်းရရှိသည်။

DOCA(စစ်ကိုင်း)

     စီးပွား‌‌ရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများအပြင် အခြေခံစားကုန်ဈေးနှုန်းများကို အပတ်စဉ် မေးမြန်းတင်ပြလျက်ရှိရာ စက်တင်ဘာလ (ပထမပတ်)တွင် ရွှေဘိုမြို့၌ စားအုန်းဆီဈေးနှုန်းများ ကျဆင်းလျက်ရှိကြောင်း စားသုံးဆီအရောင်းဆိုင်များမှ သိရသည်။

      ရွှေဘိုမြို့ပေါ်တွင် စားသုံးဆီလက်လီ/လက်ကားရောင်းချသောဆိုင် (၁၂)ဆိုင်ရှိပြီး သြဂုတ်လ (နောက်ဆုံးပတ်) တွင် စားအုန်းဆီ တစ်ပိဿာလျှင် (၈၈၀၀)ကျပ်၊ ပဲဆီသန့် တစ်ပိဿာလျှင် (၁၈၀၀၀)ကျပ်၊ နှမ်းဆီသန့် တစ်ပိဿာလျှင် (၁၈၀၀၀)ကျပ်ဖြင့် အရောင်းအဝယ်ဖြစ်ခဲ့ပြီး ယခု စက်တင်ဘာလ (ပထမပတ်) တွင် စားအုန်းဆီ တစ်ပိဿာလျှင် (၄၈၀၀)ကျပ်၊ ပဲဆီသန့် တစ်ပိဿာလျှင် (၁၅၀၀၀)ကျပ်၊ နှမ်းဆီသန့် တစ်ပိဿာလျှင် (၁၅၀၀၀)ကျပ်ဖြင့် အရောင်း အဝယ်ဖြစ်နေသဖြင့် ယခင်ပတ်နှင့် ယခုအပတ်စားသုံးဆီ တစ်ပိဿာဈေးနှုန်းတို့ကို နှိုင်းယှဉ်ကြည့်ပါက စားအုန်းဆီ တစ်ပိဿာလျှင် (၄၀၀၀)ကျပ်၊ ပဲဆီသန့်နှင့် နှမ်းဆီသန့် ဈေးနှုန်းမှာ တစ်ပိဿာလျှင် (၃၀၀၀)ကျပ် စသည်ဖြင့် အသီးသီးဈေးနှုန်းများကျဆင်းလျက်ရှိကြောင်း  စားသုံးဆီလက်ကားအရောင်းဆိုင်များမှ သတင်းရရှိပါသည်။

DOCA(စစ်ကိုင်း)