ပြည်တွင်းကုန်သွယ်မှုသတင်း

      ရေတာရှည်မြို့နယ် စည်ပင်သာယာရေးအဖွဲ့မှ ဦးဆောင်၍ ရေတာရှည်မြို့ စည်ပင်သာယာဈေးအတွင်း ရောင်းချနေသော မွေးမြူရေးထုတ်ကုန်လုပ်ငန်းလုပ်ငန်းရှင်များအား သက်ဆိုင်ရာဌာနများအလိုက် တွေ့ဆုံဆွေးနွေးပွဲကို ဩဂုတ်လ၂၈ ရက်နေ့ နံနက်ပိုင်းက ရေတာရှည်မြို့နယ် စည်ပင်သာယာရေးအဖွဲ့ရုံး၌ ကျင်းပပြုလုပ်ရာ စားသုံးသူရေးရာဦးစီးဌာန၊ ရေတာရှည်မြို့နယ်တာဝန်ခံ ဦးဇော်ဇော်ထွေးသည် ဌာနဆိုင်ရာများမှ တာဝန်ရှိသူများနှင့်အတူ တက်ရောက်ဆွေးနွေးပါသည်။

   တွေ့ဆုံဆွေးနွေးပွဲတွင် မြို့နယ်စည်ပင်သာယာရေးကော်မတီ ဥက္ကဌ ဦးသန့်ဇင်ငြိမ်း၊ မြို့နယ်စည်ပင်သာယာရေးအဖွဲ့ အမှုဆောင်အရာရှိ ဦးအေးကျော်၊ စားသုံးသူရေးရာဦးစီးဌာန၊ မြို့နယ်တာဝန်ခံ ဦးဇော်ဇော်ထွေး၊ အထွေထွေအုပ်ချုပ်ရေးဦးစီးဌာန ဒုတိယဦးစီးမှူး ဒေါ်ယွန်းပန်းအိမ်နှင့် မွေးမြူရေးနှင့်ကုသရေးဦးစီးဌာန ဒုတိယဦးစီးမှူး ဦးဟိန်းဇော်အောင်တို့က မိမိတို့ဌာနများနှင့် သက်ဆိုင်သည့် ကဏ္ဍများအလိုက် ရှင်းလင်းဆွေးနွေးပါသည်။

   ဆွေးနွေးပွဲတွင် ကုန်ဈေးနှုန်းတည်ငြိမ်ရေးနှင့်ပတ်သက်ပြီး ငါးကြင်း တစ်ပိဿာ ၇၀၀၀ ကျပ်၊ ကြက်သား တစ်ပိဿာ ၁၀၀၀၀ ကျပ်၊ အကောင်လိုက်ရောင်းလျှင် ၈၅၀၀ ကျပ်၊ ဝက်သား တစ်ပိဿာ ၁၂၀၀၀ ကျပ်၊ အကောင်လိုက်ဈေး ၈၅၀၀ ကျပ်၊ အမဲသားတစ်ပိဿာ ၁၂၀၀၀ ကျပ်၊ ဆိတ်သား တစ်ပိဿာ ၂၀၀၀၀ ကျပ်ရောင်းချရန် လုပ်ငန်းရှင်များက သဘောတူကြောင်းနှင့် ဆွေးနွေးပွဲသို့ အသားငါးထုတ်လုပ်ရောင်းချသူ ၁၄ ဦးတက်ရောက်ကြောင်း သိရပါသည်။

DOCA(ပဲခူး)

     တောင်ငူမြို့တွင် ပြီးခဲ့သည့်ရက်များက မိုးရွာသွန်းမှုများသဖြင့် ဘူးပင်အမြစ်များ ရေနစ်၍ အပင်များသေဆုံးမှုရှိသလို အပင်မသေပါကလည်း အသီးများမတင်တော့သဖြင့် ဘူးသီးအထွက်နည်းပြီး ယခုရက်ပိုင်းအတွင်း ဘူးသီးများဈေးတက်ကြောင်း သိရပါသည်။

    ယခုအပတ်အတွင်း ညောင်ပင်ဈေးတွင် ရောင်းချသော ဘူးသီးများမှာ အသေး တစ်လုံးလျှင် ၈၀၀ ကျပ်၊ အလတ် တစ်လုံးလျှင် ၁၂၀၀ ကျပ်နှင့် အကြီးတစ်လုံးလျှင် ၁၅၀၀ ကျပ်အထိ ဈေးနှုန်းမြင့်တက်ပါသည်။             

       ကျောက်ဖရုံသီးမှာ ယခင်အပတ်ကအတိုင်း အသေးတစ်လုံးလျှင် ၅၀၀ ကျပ်၊ ၁၀ လုံး ယူလျှင် ၄၀၀၀ ကျပ်၊ အကြီးတစ်လုံးလျှင် ၇၀၀ ကျပ်၊ ၁၀ လုံးယူလျှင် ၆၀၀၀ ကျပ် ရှိပါသည်။

      ရွှေဖရုံသီးမှာ အသေးတစ်လုံးလျှင် ၃၀၀ ကျပ်၊ ၁၀ လုံးယူလျှင် ၂၅၀၀ ကျပ်၊ အကြီး တစ်လုံးလျှင် ၆၀၀ ကျပ်၊ ၁၀ လုံးယူလျှင် ၅၀၀၀ ကျပ် ရှိပါသည်။

       ရွှေဖရုံညွန့်မှာ အညွန့်သေး ၅ ညွန့်ပါ တစ်စည်းလျှင် ၂၀၀ ကျပ်၊ အညွန့်ကြီး ၇ ညွန့်ပါ တစ်စည်းလျှင် ၅၀၀ ကျပ်ရှိကြောင်း သိရပါသည်။

DOCA(ပဲခူး)

     တောင်ငူမြို့ ၊  ညောင်ပင်လေးဈေးရှိ ဟင်းသီးဟင်းရွက်ဈေးတွင် ငရုတ်သီးစိမ်း (ကျောက် စိမ်းသီး) မှာ ယခင်အပတ်က တစ်ပိဿာလျှင် ၃၀၀၀ - ၄၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၂၅၀၀ - ၃၅၀၀ ကျပ်အထိ ဈေးနှုန်းအနည်းငယ်ကျဆင်းပြီး ငရုတ်သီးစိမ်း (မိုးထောင်သီး)မှာ တစ်ပိဿာလျှင် ၆၀၀၀ - ၇၀၀၀ ကျပ်၊ ကုလားအော်သီးမှာ တစ်ပိဿာလျှင် ၁၆၀၀၀ - ၁၈၀၀၀ ကျပ်ဖြင့်  ဈေးနှုန်း တည်ငြိမ်နေပါသည်။ 

     ခရမ်းသီး (အဖြူ)မှာ ယခင်အပတ်က တစ်ပိဿာလျှင် ၁၃၀၀ - ၁၅၀၀ ကျပ် ရှိရာမှ ယခုအပတ်တွင် တစ်ပိဿာလျှင် ၂၀၀၀ - ၂၅၀၀ ကျပ်အထိ၊ ခရမ်းသီး(အညို)မှာ ယခင် အပတ်က တစ်ပိဿာလျှင်  ၁၆၀၀ - ၁၈၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၂၀၀၀ - ၂၅၀၀ ကျပ်အထိဖြင့် ဈေးနှုန်းအနည်းငယ်ပြန်လည်မြင့်တက်ပါသည်။

  ဒေသသခွားသီးမှာ ယခင်အပတ်က တစ်ပိဿာလျှင် ၁၀၀၀ - ၁၁၀၀ ကျပ်အထိရှိရာမှ ယခုအပတ်တွင် တစ်ပိဿာလျှင် ၁၅၀၀ - ၁၆၀၀ ကျပ်အထိ၊ ရှမ်းပြည်သခွားသီးမှာ ယခင်အပတ်က တစ်ပိဿာလျှင် ၁၂၀၀ - ၁၄၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၁၈၀၀ ကျပ်အထိ ဈေးနှုန်းအနည်းငယ်မြင့်တက်ပြီး ဂေါ်ဖီမှာ ယခင်အပတ်က တစ်ပိဿာလျှင် ၁၀၀၀ -  ၁၂၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၈၀၀ - ၁၀၀၀ ကျပ်အထိ ဈေးနှုန်း အနည်းငယ် ကျဆင်းပါသည်။

  ခရမ်းချဉ်သီး(ရှမ်းပြည်သီး)မှာ ယခင်အပတ်က တစ်ပိဿာလျှင် ၁၇၀၀ - ၂၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၁၈၀၀ - ၂၂၀၀ ကျပ်အထိ ဈေးနှုန်းအနည်းငယ် မြင့်တက်ပြီး ခရမ်းချဉ်သီး (ဒေသသီး)မှာ တစ်ပိဿာလျှင် ၃၅၀၀ - ၄၀၀၀ ကျပ်အထိ ဈေးနှုန်း တည်ငြိမ်နေပါသည်။

    နံနံပင်မှာ တစ်ဆယ်ကျပ်သားလျှင် ၅၀၀ ကျပ်၊ မုန်ညင်းဖြူမှာ တစ်ပိဿာလျှင် ၂၅၀၀ - ၂၈၀၀ ကျပ်၊ မုံလာဥဖြူမှာ တစ်ပိဿာလျှင် ၂၂၀၀ - ၂၅၀၀ ကျပ်အထိ၊ မုံလာဥနီမှာ တစ်ပိဿာလျှင် ၂၅၀၀ - ၂၈၀၀ ကျပ်အထိဖြင့် ဈေးနှုန်းတည်ငြိမ်နေပါသည်။

    ကန်စွန်းရွက်မှာ တစ်စည်း ၁၅၀ ကျပ် ၊ ၁၀ စည်းယူလျှင် ၁၂၀၀ ကျပ်၊ ချဉ်ပေါင်ရွက်မှာ တစ်စည်း ၁၀၀ ကျပ်၊ ၁၀ စည်းယူလျှင် ၈၀၀ ကျပ်၊ ကင်မွန်းချဉ်ရွက်မှာ တစ်စီးလျှင် ၂၀၀ ကျပ်၊ ၁၀ စည်းယူလျှင် ၁၆၀၀ ကျပ်ရှိကြောင်း သိရှိရပါသည်။

DOCA(ပဲခူး)

    တောင်ငူမြို့အနီးရှိ ရှမ်းဝတီး၊ ဗမာဝတီး၊ ဒိုးသောင်၊ ရွှေကြက်ယက်၊ သဖန်းပင် စသည့် ပြောင်းဖူးစိုက်သည့် ကျေးရွာများမှာ ပြောင်းဖူးများကို တောင်ငူမြို့ ညောင်ပင်ဈေးသို့ ကိုယ်တိုင် သော်လည်းကောင်း၊ တစ်ဆင့်ခံသော်လည်းကောင်း လာရောက်ရောင်းချလျက်ရှိကြပါသည်။

    ပြောင်းဖူး(အဖြူ) အသေးတစ်ဖူးလျှင် ယခုအပတ်တွင် ၂၀၀ ကျပ်၊ ၁၀ ဖူးယူလျှင် ၁၈၀၀ ကျပ်၊ အကြီး တစ်ဖူးလျှင် ၃၅၀ ကျပ်၊ ၁၀ ဖူးယူလျှင် ၃၂၀၀ ကျပ်၊ ပြောင်းဖူး(အဝါ) အသေး တစ်ဖူးလျှင် ၂၅၀ ကျပ်၊ ၁၀ ဖူးယူလျှင် ၂၂၀၀ ကျပ်၊ အကြီး တစ်ဖူးလျှင် ၃၅၀ ကျပ်၊ ၁၀ ဖူးယူလျှင် ၃၃၀၀ ကျပ်၊ ဘိုကတော်ပြောင်းဖူး၊ ငှက်နီမဟုခေါ်သောပြောင်းဖူး အသေး တစ်ဖူးလျှင် ၁၅၀ ကျပ်၊ ၁၀ ဖူး ယူလျှင် ၁၂၀၀ ကျပ်၊ အကြီး တစ်ဖူးလျှင် ၂၅၀ ကျပ်၊ ၁၀ ဖူးယူလျှင် ၂၂၀၀ ကျပ်ရှိပါသည်။

    ပြောင်းဖူးစိုက်သူကိုယ်တိုင် လာရောက်ရောင်းချပါက ပြောင်းဖူးချိုးခသာ ကုန်ကျပြီး တွက်ချေကိုက်ကြောင်း၊ အခင်းပြတ်ရောင်းပါက ဈေးမကိုက်ကြောင်း သိရှိရပါသည်။

DOCA(ပဲခူး)

    မြန်မာလူမျိုးတို့သည် မြန်မာရိုးရာအစားအစာများကို အများဆုံးနှစ်သက်ကြပါသည်။ နံနက်ခင်းတစ်ကြိမ်၊ ညနေခင်းတစ်ခါ အဆာပြေစားလေ့ရှိရာ မြန်မာရိုးရာဘိန်းမုန့်ကိုလည်း ရေနွေးကြမ်း၊ လက်ဖက်ရည်၊ ကော်ဖီတို့နှင့်တွဲဖက်၍စားသုံးကြပါသည်။

    ဘိန်းမုန့်အနီပြုလုပ်ရန် ဆန် (၃) ပြည်၊ ကြက်ဥ (၂၀) လုံး၊ ဆီ (၈၀) ကျပ်သား၊ ထောပတ်(၁၀) ကျပ်သား၊ ထန်းလျက် (၈၀) ကျပ်သား၊ သကြား (၅၀) ကျပ်သား၊ ဘိန်းစေ့ (၁၀) ကျပ်သား၊ အုန်းသီး (၁) လုံး၊ ဆော်ဒါအနည်းငယ်ထည့်ပြီး မီးဖြင့်ဖုတ်ရပါသည်။ ၎င်းအချိုးအတိုင်း ဘိန်းမုန့်အနီပြုလုပ်ပါက ဘိန်းမုန့်အချပ်ပေါင်း (၂၅၀)ချပ်ရရှိပါသည်။ တစ်ချပ်လျှင် (၃၀၀) ကျပ်ဖြင့် ရောင်းချရပါသည်။ ကုန်ကျငွေစုစုပေါင်း (၄၀၀၀၀) ကျပ်ခန့်ကုန်ကျပါသည်။ စုစုပေါင်းရောင်းရငွေ (၇၅၀၀၀) ကျပ်ရရှိသဖြင့် အမြတ်ငွေ (၃၀၀၀၀) ကျပ်ရရှိပါသည်။

   ဘိန်းမုန့်အဖြူပြုလုပ်ရန် ဆန် (၇) လုံး၊ ကြက်ဥ (၅) လုံး၊ ပဲပြုတ် (၂၀) ကျပ်သား၊ ဆီ (၂၀) ကျပ်သား၊ နံနံပင် (၁၀) ကျပ်သား၊ နှမ်း (၁) ဘူး၊ ဆော်ဒါအနည်းငယ်ထည့်ပြီး မီးဖြင့်ဖုတ်ရပါသည်။ ၎င်းအချိုးအတိုင်း ဘိန်းမုန့်အဖြူပြုလုပ်ပါက ဘိန်းမုန့်အချပ်ပေါင်း (၈၀) ချပ်ရရှိပါသည်။ တစ်ချပ်လျှင် (၃၀၀) ကျပ်ဖြင့် ရောင်းချရပါသည်။ ကုန်ကျငွေစုစုပေါင်း (၁၀၀၀၀) ကျပ်ခန့်ကုန်ကျပါသည်။ စုစုပေါင်းရောင်းရငွေ (၂၄၀၀၀) ကျပ်ရရှိသဖြင့်  အမြတ်ငွေ (၁၄၀၀၀) ကျပ်ရရှိပါကြောင်းသိရှိရပါသည်။

DOCA(ပဲခူး)