ပြည်တွင်းကုန်သွယ်မှုသတင်း

    ဆီတို့ဟူးသည် မြန်မာ့အစားအစာများထဲမှ တစ်ခုအပါအဝင် ဖြစ်ပါသည်။ ထို့အပြင် အခြားအိမ်နီးချင်းနိုင်ငံတွင်လည်း တင်ပို့ဖြန့်ဖြူးရောင်းချလျက်ရှိပါသည်။ ကချင်ပြည်နယ် မိုးညင်းဒေသမှ အများဆုံးထွက်ရှိပြီး လပေါင်းများစွာ အချဉ်ဖောက်ပြီးမှသာ ရလာသည် ဖြစ်ပြီး ကျန်းမာရေးအတွက် ရွေးချယ်သင့်သော အစားအစာတစ်မျိုး ဖြစ်ပါသည်။ ကယားပြည်နယ်၊ လွိုင်ကော်မြို့ဈေးကွက်၊ ဈေးဆိုင်အနှံ့အပြားတွင်လည်း ရောင်းချလျက်ရှိပြီး ပြည်နယ်အတွင်း ကြိုက်သူတွေအဖို့ ထမင်းစားမြိန်စေသည့်အတွက် အခြားအစားအစာတွေတောင် ထပ်မလိုတော့အောင် ဖြစ်ပါသည်။ ဆီတို့ဖူးသည် ကယ်လိုရီပမာဏနည်းစေပြီး ပရိုတင်းဓာတ်အပြည့် ရရှိစေနိုင်သည့်အတွက် ရွေးချယ်စားသုံးရန် အကြံပြုပေးလိုပါသည်။ သတ္တုဓာတ်များသည့်အတွက် ကယ်လ်စီယမ်ဓာတ်၊ သံဓာတ်နှင့် မက်ကနီစီယမ်ဓာတ်တို့နှင့်ပြည့်စုံသောအစားအစာဖြစ်ပါသည်။ ထို့အပြင် အချဉ်ဖောက်သည့်အခါတွင် ကောင်းသော ဘက်တီးရီးယားများ ပေါက်ပွားလာသည့်အတွက် ဆီတို့ဟူးစားခြင်းသည် အစာချေစနစ်ကို ကောင်းစေပါသည်။ ဆီးချိုရောဂါများဖြစ်သော အင်ဆူလင်ကိုလည်း ပိုထွက်စေလို့ အင်ဆူလင်အားကို ကောင်းစေပါသည်။ ဆီးချိုရောဂါဖြစ်နိုင်သည့် ဒြပ်ပေါင်းများကို လျှော့ချပေးလို့ ဆီးချိုရောဂါဝေဒနာသည်များအတွက် အထူးစားသုံးရန်သင့်လျော်ပါသည်။ ရှေးလူကြီးသူမများ ဆိုစကားအရ အစာလည်းဆေး၊ ဆေးလဲအစာဟူ၍ စကားပုံအားဖွဲ့နွဲ့ပြောဆိုခဲ့ကြပါသည်။ လွိုင်ကော်မြို့ဆီတို့ဖူးဈေးနှုန်းသည် သစ်သားသေတ္တာပုံးတစ်ပုံးမှာ(၅၀၀၀)ကျပ်နှင့် ကော်ဘူးအမျိုးမျိုးဖြင့် ဈေးနှုန်းအစားစား ရောင်းချရလျက်ရှိကြောင်း သိရှိရပါသည်။

DOCA(ကယား)

    မော်လမြိုင်မြို့၌ ဇူလိုင်လပထမအပတ်တွင် ဘိလပ်မြေဈေးကွက်မှာ အရောင်းအဝယ်အေးနေပြီး ဈေးနှုန်းအနည်းငယ်ကျဆင်းနေကြောင်းသိရှိရသည်။ ဈေးကွက်ထဲအရောင်းအဝယ် ဖြစ်နေသောဈေးမှာ  ယခင်အပတ် တွင်ကြံ့နှစ်ကောင် (အနီ) ကျပ် ၁၀၇၀ဝ၊ ဆင် (ထိုင်း) ကျပ် ၁၆၀ဝဝ၊ ကြံ့တံဆိပ်(အပြာ) ကျပ် ၁၀၅၀ဝ ရှိခဲ့ပြီး ယခုအပတ်တွင် တွင်ကြံ့နှစ်ကောင် (အနီ) ကျပ် ၁၀၅၀ဝ၊ ဆင် (ထိုင်း) ကျပ် ၁၅၈၀ဝ၊ ကြံ့တံဆိပ်(အပြာ) ကျပ် ၁၀၂၀ဝ ဖြင့် အရောင်းအဝယ်ဖြစ်နေပြီး မော်လမြိုင်မြို့၌ ဓါတ်မြေဩဇာနှင့် ပိုးသတ်ဆေးဈေးနှုန်းမှာ အရောင်းအဝယ်အေးနေပြီး ဈေးနှုန်းတည်ငြိမ်နေကြောင်း သိရှိရသည်။

    အရောင်းအဝယ်ဖြစ်နေသောဈေးမှာ ယခုအပတ်တွင် ကွန်ပေါင်း (မြန်မာ့ဩဘာရွှေကောမက်) ၁၅း၁၅း၁၅ 50 Kgပါ တစ်အိတ်မှာ ကျပ် ၁၂၈၀ဝဝ၊ ကွန်ပေါင်း ၂၀း၁၂း၁၂ 50 Kgပါ  ပါတစ်အိတ်မှာ ကျပ် ၁၃၉၀ဝဝ၊ ကွန်ပေါင်း (Thai Grow How) ၁၅း၁၅း၁၅ 50 Kgပါ ပါတစ်အိတ်မှာ ကျပ် ၁၃၉၀ဝဝ၊ ပုလဲ (အသေး) ၄၆% မြန်မာ (MPE) 50 Kgပါ ပါတစ်အိတ်မှာ ကျပ် ၈၀ဝဝဝ၊ ပုလဲ (အကြီး) ၄၆% ထိုင်း (မြင်းပျံ) 50 Kgပါ တစ်အိတ်မှာ ကျပ် ၁၀ဝဝဝ၀၊ ပိုတက် (အာမို)  50 Kgပါတစ်အိတ်မှာ ကျပ်၁၂၀ဝဝဝ၊ ပိုးသတ်ဆေး အမျိုးအစားဖြစ်သည့် မာလာမြိုင်ဆိုက်ပါ ၁၀% (သီးရွက်စုံ) ၁၀ဝ CC ပါ ၁ ပုလင်းမှာ ကျပ် ၃၁၀ဝ၊ မာလာမြိုင်ဆိုက်ပါ ၁၀% (သီးရွက်စုံ) ၅၀ဝ CC ပါ ၁ ပုလင်းမှာ ကျပ် ၁၃၈၀ဝ ဖြင့်အရောင်းအဝယ် ဖြစ်နေကြောင်း သိရှိရသည်။

   မွန်ပြည်နယ်အတွင်းရှိ ရော်ဘာအဝယ်ဒိုင်များအနေဖြင့် အပတ်စဉ် အရောင်းအဝယ်ပုံမှန်ရှိနေသည်။ မွန်ပြည်နယ်တွင် ဇွန်လဆန်းမှစ၍မိုးများစတင်ရွာသွန်းနေပြီဖြစ်သောကြောင့် ရော်ဘာစေးခြစ်ခြင်းကို ရပ်နား ထားကြပါသည်။ မိုးမရွာသွန်းသည့်နေ့များတွင် အချို့ခြံရှင်များမှာအစေးလှီးခြင်းကို လုပ်ဆောင်ကြကြောင်း သိရှိရသည်။ ရော်ဘာဈေးနှုန်းမှာ အဖွင့်ရာသီတွင် RSS-3 ကျပ် ၁၀၈၀၊ RSS-5  တစ်ပေါင်လျှင် ကျပ် ၁၁၀ဝ  ခဲ့ပြီး ယခုဇူလိုင်လ ၁၄ ရက်နေ့မှ ဇူလိုင်လ ၁၇ ရက်နေ့ထိဈေးနှုန်းမှာ RSS-3 တစ်ပေါင်လျှင် ကျပ် ၁၅၀ဝ ၊ RSS-5 တစ်ပေါင်လျှင် ကျပ် ၁၄၀ဝ ပေါက်ဈေးရှိနေကြောင်းသိရသည်။ မော်လမြိုင်မြို့မှ ရန်ကုန်မြို့သို့ သယ်ယူခနှုန်းထားမှာ (၅၀ Kg) ပါ တစ်ထုပ်လျှင် (၁၇၅၀)  ကျပ်၊ ရော်ဘာတစ်တန်လျှင် (၃၅၀ဝဝ) ကျပ်ဖြင့်လည်းကောင်း၊ မော်လမြိုင်မြို့မှ မန္တလေးမြို့သို့ (၅၀ Kg) ပါတစ်ထုပ်လျှင် (၂၇၅၀) ကျပ်၊ ရော်ဘာတစ်တန်လျှင် (၅၅၀ဝဝ) ကျပ်ဖြင့်သယ်ယူပို့ဆောင်ပေးရကြောင်း ရော်ဘာကုန်သည်များထံမှ သိရှိရပါသည်။

DOCA(မွန်)

   ဧရာဝတီတိုင်းဒေသကြီးအတွင်း ပြည်တွင်း၊ ပြည်ပဈေးကွက်ဝယ်လိုအားရှိသောငါးရှဉ့်များကို ပြည်ပသို့ နှစ်ပတ်လည်တင်ပို့ရောင်းချမှုရှိသော်လည်း ပွင့်လင်းရာသီထက် ယခုကဲ့သို့သော မိုးတွင်းတွင် ငါးရှဉ့်များပိုမိုဝင်ရောက်လျက်ရှိကြောင်း ဈေးကွက်မှသိရပါသည်။

   ငါးရှဉ့်မျိုးများကိုထိန်းသိမ်းရန် ငါးလုပ်ငန်းဦးစီးဌာနမှ (၅) စင်တီမီတာလုံးပတ်အထက်သာ ဖမ်းဆီးတင်ပို့ရောင်းချခွင့်ပြုပြီး ဇွန်လမှ နိုဝင်ဘာလအထိ ဈေးကွက်မှာ တင်ပို့မှုများ၍ ဒီဇင်ဘာလနောက်ပိုင်းတွင် ငါးရှဉ့်အဝင်နည်းသွားကြောင်း၊ ပုသိမ်ဈေးကွက်မှ ပြည်ပသို့တင်ပို့သော ငါးရှဉ့်များမှာ ပါးနီ၊ ပါးမွှား (၂) မျိုးသာ Export   ဈေးကွက်သို့တင်ပို့လျက်ရှိပြီး ငါးရှဉ့်တွင် ကျန်းမာရေးအတွက် ပရိုတင်းဓာတ်ကြွယ်ဝသည့်အပြင် အာရုံကြောကောင်းမွန်၍ သတ္တုဓာတ်၊ ဗီတာမင်ဓာတ်များနှင့် သံဓာတ်များလည်းပါဝင်ကြောင်း၊ သံဓာတ်လုံလောက်မှုမရှိလျှင် ခန္ဓာကိုယ်ထဲတွင် သွေးနီဥနည်းပါး၍ ခေါင်းမူး၊ ခေါင်းကိုက်၊ အားနည်းခြင်းများဖြစ်နိုင်ကြောင်း၊ ထို့ပြင် နွားနို့၊ ဒိန်ချဉ်တို့ကဲ့သို့သော အရိုးကိုသန်မာစေသည့် Phosphorus   ဓာတ်များပါဝင်ပြီး သွေးအားကောင်း၍ ငါးရှဉ့်ကို ပြည်တွင်းစားသောက်ဆိုင်များနှင့် ဟိုတယ်စာအဖြစ် စားသုံးလျက်ရှိကြောင်း  ဈေးကွက်မှသိရပါသည်။

          ပုသိမ်မြို့ပေါ်အဝယ်ဒိုင်သို့ ပုသိမ်မြို့နယ်၊ သာပေါင်းမြို့နယ်၊ ငပုတောမြို့နယ်များရှိ ကျေးရွာများမှ အဝယ်ဒိုင်သို့ အဓိကလာရောက်ရောင်းချလျက်ရှိပြီး အကောင်အကြီး/အသေးပေါ်မူတည်၍ (၁) ပိဿာလျှင် (၈၀၀ဝိ/-၅၀၀ဝိ/-) ကျပ်ဈေးနှုန်းတို့ဖြင့်ဝယ်ယူကာ ဝယ်ယူထားသောငါးရှဉ့်ကို ရေနှစ်ထပ်၊ သုံးထပ်လဲလှယ်၍ ငါးရှဉ့်အသေးများကိုဖယ်ပြီး ဖော့ပုံး၊ ပလပ်စတစ်ပုံးများတွင် (၂၀/၂၅) ပိဿာထည့်သွင်း၍ ရန်ကုန်မြို့ရှိ စံပြဈေး၊ လှိုင်သာယာဈေးနှင့် အင်းစိန်မြို့နယ်၊ ကြို့ကုန်းငါးရှဉ့်အဝယ်ဒိုင်ကြီးများသို့တင်ပို့လျက် ရန်ကုန်မှတစ်ဆင့် မူဆယ်-တရုတ်နိုင်ငံသို့တင်ပို့ရောင်းချလျက်ရှိကြောင်း ပုသိမ်မြို့၊ ငါးရှဉ့်လုပ်ငန်းရှင် ဦးစိုးနိုင်ထံမှ သိရှိရပါသည်၊၊

DOCA(ဧရာဝတီ)

    ရွှေဘိုမြို့ အမှတ်(၁၀)ရပ်ကွက်ရှိ ကုန်းဘောင်ဈေးတွင် ဇူလိုင်လ ဒုတိယပတ်တွင် ဖြစ်ပေါ်ခဲ့သော သစ်သီးဝလံဈေးနှုန်းများမှာ ပုပ္ပားမြို့နှင့် မတ္တရာမြို့မှထွက်ရှိသည့် မာလကာသီးတစ်လုံးလျှင် (၃၀၀)ကျပ်မှ(၄၀၀)ကျပ်ထိ၊ပန်းသီးတစ်လုံးလျှင် (၇၀၀)ကျပ်မှ (၂၅၀၀) ကျပ်ထိ၊ ပန်းသစ်တော်သီး တစ်လုံးလျှင် (၃၀၀၀)ကျပ်၊ သစ်တော်သီး တစ်လုံး (၃၀၀)ကျပ်မှ (၅၀၀)ကျပ်၊ ပတ္တမြားငါးမောက်သရက်သီး တစ်လုံးလျှင် (၄၀၀)ကျပ်မှ (၇၀၀)ကျပ်ထိ ၊ကြက်မောက်သီး တစ်ပိဿာလျှင် (၄၀၀၀)ကျပ်၊  ဆားတောင်မြို့နှင့် ရွှေပန်းကုန်းရွာမှ ထွက်ရှိသည့် ငှက်ပျောသီး ဖီးကြမ်း တစ်ဖီးလျှင် (၁၂၀၀)ကျပ်မှ (၁၅၀၀)ကျပ်၊ ၊ ခင်ဦးမြို့နယ်မှ ထွက်ရှိသော  ပိန္နဲသီး တစ်လုံး လျှင် ၁၅၀၀ကျပ်မှ ၃၅၀၀ ကျပ်ထိ၊ ဒေသတွင်းမှ ထွက်ရှိသည့် သင်္ဘောသီး တစ်လုံး (၈၀၀)ကျပ်မှ (၁၂၀၀)ကျပ်၊ ဗန်းမော်မြို့မှ မှာယူရောင်းချသည့် သစ်ကြားသီး တစ်လုံးလျှင် (၁၀၀)ကျပ်၊ပုပ္ပါးမြို့မှ ထွက်ရှိသည့် နဂါးမောက်သီး တစ်လုံးလျှင် (၅၀၀)ကျပ်မှ (၁၂၀၀)ကျပ်ထိ၊မက်မွန်သီး တစ်လုံးလျှင် (၁၅၀၀)ကျပ်၊မင်းကွတ်သီး တစ်လုံးလျှင် (၃၀၀)ကျပ်ဖြင့်   အသီးသီး အရောင်းအဝယ် ဖြစ်နေကြောင်း ကုန်းဘောင်ဈေးအတွင်း ရောင်းချသော သစ်သီးဆိုင်များမှ သတင်းရရှိသည်။

DOCA(စစ်ကိုင်း)

    စစ်ကိုင်းတိုင်းဒေသကြီး မုံရွာမြို့ရှိ ဈေးများတွင် ယခုရက်သတ္တပတ်အတွင်း ‌ရွှေဘိုပေါ်ဆန်း (သစ်)(တစ်အိတ်)လျှင် ၁၀၀၀၀၀ကျပ်၊  ဧရာမင်း(ဆန်)(သစ်)(တစ်အိတ်)လျှင် ၁၀၀၀၀၀ ကျပ်၊ ဧည့်မ ထဆန်(သစ်)(တစ်အိတ်)လျှင် ၇၂၀၀၀ ကျပ်၊ ပဲဆီ(တစ်ပိဿာ)လျှင် ၁၃၄၅၀-၁၃၅၀၀ ကျပ်၊ နှမ်းဆီ (တစ်ပိဿာ)လျှင် ၁၂၀၀၀ ကျပ်၊ နေကြာဆီ(တစ်ပိဿာ)လျှင်၁၂၀၀၀ကျပ်၊ စားအုန်းဆီ (တစ်ပိဿာ) လျှင် ၇၄၅၀-၇၅၀၀ကျပ်၊ ဆား(တစ်ပိဿာ)လျှင် ၇၀၀-၈၀၀ ကျပ်၊ ငရုတ်ခြောက် (တစ်ပိဿာ) ၁၈၀၀၀ မှ ၁၉၀၀၀ ကျပ်၊ ကြက်သွန်နီ(အသစ်) (တစ်ပိဿာ) ၂၀၀၀ မှ ၂၁၀၀ ကျပ်၊ ကြက်သွန်ဖြူ (ရှမ်းစ) (တစ်ပိဿာ) ၅၈၀၀ မှ ၆၀၀၀ ကျပ်၊ ကြက်သွန်ဖြူ (ကြူကုတ်) (တစ်ပိဿာ) ၇၈၀၀ မှ ၈၀၀၀ ကျပ်၊ အာလူး(တစ်ပိဿာ) ၂၂၀၀ မှ၂၃၀၀ ကျပ်၊ မန်ကျည်းသီးမှည့် (တစ်ပိဿာ) လျှင် ၃၈၀၀-၄၀၀၀ ကျပ်၊ နနွင်းတက် (တစ်ပိဿာ)လျှင် ၅၈၀၀-၆၀၀၀ ကျပ်၊ ခရမ်းချဉ်သီး (တစ်ပိဿာ) ၂၀၀၀ကျပ်၊ ဂေါ်ဖီထုပ်(တစ်ထုပ်)၁၅၀၀ကျပ်၊ ပဲသီး(ပဲထောင့်ရှည်)(တစ်စည်း) ၇၀၀ကျပ်၊ ကြက်သား (တစ်ပိဿာ) လျှင် ၁၀၀၀၀-၁၂၀၀၀ ကျပ်၊ ဝက်သား (တစ်ပိဿာ)လျှင် ၁၈၀၀၀-၂၀၀၀၀ ကျပ်၊ အမဲသား (တစ်ပိဿာ) လျှင်၁၆၀၀၀-၁၇၀၀၀ကျပ်၊ ဆိတ်သား(တစ်ပိဿာ)လျှင်၂၄၀၀၀-၂၆၀၀၀ကျပ်၊ ငါးမြစ်ချင်း(တစ်ပိဿာ) လျှင် ၇၅၀၀-၈၀၀၀ကျပ်၊ ကြက်ဥ (၁)လုံးလျှင် ၂၆၀ ကျပ်၊ ဘဲဥ (၁)လုံး လျှင် ၄၀၀ ကျပ်၊ ဖရဲသီး (ကျောက်စိမ်း) (၁)လုံးလျှင် ၁၅၀၀ မှ ၂၀၀၀ ကျပ်အတွင်း၊ ဖရဲသီး(၂၁၁) (၁)လုံး လျှင် ၄၀၀၀ ကျပ်၊ သခွားမွှေး(၁)လုံးလျှင် ၁၅၀၀မှ ၂၀၀၀ ကျပ်အတွင်း အသီသီးဈေးရှိကြောင်း သိရသည်။

    ယခင်ပတ်နှင့်နှိုင်းယှဉ်ပါက အခြေခံစားကုန်ဈေးနှုန်းများဖြစ်သော ကြက်သွန်နီဈေးနှုန်းများမှာ ဈေးအနည်းငယ်အေးနေကြောင်း၊ အားလူဈေးနှုန်းမှာ အနည်းငယ်ဈေးတက်နေပါကြောင်း၊ ဈေးနှုန်းတက်ရခြင်းမှာ ဒေသတွင်းစိုက်ပျိုးထုတ်လုပ်မှုမရှိဘဲ ရှမ်း(တောင်)မှဝယ်ယူရောင်းချရခြင်း၊ လမ်းပန်းဆက်သွယ်ရေး အခက်အခဲများကြောင့် ဈေးမြင့်တက်ရခြင်းဖြစ်ကြောင့် လေ့လာသိရှိရပါသည်။  စားအုန်းဆီဈေးနှုန်းများ ရည်ညွှန်းဈေးပေါ်မူတည်၍ ဈေးနှုန်းအပြောင်းအလဲရှိပါကြောင်း ချင်းတွင်းရတနာဈေးရှိ လက်လီလက်ကားရောင်းဝယ်ဖောက်ကား ရောင်းချနေသော ကုန်သည်များထံမှ သိရှိ ရသည်။    

DOCA(စစ်ကိုင်း)