ပြည်တွင်းကုန်သွယ်မှုသတင်း

    တောင်ငူမြို့ ညောင်ပင်ဈေးတွင် တညင်းသီးများရောင်းချနေပြီဖြစ်ရာ တောင်ငူမြို့ အရှေ့ဘက် သံတောင်ဒေသထွက် တညင်းသီးများကို တောင်ငူမြို့တွင်လာရောက် ရောင်းချကြခြင်း ဖြစ်ပါသည်။ သံတောင်ဒေသထွက် တညင်းသီးများသည် မတ်လကုန်လောက်တွင်စတင်ပေါ်ပါသည်။ ပေါ်ခါစ တညင်းသီးများမှာ အသီးသေး၍ မရင့်ပါ။ တညင်းသီးရာသီချိန်တွင် မြန်မာလူမျိုးအများစု၏ ထမင်းစားပွဲတွင် ငါးပိရည်နှင့်တွဲဖက်၍ တညင်းသီးကို အတို့အဖြစ် စားသုံးကြပါသည်။ တညင်းသီး ကို ပြုတ်၍လည်းကောင်း၊ ဆားရေစိမ်၍ သော်လည်းကောင်း၊ အစိမ်းစား၍သော်လည်းကောင်း စားကြပါသည်။ တညင်းဝက်ပြုလုပ်၍သော်လည်းကောင်း ချက်စား၍ စားသုံးကြပါသည်။

         တညင်းသီးတွင် ကာဗိုဟိုက်ဒြိုတ်၊ ပရိုတင်းနှင့် အဆီဓါတ်များပါဝင်ပါသည်။ သို့သော် တန်ဆေးလွန်ဘေးဆိုသကဲ့သို့ တညင်းသီးအား အလွန်အကျွံစားသုံးပါက ကျောက်ကပ်ရောဂါကို ဖြစ်စေနိုင်ပါသည်။

       တောင်ငူမြို့ ညောင်ပင်ဈေးတွင် တညင်းသီးမှာ အလုံးသေး (၁၀) လုံးလျှင် ၁၀၀၀ကျပ် နှင့် အလုံးကြီး (၁၀) လုံးလျှင် ၂၀၀၀ကျပ် အသီးသီးဈေးနှုန်း ဖြစ်ပေါ်လျက်ရှိပါသည်။ ရှေ့မိုးဦးကျရာသီတွင် တောင်ငူဒေသထွက် တညင်းသီးများ လှိုင်လှိုင်ပေါ်တော့မည် ဖြစ်ကြောင်း သိရှိရပါသည်။

DOCA(ပဲခူး)

      မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်တွင် ၂၀၂၃ခုနှစ်၊ ဧပြီလ (တတိယပတ်) တွင် အရောင်းအဝယ်ဖြစ်လျက်ရှိသော စားသုံးဆီဈေးနှုန်းများမှာ ပဲဆုံဆီလက်ကားတစ်ပိဿာလျှင် ကျပ် (၁၂၀၀၀)၊ လက်လီတစ်ပိဿာလျှင် ကျပ် (၁၂၅၀၀)၊ နှမ်းဆီလက်ကားတစ်ပိဿာလျှင် ကျပ် (၁၁၅၀၀)၊ လက်လီတစ်ပိဿာလျှင် ကျပ် (၁၂၀၀၀)၊ နှမ်းရောဆီလက်ကားတစ်ပိဿာလျှင် ကျပ် (၉၅၀၀)၊ လက်လီတစ်ပိဿာလျှင် ကျပ်(၁၀၀၀၀)၊ စားအုန်းဆီလက်ကားတစ်ပိဿာလျှင် ကျပ် (၆၈၀၀)၊ လက်လီတစ်ပိဿာလျှင် ကျပ်(၇၀၀၀)၊ နေကြာဆီလက်ကားတစ်ပိဿာလျှင် ကျပ် (၁၂၅၀၀)၊ လက်လီတစ်ပိဿာလျှင် ကျပ် (၁၃၀၀၀) ဖြစ်ပြီး ဧပြီ (ပထမပတ်) တွင် စက်ပဲဆီလက်ကားတစ်ပိဿာလျှင် ကျပ် (၁၁၅၀၀)၊ လက်လီတစ်ပိဿာလျှင် ကျပ် (၁၂၀၀၀)၊ နှမ်းဆီ လက်ကားတစ်ပိဿာလျှင် ကျပ် (၁၁၅၀၀)၊ လက်လီတစ်ပိဿာလျှင် ကျပ် (၁၂၀၀၀)၊ နှမ်းရောဆီလက်ကားတစ်ပိဿာလျှင် ကျပ် (၈၉၀၀)၊ လက်လီတစ်ပိဿာလျှင် ကျပ် (၉၀၀၀)၊ နေကြာဆီလက်ကားတစ်ပိဿာလျှင် ကျပ် (၁၂၀၀၀)၊ လက်လီတစ်ပိဿာလျှင် ကျပ် (၁၂၅၀၀) ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိပါသည်။

      ယခင်ဧပြီ (ပထမပတ်) ဈေးနှုန်းနှင့်နှိုင်းယှဉ်ကြည့်လျှင် မြေပဲစက်ဆီနှင့် နေကြာဆီတစ်ပိဿာလျှင် ကျပ် (၅၀၀) ဈေးနှုန်းမြင့်တက်လာပြီး ကျန်စားသုံးဆီဈေးနှုန်းများမှာ တည်ငြိမ်လျက်ရှိကြောင်း စားသုံးဆီဈေးကွက်မှသိရှိရပါသည်။

DOCA(မကွေး)

      ပဲခူးတိုင်း‌ဒေသကြီး ၊ သာယာဝတီခရိုင် ၊ လက်ပံတန်းမြို့နယ် ၊ မိုးအိုင်အုပ်စု ၊ မိုးအိုင်ကျေးရွာရှိ မတ်ပဲစိုက်တောင်သူ ဦး‌အောင်မင်းနှင့်တွေ့ဆုံ၍ (၂၀.၄.၂၀၂၃)ရက်နေ့ ၊ နံနက် (၁၀: ၀၀) နာရီအချိန်တွင် မတ်ပဲသီးနှံ စိုက်ပျိုးထားမှုအခြေနေ၊ သွင်းအားစုသုံးစွဲမှုအ‌ခြေအနေ ၊ ကုန်ကျစရိတ်နှင့် အကျိုးအမြတ် ရရှိမှု အခြေနေများအား တွေ့ဆုံမေးမြန်းခဲ့ပါသည်။

     မတ်ပဲစိုက်တောင်သူဦးအောင်မင်းမှ မတ်ပဲတစ်ဧကကို မတ်ပဲ ၁ တင်းခန့် ကျဲပတ်စိုက်ပျိုးရပြီး ပဲတီစိမ်း စိုက်သူရှိသော်လည်း မတ်ပဲကိုသာအများဆုံးစိုက်ပျိုးလျှက်ရှိပါကြောင်း ၊ စိုက်ပျိုးချိန်တွင် ပဲမျိုးကို ၁ တင်း ၅၀၀၀၀ စျေးအထိ ဝယ်ရပြီး ယခင်က ထွန်စက်ခ တစ်ထပ်လျှင် ၂၀၀၀၀ကျပ်သာပေးရကာ ယခုအခါ ထွန်စက်ခ တစ်ထပ်လျှင် ၃၀၀၀၀ကျပ်ပေးချေရပြီး နှစ်ထပ်ထွန်ယက်ရကြောင်း၊ စိုက်ပျိုးပြီး အပင်ပေါက် ၁၅ရက်ကျော်လျှင် မှိုသတ်ဆေးပက်ဖျန်းရ‌ကြောင်း၊ တစ်ပတ်ခန့်ကြာလျှင် ပိုးသတ်ဆေး၊ အပင်အားဆေး ပတ်ဖျန်းရကြောင်း ၊ ပန်းပွင့်ချိန်တွင် အပွင့်အသီးအားဆေးနှင့် ပိုးသတ်ဆေးပတ်ဖျန်းပေးရကြောင်း ၊ ပဲရိတ်သိမ်းချိန်အထိ ခန့်မှန်းကုန်ကျစရိတ် ၃၉၀၀၀၀ ကျပ်ခန့်ကုန်ကျကြောင်း ၊ တစ်ဧကအထွက်နှုန်းမှာ ၁၅ တင်းကျော်ခန့်သာ ထွက်ရှိပြီး တစ်တင်းပေါက်စျေးနှုန်း ၆၀၀၀၀ကျပ်ခန့်ရရှိကြောင်း၊ တစ်ဧကစိုက်ပျိုးလျှင် ၅၀၀၀၀၀ကျပ်နီးပါးခန့် အမြတ်ရှိကြောင်း မတ်ပဲစိုက်တောင်သူ ပြောကြားချက်အရ သိရှိရပါသည်။

DOCA(ပဲခူး)

     သာယာဝတီခရိုင်တွင် ယခုလ သင်္ကြန်ကာလအပြီး မတ်ပဲဈေးနှုန်းများမှာ အနည်းငယ်မြင့်တက်၍ အရောင်းအဝယ်အေးနေကြောင်း သိရှိရပါသည်။ ယခင်မတ်လ နောက်ဆုံးပတ်က အနိမ့်ဆုံး ပိဿာ (၂၀) တစ်တင်းလျှင် ၆၆၉၀၀ ကျပ်နှင့် အမြင့်ဆုံး ၆၇၀၀၀ ကျပ်သာရှိသော်လည်း ယခု ဧပြီလတတိယပတ်တွင် ပိဿာ (၂၀) တစ်တင်းလျှင် အနိမ့်ဆုံး ၆၇၁၀၀ ကျပ်နှင့် အမြင့်ဆုံး ၆၇၃၀၀ ကျပ်ထိ အရောင်းအဝယ်ဖြစ်ပေါ်နေကြောင်း သိရှိရပါသည်။ ပဲတီစိမ်းဈေးနှုန်းအနေဖြင့် ပိဿာ ၂၀ တစ်တင်းလျှင် မတ်လ နောက်ဆုံးပတ်က ၄၈၀၀၀ ကျပ်ဖြင့် အရောင်းအဝယ်ဖြစ်လျက်ရှိပြီး ယခု ဧပြီ နောက်ဆုံးပတ်တွင် ၅၀၀၀၀ ကျပ်ဖြစ်၍ ၂၀၀၀ ကျပ်ခန့် အနည်းငယ်မြင့်တက်လာပြီး အ‌‌ရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(ပဲခူး)

       နဂါးမောက်သီးတွင် အဖြူရောင်နှင့်အနီရောင်ဟူ၍ ၂ မျိုးရှိပါသည်။ အဖြူရောင်အသီးမှာ ခပ်ရှည်ရှည်ဖြစ်ပြီး အနီရောင်အသီးမှာ ခပ်ဝိုင်းဝိုင်းလေးဖြစ်ပါသည်။ မြန်မာနိုင်ငံမှာ ပေါက်ရောက် သကဲ့သို့ အာရှနိုင်ငံတော်တော်များများမှာလည်း ပေါက်ရောက်ပါသည်။ နဂါးမောက်သီးတွင် ကယ်လ်လိုရီ ၊ပရိုတင်း၊ ကာဗိုဟိုက်ဒရိတ်၊ အမျှင်ဓာတ်၊ သံဓာတ်၊မဂ္ဂနီဆီယမ်၊ ဗီတာမင် C၊ ဗီတာမင်E တို့ပါဝင်ပါသည်။နဂါးမောက်သီးအရသာမှာ ချိုချိုချဉ်ချဉ်ဖြစ်ပြီး စားကောင်းတဲ့အသီးတစ်မျိုး ဖြစ်ပါသည်။နဂါးမောက်သီးတွင် ကိုလက်စထရော ပါဝင်မှုနည်းပြီးကျန်းမာ ရေးအတွက် အထောက်အကူပြုသည့် အဟာဓာတ်လည်း ကြွယ်ဝစွာပါဝင်ပါသည်။ကိုယ်အလေး ချိန်ထိန်းညှိဖို့ အထောက်အပံ့ပေးနိုင်သည့် အကောင်းဆုံးအစားအစာတစ်ခု ဖြစ်ပါသည်။ ကျန်းမာနေစေရန်အတွက် နဂါးမောက်သီးကို စားသုံးပေးခြင်းသည်ကောင်းမွန်တဲ့ကျန်းမာရေး အလေ့အထတစ်ခုဖြစ်ပါသည်။ နဂါးမောက်သီးသည် သွေးတွင်း အကျိုးမပြုကိုလက်စထရော(LDL)တွေကိုကျဆင်းစေပြီး အကျိုးပြုကိုလက်စထရော(HDL)ကို တိုးစေပါသည်။ထိုအာနိသင်သည် နှလုံးသွေးကြောတွေကို ကျန်းမာစေပြီး နှလုံးစီကို သွေးစီးဆင်းရောက်ရှိမှုကောင်းစေတာကြောင့် နှလုံးကျန်းမာစေဖို့အ ကောင်းဆုံး အထောက်အကူပြုပေးပါသည်။ နှလုံးသွေးကြောဆိုင်ရာ ရောဂါတွေလည်းကင်းစေပါသည်။ နဂါးမောက်သီးသည် အမျှင်ဓာတ် ကြွယ်ဝတာကြောင့် နဂါးမောက်သီးစားခြင်းသည် အစာခြေစနစ်ကို ကျန်းမာစေဖို့ အများကြီး အထောက်အကူ ပြုပေးပါတယ်။ အစာကျေစေသလိုဝမ်းလည်းမှန်စေပါသည်။ အူတွေရဲ့လှုပ်ရှားမှု ကောင်းစေပြီး အဆာခံနိုင်စေပါသည်။ကင်ဆာအပါအဝင် နာတာ ရှည်ရောဂါတွေကိုဖြစ်စေနိုင်တဲ့ ဓာတ်တိုးပစ္စည်းတွေကြောင့် ကျန်းမာရေး ထိခိုက်မှုကင်းစေရန် နဂါးမောက်သီးကိုစားသုံးသင့်ပါသည်။ နဂါးမောက်သီးသည် ဓာတ်တိုးဆန့်ကျင်အာနိသင် ကြွယ်ဝမှု ကြောင့် အရေပြားကစ၍ ခန္ဓာကိုယ်တစ်ခုလုံး ကျန်းမာစေဖို့ အကောင်းဆုံး ထောက်ပံ့ပေးပါသည်။  အမျှင်ဓာတ်ကြွယ်ဝစွာ ပါဝင်နေမှုကြောင့် သွေးတွင်းအချိုဓာတ်ကို ထိန်းညှိပေးပြီးရုတ်တရက် သွေးချိုမြင့်တက်လာခြင်း မဖြစ်စေဖို့အတွက်လည်း ကာကွယ်ပေးပါသည်။ ဆီးချိုသမားများအတွက် အထူးသင့်တော်တဲ့အသီး တစ်မျိုးဖြစ်ပါသည်။ နဂါးမောက်သီးသည် ဓာတ်တိုးဆန့်ကျင် အာနိသင်ကြွယ်ဝတာကြောင့် အသားအရေကိုတင်းရင်းစေပြီး အရေးအကြောင်းကင်းစေဖို့ အကောင်းဆုံးထောက်ပံ့ပေးပါသည်။ နဂါးမောက်သီးကိုကြိတ်ခြေပြီး ပျားရည်နှင့်ရောစပ်၍ မျက်နှာအသားအရေကို ပေါင်းတင်ပေးလို့ရပါသည်။ အရေးအကြောင်း ကင်းပြီးကြည်လင်ဝင်းပတဲ့ အသားအရည်ကို ပိုင်ဆိုင်နိုင်မှာဖြစ်ပါသည်။ နဂါးမောက်သီးသည် ဗီတာမင်Cကြွယ်ဝတာကြောင့် အသားအရည်ကို ဝက်ခြံကင်းစေဖို့အတွက်လည်း အထောက်အပံ့ပေးပါသည်။နဂါးမောက်သီးကို ခပ်ပါးပါးလွှာပြီး ဝက်ခြံပေါ်မှာကပ်ပေးပါက ဝက်ခြံကိုသက်သာစေပြီး ဝက်ခြံကြောင့်နီမြန်း ရောင်ရမ်းခြင်းကို သက်သာစေပါသည်။ နဂါးမောက်သီးသည် ကျန်းမာရေးနှင့်ညီညွှတ်သလို လူတိုင်းနဲ့လည်းတည့်ပါသည်။ သတိထားရမယ့်အချက်မှာ အလွန်အကျွံမစားမိဖို့ပဲဖြစ်ပါသည်။          ထို့ကြောင့်ခန္ဓာကိုယ်အတွက် ကောင်းကျိုးများစွာပေးနိုင်သည့် နဂါးမောက်သီးကိုဖြည့်စွက် အစားအစာအနေဖြင့် စားသုံးပေးသင့်ပါသည်။

DOCA(ကယား)