ပြည်တွင်းကုန်သွယ်မှုသတင်း

   မုံရွာမြို့၊ ချင်းတွင်းရတနာစျေး၌  ရောင်းချနေသော ပုဇွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်မှ ဝင်ရောက်ကြောင်းသိရပါသည်။ ပုဇွန်၊ ငါးခြောက်စျေးနှုန်းများမှာ ဝင်ရောက်သည့် ဒေသအ‌ပေါ် မူတည်၍လည်းကောင်း၊ အရည်အသွေးကို လိုက်၍လည်းကောင်း ကွာခြားလျက်ရှိပါသည်။

       ယခုဧပြီလ စတုတ္ထအပတ်တွင် ရောင်းချနေသော ဈေးနှုန်းများမှာ ပုဇွန်ခြောက် (၁)ပိဿာလျှင် ကျပ်(၆၅၀၀၀)မှ ကျပ်(၉၀၀၀၀)၊ ငါးရံ့ခြောက် (၁)ပိဿာလျှင် ကျပ်(၅၅၀၀၀မှ ၈၀၀၀၀)၊ ငါးပုတ်လုံးခြောက်(၁)ပိဿာလျှင် ကျပ်(၁၆၀၀၀မှ ၁၈၀၀၀)၊  ငါးပုတ်သင်(၁)ပိဿာလျှင် ကျပ်(၁၄၀၀၀မှ ၁၆၀၀၀) ၊ အာပြဲခြောက်(၁)ပိဿာလျှင် ကျပ်(၂၀၀၀၀မှ ၂၂၀၀၀)၊ ငါးကျည်း ခြောက်(၁)ပိဿာလျှင် ကျပ်(၃၅၀၀၀မှ ၄၅၀၀၀)၊ ငါးနီတူးခြောက် (၁)ပိဿာ လျှင် ကျပ်(၁၀၀၀၀ မှ ၁၃၀၀၀)၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ်(၁၅၀၀၀မှ ၁၇၀၀၀) ရှိကြောင်း ချင်းတွင်းရတနာဈေးတွင်ရောင်းချနေသော ငါးခြောက်ကုန်သည်များထံမှ သိရပါသည်။

DOCA(စစ်ကိုင်း)

        စီးပွား‌‌ရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများအပြင် အခြေခံစားကုန်ဈေးနှုန်းများကို အပတ်စဉ် မေးမြန်းတင်ပြလျက်ရှိရာ ရွှေဘိုမြို့တွင် စားသုံးဆီဈေးနှုန်းများ အနည်းငယ်ကျဆင်းလျက်ရှိကြောင်း စားသုံးဆီအရောင်းဆိုင်များမှ သိရသည်။

       ရွှေဘိုမြို့ပေါ်တွင် စားသုံးဆီ လက်လီ/လက်ကား ရောင်းချသောဆိုင် (၁၂)ဆိုင်ရှိပြီး ဧပြီလ တတိယပတ်တွင် စားအုန်းဆီ တစ်ပိဿာ (၆၉၀၀)ကျပ်၊ ပဲဆီသန့် တစ်ပိဿာ (၁၃၀၀၀)ကျပ်၊ နှမ်းဆီသန့်တစ်ပိဿာ (၁၃၀၀၀)ကျပ်ဖြင့် အရောင်းအဝယ် ဖြစ်ခဲ့ပြီး၊ ယခု ဧပြီလ နောက်ဆုံးပတ်တွင် စားအုန်းဆီ တစ်ပိဿာ (၆၄၀၀)ကျပ်၊ ပဲဆီသန့် တစ်ပိဿာ (၁၃၀၀၀)ကျပ်၊ နှမ်းဆီသန့်တစ်ပိဿာ (၁၃၀၀၀)ကျပ်ဖြင့် အရောင်းအဝယ်ဖြစ်နေသဖြင့် ယခင်ပတ်နှင့် ယခုပတ် စားသုံးဆီ တစ်ပိဿာဈေးနှုန်း နှိုင်းယှဉ်ကြည့်ပါက စားအုန်းဆီ တစ်ပိဿာလျင် (၅၀၀)ကျပ်ဈေးနှုန်းအနည်းငယ်ကျဆင်းခဲ့ပြီး ပဲဆီသန့်နှင့် နှမ်းဆီသန့် ဈေးနှုန်းမှာ ယခင်ပတ်နည်းတူ ဈေးနှုန်းတည်ငြိမ်လျက်ရှိကြောင်း  စားသုံးဆီလက်ကားဆိုင်များမှ သတင်းရရှိသည်။

DOCA(စစ်ကိုင်း)

      မြန်မာနိုင်ငံစက်သုံးဆီ တင်သွင်း/သိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်း လက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

      ရွှေဘိုမြို့တွင် စက်သုံးဆီဆိုင် (၁၉)ဆိုင် ပုံမှန် ဖွင့်လှစ်ရောင်းချလျက်ရှိပြီး ၂၀၂၃ခုနှစ် ဧပြီလ တတိယပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၂၁၀) ကျပ်၊ ဓါတ်ဆီ(95)တစ်လီတာလျှင် (၂၂၉၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၁၂၅)ကျပ်၊ ဒီဇယ်(ပရီမီယမ်)တစ်လီတာလျှင် (၂၂၀၅)ကျပ်ဖြင့် ရောင်းချလျက်ရှိကြောင်း သိရသည်။

   ယခု ဧပြီလ နောက်ဆုံးပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၁၅၀)ကျပ်၊ ဓါတ်ဆီ(95)တစ်လီတာလျှင် (၂၂၃၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၁၁၀)ကျပ်၊ ဒီဇယ်(ပရီမီယမ်) တစ်လီတာလျှင် (၂၁၈၅)ကျပ်ဖြင့် ရောင်းချနေသောကြောင့် ယခင်အပတ်နှင့် နှိုင်းယှဉ်ပါက ဓါတ်ဆီ(92) တစ်လီတာလျှင် (၆၀)ကျပ်၊ ဓါတ်ဆီ(95) တစ်လီတာလျှင် (၆၀)ကျပ် ၊ ဒီဇယ်(ရိုးရိုး) တစ်လီတာလျှင် (၁၅)ကျပ်၊ ဒီဇယ်(ပရီမီယမ်) တစ်လီတာလျှင် (၂၀)ကျပ်ဖြင့် ဈေးနှုန်း အနည်းငယ်ကျဆင်းလျက်ရှိကြောင်း စက်သုံးဆီဆိုင်များမှ သတင်းရရှိသည်။

DOCA(စစ်ကိုင်း)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များ ဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များ ပိုမိုခိုင်မာအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန် စာရင်းတို့ကိုလည်း အပတ်စဉ်၊ လစဉ်တင်ပြလျှက်ရာ ဧပြီလ တတိယပတ်အတွင်း အရောင်းအဝယ်ဖြစ်သည့် သီးနှံနှင့်ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့် ဆက်သွယ်မေးမြန်းခဲ့ရာ ပဲစဉ်းငုံ၊ မတ်ပဲ၊ ကုလားပဲနှင့် ပဲတီစိမ်းများ ဝင်ရောက်လျက်ရှိကြောင်း သိရှိရပါသည်။

ပဲစဉ်းငုံ

   ပဲစဉ်းငုံမှာ ဒီဇင်ဘာလနောက်ဆုံးပတ်မှစတင်၍ အရောင်းအဝယ်ဖြစ်ခဲ့ပြီး ဧပြီလတတိယပတ်ထိ ဝင်ရောက်လျက်ရှိကြောင်း၊ ဧပြီလ၊ တတိယပတ်တွင် ပဲစဉ်းငုံ(နီ)နှင့် ပဲစဉ်းငုံ(ဖြူ)နှစ်မျိုးလုံး အရောင်းအဝယ်ဖြစ်ခဲ့ပြီး အရောင်းအဝယ်ဖြစ်သည့်ဈေးနှုန်းများမှာ ပဲစဉ်းငုံ(နီ)တစ်တင်းလျှင် (၇၄၅၀ဝိ/-) ပေါက်ဈေးရှိပြီး အရောင်းအဝယ်ဖြစ်မှုမှာ (၃၀၀)တင်း/(၁၀)တန်ဖြစ်ကြောင်း၊ ပဲစဉ်းငုံ(ဖြူ)တစ်တင်းလျှင် (၇၁၀၀ဝိ/-)ပေါက်ဈေးရှိပြီး အရောင်းအဝယ်ဖြစ်မှုမှာ (၃၀၀)တင်း/(၁၀)တန်ဖြစ်ကြောင်း၊ ပဲစဉ်းငုံအနေဖြင့် ယခင်နှစ်ကာလတူတွင် အရောင်းအဝယ်ဖြစ်ခြင်းမရှိဘဲ ယခင်အပတ်နှင့် အရောင်းအဝယ်ဖြစ်သည့်ဈေးနှုန်း နှိုင်းယှဉ်ပါက ယခင်အပတ်တွင် ပဲစဉ်းငုံ(နီ)တစ်မျိုးတည်းသာရောင်းအဝယ်ဖြစ်ခဲ့ပြီး တစ်တင်းလျှင် (၇၄၀၀ဝိ/-)သာ ပေါက်ဈေးရှိခဲ့သဖြင့် ယခုအပတ်၌ ပဲစဉ်းငုံ(နီ)တစ်တင်းလျှင် (၅၀ဝိ/-) ဈေးပိုခဲ့ကြောင်းနှင့် အဝင်နည်းသော်လည်း ဝင်ရောက်သမျှ အရောင်းအဝယ်ဖြစ်လျက်ရှိကြောင်း သတင်းရရှိပါသည်။

မတ်ပဲ

     မတ်ပဲမှာ ဇန်နဝါရီလ ပထမအပတ်မှစတင်၍ အရောင်းအဝယ်ဖြစ်ခဲ့ပြီး ဧပြီလ၊ တတိယပတ်၌ မတ်ပဲတစ်တင်းလျှင် (၆၅၀၀ဝိ/-)ပေါက်ဈေးရှိခဲ့ကြောင်း၊  အရောင်းအဝယ်ဖြစ်မှုမှာ (၄၅၀)တင်း/(၁၅)တန်       ဖြစ်ကြောင်း၊ မတ်ပဲမှာ ယခင်နှစ်ကာလတူနှင့် ယခင်အပတ်တွင် အရောင်းအဝယ်ဖြစ်ခြင်းမရှိကြောင်း သတင်းရရှိပါသည်။

ကုလားပဲ

    ရွှေဘိုခရိုင်အတွင်းရှိ မြို့နယ်များတွင် စိုက်ပျိုးထားသော ကုလားပဲများမှာ ဖေဖော်ဝါရီလ တတိယပတ်မှစတင်၍ ရွှေဘိုဈေးကွက်သို့ဝင်ရောက်လာပြီး ဧပြီလ၊ တတိပတ်အထိ အရောင်းအဝယ် ဖြစ်လျက်ရှိကြောင်း၊ ဧပြီလ တတိယပတ်အတွင်း ကုလားပဲ(V2)တစ်တင်းလျှင် (၇၂၀၀ဝိ/-)ပေါက်ဈေးရှိ၍ အရောင်းအဝယ်ဖြစ်မှုမှာ (၁၅၀)တင်း/ (၅)တန်ဖြစ်ကြောင်း၊ ကုလာပဲသီးနှံအနေဖြင့် ယခင်နှစ်ကာလတူ တွင်အရောင်းအဝယ်ဖြစ်ခြင်းမရှိကြောင်း၊  ယခင်အပတ်နှင့်ယခုအပတ် အရောင်းအဝယ်ဖြစ်သည့်ဈေးနှုန်း နှိုင်းယှဉ်ပါက ယခင်အပတ်၌ ကုလားပဲ(V2) တစ်တင်းလျှင်(၆၇၀၀ဝိ/-)ဖြင့် အရောင်းအဝယ်ဖြစ်ခဲ့သဖြင့် ယခုအပတ်တွင် ယခင်အပတ်ထက်တစ်တင်းလျှင် (၅၀၀ဝိ/-) ဈေးမြင့်ခဲ့ကြောင်း သတင်းရရှိပါသည်။

DOCA(စစ်ကိုင်း)       

     မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့မဈေးကြီးတွင် သီးနှံမျိုးစုံစိုက်ပျိုးထွက်ရှိသော ပခုက္ကူ၊ မုံရွာ၊ ရေစကြိုမြို့ရှိ ကျေးရွာများနှင့် ညောင်တော၊ ကူတုတ်ရွာများမှ သီးနှံအများဆုံးဝင်ရောက်ရောင်းဝယ်ဖောက်ကားလျက်ရှိပါသည်။

      ရေစကြိုမြို့မဈေးတွင် (၂၀-၄-၂၀၂၃ မှ ၂၄-၄-၂၀၂၃) ရက်နေ့ထိ အရောင်းအဝယ်ဖြစ်လျက်ရှိသောအခြေခံစားကုန်ဈေးနှုန်းများမှာ ခရမ်းချဉ်သီး (ပင်ထောင်သီး)(၁)ပိဿာလျှင် ကျပ် (၁၈၀၀ မှ၂၀၀၀)ထိ၊ ခရမ်းချဉ်သီး(အင်းသီး)(၁)ပိဿာလျှင် ကျပ်(၂၂၀၀ မှ၂၄၀၀)ထိ၊ ခရမ်းသီး(၁)ပိဿာလျှင် ကျပ်(၁၀၀၀ မှ ၁၂၀၀)ထိ၊ အာလူး(၁)ပိဿာလျှင် ကျပ်(၂၆၀၀ မှ ၂၈၀၀)ထိ၊ မျှစ်(၁)ပိဿာလျှင် ကျပ် (၂၆၀၀ မှ ၂၈၀၀)ထိ၊ ပဲသီးရှည်(၁)ပိဿာလျှင် ကျပ်(၁၄၀၀ မှ ၁၅၀၀)ထိ၊ ငရုတ်သီးစိမ်း(၁)ပိဿာလျှင် ကျပ်(၃၀၀၀ မှ ၃၃၀၀)ထိ၊ ဆင်ခြေယာငရုတ်သီးခြောက်(၁)ပိဿာလျှင် ကျပ်(၁၀၀၀၀ မှ ၁၁၀၀၀)ထိ၊  ကြက်သွန်နီ(၁)ပိဿာလျှင် ကျပ်(၁၃၀၀ မှ ၁၄၀၀)ထိ၊ ကြက်သွန်ဖြူ(၁)ပိဿာလျှင် ကျပ်(၄၅၀၀ မှ ၅၀၀၀)ထိ၊ ကြက်သွန်ဖြူ(ရှမ်း)(၁)ပိဿာလျှင် ကျပ်(၄၅၀၀ မှ ၅၀၀၀)ထိ၊ ချင်းတက်(၁)ပိဿာလျှင် ကျပ် (၂၃၀၀ မှ ၂၄၀၀)ထိ၊ ဂေါ်ဖီထုပ်(၁)ထုပ်လျှင် ကျပ်(၂၀၀၀ မှ ၂၅၀၀)ထိ၊ ကန်စွန်းရွက်(၁)စည်းလျှင် ကျပ်(၇၀)၊ ချဉ်ပေါင်ရွက်(၁)စည်းလျှင် ကျပ်(၁၀၀)၊ သကြားပြောင်းဖူး(၁)ဖူးလျှင် ကျပ်(၃၅၀)၊ မန်ကျဉ်းသီးမှည့်အစေ့လွတ်(၁)ပိဿာလျှင် ကျပ်(၃၅၀၀ မှ ၄၀၀၀)ထိ၊ မြေပဲဆံ(၁)ပြည်လျှင် ကျပ်(၇၅၀၀ မှ ၈၀၀၀)ထိ၊ ကုလားပဲခြမ်း(အနီဆံ)(၁)ပြည်လျှင် ကျပ်(၆၀၀၀ မှ ၆၄၀၀)ထိနှင့် ဆား(၁)ပိဿာလျှင် ကျပ်(၅၀၀ မှ ၅၅၀)ထိ ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)