ပြည်တွင်းကုန်သွယ်မှုသတင်း

      ပြည်ဈေးကွက်သို့ ဆောင်းပဲတီစိမ်းသစ်အချို့ စတင်ဝင်ရောက်လာခဲ့ပါသည်။ ပြည်အနီးတဝိုက်နှင့် ပေါက်ခေါင်းမြို့နယ်တို့မှ ဝင်ရောက်ခြင်းဖြစ်ပြီး အိတ် ၁၀၀/၂၀၀ကျော်ခန့် နေ့စဉ်ဝင် ရောက်လျက်ရှိပါသည်။ ပဲသစ်အဖွင့်ဈေးမှာ တစ်တင်း ၄၅၀၀၀ကျပ်မှ ၄၇၀၀၀ကျပ်ဖြင့် ရရှိနေပြီး ဝယ်လိုအားအနေဖြင့် မန္တလေးလိုင်းသမား အဓိကထားဝယ်ယူခဲ့ကြပါသည်။ ပဲတီစိမ်းသီးနှံမှာ မတ်ပဲသီးနှံကဲ့သို့ တစ်နှစ်တာလုံးရောင်းချရခြင်းမရှိဘဲပဲပေါ်ချိန် အထွက်လှိုင်ချိန် ကာလများ တွင်သာ အရောင်းအဝယ်သွက်သော ပဲသီးနှံဖြစ်ခဲ့ပါသည်။  ဒါ့ကြောင့် မိုးပဲတီစိမ်းသီးနှံ နှင့်ဆောင်း ပဲတီစိမ်း သီးနှံများ ထွက်ပေါ်ချိန်များတွင် ရောင်းချခဲ့သည့်အတွက် မိုးပဲတီစိမ်းသီးနှံမှာ ဇူလိုင် /ဩဂုတ်လ များတွင် အရောင်းအဝယ်ဖြစ်မှုများသလို ဆောင်ပဲတီစိမ်းသီးနှံမှာ နိုဝင်ဘာ/ ဒီဇင်ဘာလ များအတွင်း အရောင်းအဝယ်ဖြစ်ခဲ့ကြောင်း လေ့လာသိရှိရပါသည်။ ပဲတီစိမ်းသီးနှံမှာ နှစ်စဉ်လိုလို ဈေးကောင်းနေသော သီးနှံဖြစ်ကာ ယခုနှစ်တွင် ဈေးအဖွင့်မှာ ယခင်နှစ်ထက် ဈေးပိုနေသော်လည်း မတ်ပဲသီးနှံထက် ဈေးလျော့နည်းရောင်းဝယ်ခဲ့ကြကြောင်း သိရှိရပါသည်။

DOCA(ပဲခူး)

       အောင်လံကုန်စည်ဒိုင်တွင် နှမ်းဈေးကွက်အနေဖြင့် (၁၃.၁၀.၂၀၂၂)နှင့် (၁၉.၁၀.၂၀၂၂) ရက်နေ့အတွင်း နှမ်းနက် (စမုံ)(၄၅)ပိဿာဝင်(၁)အိတ်လျှင်ကျပ်(၂၇၅၀၀၀)၊ နှမ်းပြာကျပ် (၂၄၀၀၀၀)၊ နှမ်းနီကျပ်(၂၄၀၀၀၀)ဖြစ်ပြီး ပဲမျိုးစုံဈေးကွက်တွင်လည်း ပဲစဉ်းငုံနီ (၄၅) ပိဿာဝင် (၁)အိတ်လျှင်ကျပ်(၅၉၅၀၀)၊ ပဲတီစိမ်းကျပ်(၄၈၀၀၀)၊ မတ်ပဲကျပ်(၅၉၀၀၀)၊ ကုလားပဲ (HL)ကျပ် (၆၃၅၀၀)၊ ကုလားပဲ(မြကြေး)ကျပ်(၆၃၅၀၀)၊ ဘိုကိတ်ပြာကျပ်(၃၈၀၀၀)၊ ပဲကြီးကျပ် (၇၅၀၀၀)၊ မြေပဲလုံးဆံနီကျပ်(၅၆၀၀)၊ မြေပဲလုံးဆံဖြူကျပ်(၅၄၀၀)၊ မြေပဲတောင့်အစိုကျပ်(၂၂၅၀၀) ဖြစ်၍ ယခင်အပတ်နှင့် နှိုင်းယှဉ်ပါက နှမ်းနက်(စမုံ)ကျပ်(၂၀၀၀၀)၊ နှမ်းပြာကျပ်(၅၀၀၀)၊ နှမ်းနီကျပ် (၅၀၀၀)၊ ပဲစဉ်းငုံနီကျပ်(၅၀၀)ဖြင့် ဈေးနှုန်းများကျဆင်းလျက်ရှိပြီး နှမ်းဖြူမှာ ကျပ်(၂၅၅၀၀၀)ဖြင့် ဈေးနှုန်းတည်ငြိမ်လျက်ရှိပါသည်။အခြားသီးနှံများဖြစ်သည့် ပဲတီစိမ်း မှာကျပ် (၁၀၀၀)၊ ကုလားပဲ (HL)ကျပ်(၁၅၀၀)၊ ကုလားပဲ(မြကြေး)ကျပ်(၁၅၀၀)၊ မြေပဲလုံးဆံနီကျပ် (၁၀၀)၊ မြေပဲတောင့်အစို ကျပ်(၅၀၀)တို့ဖြင့် အသီးသီးဈေးနှုန်းများ မြင့်တက်ခဲ့ပါသည်။

       အရောင်းအဝယ်ပမာဏအနေဖြင့် နှမ်းနက် (စမုံ) (၃၆၀၀)အိတ်၊ နှမ်းပြာ(၇၇၀)အိတ်၊ နှမ်းဖြူ(၉၀)အိတ်၊ နှမ်းနီ (၁၈၀)အိတ်၊ ပဲတီစိမ်း(၁၃၅၀)အိတ်၊ ပဲစဉ်းငုံနီ(၃၀၀)အိတ်၊ မတ်ပဲ (၁၁၀)အိတ်၊ ကုလားပဲ(HL) (၈၀၀)အိတ်၊ ကုလားပဲ (မြကြေး) (၆၂၀)အိတ်၊ ဘိုကိတ်ပြာ(၈၀) အိတ်၊  ပဲကြီး(၅၃၀)အိတ်၊ မြေပဲလုံးဆံ (ဖြူ)(၃၀၀)အိတ်၊ မြေပဲလုံးဆံ(နီ) (၆၀၀)အိတ်နှင့် မြေပဲတောင့် (အစို)(၆၅၀၀)တင်းတို့ အရောင်းအဝယ်ဖြစ်ခဲ့ကြောင်း သိရှိရပါသည်။

DOCA(မကွေး)

        ပုသိမ်မြို့ ဆန်စပါးစျေးကွက်တွင် အောက်တိုဘာလအတွင်း အရောင်းအ၀ယ် အေးလျှက်ရှိပြီး မြို့နယ်အချို့တွင် မိုးစပါးသစ်များ စျေးကွက်သို့ ၀င်ရောက်လျှက်ရှိသော်လည်း လက်ရှိစျေးကွက်တွင် မိုးစပါး ဆန်အဟောင်းများသာ ရောင်း၀ယ်လျှက်ရှိကြောင်း၊ ​လူနည်းစု စားသုံးသော ဧရာ၀တီပေါ်ဆန်စပါး (၁၀၅)ပေါင် တင်း (၁၀၀) ကျပ်သိန်း(၂၀)၀န်းကျင်၊ ဆန်(၁)အိတ် ကျပ် ၆၅၀၀၀/၆၈၀၀၀ စျေး၊ ပေါ်ဆန်းရင်စပါး (၁၀၅)ပေါင် တင်း(၁၀၀) ကျပ် ၆၂၀၀၀/၆၅၀၀၀ စျေး နှင့် စျေးတန်းမြင့်သော ဧည့်မထအုပ်စု၀င် ရွှေသွယ်/ဧရာမင်း စပါး ပေါင် (၁၀၀) တင်း (၁၀၀) ကျပ်တစ်ဆယ့်လေးသိန်း ၀န်းကျင် ဆန်(၁)အိတ် ကျပ် ၅၂၀၀၀/၅၃၀၀၀ စျေး၊ ၄င်းအပြင် စျေးတန်းနိမ့်၍ အများဆုံး အရောင်းအ၀ယ်ဖြစ်လျှက်ရှိသော မနောသုခ/မျိုးပွား စပါး ပေါင် (၁၀၀) တင်း(၁၀၀) ကို ကျပ်တစ်ဆယ့်သုံးသိန်း၀န်းကျင် ဆန်(၁)အိတ် ကျပ် ၄၄၀၀၀/၄၅၀၀၀ စျေးနှင့် နွေသီးထပ်ရင်စပါး ပေါင် (၁၀၀) တင်း (၁၀၀) ကို ကျပ်တစ်ဆယ့်နှစ်သိန်း၀န်းကျင် ဆန် (၁)အိတ် ကျပ် ၄၂၀၀၀/၄၃၀၀၀ စျေးဖြင့် ရောင်း၀ယ်လျှက်ရှိပြီး ဆန်အရည်အသွေးပေါ် မူတည်၍လည်း ဆန် (၁)အိတ်လျှင် ကျပ် ၂၀၀၀/၃၀၀၀ အတွင်း စျေးနှုန်းကွာခြားမှုရှိကြောင်း ဆန်စပါး ကုန်သည်များထံမှ သိရသည်။

        စက်တင်ဘာလ ဆန်စပါးစျေးကွက်တွင် တိုင်းအတွင်းနှင့် ရန်ကုန်၊ အထက်အညာဒေသ နယ်ပေါင်းစုံမှ ၀ယ်လိုအား မြင့်တက်၍ စျေးနှုန်းမြင့်တက်မှုရှိပြီး ယခင်လစျေးနှုန်းမှာ စပါး တင်း(၁၀၀)လျှင် ကျပ်တစ်သိန်းခွဲ၊ နှစ်သိန်း၀န်းကျင်နှင့် ဆန်(၁)အိတ် ကျပ် ၂၀၀၀/၃၀၀၀ စျေးနှုန်းမြင့်တက်၍ ယခုလ စျေးနှုန်းပြန်လည်ကျဆင်းသွားကြောင်း ဆန်စပါးစျေးကွက်မှ သိရသည်။

        လက်ရှိမိုးစပါးဟောင်းများမှာ စက်ပိုင်၊ ကုန်သည် လက်ကြီးသမားများထံတွင်သာရှိပြီး ယခင်ထက် လက်ကျန်လျော့နည်းလျှက် ရှေ့လာမည့် နို၀င်ဘာ၊ ဒီဇင်ဘာလများတွင် စပါးဟောင်း လက်ကျန် ပြတ်သွားနိုင်ကြောင်း ၄င်းအချိန် မိုးစပါးများလည်း လှိုင်လှိုင်ပေါ်လာပြီး နောင်နှစ်အတွက် ရောင်းချရန် စက်ပိုင်၊ ကုန်သည်အများစုမှ မိုးစပါးများကို ၀ယ်ယူသိုလှောင်မှုရှိ ကြောင်း ဆန်စပါး အသိုင်းအဝိုင်းမှ သိရသည်။

DOCA(ဧရာဝတီ)

     ၂၀၂၂ ခုနှစ် အောက်တိုဘာလ တတိယပတ်အတွင်း ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အခြေခံစားသောက်ကုန်များဖြစ်သော ရွှေဘိုပေါ်ဆန်းမွှေး(သိင်္ဂီ) တစ်ပြည် ၄၅၀၀ကျပ်၊ ဧည့်မထဆန် တစ်ပြည် ၂၂၀၀ကျပ်ဖြင့် ရောင်းဝယ်လျက်ရှိပါသည်။ စားဖိုဆောင်စားသောက်ကုန်များအနေဖြင့် ကြက်သွန်နီ တစ်ပိဿာ ၄၅၀၀ကျပ်၊ ကြသွန်ဖြူ(ကြူကုတ်) တစ်ပိဿာ ၆၀၀၀ကျပ်၊ (ရှမ်းစ)တစ်ပိဿာ ၆၀၀၀ကျပ်၊ ငရုတ်သီးခြောက် (ရှည်)တစ်ပိဿာ ၂၀၀၀၀ကျပ်၊ ခရမ်းချဉ်သီး တစ်ပိဿာ ၃၀၀၀ကျပ်၊ အာလူး တစ်ပိဿာ ၃၀၀၀ကျပ်၊ မန်ကျည်းသီးမှည့် တစ်ပိဿာ ၄၀၀၀ကျပ်၊ ချင်း တစ်ပိဿာ ၂၂၀၀ကျပ် စသဖြင့် ရောင်းဝယ်လျက်ရှိပါသည်။

         စားသုံးဆီဈေးနှုန်းများအနေဖြင့် စားအုန်းဆီ တစ်ပိဿာ ၈၅၀၀ကျပ်နှင့် ပဲဆီ(ရိုးရိုး) တစ်ပိဿာ ၁၃၅၀၀ကျပ်၊ ကြက်ဥဈေးမှာ တစ်လုံး ၂၃၀ကျပ်နှင့် ဘဲဥ တစ်လုံး ၃၀၀ကျပ်ဖြင့် ရောင်းဝယ်လျက်ရှိပါသည်။

        အသား/ငါးဈေးနှုန်းများမှာ ကြက်သား(CP) တစ်ပိဿာ ၁၀၀၀၀ကျပ်၊ ဝက်သား တစ်ပိဿာ ၂၀၀၀၀ကျပ်၊ အမဲသား တစ်ပိဿာ ၂၂၀၀၀ကျပ်၊  ငါးကြင်း တစ်ပိဿာ ၈၅၀၀ကျပ်၊ ငါးမြစ်ချင်း တစ်ပိဿာ ၈၀၀၀ကျပ် ဈေးနှုန်းများဖြင့် ရောင်းဝယ်လျက်ရှိကြောင်း သိရှိရပါသည်။

DOCA(ရှမ်း)

          မိတ္ထီလာနယ်တွင် ကြက်သွန်နီ လက်ကျန်နည်းလာပြီး အရည်အသွေးမှာလည်း ညံ့လာခြင်းကြောင့် နယ်စပ်ဒေသများသို့ တင်ပို့မှုမရှိတော့ကြောင်း သိရသည်။ အရည်အသွေးညံ့လာသော်လည်း လက်ကျန်နည်းခြင်းကြောင့် စျေးနှုန်းမှာ တစ်ပိဿာလျှင် ယခင်တစ်ပတ်က (၂၅၀၀ိ/- ၂၆၀၀ိ/-မှ ၃၀၀၀ိ/-) ကျော်ထိ မြင့်တတ်ခဲ့ပြီး ယခု အောက်တိုဘာလ တတိယပတ်မှာတော့ (၃၀၀၀ိ/-) အောက် အနည်းငယ်ပြန်လည်ကျဆင်းလာပါသည်။ မိတ္ထီလာမှ ယခုရက်ပိုင်း ရန်ကုန်သို့ တစ်ရက်လျှင် (၁၂) ဘီး ကား (၁) စီး ကုန်ချိန် (၁၇) တန် တင်ပို့နေပြီး ပဲခူးသို့ တစ်ရက်လျှင် (၆) ဘီးကား (၁) စီး ကုန်ချိန် (၇) တန် တင်ပို့နေကြောင်း သိရသည်။ ကုန်တင်ခမှာ ရန်ကုန်သို့ တစ်ပိဿာ (၁၀၀ိ/-) ၊ ပဲခူးသို့ (၁၀၀ိ/-) ရှိကာ တွဲကားများမှာ အပြန်ကုန်များပြီး (၆)ဘီးကား ၊ (၁၂)ဘီးကားတို့မှာ အပြန်ကုန်နည်းကြောင်း သိရသည်။

DOCA(မန္တလေး)