ပြည်တွင်းကုန်သွယ်မှုသတင်း

ကယားပြည်နယ်တွင် ဂေါ်ဖီထုပ်များကိုလွိုင်ကော်မြို့နယ်ရှိ လင်ဖုံလေးကျေးရွာနှင့်ကုန်းသာ စိုက်ပျိုးလျက်ရှိပြီး၊ ရှမ်းပြည်နယ် ပင်လောင်း၊ တီဂျစ်၊ နောင်တရားဒေသတို့မှလည်း မှာယူရောင်းချ လျက်ရှိပါသည်။
လက်ရှိဖြစ်ပေါ်နေသော ပန်းဂေါ်ဖီပွင့်ဈေးနှုန်းမှာပန်းဂေါ်ဖီပွင့်(ဖြူ)တစ်ပွင့်လျှင် အကြီး (၄၀၀)ကျပ်၊ အလတ် (၃၀၀) ကျပ်၊ ပန်းပွင့်စိမ်း (လတ်၊ ၃၀၀)ကျပ်ဈေးဖြင့် အရောင်းအဝယ် ဖြစ်လျှက်ရှိရာ ယခင် ဒီဇင်ဘာလတွင် ပန်းဂေါ်ဖီပွင့်(ဖြူ)တစ်ပွင့်လျှင် အကြီး (၅၀၀)ကျပ်၊ အလတ်(၄၀၀) ကျပ် ပန်းပွင့်စိမ်း (လတ်၊ ၄၀၀)ကျပ် ဈေးရှိခဲ့ပြီး ယခင် ဒီဇင်ဘာလ နှင့် ယခု ဇန်နဝါရီလ နှိုင်းယှဉ်လျှင် ပန်းဂေါ်ဖီပွင့်(ဖြူ)တစ်ပွင့်လျှင် အကြီး(၁၀၀)ကျပ် ၊အလတ်(၁၀၀)ခန့် ပန်းပွင့်စိမ်း (လတ်၊ ၁၀၀) ကျပ်ခန့် အနည်းငယ်ဈေးနှုန်းကျလာသော်လည်း ဈေးကွက်အတွင်း အရောင်းသွက်လျက်ရှိကြောင်း နောင်တရားမြို့မှကားဖြင့် လာရောက်ရောင်းချသော ပင်ရင်းဈေး သည်တစ်ဦးထံမှ သိရှိရပါတယ်။
DOCA(ကယား)

အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)(၄၅)ပိဿာဝင်(၁)အိတ်လျှင် ယခင်အပတ် (၄.၁.၂၀၂၃)ရက်နေ့တွင် ကျပ်(၂၃၀၀၀၀)ဖြစ်ပြီး ယခုအပတ်(၁၀.၁.၂၀၂၃)ရက်နေ့တွင်လည်း ကျပ်(၂၃၀၀၀၀)၊ နှမ်းဖြူ(၁)အိတ်လျှင် ယခင်အပတ်တွင်ကျပ်(၂၂၀၀၀၀)ဖြစ်ပြီး၊ ယခုအပတ်တွင်လည်း ကျပ်(၂၂၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ၊ နှမ်းပြာ(၁)အိတ်လျှင် ယခင်အပတ်တွင်ကျပ် (၂၀၀၀၀၀) ဖြစ်ပြီး၊ ယခုအပတ်တွင် ကျပ်(၂၁၀၀၀၀)ဖြစ်၍ ကျပ်(၁၀၀၀၀)ဈေးမြင့်ခဲ့ကြောင်း၊ နှမ်းနီ(၁) အိတ်လျှင် ယခင်အပတ်တွင် ကျပ်(၂၀၀၀၀၀)ဖြစ်ပြီး၊ ယခုအပတ်တွင် ကျပ်(၂၂၀၀၀၀)ဖြစ်၍ ကျပ် (၂၀၀၀၀)ဈေးမြင့်ပြီး အရောင်းအဝယ်ပမာဏအနေဖြင့်(၄၅)ပိဿာဝင်အိတ်ဖြင့် နှမ်းနက်(စမုံ)(၇၀၀) အိတ်၊ နှမ်းပြာ (၃၅၀)အိတ်၊ နှမ်းနီ (၁၈၀)အိတ်နှင့် နှမ်းဖြူ (၉၀)အိတ်တို့အရောင်းအဝယ်ရှိခဲ့ကြောင်း ကုန်သည်များထံမှ သိရှိရပါသည်။
ပဲမျိုးစုံဈေးကွက်တွင် (၂၀)ပိဿာ (၁)တင်းလျှင် ဘိုကိတ်ပြာ (ဆောင်းသစ်)(၁)အိတ်လျှင် ယခင်အပတ် တွင် ကျပ်(၃၈၀၀၀)ဖြစ်ပြီး ယခုအပတ်တွင်လည်း ကျပ်(၃၈၀၀၀)၊ ကုလားပဲ(မြကြေး) (၁)အိတ်လျှင် ယခင် အပတ်တွင် ကျပ်(၆၂၀၀၀)ဖြစ်ပြီး ယခုအပတ်တွင်လည်း ကျပ်(၆၂၀၀၀)ဖြစ်၍ ဈေးနှုန်း ပြောင်းလဲမှုမရှိဘဲ ပဲတီစိမ်းမှာ (၁)အိတ်လျှင် ယခင်အပတ်တွင် ကျပ်(၄၆၅၀၀)ဖြစ်ပြီး ယခုအပတ်တွင် ကျပ် (၄၇၅၀၀)ဖြစ်၍ ကျပ်(၁၀၀၀)ဈေးမြင့်ခဲ့ကြောင်း၊ ပဲကြီး(၁)အိတ်လျှင် ယခင်အပတ်တွင် ကျပ်(၈၅၀၀၀)ဖြစ်ပြီး ယခုအပတ်တွင် ကျပ်(၉၀၀၀၀)ဖြစ်၍ ကျပ်(၅၀၀၀)စသည်ဖြင့် အသီးသီးဈေးမြင့်ခဲ့ပါသည်။
မတ်ပဲ(၁)အိတ်လျှင် ယခင်အပတ်တွင် ကျပ်(၅၃၅၀၀)ဖြစ်ပြီး၊ ယခုအပတ်တွင် ကျပ်(၅၂၅၀၀)ဖြစ်၍ ကျပ်(၁၀၀၀)ဈေးလျော့ခဲ့ကြောင်း၊ ကုလားပဲ(HL) (၁)အိတ်လျှင် ယခင်အပတ်တွင် ကျပ်(၆၅၀၀၀)ဖြစ်ပြီး၊ ယခုအပတ်တွင် ကျပ်(၆၄၀၀၀)ဖြစ်၍ ကျပ်(၁၀၀၀)ဈေးလျော့ခဲ့ကြောင်း၊ ပဲစဉ်းငုံ(နီ)(၁)အိတ်လျှင် ယခင် အပတ်တွင် ကျပ်(၅၄၇၀၀)ဖြစ်ပြီး၊ ယခုအပတ်တွင် ကျပ်(၅၅၈၀၀)ဖြစ်၍ ကျပ်(၁၁၀၀)ဈေးလျော့ခဲ့ပြီး အရောင်းအဝယ်ပမာဏအနေဖြင့် (၃၀)ပိဿာဝင်အိတ်ဖြင့် ပဲတီစိမ်း(၁၁၅၀)အိတ်၊ ပဲကြီး(၄၃၀)အိတ်၊ ပဲစဉ်းငုံ(နီ) (၈၀၀၀)အိတ်၊ မတ်ပဲ(၂၃၀)အိတ်၊ ကုလားပဲ(HL) (၉၅၀)အိတ်၊ ကုလားပဲ(မြကြေး) (၃၀၀)အိတ် နှင့် ဘိုကိတ်(ပြာ) (၁၈၀)အိတ်အရောင်းအဝယ်ရှိကြောင်းသိရှိရပါသည်။
မြေပဲလုံးဆံ(နီ)မှာ (၁)ပိဿာလျှင် ယခင်အပတ်တွင် ကျပ်(၅၈၀၀)ဖြစ်ပြီး၊ ယခုအပတ်တွင် ကျပ် (၆၀၀၀)ဖြစ်၍ ကျပ်(၂၀၀)ဈေးမြင့်ခဲ့ကြောင်း၊ မြေပဲလုံးဆံ(ဖြူ) ယခင်အပတ်တွင် ကျပ်(၄၈၂၅)ဖြစ်ပြီး ယခု အပတ်တွင် ကျပ်(၅၂၅၀)ဖြစ်၍ ကျပ်(၄၂၅)ဈေးမြင့်ခဲ့ကြောင်း၊ မြေပဲတောင့်အစိုမှာ (၁)တင်းလျှင် ယခင် အပတ်တွင် ကျပ်(၂၀၅၀၀)ဖြစ်ပြီး ယခုအပတ်တွင် ကျပ်(၂၁၀၀၀)ဖြစ်၍ ကျပ်(၅၀၀)ဈေးမြင့်ခဲ့ပြီး အရောင်း အဝယ်ပမာဏအနေဖြင့် မြေပဲလုံးဆံ(ဖြူ)(၃၀)ပိဿာဝင်အိတ်(၂၂၀)၊ မြေပဲလုံးဆံ(နီ)(၄၀၀)အိတ်နှင့် မြေပဲ တောင့်အစို(၃၁၀၀)တင်းခန့်အရောင်းအဝယ်ရှိခဲ့ကြောင်း သိရှိခဲ့ရပါသည်။
ဝါသီးနှံဈေးကွက်မှာ (၁)ပိဿာလျှင် ယခင်အပတ်တွင် ကျပ်(၂၇၅၀)ဖြစ်ပြီး ယခုအပတ်တွင် ကျပ် (၂၇၀၀)ဖြစ်၍ ကျပ်(၅၀)ဈေးလျော့ခဲ့ပြီး ဝါပိဿာချိန်(၂၂၀၀၀)ပိဿာခန့် အရောင်းအဝယ်ရှိခဲ့ကြောင်း အောင်လံကုန်စည်ဒိုင်မှ သိရှိရပါသည်။
DOCA(မကွေး)

     သရက်မြို့နယ်ပတ်ဝန်းကျင်ကျေးရွာများဖြစ်သော စက်တောင်၊ ရွာလေး၊ ရွာသစ်၊ ပျဉ်ထောင်၊ မြွေပွေး၊ အုန်းပင်လှ၊ စခန်းကြီးစသည့်ကျေးရွာများမှ ထွက်ရှိသည့်ဇီးသီးအစို၊ အခြောက်များ ဇန်နဝါရီလ မှစတင်၍ ဈေးကွက်အတွင်းသို့ ဝင်ရောက်လျက်ရှိရာ ဇန်နဝါရီလ ပထမပတ်တွင် (၁)တင်းလျှင် ကျပ် (၅၅၀၀) ဈေးနှုန်းဖြင့် စတင်၍ အရောင်းအဝယ်ဖြစ်လျက်ရှိကြောင်း သိရပါသည်။

       ယခင်နှစ်တွင် ဆီးသီးအစို၊ အခြောက်(၁)တင်းလျှင် ကျပ်(၃၅၀၀-၄၀၀၀)သာရှိပါကြောင်း၊ ယခုနှစ် ဇန်နဝါရီလ ဒုတိယပတ်တွင် ဇီးသီးအစို၊ အခြောက်(၁)တင်းလျှင် ကျပ်(၆၅၀၀)ဈေးဖြစ်၍ ပထမပတ် ထက် ကျပ်(၁၀၀၀)ဈေးမြင့်ခဲ့ပါကြောင်း၊ (၁)နေ့လျှင် တင်းရေ(၈၀) မှ (၉၀)ထိ နေ့စဉ်ဝင်ရောက်၍ အရောင်းအဝယ် ဖြစ်လျက်ရှိပါကြောင်းနှင့် ဝယ်ယူရရှိပြီးသော ဆီးသီးအစို၊ အခြောက်များကို ဆီးခွဲစက် ဖြင့် ကြိတ်ခွဲပြီး ဆီးစေ့များအား အောင်လံမြို့သို့ရောင်းချပါကြောင်း၊ ဆီးသီးဝယ်ယူသူ ဦးဇော်မျိုးဦး(ခ) ဦးကုလား ထံမှ သိရှိရပါသည်။

DOCA(မကွေး)

ဧရာဝတီတိုင်းဒေသကြီးသည် လယ်ယာစိုက်ပျိုးရေးကို အခြေခံပြီး ဆန်/စပါးအများဆုံး စိုက်ပျိုးထုတ်လုပ်သော တိုင်းဒေသကြီးတစ်ခုဖြစ်သည်နှင့်အညီ နှစ်စဉ်မိုးစပါးစိုက်ဧက ၃၇သိန်း ကျော်နှင့် နွေစပါးစိုက်ဧက ၁၄သိန်း ကျော် စိုက်ပျိုးထုတ်လုပ်၍ ထွက်ရှိလာသောဆန်/ဆန်ထွက် ပစ္စည်းများကို ဒေသတွင်း စားသုံးမှုနှင့် အတူ ပိုလျှံသည့်ဆန်များကို ယခုနှစ်တွင် ဘင်္ဂလားဒေ့ရှ် နိုင်ငံသို့ တင်ပို့မှု ရန်ကုန်မှတစ်ဆင့် ပြည်တွင်း/ပြည်ပဈေးကွက်နှင့် အထက်အညာဒေသများ အပြင် ဆန်လိုသည့် အခြားတိုင်းဒေသကြီးများသို့လည်း လစဉ် တင်ပို့ရောင်းချလျက်နေပါ သည်။
ပုသိမ်ခရိုင်အတွင်း ယခင်နှစ်စပါး/ ဆန်ဟောင်းလက်ကျန်များလည်း အနည်းငယ်သာ ရှိ၍ လက်ရှိဈေးကွက်တွင် မိုးစပါး/ ဆန်သစ်များသာ အများဆုံး အရောင်းအဝယ်ဖြစ်နေပြီး ပုသိမ်ခရိုင် အတွင်းရှိ ပုသိမ်၊ ကန်ကြီးထောင့်၊ ငပုတောမြို့နယ်များတွင် လူနည်းစုစားသုံးသော မိုးပေါ်ဆန်းရင် စပါးသစ် တင်း၁၀၀ကျပ် ၁၅သိန်းခွဲ-၁၆သိန်း ဆန်တစ်အိတ်ကျပ် ၅၄၀၀ဝိ/-/ ၅၅၀၀ဝိ/-၊ ဧရာဝတီပေါ်ဆန်းစပါးတင်း၁၀၀ ကျပ် ၁၇သိန်းဝန်းကျင်၊ ဆန်တစ်အိတ်ကျပ် ၅၆၀၀ဝိ/-၅၇၀၀ဝိ/-ဈေးနှင့် ပုသိမ်၊ ကန်ကြီးထောင့်၊ ငပုတော၊ ကျုံပျော်၊ ရေကြည်၊ ကျောင်းကုန်းမြို့နယ်များတွင် လူအများစုစားသုံးသော ဧည့်မထ၊ မနောသုခစပါးတင်း-၁၀၀ ကျပ်၁၂သိန်းဝန်းကျင် ဆန်၁အိတ် ကျပ် ၄၂၀၀ဝိ/- ၄၃၀၀ဝိ/-/ဈေးဖြင့် ဒေသတွင်းဈေးကွက် ရန်ကုန်နှင့် အထက်အညာဒေသများသို့ တင်ပို့ ရောင်းချမှုရှိကြောင်း ဆန်/စပါးဈေးကွက်မှ သိရ သည်။
ဟင်္သာတခရိုင်သည် မြန်အောင်မြို့နယ်အတွင်းသာ ပေါ်ဆန်းစပါး စိုက်ပျိုးမှု ထောင်ဂဏန်း ဝန်းကျင်သာရှိပြီး ကျန်သည့် ဟင်္သာတ၊ ဇလွန်၊ လေးမျက်နှာ၊ ကြံခင်း၊ အင်္ဂပူ၊ မြန်အောင်မြို့နယ် အ များစုတွင် မိုးဧည့်မထစပါးသာ အဓိကစိုက်ပျိုးလျက်ရှိပြီး ခရိုင်အတွင်းလက်ရှိ မိုးဧည့်မထ စပါးဈေးနှုန်းမှာ တင်း၁၀၀လျှင် ကျပ်၁၁သိန်းခွဲ-၁၂သိန်းခွဲဝန်းကျင်ဈေး ဆန်၁အိတ်လျှင် ၄၀၅၀ဝိ/-၄၂၀၀ဝိ/ ဈေးအတွင်း ရောင်းဝယ်လျှက်ရှိပြီး ဈေးနှုန်းမှာ စပါးအရည်အသွေးပေါ်မူတည်၍လည်း ကျပ် သောင်းဂဏန်းဝန်းကျင် ဈေးနှုန်းကွာခြားမှုရှိကြောင်း အဓိကဈေးကွက်အနေဖြင့် ခရိုင်အတွင်းနှင့် ရန်ကုန်၊ အညာဒေသများသို့ တင်ပို့ရောင်းချမှုရှိပြီး လက်ရှိစပါးဈေးနှုန်းမှာ ပေါ်ကာစ အောက်တို ဘာလ၊ နိုဝင်ဘာလမှ ယခုအချိန်စပါးတင်း၁၀၀ကျပ် ၁သိန်းဝန်းကျင်နှင့် ဆန်၁အိတ်ကျပ် ၁၀၀ဝိ/- ဝန်းကျင် ဈေးနှုန်း မြင့်တက်မှုရှိသော်လည်း လက်ရှိအရောင်းအဝယ် အေးလျက်ရှိကြောင်း ဟင်္သာတ ဈေးကွက် သတင်းများမှ သိရသည်။
မြောင်းမြခရိုင် မြောင်းမြ၊ ဝါးခယ်မ၊ လပွတ္တာ၊ မော်လမြိုင်ကျွန်းမြို့နယ်များတွင် ပေါ်ဆန်းစပါး တင်း၁၀၀လျှင် ကျပ်၁၅သိန်းမှ ၁၆သိန်းဝန်းကျင်ဈေးရှိပြီး ပေါ်ဆန်းဆန်တစ်အိတ်ကျပ် ၅၄၀၀ဝိ/- ၅၇၀၀ဝိ/-ဈေးအတွင်း ရောင်းဝယ်လျက် မိုးဧည့်မထစပါးတင်း၁၀၀လျှင် ကျပ်၁၁သိန်းခွဲ၊၁၂သိန်း ဝန်းကျင် ဆန်တစ်အိတ်ကျပ် ၄၁၀၀ဝိ/- ၄၃၀၀ဝိ/-ဈေးအတွင်း ဈေးနှုန်းတည်ငြိမ်မှုရှိပြီး အရောင်း အဝယ်ပုံမှန်ဖြစ်နေကြောင်း ဆန်စပါးသတင်းများမှ သိရသည်။
မအူပင်ခရိုင်အတွင်းရှိ မအူပင်မြို့နယ်တွင်းပေါ်ဆန်းစပါးတင်း၁၀၀လျှင် ကျပ်၁၅သိန်း ဝန်းကျင် ဆန်၁အိတ်ကျပ် ၅၆၀၀ဝိ/- ၅၈၀၀ဝိ/-ဈေး မအူပင်၊ ပန်းတနော်၊ ညောင်တုန်း၊ ဓနုဖြူ မြို့နယ်များတွင် မိုးဧည့်မထ စပါးတင်း၁၀၀လျှင် ကျပ်၁၁သိန်း-၁၂သိန်းဝန်းကျင် ဆန်၁အိတ်ကျပ် ၄၂၀၀ဝိ/- ၄၂၅၀ဝိ/- ဈေးအတွင်းအရောင်းအဝယ်ဖြစ်နေပြီး ယခုရက်ပိုင်းအတွင်း စပါးဈေး ၂သောင်းဝန်းကျင် ဈေးနှုန်း မြင့်တက်မှုရှိ၍ မအူပင်ခရိုင်အနေဖြင့် ရန်ကုန်မြို့နှင့် နီးကပ်လျက်ရှိပြီး ရန်ကုန်ဈေးကွက် အရောင်းအဝယ်သွက်လျက် ဈေးနှုန်းမြင့်တက်မှုရှိပြီး လက်ရှိဈေးကွက်မှာ အရောင်းအဝယ် ပုံမှန်သာရှိကြောင်း ဈေးကွက်သတင်းများမှ သိရသည်။
ဖျာပုံခရိုင်အတွင်းရှိ ဖျာပုံ၊ ဘိုကလေး၊ ကျိုက်လတ်၊ ဒေးဒရဲမြို့နယ်များတွင် ပေါ်ဆန်းစပါးတင်း ၁၀၀ကျပ် ၁၅သိန်းခွဲ၊ ၁၆သိန်းဝန်းကျင် ဆန်တစ်အိတ်ကျပ် ၅၆၀၀ဝိ/- ၅၈၀၀ဝိ/-ဈေးအတွင်း ရောင်း ဝယ်လျက်ရှိပြီး ပေါ်ဆန်းစပါးအမျိုးအစားပေါ်မူတည်၍ ဈေးကွာခြားမှုရှိကြောင်း မိုးဧည့်မထစပါး တင်း ၁၀၀လျှင် ကျပ်၁၁သိန်းခွဲ၊ ၁၂သိန်းဝန်းကျင်နှင့် ဆန်တစ်အိတ် ကျပ် ၄၀၀၀ဝိ/- ၄၃၀၀ဝိ/-ဈေးအတွင်း အရောင်းအဝယ်ဖြစ်နေပြီး လက်ရှိဈေးကွက်အတွင်း အရောင်းအဝယ်ပုံမှန်ရှိကြောင်း သိရသည်။
ဧရာဝတီတိုင်းဒေသကြီးအတွင်းရှိ မြို့နယ်များတွင် ဆန်စပါးဈေးကွက်အနေဖြင့် ပေါ်ဆန်းစပါး တင်း၁၀၀လျှင် ကျပ်၁၅သိန်းမှ ၁၆သိန်းဝန်းကျင် ဆန်တစ်အိတ်ကျပ် ၅၄၀၀ဝိ/-မှ ၅၈၀၀ဝိ/-ဈေး အ တွင်းနှင့် ဧည့်မထစပါးတင်း၁၀၀လျှင် ကျပ် ၁၁သိန်းမှ ၁၂သိန်းဝန်းကျင် ဆန်တစ်အိတ်လျှင် ကျပ်၄၁၀၀ဝိ/- ၄၂၀၀ဝိ/- ၄၃၀၀ဝိ/-ဝန်းကျင် ဈေးအတွင်းအရောင်းအဝယ်ဖြစ်နေပြီး စပါးအရည်အသွေး ပေါ်မူတည်၍ ဈေးနှုန်းကွာခြားမှုရှိသလို ဆန်ဈေးနှုန်းမှာလည်းတစ်အိတ်ကို ထောင်ဂဏန်းကွာခြားမှု့ ရှိကြောင်း ဈေးကွက်ဝယ်လိုအားရှိသော အရောင်းအဝယ်သွက်သည့် မြို့နယ်များတွင် ဈေးနှုန်း အ နည်းငယ်မြင့်တက်မှုရှိပြီး ကျန်သည့်မြို့နယ်များတွင် ပုံမှန်ရောင်းဝယ်လျက်ရှိကြောင်း ဧရာဝတီတိုင်း ဒေသကြီးမှ ဆန်စီးထွက်မှုအနေဖြင့် ယခင်နိုဝင်ဘာလ အိတ်ရေ၁၀၁၆၄၇၁စီးထွက်ခဲ့ပြီး ၂၀၂၂ခုနှစ် ဒီဇင်ဘာလတွင် ရန်ကုန်တိုင်းဒေသကြီးသို့ အိတ်ရေ ၁၀၃၉၆၂၈ နှင့် တနင်္သာရီတိုင်းဒေသကြီးသို့ အိတ် ရေ၁၇၀၀၀တင်ပို့နိုင်သည့်အတွက် ဒီဇင်ဘာလတွင် အိတ်ရေ ၄၀၁၅၇ ပိုမိုစီးထွက်ခဲ့ကြောင်း သိရသည်။
DOCA(ဧရာဝတီ)

     မန္တလေးတိုင်းဒေသကြီး၊ ကျောက်ဆည်ခရိုင်အတွင်း မြို့နယ်များရှိ စည်ပင်သာယာဈေးများတွင် ၂၀၂၃ခုနှစ် ၊ ဇန်နဝါရီလ ဒုတိယပတ်အတွင်း ရောင်းချလျက်ရှိသော အခြေခံစားကုန်များမှာ ဧရာပဒေသာဆန် (သစ်)တစ်ပြည်(၂၁၀ဝိ/-)ကျပ်၊ ဧရာပဒေသာဆန် (သစ်)(၂၄)ပြည်  တစ်အိတ်လျှင် (၅၀၀၀ဝိ/-)ကျပ် ၊  မနောသုခဆန်(သစ်) တစ်ပြည် (၁၉၀ဝိ/-)ကျပ်၊ မနောသုခဆန်(သစ်) (၂၄)ပြည် တစ်အိတ်လျှင် (၄၄၀၀ဝိ/)ကျပ်၊ ခရမ်းချဉ်သီး(ရှမ်း) လက်လီဈေးနှုန်းမှာ တစ်ပိဿာလျှင်(၁၈၀ဝိ/-) ကျပ်၊ ခရမ်းချဉ်သီး(ဗမာ) လက်လီဈေးနှုန်းမှာ တစ်ပိဿာလျှင်(၂၀၀ဝိ/-)ကျပ်၊ ကြက်သွန်နီ(သစ်) လက်လီဈေးနှုန်းမှာ (ကြီး) တစ်ပိဿာလျှင် (၂၅၀ဝိ/-)ကျပ် ၊ (လတ်) တစ်ပိဿာလျှင် (၂၆၀ဝိ/-) ကျပ်၊(အသေး) တစ်ပိဿာလျှင် (၂၃၀ဝိ/-)ကျပ်၊ ကြက်သွန်ဖြူလက်လီ (ဗမာ) တစ်ပိဿာလျှင်(၄၅၀ဝိ/-)ကျပ်၊ (ရှမ်း)တစ်ပိဿာလျှင်(၄၅၀ဝိ/-)ကျပ်၊ အာလူးတစ်ပိဿာလျှင် (၂၄၀ဝိ/-)ကျပ် ၊ မန်ကျည်းသီး တစ်ပိဿာလျှင် (၄၀၀ဝိ/-)ကျပ် ၊ ဂျင်းတစ်ပိဿာလျှင် (၂၂၀ဝိ/-)ကျပ်၊ ဆားတစ်ပိဿာလျှင် (၆၀ဝိ/-)ကျပ် ဈေးနှုန်းများဖြင့် အရောင်းအဝယ်ဖြစ်လျက်ရှိပါသည်။ ကျောက်ဆည်ခရိုင်၏ သား၊ငါးဈေးနှုန်းများမှာ ကြက်သား(ဗမာ)တစ်ပိဿာလျှင် (၁၃၀၀ဝိ/-)ကျပ် ၊ ကြက်သား(CP) တစ်ပိဿာလျှင် (၈၀၀ဝိ/-) ကျပ် ၊ ဝက်သားတစ်ပိဿာလျှင် (၁၃၀၀ဝိ/-)ကျပ်၊ အမဲသား တစ်ပိဿာလျှင် (၁၃၀၀ဝိ/-)ကျပ်၊ ဆိတ်သားတစ်ပိဿာလျှင် (၂၄၀၀ဝိ/-) ကျပ်နှင့် ငါးမြစ်ချင်း တစ်ပိဿာလျှင် (၇၀၀၀)ကျပ်၊ ငါးကြင်း တစ်ပိဿာလျှင် (၆၀၀၀)ကျပ် ဈေးနှုန်းများရှိပြီး ဆီဈေးနှုန်းများအနေဖြင့် ပဲဆီသန့်တစ်ပိဿာလျှင် (၁၁၀၀ဝိ/-) ကျပ် ၊ နှမ်းဆီသန့်တစ်ပိဿာလျှင် (၁၀၀၀ဝိ/-) ကျပ်၊ နေကြာဆီသန့်တစ်ပိဿာလျှင် (၁၃၀၀၀) နှင့် စားဆီတစ်ပိဿာလျှင် (၆၂၀ဝိ/-) ကျပ်ဈေးနှုန်းများဖြင့် အရောင်းအဝယ်ဖြစ်နေကြောင်း သိရှိရပါသည်။အခြေခံစားသောက်ကုန်များ၏ ဈေးနှုန်းများမှာ ယခင်ဒီဇင်ဘာလ၊ဒုတိယပတ်နှင့်နှိုင်းယှဉ်ပါက ကြက်သွန်နီ ၊ ငါးနှင့်ကြက်သား ဈေးနှုန်းများမှာအနည်းငယ်ကျဆင်း၍ ဆန်၊ဆီနှင့်ခရမ်းချဉ်သီးဈေးနှုန်းများ အနည်းငယ်မြင့်တက်ခဲ့ပြီး ကျန်အခြေခံစားသောက်ကုန်ဈေးနှုန်းများမှာ တည်ငြိမ်လျက်ရှိကြောင်း သိရှိရပါသည်။

DOCA(မန္တလေး)