ပြည်တွင်းကုန်သွယ်မှုသတင်း

         ယခုကာလတွင် ပြည်စားဖိုဆောင်သီးနှံဈေးကွက်၌ ကြက်သွန်နီဈေးနှုန်းများ (၁၀)ရက် အတွင်း တစ်ပိဿာလျှင် ရက်ခြား ကျပ် ၂၀၀ ကျဆင်းသွားသဖြင့် ယခင်အမြင့်ဈေးနှုန်းနှင့် နှိုင်းယှဉ်ပါက ကျပ် ၅၀၀-၆၀၀ ခန့်ကျဆင်းသွားပါသည်။ ဈေးနှုန်းများကျဆင်းသွားသဖြင့် အဝင်များ လည်းပိုလာပြီး တောင်တွင်း၊ ဆိပ်ဖြူ၊ ရေနံချောင်းဘက်မှ ကြက်သွန်နီအိတ် ၅၀၀ခန့် ရက်ခြား အဝင်ရှိပါသည်။ အဝင်ရှိသလောက် အရောင်းအဝယ်ဖြစ်သော်လည်း  ဝင်ရောက်မှု၏ သုံးပုံနှစ်ပုံ ခန့်ကို ဒေသတွင်းဝယ်လက်များ၊ အိတ်ဆွဲဝယ်ရောင်းသမားများနှင့်ပန်းတောင်း(ဥသျှစ်ပင်)၊ သာယာ ဝတီ ခရိုင်၊ ဧရာဝတီတိုင်း(မြန်အောင်၊ ကြံခင်း)၊ ရခိုင်ပြည်နယ် (တောင်ကုတ်)တို့သို့ စီးဆင်းမှုများ ရှိနေပါသည်။ ဈေးနှုန်းများအနေဖြင့်  ပွဲရုံလက်ကားဈေးတစ်ပိဿာကို (ကြီး/လတ်/သေး) ကျပ် ၁၉၀၀/ ၁၈၀၀/၁၆၀၀ နှုန်းတို့ရှိပြီး လက်လီရောင်းချသည့် ဈေးများတွင် ၂၁၀၀/၂၂၀၀-၂၃၀၀/၂၄၀၀ နှုန်းတို့ဖြင့် အသီးသီးရောင်းဝယ်မှုရှိနေပါကြောင်း သိရှိရပါသည်။

DOCA(ပဲခူး)

          ၂၀၂၃ခုနှစ် ဇန်နဝါရီလ စတုတ္ထပတ်အတွင်း ရွှေဘိုမြို့နယ်တွင် ဖြစ်ပေါ်ခဲ့သော အခြေခံစားကုန်များ၏ ဈေးနှုန်းများမှာ ရွှေဘိုပေါ်ဆန်းဆန်(ဟောင်း) တစ်ပြည် ၃၈၀၀ကျပ်၊ ဧရာမင်းဆန်(ဟောင်း) တစ်ပြည် ၂၈၀၀ကျပ်၊ ရွှေဘိုပေါ်ဆန်းဆန်(သစ်) တစ်ပြည် ၂၉၀၀ကျပ်၊ ဧရာမင်းဆန်(သစ်) တစ်ပြည် ၂၅၀၀ကျပ်ဖြင့် အရောင်းအဝယ်ဖြစ်လျက်ရှိသည်။ကြက်သွန်နီ(သစ်) လက်လီဈေးမှာ (ကြီး) တစ်ပိဿာ ၂၃၀၀ကျပ်၊ (လတ်) တစ်ပိဿာ ၁၈၀၀ကျပ်၊ (သေး)တစ်ပိဿာ ၁၃၀၀ကျပ်နှုန်းဖြင့် အရောင်းအဝယ် ဖြစ်လျက်ရှိသည်။ ကြက်သွန်ဖြူလက်လီဈေးမှာ (ဗမာ)တစ်ပိဿာလျင် ၃၅၀၀ကျပ်မှ ၄၀၀၀ကျပ်ထိ၊ ရှမ်း ကြက်သွန်ဖြူ တစ်ပိဿာ ၄၅၀၀ကျပ်မှ ၅၀၀၀ကျပ်ထိ ၊ (ကြူကုပ်) တစ်ပိဿာ ၅၀၀၀ကျပ်မှ ၆၀၀၀ကျပ်ထိ၊ ချင်းတစ်ပိဿာ ၁၃၀၀ကျပ်မှ ၁၅၀၀ကျပ်ထိ ၊ ငရုတ်သီးခြောက် အမျိုးအစားအလိုက် ၁၇၀၀၀ကျပ်မှ ၁၈၀၀၀ကျပ်ထိ အာလူး တစ်ပိဿာ ၁၈၀၀ကျပ်မှ ၂၆၀၀ကျပ်ထိ ၊ခရမ်းချဉ်သီး တစ်ပိဿာ ၂၀၀၀ကျပ်ဖြင့် အရောင်းအဝယ် ဖြစ်နေပါသည်။

          ကြက်ဥ လက်လီဈေးနှုန်းမှာ (ကြီး)တစ်လုံး ၂၅၀ကျပ်၊ (သေး) တစ်လုံး ၂၀၀ကျပ် ၊ ဘဲဥ (ကြီး) တစ်လုံး (၃၀၀)ကျပ်၊ (သေး)တစ်လုံး (၂၅၀)ကျပ်ရှိသည်။ ရွှေဘိုမြို့၏ အသား/ငါး ဈေးနှုန်းများမှာ ကြက်သား(CP)  တစ်ပိဿာ ၇၀၀၀ကျပ်မှ ၉၀၀၀ကျပ်ထိ၊ကြက်သား (ဗမာ)တစ်ပိဿာ ၁၀၀၀၀ ကျပ်မှ ၁၃၀၀၀ကျပ်ထိ၊  ဝက်သား တစ်ပိဿာ ၁၄၀၀၀ကျပ်မှ ၁၈၀၀၀ကျပ်ထိ၊ အမဲသားတစ်ပိဿာ ၁၄၀၀၀ကျပ်မှ ၁၆၀၀၀ကျပ်ထိ၊  ငါးမြစ်ချင်း တစ်ပိဿာ ၇၀၀၀ကျပ်၊ ငါးကြင်း တစ်ပိဿာ ၆၀၀၀ကျပ်ဖြင့် ရောင်းဝယ်နေကြောင်း သိရသည်။

          စားသုံးဆီ ဈေးနှုန်းများမှာ ပဲဆီသန့် တစ်ပိဿာလျင် ၁၂၀၀၀ကျပ်မှ ၁၃၀၀၀ကျပ်ထိ၊  စားအုန်းဆီ တစ်ပိဿာလျင် ၆၇၅၀ကျပ်နှင့် နှမ်းဆီ တစ်ပိဿာလျင် ၁၃၀၀၀ကျပ်ဖြင့် အရောင်း အဝယ် ဖြစ်နေကြောင်း သိရသည်။

DOCA(စစ်ကိုင်း)

          ၂၀၂၃ ခုနှစ် ဇန်နဝါရီလ စတုတ္ထပတ်အတွင်း မုံရွာမြို့နယ်တွင် ဖြစ်ပေါ်ခဲ့သော အခြေခံစားကုန်ဈေးနှုန်းများမှာ ရွှေဘိုပေါ်ဆန်းဆန်တစ်ပြည် (၃၆၀၀)ကျပ်၊ ဧရာမင်းဆန်တစ်ပြည်အဟောင်း (၃၀၀၀) ကျပ်နှင့် ဧရာမင်းဆန်တစ်ပြည်အသစ်(၂၈၀၀)ကျပ်ဖြင့်အရောင်းအဝယ် ဖြစ်လျက်ရှိကြောင်း၊ စားအုန်းဆီ တစ်ပိဿာလျှင်(၆၇၅၀)ကျပ်၊ မြေပဲဆီတစ်ပိဿာလျှင်(၁၂၀၀၀) ကျပ်၊ နှမ်းဆီ တစ်ပိဿာလျှင် (၁၁၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။ ကြက်သွန်နီ လက်လီ တစ်ပိဿာလျှင် (၂၄၀၀)ကျပ်မှ (၂၅၀၀) ကျပ်ထိ၊ ကြက်သွန်ဖြူလက်လီ (ဗမာ) တစ်ပိဿာ လျှင် (၅၅၀၀)ကျပ်မှ (၆၀၀၀) ကျပ်ထိ၊ ကြက်သွန်ဖြူ (ရှမ်း)တစ်ပိဿာလျှင် (၅၀၀၀)ကျပ်မှ (၅၅၀၀)ကျပ်ထိ၊ ကြက်သွန်ဖြူ(ကြူကုတ်) တစ်ပိဿာလျှင် (၅၀၀၀)ကျပ်မှ(၅၅၀၀)ကျပ်ထိ၊ ချင်း တက်တစ်ပိဿာ လျှင် (၁၉၀၀)ကျပ်မှ (၂၀၀၀)ကျပ်ထိ၊ ငရုတ် ခြောက်အမျိုးအစားအလိုက်  (၁၈၀၀၀)  ကျပ် မှ (၁၉၀၀၀)ကျပ်ထိ၊ အာလူး (၂၃၀၀)ကျပ်မှ (၂၄၀၀) ကျပ်ထိ၊ ခရမ်းချဉ်သီး တစ်ပိဿာလျှင် (၁၆၀၀)ကျပ်မှ (၁၈၀၀)ကျပ်တို့ ဖြင့်အရောင်းအဝယ်ဖြစ်လျက်ပါသည်။

        ကြက်ဥလက်လီဈေးနှုန်းမှကြီး တစ်လုံး(၂၅၀)ကျပ်၊ သေးတစ်လုံး(၂၀၀)ကျပ်၊ ဘဲဥ(ကြီး) တစ်လုံး (၃၀၀)ကျပ်၊ သေးတစ်လုံး(၂၅၀)ကျပ်ရှိသည်။ မုံရွာမြို့၏ သား/ ငါးဈေးနှုန်းမှ ကြက်သား (CP) တစ်ပိဿာ( ၉၀၀၀)ကျပ်မှ  (၉၅၀၀)ကျပ်ထိ ၊ ကြက်သား(ဗမာ) တစ်ပိဿာလျှင် (၁၂၀၀၀) ကျပ်၊ ဝက်သားတစ်ပိဿာ(၁၅၀၀၀)ကျပ်မှ (၁၆၀၀၀) ကျပ်ထိ၊ အမဲသားတစ်ပိဿာ (၁၄၀၀၀) ကျပ်မှ (၁၆၀၀၀)ကျပ်ထိ၊ ငါးမြစ်ချင်းတစ်ပိဿာလျှင်(၇၀၀၀)ကျပ်၊ ငါးကြင်း တစ်ပိဿာလျှင် (၆၀၀၀) ကျပ် တို့ဖြင့်အရောင်းအဝယ်ဖြစ်နေကြောင်းသိရပါသည်။

          ဇန်နဝါရီလ စတုတ္ထပတ်တွင် အခြေခံစားကုန်များဖြစ်သည့် ဆန်၊စားအုန်းဆီ၊ နှမ်းဆီနှင့် ပဲဆီ ဈေးနှုန်းများသည် ယခင်ပတ်ထက်ဈေးတက်ပြီး ခရမ်းချဉ်သီးနှင့် ဈေးနှုန်းများသည် ယခင်အပတ် ထက်ဈေးအနည်းငယ်ကျကြောင်း သိရှိရပါသည်။

DOCA(စစ်ကိုင်း)

            စီးပွား‌‌ရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများအပြင် အခြေခံစားကုန်ဈေးနှုန်းများကို အပတ်စဉ် မေးမြန်း တင်ပြလျက်ရှိရာ ရွှေဘိုမြို့တွင် စားသုံးဆီဈေးနှုန်းများ မြင့်တက်လျက်ရှိကြောင်း စားသုံးဆီအရောင်းဆိုင်များမှ သိရသည်။

          ရွှေဘိုမြို့ပေါ်တွင် စားသုံးဆီ လက်လီ/လက်ကား ရောင်းချသောဆိုင် (၁၂)ဆိုင်ရှိပြီး ဇန်နဝါရီလ တတိယပတ်တွင် စားအုန်းဆီ တစ်ပိဿာ (၆၀၀၀)ကျပ်၊ ပဲဆီသန့် တစ်ပိဿာ (၁၁၀၀၀)ကျပ်၊ နှမ်းဆီသန့်တစ်ပိဿာ (၁၁၀၀၀)ကျပ်ဖြင့် အရောင်းအဝယ်ဖြစ်ခဲ့ပြီး၊ ယခု ဇန်နဝါရီလ စတုတ္ထပတ်တွင် စားအုန်းဆီ တစ်ပိဿာ (၆၇၅၀)ကျပ်၊ ပဲဆီသန့် တစ်ပိဿာ (၁၃၀၀၀)ကျပ်၊ နှမ်းဆီသန့်တစ်ပိဿာ (၁၃၀၀၀)ကျပ်ဖြင့် အရောင်းအဝယ်ဖြစ်နေသဖြင့် ယခင်ပတ်နှင့် ယခုပတ် စားသုံးဆီ တစ်ပိဿာဈေးနှုန်း နှိုင်းယှဉ်ကြည့်ပါက စားအုန်းဆီ တစ်ပိဿာလျှင် (၇၅၀)ကျပ်၊ ပဲဆီသန့်နှင့် နှမ်းဆီသန့် တစ်ပိဿာလျှင် (၂၀၀၀)ကျပ် အသီးသီး ဈေးနှုန်းမြင့်တက်လျက် ရှိကြောင်း သတင်းရရှိသည်။

DOCA(စစ်ကိုင်း)

        ၂၀၂၃-ခုနှစ် ဇန်နဝါရီလ ၂၃ ရက်နေ့မှ ၂၆ ရက်နေ့ထိ  ကသာမြို့နယ်၊ သီရိခေမာဈေးအတွင်း ရောင်းချလျက်ရှိသော အခြေခံစားသောက်ကုန်ပစ္စည်းများမှာ ဧရာမင်းဆန်တစ်ပြည် (၂၅၀၀)ကျပ်၊ မှော်ဘီဆန်တစ်ပြည် (၂၂၀၀)ကျပ်နှင့် ချင်း-၃ဆန်တစ်ပြည် (၁၈၀၀)ကျပ်ဖြင့် ရောင်းချလျက်ရှိပြီး စားသုံးဆီဈေးနှုန်းမှာ မြေပဲဆီ တစ်ပိဿာ (၁၂၅၀၀)ကျပ်နှင့် စားအုန်းဆီ တစ်ပိဿာ(၇၀၀၀)ကျပ် ရှိ ကြောင်း သိရသည်။

       စားဖိုဆောင်သီးနှံ လက်လီဈေးနှုန်းများမှာ ကြက်သွန်နီ(ကြီး) တစ်ပိဿာ (၄၀၀၀)ကျပ်၊ (လတ်) (၃၅၀၀)ကျပ်နှင့် (သေး)တစ်ပိဿာ(၃၀၀၀)ကျပ်၊ ကြက်သွန်ဖြူ(ရှမ်း) (ကြီး/လတ်) တစ်ပိဿာ (၅၅၀၀ မှ ၄၀၀၀) ကျပ်၊ အာလူး တစ်ပိဿာ(၂၈၀၀)ကျပ်၊ ခရမ်းချဉ်သီးတစ်ပိဿာ(၂၀၀၀)ကျပ်၊ ကုလားပဲ တစ်ပိဿာ (၄၈၀၀)ကျပ်၊ ပဲနီလေးတစ်ပိဿာ(၇၂၀၀)ကျပ်၊ စားတော်ပဲ တစ်ပိဿာ(၅၈၀၀)ကျပ်နှင့် ငရုတ်သီးခြောက်(ပု) တစ်ပိဿာ (၃၄၀၀၀)ကျပ်ဖြင့် ရောင်းချလျက်ရှိသည်။

         အသား /ငါး ဈေးနှုန်းများမှာ ကြက်သား(CP) တစ်ပိဿာ (၉၀၀၀)ကျပ်၊ ဝက်သားတစ်ပိသာ (၁၆၀၀၀) ကျပ်၊ အမဲသားတစ်ပိဿာ(၁၅၀၀၀)ကျပ်၊ ဆိတ်သားတစ်ပိဿာ (၂၄၀၀၀)ကျပ်နှင့် ငါးကြင်း တစ်ပိဿာ(၇၀၀၀)ကျပ်၊ ကြက်ဥတစ်လုံး (၂၅၀)ကျပ် နှင့် ဘဲဥတစ်လုံး(၃၂၀)ကျပ်ဖြင့် ရောင်းချလျက် ရှိသည်။ အခြေခံစားသောက်ကုန်ဈေးနှုန်းများမှာ ဇန်နဝါရီလ တတိယပတ်နှင့် နှိုင်းယှဉ်ကြည့်ပါက မြေပဲဆီနှင့် ခရမ်းချဉ်သီးဈေးနှုန်းမှာ ကျပ်(၅၀၀)ခန့်မြှင့်တက်လာကာ ကြက်သွန်နီနှင့် ကြက်သွန်ဖြူ ဈေးနှုန်းမှာ ကျပ်(၅၀၀ မှ ၁၀၀၀)ခန့် ဈေးကျလျက်ရှိသည်ကို တွေ့ရှိရပြီး ကျန်စားသောက်ကုန်များမှာ ဈေးနှုန်းတည်ငြိမ်လျက်ရှိကြောင်း သိရသည်။

DOCA(စစ်ကိုင်း)