ပြည်တွင်းကုန်သွယ်မှုသတင်း

      မတ်လ တတိယပတ်တွင် ကော့မှူးမြို့နယ်၌ အခြေခံစားသောက်ကုန်များဖြစ်သော ဆန်ကြမ်း၊ ဆန်ချောအမျိုးအစားအလိုက် ဧည့်မထတစ်ပြည်လျှင် (၃၈၀၀-၄၀၀၀)ကျပ်ထိ၊ မီးဒုံးဆန်(ရိုးရိုး) တစ်ပြည်လျှင်(၄၅၀၀-၄၆၀၀)ကျပ်ထိ၊ တောင်ပျံဆန်(ရိုးရိုး)တစ်ပြည်လျှင်(၄၈၀၀-၅၀၀၀)ကျပ်ထိ၊ ဧရာဝတီပေါ်ဆန်း တစ်ပြည်လျှင် (၅၆၀၀-၅၈၀၀) ကျပ်ဖြင့်လည်းကောင်း၊ စားအုန်းဆီ တစ်ပိဿာလျှင် ယခင်ပတ်တွင် (၅၄၁၅)ကျပ်၊ ယခုပတ်တွင်(၅၄၅၀)ကျပ် ဈေးနှုန်း အနည်းငယ်မြင့်ပြီး၊ ပဲဆီတစ်ပိဿာလျှင် (၁၇၅၀၀)ကျပ်ဖြင့်လည်းကောင်း၊ ကြက်သွန်နီ အသစ်ဆိုဒ်စုံ တစ်ပိဿာလျှင်(၃၀၀၀-၃၃၀၀)ကျပ်၊ ကြက်သွန်ဖြူ(အမွှာ)တစ်ပိဿာလျှင်(၁၉၀၀၀)ကျပ်၊ ကြက်သွန်ဖြူ(ကြက်ကုတ်)တစ်ပိဿာလျှင် (၁၄၀၀၀)ကျပ်၊ အာလူးတစ်ပိဿာ လျှင်(၃၅၀၀)ကျပ်၊ နနွင်းမှုန့်တစ်ပိဿာလျှင်(၁၀၀၀၀)ကျပ်၊ ရိုးရိုးဆားတစ်ပိဿာလျှင်(၅၀၀)ကျပ်၊ အိုင်အိုဒင်းဆားတစ်ထုပ်လျှင်(၆၀၀)ကျပ်၊ ငြုပ်တောင့်(အရှည်) တစ်ပိဿာလျှင် (၁၃၀၀၀) ကျပ်၊ ငြုပ်တောင့်(အပု)တစ်ပိဿာလျှင်(၂၈၀၀၀)ကျပ်၊ ကုလားပဲဇံခြမ်း တစ်ပိဿာလျှင်(၆၆၀၀)ကျပ်၊ မန်ကျီးသီးမှည့် တစ်ပိဿာလျှင်(၃၀၀၀-၃၅၀၀)ကျပ်၊ ငါးပိတစ်ပိဿာလျှင် (၅၅၀၀)ကျပ်၊ ငါးရံ့ခြောက်တစ်ပိဿာလျှင် (၆၀၀၀၀) ကျပ်၊ ငံပြာရည်တစ်ပိဿာလျှင်(၁၀၀၀)ကျပ်၊ ခေါက်ဆွဲ ခြောက်တစ်ထုပ်လျှင်(၅၀၀)ကျပ်၊ ကြက်ဥတစ်လုံးလျှင်(၂၅၀)ကျပ်နှင့် ဘဲဥတစ်လုံးလျှင် (၃၀၀-၃၅၀)ကျပ်တို့ဖြင့် အရောင်းအဝယ်ဖြစ်လျှက်ရှိပါသည်။

     အလားတူ ဗမာကြက်တစ်ပိဿာလျှင်(၂၀၀၀၀)ကျပ်၊ CPကြက်တစ်ပိဿာ လျှင်(၁၀၀၀၀) ကျပ် ဝက်သားတစ်ပိဿာလျှင်(၁၆၀၀၀)ကျပ်၊ အမဲသားတစ်ပိဿာလျှင်(၁၅၀၀၀)ကျပ်၊ ဆိတ်သား တစ်ပိဿာလျှင်(၂၅၀၀၀)ကျပ်၊ ငါးမြစ် ချင်းတစ်ပိဿာလျှင်(၇၀၀၀)ကျပ်၊ ငါးကြင်း တစ်ပိဿာလျှင်(၈၀၀၀)ကျပ် စသည့်ဖြင့်လည်းကောင်း ဈေးနှုန်းအသီးသီးတို့ဖြင့် ရန်ကုန်တိုင်းဒေသကြီး ကော့မှူးမြို့နယ်၊ စည်ပင်သာယာမြို့မဈေးအတွင်းအရောင်းအဝယ် ဖြစ်လျှက်ရှိ ကြောင်းသိရပါသည်။

        ယခင်အပတ်နှင့်ယခုအပတ်နှိုင်းယှဉ်ရာတွင် စားသောက်ကုန်ဈေးနှုန်းများမှာ ပြောင်းလဲမှု မရှိသော်လည်း စားအုန်းဆီဈေးနှုန်းမှာ အနည်းငယ်မြင့်တက်လျက်ရှိကြောင်း သိရှိရပါသည်။

DOCA(ရန်ကုန်)

     ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်၌ ယခုနှစ်ဆောင်းသီးနှံစိုက်ပျိုးရာသီတွင် ဒေသခံတောင်သူများ သီးနှံဝင်ငွေတိုးပွားစေရန်နှင့် နိုင်ငံအတွင်း စားားနပ်ရိက္ခာဖူလုံစေရန်၊ ပြည်ပဝင်ငွေတိုးပွားစေရန်နှင့် ပြည်ပသို့တင်ပို့နိုင်ရန်အတွက် အားထားစိုက်ပျိုးသည့် ပဲတီစိမ်းနှင့် ပဲတီရွှေဝါစိုက်ပျိုးရေးကို တစ်မြို့နယ်လုံးအတိုင်အတာအနေဖြင့် (၂၀၂၃-၂၀၂၄) ခုနှစ်တွင် စိုက်ဧက (၁၄၀၃၆၃)ဧကအောင်မြင်စွာစိုက်ပျိုးနိုင်ခဲ့ပြီး ယခုအချိန်တွင် ရာနှုန်းပြည့်အောင်မြင်စွာရိတ်သိမ်းပြီးစီးခဲ့ကြောင်း လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှသိရှိရပါသည်။

      သုံးခွမြို့နယ်အတွင်းရှိ ကျေးရွာများဖြစ်သော ကံမြင့်၊ ပုလဲ၊ သိုက်တူးကန်၊ ညောင်ဦး၊ သုံးခွအနောက်၊ ရဲနွဲ့၊ ရှမ်းစု၊ ရေပေါ်ကန်၊ သခွတ်ကုန်း၊ ပလုပ်၊ ထုံးကြီး၊ ပုဂံတောင်၊ ဘုရားကြီး၊ အဇန်းတောစွန်း၊ ကျားဘို၊ ဆယ်ရွာ၊ တမံကြီး၊ ကုန်ခလာ စသည့်ကျေးရွာအုပ်စု(၆၄)အုပ်စုတွင် စိုက်ပျိုးထားသော ပဲတီစိမ်းနှင့် ပဲတီရွှေဝါစိုက်ဧကများကို ရာနှုန်းပြည့်အောင်မြင်စွာရိတ်သိမ်းနိုင်ခဲ့ပြီး (၁)ဧကအထွက်နှုန်းမှာ ပျမ်းမျှအားဖြင့် (၁၆.၄၂)တင်းထွက်ရှိခဲ့ကြောင်းသိရှိရပါသည်။ ထွက်ရှိထားသော ပဲတီစိမ်းများအား Bright Light Co.,Ltd နှင့် အခြားပဲအဝယ်ဒိုင်များက ဝယ်ယူပေးလျက်ရှိပြီး ပဲ(၁)တင်းနှုန်းအနေဖြင့် ပဲတီစိမ်းရေဆင်းမျိုးမှာ (၁)တင်းလျှင် (၇၃၀၀၀) ကျပ်၊ ပဲတီရွှေဝါမျိုးမှာ (၁)တင်းလျှင် (၈၀၀၀၀)ကျပ်တို့ဖြင့် အရောင်းအဝယ်ဖြစ်လျက်ရှိကြောင်း ယခင်နှစ်ကာလတူ ပဲတီစိမ်းရေဆင်းမျိုးမှာ (၁)တင်းလျှင် (၇၄၀၀၀)ကျပ်၊ ပဲတီရွှေဝါမျိုး (၁)တင်းလျှင် (၇၇၀၀၀)ကျပ်ရှိကြောင်းသိရှိရပါသည်။ ခရမ်းမြို့နယ်အတွင်းရှိ ပဲတီစိမ်း၊ ပဲတီရွှေဝါ ကုန်အဝယ်ဒိုင်များအနေဖြင့် မိမိတို့ကုန်အဝယ်ဒိုင်များမှ ရရှိလာသော ပဲတီစိမ်း၊ ပဲတီရွှေဝါတို့ကို ရန်ကုန်မြို့ရှိ လှိုင်သာယာ၊ ရွှေပြည်သာ၊ ရွှေလင်ဗန်းစက်မှုဇုံနှင့် ဒဂုံဆိပ်ကမ်းမြို့နယ်များရှိ ကုမ္ပဏီနှင့် စက်ရုံများသို့ တင်ပို့ရောင်းချလျက်ရှိကြောင်းသိရှိရပါသည်။

DOCA(ရန်ကုန်)

     မန္တလေးတိုင်းဒေသကြီး၊‌‌ကျောက်ဆည်ခရိုင်တွင် အစောစိုက်နွေနှမ်းများ စတင်စိုက်ပျိုးလျက်ရှိပါသည်။နွေနှမ်းကို ၂၀၂၃-၂၀၂၄ ဘဏ္ဍာနှစ်တွင် ကျောက်ဆည်မြို့နယ်တွင်(၆၅၉)ဧက ၊ မြစ်သား မြို့နယ်တွင်(၅၉၉)ဧက၊စုစုပေါင်း(၁၂၅၈)ဧက စိုက်ပျိုးပြီးစီးကြောင်း ခရိုင်လယ်ယာမြေစီမံခန့်ခွဲရေး နှင့်စာရင်းအင်းဦးစီးဌာန၏ စာရင်းများအရ သိရှိရပါသည်။ နွေနှမ်းစိုက်ပျိုးမှုအနေဖြင့် (၁)ဧကလျှင် မျိုး၊သွင်းအားစု၊လုပ်သားခစုစုပေါင်း(၃၅၀၀၀၀/-)ကျပ်ကုန်ကျကြောင်း၊ စိုက်ပျိုးသောနှမ်းမျိုးများမှာ နှမ်းညို ၊ နှမ်းဖြူ ၊ နှမ်းနက်မျိုးများကိုသာ အများဆုံးစိုက်ပျိုးကြပြီး ယခုအချိန်တွင် ရေပေးဝေမှု စောသောကြောင့် နွေနှမ်းများကို တောင်သူများက အစောစိုက်ပျိုးကြ‌ကြောင်း နှမ်းစျေးနှုန်းအနေဖြင့် ယခင်နှစ်တွင် နှမ်းဖြူ တစ်တင်းလျှင်(၁၀၃၀၀၀/-)ကျပ် ၊ နှမ်းညို တစ်တင်းလျှင်(၈၃၀၀၀/-)ကျပ် ၊ နှမ်းနက် တစ်တင်းလျှင်(၉၀၀၀၀/-)ကျပ်စျေးနှုန်းများဖြင့် အရောင်းအဝယ်ဖြစ်ခဲ့ပြီး ယခုနှစ်တွင် နှမ်းဖြူ တစ်တင်းလျှင်(၁၃၅၀၀၀/-)ကျပ် ၊ နှမ်းညို တစ်တင်းလျှင် (၁၀၀၀၀၀/-)ကျပ် ၊ နှမ်းနက် တစ်တင်းလျှင်(၁၀၅၀၀၀/-)ကျပ် အရောင်းအဝယ်ဖြစ်ကြောင်း၊ ဆီစျေးနှုန်းအနေဖြင့် နှမ်းဆီ တစ်ပိဿာလျှင် (၁၄၂၀၀/-)ကျပ် ၊ ပဲဆီ တစ်ပိဿာလျှင် (၁၃၇၀၀/-)ကျပ် ၊ စားဆီ တစ်ပိဿာလျှင်(၅၇၀၀/-)ကျပ် စျေးနှုန်းများဖြင့်အရောင်းအဝယ်ဖြစ်နေပြီး ယခင်နှစ် နွေနှမ်း အထွက်နှုန်း အနေဖြင့်(၁)ဧကလျှင်(၈) တင်းထွက်ရှိပြီး ယခုနှစ်တွင် ပုံမှန်ရေပေးဝေမှုနှင့်ရာသီဥတုကောင်းမွန်လျှင် အထွက်နှုန်းကောင်း မွန်မည်ဟုခန့်မှန်းရ‌ကြောင်း တောင်သူတစ်ဦး၏ ပြောကြားချက်အရ သိရှိရပါသည်။

DOCA(မန္တလေး)

     မန္တလေးတိုင်းဒေသကြီး၊‌‌ကျောက်ဆည်ခရိုင်တွင် ဆောင်းကုလားပဲကို ၂၀၂၃-၂၀၂၄ဘဏ္ဍာနှစ်တွင် ကျောက်ဆည်မြို့နယ်တွင် (၂၈၄၂၆)ဧက ၊ စဉ့်ကိုင်မြို့နယ်တွင် (၁၆၃၀၄)ဧက၊ မြစ်သားမြို့နယ် တွင်(၃၃၆၁၂)ဧက၊ စုစုပေါင်း(၇၈၃၄၂)ဧက စိုက်ပျိုးနိုင်ခဲ့ပြီး ရိတ်သိမ်းဧကအနေဖြင့် ကျောက်ဆည် မြို့နယ်တွင်(၉၄၇၆)ဧက ၊ စဉ့်ကိုင်မြို့နယ်တွင် (၁၁၇၆၉)ဧက ၊ မြစ်သားမြို့နယ်တွင်(၂၀၆၁၄)ဧက၊ စုစုပေါင်း(၄၁၈၅၉)ဧက ရိတ်သိမ်းပြီးစီးကြောင်း၊ ခရိုင်လယ်ယာမြေစီမံခန့်ခွဲရေးနှင့် စာရင်းအင်းဦးစီး ဌာန၏စာရင်းများအရ သိရှိရပါသည်။ (၁)ဧကကုန်ကျစရိတ်အနေဖြင့် မျိုး ၊ ထွန်ယက်ခ ၊ သွင်းအားစု၊ လုပ်သားခ၊ စုစုပေါင်း (၂၅၀၀၀၀/-)ကျပ်ခန့်ကုန်ကျကြောင်း ၊ (၁)ဧက ပျမ်းမျှအထွက်နှုန်းအနေဖြင့် (၉-၁၀)တင်းခန့်ထွက်ရှိကြောင်း၊ယခင်နှစ်ကုလားပဲစျေးနှုန်းအနေဖြင့် ကုလားပဲရိုးရိုး တစ်တင်းလျှင် (၅၃၀၀၀/-)ကျပ်၊ကုလားပဲV2 တစ်တင်း လျှင်(၆၃၀၀၀/-)ကျပ်စျေးနှုန်းများရှိခဲ့ပြီး ယခုနှစ် ကုလားပဲ စတင်ထွက်ပေါ်ချိန် ဖေဖော်ဝါရီလဆန်းပိုင်း ပထမပတ်တွင် ကုလားပဲရိုးရိုး တစ်တင်းလျှင် (၉၀၀၀၀/-)ကျပ်၊ကုလားပဲV2တစ်တင်းလျှင်(၉၈၀၀၀/-)ကျပ်စျေးနှုန်းများရှိခဲ့ကြောင်း ၊ ယခုအချိန်တွင် ကုလားပဲရိုးရိုး တစ်တင်းလျှင်(၇၄၀၀၀/-)ကျပ်၊ ကုလားပဲV2 တစ်တင်းလျှင်(၇၈၀၀၀/-)ကျပ် စျေးနှုန်းများဖြင့် အရောင်းအဝယ်ဖြစ်နေကြောင်း သိရှိရပါသည်။ (၁)ဧက အကျိုးအမြတ်အနေဖြင့် (၅၀၀၀၀၀)ကျပ် ဝန်းကျင်ခန့်ရရှိကြောင်း ကုလားပဲစိုက်တောင်သူတစ်ဦး၏ ပြောကြားချက်အရ သိရှိရပါသည်။

DOCA(မန္တလေး)

      မန္တလေးတိုင်းဒေသကြီး၊‌‌ ကျောက်ဆည်ခရိုင်တွင် ရေ၊မြေ၊ရာသီဥတုကောင်းမွန်ပြီး ဆည်ရေ သောက်ဒေသဖြစ်သောကြောင့် ရာသီမရွေးသီးနှံမျိုးစုံ စိုက်ပျိုးလျှက်ရှိရာ ၄င်းသီးနှံများအနက် စားဖို ဆောင်သီးနှံဖြစ်သည့် ဆောင်းကြက်သွန်နီ သီးနှံကို အများဆုံး စိုက်ပျိုးကြပါသည် ။ ခရိုင်အတွင်း ဆောင်းကြက်သွန်နီ စိုက်ပျိုးမှုအနေဖြင့် ကျောက်ဆည် မြို့နယ်တွင်(၇၈၈၆)ဧက ၊ စဉ့်ကိုင်မြို့နယ် တွင်(၃၅၁၅)ဧက ၊ မြစ်သားမြို့နယ်တွင်(၁၅၅၀၁)ဧက ၊ စုစုပေါင်း(၂၆၉၀၂)ဧက စိုက်ပျိုးနိုင်ခဲ့ပြီး ယခုမတ်လတတိယပတ်အထိ ဆောင်းကြက်သွန်နီရိတ်ဧက(၁၄၁၅၅)ဧကရိတ်သိမ်းပြီးဖြစ်ကြောင်း ၊ ခရိုင်လယ်ယာမြေစီမံခန့်ခွဲရေးနှင်စာရင်းအင်းဦးစီးဌာန၏ စာရင်းများအရသိရှိရပါသည် ။ ဆောင်း ကြက်သွန်နီစိုက်ပျိုးမှု ကုန်ကျစရိတ်အနေဖြင့် မျိုး၊သွင်းအားစု၊လုပ်သားခအပါအဝင် (၁၈၀၀၀၀၀)ကျပ် ခန့်ကုန်ကျပြီး အထွက်နှုန်းအနေဖြင့် (၂၈၀၀-၂၉၀၀)ပိဿာ ထွက်ရှိကြောင်း ၊ ဆောင်းကြက်သွန်နီ စျေးနှုန်းအနေဖြင့် ယခင်နှစ်တွင် ကြက်သွန်နီ အကြီး(၁)ပိဿာလျှင်(၂၂၀၀)ကျပ် ၊ အလတ်(၁)ပိဿာ လျှင်(၂၀၀၀)ကျပ်၊အသေး (၁)ပိဿာလျှင်(၁၈၀၀)ကျပ် စျေးနှုန်းများရှိခဲ့ပြီး ယခုနှစ်တွင် ဂျွန် (၁)ပိဿာလျှင်(၂၃၀၀-၂၄၀၀)ကျပ်အထိ ရောင်းချရကြောင်း ၊ လက်လီစျေးအနေဖြင့် ကြက်သွန်နီအကြီး (၁)ပိဿာလျှင်(၃၇၀၀)ကျပ် ၊ အလတ်(၁)ပိဿာလျှင် (၃၆၀၀)ကျပ် ၊ အသေး(၁)ပိဿာလျှင် (၂၈၀၀)ကျပ်စျေးနှုန်းများဖြင့်ရောင်းဝယ်လျက်ရှိပါသည်။ယခုနှစ်တွင် ကြက်သွန်နီစျေးများ ကောင်းမွန်သောကြောင့်(၁)ဧက အကျိုးအမြတ်အနေဖြင့် မျိုး၊ သွင်းအားစု၊ လုပ်သားခများ နှုတ်ပြီးပါက (၆၀၀၀၀၀၀)ကျပ်ခန့်မြတ်ကြောင်း ၊ ကြက်သွန်နီစျေးနှုန်းများ အတက်အကျရှိသောကြောင့် မိမိတို့ကြက်သွန်ဖော်ချိန်တွင် စျေးကောင်းပါက အကျိုးအမြတ်ပိုမိုဖြစ်ထွန်းပြီး စျေးနှုန်းအနည်းငယ်ကျဆင်းချိန်တွင် ရောင်းရသောတောင်သူများမှာလည်း အရှုံးမရှိ အမြတ်ကျန်ရှိကြောင်း ကြက်သွန်နီ စိုက်ပျိုးသော တောင်သူတစ်ဦး၏ပြောကြာချက်အရ သိရှိရပါသည်။

DOCA(မန္တလေး)