ပြည်ပကုန်သွယ်မှုသတင်းများ

               ဖိလစ်ပိုင်နိုင်ငံ၏ အစားအသောက်တင်ပို့သူများသည် အမေရိကန်နိုင်ငံစားသုံးသူများထံမှ ဝယ်လိုအားလျော့ချရန်ကြိုးပမ်းနေကြသော်လည်း နိုင်ငံပိုင်ညှိနှိုင်းသူများက ဖိလစ်ပိုင်နိုင်ငံ ကုန်စည်များအပေါ် ၂၀ ရာခိုင်နှုန်းကောက်ခံခြင်းအားလျော့ချရန် အနောက်နိုင်ငံစီးပွားရေးနှင့် ကုန်သွယ်ရေး သဘောတူညီချက်များ ပြုလုပ်နေသဖြင့် အခြေနေမှာ ဆက်လက်ကောင်းမွန် လျက်ရှိကြောင်း သိရပါသည်။

                 ဖိလစ်ပိုင်နိုင်ငံ၏ စိုက်ပျိုးရေးထွက်ကုန်များနှင့် အစားအသောက်ထုတ်ကုန်များ အပေါ် အခွန်တိုးမြင့်ခြင်းသည် အမေရိကန်စားသုံးသူများအား အကျိုးသက်ရောက်စေပြီး ရလဒ် အနေဖြင့် လက်လီစျေးနှုန်းများ မြင့်တက်စေနိုင်ကြောင်း ဖိလစ်ပိုင်နိုင်ငံ အစားအသောက် ထုတ်လုပ်သူများ နှင့် တင်ပို့သူများ အဖွဲ့အစည်းအရ သိရပါသည်။ အပြန်အလှန်အခွန်များကို လက်လီစျေးကွက်အထိ သက်ရောက်အောင် ကူးပြောင်းထားခြင်းကြောင့် အမေရိကန် စားသုံးသူများသည် ပိုမိုစျေးကြီးသော ဖိလစ်ပိုင်နိုင်ငံ၏ စိုက်ပျိုးရေးနှင့် အစားအသောက် ထုတ်ကုန်များကို ရှောင်ဖယ်ကာ တစ်ခြားစျေးသက်သာသော ထုတ်ကုန်များကို အစားထိုး လာနိုင်ကြောင်း PhilFoodex မှပြောကြားခဲ့ပါသည်။ အဆိုပါအခြေအနေသည် စီးပွားရေး ပျက်ကပ်ကို ရင်ဆိုင်ရနိုင်ကြောင်း ၎င်းအဖွဲ့အစည်းက ထပ်ပေါင်းပြောကြားခဲ့ပါသည်။

                 ဖိလစ်ပိုင်နိုင်ငံသည် တစ်ခြားသော အရှေ့တောင်အာရှနိုင်ငံများနှင့် နှိုင်းယှဥ်လျှင် အခွန်ပိုမို တိုးမြင့် ကောက်ခံခြင်း ခံရသည့်အပြင် ၎င်း၏ အစားအသောက်လုပ်ငန်းသည်လည်း ထုတ်ကုန် စရိတ်များ မြင့်တက်လာမှုများကြောင့် အခက်အခဲများ နှင့် ရင်ဆိုင်နေရကြောင်း PhilFoodex ၏ ဥက္ကဌ Ruben See ကပြောကြားခဲ့ပါသည်။ ၎င်းသည် အစိုးရအား အမေရိကန်နိုင်ငံနှင့် ကုန်သွယ်ရေး ညှိနှိုင်းမှုများကို ဆက်လက်ဆွေးနွေးရန်နှင့် အကောက် ခွန်များကို ၅ ရာခိုင်နှုန်းခန့် လျော့ချ‌‌‌‌ပေးရန် တိုက်တွန်းနေကြောင်း သိရပါသည်။

                 ဖိလစ်ပိုင်နိုင်ငံသည် ယခင်နှစ်က အမေရိကန်နိုင်ငံနှင့် စိုက်ပျိုးရေးကုန်သွယ်မှုလိုငွေ စုစု ပေါင်း ၁.၃၇ ဘီလီယံခန့် ရှိနေကြောင်း ဖိလစ်ပိုင်စာရင်းအင်းအာဏာပိုင်အဖွဲ့များ(PSA) ပြောကြားချက် အရ သိရပါသည်။ ၎င်းနိုင်ငံသည် ဖိလစ်ပိုင်နိုင်ငံသို့ စိုက်ပျိုးကုန်ပစ္စည်း ဒေါ်လာ ၁.၃၇ ဘီလီယံခန့် တင်ပို့ခဲ့ပြီး အနောက်နိုင်ငံ စီးပွားရေးမှ စိုက်ပျိုးရေးကုန်ပစ္စည်း ဒေါ်လာ ၃.၃၂ ဘီလီယံခန့် တင်သွင်းခဲ့ကြောင်း PSA အချက်အလက်များအရ သိရပါသည်။ PSA အချက် အလက်များအရ ဖိလစ်ပိုင်နိုင်ငံ၏ စုစုပေါင်း စိုက်ပျိုးကုန်ပစ္စည်း ၁၈ ရာခိုင်နှုန်းခန့်ကို အမေရိကန်နိုင်ငံသို့ တင်ပို့ခဲ့ကြောင်း သိရပါသည်။

DOCA(ရန်ကုန်)

                အဆောက်အအုံတည်‌ဆောက်ရေးကော်ပိုရေးရှင်း Megaworld သည် လူသွားလူလာနေရာများတွင် လည်ပတ်သူများ ပိုမိုလာရောက်နိုင်စေရန်အတွက် Binondo Mall တွင် လက်လီဆိုင် နေရာများ ချဲ့ထွင်နေကြောင်း သိရပါသည်။ ၎င်းသည် ဇူလိုင်လ ၁၃ ရက်နေ့တွင် Lucky Chinatown တွင် Imperial Wing ဖွင့်ပွဲအားကြေညာခဲ့ပြီး Manila မြို့တွင် ရင်းနှီးမြှုပ်နှံလို သည့် မြေငှားမျာအတွက် နေရာများအား ထည့်သွင်းထားကြောင်း သိရပါသည်။ အဆိုပါ Imperial Wing တွင် လက်လီဆိုင်နေရာ အဆင့် ၃ ဆင့်ကို ထည့်သွင်းခဲ့ပြီး ၎င်း၏စုစုပေါင်း ငှားရမ်းနိုင်သော ဧရိယာမှာ ၃၆၀၀၀ စတုရန်းမီတာခန့်ရှိကြောင်း သိရပါသည်။ အဆိုပါချဲ့ထွင်မှုသည် Chinatown လူသွားလမ်းမှတစ်ဆင့် mall ၏ အဓိကသွားလမ်းနှင့် ချိတ်ဆက်လျက်ရှိပြီး ဒုတိယထပ်နှင့် တတိယ ထပ်များတွင် လေအေးပေးစက်များ တပ်ဆင်ထားကြောင်း သိရပါသည်။ ၎င်းသည် Chinatown Museum နှင့် တိုက်ရိုက် ချိတ်ဆက်နေပြီး Chinatown ဟိုတယ်အနောက်ဘက်တွင် တည်ရှိကြောင်း သိရပါသည်။ Megaworld Lifestyle Mall ၏ အကြီးအကဲ Graham Coates က Lucky Chinatown ရှိ စျေးဝယ်ရေးအစီအစဥ်များ နှင့် အစားအသောက်သုံးဆောင်ရန်နေရာများကို ချဲ့ထွင်နေပြီး ၎င်းတို့အနေဖြင့် ဧည့်သည်များကိုဆွဲဆောင်စေမည့် လူကြိုက်များသည့် အမှတ်တံ ဆိပ်များကို ပြုလုပ်နေကြောင်း ပြောကြားခဲ့ပါသည်။ ထို့အပြင် Coates က Megaworld သည် ယခု နှစ်အတွင်းတွင် စျေးဝယ်စင်တာအသစ်တစ်ခုဖွင့်ရန် စီမံနေကြောင်းပြောကြားခဲ့ပါသည်။ ထို့အပြင် ၎င်းက Megaworld အတွက် လိုအပ်ချက်သည် မြို့တွင်းပြောင်းလဲတိုးတက်မှုများနှင့် အတူဆက်လက်ထိန်းသိမ်းသွားရန် ဖြစ်‌ကြောင်း ထောက်ပြခဲ့ကြောင်း သိရှိရပါသည်။

DOCA(ရန်ကုန်)

      ကမ္ဘောဒီးယားနိုင်ငံ၏ ထိပ်တန်းကုန်သွယ်ဖက်နိုင်ငံ ၂၀ နှင့် ကုန်သွယ်မှု ပမာဏသည် ၂၀၂၅ ခုနှစ်၊ ပထမ ခြောက်လအတွင်း  အမေရိကန်ဒေါ်လာ ၃၀.၅၇ ဘီလီယံ အထိရောက်ရှိခဲ့ပြီး ၂၀၂၄ ခုနှစ် အလားတူကာလတွင် မှတ်တမ်းတင်ထားသည့် ကန်ဒေါ်လာ ၂၆.၀၉ ဘီလီယံနှင့် နှိုင်းယှဉ်ပါက ၁၇.၂ ရာခိုင်နှုန်း တိုးမြင့်လာကြောင်း ကမ္ဘောဒီးယားနိုင်ငံ၊ အကောက်ခွန်နှင့် စည်းကြပ်မှုဦးစီးဌာန (GDCE) က ၁၀-၇-၂၀၂၅ ရက်နေ့ထုတ်ပြန်ခဲ့သည်။ ကမ္ဘောဒီးယားနိုင်ငံ၏ ပို့ကုန်သည် ၂၀၂၄ ခုနှစ်၊ ပထမ နှစ်ဝက်တွင် ကန်ဒေါ်လာ ၁၂.၃၀ ဘီလီယံ မှ ကန်ဒေါ်လာ ၁၆.၂ ဘီလီယံ(၁၆.၂ ရာခိုင်နှုန်း)အထိ မြင့်တက်ခဲ့ပြီး သွင်းကုန်သည် ၂၀၂၄ ခုနှစ် အလားတူကာလမှ ကန်ဒေါ်လာ ၁၃.၈၀ ဘီလီယံနှင့် နှိုင်းယှဉ်ပါက ၁၈ ရာခိုင်နှုန်းတိုးတက်လာခဲ့ကြောင်း အစီရင်ခံစာတွင် ဖော်ပြထားသည်။ တရုတ်နိုင်ငံသည် ကမ္ဘောဒီးယားနိုင်ငံ၏ အကြီးဆုံး ကုန်သွယ်ဖက်နိုင်ငံအဖြစ် ရပ်တည်နေပြီး စုစုပေါင်းကုန်သွယ်မှုသည် ၉.၂၇ ဘီလီယံအထိရှိခဲ့ပြီး တစ်နှစ်ထက်တစ်နှစ်  ၂၆.၉ ရာခိုင်နှုန်းတိုးမြင့်လာခဲ့သည်။ ကုန်သွယ်မှု အလုံးစုံတိုးတက်မှု ရှိသော်လည်း တရုတ်နိုင်ငံသို့ ကမ္ဘောဒီးယားနိုင်ငံ၏ ပို့ကုန်သည် ၇.၉ ရာခိုင်နှုန်း ကျဆင်းခဲ့ပြီး ကန်ဒေါ်လာ ၇၅၀.၆ သန်းရရှိခဲ့သည်။ ကျွမ်းကျင်သူများက ကမ္ဘောဒီးယားနိုင်ငံ၏ ကုန် ထုတ်လုပ်မှုကဏ္ဍ အထူးသဖြင့် အထည်ချုပ်၊ ဖိနပ်နှင့် စိုက်ပျိုးရေးထုတ်ကုန်များ၏ ခိုင်မာသော ပို့ကုန်စွမ်းဆောင်ရည် ကြောင့်ဖြစ်ကြောင်းနှင့် သွင်းကုန်များ မြင့်တက်လာခြင်းသည် ကုန်ကြမ်း၊ စက်ယန္တရားများ၊ ဆောက်လုပ်ရေးနှင့် လူသုံးကုန်ပစ္စည်းများအတွက်ခိုင်မာသော ပြည်တွင်း ဝယ်လိုအား များဖြစ်ကြောင်း  အထောက်ပြခဲ့ကြသည်။  ကမ္ဘောဒီးယားနိုင်ငံ၏ အဓိက ကုန်သွယ်ဖက်နိုင်ငံများသည် တရုတ်၊ အမေရိကန်၊ ဂျပန်၊ ဗီယက်နမ်၊ ထိုင်းနှင့် UAE နိုင်ငံတို့ ဖြစ်ကြသည်။

Source: Khmer Times

DOCA(ရန်ကုန်)

    အင်ဒိုနီးရှားနိုင်ငံ ဆက်သွယ်ရေးနှင့် ဒစ်ဂျစ်တယ်ရေးရာဝန်ကြီးဌာနနှင့် စက်မှုဝန်ကြီးဌာန တို့သည် စက်မှုကဏ္ဍတွင် AI နည်းပညာအသုံးပြုခြင်းနှင့် ဒစ်ဂျစ်တယ်အသွင်ကူးပြောင်းမှု အရှိန် မြှင့်တင်ခြင်းမှတစ်ဆင့် စီးပွားရေးကြီးထွားနှုန်း ၈ ရာခိုင်နှုန်းရရှိရန် အစိုးရ၏ရည်မှန်းချက်၏ တစ်စိတ်တစ်ပိုင်းအနေဖြင့် အတူတကွလုပ်ကိုင်လျက်ရှိကြောင်း သိရပါသည်။ ဆက်သွယ်ရေးနှင့် ဒစ်ဂျစ်တယ်ရေးရာ ဒုတိယဝန်ကြီး Nezar Patri က ဝန်ကြီးဌာန ၂ ခုကြား ထိုအားကောင်းသော ပူးပေါင်းဆောင်ရွက်မှုသည် အင်ဒိုနီးရှား၏ AI လုပ်ငန်းနယ်ပယ်အတွက် အခြေခံအဆောက်အအုံ တည်ထောင်ရန်ဖြစ်ကြောင်း ပြောကြားခဲ့ပါသည်။ ‌Batam တွင်ကျင်းပပြုလုပ်ခဲ့သည့် AI လုပ်ငန်း ဖွံ့ဖြိုးတိုးတက်ရေးအပေါ်ဆွေးနွေးပွဲတွင် Patri က ဆီမီးကွန်ဒတ်တာများသည် AI ဖွံ့ဖြိုးတိုးတက်ရေးအတွက် အရေးပါသည့်အတွက် ဦးစားပေးဆောင်ရွက်ရမည်ဖြစ်ကြောင်း ပြောကြားခဲ့ပါသည်။ ၂၀၃၀ ပြည့်နှစ်တွင် ဒစ်ဂျစ်တယ်ကျွမ်းကျင်သူ ၁၂ သန်းထုတ်လုပ်မည့်ရည်မှန်းချက်၏ တစ်စိတ် တစ်ပိုင်းအနေဖြင့် ဆက်သွယ်‌ရေးနှင့် ဒစ်ဂျစ်တယ်ရေးရာဝန်ကြီးဌာနသည် လုပ်ငန်းနယ်ပယ် မိတ်ဖက်များနှင့်ပူးပေါင်း၍ ဒစ်ဂျစ်တယ်ကျွမ်းကျင်မှုဖွံ့ဖြိုးတိုးတက်ရေးပရိုဂရမ်များကို ဆောင်ရွက်လျက်ရှိကြောင်း သိရပါသည်။ ဆွေးနွေးပွဲတွင် စက်မှု ဒုတိယဝန်ကြီး Faisol Riza က တက္ကသိုလ်ကျောင်းများနှင့် လုပ်ငန်းနယ်ပယ်မှကျွမ်းကျင်သူများနှင့် ညှိနှိုင်းဆွေးနွေး၍ AI ဖွံ့ဖြိုး တိုးတက်ရေးအတွက် ကျယ်ပြန့်သောလမ်းပြမြေပုံဖန်တီးရန်လိုအပ်ကြောင်းနှင့် ထိုလမ်းပြမြေပုံ သည် ၎င်းတို့အားရှေ့သို့ဆက်လှမ်းနိုင်ရန် ထိန်းကျောင်းပေးနိုင်မည်ဟု ပြောကြားခဲ့ပါသည်။

Antara News                                                                             

DOCA (ရန်ကုန်)

   အင်ဒိုနီးရှားသမ္မတ Prabowo Subianto က စိုက်ပျိုးရေးဆိုင်ရာ ဆန်းသစ်တီထွင်မှု၊ ခေတ်နှင့်အညီကျင့်သုံးမှုနှင့် နည်းပညာတို့ကိုလေ့လာရန်အတွက် ကျွမ်းကျင်ပညာရှင်များပါဝင် သောအုပ်စုကို ဘရာဇီးသို့စေလွှတ်ရန် စီစဉ်ထားကြောင်း ကြေညာခဲ့ပါသည်။ Prabowo က ဘရာဇီးသမ္မတ Lula နှင့် ဝန်ကြီးများသည် လေ့လာရန်အတွက်နည်းစနစ်အဖွဲ့စေလွှတ်မည့် ၎င်း၏ တောင်းဆိုချက်ကို ခွင့်ပြုခဲ့ကြောင်း ဘရာဇီးသမ္မတနန်းတော်တွင် ဇူလိုင်လ ၉ ရက်နေ့က ကျင်းပခဲ့သည့် သတင်းစာရှင်းလင်းပွဲတွင် ပြောကြားခဲ့ပါသည်။ Prabowo က ဘရာဇီးသည် ဘိုင်အိုလောင်စာသုံးစွဲမှုနှင့် ထုတ်လုပ်မှုတို့ပါဝင်သည့် စိုက်ပျိုးရေးဆိုင်ရာဖွံ့ဖြိုး တိုးတက်မှုတွင် ကမ္ဘာ့ဦးဆောင်သူဖြစ်ကြောင်း၊ အင်ဒိုနီးရှားသည် ဘရာဇီး၏အတွေ့အကြုံမှ သင်ယူခြင်းအားဖြင့်ကြီးမားသောအကျိုးကျေးဇူးရရှိနိုင်ကြောင်း ပြောကြားခဲ့ပါသည်။ နှစ်နိုင်ငံသည် စိုက်ပျိုးရေးနည်းပညာတွင် ပူးတွဲသုတေသနပြုလုပ်ရန်အတွက် အခွင့်အလမ်းများကို ရှာဖွေ လျှက်ရှိကြောင်း သိရပါသည်။ Prabowo က အစားအစာဖူလုံရေးနှင့် ကိုယ်တိုင်ထုတ်လုပ်ဖူလုံရေးသည် နိုင်ငံ၏ဦးစားပေးဖြစ်ကြောင်းနှင့် အင်ဒိုနီးရှားသည်ကလေးများနှင့် ကိုယ်ဝန်ဆောင် အမျိုးသမီးများအတွက် အခမဲ့အစားအစာပရိုဂရမ်ပါဝင်သည့် များစွာသောဘရာဇီးပရိုဂရမ်များကို စိတ်ဝင်စားလျက်ရှိကြောင်း ပြောကြားခဲ့ပါသည်။ အင်ဒိုနီးရှားအစိုးရသည် ယခုနှစ် ကုန်မှစ၍ တစ်ရက်လျှင်အစားအစာ ၈၂.၉ သန်းပံ့ပိုးပေးရန်ရည်ရွယ်ထားထားကြောင်း သိရပါသည်။ စိုက်ပျိုးရေးကဏ္ဍအပြင် Prabowo ကစွမ်းအင်အသွင်ကူးပြောင်းမှုကဏ္ဍအပေါ် အမြင်ကိုဝေမျှခဲ့ ပြီး နိုင်ငံသည် လာမည့်ဆယ်စုနှစ်အတွင်း ၁၀၀ ရာခိုင်နှုန်း ပြည့်ဖြိုးမြဲစွမ်းအင်အသုံးပြုရန် ပြင်ဆင်လျက်ရှိကြောင်း ပြောကြားခဲ့ပါသည်။

Antara News                                                                             

DOCA (ရန်ကုန်)