ပြည်ပကုန်သွယ်မှုသတင်းများ

     ထိုင်းနိုင်ငံသည် ရုရှား၊ အာမေးနီးယား၊ ဘီလရုဇ်၊ ကာဇတ်စတန်နှင့် ကာဂျစ်စတန်တို့နှင့်ဖွဲ့စည်းထားသည့် Eurasian Economic Union (EAEU) တို့နှင့် လွတ်လပ်စွာ ကုန်သွယ်ရေးသဘောတူညီချက်အတွက် ဆွေးနွေးမှုများဆောင်ရွက်ရန် အဆင်သင့်ဖြစ်နေကြောင်းသိရပါသည်။ ထိုင်းနိုင်ငံစီးပွားရေးနှင့်ကူးသန်းရောင်းဝယ်ရေးဝန်ကြီး Phumtham Wechayachai က ထိုင်းနိုင်ငံဆိုင်ရာ ကာဇတ်စတန်နိုင်ငံသံအမတ်ကြီး Arman Issetov နှင့် အစည်းအဝေးတွင် နှစ်ဖက်စလုံးသည် အပြန်အလှန်အကျိုးစွားပွား၊ ကုန်သွယ်ရေး၊ ရင်းနှီးမြှုပ်နှံမှုနှင့် ခရီးသွားကဏ္ဍ အစရှိသည့် များစွာသောနယ်ပယ်တို့တွင် အပြန်အလှန်ပူးပေါင်းဆောင်ရွက်မှုမြှင့်တင်ရန်နည်းလမ်းများကို ဆွေးနွေးခဲ့ကြောင်းထုတ်ပြန်ခဲ့ပါသည်။ ထိုင်းနိုင်ငံစီးပွားရေးနှင့်ကူးသန်းရောင်းဝယ်ရေးဝန်ကြီးဌာနကကျင်းပသည့် ကုန်သွယ်ရေးပြပွဲနှင့် အွန်လိုင်းမှတစ်ဆင့် စီးပွားရေးညှိနှိုင်းဆွေးနွေးမှု အစရှိသည့် ကုန်သွယ်မှုမြှင့်တင်ရေးလှုပ်ရှားမှုများအပြင် ၎င်းတို့သည် ထိုင်းနိုင်ငံနှင့် ကာဇတ်စတန်နိုင်ငံအကြား ကုန်သွယ်ရေးနှင့် စီးပွားရေးပူးပေါင်းဆောင်ရွက်မှုပူးတွဲကော်မရှင်တည်ထောင်ရန် ဆွေးနွေးခဲ့ကြောင်းသိရပါသည်။ ထိုင်းနိုင်ငံသည် EAEU နှင့် လွတ်လပ်စွာ ကုန်သွယ်ရေးသဘောတူညီချက်အတွက် ဆွေးနွေးမှုစတင်ရန် ဆန္ဒရှိကြောင်းဖော်ပြခဲ့ပြီး ကာဇတ်စတန်ကပံ့ပိုးပေးရန် မျှော်လင့်လျက်ရှိပါသည်။ EAEU အဖွဲ့ဝင်နိုင်ငံများတွင် ခန့်မှန်းလူဦးရေ သန်း ၂၀၀နီးပါးနေထိုင်လျက်ရှိပြီး စုစုပေါင်း ပြည်တွင်းအသားတင်ကုန်ထုတ်လုပ်မှု (GDP) တန်ဖိုးမှာ အမေရိကန်ဒေါ်လာ ၅ထရီလီယံရှိကြောင်းသိရပါသည်။ ကာဇတ်စတန်သည် ဗဟိုအာရှတွင် အကြီးမားဆုံးစီးပွားရေးကိုပိုင်ဆိုင်ထားပြီး GDP နှင့် ဝယ်ယူနိုင်စွမ်းတို့တွင် ဒေသတွင်းဦးဆောင်နေရုံသာမက စီးပွားရေးနှင့် စာရင်းအင်းအချက်အလက်အချက်အခြာအဖြစ် အရေးကြီးသည့်နေရာတွင် ရှိနေကြောင်းသိရပါသည်။ Phumtham ၏အဆိုအရ ထိုင်းနိုင်ငံသည် ၎င်းတို့၏ လယ်ယာထွက်ကုန်များနှင့် တိရိစ္ဆာန်အစားအစာများကို ကာဇတ်စတန်နိုင်ငံက တင်သွင်းပေးရန်တောင်းဆိုခဲ့ကြောင်းသိရပါသည်။ ထို့ပြင် နှစ်ဖက်စလုံးသည် စီးပွားရေးနှင့် ရင်းနှီးမြှုပ်နှံမှုပူးပေါင်းဆောင်ရွက်ရေးတိုးချဲ့ရန်အတွက် ၂၀၂၄ခုနှစ်၊ ဧပြီလက ဗီဇာကင်းလွတ်ခွင့်သဘောတူညီချက်ကို အသုံးချနိုင်ကြောင်းသိရပါသည်။

Source : Bangkok Post

DOCA(ရန်ကုန်)

        Brexit နယ်စပ်ကုန်သွယ်ရေးစခန်းများမှတစ်ဆင့် ဗြိတိန်သို့တင်သွင်းလာသော အစားအစာများကို ဗြိတိန်၏ဓာတ်ခွဲခန်းစွမ်းရည်နည်းပါးမှုကြောင့် စမ်းသပ်ရန် ဥရောပသို့ ပြန်လည်ပို့ဆောင်ထားကြောင်း အစားအသောက်အဖွဲ့များကပြောကြားခဲ့သည်။ ယူကေ၏ အစားအစာထောက်ပံ့မှုပေါင် ၁၀၀ဘီလီယံတန်ဖိုးရှိ ကုန်သွယ်ရေးအဖွဲ့ ၃၀ကိုကိုယ်စားပြုသည့် SPS လက်မှတ်လုပ်ငန်းအဖွဲ့သည် အစိုးရထံစာရေးပြီး ဂျာမနီကဲ့သို့သောနိုင်ငံများသို့တင်သွင်းလာသော အစားအစာနမူနာတချို့ကို နယ်စပ်မှမထွက်ခွာရသေးချိန်တွင် စမ်းသပ်ရန် အဖွဲ့ဝင်များအား အကြံပြုထားကြောင်းသိရသည်။ ဓာတ်ခွဲခန်း အဆောက်အဦများမရှိခြင်းသည် အပိုကုန်ကျစရိတ်များ၊ ကြာရှည်နှောင့်နှေးမှုနှင့် UK သို့ရောက်ရှိလာသည့် အစားအစာအတွက် သိုလှောင်မှုသက်တမ်းတိုတောင်းစေသည်ဟုဆိုသည်။ လွန်ခဲ့သည့် သီတင်းပတ်တွင် သဘာဝပတ်ဝန်းကျင်ထိန်းသိမ်းရေးဌာန၊ အတွင်းဝန်သစ် Steve Reed ထံပေးပို့ခဲ့သည့်စာသည် ဗြိတိန်သို့ တိရစ္ဆာန်နှင့် အပင်ထွက်ကုန်များဆိုင်ရာ Brexit စစ်ဆေးမှုများပြုလုပ်ပြီးနောက် သုံးလအကြာတွင် ထွက်ပေါ်လာခြင်းဖြစ်သည်။

       ဧပြီလ ၃၀ ရက်နေ့တွင် ယူကေဆိပ်ကမ်းများအနီးရှိ နယ်စပ်ထိန်းချုပ်ရေးစခန်းများ၌ စမ်းသပ်စစ်ဆေးမှုများသည် ဗြိတိန်၏ ဇီဝလုံခြုံရေးကိုမြှင့်တင်ရန်နှင့် နိုင်ငံတချို့နှင့် ဥရောပတိုက်ကြီးမှ ဗြိတိန်သို့ ရောဂါများဝင်ရောက်လာခြင်းကို ရပ်တန့်ရန်ရည်ရွယ်သည်။

      တချို့ကိစ္စများတွင် ဤစစ်ဆေးမှုများသည် အဏုဇီဝ သို့မဟုတ် ဓာတုဗေဒခွဲခြမ်းစိတ်ဖြာမှုအတွက် ဓာတ်ခွဲခန်းတွင် စမ်းသပ်ရန် သို့မဟုတ် ထုတ်ကုန်တစ်ခု၏စစ်မှန်မှုကို စစ်ဆေးရန်လိုအပ်သည်။ သို့သော်လည်း UK သည် ယခုအခါ ဓာတ်ခွဲခန်းစွမ်းရည်ပြတ်လပ်မှုနှင့်ရင်ဆိုင်နေရပြီး နမူနာစမ်းသပ်မှုအကူအညီအတွက် နိုင်ငံတကာလုပ်ဖော်ကိုင်ဖက်များအပေါ်  ပိုမိုမှီခိုအားထားနေရပြီဖြစ်သည်။ ယခုလအတွင်း သီးခြားစာပတ်စာတစ်စောင်တွင် Food Standard Agency ၏ သိပ္ပံဆိုင်ရာအကြံပေးအရာရှိချုပ် Robin May က ယူကေ၏တရားဝင်ဓာတ်ခွဲခန်းစွမ်းရည်ကျဆင်းလာခြင်းနှင့်ပတ်သက်၍ စိုးရိမ်ပူပန်မိကြောင်းပြောကြားခဲ့သည်။ SPS အလုပ်အဖွဲ့၏စာတွင် တချို့သောကိစ္စများတွင် နမူနာများကို UK ဓာတ်ခွဲခန်းများသို့ပေးပို့ပြီး စားသောက်ကုန်လုပ်ငန်းကို မူလထုတ်လုပ်သည့်စက်ရုံ/လုပ်ငန်း၏ အသိပေးခြင်း သို့မဟုတ် သဘောတူညီချက်မရှိဘဲ ဥရောပရှိစက်ရုံများသို့ ထပ်ဆင့်ပေးပို့ထားကြောင်းဖော်ပြထားသည်။ အဆိုပါအဖွဲ့က အီးယူဓာတ်ခွဲခန်းသို့ နမူနာတင်ပို့ရန်အတွက် ခိုင်မာသည့်ပို့ကုန်လက်မှတ်ကို ပြုစုပျိုးထောင်ရန်လိုအပ်သည့်အပြင် ‘အပိုဆောင်းကုန်ကျစရိတ်၊ ကြန့်ကြာမှု၊ သိုလှောင်မှုသက်တမ်းဆုံးရှုံးခြင်းနှင့် အထူးသဖြင့် တာရှည်သက်တမ်းတိုပါက ရလဒ်များအဖြစ် လက်တွေ့ကျတဲ့တန်ဖိုးဖြစ်ဖို့လည်း အရမ်းနောက်ကျသွားပြီ။”ဟုလည်းပြောကြားခဲ့သည်။

        SPS လုပ်ငန်းအဖွဲ့ကို လွန်ခဲ့သည့်သုံးနှစ်က စတင်ဖွဲ့စည်းခဲ့ပြီး လယ်သမားများက အစားအသောက်ထုတ်လုပ်သူများနှင့် ကုန်တင်ကားများအထိ စားသောက်ကုန်လုပ်ငန်းအများအပြားပါဝင်ပါသည်။ အဖွဲ့ဝင်များတွင် Fresh Produce Consortium၊ Chilled Food Association၊ Dairy UK နှင့် Road Haulage Association တို့ပါဝင်သည်။ ၎င်းတို့၏စာတွင် EU နှင့် ဗြိတိန်ကြား ကုန်သွယ်မှုကို အနှောင့်အယှက်ဖြစ်စေသည်ဟုဖော်ပြထားသည့် နယ်စပ်လုပ်ငန်းစဉ်နှင့်ပတ်သက်သည့် အခြားပြဿနာ ၁၈ခုကိုလည်း မီးမောင်းထိုးပြထားသည်။ ၎င်းတို့တွင် နယ်စပ်ထိန်းချုပ်ရေးစခန်းအများစု၏ ဖွင့်ချိန်များသည် ကန့်သတ်ချက်လွန်ကဲပြီး 24/7 ကုန်သွယ်မှုအတွက် အထောက်အကူမဖြစ်သည့်အပြင် အကူအညီလိုအပ်နေသည့် သွင်းကုန်လုပ်ငန်းရှင်များအတွက် ၂၄နာရီအကူအညီလိုင်းများနည်းပါးနေသေးကြောင်း တိုင်ကြားမှုများပါဝင်သည်။

      ဒိုဗာဆိပ်ကမ်းမှတစ်ဆင့် တင်သွင်းလာသောတင်သွင်းမှုများကို ဆောင်ရွက်ပေးသည့် Ashford၊ Kent ရှိ အစိုးရ၏ Sevington နယ်စပ်ထိန်းချုပ်ရေးစခန်းသည် တစ်ခုတည်းသော 24/7 နယ်စပ်ကုန်သွယ်ရေးစခန်းဖြစ်သည်။ အဆိုပါစာတွင် ဥရောပ/အာရှတိုက်ကြီးများမှ တိရစ္ဆာန်ထွက်ကုန်များတင်သွင်းသည့် တင်သွင်းသူများအပေါ် ကောက်ခံသည့် စရိတ်စကများကိုရည်ရွယ်ပြီး တချို့ကိစ္စများတွင်အခွန်ကောက်ခံမှုမြင့်မားခြင်းကြောင့် တချို့သောသွင်းကုန်များသည် စီးပွားဖြစ်မဖြစ်နိုင်ဟု အငြင်းပွားမှုများဖြစ်လာခဲ့သည်။ အစားအသောက်နှင့်အပင်များကို တင်သွင်းသူများသည် နယ်စပ်ဂိတ်စစ်ဆေးမှုများတွင် စစ်ဆေးကောက်ခံမှုများကြောင့် တချို့သော ကုန်စည်ပို့ဆောင်ရေးကုမ္မဏီများက  သယ်ယူပို့ဆောင်စရိတ်အတွက် ၆၀ရာခိုင်နှုန်းအထိတိုးလာသည်ဟုဆိုကြသည်။

      ၎င်းက "ဥရောပသမဂ္ဂမှ ပို့ကုန်လုပ်ငန်းရှင်များသည် လက်ရှိထောက်ပံ့ရေးစာချုပ်များ သက်တမ်းကုန်ဆုံးချိန်တွင် အစိုးရသစ်နှင့်ဆက်စပ်ပြဿနာများ၊ နယ်ပယ်အသစ်များနှင့်စပ်လျဉ်းသည့် ပြဿနာများအပြင် ဂရိတ်ဗြိတိန်ကို ဆက်လက်ထောက်ပံ့ခြင်းရှိ/ မရှိ ပြန်လည်သုံးသပ်မည်ဖြစ်ကြောင်းပြောကြားခဲ့ပါသည်။" UK စားသောက်ကုန်ကုမ္ပဏီများသည် တစ်ခုတည်းသောဈေးကွက်မှ ထွက်ခွာသွားကတည်းက တင်ပို့ရောင်းချသည့်ကုန်စည်များ၏ ကျန်းမာရေးထောက်ခံချက်လက်မှတ်များအတွက် ပေါင် 205သန်းကျော်ကို ခွဲခြမ်းစိတ်ဖြာပေးခဲ့ကြောင်း၊ စျေးကွက်မှ တရားဝင်ထွက်ခွာပြီးနောက် EU သည် တိရစ္ဆာန်များ၏ မူရင်းအစားအစာတင်ပို့သူများအတွက် vets များစစ်ဆေးခြင်းနှင့် တင်ပို့ခြင်းကျန်းမာရေးလက်မှတ်များ (EHCs) ရရှိရန် တောင်းဆိုခဲ့သည်။ ပတ်ဝန်းကျင်၊ စားနပ်ရိက္ခာနှင့် ကျေးလက်ရေးရာဌာန (Defra) သို့ လွတ်လပ်စွာ သတင်းအချက်အလက်များတောင်းဆိုမှုအပေါ် အခြေခံထားသည့် SPS ခွဲခြမ်းစိတ်ဖြာမှုတွင် ပို့ကုန်လုပ်ငန်းရှင်များက EHCs 1m ကျော်တောင်းဆိုထားကြောင်းတွေ့ရှိခဲ့သည်။ အပိုကုန်ကျစရိတ်များနှင့် ဗျူရိုကရေစီကြောင့် ယူကေသို့တင်ပို့ရောင်းချခြင်းကို အီးယူကုမ္ပဏီတချို့က ဇန်နဝါရီတွင် အပြန်အလှန်အစီအမံများယူဆောင်လာခဲ့ပြီး ဗြိတိန်သည် ဇန်နဝါရီတွင် အပြန်အလှန်အစီအမံများချမှတ်ခဲ့သည်။ ယူကေအစိုးရသည် ဓာတ်ခွဲခန်းတွင် စမ်းသပ်နိုင်စွမ်းရှိသည်ဟုယုံကြည်ကြောင်းနှင့် အထူးကုဓာတ်ခွဲခန်းများလိုအပ်သည့် အခြေအနေမျိုးတွင် ဓာတ်ခွဲခန်းများကို အခြားဓာတ်ခွဲခန်းများသို့ စာချုပ်ချုပ်ရန်မှာ သာမာန်ဖြစ်ကြောင်းပြောကြားခဲ့သည်။ ၎င်းက "ယူကေ၏ဇီဝလုံခြုံရေးကိုကာကွယ်ခြင်းသည် ကျွန်ုပ်တို့၏ အဓိကဦးစားပေးလုပ်ငန်းတစ်ခုဖြစ်ပြီး၊ စစ်ဆေးမှုများကို ထိရောက်စွာ၊ လျင်မြန်စွာနှင့် သိသာထင်ရှားသော နှောင့်နှေးမှုများမရှိဘဲ ကုန်သည်များနှင့် ထိရောက်စွာလည်ပတ်ကြောင်း သေချာစေရန်အတွက် နယ်စပ်ထိန်းချုပ်ရေးစခန်းများနှင့်လုပ်ဆောင်နေကြောင်း၊  EU နှင့် ယူကေ၏ကုန်သွယ်မှုနှင့် ရင်းနှီးမြှုပ်နှံမှုဆက်ဆံရေးကို မြှင့်တင်ရန်ကြိုးပမ်းနေပြီး စီးပွားရေးလုပ်ငန်းများကိုပံ့ပိုးရန် လက်တွေ့ကျသော ချဉ်းကပ်မှုတစ်ရပ်ကိုလုပ်ဆောင်မည်ဖြစ်သည်။" ဟု‌ပြောကြားခဲ့သည်။

Source-AP

DOCA(မန္တလေး)

     ၂၀၂၄ ခုနှစ်၏ ပထမ ၇ လတာ ကာလတွင် ဗီယက်နမ်နိုင်ငံ၏ အပြန်အလှန် ကုန်သွယ်မှုပမာဏ အမေရကန်ဒေါ်လာ ၄၄၀ ဘီလီယံရှိပြီး တင်ပို့မှုတန်ဖိုး အမေရိကန်ဒေါ်လာ ၂၂၇ ဘီလီယံနှင့် တင်သွင်းမှု တန်ဖိုးအမေရိကန်ဒေါ်လာ ၂၁၃ ဘီလီယံရှိကာ လွန်ခဲ့သည့် နှစ်တူညီကာလထက် ၁၅.၇% နှင့် ၁၈.၅% အသီးသီးမြင့်တက်ခဲ့ကြောင်း သိရပါသည်။ တင်ပို့မှုတွင် ပြည်တွင်းကဏ္ဍမှ ၂၇.၈% နှင့် နိုင်ငံခြားရင်းနှီးမြှုပ်နှံသည့်ကဏ္ဍမှ ၇၂.၂% ရှိကြောင်း သိရပါသည်။ တင်သွင်းမှုတွင် ပြည်တွင်းကဏ္ဍမှ အမေရိကန်ဒေါ်လာ ၇၈ ဘီလီယံဖြင့် ၂၁.၅% မြင့်တက်ခဲ့ပြီး နိုင်ငံခြားရင်းနှီးမြှုပ်နှံသည့်ကဏ္ဍမှ အမေရိကန်ဒေါ်လာ ၁၃၅ ဘီလီယံဖြင့် ၁၇% မြင့်တက်ခဲ့ကြောင်းသိရပါသည်။ အမေရိကန်သည် အမေရိကန်ဒေါ်လာ ၆၆ ဘီလီယံဖြင့် ဗီယက်နမ်၏ အဓိကတင်သွင်းသူဖြစ်ပြီး တရုတ်သည် အမေရိကန်ဒေါ်လာ ၇၉.၂ ဘီလီယံဖြင့် ဗီယက်နမ်၏ အဓိကတင်ပို့သူဖြစ်ကြောင်း သိရပါသည်။ အတွင်းကျကျသိသူများက အစိုးရ၏ ရည်မှန်းချက်ဖြစ်သည့် တင်ပို့မှုပမာဏ အမေရိကန်ဒေါ်လာ ၃၇၇ ဘီလီယံ (ကြီးထွားနှုန်း ၆%) ပြည့်မီရန်အတွက် ဗီယက်နမ်လုပ်ငန်းရှင်များသည် လွတ်လပ်စွာ ကုန်သွယ်ရေး သဘောတူညီချက်များထံမှ အခွင့်အလမ်းများရယူရန် ကောင်းမွန်စွာ ပြင်ဆင်ထားသင့်ကြောင်း ပြောကြားခဲ့ပါသည်။ ဗီယက်နမ်နိုင်ငံသည် ဆန်၊ ငရုတ်တင်ပို့သူများထဲတွင် ပါဝင်ပြီးတင်ပို့သည့် ဈေးကွက်များ၏ လိုအပ်ချက်များပြည့်မီရန် နိုင်ငံသည် ထုတ်ကုန်များ၏ အရည်အသွေး ဆက်လက်တိုးတက်နေစေရန် အရေးကြီးကြောင်း သိရှိရပါသည်။

Source : Vietnam Plus

DOCA(ရန်ကုန်)

    အဌမအကြိမ်မြောက် တရုတ်-တောင်အာရှ ကုန်စည်ပြပွဲသည် တနင်္ဂနွေနေ့တွင် ပြီးဆုံးခဲ့ပြီး ပြည်တွင်းနှင့် ပြည်ပကုန်သွယ်မှု စာချုပ်များ စုစုပေါင်း တန်ဖိုး ယွမ် ၈ ဘီလီယံ (ဒေါ်လာ ၁၁၂ သန်း) ခန့် လက်မှတ်ရေးထိုးခဲ့ကြောင်း ပွဲစီစဉ်သူများထံမှ သိရသည်။

   ယခုနှစ် ကုန်စည်ပြပွဲတွင် နိုင်ငံပေါင်း ၈၂ နိုင်ငံ၊ ဒေသများစွာနှင့် နိုင်ငံတကာ အဖွဲ့အစည်းများမှ ပါဝင်ပြသခဲ့ပြီး ကုမ္ပဏီပေါင်း ၂၀၀၀ ကျော် ပါဝင်ခဲ့သည်။ ယင်းတို့အနက်မှ ထက်ဝက်နီးပါးသည် တောင်အာရှနှင့် အရှေ့တောင်အာရှရှိနိုင်ငံအားလုံးကို လွှမ်းခြုံထားသည့် ပြည်ပကုမ္ပဏီများဖြစ်သည်။

    ကုန်စည်ပြပွဲကို ၂၀၁၃ ခုနှစ်တွင် ကူမင်တွင် ပထမဆုံး ကျင်းပခဲ့ပြီး ထိုနှစ်တွင်ပင် တရုတ်နိုင်ငံသည် Belt and Road initiative ကို စတင်ခဲ့သည်။ စတင်ကျင်းပချိန်မှစ၍ ကုန်စည်ပြပွဲသည် ပြည်တွင်းပြည်ပ ကုမ္ပဏီပေါင်း ၁၈၀၀၀ ကျော်ကို ဝန်ဆောင်မှုပေးခဲ့ပြီး ကုန်သွယ်မှု ပမာဏဒေါ်လာ ၁၀၀ ဘီလီယံကျော်ကို မြှင့်တင်ကာ ပရောဂျက်ပေါင်း ၃၀၀၀ ကျော်အား လက်မှတ်ရေးထိုးနိုင်ခဲ့သည်။

    ကူးသန်းရောင်းဝယ်ရေးဝန်ကြီးဌာနနှင့် ယူနန်ပြည်နယ်အစိုးရတို့ ပူးပေါင်းစီစဉ်သည့် အဆိုပါ ကုန်စည်ပြပွဲသည် တရုတ်နှင့် တောင်အာရှနိုင်ငံများအကြား စီးပွားရေးနှင့် ကုန်သွယ်မှုဖလှယ်ခြင်းအတွက် ယခုနှစ်အတွက် အရေးကြီးဆုံးပွဲများထဲမှ တစ်ခုဖြစ်ကြောင်း သိရသည်။

Source : cgtn

DOCA(ရန်ကုန်)

      ကုမ္ပဏီမှ စာရွက်စာတမ်းများအရ Geely မှ ငွေကို အရစ်ကျဖြင့် နှစ်ဆင့်ခွဲ၍ ပေးချေခဲ့သည်။ ပြီးခဲ့သည့် အောက်တိုဘာလတွင် တရုတ်မော်တော်ကားအုပ်စုသည် ၎င်း၏ Coventry အခြေစိုက်လုပ်ငန်းခွဲသို့ ပေါင် ၇၀ သန်းနှင့် မေလတွင် ပေါင် ၅၀ သန်းအား ရင်းနှီးမြှုပ်နှံရန် စုဆောင်းခဲ့သည်။

       အဆိုပါငွေများအား လျှပ်စစ်ကား ပလပ်ဖောင်းအသစ်ထုတ်လုပ်ရန်အတွက် အသုံးပြုမည် ဖြစ်သည်။ UK၊ ဥရောပနှင့် တရုတ်နိုင်ငံရှိ သုတေသနနှင့် ဖွံ့ဖြိုးတိုးတက်ရေးစင်တာ များတွင် တီထွင်ထားသည့် SOA (Space Oriented Architecture) ပလပ်ဖောင်းသည် ဇွန်လကုန်ကတည်းက စတင်ရောင်းချခဲ့သည်။ LEVC မှ L380 လျှပ်စစ်ဗင်အသစ်အတွက် အခြေခံဖြစ်သည်။

      Geely သည် LEVC တွင် ရင်းနှီးမြှုပ်နှံမှုမတိုင်မီက UK တက္ကစီ လုပ်ငန်းတွင် ပါဝင် ပတ်သက်မှုအနေဖြင့် London Taxi  Company နှင့် မိတ်ဖက်အဖြစ် ၂၀၀၆ ခုနှစ်ကစတင်ခဲ့ သည်။ ၂၀၁၅ ခုနှစ်တွင် Geely  သည် Coventry အနီးတွင် စက်ရုံအသစ်တစ်ခုတည်ဆောက်ရန် ကြေညာခဲ့ပြီး ထိုနေရာတွင် အလုပ်အကိုင်ပေါင်း ၁၀၀၀ ဖန်တီးရန် စီစဉ်ခဲ့သည်။ ယင်းနောက် ကုမ္ပဏီအား ၂၀၁၇ ခုနှစ်တွင် London Electric Vehicle company (LEVC) ဟု အမည်ပြောင်း ခဲ့သသည်။ အမည်သစ်ဖြင့် Geely သည် တက္ကစီများကို ထုတ်လုပ်ရုံသာမဟုတ်ပဲ ပုံစံအမျိုးမျိုး ဖြင့် လျှပ်စစ်ကားများကိုလည်း ထုတ်လုပ်လိုကြောင်း ရှင်းလင်းပြောကြားခံခဲ့သည်။ L380 လျှပ်စစ်ဗင်အသစ်သည် ဤသို့ ပြန်လည်ပြင်ဆင်ထုတ်လုပ်ခြင်းအတွက် ရလဒ်ဖြစ်သည်။

    မူလက LEVC သည် ၂၀၁၇ ခုနှစ်တွင် တင်ပြခဲ့သော TX plug-in hybrid Taxi ၏ ပလပ်ဖောင်းပေါ်တွင် အခြေခံထားသော နောက်ထပ်ယာဉ်များကို တီထွင်လိုခဲ့သည်။ သို့သော်လည်း ၂၀၁၉ ခုနှစ်တွင် LEVC သည် မော်ဒယ်သစ်များအတွက် အခြေခံအဖြစ် ၎င်း၏ ပလပ်ဖောင်းကို အသုံးပြုရန် အစီအစဉ်များကို ဖျက်သိမ်းခဲ့သည်။

   ယခုရင်းနှီးမြှုပ်နှံမှုမတိုင်မီ Geely သည် LEVC ကုမ္ပဏီတွင် ခန့်မှန်းခြေပေါင် သန်း၅၀၀ ရင်းနှီးမြှုပ်နှံထားပြီးဖြစ်ကြောင်း British Times မှ ခန့်မှန်းထားသည် ပြင်သစ်ဘဏ် Natixis သည် LEVC ၏ လက်ကျန်ရှင်းတမ်းကို အားကောင်းစေရန် ၂၀၂၃ ခုနှစ်အစောပိုင်းတွင် စုစုပေါင်း ပေါင်သန်း ၈၀ ရင်းနှီးမြှုပ်နှံခဲ့ပြီး ရှယ်ယာ ၆.၄၅% ပြန်လည်ရယူခဲ့သည်။

Source : electrive

DOCA(ရန်ကုန်)