ပြည်ပကုန်သွယ်မှုသတင်းများ

မြန်မာနိုင်ငံ နှင့် လာအိုနိုင်ငံ တို့သည် ၂၀၂၅ ခုနှစ်အစောပိုင်းတွင် မြစ်၊ ချောင်း၊ ရေကြောင်း သဘာဝ လမ်းကြောင်းတွေကို အသုံးပြုပြီး ကုန်ပစ္စည်း သယ်ယူပို့ဆောင်မှုလုပ်ငန်း(riverine or inland waterway) များကို ပူးပေါင်းဆောင်ရွက်မှုများ စတင်ခဲ့ကြကြောင်း သတင်းရရှိပါတယ်။ ထို့ကြောင့် ရေကြောင်း လမ်းများဖြင့် ကုန်သွယ်ရေးလုပ်ငန်းများ အများဆုံး ဆောင်ရွက်၍ ရနိုင်မည့် ဧရာဝတီ၊ စစ်ကိုင်းနဲ့ မဲခေါင်မြစ်စီးဆင်းမှုများအတိုင်း သယ်ယူပို့ဆောင်ရေး စနစ်များကို ခေတ်မီစနစ်များဖြင့် ပြန်လည်ဖွံ့ဖြိုး ပေးခြင်းတို့ကို ပူးပေါင်းဆောင်ရွက်သွားမည် ဖြစ်ပါသည်။ အဆိုပါဆောင်ရွက်မှုများကြာင့် ကုန်သွယ်မှု ဆောင်ရွက်ရာတွင် သယ်ယူပို့ဆောင်ရေးအချိန်တို သက်သာမည် ဖြစ်ပါကြောင်း နိုင်ငံတကာ သတင်းများ နှင့် အာဆီယံသတင်းများအရ သိရှိရပါတယ်။ DOCA(ဧရာဝတီ)

သြစတြေးလျနိုင်ငံ နှင့် အာဆီယံနိုင်ငံများအကြား လက်မှတ်ရေးထိုးထားသော AANZFTA သဘော တူညီချက်သည် ၂၀၂၅ ခုနှစ်တွင် အကောင်အထည်ဖော်မှုအဆင့်မြင့်လာကာ ကုန်သွယ်ရေး အခွန်နှင့် အခွန် ကင်းလွတ်မှုများ ပိုမိုမြှင့်တင်ပေးနိုင်ခဲ့ကြောင်းသိရှိရပါတယ်။ အဆိုပါသဘောတူ ညီချက် အရ ဝန်ဆောင်မှု လုပ်ငန်းများ၊ ထုတ်လုပ်မှုလုပ်ငန်းများတွင် နယ်စပ်ဖတ်ကျော်ရာတွင်ကြုံတွေ့နေရသည့် အခက်အခဲများ လျော့ပါးကာ ဒစ်ဂျစ်တယ်ပလက်ဖောင်းများ အသုံးပြုခွင့်များ ပိုမိုတိုးတက်လာစေမည် ဖြစ်သည့်အပြင် မြန်မာနိုင်ငံအပါအဝင် အာဆီယံတောင်ပိုင်းအတွက် စီးပွားရေးနှင့် ရင်းနှီးမြှုပ်နှံမှုများ တိုးပွား လာစေပြီး နိုင်ငံများအကြား ကုန်သွယ်ရေး လှုံ့ဆော်မှုကောင်းမွန်မှု တစ်ခုအဖြစ် သတ်မှတ်ခံ ထားရကြောင်း အာဆီယံသတင်း တင်ဆက်မှုများအရ သိရှိရပါသည်။ DOCA(ဧရာဝတီ)