ပြည်ပကုန်သွယ်မှုသတင်းများ

           အင်ဒိုနီးရှားနိုင်ငံစီးပွားရေးရာညှိနှိုင်းဆွေးနွေးရေးဝန်ကြီး Airlangga Hartarto က အင်ဒိုနီးရှား-ဥရောပသမဂ္ဂ(EU) ဘက်ပေါင်းစုံစီးပွားရေးမိတ်ဖက်သဘောတူညီချက် (IEU CEPA) အတွက် စာချုပ်စာတမ်းကို ယခုနှစ် စက်တင်ဘာလ ၂၃ ရက်နေ့တွင် လက်မှတ်ရေးထိုးမည်ဟု ကြေညာခဲ့ပါသည်။ ဝန်ကြီးက IEU CEPA ကို စက်တင်ဘာလ ၂၃ ရက်နေ့တွင် လက်မှတ်ရေးထိုး မည်ဖြစ်ကြောင်းနှင့် သဘောတူညီချက်လက်မှတ်ရေးထိုးပြီးပါက နှစ်ဖက်စလုံး၏ ပါလီမန်များ၌ လုပ်ငန်းစဉ်ဆက်လက်ဆောင်ရွက်မည်ဟု အင်ဒိုနီးရှားနိုင်ငံစီးပွားရေးနှင့်စက်မှုလုပ်ငန်းရှင်များ အသင်းနှင့် ဆွေးနွေးပွဲအပြီး သတင်းစာရှင်းလင်းပွဲတွင် ပြောကြားခဲ့ပါသည်။ စာချုပ်စာတမ်း လက်မှတ်ရေးထိုးပြီးပါက ဥရောပစီပွားရေးနှင့် ကုန်သွယ်ရေးကော်မရှင်နာ Maros Sefovi သည် အင်ဒိုနီးရှားသို့လာရောက်လည်ပတ်ရန်ရှိကြောင်း သိရပါသည်။ သို့သော်လက်မှတ်ရေးထိုးခြင်း သည် IEU CEPA ကို အလိုအလျောက်အသက်ဝင်မည်မဟုတ်သေးကာ ဥရောပသမဂ္ဂအဖွဲ့ဝင် ၂၇ နိုင်ငံမှ ပါလီမန်များထံမှခွင့်ပြုချက်လိုအပ်သေးကြောင်း သိရပါသည်။ အင်ဒိုနီးရှားကုန်သွယ်ရေး ဝန်ကြီးဌာန၏ နိုင်ငံတကာကုန်သွယ်ရေးညှိနှိုင်းဆွေးနွေး‌ရေးဦးစီးဌာန၏ ညွှန်ကြားရေးမှူးချုပ် Djatmiko Bris Witjaksono က EU ၌ စီမံခန့်ခွဲရေးနှင့် ဥပဒေရေးရာလုပ်ငန်းစဉ်တစ်ခုလုံးသည် ၁၂ လခန့်ကြာမြင့်ကြောင်း၊ အင်ဒိုနီးရှားသည် ထိုလုပ်ငန်းစဉ်ကို ၂၀၂၆ ခုနှစ် ဒုတိယနှင့် စတုတ္ထ ၃ လပတ်ကာလကြားတွင်ပြီးမြောက်ရန် မျှော်လင့်ရကြောင်းနှင့် စီးပွားရေးစာချုပ်သည် ၂၀၂၇ ခုနှစ် ၏ ပထမ ၃ လပတ်ကာလတွင် စတင်အသက်ဝင်နိုင်ကြောင်း ပြောကြားခဲ့ပါသည်။ အင်ဒိုနီးရှား နှင့် EU သည်သဘောတူညီချက်ရရှိရန် ၂၀၁၆ ခုနှစ်မှစတင်၍ ညှိနှိုင်းဆွေးနွေးခဲ့ကြခြင်း ဖြစ်ကြောင်း သိရပါသည်။ ယခင်သမ္မတ Joko Widodo ၏ အုပ်ချုပ်မှု‌အောက်တွင် ကနဦးစတင် ခဲ့သည့် ဆွေးနွေးညှိနှိုင်းမှုများသည် ယခုသမ္မတ Prabowo Subianto လက်ထက်တွင် ပြီးမြောက် ကြောင်း ကြေညာနိုင်ခဲ့ကြောင်း သိရပါသည်။ IEU CEPA သည် အင်ဒိုနီးရှားနှင့် EU ကြား ကုန်သွယ်ရေး၊ စီးပွားရေးနှင့် ရင်းနှီးမြှုပ်နှံမှုချိတ်ဆက်မှုပိုမိုနက်ရှိုင်းစေရန် အခွင့်အလမ်းသစ်များ ကိုဖန်တီးနိုင်ရန် မျှော်မှန်းရကြောင်း သိရပါသည်။ Witjaksono က စာချုပ်စတင်အသက်ဝင်ပါက အဝတ်အထည်နှင့် စားအုန်းဆီပါဝင်သည့် EU သို့တင်ပို့မည့် အင်ဒိုနီးရှား၏ ထုတ်ကုန်များသည် အကောက်ခွန်ကောက်ခံခြင်းခံရမည်မဟုတ်ကြောင်း သိရပါသည်။ ထို့ပြင် IEU CEPA သည် စုစုပေါင်းအကောက်ခွန်ကောက်ခံခြင်းခံရသည့် ကုန်ပစ္စည်းအမျိုးအစား၏ ၉၈ ရာခိုင်နှုန်းနှင့် စုစုပေါင်းတင်သွင်းသည့်တန်ဖိုး၏ ၉၉ ရာခိုင်နှုန်းအပေါ် အကောက်ခွန်များကို ပယ်ဖျက်ပေးမည် ဟု သိရပါသည်။

DOCA (ရန်ကုန်)

               ၂၀၂၅ ခုနှစ်၏ ပထမ ၈ လတွင် ဗီယက်နမ်သည် စိုက်ပျိုးမွေးမြူရေး-သစ်တော-ရေထွက်ကုန် တင်ပို့မှုမှတစ်ဆင့် ဝင်ငွေအမေရိကန်ဒေါ်လာ ၄၅.၃၇ ဘီလီယံ ရရှိခဲ့ပြီး ၂၀၂၄ ခုနှစ် တူညီသည့် ကာလနှင့်နှိုင်းယှဉ်ပါက ၁၂ ရာခိုင်နှုန်းမြင့်တက်ခဲ့ကြောင်း ဗီယက်နမ်နိုင်ငံ စိုက်ပျိုးမွေးမြူရေးနှင့် သဘာဝပတ်ဝန်းကျင်ဝန်ကြီးဌာန၏ အဆိုအရ သိရပါသည်။ ဩဂုတ်လတစ်လတည်းတွင် ဗီယက်နမ်သည် ဝင်ငွေခန့်မှန်း အမေရိကန်ဒေါ်လာ ၅.၇၁ ဘီလီယံ ရရှိခဲ့ပြီး ၂၀၂၄ ခုနှစ်ဩဂုတ်လ နှင့်နှိုင်းယှဉ်ပါက ၃ ရာခိုင်နှုန်းကျဆင်းခဲ့ကြောင်း သိရပါသည်။ ထိုသို့ကျဆင်းခဲ့သော်လည်း ထုတ်ကုန်အုပ်စုအမျာစုမှာတင်ပို့မှုကြီးထွားခဲ့ခြင်းနှင့်အတူ စုစုပေါင်း ၈ လတာစွမ်းဆောင်ရည်မှာ ဆက်လက်အပေါင်းလက္ခဏာဆောင်ခဲ့ကြောင်း သိရပါသည်။ ထို ၈ လတာကာလတွင် စိုက်ပျိုးရေးထုတ်ကုန်တင်ပို့မှုမှာ အမေရိကန်ဒေါ်လာ ၂၄.၄၂ ဘီလီယံဖြင့်အကြီးမားဆုံးဝေစုရရှိခဲ့ပြီး ၁၃.၈ ရာခိုင်နှုန်းမြင့်တက်ခဲ့ကြောင်း သိရပါသည်။ မွေးမြူရေးထုတ်ကုန်တင်ပို့မှုမှဝင်ငွေအမေရိကန်ဒေါ်လာ ၄၁၀.၇ သန်းဖြင့် ၂၄.၅ ရာခိုင်နှုန်း မြင့်တက်ခဲ့ပြီး ရေထွက်ကုန်တင်ပို့မှုမှဝင်ငွေ အမေရိကန်ဒေါ်လာ ၇.၀၃ ဘီလီယံဖြင့် ၁၁.၅ ရာခိုင်နှုန်းမြင့်တက်ခဲ့ ကြောင်း သိရပါသည်။ သစ်တောထုတ်ကုန်တင်ပို့မှုမှဝင်ငွေ အမေရိကန် ဒေါ်လာ ၁၁.၉ ဘီလီယံရရှိခဲ့ပြီး ၆.၆ ရာခိုင်နှုန်းမြင့်တက်ခဲ့ကြောင်း သိရပါသည်။ အာရှသည် ဗီယက်နမ်၏ စိုက်ပျိုးမွေးမြူရေး-သစ်တော-ရေထွက်ကုန်အဓိကဝယ်ယူရာဒေသဖြစ်ပြီး စုစုပေါင်း ဈေးကွက်ဝေစု၏ ၄၃.၁ ရာခိုင်နှုန်းရှိကြောင်း သိရပါသည်။ အာရှ၏နောက်တွင်အမေရိကက ၂၃.၂ ရာခိုင်နှုန်း၊ ဥရောပက ၁၄.၆ ရာခိုင်နှုန်း၊ အာဖရိကက ၃.၁ ရာခိုင်နှုန်းနှင့် သမုဒ္ဒရာပိုင်းဒေသက ၁.၃ ရာခိုင်နှုန်းဖြင့် အသီးသီးရပ်တည်နေကြောင်း သိရပါသည်။ ၂၀၂၄ ခုနှစ်တူညီသည့်ကာလနှင့် နှိုင်းယှဉ်ပါက ဥရောပသို့တင်ပို့မှုမှာ ၃၈.၇ ရာခိုင်နှုန်းမြင့်တက်ခဲ့ပြီး အမေရိကသို့တင်ပို့မှုမှာ ၁၀.၆ ရာခိုင်နှုန်း၊ အာရှသို့တင်ပို့မှုမှာ ၁.၂ ရာခိုင်နှုန်း၊ အာဖရိကသို့တင်ပို့မှုမှာ ၂ ဆနှင့် သမုဒ္ဒရာပိုင်း ဒေသသို့တင်ပို့မှုမှာ ၂.၈ ရာခိုင်နှုန်း အသီးသီးမြင့်တက်ခဲ့ကြောင်း သိရပါသည်။ အမေရိကန်၊ တရုတ်နှင့်ဂျပန်တို့မှာ အကြီးမားဆုံးဈေးကွက်များဖြစ်ပြီး စုစုပေါင်းတန်ဖိုး၏ ၂၀.၉ ရာခိုင်နှုန်း၊ ၁၉ ရာခိုင်နှုန်းနှင့် ၇.၁ ရာခိုင်နှုန်း အသီးသီးရှိကြောင်း သိရပါသည်။ ကော်ဖီမှာပို့ကုန်အမျိုးအစား အားလုံးတွင်ကြီးထွားမှုအများဆုံးဖြစ်ကြောင်း သိရပါသည်။ ၂၀၂၅ ခုနှစ်၏ ပထမ ၈ လတာ ကာလတွင် ဗီယက်နမ်သည် ကော်ဖီတန်ချိန် ၁.၂ သန်းတင်ပို့ရာမှ ဝင်ငွေအမေရိကန်ဒေါ်လာ ၆.၄၂ ဘီလီယံရရှိခဲ့ပြီး တင်ပို့သည့်ပမာဏတွင် ၈.၇ ရာခိုင်နှုန်းကျဆင်းခဲ့သော်လည်း တန်ဖိုးတွင် ၅၉.၁ ရာခိုင်နှုန်းမြင့်တက်ခဲ့ကြောင်း သိရပါသည်။ ထို ၈ လတာကာလတွင်ရာဘာတန်ချိန် ၁.၁ သန်းတင်ပို့မှုမှ ဝင်ငွေ အမေရိကန်ဒေါ်လာ ၁.၉၄ ဘီလီယံ၊ သီဟိုဠ်စေ့တင်ပို့မှုမှ ဝင်ငွေ အမေရိကန်ဒေါ်လာ ၃.၂၄ ဘီလီယံ၊ ငရုတ်ကောင်းတင်ပို့မှုမှ ဝင်ငွေအမေရိကန်‌ဒေါ်လာ ၁.၁၂ ဘီလီယံ၊ လက်ဖက်တန်ချိန် ၈၆၆၀၀ တင်ပို့မှုမှ ဝင်ငွေ အမေရိကန်ဒေါ်လာ ၁၄၄.၇ သန်းရရှိခဲ့ကြောင်း သိရပါသည်။  သစ်သီးနှင့် ဟင်းသီးဟင်းရွက်တင်ပို့မှုမှာ အမေရိကန်ဒေါ်လာ ၄.၆၂ ဘီလီယံရရှိခဲ့ပြီး ၂၀၂၄ ခုနှစ် ပထမ ၈ လနှင့်နှိုင်းယှဉ်ပါက ၂.၂ ရာခိုင်နှုန်းကျဆင်းခဲ့ကြောင်း သိရပါသည်။ ထိုသို့ကျဆင်းမှုမှာ ဗီယက်နမ်၏စုစုပေါင်းသစ်သီးနှင့် ဟင်းသီးဟင်းရွက်တင်ပို့မှုများ ၏ ထက်ဝက်ကျော်ရှိသည့် တရုတ်ဈေးကွက်သို့တင်ပို့မှု ၁၅.၁ ရာခိုင်နှုန်းကျဆင်းမှုက အဓိက နေရာတွင်ရှိနေကြောင်း သိရပါသည်။

DOCA (ရန်ကုန်)

         မလေးရှားနိုင်ငံ၏ လက်လီရောင်းချသော လုပ်ငန်းများသည် ၂၀၂၄ ခုနှစ် အလားတူကာလ နှင့် နှိုင်းယှဉ်ပါက ခန့်မှန်းထားခြင်းတက်လျော့သော -၃ ရာခိုင်နှုန်းကို ရရှိခဲ့ကြောင်း Retail Group Malaysia (RGM) က စက်တင်ဘာလ ၅ ရက်နေ့က ပြောကြားခဲ့ပါသည်။

          နောက်ဆုံးသုံးလပတ်တွင် မလေးရှားရှိ အိမ်ထောင်စုများ၏ နေထိုင်မှုစရိတ်မြင့်မာလာ ခြင်း နှင့် ဝယ်ယူနိုင်စွမ်းကျဆင်းလာခြင်းတို့ကို ဖော်ပြနေကြောင်း RGM က‌ ပြေားကြားခဲ့ပါသည်။

          မလေးရှားစားသုံးသူများ၊ အထူးသဖြင့် မြို့ကြီးများတွင် နေထိုင်သူများသည် နေထိုင်မှုပုံစံကို ထိန်းသိမ်းရန်အတွက် လစဉ်အသုံးစရိတ်များကို ဂရုပြုကြရန် လိုအပ်ကြောင်း သိရှိရပါသည်။

          ၂၀၂၅ ခုနှစ်၏ ဒုတိယသုံးလပတ်အတွင်း မရှိမဖြစ်လိုအပ်သော ကုန်စည်နှင့် ဝန်ဆောင်မှု များ၏ လက်လီဈေးနှုန်းများ ဆက်တိုက်မြင့်တက်ခဲ့ပါသည်။ ဤကာလအတွင်း ထောက်ပံ့ရေး ကွင်းဆက်များ ပြတ်တောက်မှုကြောင့် သွင်းကုန်စရိတ် မြင့်တက်လာစေပြီး လက်လီဈေးနှုန်းများ ဆက်လက်မြင့်တက်ခဲ့ကြောင်း သိရှိရပါသည်။

          ယခုနှစ်၏ ပထမ ၆ လအတွင်းတွင် မလေးရှားနိုင်းငံ၏ လက်လီလုပ်ငန်းများသည် ၂၀၂၄ ခုနှစ် အလားတူကာလနှင့် နှိုင်းယှဉ်ပါက ၁.၅ ရာခိုင်နှုန်း တိုးတက်ခဲ့ကြောင်း သိရှိရပါသည်။ ထုတ်ပြန်ချက်အရ ၂၀၂၅ ၏ တတိယသုံးလပတ်အတွင်း နိုင်ငံ၏လက်လီရောင်းအားသည် ၂.၆ ရာခိုင်နှုန်း တိုးတက်ရန် ခန့်မှန်းထားပါသည်။

          ၂၀၂၅ ခုနှစ် နောက်ဆုံးသုံးလပတ်အတွက် မလေးရှား၏ လက်လီလုပ်ငန်းသည် နှစ်ကုန်ပိုင်း အားလပ်ရက်များနှင့်အတူ ၃.၅ ရာခိုင်နှုန်း တိုးတက်မှုနှုန်းကို မျှော်လင့်ထားကြောင်း RGM မှ ပြောကြားခဲ့ပါသည်။

DOCA (ရန်ကုန်)

                တရုတ်နိုင်ငံ အနောက်တောင်ပိုင်းရှိ Xi Zang ကိုယ်ပိုင်အုပ်ချုပ်ခွင့်ရဒေသသည် နီပေါနိုင်ငံ နှင့် ၂၀၂၅ ခုနှစ် ပထမခုနှစ်လအတွင်း နိုင်ငံခြားကုန်သွယ်မှုတွင် အားကောင်းလာကြောင်း အစီအရင် ခံတင်ပြခဲ့ပြီး ၎င်း၏စုစုပေါင်းပို့ကုန်နှင့် သွင်းကုန်တန်ဖိုးသည် ယန်ငွေ ၂.၅၇၈ ဘီလီယံ(အမေရိကန် ဒေါ်လာ ၃၆၂.၉ သန်း) ဖြင့်တစ်နှစ်ထက်တစ်နှစ် ၂၄.၄ ရာခိုင်နှုန်း တိုးတက်လာခဲ့သည်။ Xi Zang ၏ နီပေါသို့ စွမ်းအင်သုံးကားသစ်များတင်ပို့မှုသည် ၁၇.၆ ရာခိုင်နှုန်း မြင့်တက်ခဲ့ပြီး ယွမ် ၁.၀၁၅ ဘီလီ ယံအထိရှိခဲ့သည်။ ကုန်သွယ်မှုတိုးတက်မှုသည် နီပေါ၏ ပြင်းထန်သော ဝယ်လိုအားနှင့် Lhasa အကောက်ခွန်မှ အကောင်အထည်ဖော်သော အကောက်ခွန်လုပ်ထုံးလုပ်နည်းများကို ချော့မွေ့စေ ခြင်းကြောင့်ဟု ယူဆထားကြပါသည်။ သွင်းကုန်ဘက်တွင် Xi Zang သည်နီပေါနိုင်ငံမှ ယွမ်း ၇၉၀၀၀၀ တန်ဖိုးရှိသော တိရိစ္ဆာန်အစာ ၁၁၀၄.၃ တန်ကို တင်သွင်းခဲ့ပြီး ပမာဏအားဖြင့် တိုးတက်မှု ၈၃ ရာခိုင်နှုန်းနှင့်် တန်ဖိုးအားဖြင့် ၈၄.၆၈ ရာခိုင်နှုန်း တိုးတက်မှုကို ကိုယ်စားပြုကြောင်းသိရသည်။ တိုးတက်လာသော ကုန်သွယ်မှုစွမ်းဆောင်ရည်သည် တရုတ်နှင့်နီပေါကြား ဆောင်ရွက်မှုကို ထင်း ဟပ်စေပြီး နိုင်ငံခေါင်းဆောင်များ ဖလှယ်ခြင်း၏ ရလဒ်များကို တည်ဆောက်သည့် သဘောလည်း သက်ရောက်ကြောင်းသိရသည်။

DOCA (ရန်ကုန်)

           ကမ္ဘောဒီးယားနိုင်ငံ၊ စီးပွားရေးနှင့် ဘဏ္ဍာရေးဝန်ကြီးဌာန (MEF) သည် ၂၀၂၄ ဘဏ္ဍာရေး နှစ်အတွက် အထွေထွေဘဏ္ဍာရေးနှစ်အတွက် ဘဏ္ဍာငွေအရအသုံးဆိုင်ရာဖြေရှင်းရေးဥပဒေအား ပြန်လည်သုံးသပ်ရန် အစည်းအဝေးတစ်ရပ်ကို ကျင်းပပြုလုပ်ခဲ့ပြီး ဘဏ္ဍာရေးထိရောက်မှု၊ ဝင်ငွေ စီမံခန့်ခွဲမှုနှင့် စီးပွားရေးတည်ငြိမ်မှုတို့ကို အဓိကထား ဆွေးနွေးခဲ့သည်။ အဆိုပါ ဆွေးနွေးပွဲကို စက်တင်ဘာ ၃ ရက်တွင် MEF ဝန်ကြီးဌာန ၀န်ကြီး Aun Pornmoniroth က ဦးဆောင်ကျင်းပ ခဲ့ပြီး သက်ဆိုင်ရာဌာနများမှ အကြီးတန်းခေါင်းဆောင်များနှင့် တာဝန်ရှိသူများ က Virual စနစ်ဖြင့် တက်ရောက်ခဲ့ကြသည်။ ဘဏ္ဍာနှစ်ရလဒ်များကို အကဲဖြတ်ခြင်း၊ ဝင်ငွေနှင့် ခန့်မှန်းခြေ အသုံးစရိတ်ထိရောက်မှု မြှင့်တင်ခြင်းနှင့် ပြည်သူ့အသုံးစရိတ်၊ ဝင်ငွေစီမံခန့်ခွဲမှုနှင့် စီးပွားရေး တည်ငြိမ်မှုတို့အတွက် အစိုးရ၏ ကတိကဝတ်များကို အဓိကထား ဆွေးနွေးခဲ့ကြသည်။

DOCA (ရန်ကုန်)