ပြည်ပကုန်သွယ်မှုသတင်းများ

      အိန္ဒိယနိုင်ငံ၏ ပို့ကုန်ယှဉ်ပြိုင်နိုင်စွမ်းသည် လွန်ခဲ့သည့်ငါးနှစ်အတွင်း ကဏ္ဍများစွာတွင် ကောင်းမွန်သော အမြတ်အစွန်းများရရှိခဲံပြီး အထူးသဖြင့် ရေနံ၊ ကျောက်မျက်ရတနာ၊ စိုက်ပျိုးရေးနှင့်သကြား စသည့် ကဏ္ဍများသည် ကမ္ဘာလုံးဆိုင်ရာကုန်သွယ်မှုတွင် ရှယ်ယာပါဝင်မှုတိုးလာသောကြောင့် လွန်ခဲ့သည့်ငါးနှစ်အတွင်း ကောင်းမွန်သော အကျိုးကျေးဇူးများရရှိခဲ့ကြောင်း ကူးသန်းရောင်းဝယ်ရေးဝန်ကြီးဌာန၏ အချက်အလက်များအရသိရသည်။ ၂၀၁၈ နှင့် ၂၀၂၃ တွင် အိန္ဒိယတင်ပို့မှုဝေစုတိုးလာသည့် အခြားကဏ္ဍများမှ လျှပ်စစ်ပစ္စည်း pneumatic တာယာများ၊ ပိုက်များ၊ အဆို့ရှင်များနှင့် ဆီမီးကွန်ဒတ်တာများဖြစ်သည်။ အိန္ဒိယ၏ဈေးကွက်ဝေစုသည် ၂၀၁၈ခုနှစ်တွင် ရေနံတင်ပို့မှုသည် ၈၄.၉၆ ဘီလီံအထိမြင့်တက်လာခဲ့ကြောင်း ဝန်ကြီးဌာန၏ အချက်အလက်များဆန်းစစ်ချက်အရသိရသည်။ အလားတူ ကြံ (သို့မဟုတ်) beet sugar တင်ပို့မှုတွင် ကြီးမားသောတိုးတက်မှုရရှိခဲ့ပြီး ၎င်း၏ကမ္ဘာ့ဈေးကွက် ဝေစုသည် ၂၀၁၈ တွင် ၄.၁၇% ၂၀၂၃ခုနှစ်တွင် ၁၂.၂၁% အထိတိုးလာခဲ့သည်။ ကမ္ဘာ့သကြား ဒုတိယအကြီးဆုံးတင်ပို့သူအနေဖြင့် အိန္ဒိယနိုင်ငံ၏အောင်မြင်မှုသည် နှစ်သက်ဖွယ်ကောင်းသော စိုက်ပျိုးရေးမူဝါဒများနှင့် ၎င်း၏ ခိုင်မာသောထုတ်လုပ်မှုအခြေခံနှစ်ခုလုံးကြောင့်ဖြစ်သည်။ အိန္ဒိယနို်ငငံသည် အထူးသဖြင့် အရှေ့တောင်အာရှနှင့် အာဖရိကကဲ့သို့သောဒေသများတွင် သကြားဝယ်လိုအားကြီးထွားလာမှုအပေါ်  အရင်းအနှီးပြုထားသည်ဟု တာဝန်ရှိသူများကဆိုသည်။

Source : businesstandaxd 

DOCA(ရန်ကုန်)

 အာရှ-အာဖရိက-အရှေ့အလယ်ပိုင်းကော်မတီဥက္ကဋ္ဌ Dewan Saiful Alam ဦးဆောင်သော ဟောင်ကောင်အထွေထွေကုန်သည်ကြီးများအသင်း (HKGCC) ၏ ကိုယ်စားလှယ်အဖွဲ့သည် ကမ္ဘောဒီးယားနိုင်ငံ၏ ရင်းနှီးမြှုပ်နှံမှုအခွင့်အလမ်းများနှင့် အလားအလာများကို ပိုမိုလေ့လာရန် ကမ္ဘောဒီးယားနိုင်ငံသို့ ရောက်ရှိလာခဲ့ကြသည်။ ကိုယ်စာလှယ်အဖွဲ့ကို ကမ္ဘောဒီးယားဖွံ့ဖြိုးတိုးတက်ရေးကောင်စီ (CDC) ၏ ကမ္ဘောဒီးယားရင်းနှီးမြှုပ်နှံမှုဘုတ်အဖွဲ့၏ လက်ထောက်အထွေထွေအတွင်းရေးမှူး Nut Unvoanra က လက်ခံတွေ့ဆုံခဲ့သည်။ Nut Unvoanra သည် ကမ္ဘောဒီးယားနိုင်ငံ၏ မက်ခရိုစီးပွားရေးတိုးတက်မှု၊ ငွေကြေးဖောင်းဖွမှုနှုန်း၊ ရင်းနှီးမြှုပ်နှံမှုတိုးတက်မှု၊ ငွေလဲလှယ်နှုန်းနှင့် စီးပွားရေးအခြေခံကွဲပြားမှုတို့ကို အကျဉ်းချုံးပြောကြားသွားခဲ့သည်။ ကမ္ဘောဒီးယားတော်ဝင်အစိုးရ (RGC) က ခိုင်မာသောစီးပွားရေးအခြေခံ အဆောက်အအုံများ မြှင့်တင်ခြင်းဖြင့် ရင်နှီးမြှုပ်နှံမှုအခြေအနေတို့ကို မြှင့်တင်နိုင်ပြီး နိုင်ငံအတွင်းရင်းနှီး မြှုပ်နှံသူများ၏ ယုံကြည်မှုကို ရရှိနိုင်မည်ဖြစ်သည်။ Dewan Saiful Alam သည် ရင်းနှီးမြှုပ်နှံသူများအတွက် အဆင်ပြေချော့မွေ့မှု၊ မက်လုံးများနှင့် အာရုံစိုက်မှုတို့ကို ပံ့ပိုးခြင်းဖြင့် RGC ၏စီးပွားရေးတိုးတက်မှုအတွက် ကြိုးပမ်းအားထုတ်မှုများနှင့် HKGCC အဖွဲ့ဝင်များကြားတွင် ပံ့ပိုးကူညီမှုများအတွက် ဝမ်းမြောက်မိကြောင်း ပြောကြားခဲ့သည်။

Source: Khmer Times

DOCA(ရန်ကုန်)

      (၇)  ကြိမ်မြောက် တရုတ်အပြည်ပြည်ဆိုင်ရာ သွင်းကုန်ကုန်စည်ပြပွဲ (CIIE) ကို Shanghai မြို့တွင်ကျင်းပခဲ့သည်။ နိုင်ဝင်ဘာလ ၅ရက်နေ့မှ ၁၀ရက်နေ့အထိကျင်းပသော ကုန်စည်ပြပွဲကို နိုင်ငံပေါင်း ၁၅၂နိုင်ငံ၊ နိုင်ငံတကာအဖွဲ့အစည်းများမှ တာဝန်ရှိသူများနှင့် အလုပ်ခေါင်းဆောင် ၂၉၇ဦးတက်ရောက်ခဲ့သည်။ CIIE သည် တရုတ်နိုင်ငံ၏ အဓိကပွင့်လင်း မြင်သာသောအစီအမံများနှင့် တိုးတက်မှုအခွင့်အလမ်းသစ်များကို အခြားနိုင်ငံများနှင့်မျှဝေရန် ဆောင်ရွက်သည်။ တရုတ်နိုင်ငံသည် နိုင်ငံခြားကုန်သွယ်မှုတိုးတက်မှုကို တွန်းအားပေးရန်နှင့်နိုင်ငံခြားရင်းနှီးမြှုပ်နှံမှုများကိုဆွဲဆောင်နိုင်ရန် မူဝါဒများချမှတ်ခဲ့သည်။ လွတ်လပ်သောကုန်သွယ်ရေးဇုန်များနှင့်ဟိုင်နန်ဆိပ်ကမ်းကို နိုင်ငံတကာအဆင့်မြင့် စီးပွားရေးနှင့်ကုန်သွယ်မှုစည်းမျဉ်းများနှင့် အတွေ့အကြုံများမြှင့်တင်ရန် ထုတ်ပြန်ခဲ့သည်။ တရုတ်နိုင်ငံသည် ကမ်းရိုးတန်း၊ ကုန်းတွင်းပိုင်းနှင့် နယ်စပ်ဒေသများကိုလွှမ်းခြုံကာ ရှေ့ပြေးနိုင်ငံခြားကုန်သွယ်မှုဇုန် (FTZs) ၂၂ခုကိုတည်ဆောက်ခဲ့ပြီး နိုင်ငံ၏စုစုပေါင်းနိုင်ငံခြားရင်းနှီးမြှုပ်နှံမှုနှင့် သွင်းကုန်ပမာဏ၏ ၂၀ရာခိုင်နှုန်းကိုပံ့ပိုးပေးခဲ့းသည်။ FTZs များ၏ နိုင်ငံခြားကုန်သွယ်မှုသည် ၂၀၂၄ခုနှစ်တွင် ၁၁.၉၉ ရာခိုင်နှုန်းတိုးတက်ခဲ့သည်။ တရုတ်နိုင်ငံသည် ထုတ်ကုန်ကဏ္ဍအအပြင် ဝန်ဆောင်မှုကဏ္ဍတွင် တိုးတက်လာစေရန်အတွက် တွန်းအားပေးဆောင်ရွက်လျက်ရှိသည်။

Source: Khmer Times

DOCA(ရန်ကုန်)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန (MOC) နှင့် တရုတ်ပြည်သူ့သမ္မတနိုင်ငံ အထူးအုပ်ချုပ်ခွင့်ရဒေသ (SAR) ၏ မကာအိုယူနီယံပေးသွင်းသူများအသင်း (MUSA) တို့ သည် မကာအိုတွင်ရှိသော မိတ်ဖက်ဈေးကွက်များနှင့် ပေးသွင်းသူ ၁,၀၀၀ ကျော်နှင့်ချိတ်ဆက်ရန် နားလည်မှုစာချွန်လွှာလက်မှတ်ရေးထိုးခဲ့သည်။ ဤပူးပေါင်းဆောင်ရွက်မှုသည် ကုန်သွယ်မှုအခွင့်အလမ်းများတိုးမြှင့်ရန်နှင့် ဒေသတွင်း၌ ပိုမိုခိုင်မာသောစီးပွားရေးဆက်ဆံမှုများကို မြှင့်တင်ရန်မျှော်လင့်ကြသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအတွင်းရေးမှူး Lim Lork Piseth နှင့် မကာအိုယူနီယံပေးသွင်းသူများအသင်း (MUSA) ဥက္ကဋ္ဌ Kit Heng Lei တို့ အောက်တိုဘာလ ၃၀ရက်နေ့က နားလည်မှုစာချွန်လွှာလက်မှတ်ရေးထိုးခဲ့ကြောင်း ဝန်ကြီးဌာန၏ သတင်းထုတ်ပြန်ချက်အရသိရသည်။ ထိုလက်မှတ်ရေးထိုးပွဲအခမ်းအနားကို မကာအိုဥပဒေပြုကောင်စီဥက္ကဋ္ဌ Kao Kaixian နှင့် မကာအို (SAR) ဗဟိုပြည်သူ့အစိုးရဆက်ဆံရေးရုံး၊ စီးပွားရေးဌာနကိုယ်စားလှယ် Dong Wei တို့က ဦးဆောင်ကျင်းပခဲ့သည်။ နှစ်နိုင်ငံကုန်သွယ်မှုနှင့်ရင်းနှီးမြှုပ်နှံမှုမြှင့်တင်ရေးတို့တွင် စီးပွားရေးအခွင့်အလမ်းများအကြောင်းကိုဆွေးနွေးခဲ့ကြပြီး တရုတ်-ကမ္ဘောဒီးယားတို့အကြား လွတ်လပ်သော ကုန်သွယ်မှုသဘောတူညီချက်များအကောင်အထည်ဖော်ရေးတို့ကို ဆက်လက်ဆွေးနွေးခဲ့ကြသည်။

Source: Khmer Times

DOCA(ရန်ကုန်)

       ၂၀၂၄ခုနှစ် တရုတ်-ကမ္ဘောဒီးယားဒစ်ဂျစ်တယ်စီးပွားရေးပူးပေါင်းဆောင်ရွက်မှုဖိုရမ်နှင့် တရုတ်-ကမ္ဘောဒီးယား ဒစ်ဂျစ်တယ်စီးပွားရေးပညာရှင်အသင်းစတင်ဖွင့်လှစ်ခြင်းတို့သည် နှစ်နိုင်ငံအကြား ဒစ်ဂျစ်တယ်ပူးပေါင်းဆောင်ရွက်မှုအတွက် အရေးပါသောမှတ်တိုင်တစ်ခုဖြစ်သည်။ Sofitel Phnom Penh Phokeethra ၌ ကျင်းပအပြုလုပ်ခဲ့သော ဒစ်ဂျစ်တယ်ဆန်းသစ်တီထွင်မှု၊ ကုန်သွယ်မှုနှင့် စီးပွားရေးဖွံ့ဖြိုးတိုးတက်မှုတို့တွင် ပူးပေါင်းဆောင်ရွက်မှု၏အရေးပါမှုကို စီးပွားရေးနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီးချုပ် Aun Pornmoniroth က အလေးပေးပြောကြားခဲ့သည်။ ထိုပူးပေါင်းဆောင်ရွက်မှုသည် စီးပွားရေးရေရှည်တည်တံ့စေရေးအတွက် ဒီဂျစ်တယ်နည်းပညာကိုအသုံးချရန် ကမ္ဘောဒီးယားနိုင်ငံ၏မျှော်မှန်းချက်နှင့်ကိုက်ညီကြောင်း ထပ်မံပြောကြားခဲ့သည်။ အဆိုပါ ခမ်းအနားသို့ စက်မှုဝန်ကြီးဌာန၊ သိပ္ပံနှင့်နည်းပညာဝန်ကြီးအပါအဝင် ထိပ်တန်းပုဂ္ဂိုလ်အများအပြားတက်ရောက်ခဲ့ကြသည်။ အဖွင့်မိန့်ခွန်းတွင် Aun Pornmoniroth သည် နှစ်နိုင်ငံဒီဂျစ်တယ်ပူးပေါင်းဆောင်ရွက်မှုကိုမြှင့်တင်ရာတွင် ဖိုရမ်၏အရေးပါမှုကို အလေးပေးပြောကြားခဲ့ပြီး ၎င်းသည် ကမ္ဘောဒီးယားနှင့် တရုတ်နိုင်ငံတို့အကြား ပူးပေါင်းဆောင်ရွက်မှုကို ပိုမိုအားကောင်းစေရန်နှင့် နည်းပညာနယ်ပယ်တွင်းသာမက နှစ်နိုင်ငံဒစ်ဂျစ်တယ်စီးပွားရေး အလုံးစုံဖွံဖြိုးတိုးတက်မှုကိုမြှင့်တင်ရန် အထောက်အကူဖြစ်စေသည်ဟုပြောကြားခဲ့သည်။ ဒစ်ဂျစ်တယ်နည်းပညာလျင်မြန်စွားတိုးတက်မှုသည် ကုန်ထုတ်စွမ်းအားနှင့် ကမ္ဘာ့ကုန်သွယ်မှုကိုတွန်းအားပေးသည့် ဆန်းသစ်တီထွင်မှုများဖြင့် စီးပွားရေးလမ်းကြောင်းသစ်များကိုဖန်တီးပေးခဲ့သည်။ ၂၀၂၄ခုနှစ် ပထမသုံးလပတ်အတွင်း နှစ်နိုင်ငံအကြား ကုန်သွယ်မှုပမာဏသည် ခန့်မှန်းခြေအားဖြင့် အမေရိကန်ဒေါ်လာ ၉.၈ ဘီလီယံအထိရောက်ရှိခဲ့ပြီး ၂၀၂၃ခုနှစ်နှင့်နှိုင်းယှဉ်ပါက ၁၃.၂ ရာခိုင်နှုန်းတိုးမြင့်လာခဲ့သည်။ တရုတ်နိုင်ငံသို့ ကမ္ဘောဒီးယားတင်ပို့မှုသည် ၂၁ရာခိုင်နှုန်းမြင့်တက်ခဲ့ပြီး အမေရိကန်ဒေါ်လာ ၁.၂၇ ဘီလီယံခန့်မြင့်တက်ခဲ့ပြီး တရုတ်နိုင်ငံမှ သွင်းကုန် ၁၂ရာခိုင်နှုန်းတိုးလာခဲ့ပြီး အမေရိကန်ဒေါ်လာ ၈.၅၂ ရာခိုင်နှုန်းအထိမြင့်တက်လာခဲ့သည်။

Source: Khmer Times

DOCA(ရန်ကုန်)