ပြည်ပကုန်သွယ်မှုသတင်းများ

          ဆေးဝါးထုတ်လုပ်သော Renata PLC ကုမ္ပဏီသည် ၎င်းတို့၏ ရောင်းအား မြင့်တက်ခဲ့သော်လည်း ၂၀၂၄-၂၀၂၅ ဘဏ္ဍာနှစ်၏ တတိယသုံးလပတ်ကာလအတွင်း အမြတ်ငွေသည် ကျဆင်းခဲ့ကြောင်းသိရပါသည်။ ကုမ္ပဏီ၏ အမြတ်ငွေများသည် ကုန်ကြမ်း စရိတ်မြင့်တက်ခြင်း၊ စွမ်းအားတန်ဖိုးမြင့်တက်ခြင်းများနှင့် အတိုးစရိတ်မြင့်တက်ခြင်း များကြောင့် ယခင်နှစ်ထက် tk ၅၈ ကုဋေခန့် ၂၀ ရာခိုင်နှုန်းအထိ ကျဆင်းခဲ့ကြောင်း သိရပါ သည်။ တူညီသောကာလအတွင်းတွင် Renata ၏‌ ရောင်းအားသည် ပြည်တွင်းလိုဝယ်လိုအား မြင့်တက်လာမှုကြောင့် tk ၁၀၇၀ ကုဋေခန့် ၁၆ ရာခိုင်နှုန်းအထိ တစ်နှစ်ထက်တစ်နှစ် မြင့်တက်လာကြောင်း သိရပါသည်။ သို့ရာတွင် ကုမ္ပဏီ၏ နိုင်ငံတကာစျေးကွက်အတွင်း ရောင်းအားသည် ကျဆင်းခဲ့ကြောင်း သိရပါသည်။ အဆိုပါ ဆေးဝါးထုတ်လုပ်ရေးကုမ္ပဏီ၏ တိရိစ္ဆာန်ကျန်းမာရေးနှင့် ကန်ထရိုက်ထုတ်လုပ်ရေး အပိုင်းများ သည် ၁၉.၆ ရာခိုင်နှုန်းနှင့် ၃၁.၉ ရာခိုင်နှုန်း အသီးသီးကျဆင်းခဲ့ကြောင်း ၎င်းတို့၏ စာရင်းမစစ်ရ သေးသော ဘဏ္ဍာရေးထုတ်ပြန်ချက်အရ သိရပါသည်။ ယခင်နှစ် ကာလထက် အလုပ်သမား စရိတ် ၁၈.၃ ရာခိုင်နှုန်း ပို၍ပေးဆောင်ရခြင်းသည်   အမြတ်ငွေများကျဆင်းခြင်း အကြောင်းအရင်း၏ တစ်စိတ်တစ်ပိုင်းဖြစ်ကြောင်း သိရပါသည်။ ကုမ္ပဏီ၏ စွမ်းအင်အသုံးစရိတ်သည် ယခင်နှစ်ထက် ၆ ရာခိုင်နှုန်းမြင့်တက်လာခဲ့ပြီး ပြုပြင်ထိန်းသိမ်းရေး စရိတ်သည် ၂၆.၃ ရာခိုင်နှုန်း မြင့်တက်လာခဲ့ ပါသည်။ ထို့အပြင် ကုမ္ပဏီ၏ ဘဏ္ဍာရေး အသုံးစရိတ်သည် စီးပွားရေးတိုးချဲ့မှုများအတွက် ချေးငွေများရယူရသဖြင့် ဘဏ်ကဏ္ဍတွင် အတိုးနှုန်းများ မြင့်တက်ခြင်းကြောင့် နှစ်ဆ မြင့်တက်ခဲ့ကြောင်း သိရပါသည်။ အဆိုပါကုမ္ပဏီ၏ ဘဏ္ဍာရေးစရိတ်သည် ယခင်နှစ်ကာလနှင့် နှိုင်းယှဥ်လျှင် tk ၂၃ ကုဋေ မှ tk ၄၅ ကုဋေ အထိ မြင့်တက်ခဲ့ကြောင်း သိရပါသည်။ အဆိုပါဆေးဝါး ထုတ်လုပ်ရေးကုမ္ပဏီ၏ ရှယ်ယာတစ်ခုချင်း ဝင်ငွေ (EPS) သည် ယခင်နှစ်တူညီသောကာလ၏ tk ၆.၃၃ မှ tk ၄.၈၅ အထိ ကျဆင်းခဲ့ကြောင်း သိရပါသည်။ Renata သည် တိရိစ္ဆာန်နှင့် လူသားကျန်းမာရေးများ အတွက်ဆေးဝါးများ ထုတ်လုပ်နေသော ကုမ္ပဏီတစ်ခုဖြစ်ပါသည်။ အဆိုပါ ကုမ္ပဏီသည် ထုတ်ကုန် ၅၂ ခုကို မိတ်ဆက်ခဲ့ပြီး စီးပွားရေးချဲ့ထွင်ရန်အတွက် tk ၃.၀၄ ဘီလျံခန့်ရင်းနှီးမြှုပ်နှံခဲ့ကြောင်း နှင့် ကုမ္ပဏီသည် ၎င်း၏ ရေရှည်အတိုးဝန်ထုပ်ဝန်ပိုးကို လျော့ချရန်အတွက် ဦးစားပေးရှယ်ယာ အစုများ ထုတ်ပေးရန် စီစဥ်နေကြောင်း သိရပါသည်။

Source: The Daily Star

DOCA(ရန်ကုန်)

       National Bank ၏ အရှုံးများသည် ၂၀၂၄ ခုနှစ်တွင် အတိုးနှုန်းမြင့်တက်ခြင်းနှင့် ပျက်ကွက်သူများထံမှ ပြန်လည်ရရှိခြင်းများ မရှိခြင်းကြောင့် တစ်နှစ်ထက်တစ်နှစ် မြင့်တက် လာကြောင်းသိရပါသည်။ ၎င်းဘဏ်က ၎င်းတို့၏ ယခုနှစ်အတွက် စုစုပေါင်းအရှုံးငွေသည် ယခင်နှစ်ထက် tk ၁၇၀၆ ကုဋေခန့် ၁၄ ရာခိုင်နှုန်းအထိ ကျဆင်းသွားခဲ့ကြောင်း ဖော်ပြ ထားပါသည်။ ၎င်းတို့ ရှယ်ယာတစ်ခုချင်းအရှုံးငွေစုစုပေါင်းသည် ၂၀၂၃ ခုနှစ်တွင်ဆုံးရှုံးခဲ့သော ပမာဏနှင့်နှိုင်းယှဥ်လျှင် tk ၄.၆၅ မှ tk ၅.၃၀ အထိ မြင့်တက်လာကြောင်း မေလ ၅ ရက်နေ့တွင် ထုတ်ပြန်သော  ဒါကာ စတော့လဲလှယ်‌ရေး (DSE) ၏ထုတ်ပြန်ချက်အရ သိရပါ သည်။ ငွေထုတ်ချေးသူများ၏ ရှယ်ယာတန်ဖိုးသည် tk ၃.၇၀ မှ မပြောင်းလဲပဲ ဆက်လက် ရှိနေကြောင်း DSE ၏ ထုတ်ပြန်ချက် အရ သိရပါသည်။ ထုတ်ပြန်ချက်များအရ အဆိုပါဘဏ် သည် ပျက်ကွက်သူများထံမှ ပြန်လည်ရရှိ ခြင်း မရှိသောကြောင့် ယခုနှစ်အတွက် ကြိုတင်ငွေနှင့် ချေးငွေများမှရရှိလာသော အတိုးဝင်ငွေများ ကို စာရင်းပြုစုနိုင်ခြင်း မရှိကြောင်း သိရပါသည်။ အဆိုပါဘဏ်သည် ချေးငွေများမှ အတိုးစရိတ် မြင့်တက်မှုများနှင့်ရင်ဆိုင်နေရပြီး လုပ်ငန်းလည်ပတ်ငွေဆုံးရှုံးမှုများ ရှိနေကြောင်း သိရပါသည်။ ဘဏ်၏ စုစုပေါင်းလုပ်ငန်းလည်ပတ်ဝင်‌‌ငွေပမာဏ (NOCFPS) သည် ယခင်နှစ်ဆုံးရှံးမှု tk ၁.၈၄ မှ tk ၁၉.၆၈ အထိ မြင့်တက်ခဲ့ကြောင်း သိရပါသည်။ ဘဏ်ဘုတ်အဖွဲ့၏ ဒါရိုက်တာများက ၂၀၂၄ ခုနှစ် ဒီဇင်ဘာလ ၃၁ ရက်နေ့အဆုံးတွင် အမြတ်စုငွေများမရရှိနိုင်ကြောင်း အကြုံပြုဆွေးနွေး ခဲ့ပါသည်။ National Bank က ၎င်းတို့၏ ဘုတ်အဖွဲ့ဝင်နှင့် စီမံခန့်ခွဲရေးအဖွဲ့ဝင်အသစ်များသည် ဘဏ်၏ ဘဏ္ဍာရေးအ‌ခြေအနေတိုးတက်စေရန်အတွက် အကြွေးပြန်လည်ကောက်ခံရန်လှုံ့ဆော် မှု မြှင့်တင်ခြင်း နှင့် ကုန်ကျစရိတ်သက်သာသော သွင်းငွေများ ပိုမိုစုဆောင်းမှုတိုးမြှင့်ခြင်းတို့ဖြင့် လုပ်ဆောင်နေကြောင်း သိရပါသည်။ ၂၀၂၅ ခုစ်နှစ် ပထမသုံးလပတ်ကာလတွင် ၎င်းတို့၏ စုစုပေါင်းရှယ်ယာ ဆုံးရှုံးမှုသည် tk ၂၂၂.၁၆ ကုဋေ ခန့်ရှိကြောင်း သိရပါသည်။ ၎င်းတို့၏ ရှယ်ယာ တစ်ခုချင်းအရှုံးငွေသည် ယခင်နှစ်ထက် tk ၁.၄၈ မှ tk ၀.၆၉ အထိကျဆင်းသွားပါသည်။ အဆိုပါ ဘဏ်သည် ယခင်နှစ်ကဲ့သို့ပင် ပျက်ကွက်သူများ နှင့် အတိုးစရိတ်များ မြင့်တက်ခြင်းကြောင့် ချေးငွေများမှရရှိလာသော အတိုးဝင်ငွေများကို စာရင်းပြုစုနိုင်ခြင်း မရှိကြောင်းသိရပါသည်။ ယခုနှစ် မတ်လအကုန်အထိ ဘဏ်၏ ရှယ်ယာများ ကို စပွန်ဆာများ နှင့် ဒါရိုက်တာများက ၁၅.၅၃ ရာခိုင်နှုန်း၊ အဖွဲ့အစည်းဆိုင်ရာ ရင်းနှီးမြှုပ်နှံသူများက ၃၈.၈၁ ရာခိုင်နှုန်း၊ နိုင်ငံခြားရင်းနှီးမြှုပ်နှံသူ များက ၀.၃၆ ရာခိုင်နှုန်း နှင့် ပြည်သူလူထုက ၄၅.၃၀ ရာခိုင်နှုန်း စသဖြင့် အသီးသီးကိုင်ဆောင်ထားကြောင်း DSE ၏ ထုတ်ပြန်ချက်များအရ သိရပါသည်။

Source: The Daily Star

DOCA(ရန်ကုန်)

          ယခုနှစ် ပထမလေးလအတွင်း အန်ကောရှေးဟောင်း သုတေသန ဥယျာဉ်သို့ နိုင်ငံခြားခရီးသွား ၄၇၄,၈၁၀ ခန့် လာရောက်လည်ပတ်ခဲ့ပြီး တစ်နှစ်ထက်တစ်နှစ် ၁၂.၆၈ ရာခိုင်နှုန်း တိုးလာကြောင်း Angkor Entrance Pass Sales ကြီးကြပ်မှု အစီရင်ခံစာတွင် ဖော်ပြထားသည်။ ဝင်ခွင့်လက်မှတ်ရောင်းချမှုမှ ဝင်ငွေ ကန်ဒေါ်လာ ၂၂.၂ သန်းရရှိခဲ့ပြီး တစ်နှစ်ထက်တစ်နှစ် ၁၁.၅ ရာခိုင်နှုန်းတိုးလာကြောင်း အစီရင်ခံစာတွင် ဖော်ပြထားသည်။ ဧပြီလတစ်လအတွင်း အန်ကောဝပ်သည် နိုင်ငံခြားခရီးသွား ၇၆,၂၇၉ ဦးကို လက်ခံရရှိခဲ့ပြီး ဝင်ငွေဒေါ်လာ ၃.၄၉ သန်း ရရှိခဲ့သည်။ ကျော်ကြားသော အန်ကောဝပ်ဘုရားကျောင်းတွင် နိုင်ငံခြားခရီးသွားဦးရေ တိုးလာခြင်းကြောင့် ကမ္ဘောဒီးယားနိုင်ငံ၏ခရီးသွားကဏ္ဍ ပြန်လည်ကောင်းမွန်လာကြောင်း နိုင်ငံခြားရေးဝန်ကြီးနှင့် ခရီးသွားလာရေးဝန်ကြီးဌာန ပြောရေးဆိုခွင့်ရှိသူ Hun Dany က ပြောကြားခဲ့သည်။ “နိုင်ငံခြားသား ခရီးသွားများတိုးပွားလာခြင်းသည် အလားအလာရှိသော ခရီးသွားလုပ်ငန်းကို မြှင့်တင်ရာတွင်အစိုးရနှင့် ပုဂ္ဂလိက ကဏ္ဍအကြားပူးပေါင်းဆောင်ရွက်မှု၏ ရလဒ်ကောင်းတစ်ခုပါပဲ” ဟု Dany က ဆိုသည်။ နိုင်ငံတကာ ခရီးသွားများအတွက် ခရီးစဉ်များ အဆင်ပြေချောမွေ့စေရန်အတွက် အစိုးရက အန်ကောဝပ် လက်မှတ်ရောင်းချရေးစနစ်နှင့် လက်မှတ်စစ်ဆေးရေးပြုပြင်ပြောင်းလဲမှုစနစ်ကို ၂၀၂၅ ခုနှစ်၊ ဇန်နဝါရီလတွင် စတင် ဆောင်ရွက်ခဲ့ပြီး ဝင်ခွင့်လက်မှတ်များဝယ်ယူရန် နိုင်ငံခြားခရီးသွားများနှင့် ခရီးသွားအေဂျင်စီ များကို ရွေးချယ်ခွင့်များပေးကာ ရှေးဟောင်းဘုရားကျောင်းများသို့ ခရီးသွားများလွယ်ကူစွာ သွားရောက်လည်ပတ်နိုင်စေခဲ့ကြောင်း Dany က ဆက်လက်ပြောကြားခဲ့သည်။ နိုင်ငံ၏ရေပန်း အစားဆုံး ခရီးသွားနေရာသည် ၂၀၂၄ ခုနှစ်တွင် နိုင်ငံတကာခရီးသွားများ စုစုပေါင်း ၁.၀၂ သန်း လာရောက်ခဲ့ပြီး လက်မှတ်ရောင်းချမှုမှ စုစုပေါင်းဝင်ငွေ ကန်ဒေါ်လာ ၄၇.၈ သန်း ရရှိခဲ့ကြောင်း နိုင်ငံပိုင် Angkor Enterprise မှ ထုတ်ပြန်ထားသည်။

Source: Khmer Times

DOCA(ရန်ကုန်)

          ကမ္ဘောဒီးယားနိုင်ငံ၊ ဝန်ကြီးချုပ် Hun Manet က ကမ္ဘောဒီးယားနိုင်ငံတစ်ဝန်း စီးပွားရေး တိုးတက်မှုကိုတွန်းအားပေးရန် ကမ္ဘောဒီးယား တော်ဝင်အစိုးရအတွက် အလုပ်အကိုင်ဖန်တီးရေး သည် ထိပ်တန်းဦးစားပေးဖြစ်ကြောင်း အတည်ပြုပြောကြားခဲ့သည်။ နိုင်ငံတော်၏ စီးပွားရေး အားကောင်းစေရေး အဓိကအချက်များဖြစ်သည့် လုပ်သားများနှင့် များပြားသောလူဦးရေ အတွက် ပိုမိုကောင်းမွန်သောလူမှုဖူလုံရေးနှင့် အလုပ်အကိုင် ဖန်တီးရေး၊ လစာများ တိုးမြှင့်ရေး နှင့် အလုပ်အကိုင်ဖန်တီးရေးတို့ကို ပံ့ပိုးပေးရန် အစိုးရကကတိပြုထားကြောင်း ဝန်ကြီးချုပ်က အလေးအနက်ပြောကြားခဲ့သည်။ ကမ္ဘောဒီးယားနိုင်ငံသားအားလုံးအတွက် သင့်တင့်သော အလုပ်အကိုင်များရရှိရေးနှင့် ရေရှည်ခံနိုင်ရည်ရှိသောစီးပွားရေးဖွံ့ဖြိုးတိုးတက်မှု ရရှိရန် တော်ဝင်အစိုးရ၏မျှော်မှန်းချက်ကို ၁-၅-၂၀၂၅ ရက်နေ့တွင် ၎င်း၏သဝဏ်လွှာ၌ ဖော်ပြထား သည်။ ဝန်ကြီးချုပ်၏ အဆိုအရ ကမ္ဘောဒီးယားတွင် ၂၀၂၅ ခုနှစ် ပထမသုံးလပတ်အထိ လုပ်ငန်းလည်ပတ်မှု လုပ်ငန်းပေါင်း ၄၅,၂၂၅ ခုရှိပြီး အလုပ်သမား ၁,၈၄၆,၈၃၇ ကို အလုပ်အကိုင်များ ပေးအပ်ထားခဲ့သည်။ ထို့အပြင် ကမ္ဘောဒီးယားဖွံ့ဖြိုးတိုးတက်ရေးကောင်စီ (CDC) သည် စုစုပေါင်းအရင်းအနှီးဒေါ်လာ ၂.၄ ဘီလီယံဖြင့် ရင်းနှီးမြှုပ်နှံမှုအသစ် ၁၇၂ ခုကို မှတ်ပုံတင်ထားပြီး အလုပ်အကိုင်သစ် ၁၂၀,၀၀၀ ခန့် ဖန်တီးနိုင်မည်ဟု မျှော်မှန်းထားသည်။ တစ်ချိန်တည်းတွင် အစိုးရက လုပ်ငန်းခွင်အခြေအနေများ၊ အလုပ်သမားအခွင့်အရေး၊ အလုပ် သမားသမဂ္ဂများ လွတ်လပ်စွာဖွဲ့စည်းခွင့်၊ လူမှုဖူလုံရေးနှင့် အခြားခံစားခွင့်များကို ကမ္ဘောဒီးယား အလုပ်သမားအားလုံးအတွက် ဆက်လက်မြှင့်တင်ပြီး အလုပ်သမား အငြင်းပွားမှုများကို ထိထိ ရောက်ရောက် တရားမျှတစွာ ဖြေရှင်းဆောင်ရွက်ပေးခဲ့သည်။

Source: Khmer Times

DOCA(ရန်ကုန်)

    ရရှားနိုင်ငံမှ ဓာတ်ငွေ့၊ လောင်စာဆီ နှင့် နျူကလီးယားစသည့် လောင်စာဆီတင်ပို့မှုများအား အဆုံးသတ်မည့် ဥရောပကော်မရှင်၏ စီမံကိန်းသည် Slovakia ၏ အကျိုးစီးပွားမဟုတ်သလို တစ်ခြားသော ဥရောပသမ္မဂ (EU) အဖွဲ့ဝင်များ၏ အကျိုးစီးပွား မဟုတ်ကြောင်း မေလ ၆ ရက်နေ့တွင် ထုတ်ပြန်သော Slovak စီးပွားဝန်ကြီးဌာနက ပြောကြားခဲ့ပါသည်။ ဝန်ကြီးဌာန၏ ထုတ်ပြန် ချက်များအရ Slovakia အနေဖြင့် အဆိုပါ စီမံကိန်းအား ထောက်ခံမည်မဟုတ်ကြောင်း သိရပါသည်။ ဥရောပကော်မရှင်သည် မေလ ၆ ရက်နေ့တွင် EU ၏ ရရှားနိုင်ငံအပေါ် မှီခိုမှုကို အဆုံးသတ်ရန်အတွက် လမ်းကြောင်းအသစ် စတင်ဖော်ထုတ်ခဲ့ပါသည်။ အဆိုပါ REPowerEU Roadmap သည် ရရှားနိုင်ငံမှ သဘာဝဓာတ်ငွေ့၊ လောင်စာဆီနှင့် နျူကလီးယား ကုန်ကြမ်းများအား ရပ်တန့်ရန်အတွက် အဖွဲ့ဝင် ၂၇ ဦးပါဝင်သောအဖွဲ့ဖြင့် စတင်လုပ်ဆောင်မည်ဖြစ်ကြောင်း ကော်မရှင်၏ဖော်ပြချက်အရ သိရပါသည်။ အဆိုပါ စီမံချက်တွင် EU သည် ၂၀၂၅ ခုနှစ် မကုန်ခင်တွင် ရရှားနိုင်ငံနှင့် စာချုပ်သစ်ချုပ်ဆိုခြင်းများကို ချက်ချင်းရပ်တန့်မည်ဖြစ်ကြောင်းနှင့် ရှိနေသောအားကစား စျေးကွက်များကို အဆုံးသတ်မည်ဖြစ်ကြောင်း ပါရှိပါသည်။ ကျန်ရှိနေသော ရရှားနိုင်ငံမှ သဘာဝဓာတ်ငွေ့တင်သွင်းမှုများကို ၂၀၂၇ ခုနှစ်အကုန်နောက်ဆုံးထား၍ ဖမ်းဆီး သွားမည် ဖြစ်ကြောင်း သိရပါသည်။ အဆိုပါ လုပ်ဆောင်မှုသည် ဥရောပတွင် စွမ်းအင်တန်ဖိုးအပေါ် ဆိုးကျိုးများ သက်ရောက်မည်ဖြစ်ကြောင်းနှင့် ဥရောပနိုင်ငံများ၏ လုပ်ငန်းပြိုင်ဆိုင်မှုများတွင် ဆိုးရွားမှုများ ရှိလာနိုင်ကြောင်း Slovak စီးပွားရေးဝန်ကြီးဌာန၏ ပြောကြားချက်အရ သိရပါသည်။ ကော်မရှင်၏ စီမံချက်သည် သင့်တော်သောအကျိုးကျေးဇူးများရရှိရန် ချင့်ချိန်ဆုံးဖြတ်မှု များ မပါရှိကြောင်းနှင့် စျေးနှုန်း၊ယှဥ်ပြိုင်မှုများ သို့မဟုတ် စွမ်းအင်လုံလောက်မှုများအပေါ် အကျိုးသက်ရောက်မှုများအတွက် လေ့လာစမ်းစစ်မှုများ မပါဝင်ကြောင်း ထပ်ပေါင်းပြောကြားခဲ့ပါသည်။ Slovak စီးပွားရေးဝန်ကြီးဌာန၏ ဒုတိယဝန်ကြီး Denisa Sakova က  ဝန်ကြီးဌာန အနေဖြင့် အဆိုပါ စီမံချက်အား သဘောတူမည်မဟုတ်ကြောင်းနှင့် ကော်မရှင်အပေါ် ရပ်တည်မည်မဟုတ်ကြောင်း ပြောကြားခဲ့ပါသည်။

Source: Xinhua

DOCA(ရန်ကုန်)