ပြည်ပကုန်သွယ်မှုသတင်းများ

     ဇန်နဝါရီလအတွင်း ဆန်တင်ပို့မှုမှာ ယခင်နှစ်ကာလတူထက် ၁၇.၅ရာခိုင်နှုန်းကျဆင်းခဲ့ ပြီး တန်ချိန် ၅၃၀,၂၈၇ သာ ရှိခဲ့ရာ ၂၀၂၆ ခုနှစ်၏ ပထမနှစ်ဝက်တွင် ဆန်တင်ပို့မှု ပမာဏ ဆက် လက် လျော့ကျသွားနိုင်ဖွယ်ရှိသည်ဟု ခန့်မှန်းထားကြောင်း ထိုင်းဆန်တင်ပို့သူများအသင်း၏ ထုတ်ပြန်ချက်အရ သိရသည်။

       ဆန်တင်ပို့မှုတန်ဖိုးမှာ ဘတ်ငွေအားဖြင့် ၃၀.၇ရာခိုင်နှုန်းကျဆင်းကာ ဘတ်ငွေ ၉.၇၁ ဘီလီယံသို့ရောက်ရှိခဲ့ပြီး အမေရိကန်ဒေါ်လာအားဖြင့် ၂၃.၉ရာခိုင်နှုန်းခန့် လျော့ကျသွားကြောင်း၊ စုစုပေါင်း တင်ပို့မှု၏ ၄၅ ရာခိုင်နှုန်းရှိသော ဆန်ဖြူတင်ပို့မှုမှာ ၁၄.၈ ရာခိုင်နှုန်း ကျဆင်းခဲ့ပြီး ထိုင်းဟုမ်းမာလီဆန်မှာ ၈.၄ရာခိုင်နှုန်းဖြင့် တန်ချိန် ၁၂၀,၉၁၃ သို့ ကျဆင်းခဲ့ကြောင်း၊ ပေါင်းဆန် တင်ပို့မှုမှာ ၂.၅ရာခိုင်နှုန်းဖြင့် တန်ချိန် ၇၂,၄၆၂ သို့ ကျဆင်းခဲ့ပြီး ရနံ့မွှေးသောဆန်မှာ ၃၁ ရာခိုင်နှုန်းဖြင့် တန်ချိန် ၂၉,၃၉၀ သို့ ကျဆင်းသွားခဲ့ကြောင်း၊ သို့သော် ဆန်အမျိုးအစား ၂ မျိုးမှာ တိုးတက်မှုရှိခဲ့ရာ ကောက်ညှင်းဆန်သည် ၁၃.၅ ရာခိုင်နှုန်းဖြင့် တန်ချိန် ၁၀,၄၂၁ သို့ ရောက်ရှိခဲ့ပြီး ထိုင်းဟုမ်းမာလီ ဆန်ကွဲမှာ ၄၂.၉ရာခိုင်နှုန်းဖြင့် တန်ချိန် ၂၀,၈၆၅ အထိတိုးမြင့်၍ တင်ပို့နိုင်ခဲ့ သည်။

      ထိုင်းနိုင်ငံသည် အီရတ်သို့ ဆန်တင်ပို့မှု ၂၀.၁ရာခိုင်နှုန်းနှင့်အမေရိကန်သို့ ဆန်တင်ပို့မှု ၃၄.၁ရာခိုင်နှုန်းဖြင့် အသီးသီး သိသိသာသာ လျော့ကျခဲ့သည်။ သို့သော် မလေးရှားနိုင်ငံသို့ ဆန် တင်ပို့မှုမှာမူ ၁၁၆ ရာခိုင်နှုန်း အထိ ထိုးတက်သွားခဲ့ပြီး ယင်းသို့မြင့်တက်လာခြင်းမှာ ပါကစ္စတန် နိုင်ငံမှ ဆန်တင်ပို့မှုများ ကြန့်ကြာနေခြင်းကြောင့် အစားထိုးရန် ထိုင်းဆန်ကို ဝယ်ယူခဲ့ခြင်း ကြောင့်ဖြစ်သည်။ ထို့အတူ တရုတ်နိုင်ငံသို့ ဆန်တင်ပို့မှ မှာလည်း ၈၄.၅ရာခိုင်နှုန်း မြင့်တက်လာ ခဲ့သည်။

      ကမ္ဘာ့ဈေးကွက်အတွင်း ပြိုင်ဆိုင်မှုများ ပြင်းထန်နေချိန်တွင် ငွေလဲလှယ်နှုန်းထားများ သည် ဆန်တင်ပို့မှုအပေါ် သိသာထင်ရှားသော သက်ရောက်မှုရှိနိုင်ကြောင်း၊ ဘတ်ငွေတန်ဖိုးသည် အမှန်တကယ်ရှိသင့်သည်ထက် ပိုမိုမြင့်တက်နေပြီး အခြားဆန်တင်ပို့သည့်နိုင်ငံများနှင့် နှိုင်းယှဉ်ပါ က ပိုမိုယှဉ်ပြိုင်နိုင်စွမ်းရှိသော ငွေလဲလှယ်နှုန်းတစ်ခုကို မြင်တွေ့လိုပါကြောင်းနှင့် တည်ငြိမ်မှုနှင့် ယှဉ်ပြိုင်နိုင်စွမ်းရှိစေရန် ငွေလဲလှယ်နှုန်းကို အာဏာပိုင်များက ကြီးကြပ်သင့်ပါကြောင်း၊ ဆန်တင် ပို့မှုအတွက် အသင့်တော်ဆုံးနှုန်းထားမှာ တစ်ဒေါ်လာလျှင် ၃၃ ဘတ်မှ ၃၄ ဘတ်ကြား ဖြစ်သင့် ကြောင်း ထိုင်းဆန်တင်ပို့သူများ အသင်း၏ ဥက္ကဋ္ဌဖြစ်သူ Charoen Laothammatas က ပြော ကြားခဲ့သည်။

      ယခုနှစ်တွင် ဆန်တင်ပို့မှု ပမာဏမှာ တန်ချိန် ၇.၀၃သန်းသာရှိမည်ဖြစ်ပြီး ယခင်နှစ် ကာလတူနှင့် နှိုင်းယှဉ်ပါက ၁၁ ရာခိုင်နှုန်း လျော့ကျသွားခြင်း ဖြစ်သည်။ ထို့အပြင် ဆန်တင်ပို့မှု တန်ဖိုးမှာလည်း ၁၂.၃ရာခိုင်နှုန်းသို့ ကျဆင်းကာ ဘတ်ငွေ ၁၃၀ ဘီလီယံသို့ ရောက်ရှိမည်ဟု ထိုင်း ဆန်တင်ပို့သူများအသင်းက ခန့်မှန်းထားသည်။

     ထိုင်းဆန်တင်ပို့သူများအသင်း၏ ဂုဏ်ထူးဆောင်ဥက္ကဋ္ဌ Chookiat Ophaswongse က ယခုနှစ်အတွင်း ဆန်တင်ပို့မှုအပေါ် လွှမ်းမိုးနေသည့် အချက်အလက်များစွာ ရှိနေကြောင်း၊ ယင်း တို့အနက် အဓိက ဆန်တင်ပို့သည့်နိုင်ငံများနှင့် တင်သွင်းသည့်နိုင်ငံများတွင် ဆန်ပိုလျှံနေမှုသည် လည်းကောင်း၊ အမေရိကန်၏ အကောက်ခွန်နှုန်းထားများသည်လည်းကောင်း၊ အဓိက ဆန်တင် သွင်းသည့် နိုင်ငံများဖြစ်သော အင်ဒိုနီးရှားနှင့် ဖိလစ်ပိုင်တို့တွင် စားနပ်ရိက္ခာ ဖူလုံမှုအတွက် နိုင်ငံ တွင်းထုတ်လုပ်နိုင်စွမ်း ပိုမိုမြင့်မားလာခြင်းတို့ပါဝင်ကြောင်း ဆိုသည်။

     အမေရိကန်၏ အကောက်ခွန်နှုန်းထားများသည် ထိုင်းနိုင်ငံမှ အမေရိကန်သို့ ဆန်တင်ပို့မှု အပါအဝင် နိုင်ငံတကာ ကုန်သွယ်မှုအပေါ် သက်ရောက်မှုရှိနေသော်လည်း ငွေလဲလှယ်နှုန်းသည် သာ အဓိက အကျဆုံးအချက်ဖြစ်ပြီး ထိုင်းဆန်၏ဈေးနှုန်းကို ပြိုင်ဘက်နိုင်ငံများထက် ပိုမိုမြင့်မား စေခြင်းဖြစ်သည်ဟု ၎င်းက ပြောကြားခဲ့သည်။ ဥပမာအားဖြင့် ယခုလတွင် ထိုင်းဟုမ်းမာလီဆန် သည် တစ်တန်လျှင် အမေရိကန်ဒေါ်လာ ၁,၁၀၀ ဈေးပေါက်နေပြီး ဗီယက်နမ်၏ ပရီမီယံ ရနံမွှေး ဆန်မှာ တစ်တန်လျှင် အမေရိကန်ဒေါ်လာ ၆၀၀ မှ ၈၀၀ ကြားသာရှိကာ ကမ္ဘောဒီးယား၏ Malys Angkor ရနံ့မွှေးဆန်မှာ တစ်တန်လျှင် အမေရိကန်ဒေါ်လာ ၈၃၀ ဈေးရှိနေကြောင်း သိရသည်။

      ထို့ပြင် အမေရိကန်ဈေးကွက်တွင် ဗီယက်နမ်ဆန်ကဲ့သို့သော လက်ရှိပြိုင်ဘက်များအပြင် ကမ္ဘောဒီးယား ရနံမွှေးဆန်သည်လည်း ထိုင်းဟုမ်းမာလီဆန်၏ ပြိုင်ဘက်သစ်အဖြစ် ယခုနှစ် အတွင်း ပေါ်ထွက်လာနိုင်ကြောင်း၊ ထိုင်းနိုင်ငံသည် ပုံမှန်အားဖြင့် အမေရိကန်နိုင်ငံသို့ နှစ်စဉ် ဆန်တန်ချိန် ၈၀၀,၀၀၀ ကျော် တင်ပို့လျက်ရှိပြီး ယင်းတို့အနက် တန်ချိန် ၆၀၀,၀၀၀ မှာ ထိုင်း ဟုမ်းမာလီဆန် ဖြစ်သည်။ ထိုင်းနိုင်ငံအနေဖြင့် ကမ္ဘာ့ဈေးကွက်တွင် ယှဉ်ပြိုင်နိုင်စွမ်းကို ဆက် လက်ထိန်းသိမ်းထား နိုင်ရန်အတွက် ဆန်အရည်အသွေးကို ကောင်းမွန်အောင် ထိန်းထားရုံတင် သာမက သင့်တင့်မျှတသော ဈေးနှုန်းများဖြင့်ပါ ရောင်းချနိုင်ရန် ကြိုးပမ်းရမည်ဖြစ်ကြောင်း Mr Chookiat က ပြောကြားခဲ့သည်။

      ထိုင်းနိုင်ငံသည် တရုတ်နိုင်ငံသို့ ဆန်တန်ချိန် ၅၀၀,၀၀၀ တင်ပို့ရန် အစိုးရအချင်းချင်း ချုပ်ဆိုထားသည့်စာချုပ်အရ ပထမဆုံးအသုတ်အဖြစ် ဆန်တန်ချိန် ၄၀,၀၀၀ ကို ယခုလကုန်တွင် စတင်ပေးပို့တော့ မည်ဖြစ်ပြီး ကျန်ရှိသော ပမာဏအားလုံးကို ယခုနှစ်ကုန်တွင် အပြီးသတ်ပေးပို့ သွားရန် မျှော်လင့်ထားကြောင်း ထိုင်းအစိုးရ၏ ထုတ်ပြန်ချက်အရ သိရသည်။

Source: Bangkok Post, 26 Feb 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

          ဇန်နဝါရီလတွင် ထိုင်းနိုင်ငံ၏ ဆန်တင်ပို့မှုမှာ တန်ချိန် ၅၃၀၂၈၇ တန်ဖြင့် ယခင်နှစ် တူညီသည့်ကာလနှင့်နှိုင်းယှဉ်ပါက ၁၇.၅ ရာခိုင်နှုန်းကျဆင်းခဲ့သည့်နောက်တွင် ၂၀၂၆ ခုနှစ် ပထမနှစ် ဝက်တွင်လည်း ကျဆင်းရန်ခန့်မှန်းရကြောင်း ထိုင်းဆန်တင်ပို့သူများအသင်း (Thai Rice Exporters Association) ၏အဆိုအရ သိရပါသည်။ တင်ပို့သည့်တန်ဖိုးသည် ဘတ် ၉.၇၁ ဘီလီ ယံသာ ရှိခဲ့ပြီး ၃၀.၇ ရာခိုင်နှုန်း ကျဆင်းခဲ့ကာ အမေရိကန်ဒေါ်လာဖြင့် တွက်ချက်ရာတွင် လည်း ၂၃.၉ ရာခိုင်နှုန်း လျော့နည်းခဲ့ကြောင်း သိရပါသည်။ ဆန်အမျိုးအစားအလိုက်ဆိုပါက စုစုပေါင်းတင်ပို့မှု၏ ၄၅ ရာခိုင်နှုန်း ပါဝင်သော White rice သည် ၁၄.၈ ရာခိုင်နှုန်း ကျဆင်းခဲ့ပြီး Thai hom mali ဆန် သည် ၈.၄ ရာခိုင်နှုန်း လျော့နည်းကာ တန်ချိန် ၁၂၀,၉၁၃ သို့ ကျဆင်း ခဲ့သည်။ Parboiled ဆန်သည် တန်ချိန် ၇၂,၄၆၂ ဖြင့် ၂.၅ ရာခိုင်နှုန်း ကျဆင်းခဲ့ပြီး Fragrant ဆန် သည် တန်ချိန် ၂၉,၃၉၀ ဖြင့် ၃၁ ရာခိုင်နှုန်း ကျဆင်းခဲ့ကြောင်း သိရပါသည်။ သို့သော် ဆန်အမျိုး အစားနှစ်မျိုးတွင် တိုးတက်မှုရရှိခဲ့ကြောင်း သိရပါသည်။ Glutinous ဆန် သည် တန်ချိန် ၁၀,၄၂၁ ဖြင့် ၁၃.၅ ရာခိုင်နှုန်း တိုးတက်ကာ Thai hom mali broken ဆန်သည် တန်ချိန် ၂၀,၈၆၅ ဖြင့် ၄၂.၉ ရာခိုင်နှုန်း တိုးတက်ခဲ့ကြောင်း သိရပါသည်။ နိုင်ငံအလိုက်ဆိုပါက အီရတ်နှင့် အမေရိကန်သို့ တင်ပို့မှုများသည် ၂၀.၁ ရာခိုင်နှုန်းနှင့် ၃၄.၁ ရာခိုင်နှုန်း အသီးသီး ကျဆင်းခဲ့ကြောင်း သိရပါသည်။ သို့သော် ပါကစ္စတန်မှ ပေးပို့မှုနှောင့်နှေးမှုများကို အစားထိုးရန် ထိုင်းဆန်ကို ရှာဖွေဝယ်ယူ လာသဖြင့် မလေးရှားသို့ တင်ပို့မှုသည် ၁၁၆ ရာခိုင်နှုန်း နှင့် တရုတ်သို့ တင်ပို့မှုသည် ၈၄.၅ ရာခိုင်နှုန်း တိုးတက်ခဲ့ကြောင်း သိရပါသည်။ အသင်းဥက္ကဋ္ဌ Charoen Laothammatas ကကမ္ဘာလုံးဆိုင်ရာ ယှဉ်ပြိုင်မှုပြင်းထန်လာသည့် အခြေအနေတွင် ငွေလဲလှယ်နှုန်းသည် ဆန်တင်ပို့မှုအပေါ် အရေးပါသော သက်ရောက်မှုရှိကြောင်း၊ ဘတ်ငွေတန်ဖိုး မြင့်မားလွန်းသည့်အတွက် အခြားဆန်တင်ပို့သည့်နိုင်ငံများနှင့်နှိုင်းယှဉ်ပါက ယှဉ်ပြိုင်နိုင်စွမ်းရှိသည့် ငွေလဲနှုန်းဖြစ်ရန် မျှော်လင့်ကြောင်း၊ အာဏာပိုင်များအနေဖြင့် တည်ငြိမ်မှုနှင့် ယှဉ်ပြိုင်နိုင်စွမ်းရှိစေရန် ငွေလဲနှုန်းကို ကြီးကြပ်သင့်ကြောင်းနှင့် အမေရိကန်ဒေါ်လာတစ်ဒေါ်လာလျှင် ဘတ် ၃၃ မှ ၃၄ ကြား ဖြစ်ပါက သင့်တော်မည်ဖြစ်ကြောင်းပြောကြားခဲ့ပါသည်။ အသင်းက ယခုနှစ်တွင် ဆန်တန်ချိန် ၇.၀၃ သန်း တင်ပို့ပြီး ယခင်နှစ်တူညီသည့်ကာလနှင့် နှိုင်းယှဉ်ပါက ၁၁ ရာခိုင်နှုန်းကျဆင်းကာ တင်ပို့မှုတန်ဖိုးသည်လည်း ဘတ် ၁၃၀ ဘီလီယံခန့် ဖြင့် ၁၂.၃ ရာခိုင်နှုန်းကျဆင်းမည်ဟု ခန့်မှန်းထားကြောင်း သိရပါသည်။ အသင်း၏ ဂုဏ်ထူးဆောင်ဥက္ကဋ္ဌ Chookiat Ophaswongse က ယခုနှစ် ဆန်တင်ပို့မှုအပေါ် အဓိက သက်ရောက်နေသည့် အချက်များတွင် အဓိကဆန်တင်ပို့တင်သွင်းသည့် နိုင်ငံများ၌ ဆန်ပမာဏများပြားနေခြင်း၊ အမေရိကန်အကောက် ခွန်ဆောင်ရွက်ချက်များနှင့် အင်ဒိုနီးရှား၊ ဖိလစ်ပိုင်တို့ကဲ့သို့ အဓိကဆန်တင်သွင်းသည့်နိုင်ငံများ၏ အစားအစာကိုယ်တိုင်ဖူလုံမှု မြင့်တက်လာခြင်းတို့ ပါဝင်ကြောင်း ပြောကြားခဲ့သည်။ အမေရိကန် အကောက်ခွန်များသည် နိုင်ငံတကာကုန်သွယ်ရေးအပေါ် သက်ရောက်မှုရှိသော်လည်း ငွေလဲနှုန်းသည် အရေးအကြီးဆုံးအချက်ဖြစ်ပြီး ၎င်းကြောင့် ထိုင်းဆန်သည် ပြိုင်ဘက်နိုင်ငံများနှင့် ယှဉ်လျှင် ဈေးနှုန်းမြင့်မားလာကြောင်း သိရပါသည်။ ဥပမာအားဖြင့် ယခုလတွင် ထိုင်း hom mali တန်ချိန်တစ်တန်ကို အမေရိ ကန်ဒေါ်လာ ၁,၁၀၀ ခန့်ဖြင့် ရောင်းချနေသော်လည်း ဗီယက်နမ်၏ အရည်အသွေးမြင့် အနံ့မွှေးဆန်မှာ တန်ချိန်လျှင် ဒေါ်လာ ၆၀၀ မှ ၈၀၀ ကြားသာ ရှိပြီး ကမ္ဘောဒီးယား၏ Malys Angkor အနံ့မွှေးဆန်မှာ တန်ချိန်လျှင် ဒေါ်လာ ၈၃၀ ခန့်ရှိသည်။ ကမ္ဘောဒီးယား အနံ့မွှေးဆန်သည် ယခု နှစ်တွင် အမေရိကန်ဈေးကွက်၌ ထိုင်း hom mali ဆန် အတွက် ပြိုင်ဘက် အသစ်တစ်ရပ်ဖြစ်လာနိုင်ပြီး ဗီယက်နမ်ဆန်ကဲ့သို့ ရှိနှင့်ပြီးသောပြိုင်ဘက်များလည်း ရှိနေဆဲဖြစ်ကြောင်း Chookiat ပြောကြားခဲ့သည်။ ထိုင်းနိုင်ငံသည် ပုံမှန်အားဖြင့် အမေ ရိကန်သို့ နှစ်စဉ် ဆန် တန်ချိန် ၈၀၀,၀၀၀ ကျော် တင်ပို့လေ့ရှိပြီး ထိုအထဲတွင် ထိုင်း hom mali ဆန်တန်ချိန် ၆၀၀,၀၀၀ ခန့် ပါဝင်ကြောင်း သိရပါသည်။ အစိုးရ၏ ကြေညာချက်အရ ထိုင်းနိုင်ငံသည် တရုတ်နှင့် government to government  သဘောတူထားသည့် ဆန် တန်ချိန် ၅၀၀,၀၀၀ ပို့ဆောင်ရေး စာချုပ်အောက်တွင် ပထမအသုတ် တန်ချိန် ၄၀,၀၀၀ ကို ဖေဖော်ဝါရီလကုန်ပိုင်းတွင် ပို့ဆောင်မည်ဖြစ်ပြီး ယခုနှစ် ကုန်ပိုင်းတွင် စုစုပေါင်း ပို့ဆောင်မှုများပြီးစီးမည်ဟု သိရပါသည်။

Bangkok Post                                                                           

DOCA (ရန်ကုန်)

            God of Wealth festival ကျရောက်သည့် ဖေဖော်ဝါရီလ ၂၇ ရက်နေ့ နံနက်ပိုင်းတွင် ဟိုချီမင်းမြို့ရှိ Xom Moi၊ Tan Dinh နှင့် Pham Van Hai စသည့် ရိုးရာဈေးများ၌ ပူဇော်ပွဲအတွက် လာရောက်ဝယ်ယူသူများဖြင့် အထူးစည်ကားလျက်ရှိသည်။

       ယခုနှစ်ပွဲတော်ကာလအတွင်း ကင်ပြီးသားငါးရံ့၊ ပုစွန်နှင့် ဂဏန်းဈေးနှုန်းများသည် ပုံမှန်ရက်များထက် ၃၀ ရာခိုင်နှုန်းမှ ၅၀ ရာခိုင်နှုန်းအထိ မြင့်တက်လာကြောင်း သိရသည်။

        စားသောက်ကုန်နှင့် ပန်းဈေးနှုန်းများ မြင့်တက်မှုမှာ Xom Moi ဈေးတွင် ကင်ပြီးသားငါးရံ့ တစ်ကီလိုဂရမ်လျှင် ဗီယက်နမ်ဒေါင် ၃၀၀,၀၀၀ ရှိပြီး ပုံမှန်ထက် ၅၀ ရာခိုင်နှုန်း မြင့်တက်ခဲ့သည်။ ရေချိုပုစွန်ထုပ်ကြီး: တစ်ကီလိုဂရမ်လျှင် ၅၀၀,၀၀၀ ဒေါင် (တစ်ကောင်လျှင် ၅၀,၀၀၀ ဒေါင်ခန့်)၊ ပင်လယ်ဂဏန်း: တစ်ကီလိုဂရမ်လျှင် ၅၅၀,၀၀၀ မှ ၆၅၀,၀၀၀ ဒေါင် ရှိပြီး ပုံမှန်ထက် ၃၀ ရာခိုင်နှုန်း မြင့်တက်ခဲ့သည်။ ဝက်ကင် တစ်ကီလိုဂရမ်လျှင် ၃၅၀,၀၀၀ မှ ၄၀၀,၀၀၀ ဒေါင် ရှိပြီး ယခင်နှစ်ကထက် ၃၀ ရာခိုင်နှုန်း မြင့်တက်ခဲ့သည်။ Marigold တစ်ပွင့်လျှင် ၁၅,၀၀၀ မှ ၂၀,၀၀၀ ဒေါင် အထိ ရောင်းချနေရပြီး ယခင်နှစ်ထက် ၂၀ ရာခိုင်နှုန်းခန့် ဈေးပိုများနေသည်။

        ဈေးသည်များ၏ တွက်ချက်မှုအရ ငါးရံ့ကင်၊ ဝက်ကင်၊ ပုစွန်၊ ဂဏန်းနှင့် ပန်းများပါဝင် သော ပူဇော်ပွဲဗန်းတစ်ခုလျှင် အနည်းဆုံး ၅၀၀,၀၀၀ မှ ၁,၀၀၀,၀၀၀ ဒေါင်အထိ ကုန်ကျနိုင်ပြီး ယခင်နှစ် ထက် ၁၅၀,၀၀၀ ဒေါင်ခန့် ပိုမိုကုန်ကျနေခြင်းဖြစ်သည်။

        Pham Van Hai ဈေးမှ ကုန်သည်များ၏ ပြောကြားချက်အရ ယခုနှစ်တွင် ပုစွန်နှင့် ဂဏန်း ဝင်ရောက်မှုသည် ယခင်နှစ်ထက် ၁၅ ရာခိုင်နှုန်းခန့် လျော့နည်းသွားကြောင်း သိရသည်။ Binh Dien လက်ကားဈေးရှိ အချက်အလက်များအရလည်း ငါးဝင်ရောက်မှုသည် ၂၀၂၅ ခုနှစ် အလားတူကာလထက် ၅ ရာခိုင်နှုန်းမှ ၁၅ ရာခိုင်နှုန်းအထိ လျော့ကျသွားခဲ့သည်။ အကောင် လိုက်ငါးရံ့ဈေးသည် အနည်းငယ်သာတက်သော်လည်း ကင်ပြီးသားငါးရံ့မှာမူ လုပ်အားခနှင့် အသားတင်အလေးချိန်လျော့နည်းမှုကြောင့် ဈေးနှုန်းသိသိသာသာ မြင့်တက်သွားခြင်းဖြစ်သည်။

           ဈေးနှုန်းများ မြင့်တက်နေသော်လည်း နှစ်ဆန်းပိုင်းတွင် ကံကောင်းခြင်းများရရှိရန် ပူဇော်ပွဲအတွက် ဝယ်ယူသူများပြားသဖြင့် ငါးကင်နှင့် ပင်လယ်စာဆိုင် အများအပြားသည် ပုံမှန်ထက်စောစီးစွာ ကုန်စင်သွားခဲ့သည်။ သို့သော်လည်း စားသုံးသူများသည် မိမိတို့၏ ဘတ်ဂျက်ပေါ်မူ တည်၍ လိုအပ်သလို လျှော့ချဝယ်ယူသည့် ပုံစံကို ကျင့်သုံးလာကြသည်။

          စားသောက်ကုန်ဈေးနှုန်းများ တက်နေသော်လည်း ယခုနှစ် ပွဲတော်နေ့တွင် ရွှေဈေးကွက်မှာ ယခင်နှစ်များကဲ့သို့ အလွန်အမင်း တက်ခြင်းမရှိဘဲ အနည်းငယ်ပြန်လည်ကျဆင်းနေကြောင်း တွေ့ရှိရပါသည်။

Source : VN Express                                                                           

DOCA (ရန်ကုန်)

        ဘရူနိုင်းစီးပွားရေးဖွံ့ဖြိုးတိုးတက်မှုဘုတ်အဖွဲ့ (BEDB) သည် ၂၀၂၆ ဘရူနိုင်း အသေးစား၊ အလတ်စားနှင့် အငယ်စားစီးပွားရေးလုပ်ငန်းများ (MSME) ပွဲတော်အား မြို့တော်အနီး၌ ဖေဖော်ဝါရီလ ၂၆ ရက်နေ့က စတင်ဖွင့်လှစ်ခဲ့သည်။ ဖေဖော်ဝါရိလ ၂၆ ရက်နေ့မှ မတ်လ ၁ ရက်နေ့အထိ ၄ ရက်ကြာ ကျင်းပမည့် ဤပွဲတော်တွင်ပြခန်းပေါင်း ၁၉၀ ကျော်၌ ဘရူနိုင်းစီးပွားရေးလုပ်ငန်းပေါင်း ၁၄၀ ကျော် ပါဝင်ပြသလျက်ရှိသည်။ ယင်းတို့တွင် စားသောက်ကုန်နှင့် အဖျော်ယမကာ၊ ဖက်ရှင်၊ တစ်ကိုယ်ရည်သုံးပစ္စည်း၊ အိမ်သုံးနှင့် လူနေမှုဘဝအတွက် အသုံးပြုသောပစ္စည်းများ၊ ဝန်ဆောင်မှုများနှင့် အသစ်ထွက်ပေါ်လာသော အမှတ်တံဆိပ်များနှင့် အဓိကလူသုံးကုန်တို့ပါဝင်ကြောင်း သိရသည်။ BEDB ၏ စီးပွားရေးလုပ်ငန်းဖွံ့ဖြိုးတိုးတက်မှုဆိုင်ရာ ညွှန်ကြားရေးမှူး Norlela Suhailee က ကြိုဆိုနှုတ်ခွန်းဆက်စကားပြောကြားရာတွင် ယခုပွဲတော်အား ရေတို စီးပွားဖြစ်လှုပ်ရှားမှု သို့မဟုတ် အရောင်းမြှင့်တင်ရေး သီးသန့်ပွဲတစ်ခုထက်ပိုမိုကျယ်ပြန့်သော ရည်ရွယ်ချက်ဖြင့် ဒီဇိုင်ထုတ်ထားကြောင်း အလေးပေးပြောကြားခဲ့သည်။ ဘရူနိုင်း MSME များ၏ ရေရှည်စွမ်းဆောင်ရည်ကို မြှင့်တင်‌ပေးရန်အတွက် မဟာဗျူဟာမြောက် ကြိုးပမ်းမှုတစ်ခုဖြစ်ကြောင်း၊ ယင်းမှတစ်ဆင့် လုပ်ငန်းရှင်များအနေဖြင့် တီထွင်ဆန်းသစ်နိုင်ရန်၊ ယှဉ်ပြိုင်နိုင်စွမ်း မြင့်မားလာစေရန်၊ မဟာဗျူဟာမြောက် မိတ်ဖက်များတည်ဆောက်နိုင်ရန်နှင့် ပိုမိုကျယ်ပြန့်သော စျေးကွက်များသို့ ဝင်ရောက်နိုင်ရန်ရည်ရွယ်ကြောင်း Norlela Suhailee က ပြောကြားခဲ့သည်။ ၂၀၁၉ ခုနှစ်တွင် စတင်ကျင်းပခဲ့သည့် အချိန်မှစ၍ ဘရူနိုင်း MSME ပွဲတော်သည် ပြခန်းပေါင်း ၈၀၀ ကျော်ကို လက်ခံကျင်းပခဲ့ပြီး ပြည်တွင်းပြည်ပမှ လာရောက်လေ့လာကြည့်ရှုသူ ၉၀၀၀၀ ကျော်ကို ဆွဲဆောင်နိုင်ခဲ့ကြောင်း သိရှိရပါသည်။

Source: Xinhua                                                                         

DOCA(ရန်ကုန်)

          ဘရာဇီးလ်နိုင်ငံသည် အပင်ပိုးမွှားကင်းစင်ရေးဆိုင်ရာ အန္တရာယ်များကြောင့် Ivory Coast နိုင်ငံမှ ကိုကိုးတင်သွင်းမှုကို ယာယီရပ်ဆိုင်းလိုက်ကြောင်း ဖေဖော်ဝါရီလ ၂၄ရက်နေ့တွင်  ထုတ်ပြန်ကြေညာခဲ့ကြောင်းသိရပါသည်။ ကမ္ဘာ့အကြီးဆုံး ကိုကိုးထုတ်လုပ်သည့်နိုင်ငံဖြစ်သော Ivory Coasr နိုင်ငံအတွင်းသို့ "အိမ်နီးချင်းနိုင်ငံများမှ ကိုကိုးစေ့များ အလုံးအရင်းနှင့် စီးဝင်နေခြင်း" နှင့် ဆက်စပ်သည့် အန္တရာယ်များကို ဘရာဇီးလ် စိုက်ပျိုးရေးဝန်ကြီးဌာနက ဖော်ပြခဲ့ကြောင်းသိရပါသည်။ ဝန်ကြီးဌာန၏ အဆိုအရ ထိုသို့စီးဝင်လာမှုများသည် ဘရာဇီးလ်နိုင်ငံသို့ ကုန်စည်တင်ပို့ရန် ခွင့်ပြုချက်မရှိသည့် အခြားနိုင်ငံများမှ ကိုကိုးများကို တင်ပို့ခြင်းမပြုမီ Ivory Coast နိုင်ငံထုတ်ကုန်များနှင့် ရောနှောသွားစေနိုင်သည်ဟု သိရပါသည်။ အိုင်ဗရီကို့စ်နိုင်ငံဘက်မှ အဆိုပါ အခြေအနေအပေါ် တရားဝင် တုံ့ပြန်ဖြေရှင်းပြီး ၎င်းတို့၏ တင်ပို့မှုများတွင် အိမ်နီးချင်းနိုင်ငံများမှ ထုတ်လုပ်သော ကိုကိုးများပါဝင်နေသည့် အန္တရာယ်မရှိကြောင်း အာမခံချက်ပေးနိုင်သည့်အချိန်အထိ ဘရာဇီးနိုင်ငံ၏ ဆိုင်းငံ့မှုသည် ဆက်လက်တည်ရှိနေမည်ဖြစ်ကြောင်း ဘရားဇီးနိုင်ငံမှ ထပ်ပေါင်းဖော်ပြခဲ့ကြောင်းသိရ့ပါသည်။ ၂၀၂၅ ခုနှစ်တွင် ဘရာဇီးလ်နိုင်ငံမှ တင်သွင်းခဲ့သည့် ကိုကိုးနှင့် ၎င်း၏ ဘေးထွက်ပစ္စည်း စုစုပေါင်း မက်ထရစ်တန်ချိန် ၁၁၂,၈၅၀တန် ၏ ၃၇ ရာခိုင်နှုန်းခန့်မှာ Ivory Coast နိုင်ငံမှဖြစ်ကြောင်း သိရှိရပါသည်။

Source: brecorder                                                                     

DOCA(ရန်ကုန်)