ပြည်ပကုန်သွယ်မှုသတင်းများ

       ကမ္ဘောဒီးယားဝန်ကြီးချုပ် Hun Manet က နိုင်ငံသည် တရုတ်နိုင်ငံ၏ ရင်းနှီးမြှုပ်နှံမှုများ ပိုမိုလိုအပ်ကြောင်းနှင့် ရင်းနှီးမြှုပ်နှံရန် အလားအလာရှိသော ဧရိယာများကို အသားပေးပြောကြားခဲ့ကြောင်းသိရပါသည်။ ဖနွမ်းပင်မြို့တွင် ၂၀-၈-၂၀၂၄ ရက်နေ့၌ ပြုလုပ်ခဲ့သည့် ကုမ္ပဏီ ၁၂ခုပါဝင်သည့် တရုတ်ကိုယ်စားလှယ်အဖွဲ့နှင့်အစည်းအဝေးတွင်  Hun Manet က တရုတ်ရင်းနှီးမြှုပ်နှံသူများ၏ စိတ်ဝင်စားမှုကိုကြိုဆိုခဲ့ကြောင်း ဝန်ကြီးချုပ်၏ ပြောခွင့်ရပုဂ္ဂိုလ်၏ ထုတ်ပြန်ချက်အရသိရပါသည်။ ဝန်ကြီးချုပ်က ကမ္ဘောဒီးယားသည် သန့်စင်သောစွမ်းအင်၊ သဘာဝပတ်ဝန်းကျင်ကာကွယ်ရေး၊ ကျန်းမာရေး၊ စိုက်ပျိုးမွေးမြူရေး၊ စက်မှုလုပ်ငန်း၊ ဘဏ္ဍာရေးနှင့် အခြားကဏ္ဍတို့တွင် ရင်းနှီးမြှုပ်နှံမှုဦးစားပေးရန် ပြောကြားခဲ့ပါသည်။ ထို့ပြင် ဝန်ကြီးချုပ်က တရုတ်ကိုယ်စားလှယ်အဖွဲ့ကို သက်ဆိုင်ရာဝန်ကြီးဌာနများ၊ အဖွဲ့အစည်းများ၊ အထူးသဖြင့် ကမ္ဘောဒီးယားဖွံ့ဖြိုးတိုးတက်ရေး ကောင်စီ(CDC)တို့နှင့် ကမ္ဘောဒီးယား၏ရင်းနှီးမြှုပ်နှံမှု အလားအလာပိုမိုနက်ရှိုင်းရန်အတွက် ဆွေးနွေးမှုများပြုလုပ်ရန် တိုက်တွန်းခဲ့ကြောင်းသိရပါသည်။ တရုတ်သည် ကမ္ဘောဒီးယား၏ အကြီးမားဆုံးရင်းနှီးမြှုပ်နှံသူနှင့် ကုန်သွယ်ရေးမိတ်ဖက် ဖြစ်ကြောင်းသိရပါသည်။ Cambodia 21^st Century Maritime Silk Road Research Centre ၏ညွှန်ကြားရေးမှူးဖြစ်သူ Neak Chandarith က တရုတ်ငွေကြေးထောက်ပံ့ထားသည် တရုတ်စီးပွားရေးလုပ်ငန်းများသည် ကမ္ဘောဒီးယားနိုင်ငံ၏ စီးပွားရေးကိုအရှိန်မြှင့်တင်ရန်ကူညီရာတွင် အရေးပါသောနေရာတွင်ရှိနေပြီး ပြည်သူများ၏အသက်မွေးမှုကို တိုးတက်စေကြောင်း ပြောကြားခဲ့ပါသည်။ Sihanoukville အထူးစီးပွားရေးဇုန်၊ ဟိုက်ဒရိုပါဝါစက်ရုံများ၊ Phnam Penh-  Sihanoukville အမြန်လမ်း၊ Siem Reap Angker နိုင်ငံတကာလေဆိပ်၊ လမ်းမများနှင့်  တံတားများ အစရှိသော BRI စီမံကိန်းအောက်ရှိ တရုတ်ရင်းနှီးမြှုပ်နှံထားသော အလွန်ကြီးမားသည့် စီမံကိန်းများသည် ကမ္ဘောဒီးယားစီးပွားရေးကိုပံ့ပိုးရာတွင် အလွန်အရေးပါသောနေရာတွင်ရှိနေကြောင်းသိရပါသည်။ Neak က BRI စီမံကိန်းများသည် နိုင်ငံ၏ရည်မှန်းချက်ပန်းတိုင်ဖြစ်သည့် ၂၀၃၀ပြည့်နှစ်တွင် အလယ်အလတ်အထက် ဝင်ငွေရှိသည့်နိုင်ငံနှင့် ၂၀၅၀ပြည့်နှစ်တွင် ဝင်ငွေမြင့်နိုင်ငံဖြစ်လာရန် ကူညီပေးနိုင်မည်ဟု ပြောကြားခဲ့ကြောင်းသိရပါသည်။

Source: Khmer Times

DOCA(ရန်ကုန်)

        ကမ္ဘောဒီးယားနိုင်ငံဝန်ကြီးချုပ် Hun Manet သည် ကမ္ဘောဒီးယားနိုင်ငံတွင် ရင်းနှီးမြှုပ်နှံရန် စိတ်ဝင်စားမှုကိုပြသခဲ့သည့် တရုတ်နိုင်ငံ Guangdong ပြည်နယ်၏မြို့တော် Shantou မှ တရုတ်ကုမ္ပဏီများကို ကြိုဆိုတွေ့ဆုံခဲ့ကြောင်း ဝန်ကြီးချုပ်၏ ပြောရေးဆိုခွင့်ရှိသူ၏ ထုတ်ပြန်ချက်အရသိရပါသည်။ တရုတ်ကွန်မြူပါတီ၏ Shantou မြို့တော်စည်ပင်သာယာရေးကော်မတီအတွင်းရေးမှူးဖြစ်သူ Wen Zhanbin ဦးဆောင်လာသည့် ကုမ္ပဏီ ၉ခုပါဝင်သည့် ကိုယ်စားလှယ်အဖွဲ့ကို Peace Palace တွင်တွေ့ဆုံခဲ့ပြိး Shantou မြို့တော်ကိုယ်စားလှယ်အဖွဲ့၏ အောင်မြင်မှုများကို အသိအမှတ်ပြုခဲ့ပြီး ကမ္ဘောဒီးယားနိုင်ငံတွင် အလားအလာရှိသောကဏ္ဍအစုံတွင် ရင်းနှီးမြှုပ်နှံရန် ၎င်းတို့၏စိတ်ဝင်စားမှုကို ကြိုဆိုခဲ့ကြောင်းသိရပါသည်။ Wen Zhanbin က Shantou မြို့တော်မှ တရုတ်ကုမ္ပဏီများသည် ကမ္ဘောဒီးယားတွင် ရင်းနှီးမြှုပ်နှံရန် စိတ်ဝင်စားနေကြောင်းနှင့် ယခုအလည်အပတ်ခရီးစဉ်သည် Shantou မြို့တော်နှင့် ကမ္ဘောဒီးယားနိုင်ငံအကြား ကုန်သွယ်ရေး၊ ရင်းနှီးမြှုပ်နှံမှုနှင့် ရိုးရာယဉ်ကျေးမှုဖလှယ်ခြင်း အစရှိသည့်နယ်ပယ်များတွင် ပူးပေါင်းဆောင်ရွက်မှုမြှင့်တင်ရန်ရည်ရွယ်ကြောင်း ပြောကြားခဲ့ပါသည်။ ထုတ်ပြန်ချက်၏အဆိုအရ တရုတ်ကိုယ်စားလှယ်အဖွဲ့သည် ကျန်းမာရေး၊ စိုက်ပျိုးမွေးမြူရေးနှင့်အနာဂတ်တွင် Shantou မှ ကမ္ဘောဒီးယားနိုင်ငံသို့ တိုက်ရိုက်လေကြောင်းလိုင်း ပြန်လည်ဖွင့်လှစ်မှုကာ ခရီးသွားကဏ္ဍ အစရှိသည့်နယ်ပယ်တို့တွင် ပူးပေါင်းဆောင်ရွက်မှုမြှင့်တင်ရန် ဆန္ဒရှိကြောင်းသိရှိရပါသည်။ Mr. Hun Manet သည် Shantou မြို့တော်မှ ရင်းနှီးမြှုပ်နှံသူများကို အလားအလာရှိသော ကဏ္ဍများတွင် အထူးသဖြင့် စိုက်ပျိုးမွေးမြူရေးနှင့်စက်မှုလုပ်ငန်းတို့တွင် ရင်းနှီးမြှုပ်နှံမှုတိုးချဲ့ရန်နှင့် အခွင့်အလမ်းများရှာဖွေရန် ကမ္ဘောဒီးယားတွင် သက်ဆိုင်ရာဝန်ကြီးဌာနများ၊ အဖွဲ့အစည်းများနှင့် ပုဂ္ဂလိကကဏ္ဍတို့နှင့် ဆွေးနွေးမှုများပြုလုပ်ရန် တောင်းဆိုခဲ့ကြောင်းသိရပါသည်။ လူမှုစီးပွားသုတေသနပညာရှင် Dr.Chey Tech က တရုတ်နိုင်ငံသည် ကမ္ဘောဒီးယားနိုင်ငံတွင် ရင်းနှီးမြှုပ်နှံမှုနှင့် ထပ်ပေါင်းရင်းနှီးမြှုပ်နှံမှုအများဆုံးပြုလုပ်သည့် နံပတ်(၁)နိုင်ငံဖြစ်ကြောင်းနှင့် ကမ္ဘောဒီးယားနိုင်ငံ၏ များစွာသောဖွံ့ဖြိုးတိုးတက်မှုများအတွက် ချေးငွေများနှင့် ဘဏ္ဍာရေး‌ထောက်ပံ့မှုမှုများပြုလုပ်ခဲ့ကြောင်းသိရပါသည်။ ၂၀၂၄ခုနှစ်၏ ပထမ ၇လတာကာလတွင် တရုတ်နိုင်ငံသည် အမေရိကန်နှင့်ဗီယက်နမ်ပြီးနောက် ကမ္ဘောဒီးယားထံမှ တတိယအကြီးမားဆုံးတင်သွင်းသူဖြစ်ကြောင်းသိရပါသည်။ ထို့ကြောင့် တရုတ်နိုင်ငံသည် ရင်းနှီးမြှုပ်နှံမှုတွင်သာမက ကမ္ဘောဒီးယားမှတင်ပို့သည့် ထုတ်ကုန်များကို နိုင်ငံတကာသို့ ဈေးကွက်တင်ရောင်းချခြင်းတွင်ပါ အလွန်အရေးကြီးသည့်နိုင်ငံအဖြစ် ရပ်တည်နေကြောင်းသိရပါသည်။ အကောက်ခွန်အထွေထွေဦးစီးဌာန၏ ထုတ်ပြန်ချက်အရ ယခုနှစ် ပထမနှစ်ဝက်တွင် နှစ်နိုင်ငံကြားကုန်သွယ်မှုပမာဏမှာ အမေရိကန်ဒေါ်လာ ၇.၃၁ဘီလီယံရှိပြီး လွန်ခဲ့သည့်နှစ်၏ တူညီသည့်ကာလထက် ၁၈.၈ရာခိုင်နှုန်းမြင့်တက်ခဲ့ကြောင်းသိရပါသည်။

Source: Khmer Times

DOCA(ရန်ကုန်)

        မလေးရှားနိုင်ငံသည် ၂၀၃၀ပြည့်နှစ်တွင် အစိမ်း‌ရောင်ရင်းနှီးမြှုပ်နှံမှုတန်ဖိုး ရင်းဂစ် ၃၀၀ဘီလီယံခန့်ကိုဆွဲဆောင်နိုင်ရန် ရည်မှန်းထားကြောင်း မလေးရှားနိုင်ငံရင်းနှီးမြှုပ်နှံမှု၊ ကုန်သွယ် ရေးနှင့် စက်မှုဝန်ကြီးဌာန(MITI)က ပြောကြားခဲ့ကြောင်းသိရပါသည်။ MITI ၏ ဝန်ကြီးဖြစ်သူ Tengku Datuk Seri Zafrul Abdul Aziz က မလေးရှားနိုင်ငံသည် ၂၀၁၇ခုနှစ်မှ ၂၀၂၃ခုနှစ် အတွင်း အဆိုပါကဏ္ဍ၌ ရင်းဂစ် ၄၀ဘီလီယံသာဆွဲဆောင်နိုင်ခဲ့ကြောင်း၊ နိုင်ငံ၏ တည်ငြိမ်သောအနာဂတ်အတွက် ရင်းနှီးမြှုပ်နှံမှုများလိုအပ်ကြောင်းနှင့် ၂၀၃၀ပြည့်နှစ်တွင် အစိမ်းရောင်ရင်းနှီး မြှုပ်နှံမှုတန်ဖိုး ရင်းဂစ် ၃၀၀ဘီလီယံရရှိရန် အ‌ရေးကြီးကြောင်းပြောကြားခဲ့ပါသည်။ မ‌လေးရှားနိုင်ငံ၏ အစိမ်းရောင်းရင်းနှီးမြှုပ်နှံမှုအများစုသည် ပြန်လည်သုံးစွဲနိုင်သောစွမ်းအင်(RE)နှင့် လျှပ်စစ်မော်တော်ယာဉ်(EV) ကဏ္ဍတို့ဖြစ်ကြောင်းသိရပါသည်။  RE သည် ၂၀၁၉ခုနှစ်အထိ အစိမ်းရောင်ရင်နှီးမြှုပ်နှံမှု၏ ၆၀ရာခိုင်နှုန်းခန့်ရှိပြီး EVs  မှာ ၂၀၂၀ပြည့်နှစ်မှ ၂၀၂၃ခုနှစ်အတွင်း ၅၈ရာခိုင်နှုန်းခန့်ပါဝင်ကြောင်းသိရပါသည်။ Zafrul ၏အဆိုအရ အဆိုပါရည်မှန်းချက်သည် မလေးရှားနိုင်ငံကို ၂၀၅၀ပြည့်နှစ်တွင် ကာဗွန်ထုတ်လွှင့်မှုသုညအထိ ရောက်ရှိစေရန်ဖြစ်ကြောင်း သိရှိရပါသည်။ Zafrul က မလေးရှားနိုင်ငံဘဏ္ဍာရေးဝန်ကြီးဌာနအနေဖြင့် MITI က ကမ်းလှမ်းထားသည့် ကုမ္ပဏီများအား အစိမ်းရောင်စွမ်းအင်ကူးပြောင်းရာတွင် ပံ့ပိုးပေးမည့် ၂၀၂၅ခုနှစ် အတွက် ဘတ်ဂျက်ကိုခွင့်ပြုပေးရန် မျှော်လင့်ကြောင်းပြောကြားခဲ့ပါသည်။ MITI သည် ပြည်တွင်းကုမ္ပဏီများနှင့် SME လုပ်ငန်းများသည် ကူးပြောင်းရေးလုပ်ငန်းစဉ်အတွက် အဆိုပါ မက်လုံးအားပေးမှုများမှတစ်ဆင့် အကျိုးကျေးဇူးရရှိရန် မျှော်လင့်လျက်ရှိကြောင်းသိရပါသည်။

Source: Vietnem Plus

DOCA(ရန်ကုန်)

       ကမ္ဘောဒီးယားနိုင်ငံ၏ ရင်းနှီးမြှုပ်နှံမှုအတွက်   အလားအလာရှိသောနယ်ပယ်များကို မီးမောင်းထိုးပြပြီး တရုတ်နိုင်ငံ၏ရင်းနှီးမြှုပ်နှံမှုများကို ပိုမိုလိုအပ်လျက်ရှိကြောင်း ဝန်ကြီးချုပ် ဟွန်မာနက် ကသြဂုတ်လ ၂၀ရက်နေ့တွင်ပြောကြားခဲ့သည်။

         ကုမ္ပဏီ ၁၂ခုပါဝင်သော တရုတ်စီးပွားရေးကိုယ်စားလှယ်အဖွဲ့နှင့် ဖနွမ်းပင်မြို့တွင် တွေ့ဆုံစဉ် မစ္စတာဟွန်မာနက်က တရုတ်ရင်းနှီးမြှုပ်နှံသူများ၏စိတ်ဝင်စားမှုကို ကြိုဆိုခဲ့ကြောင်း ဝန်ကြီးချုပ်၏ ပြောရေးဆိုခွင့်ရှိသူတစ်ဦး၏ သတင်းထုတ်ပြန်ချက်အရသိရသည်။

         ကမ္ဘောဒီးယားနိုင်ငံသည် သန့်ရှင်းသောစွမ်းအင်၊ သဘာဝပတ်ဝန်းကျင်ကာကွယ်ရေး၊ ကျန်းမာရေး၊ စိုက်ပျိုးရေး၊ စက်မှုလုပ်ငန်းနှင့်ဘဏ္ဏာရေးကဏ္ဍတို့တွင် ဦးစားပေးရင်းနှီးမြှုပ်မှုများပြုလုပ်ထားကြောင်း ၎င်းကပြောသည်။

        ကမ္ဘောဒီးယား၏ရင်းနှီးမြှုပ်နှံမှုအလားအလာများကို နက်ရှိုင်းစွာထိုးထွင်းသိမြင်နိုင်စေရန်၊ အထူးသဖြင့်ကမ္ဘောဒီးယားဖွံ့ဖြိုးတိုးတက်ရေးကောင်စီ (CDC) နှင့်သက်ဆိုင်ရာဝန်ကြီးဌာနများ၊ အဖွဲ့အစည်းများနှင့်ဆွေးနွေးရန် တရုတ်ကိုယ်စားလှယ်အဖွဲ့အားတိုက်တွန်းခဲ့သည်။

          တရုတ်နိုင်ငံသည် ကမ္ဘောဒီးယားနိုင်ငံ၏ အကြီးဆုံးရင်းနှီးမြှုပ်နှံသူနှင့် ကုန်သွယ်ဖက်နိုင်ငံဖြစ်သည်။

        ကမ္ဘောဒီးယား ၂၁ရာစုပငိလယ်ရေကြောင်းပိုးလမ်းမ သုတေသနစင်တာမှ ဒါရိုက်တာ Neak Chandarith က တရုတ်ရန်ပုံငွေဖြင့် လုပ်ငန်းများသည် ကမ္ဘောဒီးယားနိုင်ငံ၏စီးပွားရေးကိုမြှင့်တင်ရန်နှင့် ဒေသခံပြည်သူများ၏ အသက်မွေးဝမ်းကြောင်းမှုမြှင့်တင်ရာတွင် အရေးပါသောအခန်းကဏ္ဍမှပါဝင်ခဲ့ကြောင်းပြောကြားခဲ့သည်။

         Belt and Road Initiative (BRI) ကြီးမားသောတရုတ်ရင်းနှီးမြှုပ်နှံမှုပရောဂျက်များဖြစ်သည့် Sihanoukville အထူစီးပွားရေးဇုန်၊ ရေအားလျှပ်စစ်ဓာတ်အားပေးစက်ရုံ၊ Phnom Penh – Sihanoukville အမြန်လမ်း၊ Sien Reap Angkor အပြည်ပြည်ဆိုင်ရာလေဆိပ်၊ လမ်းများ၊ တံတားများကဲ့သို့သော နိုင်ငံတော်၏စီးပွားရေးကိုပံ့ပိုးရာတွင် အရေးပါသောအခန်းကဏ္ဍများမှ ပါဝင်သွားမည်ဖြစ်ကြောင်း ဆင်ဟွာသို့ပြောကြားခဲ့သည်။

       BRI ပရောဂျက်များသည် ၂၀၃၀ခုနှစ်တွင် ဝင်ငွေအလယ်အလတ်ရှိသော နိင်ငံဖြစ်လာရန်နှင့် ၂၀၅၀ခုနှစ်တွင် ဝင်ငွေမြင့်မားသောနိုင်ငံဖြစ်လာရန်ဟူသော ကမ္ဘောဒီးယားနိုင်ငံ၏ ရည်မှန်းချက်များကိုအကောင်အထည်ဖော်ရန် အကူအညီပေးနိုင်မည်ဖြစ်ကြောင်း ဝန်ကြီးချုပ် ဟွန်မာနက်ကပြောကြားခဲ့သည်။

Source: khmertimes

DOCA(ရန်ကုန်)

      ကုန်သွယ်ရေးနှင့်ရင်းနှီးမြှုပ်နှံမှုတို့တွင် ပူးပေါင်းဆောင်ရွက်ရန် ဗီယက်နမ်နှင့်တရုတ်အတွက် ကြီးမားသောအခန်းကဏ္ဍရှိနေသေးကြောင်း တရုတ်ကျွမ်းကျင်ပညာရှင်များပြောကြား ချက်အရသိရပါသည်။

         အာဆီယံ-တရုတ်စင်တာ၏ အတွင်းရေးမှူးချုပ်ဖြစ်သူ Shi Zhong Jun က လတ်တလောနှစ်များအတွင်း နှစ်နိုင်ငံခေါင်းဆောင်များ၏ ဗျူဟာမြောက် ညွှန်ကြားမှုများအောက်တွင် တရုတ်-ဗီယက်နမ် ဆက်ဆံရေးသည်  နယ်ပယ်အစုံတွင် လျင်မြန်စွာဖွံ့ဖြိုးတိုးတက်မှုများရရှိခဲ့ကြောင်းပြောကြားခဲ့ပါသည်၊ Shi က လတ်တလောနှစ်များအတွင်း နှစ်နိုင်ကြားပူးပေါင်းဆောင်ရွက်မှုသည် အရှိန်အဟုန်ဖြင့် ကျယ်ပြန့်စွာဖွံ့ဖြိုးတိုးတက်ခဲ့ကြောင်းနှင့် အထူးသဖြင့် စီးပွားရေးနှင့် ကုန်သွယ်ရေးနယ်ပယ်တွင် ဗီယက်နမ်သည် တရုတ်၏အာဆီယံနိုင်ငံများထဲတွင် အကြီးဆုံးကုန်သွယ်ရေးမိတ်ဖက်ဖြစ်ပြီး လတ်တလောတွင်လည်း များစွာသော တရုတ်လုပ်ငန်းရှင်များသည် ဗီယက်နမ်တွင် ရင်းနှီးမြှုပ်နှံရန် အစီအစဉ်များရှိကြောင်းပြောကြားခဲ့ပါသည်။နှစ်နိုင်ငံပြည်သူများကြားပညာရေး၊ လူငယ်နှင့်ခရီးသွားကဏ္ဍတို့တွင် အပြန်အလှန်နှီးနှောဖလှယ်ခြင်းတို့သည်လည်း အားကောင်းလာသည့် ဖွံ့ဖြိုးတိုးတက်မှုလမ်းကြောင်းပေါ်တွင် ရှိနေကြောင်းပြောကြားခဲ့ပါသည်။

      နှစ်ဖက်စလုံးသည် နယ်ပယ်အားလုံးတွင် ၎င်းတို့၏ပူးပေါင်းဆောင်ရွက်မှုများ ပိုမိုနက်ရှိုင်းရန်ရည်ရွယ်၍ နှစ်နိုင်ငံခေါင်းဆောင်များနှင့် အစိုးရအဖွဲ့များအကြား ရရှိခဲ့ပြီးဖြစ်သည့် သဘောတူညီချက်များအား ထိရောက်စွာအကောင်အထည်ဖော်လျက်ရှိကြောင်းသိရပါသည်။

     တရုတ်-အာဆီယံစီးပွားကောင်စီဥက္ကဋ္ဌနှင့် ဒေသတွင်းကျယ်ပြန့်သော စီးပွားရေးမိတ်ဖက် စက်မှုပူးပေါင်းဆောင်ရွက်ရေးကော်မတီ၏ဥက္ကဋ္ဌဖြစ်သူ Xu Ningning က နှစ်ဖက်အပြန်အလှန်ရင်းနှီးမြှုပ်နှံမှုနှင့် ကုန်သွယ်ရေးတို့ကိုမြှင့်တင်ရန် ကြီးမားသည့်အခန်းကဏ္ဍရှိနေသေးသည်ဟု ယုံကြည်ကြောင်းနှင့် တရုတ်စီးပွားရေးလုပ်ငန်းများသည် ဗီယက်နမ်၏စီးပွားရေးဖွံ့ဖြိုးတိုးတက်မှုနှင့် စီးပွားရေးအခွင့်အလမ်းသစ်များနှင့်ပတ်သက်၍ အလွန်အကောင်းမြင်လျက်ရှိကြောင်းပြောကြားခဲ့ပါသည်။ Xu သည် လတ်တလောတွင် တရုတ်စီးပွာရေးကိုယ်စားလှယ်အဖွဲ့ဝင် ၁၅၀ခန့်ကိုဦးဆောင်၍ ဗီယက်နမ်သို့ အလည်အပတ်ခရီးသွားရောက်ခဲ့ကြောင်းသိရပါသည်။ အဆိုပါခရီးစဉ်အတွင်း ဆွေးနွေးပြောဆိုရာတွင် နှစ်ဖက်စလုံးမှ စီးပွားရေးလုပ်ငန်းရှင်များသည် ပူးပေါင်းဆောင်ရွက်မှုကို ပိုမိုအားကောင်းရန်ဆန္ဒရှိကြောင်း ထုတ်ဖော်ပြောဆိုခဲ့သည်ဟုသိရပါသည်။

         တရုတ်နိုင်ငံသည် ဗီယက်နမ်၏အကြီးဆုံးကုန်သွယ်ရေးမိတ်ဖက်၊ အကြီးမားဆုံးတင်သွင်းရာဈေးကွက်နှင့် ဒုတိယအကြီးမားဆုံးတင်ပို့ရာဈေးကွက်ဖြစ်ကြောင်းသိရပါသည်။ နှစ်နိုင်ငံ အပြန်အလှန်ကုန်သွယ်မှုမှာ ၂၀၂၃ခုနှစ်တွင် အမေရိကန်ဒေါ်လာ ၁၇၁.၉ဘီလီယံရှိပြီး ၂၀၂၄၏ပထမ(၇) လတွင် အမေရိကန်ဒေါ်လာ ၁၁၂.၆ဘီလီယံရှိကြောင်းသိရပါသည်။

Source; vietnan

DOCA(ရန်ကုန်)