ပြည်ပကုန်သွယ်မှုသတင်းများ

        ဥရောပကော်မရှင်သည် စက်တင်လာလ ၃ ရက်နေ့တွင် ဥရောပသမဂ္ဂ၏ ကမ္ဘာလုံး ဆိုင်ရာ ကုန်သွယ်မှုကွန်ရက်ကို ချဲ့ထွင်ရန်ရည်ရွယ်ပြီး အတည်ပြုချက်ရရှိရန် အဓိက ကုန်သွယ်မှုသဘောတူညီချက်နှစ်ခုကို အဆိုပြုခဲ့ကြောင်း သိရသည်။ EU-Mercosur Partnership Agreement (EMPA) နှင့် EU-Mexico Modernized Global Agreement (MGA) တို့သည် ကုန်သွယ်မှုဆက်ဆံရေးကို ကွဲပြားစေရန်၊ အခွန်အခများ လျှော့ချရန်နှင့် ဥရောပစီးပွားရေး လုပ်ငန်းများအတွက် အခွင့်အလမ်းသစ်များ ဖန်တီးရန် ရည်ရွယ်ထားကြောင်း ကော်မရှင်က ထုတ်ပြန်ခဲ့သည်။ ကော်မရှင်၏ခန့်မှန်းချက်အရ EMPA သည် ဥရောပတစ်ဝှမ်းရှိ အလုပ်အကိုင်ပေါင်း ၄၄၀,၀၀၀ ကျော်ကို ပံ့ပိုးပေးသည့် ယူရို ၄၉ ဘီလီယံ (အမေရိကန်ဒေါ်လာ ၅၇ ဘီလီယံခန့်) အထိ Mercosur သို့ အီးယူနှစ်စဉ်တင်ပို့မှုကို တိုးမြှင့်နိုင်သည်။ အဆိုပါသဘော တူညီချက်တွင် ကားများ၊ စက်ယန္တရားများ၊ ဆေးဝါးများ၊ ဝိုင်၊ ချောကလက်နှင့် သံလွင်ဆီ အပါအဝင် အဓိကစက်မှုလုပ်ငန်းနှင့် စိုက်ပျိုးရေးထွက်ကုန်များအပေါ် အခွန်လျှော့ချမည်ဖြစ်သည်။ အဆိုပါ သဘောတူညီချက်များသည် အသက်မဝင်မီ ဥရောပပါလီမန်နှင့် EU အဖွဲ့ဝင်နိုင်ငံများ၏ အတည်ပြုချက် လိုအပ်သည်။ EU ကုန်သွယ်ရေး ကော်မရှင်နာ Maros Sefcovic က ကော်မရှင်သည် ယခုနှစ်ကုန်တွင် အတည်ပြုချက်လုပ်ငန်းစဉ်ကို အပြီးသတ်ရန် မျှော်လင့်ထားကြောင်း သတင်းစာရှင်းလင်းပွဲတွင် ပြောကြားခဲ့သည်။ Sefcovic က အဆိုပါသဘောတူညီချက်များသည် EU ကုမ္ပဏီများ၏ ယှဉ်ပြိုင်နိုင်စွမ်းကို မြှင့်တင်ပေးပြီး လက်တင်အမေရိကတွင် ပထမဆုံးသော အားသာချက်ကို ပေးဆောင်မည့် မဟာဗျူဟာမြောက် အုတ်မြစ်အဖြစ် ဖော်ပြခဲ့သည်။ Mercosur သဘောတူညီချက်သည် စိုက်ပျိုးရေး ရေရှည်တည်တံ့မှုကို ခြိမ်းခြောက်ပြီး EU ၏ အစိမ်းရောင်နှင့် အစားအစာ ဘေးကင်းရေးစံနှုန်းများကို ပျက်ပြားစေသည်ဟု ဥရောပလယ်သမားများထံမှ ပြင်းပြင်းထန်ထန် ဝေဖန်မှုများ ထွက်ပေါ်လာခဲ့သည်။ Farm Europe ဥက္ကဌ Yves Madre က သဘောတူညီချက်သည် အထူးသဖြင့် ၎င်း၏ စိုက်ပျိုးရေးကဏ္ဍတွင် မပြောင်းလဲဘဲ ဆက်လက်တည်ရှိနေသည်ဟု ဥရောပတောင်သူလယ်သမားသမဂ္ဂ COPA-COGECA က လယ်သမားများ၊ ကျေးလက်ဒေသခံများနှင့် စားသုံးသူများအတွက် စီးပွားရေးအရနှင့် နိုင်ငံရေးအရ ထိခိုက်စေသည်ဟု ပြောကြားခဲ့သည်။ လယ်သမားများသည် စာချုပ်ကို ဆန့်ကျင်ရန် မကြာသေးမီနှစ်များအတွင်း ဥရောပမြို့အများအပြားတွင် ဆန္ဒပြပွဲများ ပြုလုပ်ခဲ့ကြသည်။ စိုက်ပျိုးရေးနှင့် စားနပ်ရိက္ခာဆိုင်ရာ ဥရောပကော်မရှင်နာ Christophe Hansen က အဆိုပါ သဘောတူညီချက်သည် သွင်းကုန်များကို ကန့်သတ်ခြင်းနှင့် အရေးကြီးထုတ်ကုန်များအတွက် ခွဲတမ်းများကို နှစ်ပေါင်းများစွာ ဆိုင်းငံ့ထားခြင်းဖြင့် EU လယ်သမားများ၏ အကျိုးစီးပွားကို ကာကွယ်နိုင်မည်ဖြစ်ကြောင်း ပြောကြားခဲ့သည်ဟု သိရှိရပါသည်။

Source : Xinhua

DOCA(ရန်ကုန်) 

  ကမ္ဘောဒီးယားနိုင်ငံသည် ၂၀၂၆ ခုနှစ်အတွင်း နိုင်ငံ၏ စိုက်ပျိုးရေးလုပ်ငန်းများမှ သစ်သီးဝလံနှင့် ဟင်းသီးဟင်းရွက်များ တရုတ်ဈေးကွက်သို့ တင်ပို့ရောင်းချမှုမြှင့်တင်ရန် ဟီနန် အခြေစိုက် ကုမ္ပဏီနှစ်ခုနှင့် နားလည်မှုစာချွန်လွှာ (MoU) လက်မှတ်ရေးထိုးခဲ့သည်။ လက်မှတ် ရေးထိုးပွဲ အခမ်းအနားသို့ ကူးသန်းရောင်းဝယ်ရေးဝန်ကြီး Cham Nimul နှင့် Henan ပြည်နယ် ပြည်သူ့အစိုးရ ဒုတိယအုပ်ချုပ်ရေးမှူး Zheng Haiyang တို့ က ၉-၉-၂၀၂၅ ရက်နေ့တွင် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၌ ကျင်းပပြုလုပ်ခဲ့သည်။ အဆိုပါ အစည်းအဝေးသည် ကမ္ဘောဒီးယားနှင့်ဟီနန်ပြည်နယ်ကြား စီးပွားရေးနှင့်ကုန်သွယ်မှု ပူးပေါင်း ဆောင်ရွက်မှု အားကောင်းရန်နှင့်တိုးချဲ့ရန်ရည်ရွယ်ပြီး စိုက်ပျိုးရေးကဏ္ဍကို အထူးအလေးထား သည့် အစည်းအဝေးဖြစ်သည်။ ဝန်ကြီး Nimul မှ Zheng အား နွေးထွေးစွာ ကြိုဆိုခဲ့ပြီး ၎င်း၏ ဂါရဝပြု နှုတ်ဆက်မှုနှင့် ကုန်သွယ်ရေးနှင့် စီးပွားရေး နယ်ပယ်များတွင် ကမ္ဘောဒီးယား-တရုတ် ပူးပေါင်းဆောင်ရွက်မှုအတွက် အကျိုးဖြစ်ထွန်းသော ဆွေးနွေးမှုများ အတွက် ကျေးဇူးတင်ရှိ ကြောင်း ပြောကြားခဲ့ပြီး  ကမ္ဘောဒီးယား လယ်ယာထွက်ကုန်များ တရုတ်နိုင်ငံသို့ တင်ပို့မှု တိုးမြှင့်ရေး၏ အရေးကြီးပုံကို ရှင်းလင်းပြောကြားခဲ့သည်။  ဝန်ကြီး Nimul က ကမ္ဘောဒီးယား တွင် တရုတ်နိုင်ငံ၏ ရင်းနှီးမြှုပ်နှံမှုများနှင့် စီးပွားရေးလုပ်ငန်းများ တိုးချဲ့လုပ်ကိုင်ရန် တရုတ်ရင်းနှီးမြှုပ်နှံသူများကို အားပေးထောက်ခံကြောင်း၊  ခေတ်မီစိုက်ပျိုးရေး၊ စားသောက်ကုန် ထုတ်လုပ်ရေးလုပ်ငန်း၊ မော်တော်ယာဉ်ထုတ်လုပ်ခြင်း၊ လျှပ်စစ်ပစ္စည်းများနှင့် ဒစ်ဂျစ်တယ် နည်းပညာများအပါအဝင် တရုတ်နိုင်ငံ၏ ထုတ်လုပ်မှုကွင်းဆက်များတွင် ပေါင်းစည်းရန် အလားအလာမြင့်မားသည့် ကဏ္ဍများကို အလေးပေးပြောကြားခဲ့သည်။ ဒေသတွင်း ဘက်စုံစီးပွားရေး ပူးပေါင်းဆောင်ရွက်မှု (RCEP) နှင့် အာဆီယံ-တရုတ် လွတ်လပ်သော ကုန်သွယ်မှု သဘောတူညီချက်၏ အကျိုးကျေးဇူးများကို တိုးမြှင့်ပြီး ပူးပေါင်းဆောင်ရွက်မှုကို မြှင့်တင်ရန်နှင့် နားလည်မှု စာချွန်လွှာများ ထပ်မံရရှိရန် နှစ်နိုင်ငံစလုံး၏ ပုဂ္ဂလိကကဏ္ဍများကို ဝန်ကြီးက ဆက်လက်တိုက်တွန်းခဲ့သည်။ အခမ်းအနားအတွင်း ဝန်ကြီး Nimul သည် တရုတ်ဈေးကွက်တွင် ကမ္ဘောဒီးယား သစ်သီးဝလံနှင့်ဟင်းသီးဟင်းရွက်များ မြှင့်တင်ရန် ရည်ရွယ်သည့် Zhengzhou Chen's Sun Fruit and Vegetable Co., Ltd. နှင့် Nongde Agricultural Development Co., Ltd. တို့အကြား  နားလည်မှုစာချွန်လွှာ လက်မှတ်ရေးထိုးခြင်းကို ဂုဏ်ပြုစကားပြောကြားခဲ့သည်။

DOCA(ရန်ကုန်)

         ဘီလာရုစ်နိုင်ငံ၏ ရွှေနှင့် နိုင်ငံခြားငွေ အရန်ငွေများသည် ယခုနှစ် စက်တင်ဘာ ၁ ရက် အထိ အမေရိကန်ဒေါ်လာ ၁၂.၄၁ ဘီလီယံအထိ စံချိန်တင်ခဲ့ကြောင်း ဘီလာရုစ်နိုင်ငံ ဗဟို ဘဏ်၏ စက်တင်ဘာ ၃ ရက်နေ့ထုတ်ပြန်ချက်အရ သိရပါသည်။

          ဇူလိုင်လတွင် ဒေါ်လာ သန်း ၄၀၀ တိုးလာပြီးနောက် သြဂုတ်လတွင် ရွှေနှင့် နိုင်ငံခြားငွေ အရန်ငွေသည် ဒေါ်လာ ၄၇၁.၄ သန်း တိုးလာသည်။

         အရန်နိုင်ငံခြားငွေပမာဏသည် စက်တင်ဘာ ၁ ရက်နေ့အထိ ဒေါ်လာ ၅.၀၇ ဘီလီယံရှိပြီး တစ်လလျှင် ဒေါ်လာ ၂၅၁.၈ သန်း မြင့်တက်ခဲ့သည်။ ငွေကြေးရွှေပမာဏမှာ ဒေါ်လာ ၅.၉၄ ဘီလီယံရှိမည်ဟု ခန့်မှန်းထားပြီး ဒေါ်လာ ၂၂၅.၁ ​​သန်း တိုးလာခဲ့ကြောင်း သိရသည်။

           Belarusian အာဏာပိုင်များသည် နိုင်ငံ၏ နိုင်ငံတကာ ပိုင်ဆိုင်မှုသည် ၂၀၂၅ နှစ်ကုန်တွင် ဒေါ်လာ ၇.၁ ဘီလီယံထက် မနည်းရှိမည်ဟု ခန့်မှန်းထားကြောင်း သိရှိရပါသည်။

Source : Xinhua

DOCA(ရန်ကုန်) 

        သီရိလင်္ကာအစိုးရသည် ရေချိုလှောင်ကန်ပေါင်း ၂၅၀ တွင် အတားအဆီး ပိုက်ကွန်များတပ်ဆင်ရန် အဆိုပြုချက်ကို နှစ်နှစ်အတွင်း အတည်ပြုလိုက်ကြောင်း အစိုးရ ပြန်ကြားရေးဌာန၏ စက်တင်ဘာ ၄ ရက်နေ့ ထုတ်ပြန်ချက်အရသိရသည်။

         ရေများထုတ်လွှတ်သောအခါ နှစ်စဉ် ရေချိုလှောင်ကန်တစ်ခုလျှင် ငါးကီလို ၂၀,၀၀၀ မှ ၄၀,၀၀၀ ကြား မျောပါသွားကြောင်း ကြေညာချက်တွင် ဖော်ပြထားသည်။

        အကောင်းကြီးငါးများ အထူးသဖြင့် မျိုးပွားနိုင်စွမ်းရှိသည့် ငါးများဆုံးရှုံးခြင်းသည် အနာဂတ် ငါးသိုလှောင်မှုအား ဆိုးရွားစွာ လျော့နည်းသွားစေပြီး ရေချိုနှင့် ငါးပုစွန်မွေးမြူခြင်းသည် ကျေးလက်နေပြည်သူများအတွက် အာဟာရပြည့်ဝသော အစားအစာများ ပံ့ပိုးပေးရာတွင် အဓိက အခန်းကဏ္ဍမှ ပါဝင်ကြောင်း ၎င်းကဆိုသည်။

        တရားဝင်အချက်အလက်များအရ သီရိလင်္ကာတွင် ရေချိုငါးမျိုးစိတ်ပေါင်း ၉၅ မျိုးရှိပြီး ၎င်းတို့အနက် ၅၂ မျိုးသည် နိုင်ငံအတွက် အကျိုးပြုသောမျိုးစိတ်များဖြစ်ကြောင်း သိရှိရပါသည်။

Source : Xinhua

DOCA(ရန်ကုန်)                                                                             

          ဗီယက်နမ်နိုင်ငံသည် ပြိုင်ဆိုင်မှုနှင့် ပွင့်လင်းမြင်သာမှုကို မြှင့်တင်ရန်အတွက် ၎င်း၏ ဓာတ်အားကဏ္ဍကို ပြန်လည်ဖွဲ့စည်းလိုက်ခြင်းကြောင့် ဗီယက်နမ်စားသုံးသူများသည် ၎င်းတို့၏ လျှပ်စစ်လက်လီရောင်းချသူများကို မကြာမီ ရွေးချယ်နိုင်တော့မည်ဖြစ်ကြောင်း ပြည်တွင်းမီဒီယာ VNExpress ၏ ဖော်ပြချက်အရသိရပါသည်။ ပြုပြင်ပြောင်းလဲရေးသည် တိုက်ရိုက် ဓာတ်အားဝယ်ယူရေး သဘောတူညီချက်များကို အကောင်အထည်ဖော်ရန် ခွင့်ပြုထားပြီး လက်လီလုပ်ငန်းများကို လက်ရှိလက်ဝါးကြီးအုပ်ထားသည့် နိုင်ငံပိုင်လုပ်ငန်းဖြစ်သည့် ဗီယက်နမ်လျှပ်စစ်နှင့် ခွဲထုတ်ရန် ရည်မှန်းထားခြင်းဖြစ်သည်။

        ဗီယက်နမ်သည် လျှပ်စစ်ဓာတ်အား လုံလောက်မှုရရှိစေရန် နျူကလီးယားနှင့် ကမ်းလွန်လေအားလျှပ်စစ်စီမံကိန်းများကို အရှိန်မြှင့်နေစဉ် ၂၀၃၀ ခုနှစ်တွင် ၁၈၃ မှ ၂၃၆ gigawatts အထိ တပ်ဆင်ထားရှိနိုင်ရန် ရည်မှန်းထားကြောင်းသိရသည်။ ထို့အပြင် အာဏာပိုင်များသည် စွမ်းအင်သိုလှောင်မှုကိုမြှင့်တင်ကာ စျေးနှုန်းမူဝါဒများကို အဆင့်မြှင့်တင်ခြင်းဖြင့် အထူးသဖြင့် နျူကလီးယားနှင့် သန့်ရှင်းသော စွမ်းအင်ဆိုင်ရာ စွမ်းအင်ကျွမ်းကျင်သူ ၂၅၀၀၀ မှ ၃၅၀၀၀ တို့အား လေ့ကျင့်သင်ကြားမှုများ ပြုလုပ်ပေးသွားမည်ဖြစ်ကြောင်းလည်း သိရှိရပါသည်။

Source : Xinhua

DOCA(ရန်ကုန်)